HumanZ POST

Home
Mongolia
Ulaanbaatar
HumanZ POST

Contact information, map and directions, contact form, opening hours, services, ratings, photos, videos and announcements from HumanZ POST, Social Media Agency, Ulaanbaatar.

17/04/2024

Эрх ямбаа мэдэхээс үүргээ ухамсарлахгүй залуус бүр олширчихжээ. Бараг өдөр бүр “жирэмсэн эхнэрээ хуурсан, төрөнгүүт нь хаяад явсан, хүүхдээ тоодоггүй, хүүхэдтэйгээ уулзах нь битгий хэл ажиг сураг ч тавьдаггүй” гэсэн пост харагдах боллоо.

Үнэхээр өөрийгөө ч авч явж чадахгүй, үзэл бодол нь тогтоогүй, зугаа цэнгэлийг урьтал болгодог, наад захын гэр бүл гэх ойлголтгүй бол битгий “аав” бол л доо. Нийгэмд өчнөөн “хагас өнчин” хүүхэд өсөж байна штээ. Увайгүй, хүн чанаргүй, хариуцлагагүй залуусаас болж.

Зүгээр эрт хүнтэй суу, хүүхэдтэй бол, ач гуч төрүүлж өг гэж битгий нэх. Тэрний оронд “тогтвортой, эрүүл гэр бүл” байх тал дээр л анхаар.

Нэг л их эрх чөлөө ханхлуулсан, хүний үнэргүй залуус!😤

М.Үйлсдэлгэр

16/04/2024

Ажил руу явах замд нэг ийм цэвэрхэн орчинтой байр байдаг юм. Хажуугаар нь явах бүрд үргэлж цэвэр цэмцгэр, сайхан мэдрэмж авдаг. Энэ байрыг цэвэрлэж байгаа хүнээс гадна оршин суугчид нь хүртэл сэтгэлээрээ ханддаг нь мэдрэгддэг.

Ер нь бид оршин буй газар, амьдрах орчноо цэвэр цэмцгэр байлгахыг хэн нэгнээс л хамааралтай байх юм шиг санадаг ч хүн нэг бүрийн үйлдлээс шалтгаална гэдгийг ухамсарлаасай гэж хүсдэг дээ.✨

М.Үйлсдэлгэр

09/04/2024

Чингисийн талбайгаар өнгөрч явахдаа зорин зорин зургаа авхуулав. Нэг тийм ойр дотно, өөриймсөг мэдрэмж авлаа. Интернет, гар утас хөгжөөгүй цагт олон нандин дурсамжийг дэргэдээс нь харсан байх даа, энэ талбай. Зургийн цомгийг тань чимнэ шүү, та бүхэн ч гэсэн авхуулаарай.

🇲🇳❤️

04/04/2024

Бодлого: Манай ажил дээр “ГАР БАРИЛДААН” болов. Уралдаанд Бааска, Соко, Око, Буржак, Дээгий, Үйлсээ өрсөлдсөн бол эхний гурван байрыг ол?🤣

18/03/2024

Нэр гэснээс, манай ах эгч нарын үед хүү гарвал “Бандиа”, охин гарвал “Охиноо” гээд л дуудчихдаг байж дээ. Бараг хүн бүрд ингэж дууддаг танил байгаа гэдэгт итгэлтэй байна.😜

12/03/2024

Энэ Бааскааг дээ! Хүн хэлсээр байтал …. 🥲

Одоо дахиад л хавар руу чихэхээс ...

12/03/2024

Эхний зураг шиг л харагдана гэж бодсон. 🥲
Хавар үсээрээ хамаагүй битгий оролдоорой.

08/03/2024

Манай байгууллагад биднийг баярлуулах эрэгтэй хүн байхгүй болохоор бид хэд өдөр болгоныг "март" болгочихдог.

Күнз Ааскаа! 🤭

29/02/2024

Чат ирэв. Сандраад л харахаар Око.

Гэхдээ зөвхөн өөртөө хэрэгтэй юмаа над руу явуулж хадгалж байдаг даа. 🥲

27/02/2024

Хоёр ихэртэй хамт байж байтал ихрүүд хоорондоо хэн нь хөөрхөн бэ гэж хэрэлдвэл Батад өгсөн алимны хурдыг ол? 😂

Око, Соко хоёр дандаа л нэг иймэрхүү юм ажлыхнаасаа, найзуудаасаа асууж хэрэлддэг юм. Батын алимны хурдыг олчихсон нь амархан байгаа биз дээ?

25/02/2024

Яг одоо маргааш өмсөх хувцас, авч явах зүйлсээ бэлдээрэй. Бас хийх ажлуудаа тэмдэглээд, эрт унтаарай. Ер нь бүх зүйлсээ бэлдэж тавиад унтчихвал нэг дэх өдрийн өглөө тийм ч муухай биш юм. Заа, шинэ долоо хоногт нь амжилт!✨

М.Үйлсдэлгэр

24/02/2024

Манай ажлынхан орой заал авна. Ажлын групп чат:

Соко: Цус үзье
Бааска: Чадахгүйг нь сагсны шийдэнд хүлээд үлдээнэ шүү.
Око: Заалны хувцас биш. Цанын шил, цасны өмд байна болох юм уу?
Дээгиймаа: Өөдрөг амьдарна аа. Би өөрийнхөөрөө. Дуулахгүй унш. Сүнсээрээ та нартай хамт шүү.
Үйлсээ: Ёооооо, хахахахаха татлаа татлаа
Янжка: Гайхаад байна уу? Гайхахгүй болтол нь …
Бааска: Зааланд өмсөх хувцас алга. Пабд өмсөх хувцас л байна. Тарпизан хар өмд?
Око: Нэг оймс өгчихвөл яг заал авлаа.
Үйлсээ: Зааланд даалуудахгүй шүү!
Буржак: юу вэ, юу вэ?
Янжка: Би 5 номер шүү.
Нэг иймэрхүү л хонь хурга нийлсэн юм шиг үнэн төрхтэй хүмүүс байдаг даа. 😂

23/02/2024

Гоймон, догбуги идэж байв;
Дээгий: Өө яанаа зайдсаа газарт унагаачихлаа
Бааскаа: Өө зүгээр2, эгч нь өлсөхөөрөө аваад идчихье
Үйлсээ: Халуун ногоотой гоймондоо хахаж, нармаа нь шархирлаа. ТӨГСӨВ🙄

21/02/2024

Ажлын групп чат ажил тарснаас хойш байнга л актив. Нэгнээсээ харин уйдна, залхана гэж байхгүй дээ. Ийм хоол идлээ, ингэлээ тэглээ. Энийг хар даа ийм ч зураг, тийм ч бичлэг. Баахан “хахаха” гэсэн савж унасан охидууд.
Амралтын өдөр Око, Бааска хоёр бүр бид нарыг юу хийж байгаа бол доо гэж тусгайлан боддог гэсэн. 😂

20/02/2024

Эмэгтэйчүүд хоорондоо зодолдох яав ч хэвийн үйл явдал биш. Яаж ч бодсон ихэнх мэдрэмжийг ижил авдаг хүмүүс нэгнээ бие, сэтгэлээр өвтгөхийг зөвшөөрч болохгүй. Мал адгуус бус ухамсарт оюун ухаантай хүн шүү дээ, бид. Яах вэ. Хорвоо дээр жигшим, нүд халтирам, хоолой зурам, гомдолтой бараан зүйлс олон бий. Эргэн тойронд, их ойрхон, яг дэргэд өрнөх нь ч бий. Буруу үлгэр дуурайллыг бид хаанаас ч авсан чадна. Гэлээ гээд би ийм орчинд өссөн, гэр бүл ийм болохоор би үүнийг хийх нь аргагүй, хэн ч надад туслаж чадахгүй, та нар миний зовлонг мэдэхгүй зэргээр хаацайлж өөрийгөө битгий эвдлээрэй. Битгий өөрийгөө бурууд хурцлаарай. Чи ууртай, хүчтэй бяртай байж болно. Гэлээ гээд тайвшрах арга чинь ижилхэн эмэгтэй хүнээ зодох, тамлах байж таарахгүй. Охид минь. Их олон сайхан зүйл хүлээж буй амьдралдаа "онигоотой" дурсамж битгий үлдээгээрэй. Амаараа хайрын дуу аялж, гараараа цэцгийн баглаа өргөх гэж ирснээ битгий мартаарай. Юун зодоон нүдээн ...

М.Баасандэлгэр

05/02/2024

Хорвоо дээр охидыг хоёр л ангилна. 😅

Уг нь хоёулаа л адилхан нислэгээ хүлээж суугаа юм.

30/01/2024

Саяхан өсвөр насны 2 хүүхэд тутмын 1 нь өөрийнх нь асуудал, санаа зовнилыг эцэг эх, асран хамгаалагч нь огт ойлгодоггүй гэсэн судалгааны дүн гарчээ.

Ер нь гэр бүлийн хүмүүстэйгээ нээлттэй ярилцаж чадахгүй, ярилцсан ч ойлголцохгүй байх өөрөө их хэцүү. Томчууд бүгд хүүхэд насыг тойрч биш дайрч гарсан. Харин хүүхдүүд том хүн байж үзээгүй шүү дээ. Ядаж ингэж бодоод ч болов тэднийг ойлгодоггүй юмаа гэхэд ойлгохыг хичээдэг баймаар байна аа.

“Өсвөр нас” гэдэг өөрөө дэгэн догонтой, тийм гэхийн аргагүй үе. Энэ үед нь зөв чиглүүлээд, хамт хичээхгүй бол насанд хүрсэн хойноо илрэх зүйлс нь сөрөг байдаг гэнэ. Тиймээс зүгээр л тэднийг шүүмжлэхээсээ өмнө ойлгож, үзэл бодлоо илэрхийлэх эрх чөлөөг нь олгож, хүсэл зоригийг нь дэмжээрэй.🫂

М.Үйлсдэлгэр

28/01/2024

Ангийн мөнгө хураах бас л чанга ажил шүү тэ? Хурааж эхлэв үү үгүй юу өгдөг хэд байхад цаг нь тулчхаад байхад өгөхгүй гүрийх нь ч байна. Жаахан дундаа орсон найзууд зээлчих гэж шална. Нэг хэсэг нь хурааж байгаа хүн нь авах гэж байгаа аятай аашилна. За бүр ширүүд нь гэрийнхнээсээ мөнгөө авчхаад хувьдаа наргичихсан байдаг даа. Чирэгдэлгүй өгдөг хэд ч байна. Та нар аль нь байв? Ер нь мөнгө хураадаг нэгнээ хайрлаж яваарай.😂

М.Үйлсдэлгэр

20/01/2024

“Өгөх” гэдэг зөвхөн эд юмс, мөнгө, бэлэг сэлт тараах биш юм. Сайхан үг хэлэх, хайрлах, мэддэгээ хуваалцах, туслах сэтгэл, ач тусыг нь санах хүртэл орно. “ӨГЛӨГЧ ХҮН” байцгаая бүгдээрээ.🫰

М.Үйлсдэлгэр

17/01/2024

Өглөөгүүр ажил дээр ирчихээд гар аргаар хийсэн подонон буйдан дээрээ жаал суув аа. Дээгий, Үйлсээ хоёр бичлэг л аваад байгаа болтой. Чагнаад л, яах нь уу гээд нүдээ гүйлгээд л .. Үйлсээг уйлуулах хэсэг авах гэнэ. Өнөөх нь жүжиглэхээр Дээгий нь арай худ аа. Жо үнэмшилтэй л дээ чи. За болиод өгөөрэй энэ тэр гээд л голонгуй хэд хэд явав. Тэгснээ хэсэг чимээгүй болчихлоо. Яав энэ хоёр гээд өндийсөн чинь Үйлсээгийнхээ нүдэнд гавар түрхэж байна шд. Өнөөх нь сэрвэгнээд нулимс урсана л биз дээ. Дээгий нь яг яг, одоо яг гал гэж ирээд л олзуурхаж гарав. Нүднээс нь гурав дөрвөн нулимс зэрэг урсаад л кино кино. Жүжигчин биш. Нэг нь сэтгүүлч, нөгөө нь инженерээр төгссөн 2000 оны хоёр контентоо бол дөнгөчихөөд л байгаа юм. 2023 онд шилдэг ажилтан болсон, хоёулаа. Чөмгөө дундартал зүтгэлээ гэх бус. Илүү ихийг хийх цаг чинь ирлээ гэсэн утгатай шагнал л даа. Вьетнам явах эрхээр урамшуулсан. Маргааш ниснэ. Хөөрхөн хоёр юм хэлхэлдээд нүд тайлж, чихээ онгойлгог. Оффис хэсэгтээ л чимээгүй, дуу бүжиггүй байх нь. Энэ муу хоёр чинь бид хэдийг Оогоо гуай, Соогоо гуай, Буржгар гуай, Янжин гуай, Баасан гуай гэж ирээд л их өднө. Ам хуурайгүй элдэв юм донгосно. Хааяа бүр "та хоёр чимээгүй бай!" гээд ч дуугүй болдоггүй гээд бод. Инээд хөөрөөр цэнэглэж өгдөг хоёр минь сайн яваад ирээрэй. Дэлхий өмнө чинь байна. Ирээдүйд учрах урт аяллын эхлэл байг! 🫶🏻

15/01/2024

Бааскаа эгч краш чинь ирж байна. Болж өгвөл өөрийнхөөрөө байгаарай гэх үед Үйлсээг:

10/01/2024

Өөртөө нэг өмд үзээд ирье гээд гарсан юм, Соко. Надад нэг пудволк харчихаарай гэж захилаа. Удалгүй орж ирээд тортой юмнууд сажигнуулаад эхэллээ. Тэгснээ, май энэ цагаан цамцыг өмсөөд үз дээ. Чамд авсан юм. Таарах нь уу. Гадуур нь заавал пиджак өмсөнө гэхгүй амар. Багадвал М-ээр солиод ирье. Мөнгийг нь чамаас авахгүй ээ. Ордон орох нэг ээлжиндээ өмсөөрэй гэв. Нэг тийм ичингүйрсэн мэдрэмж аваад, энэ цамцыг харахаар хөөрөөд болдоггүй ээ. Арав гаруй жил хамт байхаар найзын хайр гэр бүлийн дайтай "том" болдог ажээ. Нэгэндээ өгөх тусмаа сэтгэл дүүрдэг болж дээ, бид хэд. Бушуухан маргааш болоосой. Гангарч аваад хамгийн сайнаараа ажлаа тултал хиймээр байна. ❤️

09/01/2024

Танай оффис дан эмэгтэйчүүд. Хоорондоо хэрэлдэж, хов жив тарахгүй юу гэж их асуудаг аа. Нийлээд элдэв балай юм ярьж инээж хөхрөх тал бол бий. Жастин, Селена хоёрын яасан ийсэн бол арга буюу сонин болохоор нийлж ярина аа. Инста ухна аа, сонин сайхнаа хуваалцана аа. Бусдын л адил. Харин нэгнийгээ сугалж аваад араар нь муу хэлж, сэтгэл санаанд нь хор хийж явсан удаа бол байхгүй бололтой. Бусад хүнийг ч гомдоож байгаагүй. Анх байсан хэдэн эмэгтэй яг тэр чигтээ яваад л байгаа биз дээ. Хүн хоорондын харилцаа шүү дээ. Заавал муулахаа болиорой, ингээрэй тэгээрэй, энэ буруу шүү гэж хүчээр зохицуулагдахгүй. Нэгнийгээ ойлгоод, сонсох үедээ сонсоод, чимээгүй байх үедээ хэлээ залгиад, хэлэх үедээ эгзэгийг нь тааруулаад л хэлнэ. Хүлээж авна, ойлголцоно. Хэцүү биш. Яг надтай адилхан хүн. Зовно, шанална, айна, ганцаардана. Дэм, хань, тус болъё гэдэг сэтгэлээр хандвал жижиг сажиг ам хамраас болсон асуудал гарахгүй ээ. Өчигдөр манай хийсэн контентыг үзээрэй. Хэдүүлээ амаа захирч чадахгүй явсаар улам уруудахвий. Дэмий чалчих, хов ярих, чанга дуугаар ярих, худал хэлэх чинь амаар үйлдэх дөрвөн нүгэл юм гэнэ лээ шүү.

М.Баасандэлгэр

05/01/2024

Хүн нэгэндээ итгээд өөрт нь зовлонтой байгаа, хэцүү зүйлсээ хуваалцхаар “наадах чинь юу ч биш, би бүр ингэж байсан, тэр байтугай л юм болдог” гэх мэтээр хүний зовлонг хүртэл дугаарлах юм. Заавал тартагтаа тулсан, данс нь хоосон, хүнд өвдсөн байж л зовдог юм биш шдээ. Зүгээр л өнөөдөр танд зовлон биш мэт зүйл өөр хүнд зовлон байж болно оо гэдгийг хүлээн зөвшөөрөөд нэгнийхээ “хүнд сонсгох хэрэгцээг” нь хангая аа…🫂

М. Үйлсдэлгэр

04/01/2024

Шинэ жил гээд манай гишүүд хэдэн сонгочдодоо жаал бэлэг цувуулж… Манай гэрт ч байна. (Энэ удаа бэлэг өгч байхаар ажлаа бла бла гэхээ одоо бүр больё яршиг) Тэгээд өгсөн бэлгийг нь ашиглая гэхээр үнэндээ ичээд байна өө. Эрхэм гишүүний гэр бүл аль эсхүл алтан суганы үс нь л биш бол хэн ч маасайтал инээсэн гоонжтой ах эгчийн тасдсан толгойтой, Улсын Их Хурлын гишүүн тэрний тэр гэсэн тэмээнээс том тэмдэг бичигтэй юмс эдэлж хэрэглээд явах юм бэ. Үгүй шдээ. Ганцыг нь олзуурхаад хэрэглэе гэтэл ултай суурьтай томчууд байтугай арван хэдтэй хүүхэд ч нэр усаа тамгалснаас нь ичээд Көрригийн өмсгөлөөр далдалчхаад олны дунд цүнхнээсээ ч гаргаж ирж чадахгүй байна гэхэв дээ.

Заа одоо ингээд юу юугүй цагаан сар. Хорин цаас, тав таван хэвийн боов, өөрийнхөө зурагтай календарь, аяга дээрээс нь хэрэгтэй хэрэггүй ганц нэг юм нэмээд өгөх байх. Тэгээд өгөх гээд бэлэг сэлт дээр үнэхээр сэтгэхгүй байвал урдаас бараа таваар гэхгүй юутай ч үндэсний үйлдвэрлэгчдээс юм аваад уутлуулчихаарай.

М.Янжиндулам

03/01/2024

Манай багийн хамгийн хэцүү асуудал бол аз жаргал бэлэглэдэг "жижигхэнүүд" ханиад хүрэх л байна даа. Бусад нь бидэнд юу ч биш. Голдоо хиам талх зүсч тавиад нэг сайн цайлахад учрыг нь яаж ийгээд олчихдог. Баг байна гэдэг зөвхөн гар нийлж ажиллахыг хэлдэггүй байх. Нэгнээ хайрлах. Нэгнийхээ хүүхдийг хайрлах. Нэгнийхээ гэсэн бүхэнд сэтгэл дэвсэх. Сэтгэл санаа, гэр бүл, ааш, хувь хүний онцлогийг нь хүлээн зөвшөөрөх. Алдах эрх өгөх. Ядрах сөхөө өгөх. Түших мөр өгөх. Үнэнг нь хэлээд тэврэх. Унаад босохыг нь харах. Гундаад гялалзах зуур нь хүлээх. Олон зүйл байна аа. Бид нэг баг гэж хэлэх хүртэл их урт зам бий. Нэг баг ...

М.Баасандэлгэр

29/12/2023

Хоёр жилийн өмнө Далай ламд бараалхах үеэр тэр ингэж айлдсан юм. Монголчууд та бүхэн азтай. Тусгаар тогтносон, эрх чөлөөт оронд амьдардаг. Би хичнээн хүссэн ч эх орондоо очиж чадахгүй. Энэтхэгээс газар нутаг гуйгаад дүрвэж амьдарч байна шүү дээ. Энд байгаа хүмүүс бүгдээрээ эх орондоо очих өдрийг тэсэн ядан хүлээж байгаа гэж ... Энэтхэгт очоод дөрөв хонож байлуу даа. Хоол унд тийм ч сайн таарахгүй. Гэр лүүгээ хурдхан очиж хонины мах чанаж идье гэсэншуу юм яриад суусан надад эдгээр үгс нэлээн гүн орсон юм. Энэ жил дахин Энэтхэгийн Дарамсала руу очихдоо энэ эмэгтэйтэй таарсан. Нуруу нь бөгтийж, гар нь атийсан, нэлээн ядруу харагдах хэрнээ Далай багшийн барааг харахаар таягаа тулаад зогсоод л байсан. Тухайн үед бодлоо л доо. Энд амьдардаг Төвөдүүдийн хувьд Далай багш түшиг тулгуур, итгэл найдвар нь болдог байх даа гэж. Эх орон нь хажууханд байсаар байтал очиж чадахгүй. 1959 онд Хятадууд цэргийн хүчээр эзэлчихсэн. Тухайн үед Далай лам цөөн тооны иргэдээ авч Энэтхэг рүү дүрвэсэн нь өнөөгийн Дарамсалад амьдарч буй Төвөдүүд. Дарамсалад барьсан байшин, гудамж талбай, аж ахуйн бүх зүйлийг хэзээ нэгэн цагт Төвөд рүү аваад нүүнэ гэж төлөвлөн бий болгожээ. Маргааш ч хамаагүй бүх юмаа баглаад очмоор байвч чадахгүй байна гэдэг юутай уйтай. Далай багшийн хэлсэнчлэн бид азтай азтай. Газар нутагтай, эрх чөлөөтэй, өөрсдийн хэл соёлтой. Бие даасан парламентын засаглалтай. Хятадад амьдардаг Өвөрмонголчуудын хаашаа зорчиж байгааг хянадаг юм билээ. Биеийн байцаалтаа байнга авч явах ёстой гээд л. Гэтэл бид хүссэн үедээ аль ч аймаг сум руу, аль ч улс орон руу зорчих боломжтой. Хүссэн санаагаа бизнес болгох, сургууль болон мэргэжлээ өөрөө сонгох. Хайртай хүнтэйгээ гэрлэх. Хэдэн ч хүүхэд төрүүлсэн болно, эсвэл салсан ч нээлттэй. Төрийн түшээд болон нам засгаа шүүмжилнэ, талбай дээр гараад жагсана. Хэрэв 112 жилийн өмнөх энэ өдөр Тусгаар тогтнол, эрх чөлөөг дахин тунхаглаагүй байсан бол өнөөдөр хэрхэн аж төрөхийг төсөөлшгүй. 200 жил үргэлжилсэн Манжийн дарлалын тухай би юу ч мэдэхгүй ээ. Төсөөлөх ч үгүй биз. Юутай ч бидний бүтээсэн өнөөгийн нийгэмд хар бараан тал, элдэв асуудал бий ч гэлээ өвөг дээдсийнхээ үлдээсэн тусгаар тогтносон эрх чөлөөт орноо хайрлах учиртай. Аль нэг улсын колони болоосой, сүйрээсэй, дампуурлаа зарлаасай гэж хэлэх эрх бидний хэнд ч байхгүй билээ. Харин засч сайжруулах, өөд нь татах, өөрчлөлт хийх үүрэг бидний нуруун дээр байна. Үндэсний эрх чөлөө, тусгаар тогтнолоо сэргээн мандуулсны 112 жилийн ойн баярын мэндийг хүргэе! Жил бүрийн арванхоёрдугаар сарын 29-ний өдрийг бахдал дүүрэн тэмдэглэж хэвшицгээе! 🇲🇳

#ТусгаарТогтнол
#ЭрхЧөлөө
#ШашинҮндэс
#12сарын29

16/12/2023

Гоо сайхан, загвар энэ тэрийг энэ өвөл зүгээр мартлаа. Хавар болтол ичээндээ орох минь.

Гадуур хөөрхөн, загварлаг хүн явж байвал хүндлэх хэрэгтэй. Баргийн хүн тэгж явж чадахааргүй тэс хөлдүү байна. Аан бас гаднаас нь хараад эрэгтэй юу, эмэгтэй юу гэж бүү асуу. Хавар л учраа олъё. 😂

15/12/2023

Шинэ жил чинь гоё болсон уу. Зураг харъя л даа гэх үед утсан дээр байгаа ганц кадр:

13/12/2023

Ерээд оны хүүхдүүдийг төрсөн цагаас хойш нэг ширхэг ч цахилгаан станц бариагүй юм байж. Гучин жил. Гучин жил шүү дээ. Бид ч ус балгасан мэт дөмбийсөөр ирж. Монгол Улсын бүх иргэний амьдралд шууд нөлөөтэй хэрнээ хэн ч тоож анзаардаггүй эрчим хүчний салбар. Ашиглалтаас гарч, хэзээ мөдгүй салж унах дөхсөн өвгөн станцууд. Гэрлээ унтраа, тогоо хэмнэ гэсэн явцуу уриалга. Орос ах нарын хайрыг гайхаж, кноп битгий унтраасай гэх горьдлого. Уг нь тусгаар тогтносон бүрэн улс юмсан. Станц байтугайг барих баялагтай юмсан. Даанч өнөөдөр бидний байгаа царай. Одоо больё оо, залуусаа. Хэдүүлээ уйлан дугарч, шахаж тэмцээд ч хамаагүй үр хүүхдэдээ гаднаас хамааралгүй тог хэрэглэдэг нийгэм үлдээе. Сайд нь хэн байх, нам нь аль байх, сонгууль нь хэзээ байх хамаа алга. Эмнэлэг, үйлдвэр, орон сууцанд тог тасарвал яах вэ. Хамгийн наанадаа хэдэн хүний амьсгалын аппарат салах бол .. Хангалттай. Өнөөдрийн тогтой тоггүй байх тухай биш. Энэ өвөл тог тасрах, тасрахгүй тухай яриагүй гэдгийг ойлгоно гэж найдъя. Цахилгаан станцаа барь. Шинээр цахилгаан станц барь. Хоёрыг, гурвыг ч барь. Талбай дээр гарах ёстой бол гаръя, цахилгаан станцаа барь!

М.Баасандэлгэр

Монгол Улсын Ерөнхийлөгчийн Тамгын газар
Монгол Улсын Засгийн газар
Монгол Улсын Эрчим Хүчний Яам
Эрчим хүчний зохицуулах хороо

Address

Ulaanbaatar

Website

http://www.humanz.mn/

Alerts

Be the first to know and let us send you an email when HumanZ POST posts news and promotions. Your email address will not be used for any other purpose, and you can unsubscribe at any time.

Contact The Business

Send a message to HumanZ POST:

Videos

Бүтэн багаараа байхад ачаа зөөх, нүүх суух, арчиж цэвэрлэх бол “easy” шүү дээ. Дан эмэгтэйчүүд ч гэлээ эрчүүд шиг л үзнэ. Барагтаа хүн гуйхгүй. Арга буюу нэг бонго түрээсэлж байгаа юм. Бусдыг нь шууд улаан гараараа. Замаск татна, эмульс өнхрүүшдэнэ, подон хөрөөднө, лакдана. Тун удахгүй үзэмж төгс, нэр хүндийн баталгаа болсон humanz нэрийн гар аргаар хийсэн сандал ширээ бэлэн болно. Харуулна аа. Үгүй тэгээд бүгд нэг цэг рүү харчихсан юм болохоор даваа гүвээ, хэцүү хүндийг нь хуга өшиглөөд гардаг даа. Манай Сокод 177 тэрбум гайгүй санагдаад байна гэсэн. Удахгүй нэг оффис худалдаж авна байх аа. Одоо хамгийн ихдээ дахиад нэг л удаа нүүнэ шүү, Humanz-ийн нөхдүүдээ. Мэдээж өөрийн гэсэн үл хөдлөх рүү .. Болно доо!