News Ambassador Media

Home
Myanmar
Yangon
News Ambassador Media

To provide accurate news and information to Myanmar people
(75)

09/12/2024

တောင်ခမ်းစခန်းအနီး တိုက်ပွဲဖြစ်ပြီး စစ်ကောင်စီ သုံးပန့် ၂၀ ခန့် နှင့် လက်နက်ခဲယမ်းများ ရရှိ

နောင်ချို၊ ဒီဇင်ဘာ ၉
News Ambassador

ယနေ့ ဒီဇင်ဘာ ၉ ရက်နေ့တွင် ရှမ်းပြည်နယ်မြောက်ပိုင်း၊ နောင်ချိုမြို့နယ်၊ တောင်ခမ်းတပ်စခန်းအနီး ကျောက်ဂူ-ကျောက်ဆုံတွင် တအာင်းတပ်မတော် TNLA၊ DPLA ပူးပေါင်းတပ်ဖွဲ့နှင့် စစ်ကောင်စီတို့ တိုက်ပွဲဖြစ်ပွားခဲ့ကြောင်း သိရသည်။

အဆိုပါတိုက်ပွဲတွင် စစ်ကောင်စီ ရုပ်အလောင်း (၁၅) လောင်း၊ စစ်သုံးပန့် အရှင် (၁၇)ဦး၊ လက်နက်မျိုးစုံ (၂၈)လက်နှင့် ခဲယမ်းများစွာ ဖမ်းဆီးသိမ်းဆည်းရမိခဲ့သည်ဟု TNLA က သတင်းထုတ်ပြန်လာသည်။

ထို့အတူ တောင်ခမ်းအမြောက်တပ် (၃၅၄) စခန်းတွင်လည်း စစ်ကောင်စီလက်အောက်ခံ တပ်သား (၂)ဦးကို လက်နက်ခဲယမ်းနှင့်အတူ အရှင်ဖမ်းဆီးရမိခဲ့သည်ဟု ဖော်ပြထားသည်။

ယမန်နေ့ ဒီဇင်ဘာ ၈ရက်ကလည်း နောင်ချိုမြို့ရှိ စစ်ကောင်စီ (၉၀၂)တပ်စခန်း၊ ဂန့်ကော်ကျေးရွာနှင့် စစ်ကောင်စီ (၄၀၆)တပ်စခန်းအနီးတွင် တိုက်ပွဲဖြစ်ပွားခဲ့သည်ဟု သိရသည်။

ရှမ်းပြည်နယ်တောင်ပိုင်း ရပ်စောက်မြို့နယ် ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းနေသည့် စစ်ကောင်စီတပ်က ထိုးစစ်ဆင်လာ၍ နှစ်ဖက်ထိတွေ့ တိုက်ပွဲဖြစ်ပွားခဲ့ခြင်းဖြစ်သည်ဟု TNLA က ဆိုထားသည်။
https://t.me/newsambassadormedia/4020

08/12/2024

မောင်တောတွင် တခုတည်းကျန်ရှိသည့် နခခ ၅ ကို AA သိမ်းပိုက်

မောင်တော၊ ဒီဇင်ဘာ ၈
News Ambassador

ရခိုင်ပြည်နယ် မောင်တောမြို့တွင် တခုတည်းသော ကျန်ရှိသည့် စစ်ကောင်စီတပ်စခန်း အမှတ် ၅ နယ်ခြားစောင့်ရဲတပ်ဖွဲ့ (ခွဲ) နခခ ၅ ကို ယနေ့ ဒီဇင်ဘာ ၈ ရက်နေ့ မနက်တွင် သိမ်းပိုက်လိုက်နိုင်ပြီဖြစ်ကြောင်း AA က အတည်ပြုထုတ်ပြန်လာသည်။
ယနေ့ မနက် ၉ နာရီခွဲတွင် သိမ်းပိုက်နိုင်ခဲ့ခြင်းဖြစ်ပြီး အသက်ရှင်ကျန်ရှိသည့် စစ်ကောင်စီတပ်ဖွဲ့ဝင်များမှာ ထွက်ပြေးသွားသဖြင့် လိုက်လံရှင်းလင်းနေသည်ဟု ထုတ်ပြန်ချက်အရ သိရသည်။

၎င်းတို့သည် ဘင်္ဂလားဒေ့ရှ် - အာရက္ခနယ်စပ် ၊ နတ်မြစ်တလျှောက်ရှိ စက်လှေ၊ မော်တော်ဘုတ်၊ လောင်းလှေများဖြင့် ထွက်ပြေးရန်ကြိုးစားနေသောကြောင့် ပြည်သူလူထုအနေဖြင့် နတ်မြစ်အတွင်း ရေကြောင်းခရီးသွားလာခြင်းကို ယနေ့ ဒီဇင်ဘာ ၈ ရက်နေ့ မွန်းလွဲ ၃ နာရီခွဲမှစတင်၍ အကန့်အသတ်မရှိ ပိတ်ပင်ကြောင်း AA က အသိပေးကြေညာချက်ထုတ်ပြန်သည်။

ပုံစာ- အမ်းကို သိမ်းပိုက်ပြီးနောက် တွေ့ရသည့် AA စစ်သည်အချို့
https://t.me/newsambassadormedia/4019

07/12/2024

တောင်ကိုရီးယားသမ္မတ ယွန်း စွပ်စွဲပြစ်တင်ဖြုတ်ချခံရမှုမှ လွတ်မြောက်

ဆိုးလ်၊ ဒီဇင်ဘာ ၇
News Ambassador

မဲခွဲဆုံးဖြတ်မှုကို အာဏာရပါတီအမတ်များ သပိတ်မှောက်သဖြင့် တောင်ကိုရီးယားသမ္မတ ယွန်းဆွတ်ခ်ဆိုးလ် သည် စွပ်စွဲပြစ်တင်ဖြုတ်ချခံရမှုမှ လွတ်မြောက်ခဲ့ကြောင်း သိရသည်။

၆ နာရီကြာ စစ်အုပ်ချုပ်ရေး ကြေညာခဲ့သည့် တောင်ကိုရီးယားနိုင်ငံ သမ္မတ ယွန်း ကို စွပ်စွဲပြစ်တင်ဖြုတ်ချရန် လွှတ်တော်သို့ အဆိုတင်ခဲ့ရာ အဆိုနှင့်ပတ်သက်၍ ယနေ့ မဲခွဲဆုံးဖြတ်ကြခြင်းဖြစ်သည်။

မဲခွဲဆုံးဖြတ်ရာတွင် သမ္မတ ၏ မိခင်ပါတီ (အာဏာရပါတီ) အမတ်အများစုက မဲမပေးဘဲ သပိတ်မှောက်ခဲ့ခြင်းဖြစ်သည်ဟု ဆိုသည်။

ယင်းအတွက် သမ္မတကို စွပ်စွဲဖြုတ်ချရန်အဆိုမှာ လိုအပ်သည့် မဲအရေအတွက် မရဘဲ ရှုံးနိမ့်ခဲ့သည်။

လွှတ်တော်တွင် အမတ်အရေအတွက် ၃၀၀ ရှိသည့်အနက် အတိုက်အခံပါတီက ၁၉၂ ဉီး သာရှိပြီး အဆိုပါအောင်မြင်ရန် လိုအပ်သော မဲအရေအတွက်မှာ ၂၀၀ ဖြစ်သည်။ ယနေ့ မဲခွဲဆုံးဖြတ်မှုတွင် အာဏာရပါတီဘက်က အမတ် ၃ ဉီးသာ ဆန္ဒမဲပေးခဲ့ပြီး ကျန်လူများအားလုံး သပိတ်မှောက်ခဲ့ကြောင်း သိရသည်။
သပိတ်မှောက် အမတ်များ၏ People Power ပါတီ ပြောရေးဆိုခွင့်ရှိသူက သမ္မတ ယွန်းအစိုးရသည် ယခုကဲ့သို့ အမှားမျိုး နောက်ထပ်လုပ်မှာမဟုတ်ဟု ဖာထေးပြောဆိုခဲ့ကြောင်း ဒေသတွင်း သတင်းများက ဆိုသည်။

ယနေ့ မဲပေးခြင်းကို သပိတ်မှောက်ခဲ့သော အာဏာရပါတီမှ အမတ်များသည် သမ္မတယွန်း ၏ စစ်အုပ်ချုပ်ရေးအမိန့် အား ရုပ်သိမ်းရန်ကိစ္စတွင်မူ ထောက်ခံခဲ့ကြသည်။

မဲပေးခြင်းအစီအစဉ်ပြုလုပ်နေစဉ် လွှတ်တော်အနီးဝန်းကျင်း၌ တောင်ကိုရီးယားလူထုက သမ္မတယွန်းအား ဖယ်ရှားပေးရန် ဆန္ဒထုတ်ဖော်လျက် ရှိခဲ့သည်။

Photo: Reuters/Kim Soo-hyeon
ပုံစာ- သမ္မတယွန်းကို ဖြုတ်ချရန် ဆန္ဒပြတောင်းဆိုသည့် တောင်ကိုရီးယား လူထု

06/12/2024

အမ်းတွင် နပခ စစ်ဌာနချုပ်တခုသာ ကျန်ပြီး လေဆိပ်အပါအဝင် ကျန်နေရာအားလုံးကို AA သိမ်းပိုက်ထား

အမ်း၊ ဒီဇင်ဘာ ၇
News Ambassador

ရခိုင်ပြည်နယ်၊ အမ်းမြို့တွင် စစ်ကောင်စီ၏ နပခ စစ်ဌာနချုပ် တခုသာကျန်ရှိပြီး လေဆိပ်အပါအဝင် ကျန်နေရာများအားလုံးကို AA က သိမ်းပိုက်ထားပြီဖြစ်ကြောင်း အတည်ပြုထုတ်ပြန်လာသည်။

အနောက်ပိုင်းတိုင်းစစ်ဌာနချုပ်ရှိရာ အမ်းဒေသအတွင်းမှ စစ်ကောင်စီ၏ ဗျူဟာဌာနချုပ်များ၊ ကာကင်းစခန်း ကြီး၊ စခန်းငယ်၊ တပ်ရင်းဌာနချုပ်များ စုစုပေါင်း (၃၀) ကျော်ရှိသည့်အနက် နပခ ဌာနချုပ် တခုမှလွဲ၍ ကျန်နေရာများအားလုံးကို သိမ်းပိုက်ထားနိုင်ပြီဖြစ်ကြောင်း၊ နောက်ဆုံးလက်ကျန် နပခ တိုင်းစစ်ဌာနချုပ်ကိုလည်း အပြီးသတ် သိမ်းပိုက်ရရှိနိုင်ရေးအတွက် ဆက်လက် ထိုးစစ်ဆင် တိုက်ခိုက်လျက် ရှိကြောင်း AA က ဒီဇင်ဘာ ၆ ရက်နေ့ညတွင် ထုတ်ပြန်ကြေညာခဲ့သည်။

သိမ်းပိုက်ရရှိထားသော နေရာများမှာ
(၁) ဆလအခွဲ (၉၄၆) - အမှတ် (၉၄၆) ဆောက်လုပ်ရေးအင်ဂျင်နီယာတပ်ခွဲ
(၂) ခမရ (၃၇၁) - အမှတ် (၃၇၁) ခြေမြန်တပ်ရင်း
(၃) ခမရ (၃၇၂) - အမှတ် (၃၇၂) ခြေမြန်တပ်ရင်း
(၄) လလစ (၇၅၇/၂) - အမှတ် (၇၅၇/၂) လျှပ်စစ်အလုပ်ရုံတပ်ခွဲ
(၅) ထပခ (၉၂၆) - အမှတ် (၉၂၆) ထောက်ပံ့နှင့်ပို့ဆောင်ရေးတပ်ခွဲ
(၆) ဆသလ (၉) - အမှတ် (၉) ဆက်သွယ်ရေးလုံခြုံမှုတပ်ရင်း
(၇) အဆရ (၈) - အမှတ် (၈) အဆင့်မြင့်ဆက်သွယ်ရေးတပ်ရင်း
(၈) တထခ (၁၀) - အမှတ် (၁၀) တပ်ထိန်းတပ်ခွဲ
(၉) စအရ (၉၁၉) - အမှတ် (၉၁၉) စစ်မြေပြင်အင်ဂျင်နီယာတပ်ရင်း
(၁၀) လေဆိပ်အနီး၊ အတွင်း၊ ပတ်ဝန်းကျင်များ ဖြစ်ကြောင်း ထုတ်ပြန်ထားသည်။

ယင်းအပြင် အမ်းမြို့သို့ စစ်ကူပေးရန်တက်လာသည့် စစ်ကောင်စီ တပ်မ (၈၈) လက်အောက်ခံ၊ နည်းဗျူဟာတစ်ခုကို နိုဝင်ဘာ ၂၈ ရက်နေ့က စတင်ဖြတ်တောက် တိုက်ခိုက်ခဲ့ကြောင်း၊ အဆိုပါစစ်ကြောင်းတွင် ခမရ (၃၁၇)၊ ခမရ (၄၁၅)၊ ခမရ (၄၁၆) စသည့် တပ်ရင်းသုံးရင်းမှ အင်အား (၁၃၀) ခန့် ပါဝင်ကြောင်း AA က ထုတ်ပြန်သည်။ သုံးရက်နီးပါးတိုက်ပွဲဖြစ်ပြီးနောက် နိုဝင်ဘာ (၃၀) ရက်နေ့တွင် စစ်ကောင်စီအလောင်း (၁၀၀) ကျော်၊ လက်နက်ခဲယမ်းအများအပြားနှင့် စစ်သုံ့ပန်းအချို့ကို ဖမ်းဆီးရမိခဲ့သည်ဟု ဆိုထားသည်။

အလားတူ ဂွမြို့နယ်ဘက်တွင်လည်း စစ်ကူတက်လာသော စစ်ကောင်စီစစ်ကြောင်း တခုကို နိုဝင်ဘာ ၂၄ ရက်နေ့မှစ၍ ၃ ရက်တိုင်တိုင် ဖြတ်တောက် တိုက်ခိုက်ခဲ့ကြောင်း သိရသည်။
ဟင်္သာတမြို့ရှိ ခလရ (၁၈)၊ မအူပင်မြို့ရှိ ခလရ (၅၁)၊ အိမ်မဲမြို့ရှိ ခလရ (၆၃) နှင့် ရန်ကုန်တိုင်း လှိုင်သာယာရှိ ခမရ (၅၃၂) တပ်ရင်းတို့မှ စုစုပေါင်း အင်အား ၁၈၀ ကျော်ပါဝင်သော အဆိုပါ စစ်ကြောင်းကို ကြားဖြတ်တိုက်ခိုက်ခဲ့သည့် တိုက်ပွဲအတွင်း စစ်ကောင်စီအလောင်း ၁၂၀ ကျော်၊ စစ်သုံ့ပန်းအချို့ နှင့် လက်နက်ခဲယမ်း၊ စစ်အသုံး အဆောင်ပစ္စည်းများ သိမ်းဆည်းရမိခဲ့သည်ဟု AA က ထုတ်ပြန်သည်။

မောင်တောမြို့နယ်အတွင်း နောက်ဆုံးကျန်ရှိနေသော စစ်ကောင်စီ၏ နယ်ခြားစောင့်ရဲတပ်ဖွဲ့ နခခ (၅) ကိုလည်း မကြာမီသိမ်းပိုက်ရရှိနိုင်တော့မည်ဖြစ်ကြောင်း ထုတ်ပြန်ထားသည်။
https://t.me/newsambassadormedia/4016

05/12/2024

အုတ်ဖိုတွင် စစ်ကောင်စီတပ်ဖွဲ့ဝင်များ တိုက်ခိုက်ခံရပြီး ဗိုလ်ကြီး ၁ ဉီး အပါအဝင် ၂ ဉီး သေဆုံးပြီး သေနတ် ၁ လက် ရ

အုတ်ဖို၊ ဒီဇင်ဘာ ၅
News Ambassador

ပဲခူးတိုင်း၊ အုတ်ဖိုမြို့နယ်တွင် စစ်ကောင်စီတပ်ဖွဲ့ဝင်များ တိုက်ခိုက်ခံရပြီး ဗိုလ်ကြီး ၁ ဉီးအပါအဝင် ၂ ဉီး သေဆုံးခဲ့ကြောင်း သိရသည်။

ဒီဇင်ဘာ ၄ ရက်နေ့ မနက် ၉ နာရီကျော်ခန့်က အုတ်ဖိုမြို့နယ် ၊ တိမ်မြှုပ်ရွာအခြေစိုက် စစ်ကောင်စီတပ်ရင်း ခမရ(၆) မှ ဆိုင်ကယ်များစီး၍ ထွက်လာသော စစ်ကောင်စီတပ်ဖွဲ့ဝင်များကို တပ်တွင်း ဖရဲသီး၏ သတင်းပေးပို့ချက်အရ သာယာဝတီခရိုင် PDF တပ်ရင်း ၃၈၀၂ ရဲဘော်များက ခမရ ၆ ၏ ကိုက် ၂၀၀ ခန့်အကွာအဝေးတွင် စောင့်ကြိုတိုက်ခိုက်ခဲ့ခြင်းဖြစ်ကြောင်း PDF ဘက်က သတင်းထုတ်ပြန်သည်။

အပြန်အလှန် ပစ်ခတ်မှု ၈ မိနစ်ခန့်ကြာမြှင့်ခဲ့ပြီး စစ်ကောင်စီတပ်ဘက်က ဗိုလ်ကြီး သိန်းဝင်းနှင့် တပ်ကြပ်တင်အောင်ချို ဆိုသူတို့ သေဆုံးကာ အလောင်းများကျန်ခဲ့ကြောင်း၊ ကျန် စစ်ကောင်စီတပ်ဖွဲ့ဝင်များ နောက်ပြန်ဆုတ်ခွာထွက်ပြေးသွားခဲ့ကြောင်း သာယာဝတီခရိုင် PDF တပ်ရင်း ၃၈၀၂ ကဆိုသည်။

တိုက်ပွဲအတွင်း စစ်ကောင်စီတပ်ထံမှ MA 3 သေနတ် အသစ်တလက်၊ ကျည်အိမ် ၂ ခု၊ ကျည် ၄၉ တောင့်၊ လက်ပစ်ဗုံး ၃လုံး၊ ဖုန်း ၂ လုံး ၊ ခမရ ၆ ၏ တင်းတွင်း လျှို့ဝှက်စာရွက်စာတမ်းအချို့ နှင့် ငွေသားအချို့ သိမ်းဆည်းရမိခဲ့ကြောင်း သိရသည်။

သတင်းပေးပို့လာသော တပ်တွင်း ဖရဲသီးကိုလည်း ကျေးဇူးတင်ကြောင်း သာယာဝတီခရိုင် PDF တပ်ရင်း ၃၈၀၂ က ထုတ်ပြန်ထားသည်။
https://t.me/newsambassadormedia/3993

04/12/2024

မတ္တရာ အရှေ့ခြမ်း မြို့ကုန်းရွာတွင် တိုက်ပွဲဖြစ်ပြီး စစ်ကောင်စီ အလောင်း ၇ လောင်း နှင့် သုံ့ပန်း ၁ ဉီး ဖမ်းမိ

မတ္တရာ၊ ဒီဇင်ဘာ ၄
News Ambassador

မန္တလေးတိုင်း၊ မတ္တရာမြို့နယ် အရှေ့ခြမ်း မြို့ကုန်းရွာတွင် တိုက်ပွဲဖြစ်ပွားခဲ့ပြီး စစ်ကောင်စီအလောင်း ၇ လောင်းနှင့် သုံ့ပန်းတဉီး ဖမ်းဆီးရမိကြောင်း ပြည်သူ့ကာကွယ်ရေးတပ်မတော် (မန္တလေး)က သတင်းထုတ်ပြန်လာသည်။

ပြီးခဲ့သည့် ဒီဇင်ဘာ ၂ ရက်နေ့ ညပိုင်းတွင် ပြည်သူ့ကာကွယ်ရေးတပ်မတော် (မန္တလေး)က ထိန်းချုပ်စိုးမိုးထားသော မြို့ကုန်းကျေးရွာဘက်သို့ စစ်ကောင်စီ စစ်ကြောင်းဝင်ရောက်လာရာမှ တိုက်ပွဲဖြစ်ပွါးခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

ဒီဇင်ဘာ ၃ ရက်နေ့ တနေကုန်နီးပါး တိုက်ပွဲဖြစ်ပွားခဲ့ပြီး ညနေပိုင်းတွင် စစ်ကောင်စီတပ်ဘက်က ပြန်လည်ဆုတ်ခွာသွားသဖြင့် တိုက်ပွဲပြီးဆုံးခဲ့ကြောင်း သိရသည်။

အဆိုပါ တိုက်ပွဲအတွင်း စစ်ကောင်စီတပ်၏ အလောင်း ၇ လောင်း နှင့် လက်နက်ခဲယမ်းအချို့ သိမ်းဆည်းရမိပြီး စစ်သုံ့ပန်း ၁ ဉီးဖမ်းဆီးရမိခဲ့ကြောင်း ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်သည်။

ပြည်သူ့ကာကွယ်ရေးတပ်မတော် (မန္တလေး)နှင့် စစ်ကောင်စီတပ်တို့သည် မတ္တရာမြို့နယ် ၊ သပိတ်ကျင်းမြို့နယ် ၊ နောင်ချိုမြို့နယ်တို့၌ တိုက်ပွဲများ နေ့စဉ် ဖြစ်ပွါးလျက်ရှိကြောင်း သိရသည်။

https://t.me/newsambassadormedia/3987

03/12/2024

News …..
သမ္မတ ယွန်ဆွတ်ခ်ယိုလ် က စစ်အုပ်ချုပ်ရေးကြေညာမှုကို ပြန်ရုပ်သိမ်း (ကနဉီးသတင်း)

တောင်ကိုရီးယား၊ ဒီဇင်ဘာ ၄
News Ambassador

တောင်ကိုရီးယား သမ္မတ ယွန်ဆွတ်ခ်ယိုလ်က စစ်အုပ်ချုပ်ရေးကြေညာခဲ့မှုကို ပြန်ရုပ်သိမ်းလိုက်ကြောင်း အယ်ဂျားဇီးယားသတင်းဌာနက ဖော်ပြလာသည်။

နောက်ဆက်တွဲအသေးစိတ်အချက်အလက်များကို ဖော်ပြမည်ဟုလည်း ဆိုထားသည်။

ကိုးကား- President Yoon lifts martial law order

03/12/2024

စစ်အုပ်ချုပ်ရေးကြေညာထားမှုကို ရုပ်သိမ်းပေးရန် သမ္မတ၏ မိခင်ပါတီက ပြန်တောင်းဆို

တောင်ကိုရီးယား၊ ဒီဇင်ဘာ ၄
News Ambassador

တောင်ကိုရီးယား သမ္မတ ယွန်ဆွတ်ခ်ယိုလ် ၏ စစ်အုပ်ချုပ်ရေးကြေညာမှုကို ပြန်ရုပ်သိမ်းပေးရန် ၎င်း၏ မိခင်ပါတီဖြစ်သော အာဏာရပါတီ (People Power) က တောင်းဆိုလိုက်ကြောင်း ဒေသတွင်းသတင်းဌာန Yonhap news agency က ဖော်ပြလာသည်။

ယနေ့ညတွင် တောင်ကိုရီးယား သမ္မတ ယွန်ဆွတ်ခ်ယိုလ်က နိုင်ငံတော်ကို စစ်အုပ်ချုပ်ရေးကြေညာကြောင်း ကြေညာခဲ့ခြင်းဖြစ်သည်။ နာရီပိုင်းအကြာတွင် လွှတ်တော်က အစည်းအဝေးပြုလုပ်၍ သမ္မတ၏ စစ်အုပ်ချုပ်ရေးကြေညာမှုအပေါ် မဲခွဲဆုံးဖြတ်ရာ အမတ် ၃၀၀ အနက် ၁၉၀ ၏ ထောက်ခံမှုဖြင့် ပယ်ဖျက်ခဲ့ခြင်းဖြစ်သည်။

သို့သော် ယင်းမှာ လွှတ်တော်၏ ဆုံးဖြတ်ချက်သာဖြစ်ပြီး နိုင်ငံအနေဖြင့် တရားဝင်ကြေညာခြင်းတော့ မဟုတ်သေးပေ။

တောင်ကိုရီးယား သမ္မတ ယွန်ဆွတ်ခ်ယိုလ် က ကြေညာထားသော စစ်အုပ်ချုပ်ရေးအမိန့်ကို တရားဝင် ပယ်ဖျက်ခြင်း မပြုရသေးခင်အထိ အတိုက်အခံပါတီမှ အမတ်များသည် လွှတ်တော်မှ ပြန်လည်ထွက်ခွာမည်မဟုတ်ကြောင်းကိုလည်း အတိုက်အခံပါတီခေါင်းဆောင် လီဂျေမြောင် က ပြောဆိုထားသည်။

၎င်းသည် ပြီးခဲ့သည့် ၂၀၂၂ ခုနှစ်ရွေးကောက်ပွဲတွင် လက်ရှိ သမ္မတ ကို ရှုံးနိမ့်ခဲ့သူဖြစ်သည်။

လွှတ်တော်တွင် အတိုက်အခံပါတီ အမတ်များက နေရာအများစု အနိုင်ရကြီးစိုးထားပြီး အာဏာရပါတီ အမတ်များနှင့် ၂ ဘက် အကွဲအပြဲရှိခဲ့သော်လည်း သမ္မတ၏ စစ်အုပ်ချုပ်ရေးကြေညာမှုကို ရုပ်သိမ်းနိုင်ရေးကိစ္စတွင် သဘောထားတူညီခဲ့ကြသည်ဟု ဒေသတွင်း သတင်းများက ဆိုသည်။

သမ္မတ၏ စစ်အုပ်ချုပ်ရေးကြေညာမှုသည် အတိုက်အခံပါတီအပါအဝင် အာဏာရပါတီ ၂ ခုစလုံးအတွက် ကြိုတင်မသိရသော ကိစ္စဖြစ်ကာ အထိတ်တလန့်ဖြစ်စေခဲ့ကြောင်း ဆိုကြသည်။ ယင်းအပြင် သမ္မတကြေညာထားသော စစ်အုပ်ချုပ်ရေးနှင့် အမိန့်အတိုင်း လိုက်လံလုပ်ဆောင်သော စစ်သားနှင့်ရဲများကို တည်ဆဲဉပဒေ ချိုးဖောက်သူများအဖြစ် သတ်မှတ်ရန် ၎င်းပါတီ ၂ ခုစလုံးက သဘောတူထားကြောင်းပါ ဒေသတွင်း က ဖော်ပြသည်။

သို့သော် လွှတ်တော်က မဲခွဲဆုံးဖြတ်ပြီးနောက် ဝန်းရံပိတ်ဆို့ထားသော ရဲနှင့် စစ်တပ်သည် ပြန်လည်ဆုတ်ခွာသွားကြောင်း ဆိုထားသည်။

ကမ္ဘာ့ကုလသမဂ္ဂ အတွင်းရေးမှူးချုပ်၏ ပြောရေးဆိုခွင့်ရှိသူကမူ တောင်ကိုရီးယားဖြစ်စဉ်ကို စိုးရိမ်မှုများဖြင့် အနီးကပ်စောင့်ကြည့်နေသည်ဟု ဆိုပြီး ရရှားနိုင်ငံကလည်း စောင့်ကြည့်နေသည်ဟု ဆိုသည်။

အမေရိကန်သမ္မတ ဂျိုးဘိုင်ဒန်ကမူ ယခုဖြစ်စဉ်အပေါ် နှုတ်ဆိတ်နေပြီး တောင်ကိုရီးယားရှိ အမေရိကန်သံအမတ် Philip Goldberg က မူ ယခုဖြစ်စဉ်အပေါ် စောင့်ကြည့်နေသည်ဟု တွစ်တာစာမျက်နှာမှတဆင့် ရေးသားခဲ့သည်။

အမေရိကန်၏ ရွေးကောက်ပွဲနိုင်ထားသော အကြိုသမ္မတ ဒေါ်နယ်ထရမ့်ကမူ တောင်ကိုရီးယားဖြစ်စဉ်အပေါ် မှတ်ချက်မရှိဟု ဆိုသည်။

လွှတ်တော်ပြင်ပရှိ လူထုကမူ စစ်အုပ်ချုပ်ရေးကြေညာသူ သမ္မတ ယွန်ဆွတ်ခ်ယိုလ် ကို စွပ်စွဲပြစ်တင်၍ ဖြုတ်ချရန် တောင်းဆိုမှုများ ရှိခဲ့ကြောင်း သိရသည်။
Photo - The Presidential Office/Handout
https://t.me/newsambassadormedia/3984

03/12/2024

တောင်ကိုရီးယား သမ္မတ ၏ စစ်အုပ်ချုပ်ရေးကြေညာမှုကို ရုပ်သိမ်းဖို့ လွှတ်တော်က မဲခွဲဆုံးဖြတ်

တောင်ကိုရီးယား၊ ဒီဇင်ဘာ ၃
News Ambassador

တောင်ကိုရီးယားနိုင်ငံ၏ သမ္မတဖြစ်သူ Yoon Suk Yeol က နိုင်ငံကို စစ်အုပ်ချုပ်ရေးကြေညာမှုအပေါ် ရုပ်သိမ်းရန် လွှတ်တော်က အရေးပေါ် အစည်းအဝေးခေါ်ယူ၍ မဲခွဲဆုံးဖြတ်လိုက်သည်။

လွှတ်တော်တွင် ကိုယ်စားလှယ် ၃၀၀ ရှိပြီး မဲခွဲဆုံးဖြတ်ကြရာ ကိုယ်စားလှယ် ၁၉၀ က သမ္မတ၏ စစ်အုပ်ချုပ်ရေးကြေညာမှုကို ရုပ်သိမ်းရန် သဘောတူခဲ့ခြင်းဖြစ်သည်။

လွှတ်တော်ဉက္ကဌ Woo Won Shik က တော်ကိုရီးယား၏ ဒီမိုကရေစီကို ပြည်သူလူထုနှင့်အတူ ကာကွယ်မည်ဟု ပြောကြားခဲ့ပြီး လွှတ်တော်ဝန်းကျင်ရှိ စစ်တပ်နှင့် ရဲတပ်ဖွဲ့ကို ပြန်လည်ရုပ်သိမ်းသွားရန် ပြောကြားခဲ့သည်။

သမ္မတ Yoon Suk Yeol က “နိုင်ငံတော်ကို ဆန့်ကျင် တော်လှန်သော လုပ်ရပ်များကို ရှင်းလင်းရန်” ဟူသော ခေါင်းစဉ်ဖြင့် စစ်အုပ်ချုပ်ရေးကြေညာကြောင်း ယနေ့ညတွင် ရုပ်မြင်သံကြားမှတဆင့် ကြေညာခဲ့ခြင်းဖြစ်သည်။ ၎င်း ကြေညာပြီး နာရီပိုင်းအကြာတွင် လွှတ်တော်အစည်းအဝေးခေါ်ယူကာ ယခုကဲ့သို့ မဲခွဲဆုံးဖြတ်ပယ်ချခဲ့ခြင်း ဖြစ်သည်။

၁၉၈၀ နောက်ပိုင်း တောင်ကိုရီးယားတွင် စစ်အုပ်ချုပ်ရေးကြေညာမှုသည် ယခု ပထမဆုံး အကြိမ်ဖြစ်ကြောင်း သိရသည်။

တောင်ကိုရီးယားလွှတ်တော်တွင် အတိုက်အခံ ဒီမိုကရက်တစ်ပါတီအမတ်များက နေရာအများစု ကြီးစိုးထားခြင်းဖြစ်ပြီး အစိုးရနှင့် လွှတ်တော်အကြား ပွတ်တိုက်မှုများ ရှိနေခဲ့ခြင်းဖြစ်သည်။

Photo- AP
ကိုးကား- CAN ၊ AP News
https://t.me/newsambassadormedia/3980

03/12/2024

တောင်ကိုရီးယား သမ္မတ က နိုင်ငံကို စစ်အုပ်ချုပ်ရေး ကြေညာ

တောင်ကိုရီးယား၊ ဒီဇင်ဘာ ၃
News Ambassador

တောင်ကိုရီးယားနိုင်ငံ၏ သမ္မတဖြစ်သူ Yoon Suk Yeol က နိုင်ငံကို အရေးပေါ်အဖြစ် စစ်အုပ်ချုပ်ရေးကြေညာကြောင်း ယနေ့ ည ရုပ်မြင်သံကြားမှတဆင့် ကြေညာသွားခဲ့သည်။

နိုင်ငံ၏ အဓိက အတိုက်အခံပါတီဖြစ်သည့် Democratic Party ၊ နိုင်ငံတော်ကို ဆန့်ကျင်သူများ၊ မြောက်ကိုရီးယား လိုလားသူများက လွှတ်တော်ကိုကြီးစိုးထားခြင်း၊ ကွန်မြူနစ်နိုင်ငံ မြောက်ကိုရီးယား၏ ခြိမ်းခြောက်မှုမှကာကွယ်ရန်စသည့် စွပ်စွဲအကြောင်းပြချက်များဖြင့် သမ္မတ Yoon Suk Yeol က ယခုကဲ့သို့ စစ်အုပ်ချုပ်ရေးကို ကြေညာခဲ့ခြင်းဖြစ်သည်။

တောင်ကိုရီးယားလွှတ်တော်တွင် အတိုက်အခံပါတီအမတ်များက နေရာအများစု အနိုင်ရကြီးစိုးထားပြီး အစိုးရ၏ ယခုနှစ်ဘတ်ဂျက်ဉပဒေကိုလည်း ပယ်ချခဲ့ကြောင်း သိရသည်။

သမ္မတ Yoon Suk Yeol က ယခုကဲ့သို့ စစ်အုပ်ချုပ်ရေးကြေညာမှုနှင့်ပတ်သက်၍ “နိုင်ငံတော်ကို ဆန့်ကျင် တော်လှန်သော လုပ်ရပ်များကို ရှင်းလင်းရန်” ဟု ခေါင်းစဉ်တပ်ထားကြောင်း သိရသည်။

လက်ရှိတွင် တောင်ကိုရီးယား လွှတ်တော်ဉက္ကဌက လွှတ်တော်သို့ သွား၍ အစည်းအဝေးတခုခေါ်ယူရန် စီစဉ်နေသော်လည်း စစ်တပ်ဘက်က လွှတ်တော်ကို ပိတ်ဆို့ထားသဖြင့် ကိုယ်စားလှယ်များ ဝင်ရောက်မရကြောင်း နိုင်ငံတကာသတင်းများတွင် ဖော်ပြထားသည်။

နိုင်ငံတော်သမ္မတ၏ စစ်အုပ်ချုပ်ရေး ကြေညာမှုကို လွှတ်တော်ကသာ ပြန်လည်ပယ်ဖျက်နိုင်မည် ဖြစ်သည်။

Photo- Getty Images
https://t.me/newsambassadormedia/3978

03/12/2024

အချက်အလက်အသစ်များပါဝင်နေသည့် MNDAA ၏ တွေ့ဆုံဆွေးနွေးရန်လိုလားကြောင်း ကြေညာချက်

ကိုးကန့်၊ ဒီဇင်ဘာ ၃
News Ambassador

တရုတ်နိုင်ငံ၏ ကြားဝင်စေ့စပ်မှုဖြင့် စစ်ကောင်စီနှင့် တွေ့ဆုံဆွေးနွေးသွားရန် လိုလားကြောင်း ညီနောင်မဟာမိတ် အဖွဲ့ဝင် MNDAA က ထုတ်ပြန်ကြေညာလာသည်။

ယနေ့ရက်စွဲဖြင့် ထုတ်ပြန်ကြေညာလာသော MNDAA ၏ အဆိုပါ ထုတ်ပြန်ချက်တွင် ယခင်ကထက်ပိုမိုသော အချက်အလက်အချို့ကို ထည့်သွင်းထားသည်ကို ပါ တွေ့ရသည်။

MNDAA တပ်ဖွဲ့ဝင်များအနေဖြင့် ယခုရောက်ရှိနေသော နေရာတွင်ရပ်၍ နောက်ထပ်ထိုးစစ်ဆင်မှု ပြုလုပ်မည်မဟုတ်ကြောင်း၊ စစ်ကောင်စီနှင့် တွေ့ဆုံဆွေးနွေးရာတွင် MNDAA က သိမ်းပိုက်ထိန်းချုပ်ထားသော ရမခ စစ်ဌာနချုပ် တည်ရှိရာ လားရှိုးမြို့ကိစ္စကိုပါ ထည့်သွင်းဆွေးနွေးမည်ဖြစ်ကြောင်း ဖော်ပြထားသည်။

အလားတူ စစ်ကောင်စီဘက်ကလည်း မြန်မာနိုင်ငံအနှံ့တွင် ဖော်ဆောင်နေသော မြေပြင် / ဝေဟင် ထိုးစစ်ဆင်တိုက်ခိုက်မှုများကို ရပ်ဆိုင်းပေးရမည်ဖြစ်ကြောင်း တောင်းဆိုထားသည်။

ဆွေးနွေးပွဲအတွက် MNDAA ဘက်က အဆင့်မြင့် ကိုယ်စားလှယ်အဖွဲ့တခုကို စေလွှတ်သွားမည်ဖြစ်ကြောင်း ထည့်သွင်း အသိပေးထားသည်။

သို့သော် ယခင်အတိုင်းပင် မိမိကိုယ်ကိုယ်ခုခံကာကွယ်ခွင့် အား ဆက်လက်ဆွဲကိုင်ထားမည်ဟု MNDAA က ဆိုထားသည်။
လက်ရှိ ညီနောင်မဟာမိတ် ၃ ဖွဲ့တွင် မြန်မာ-တရုတ်နယ်စပ်၌ အခြေစိုက်သော MNDAA နှင့် TNLA တို့ က စစ်ကောင်စီနှင့်တွေ့ဆုံဆွေးနွေးမည့် ကြေညာချက်များ အသီးသီး ထုတ်ပြန်ထားပြီးဖြစ်သည်။

01/12/2024

ယောဒေသတွင် တိုက်ပွဲများ ဆက်တိုက်ဖြစ်ပွားခဲ့ပြီး စစ်ကောင်စီ ဗိုလ်ကြီး ၁ ဉီးအပါအဝင် အလောင်း ၁၀ လောင်း နှင့် သုံ့ပန်း ၁ ဉီး ရရှိ၊ တော်လှန်ရေးရဲဘော် ၂ ဉီး ကျဆုံး

ထီးလင်း၊ ဒီဇင်ဘာ ၁
News Ambassador

ပြီးခဲ့သည့် နိုဝင်ဘာလအတွင်းက မကွေးတိုင်း ယောဒေသအတွင်း တိုက်ပွဲများဆက်တိုက်ဖြစ်ပွားခဲ့ပြီး စစ်ကောင်စီတပ်ဘက်မှ အရာရှိတဉီးအပါအဝင် အလောင်း ၁၀ လောင်းနှင့် စစ်သုံ့ပန်း ၁ ဉီး ဖမ်းဆီးရရှိခဲ့ကြောင်း ယောတော်လှန်ရေးတပ် YA ထံမှ သိရသည်။

နိုဝင်ဘာ ၁၈ ရက်နေ့ညက ထီးလင်းမြို့မှ စတင်ထွက်ခွာလာသော စစ်ကောင်စီ၏ အင်အား (၈၀) ကျော်ပါ စစ်ကြောင်းနှင့် ယောတပ်တော် YA အပါအဝင် တော်လှန်ရေးပူးပေါင်းတပ်တို့သည် နိုဝင်ဘာ ၂၀ ရက်နေ့ မနက်တွင် တိုက်ပွဲစတင်ဖြစ်ပွားခဲ့ပြီး စစ်ကောင်စီဘက်က Mi-35 ချေမှုန်းရေး ရဟတ်ယာဥ်များဖြင့် လေကြောင်းပစ်ကူယူခဲ့ကြောင်း YA က သတင်းထုတ်ပြန်လာသည်။
အဆိုပါတိုက်ပွဲတွင် စစ်ကောင်စီတပ်ဘက်က ပြန်လည်ဆုတ်ခွာသွားသဖြင့် တိုက်ပွဲပြီးဆုံးခဲ့ကြောင်း သိရသည်။

နိုဝင်ဘာ ၂၆ ရက်နေ့တွင်လည်း ကျောက်ထုမြို့ အမြှောက်တပ် ၃၆၈ မှ ထွက်လာသော အင်အား ၃၀ ခန့်ပါ စစ်ကောင်စီစစ်ကြောင်း နှင့် ထပ်မံတိုက်ပွဲဖြစ်ပွားခဲ့ပြီး ယောတပ်တော် YA မှ ရဲဘော် ၁ ဉီး ကျဆုံးခဲ့ကြောင်း သိရသည်။

ထပ်မံ၍ နိုဝင်ဘာ ၂၇ ရက်နေ့တွင်လည်း အမြှောက်တပ် ၃၆၈ မှ စစ်ကောင်စီတပ်သည် စစ်ကြောင်းထိုးလာသဖြင့် တိုက်ပွဲထပ်မံဖြစ်ပွားခဲ့ပြီး စစ်ကောင်စီတပ်ဘက်က Mi-35 ချေမှုန်းရေး ရဟတ်ယာဥ်များ အသုံးပြု၍ စုစုပေါင်း(၆)ကြိမ် လေကြောင်းတိုက်ခိုက်မှု ပြုလုပ်ခဲ့ကြောင်း YA ၏ ထုတ်ပြန်ချက်အရ သိရသည်။
အဆိုပါတိုက်ပွဲသည် ၂၃ နာရီခန့်ကြာမြင့်ခဲ့ပြီး နိုဝင်ဘာ ၂၈ ရက်နေ့မနက် စစ်ကောင်စီတပ်ဘက်က ပြန်လည်ဆုတ်ခွာသွားရာ တိုက်ပွဲပြီးဆုံးခဲ့ကြောင်း၊ တိုက်ပွဲဖြစ်ပွားရာနေရာအား ရှင်းလင်းရေးဝင်ရာ စစ်ကောင်စီတပ်ထံမှ MA-1 သေနတ် ( ၂ ) လက် ၊ ခဲယမ်း ၊ စစ်အသုံးအဆောင်ပစ္စည်းအချို့ နှင့် အလောင်း ၂ လောင်း သိမ်းဆည်းရရှိခဲ့ကြောင်း ယောတပ်တော်(YA ) က ထုတ်ပြန်သည်။

ယင်းနေ့ မနက် မှာပင် ထီးလင်းမြို့ ရွှေထီးခန်းမ မှ အနီးကျေးရွာများသို့ စစ်ကြောင်းထိုးလာသော ခန့်မှန်းအင်အား ၈၀ ခန့်ပါ စစ်ကောင်စီစစ်ကြောင်းကို ယောတပ်တော်( YA) က ကြားဖြတ်တိုက်ခိုက်ခဲ့ကြောင်း သိရသည်။
မွန်းလွဲပိုင်းတွင် စစ်ကောင်စီတပ်ဘက်က Mi35 ခြေမှုန်းရေးရဟတ်ယဉ်ဖြင့် လေကြောင်းပစ်ကူပေးပြီး ၎င်းတပ်များကို ပြန်လည်ဆွဲထုတ်သွားခဲ့ကြောင်း ထုတ်ပြန်ထားသည်။
တိုက်ပွဲပြင်းထန်‌နေချိန်တွင် ပြည်သူ့ကာကွယ်ရေးတပ်မတော် (PDF) နှင့် ဒရုန်းတပ်ဖွဲ့တို့သည် ယောတပ်တော် (YA) နှင့် လာရောက်ပူးပေါင်းခဲ့ကြောင်း၊ တိုက်ပွဲဖြစ်ပွားရာနေရာသို့ ရှင်းလင်းရေး ဝင်ရောက်ချိန်တွင် စစ်ကောင်စီတပ်ဖွဲ့ဝင် သုံ့ပန်း(၁)ဦး ၊ အလောင်း ၈ လောင်း၊ MA သေနတ် (၁)လက် ၊ကာဘိုင် (၂)လက် ၊အခြားကျည်နှင့်ခဲယမ်းများ ၊စစ်အသုံးအဆောင်များနှင့် ရေဒီယိုစက်များ သိမ်းဆည်းရရှိခဲ့ကြောင်း ထုတ်ပြန်ချက်အရ သိရသည်။

သိမ်းဆည်းရရှိသော အလောင်းထဲတွင် စစ်ကောင်စီတပ်မှ ဗိုလ်ကြီးဆင့်ရှိ အရာရှိတဉီးပါဝင်ပြီး ၎င်းမှာ စစ်ကြောင်းမှူးဖြစ်သည်ဟု သတင်းရရှိကြောင်း ၊ ယင်းတိုက်ပွဲတွင် ယောတပ်တော် (YA) မှ ရဲဘော် (၂) ဦး ဒါဏ်ရာရရှိခဲ့ပြီး PDF ရဲဘော် (၁ )ဦး ကျဆုံးခဲ့ကြောင်း ဆိုထားသည်။

ယောတပ်တော် (YA) သည် မဟာမိတ်ဖြစ်သော ချင်းညီနောင် ( CB) ၊ ယောကာကွယ်ရေးတပ် (YDF) တို့နှင့် ပူးပေါင်းကာ ယောဒေသတွင်း စစ်ဆင်ရေးများကို တိုးမြှင့် ဖေါ်ဆောင်လျက်ရှိပြီး အထက်ပါတိုက်ပွဲ ဖြစ်စဥ်များတွင်လည်း နီးစပ်ရာဒေသခံကာကွယ်ရေးတပ်ဖွဲ့များ၊ ခရိုင်တပ်ရင်းများ နှင့် Drone တပ်ဖွဲ့များက ပူးပေါင်းပါဝင်ခဲ့ကြောင်း ထုတ်ပြန်ထားသည်။
https://t.me/newsambassadormedia/3973

30/11/2024

ယခုည ကျောက်မဲမြို့ပေါ်ကို လေယာဉ်ဖြင့် ဗုံးကြဲသဖြင့် ဒေသခံ အစုလိုက်အပြုံလိုက် သေဆုံး

ကျောက်မဲ၊ နိုဝင်ဘာ ၃၀
News Ambassador

ယနေ့ည ၆ နာရီခွဲခန့်တွင် အာဏာသိမ်းစစ်တပ်က ရှမ်းပြည်နယ်မြောက်ပိုင်း ကျောက်မဲမြို့ ပေါ်ကို လေယာဉ်ဖြင့် ဗုံးကြဲသွားသဖြင့် ဒေသခံပြည်သူ ၁၀ ဉီး သေဆုံးခဲ့ကြောင်း သိရသည်။

ကျောက်မဲမြို့ အင်ကြင်းတောင်ရပ်ကွက် သို့ အာဏာသိမ်းစစ်တပ်က ပေါင် ၅၀၀ ဗုံးများ ကြဲချတိုက်ခိုက်သွားသဖြင့် နေအိမ်များ၊ သီလရှင်ကျောင်းပေါ်သို့ ကျရောက်ပေါက်ကွဲခဲ့ခြင်းဖြစ်ကြောင်း ဒေသခံ က ပြောသည်။

“လက်ရှိ ကျောက်မဲကြီး၊ ၇၇၇ ဘီယာဆိုင် အနား အနီးတဝှိုက်ကို ကြဲသွားတာ။ လောလောဆယ်အထိ သေဆုံးတဲ့သူ ၁၀ ဉီး ရှိပြီး ၂၀ လောက်ဒဏ်ရာရတယ်လို့ သတင်းရထားတယ် ” ဟု ဒေသခံ တဉီးက ပြောသည်။

သေဆုံးသူ ၁၀ ဉီးဆိုသော ပမာဏသည် ကနဉီး တွက်ချက်ထားသော အရေအတွက်ဖြစ်ပြီး ယခုထပ်ပိုမိုတိကျသော အချက်အလက်များ ရရှိရန် အချိန်ယူရဉီးမည်ဖြစ်ကြောင်း၊ လက်ရှိတွင် အပျက်အစီးများ ရှင်းလင်းမှုနဲ့ အလောင်းကောက်ယူခြင်း လုပ်ငန်းစဉ်များ မပြီးဆုံးသေးကြောင်း ဒေသခံက ပြောပြခဲ့သည်။

ဒဏ်ရာရသူများကို ဆေးရုံသို့ ပို့ဆောင်ကုသမှုပေးနေကြောင်း သိရသည်။

ဓာတ်ပုံ- local
https://t.me/newsambassadormedia/3966

30/11/2024

“လူထုခြေရာ - နွေဦးကိုတားဆီးမရ” ပြပွဲ ထိုင်းနိုင်ငံတွင် ပြုလုပ်

ချင်းမိုင်၊ နိုဝင်ဘာ ၃၀
News Ambassador

နွေဉီးတော်လှန်ရေး ဆန္ဒပြပွဲများတွင် အသုံးပြုခဲ့သော နဖူးစည်းစာတန်း(Banners) မူရင်းများ၊ ပြန်လည်ရေးဆွဲထားသော နဖူးစည်းစာတန်း (Banners) များကို ခင်းကျင်းပြသသည့် ပြပွဲတခုကို ယနေ့ ညနေက ထိုင်းနိုင်ငံ ချင်းမိုင်မြို့တွင် ကျင်းပပြုလုပ်ခဲ့သည်။

Burma Civil War Museum ဗမာ့ပြည်တွင်းစစ်ပြတိုက်က ဉီးစီ၍ပြုလုပ်သော အဆိုပါ ပွဲကို “လူထုခြေရာ - နွေဦးကိုတားဆီးမရ” ဟု အမည်ပေးခဲ့သည်။

အဆိုပါပွဲတွင် နွေဦးတော်လှန်ရေး ပြည်သူ့လှုပ်ရှားမှုများအတွင်း အသုံးပြုခဲ့သော နဖူးစည်းစာတန်း(Banners) မူရင်း၊ ပြန်လည်ရေးဆွဲထားသည့် နဖူးစည်းစာတန်း (Banners) များနှင့် မှတ်တမ်းဓာတ်ပုံများကို ခင်းကျင်းပြသခဲ့သည်။

နွေဦးတော်လှန်ရေးသည် လက်နက်ကိုင်တော်လှန်ရေးအဖြစ် ဦးတည်ပြောင်းလဲ တိုက်ပွဲဝင်နေပြီး ပိုမိုအားကောင်းလာစေရန် ရည်ရွယ်၍ ယခုပြပွဲကို ကျင်းပရခြင်း ဖြစ်သည်ဟု Burma Civil War Museum ကဆိုသည်။

ယခုပွဲသည် ဒုတိယအကြိမ်ကျင်းပသော ပွဲအခမ်းအနားဖြစ်ကြောင်း ပါ သိရသည်။

28/11/2024

တောင်ကုတ်မြို့ကို အလုံးစုံ ထိန်းချုပ်ထားနိုင်ပြီဟု AA ကြေညာ

တောင်ကုတ်၊ နိုဝင်ဘာ ၂၈
News Ambassador

ရခိုင်ပြည်နယ်၊ တောင်ကုတ်မြို့ကို နိုဝင်ဘာ ၂၄ ရက်နေ့က အလုံးစုံထိန်းချုပ်နိုင်ခဲ့ကြောင်း AA က အတည်ပြုထုတ်ပြန်လာသည်။

တောင်ကုတ်မြို့ရှိ စစ်ကောင်စီ တပ်စခန်းများဖြစ်သော တောင်ကုတ်တက္ကသိုလ်၊ မောင်းတံဂိတ် နှင့် ရာဘာခြံရှိ စခန်းများ၊ အာလိမ်ငါးဆင့်ဘုရားကုန်းရှိ စခန်း၊ ဖုန်ညိုရွာ ဘုန်းကြီးကျောင်းအနီးတောင်ကုန်း နှင့် ဖုန်ညိုတံတား အနီးပတ်ဝန်းကျင်ရှိ စခန်းများ၊ မြို့အဝင် စစ်ကောင်စီ၏ စကခ (၅) တပ်မဌာနချုပ် ဂိတ်စခန်း၊ သိမ်တောင်ရပ်ကွက် ဆုတောင်းပြည့်ဘုန်းကြီးကျောင်းဝင်းအတွင်းရှိ စခန်း၊ ကြိုးကြာကွင်းဂိတ်ရှိ စခန်း၊ကိုင်းရှည်တံတားထိပ်ရှိ စခန်း၊သီရိဆေးရုံနှင့် ဂုဏ်နေဒေါက်ကျင်းရှိ စခန်း၊ တောင်ကုတ်မြို့မ ရဲစခန်း တို့ကို နိုဝင်ဘာ ၄ ရက် မှ ၂၀ ရက်အတွင်း ၁၇ ရက်ကြာ ထိုးစစ်ဆင်၍ သိမ်းပိုက်ရရှိခဲ့ကြောင်း၊ ယင်းအတွက် တောင်ကုတ်မြို့တစ်ခုလုံးကို ၂၄ ရက်နေ့တွင် အလုံးစုံထိန်းချုပ်ထားနိုင်ခဲ့ခြင်းဖြစ်သည်ဟု AA က ထုတ်ပြန်ကြေညာသည်။

တောင်ကုတ်မြို့ပတ်ဝန်းကျင်ရှိ စစ်ကောင်စီစခန်းများအားလုံးကို သိမ်းပိုက်ရယူပြီးနောက် တောင်ကုတ်မြို့အခြေစိုက် အဓိကစခန်းကြီးများဖြစ်ကြသော စကခ (၅) တပ်မဌာနချုပ် နှင့် စကခ (၅) လက်အောက်ခံတပ်ရင်းများဖြစ်ကြသော ခမရ (၃၄၆) ၊ ခမရ (၅၄၄) တပ်ရင်းဌာနချုပ် စခန်းများကိုလည်း တစ်ပြိုင်နက်တည်း ထိုးစစ်ဆင်တိုက်ခိုက်နေပြီဟု ဆိုထားသည်။

ကြိုတင်သတိပေးထားသောကြောင့် တိုက်ပွဲလွတ်ရာသို့ ရှောင်တိမ်းကြသော ပြည်သူများရှိသကဲ့သို့ ရှောင်တိမ်းခြင်းမရှိဘဲ နေအိမ်များတွင်ကျန်ရစ်ခဲ့သော သူများလည်းရှိခဲ့ကြောင်း၊ ယခုအချိန်တွင် တောင်ကုတ် မြို့အတွင်း၌ စစ်ကောင်စီတပ်ဖွဲ့ဝင်များ တစ်ယောက်မျှမရှိတော့ဘဲ ဒေသခံပြည်သူအချို့နှင့် ပြည်သူပိုင်ပစ္စည်းများကို ခိုးယူရန်ချောင်းနေကြသော တောကြောင်သူခိုးများသာ ကျန်တော့သည်ဟု AA က ထုတ်ပြန်ဖော်ပြထားသေးသည်။

တိုက်ပွဲအတွင်း စစ်ကောင်စီ တပ်ဖွဲ့ဝင်များသည် မြို့အတွင်းမှ ပြည်သူပိုင်ပစ္စည်းများကို ခိုးယူခြင်း၊ ဖျက်ဆီးခြင်း၊ လေကြောင်းမှ ဗုံးကြဲတိုက်ခိုက်ခြင်းတို့ကိုပြုလုပ်ခဲ့သောကြောင့် ပြည်သူပိုင်ပစ္စည်း၊ လူနေအိမ်၊ တိုက်တာအဆောက်အအုံအချို့မှာ ပျက်စီးသွားခဲ့ပြီးဖြစ်သည်ဟုလည်း ဖော်ပြထားသည်။

သူခိုးများကို ခိုးရာပါပစ္စည်းများနှင့်အတူ နေ့စဉ် ဖမ်းဆီးရမိလျက်ရှိပြီး ခိုးရာပါပစ္စည်းများကို ပိုင်ရှင်အစစ်အမှန်များလက်ထဲသို့ အပ်နှံနိုင်ရန် ဆောင်ရွက်သွားမည်ဟုလည်း ဖော်ပြထားသည်။
https://t.me/newsambassadormedia/3962

28/11/2024

ကချင်အထူးဒေသ ၁ ဟူသော သတ်မှတ်ချက်ကို ဖျက်သိမ်းကြောင်း KIA ကြေညာ

မြစ်ကြီးနား၊ နိုဝင်ဘာ ၂၈
News Ambassador

ယခင် နဝတ / နအဖ ခေတ်ကတည်းက သတ်မှတ်ခဲ့သော ကချင်အထူးဒေသ ၁ ဟူသော အခေါ်အဝေါ်သတ်မှတ်ချက်ကို ဖျက်သိမ်းကြောင်း KIA က ယနေ့ ထုတ်ပြန်ကြေညာလာသည်။

စစ်ကောင်စီလက်အောက်ခံ ဦးဇခုန်တိန့်ယိန်း အုပ်ချုပ်ခဲ့သော ကချင်အထူးဒေသ ၁ တခုလုံးကို KIA က တိုက်ခိုက်သိမ်းပိုက်ပြီးနောက် ယခုကဲ့သို့ ကြေညာခဲ့ခြင်းဖြစ်သည်။

ကချင်အထူးဒေသ ၁ တွင် ပန်ဝါ၊ ချီဖွေ၊ ဆော့လော်၊ ကန်ပိုက်တီ၊ ဆဒုံး၊ ဖီမော် စသည့်ဒေသများ ပါဝင်သည်။
https://t.me/newsambassadormedia/3960

27/11/2024

လွိုင်ကော်ြမို့နယ် လင်ဖုံလေးတိုက်ပွဲတွင် စစ်ကောင်စီ သုံ့ပန်း ၅ ဉီး နှင့် သေနတ် ၂၂ လက် သိမ်းဆည်းရမိကြောင်း KNDF ကြေညာ

လွိုင်ကော်၊ နိုဝင်ဘာ ၂၇
News Ambassador

ကရင်နီပြည်နယ် လွိုင်ကော်မြို့ လင်ဖုံလေးရွာအနီး တိုက်ပွဲဖြစ်ပွားပြီး စစ်ကောင်စီသုံ့ပန်း ၅ ဉီးနှင့် သေနတ် ၂၂ လက် သိမ်းဆည်းရမိကြောင်း KNDF က သတင်းထုတ်ပြန်လာသည်။

ယမန်နေ့မနက်က တိုက်ပွဲဖြစ်ပွားခဲ့သည်ဟု သိရပြီး ကနဉီးထွက်ပေါ်လာသော သတင်းများတွင်မူ စစ်ကောင်စီ ဘက်က စစ်ကြောင်းတခုလုံးနီးပါး အဆုံးအရှုံးများခဲ့ကြောင်း အသီးသီးဖော်ပြခဲ့သည်။

KNDF ဘက်က ထုတ်ပြန်လာသော ထုတ်ပြန်ချက်တွင်မူ နိုဝင်ဘာ ၂၆ ရက်နေ့က လွိုင်ကော်မြို့တနေရာတွင် စစ်ကောင်စီတပ် ခလရ ၈၀ နှင့် KNDF ၊ Loikaw Local PDF ၊ PNDF၊ ကလလတ ပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့သည်ဟု ဖော်ပြထားသည်။

တိုက်ပွဲအတွင်း စစ်ကောင်စီတပ်ဖွဲ့ဝင် ၅ ဉီးနှင့် သေနတ် ၂၂ လက် သိမ်းဆည်းရမိကြောင်း သတင်းဓာတ်ပုံနှင့်တကွဖော်ပြထားသည်။

လက်ရှိတွင် လွိုင်ကော်မြို့ပြင်၌ ထိတွေ့တိုက်ပွဲ ဆက်လက်ဖြစ်ပွားနေကြောင်း ဆိုထားသည်။

တိုက်ပွဲအတွင်း ၂ ဖက် အကျအဆုံး ကိုတော့ ဖော်ပြထားခြင်း မရှိပေ။

Newsambassador ၏သတင်းများကို အောက်ပါ ချန်နယ်များမှာ ဝင်
ရောက်ကြည့်ရှု့နိုင်ပါသည်။

YouTube
https://youtube.com/
Website
http://newsambassador.org/
Telegram
https://t.me/newsambassadormedia
TikTok
https://www.tiktok.com/
Instagram
https://www.instagram.com/newsambassador_media_/profilecard/

27/11/2024

မင်းအောင်လှိုင်ကို ဖမ်းဝရမ်းထုတ်ဖို့ ICC ရှေ့နေချုပ် စာတင်

နိုဝင်ဘာ ၂၇
News Ambassador

မြန်မာစစ်အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို ဖမ်းဝရမ်းထုတ်ရန် နိုင်ငံတကာတရားရုံး ICC ရှေ့နေချုပ် Karim A.A. Khan KC က စာတင်လိုက်ကြောင်း ယနေ့ သတင်းထုတ်ပြန်လာသည်။

ပြီးခဲ့သည့် ၂၀၁၆ ခုနှစ်၊ ၂၀၁၇ ခုနှစ်တို့က ရခိုင်ပြည်နယ်ရှိ ရိုဟင်ဂျာလူမျိုးစုအပေါ်တွင် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ကျူးလွန်ခဲ့သော ရာဇဝတ်မှုများအတွက် ICC အနေနဲ့ ဖမ်းဝရမ်းထုတ်နိုင်ရန် ယခုကဲ့သို့ အစီရင်ခံစာ တင်ပြရခြင်းဖြစ်ကြောင်း ဖော်ပြထားသည်။

ရှေ့နေသည် ၂၀၁၉ ခုနှစ် နိုဝင်ဘာကတည်းက အဆိုပါကိစ္စများကို စုံစမ်းခဲ့ပြီး ဘင်္ဂလားဒေ့ရှ်နိုင်ငံ ကော့ဘဇားရှိ ရိုဟင်ဂျာဒုက္ခသည်စခန်းသို့လည်းသွားရောက်ခဲ့ကြောင်း ဆိုထားသည်။

အခု အစီရင်ခံစာသည် ဗိုလ်ချုပ်မှူးကြီး မင်းအောင်လှိုင်ကို ဖမ်းဆီးမိန့် ဝရမ်းထုတ်နိုင်ရန်တင်သွင်းသော ပထမအကြိမ်ဖြစ်ပြီး နောက်ဆက်တွဲ အစီရင်ခံစာလည်း ရှိဉီးမည်ဖြစ်ကြောင်း သိရသည်။

ယနေ့တင်သွင်းသော အစီရင်ခံစာတွင် ဗိုလ်ချုပ်မှူးကြီး မင်းအောင်လှိုင် ၏ တပ်မတော်နှင့် ၎င်းလက်အောက်ခံ နယ်ခြားစောင့်တပ်၊ ရဲတပ်ဖွဲ့၊ ရိုဟင်ဂျာမဟုတ်သူများ ( မူရင်းတွင် non-Rohingya civilians ဟု သုံးထား) က ပြီးခဲ့သည့် ၂၀၁၇ ခုနှစ်အတွင်း ကျူးလွန်ခဲ့သော ကိစ္စရပ်များကို ဖော်ပြထားကြောင်း သိရသည်။

ပုံစာ- ICC ရှေ့နေ ( photo – ICC ) နှင့် စစ်ခေါင်းဆောင်မင်းအောင်လှိုင် ( photo- News Ambassador)

Newsambassador ၏သတင်းများကို အောက်ပါ ချန်နယ်များမှာ ဝင်
ရောက်ကြည့်ရှု့နိုင်ပါသည်။

YouTube
https://youtube.com/
Website
http://newsambassador.org/
Telegram
https://t.me/newsambassadormedia
TikTok
https://www.tiktok.com/
Instagram
https://www.instagram.com/newsambassador_media_/profilecar

Address

Yangon
11181

Website

https://newsambassador.org/

Alerts

Be the first to know and let us send you an email when News Ambassador Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Ambassador Media:

Videos

KIA လက်အောက်ရှိ ကန်ပိုက်တီ မြန်မာ-တရုတ် နယ်စပ်ဂိတ် ပြန်ဖွင့် ကန်ပိုက်တီ၊ နိုဝင်ဘာ ၂၅ News Ambassador KIA တို့ သိမ်းပိုက်ခဲ့သည့် ကချင်ပြည်နယ် မြန်မာ-တရုတ်နယ်စပ် ကန်ပိုက်တီကုန်သွယ်ရေးဂိတ်ကို ယနေ့ ပြန်ဖွင့်ပြီဖြစ်ကြောင်း ဒေသခံထံမှ သိရသည်။ “ကန်ပိုက်တီဂိတ် ပြန်ဖွင့်ပြီ။ ဒီကနေ့ပဲဖွင့်တာ။ တရုတ်ဘက်ကလည်း ဖွင့်တယ်” ဟု ဒေသခံ တဉီးက ပြောသည်။ စစ်ကောင်စီ ထိန်းချုပ်ခဲ့ရာ ကန်ပိုက်တီမြို့ကို နိုဝင်ဘာ ၂၀ ရက်နေ့တွင် KIA နှင့် မဟာမိတ်တပ်များက ဝင်ရောက်တိုက်ခိုက်သိမ်းပိုက်ပြီးနောက် တရုတ်ဘက်က နယ်စပ်ဂိတ်ကို ပိတ်လိုက်ခြင်းဖြစ်ကာ ယနေ့ပြန်လည်ဖွင့်လှစ်ခဲ့ခြင်းဖြစ်သည်။ ကန်ပိုက်တီမှ တရုတ်ပြည်ဘက်သို့ ထွက်ပြေးသွားသော စစ်ကောင်စီတပ်ဖွဲ့ဝင် ၃၀၀ ခန့်ကို တရုတ်က မူဆယ်ရှိ စစ်ကောင်စီတပ်ထံ ပြန်လည်လွှဲပြောင်းပေးခဲ့သည်။ KIA က ကချင်ပြည်နယ်အတွင်းရှိ မြန်မာ-တ

နယ်စပ်ဂိတ်ရှိရာ ကန်ပိုက်တီမြို့ကို KIA က တိုက်ခိုက်သိမ်းပိုက်ပြီး ကချင်အထူးဒေသ ၁ ခုလုံးကို စိုးမိုးထားနိုင် ကန်ပိုက်တီ ၊ နိုဝင်ဘာ ၂၀ News Ambassador ကချင်ပြည်နယ်၊ တရုတ်နယ်စပ်ဒေသတွင် နောက်ဆုံးကျန်ရှိသော စစ်ကောင်စီတပ် စိုးမိုးရာ ကန်ပိုက်တီမြို့ကို ယနေ့ညနေတွင် KIA နှင့် မဟာမိတ်များက တိုက်ခိုက်သိမ်းပိုက်လိုက်ပြီဖြစ်ကြောင်း သတင်းရင်းမြစ်များထံမှ သိရသည်။ ယနေ့ မနက်ပိုင်းတွင် တိုက်ပွဲစတင်ခဲ့ခြင်းဖြစ်ပြီး ညနေတွင် အပြီးသတ်သိမ်းယူနိုင်ခြင်းဖြစ်ကြောင်း သတင်းရင်းမြစ်က ပြောသည်။ “ဒီညနေအထိကို ရထားတဲ့သတင်းအရဆို နယ်စပ်ဂိတ်ပေါက်အထိ ရှင်းလင်းရေးလုပ်နေပြီ။ ညနေ ၅ နာရီနောက်ပိုင်းပေါ့နော်။ ဒီတော့ သိမ်းလိုက်နိုင်ပြီလို့ အကြမ်းဖျဉ်းပြောရမယ်။ မနက်က ရထားတဲ့ သတင်းအရဆို ကန်ပိုက်တီက ဝိုင်းပဲဝိုင်းထားသေးတာ။ ဒီမနက်မှာ ကန်ပိုက်တီမှာရှိတ

တန့်ဆည်မြို့နယ်တွင် အင်အား ၁၅၀ ခန့်ဖြင့် စစ်ကြောင်းထိုးလာသော စကစ ကို တော်လှန်ရေးတပ်ဖွဲ့များက ပူးပေါင်း တိုက်ခိုက် ရန်ကုန် ၊နိုဝင်ဘာ ၁၈ စစ်ကိုင်းတိုင်း တန့်ဆည်မြို့နယ်မှအင် အား၁၅၀ခန့်ဖြင့် စစ်ကြောင်းထိုးလာပြီး ရေဦးမြို့နယ် မုန်တိုင်ပင်ရွာရှိနေ အိမ်များကို မီးရှို့ဖျက်စီးခဲ့သော စစ် ကောင်စီတပ် ကို တော်လှန်ရေးတပ်ဖွဲ့ များက ပူး ပေါင်း တိုက်ခိုက်ခဲ့ကြောင်း ရွှေဘိုခရိုင်အမှတ် ၁၄ တပ်ရင်းရေဦး PDF မှပြောသည်။ အဆိုပါ စစ်ကြောင်းသည် ရေဦးမြို့ နယ် မုန်တိုင်ပင်ရွာရှိနေ အိမ်များကို မီးရှို့ဖျက် စီးခဲ့ပြီးအနီးနားဝန်းကျင်ရှိ ကျေးရွာများအား Drone များကြဲချခဲ့ ကြောင်း ၊၎င်းစစ်ကောင်စီတပ်များကိုမွန်းလွဲ ၁:၃၀ အချိန်ခန့်၌ ရွှေဘိုခရိုင်အမှတ် ၁၄ တပ် ရင်း(ရေဦးPDF) နှင့် ရေဦးမြို့နယ် ပ.က.ဖ ပူးပေါင်း၍ Fixed-Wing Droneများဖြင့် ဗုံးသီး ၅ လုံးကြဲချ

တန့်ဆည်မြို့နယ်တွင် အင်အား ၁၅၀ ခန့်ဖြင့် စစ်ကြောင်းထိုးလာသော စကစ ကို တော်လှန်ရေးတပ်ဖွဲ့များက ပူးပေါင်း တိုက်ခိုက် ရန်ကုန် ၊နိုဝင်ဘာ ၁၈ စစ်ကိုင်းတိုင်း တန့်ဆည်မြို့နယ်မှအင် အား၁၅၀ခန့်ဖြင့် စစ်ကြောင်းထိုးလာပြီး ရေဦးမြို့နယ် မုန်တိုင်ပင်ရွာရှိနေ အိမ်များကို မီးရှို့ဖျက်စီးခဲ့သော စစ် ကောင်စီတပ်ကို တော်လှန်ရေးတပ်ဖွဲ့ များက ပူးပေါင်းတိုက်ခိုက်ခဲ့ကြောင်း ရွှေဘိုခရိုင်အမှတ် ၁၄ တပ်ရင်းရေဦး PDF မှပြောသည်။ အဆိုပါ စစ်ကြောင်းသည် ရေဦးမြို့ နယ် မုန်တိုင်ပင်ရွာရှိနေ အိမ်များကို မီးရှို့ဖျက်စီးခဲ့ပြီးအနီးနားဝန်းကျင်ရှိ ကျေးရွာများအား Drone များကြဲချခဲ့ ကြောင်း ၊၎င်းစစ်ကောင်စီတပ်များကို မွန်းလွဲ ၁:၃၀အချိန်ခန့်၌ ရွှေဘိုခရိုင်အမှတ် ၁၄ တပ်ရင်း(ရေဦးPDF) နှင့် ရေဦးမြို့နယ် ပ.က.ဖ ပူးပေါင်း၍ Fixed-Wing Droneများဖြင့် ဗုံးသီး ၅ လုံးကြဲချ၍တ

"အခုလည်းရုပ်ရှင်တွေ ပြသနေတယ်။ဘယ်လိုနှလုံးသားတွေနဲ့ရိုက်ပြီး ဘယ်လို နှလုံးသားတွေနဲ့တင်ဆက်နေတာလဲ ဆိုတာ ကျွန်တော် ခံစားလို့မရဘူး “ လူရွှင်တော် ကိုစိန်သီး နှင့် တွေ့ဆုံမေးမြန်းခန်း Newsambassador ၏သတင်းများကို အောက်ပါ ချန်နယ်များမှာ ဝင် ရောက်ကြည့်ရှု့နိုင်ပါသည်။ YouTube https://youtube.com/@newsambassadormedia Website http://newsambassador.org/ Telegram https://t.me/newsambassadormedia TikTok https://www.tiktok.com/@newsambassador5 Instagram https://www.instagram.com/newsambassador_media_/profilecard/

စစ်ခေါင်းဆောင်ကို မကြာခဏ သရော်ပြောဆိုသည့် ငါးမင်းဆွေကို စစ်ကောင်စီက ဖမ်းဆီး ရန်ကုန်၊ နိုဝင်ဘာ ၉ News Ambassador အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ကို လူမှုကွန်ရက်တွင် မကြာခဏ သရော်ပြောဆိုလေ့ရှိသည့် ငါးမင်းဆွေကို စစ်ကောင်စီက ဖမ်းဆီးအမှုဖွင့်လိုက်ကြောင်း သိရသည်။ "ကျနော့ကို ကျိုက်ထိုရဲစခန်းမှူးက လာခေါ်တယ်။ လာခေါ်တဲ့အကြောင်းက ရန်ကုန်၊ လှိုင်မြို့နယ်မှာ ကျနော့ကို ၅၀၅ (က) နဲ့ အမှုဖွင့်ထားပါတယ်တဲ့။ အဲဒီကိစ္စနဲ့ကျနော့်ကို လာခေါ်တာပေါ့ဗျာ။ ကျနော့ကို ရန်ကုန်ပို့မှာပေါ့ဗျာ။ ၅၀၅ (က) နဲ့ ကျနော့ကို တရားစွဲထားတယ်ဗျ။ အဲ့ဒီလိုတော့ အကြမ်းဖျဉ်းသိရတယ်ဗျ။ အသေးစိတ်‌တော့ ဘာမှမသိရဘူး။ ကျနော်လိုက်သွားရမယ်ပေါ့ဗျာ။ ချစ်လှစွာသော မြန်မာများအားလုံးကို ကျနော် နှုတ်ဆက်ပါတယ်” ဟု ငါးမင်းဆွေက ၎င်း ရဲစခန်းသို့ သွားရေ

ပုလဲမြို့နယ် ဇီးဖြူကုန်းပျူစခန်း ကို ဒရုန်းဖြင့်တိုက်ခိုက် ၊ အရာရှိတစ်ဦးအပါအဝင် ၁၀ ဦး ထိခိုက် (ရုပ်/သံ) ရန်ကုန် ၊ အောက်တိုဘာ ၇ Newsambassador စစ်ကိုင်းတိုင်း ပုလဲမြို့နယ်ရှိ ဇီးဖြူကုန်းပျူစခန်းကို ၄ ရက်ဆက်တိုက် ဒရုန်းဖြင့် တိုက်ခိုက်ခဲ့ရာ စစ်ကောင်စီအရာရှိ ၁ ဦးအပါအဝင် ၁၀ ဦး အပြင်း အထန်ထိခိုက်ခဲ့ကြောင်းဗမာအမျိုး သား တော်လှန်ရေး တပ်မတော် က ပြောကြားသည် ။ ဇီးဖြူကုန်းပျူစခန်းကိုဗမာအမျိုး သား တော်လှန်ရေး တပ်မတော် (BNRA) နည်းပညာ တပ်ရင်းမှ နိုဝင်ဘာ ၁ ရက်နေ့မှစပြီး နိုဝင်ဘာ ၄ ရက် နေ့ထိ ဒရုန်းစစ်ဆင်ရေးပြုလုပ် ခဲ့ကြောင်း ၊၄ ရက်တာစစ်ဆင်ရေးအတွင်း စစ်ကောင်စီအရာရှိတစ်ဦးအပါအဝင် စုစုပေါင်း ၁၀ဦး ထိခိုက်ဒဏ်ရာရရှိခဲ့သည်ဟု BNRAကဆို သည်။

စကစနှင့် ပြည်သူ့စစ်စခန်းအချို့ကို ထပ်မံသိမ်းပိုက်ရရှိပြီး မြန်မာ-တရုတ်နယ်စပ် ဖီမော်မြို့ကို KIA ထိန်းချုပ် ချီဖွေ၊ နိုဝင်ဘာ ၂ News Ambassador ကချင်ပြည်နယ်၊ မြန်မာ-တရုတ်နယ်စပ်၊ ချီဖွေမြို့နယ်၊ ဖီမော်ဒေသရှိ စစ်ကောင်စီနှင့် ဇခုန်တိမ့်ယိန်းတို့၏ ပြည်သူ့စစ်ပူးပေါင်းတပ်စခန်းအချို့ကို ယနေ့တွင် KIA နှင့် မဟာမိတ်များက သိမ်းပိုက်ရရှိပြီး မြို့ကို ထိန်းချုပ်နိုင်ခဲ့ကြောင်း သတင်းရင်းမြစ်ထံမှ သိရသည်။ ဖီမော်ဒေသ လဂွေကျေးရွာ (မဂွေဇ ဟုလည်း ခေါ်) ရှိ စာသင်ကျောင်းအတွင်း တပ်စွဲထားသော စစ်ကောင်စီတပ်စခန်းကို ယမန်နေ့နိုဝင်ဘာ ၂ ရက်နေ့ကလည်းကောင်း၊ မြန်မာ-တရုတ်နယ်စပ်ရှိ BP 7 ဂိတ်စခန်းကို ယနေ့မွန်းလွဲပိုင်း ၁ နာရီခန့်တွင် ထပ်မံသိမ်းပိုက်ရရှိခဲ့ပြီး ဖီမော်မြို့ကို ထိန်းချုပ်နိုင်ခဲ့ခြင်းဖြစ်ကြောင်း ဒေသခံ သတင်းရင်းမြစ်က ပြောပြသည်။ “ခလရ ၂၉၈

ဂန့်ဂေါမြို့ မြောက်ခင်ရန်း ပျူစောထီးရွာမှ ထွက်လာသော အင်အား ၂၀၀ ခန့်ပါ စစ် ကြောင်းကို ဗုံးကြဲတိုက်ခိုက် (ရုပ်/သံ) ရန်ကုန်၊နိုဝင်ဘာ ၂ Newsambassador မကွေးတိုင်း ဂန့်ဂေါမြို့နယ်မြောက် ခင်ရန်း ပျူစောထီးကျေးရွာ မှ ထွက် လာ သော အင်အား ၂၀၀ခန့်ပါ စစ် ကြောင်းကို နိုဝင်ဘာ ၁ရက်နေ့ မနက် က ဂန့်ဂေါခရိုင်ဒရုန်းတပ်ဖွဲ့ မှ ဗုံးကျဲတိုက်ခိုက်ခဲ့သည်ဟု ဂန့်ဂေါခရိုင်ဒရုန်းတပ်ဖွဲ့ က ပြောကြားသည် ။ အဆိုပါတိုက်ခိုက်မှုကြောင့် စစ်ကောင် စီ တပ်ဘက်မှ ၂ ဦးသေ ဆုံးပြီး ‌‌‌‌‌၁၀ ဦးခန့် ထိခိုက်ဒဏ်ရာရရှိကြောင်း ကနဦး သတင်းများအရ သိရသည် ။ မြောက်ခင်ရန်းပျူစောထီးကျေးရွာက အင်အား ၂၀၀ ဝန်းကျင်ရှိစစ် ကြောင်း သည် ကလေး - ဂန့်ဂေါလမ်းမကြီး အရှေ့ဘက်နဲ့ အနောက်ဘက် စစ်ကြောင်းနှစ် ကြောင်းခွဲပြီး တောင်ခင်ရန်းဘက်ကို စစ်ကြောင်းထိုးရာကနေ နှစ်ဖက်တိုက်ပွဲ ဖြစ်ပွါးခဲ့ခြင်း

ပခုက္ကူမြို့နယ် တင်းဂါတ်ပြည်သူ့ စစ်ဂိတ်စခန်းကို Drone ဗုံး ၁၆လုံးကြဲတိုက်ခိုက် ၊ ပျူစောထီး နှစ်ဦး သေဆုံး ရန်ကုန် ၊ အောက်တိုဘာ ၂၈ Newsambassador မကွေးတိုင်းဒေသကြီး ပခုက္ကမြို့နယ် ရှိ တင်းဂါတ်ပြည်သူ့စစ်ဂိတ်စခန်း ကို အောက်တိုဘာ ၂၇ရက်နေ့ကဖျက်အား ပြင်း droneဗုံးသီး၁၆ လုံးဖြင့် ကြဲချ တိုက်ခိုက်ခဲ့ရာ ပျူစောထီး နှစ်ဦး သေ ဆုံးပြီး အများအပြား ဒဏ်ရာရရှိခဲ့သည်ဟု မြိုင် - ပကဖ မှသိရသည် ။ တင်းဂါတ်ပြည်သူ့စစ်ဂိတ်စခန်း သည် ခရီးသွားအများပြည်သူ များကို အနိုင်ကျင့်ဗိုလ်ကျပြီး ငွေ ကြေးတောင်းခံသည့် ဂိတ်စခန်းတခု ဖြစ်ကြောင်း ၊ အဆိုပါ တိုက်ခိုက်မှုကို မြိုင်ပကဖ ၊ ပေါက်ပကဖ ၊Bly ပျောက်ကျားတပ်ဖွဲ့ PKU Thurain/ Black cobraforce(ကမ္မတပ်ပါင်းစု)/DMG ဓားမင်းကြီးအဖွဲ့ တို့က ပူး ပေါင်းတိုက်ခိုက်ခဲ့ခြင်း ဖြစ်သည်ဟု သိရသည် ။ ဗီဒီယို - မြိုင် ပကဖ Newsambassador ၏သတင်းများကို အောက်ပါ ချန်နယ်

လောက်ကိုင်ကို ယနေ့မနက်မှာ စကစ က ဗုံးနှစ်ကြိမ်ကြဲချ ရန်ကုန် ၊ အောက်တိုဘာ ၂၇ Newsambassador ရှမ်းပြည်နယ်မြောက်ပိုင်းရှိ MNDAA သိမ်းပိုက်ထားသော လောက်ကိုင်မြို့ကို ယနေ့ နံနက်ပိုင်းမှာ စစ်ကောင်စီက လေယာဉ်ဖြင့် ဗုံး ၂ ကြိမ်ကျဲချသွားကြောင်း သိရသည် ။ မဟာမိတ်ညီနောင် ၃ ဖွဲ့၏ ၁၀၂၇ စစ်ဆင်ရေး ပထမလှိုင်း စတင်ခဲ့သည့် ၁ နှစ်ပြည့် နှစ်ပတ်လည်နေ့ဖြစ်သော အောက်တိုဘာ ၂၇ရက်နေ့ မနက် အစောပိုင်းတွင် လောက်ကိုင် နှင့် နမ့်ခမ်းမြို့ကို စစ်ကောင်စီတပ်က ဗုံးကြဲ တိုက်ခိုက်ခဲ့ကြောင်း မြေပြင်သတင်းများ အရ သိရသည် ။ လောက်ကိုင်ကို ဗုံး ၂ကြိမ်ကြဲချပြီး နမ့်ခမ်းကို ဂျက်ဖိုက်ဖြင့် ၃ကြိမ်လာရောက် ကြဲချခဲ့ကြောင်းသိရသည် ။ ဗီဒီယို - CJ(လောက်ကိုင်မြို့ စကစ က ဗုံးကြဲချသွားသည့် မြင်ကွင်း) Newsambassador ၏သတင်းများကို အောက်ပါ ချန်နယ်များမှာ ဝင် ရောက်ကြည့်ရှု့နိုင်ပါသည်။ YouTube https://

ရေစကြို ရှိ ပျူစောထီးရွာတော်လှန် ရေး တပ်ဖွဲ့များက Drome ဖြင့် ဗုံးကြဲ တိုက်ခိုက် (ရုပ်/သံ) ရန်ကုန် ၊ အောက်တိုဘာ ၂၆ Newsambassador မကွေးတိုင်းဒေသကြီး၊ရေစကြိုမြို့နယ် ရေလယ်ကျွန်းဒေသရှိ မင်းရွာ (ပျူစောထီးရွာ)ကို အောက်တိုဘာ ၂၄ ရက်နေ့က Myingyan Black Tiger (MBT)တပ်ဖွဲ့နှင့် ညီနောင်မဟာမိတ် များမှ Dromeဖြင့် ဗုံးသီးသွားရောက် ကြဲ ချ တိုက်ခိုက်ခဲ့သည်ဟု MBT က ထုတ်ပြန်ခဲ့သည်။ အဆိုပါ ပျူစောထီးရွာကို တရက်ထဲ စုစုပေါင်း ဗုံးသီး (၁၅)လုံးဖြင့် ကြဲချတိုက်ခိုက်ခဲ့ရာ အဆောက်ဦး ထိခိုက်ပျက်စီးမှုနှင့် ထိခိုက်ဒဏ်ရာရရှိမှုများ ရှိနိုင်သည်ဟု MBT က ဆိုသည် ။ ထိုစစ်ဆင်ရေးကို Myingyan Black Tiger (MBT)၊ မြင်းခြံခရိုင်အမှတ် ၉တပ်ရင်းနှင့် အတူ ရဲဘော်ညီနောင် ပြောက်ကျားတပ်၊ဧရာဝတီမင်းသားပြောက်ကျားတပ်ဖွဲ့(မြင်းခြံ)၊NY Local PDF တို့မှ ပူးပေါင်း လုပ် ဆောင်ခဲ့သည်ဟု သိရသည် ။ Newsambassador ၏သတင်းများကို အောက်ပါ

Shortcuts

သတင်းတမန်

သတင်းတမန်သတင်းဌာနသည် ပြန်ကြားရေးဝန်ကြီးဌာနတွင် လိုင်စင်အမှတ် ၀၀၁၈၀ ဖြင့်တရားဝင်မှတ်ပုံတင်ရရှိထားသော သတင်းဌာနဖြစ်သည်။ သတင်းတမန်သတင်းဌာနကို ၂၀၁၉ခုနှစ်၊ ဧပြီ (၂) ရက်နေ့တွင် စတင်တည်ထောင်ခဲ့ပြီး ၂၀၁၉ခုနှစ်၊ ဧပြီ (၂၃) ရက်တွင် ပြန်ကြားရေးဝန်ကြီးဌာနမှ တရားဝင် မှတ်ပုံတင်ထုတ်ပေးခဲ့ခြင်းဖြစ်သည်။

သတင်းတမန်သတင်းဌာနအနေဖြင့် သတင်းများကို တိကျပြီးဘက်မလိုက်သော လူထုအကျိုးပြုသတင်းများကို တင်ဆက်ထုတ်လွှင့်နေခြင်းဖြစ်သည်။

အယ်ဒီတာအဖွဲ့

( သတင်းတမန် )