12/01/2023
HOOO NICE2
MESA МОНГОЛ УЛСАД MAJOR-ИЙН АЗИЙН АВАРГЫГ ЗОХИОН БАЙГУУЛАХААР БОЛЛОО! 💥💥💥
BLAST.TV Paris Major - Asia RMR by MESA 🇲🇳🇲🇳🇲🇳
MESA 2023 оны Major-ийн буюу эхний дэлхийн аварга шалгаруулах тэмцээний ази тивийн аварга BLAST.tv Paris Major - Asia RMR-ийн албан ёсны зохион байгуулагчаар сонгогдож Монгол улсын Улаанбаатар хотноо зохиохоор төлөвлөж буйгаа бахархалтайгаар зарлаж байна.
Франц улсын ерөнхийлөгч Эммануэль Макрон өнгөрсөн оны 9-р сард BLAST.tv Major 2023 Парис хотноо болохыг зарласан билээ. Тэгвэл үүний үргэлжлэл болгон BLAST-ийн CEO Робби Дуэк Counter-Strike- тоглоомын ноён оргил болсон энэхүү тэмцээний 5-р сард Парис хүртэлх зам болох тивүүдийн аварга шалгаруулах тэмцээний байршлуудыг зарласан ба энэ удаагийн RMR тэмцээнүүд 4 жилийн дараа анх удаа тухайн тивдээ, тодруулбал 🇲🇳МОНГОЛ(MESA), 🇩🇰ДАНИ (BLAST), 🇲🇽МЕКСИК(Liga Ace) улсуудад зохион байгуулагдах болсныг бахархалтайгаар тунхаглаж байна хэмээн 2023 оны 1 сарын 11-ны өдөр Парис хотын бэлэг тэмдэг болсон Эйффэлийн цамхаг дээрээс дэлхий даяар мэдэгдлээ.
$1,250,000 шагналын сантай esport-ийн оргил тэмцээн болох BLAST.TV Paris Major-ийн үндсэн зохион байгуулагч BLAST нь өөрсдөө Европ тивийн аваргаа зохиох бол Америк болон Ази тивийн аваргын зохион байгуулагчдаар 2022 онд хамтран ажиллаж байсан туршлагатай MESA, Liga Ace нарыг сонголоо.
Монгол улсад 4-р сард зохиогдох тус тэмцээнд азийн топ 8 баг хүрэлцэн ирж оролцох ба тус 8 багийг 2 сард болох азийн 4 бүсийн онлайн сонгон шалгаруулалтаас тодруулах бол үлдсэн 4 багийг Ази тивийн чансаанд эзлэх байрыг нь харгалзан шууд урилгаар оролцуулах юм. Бүсийн сонгон шалгаруулалтад Дундад Ази, Хятад, далайн орнууд, үлдсэн Азийн орнуудын бүс (SEA, South Asia, East Asia) гэсэн 4 бүст хуваан өрсөлдүүлэх бөгөөд нийт азийн 48 улсын 500 гаруй баг, 1500 гаруй тамирчид өрсөлдөх тооцоотой байна.
Asia RMR энэ оны 4 сарын эхний өдрүүдэд Монгол улсын Улаанбаатар хотоос дэлхий нийтэд хүрэх ба олон улсын 27 орчим хэл дээр шууд дамжуулна гэсэн тооцоотой ажиллаж байна.
MESA 2022 онд BLAST-ийн BLAST Premier тэмцээний Ази тивийн тэмцээн MESA Nomadic Masters-ийг 7 хоногийн хугацаанд зохион байгуулж Steppe Arena-д болсон финалын өдөрт давтагдсан тоогоор 10,000+ хүн цугласан нь азийн цахим спортын хамгийн их биет үзэгчтэй арга хэмжээ болж тэмдэглэгдсэн билээ.
MESA-ийн зүгээс дэлхийн хэмжээний энэхүү түүхэн тэмцээнийг эх орондоо зохион байгуулахтай холбоотойгоор тус төсөл дээр хамтран ажиллах байгууллагуудын саналыг нээлттэй сонсож байгааг дуулгахад таатай байна.