May memories, Yangon (2025)

27/07/2024

လောကမှာ ရှက်တတ်ဖို့၊ လူ့ကျင့်ဝတ် သိတတ်ဖို့
ဆိုတာတွေက
အသိဥာဏ်ရှိဖို့ လိုသေးတယ်။

ဥာဏ်ရည်မြင့်မှသာ ဘယ်အရာက ရှက်စရာ
ဘယ်အရာက ရှက်စရာမဟုတ်ဘူးဆိုတာကို သိနိုင်တာ။

လူတစ်ယောက်ဖြစ်နေရင်
ဘယ်အရာကို ထိန်းသိမ်းရမလဲ
ဘယ်အရာက မလုပ်သင့်ဘူးလဲ
ဘယ်လိုအပြုအမူက သိက္ခာရှိတာလဲ
ဘယ်လိုအပြုအမူတွေက သိက္ခာမရှိတာလဲ
ဆိုတာကို ခွဲခြားပြီးသိမှာ၊ ဆင်ခြင်တတ်မှာ။

ဥာဏ်ရည်နိမ့်တဲ့ လူတွေက မရှက်တတ်ဘူး
အရှက်တရားဆိုတာ ဘာမှန်းမသိကြဘူး
လူမှု့ပတ်ဝန်းကျင်ဆိုတာ နားမလည်ကြဘူး
သူတို့တစ်ယောက်တည်း အဆင်ပြေဖို့နဲ့
စိတ်ချမ်းသာဖို့ဘဲသိကြတာ။

ဒါကို "မရှက်တတ်ဘူးလား,မရှက်ဘူးလား
သိက္ခာမရှိတဲ့လူ "လို့ သွားမေးနေလို့၊ သွားပြောနေလို့ အလကားဘဲ။

"အဲဒါ ရှက်စရာမို့လို့လား၊ ဘာကြောင့်ရှက်ရမှာလဲ" လို့ပဲ
သူတို့က ပြန်ပြောကြမှာ။

ဉာဏ်ရည်နိမ့်လို့ မရှက်တတ်တဲ့အပြင်
သူတို့လုပ်တာ မှန်ပြီး ပြောတဲ့လူက အပြစ်ကြီးအောင်ပါ လုပ်ကြ၊ ပြောကြဦးမှာ။

အဲ့လို brain level နိမ့်တဲ့သူတွေအတွက် update လုပ်မယ့် application ကို ဘယ်သူမှ မတီထွင်နိုင်ဘူး။"

-original writer
#ပြန်လည်မျှဝေပါသည် #စာအုပ်စာပေလူ့မိတ်ဆွေ

02/06/2024

"မမှားဘဲ တောင်းပန်ရတဲ့အချိန်တွေက ပြီးသွားပါပြီ"
ဆုံးရှုံးမှုတွေများတဲ့နှစ်ကို ဖြတ်သန်းခဲ့ရပြီမို့---"

ဒီအချိန်မှာတော့ ကိုယ်ကိုကိုယ်ဆုံးရှုံးခံမှာမဟုတ်တော့ပါဘူး---"

မိမိကို တန်ဖိုးထားတဲ့ ဆက်ဆံရေးမှာ ကိုယ်က တန်ဖိုးထားခံရတဲ့လူဖြစ်မှ ရှေ့ဆက်တော့မှာ-မို့ပါ--"❤️

21/10/2023

နိုင်ငံခြားမှာလား❓

နုပျိုခြင်းတွေ ရောင်းပါတယ်
လွတ်လပ်မှုတွေ ရောင်းပါတယ်
မိသားစုနဲ့ပျော်ရွှင်ချိန်တွေ ရောင်းပါတယ်
အိပ်ချိန်တွေ ရောင်းပါတယ်
အရည်အချင်းတွေ ရောင်းပါတယ်
မာနတွေ ရောင်းပါတယ်

တချို့တွေက တခါတလေ စျေးဆစ်ပါတယ်
တချို့တွေက တခါတလေ စျေးနှိမ်ပါတယ်
ခိုင်းတာလုပ်ပေး ရပါတယ်
ဟန်ဆောင်ပြုံး ရပါတယ်
သူတို့ဖြူချင်ရင် ဖြူပေးရပါတယ်
သူတို့ဝါချင်ရင် ဝါပေးရပါတယ်
သူတို့နီချင်ရင် နီပေးရပါတယ်

ကိုယ်စိတ်တိုင်းကျ ဆေးခြယ်ပိုင်ခွင့်မရှိပါဘူးလေ
မိသားစုရဲ့ အားကိုးရာသူရဲကောင်း
စျေးခင်းထဲရောက်ရင် သူတို့ကိုယ်တိုင်ရောင်းကုန်ဖြစ်လို့ပါ

တဖြည်းဖြည်း ဆံပင်တွေဖြူလို့
တဖြည်းဖြည်း အမြင်တွေဝေဝါးလို့
တဖြည်းဖြည်း သွက်လက်မှုတွေနှေးလာလို့
တဖြည်းဖြည်း လုပ်အားတွေရောင်းရင်း အိုမင်းလာလို့
တဖြည်းဖြည်း ……
တဖြည်းဖြည်း ……
တဖြည်းဖြည်း ……

လူတချို့က လိုရာခရီးကိုရောက်ပါတယ်
လူတချို့က လျှောက်ရင်းနဲ့လမ်းပျောက်ပါတယ်
လူတချို့က ချမ်းမြေ့မှုကိုပိုင်ဆိုင်ရပါတယ်
လူတချို့က ပြန်မရနိုင်တော့တဲ့ဆုံးရှုံးမှုတွေလက်ခံရပါတယ်

မိသားစု အတွက်တော့ ❓

ရှေတန်းထွက် စစ်သူကြီး တစ်ဦး 💪

Crd : Original Writer

22/07/2023

အာရုံစိုက်ပါ
∆∆∆∆∆∆∆∆∆
တစ်ခုဆို တစ်ခု အာရုံစိုက်နိုင်အောင် ကြိုးစားပါ။

သတိနဲ့ အသိ ပေါင်းပြီး အလုပ် လုပ်ပါ။

အာရုံစိုက် လုပ်ကိုင်လာနိုင်ပြီဆိုရင် စွမ်းဆောင်ရည် မြင့်လာပါလိမ့်မယ်။

အရည်အသွေးမြင့် အလုပ်တွေ ဖန်တီးနိုင်ပြီး လုပ်ဆောင်ချက်တွေ မြန်ဆန်လာပါလိမ့်မယ်။

"ကိုယ့်ကိုယ်ကိုယ် သုံးသပ်ပါ။"

ကိုယ့်အားနည်းချက်၊ ကိုယ့်အားသာချက်ကို သိအောင် လုပ်ပါ။

ကိုယ် တာဝန်ယူထားတဲ့ အလုပ်နဲ့ ကိုယ့်အားသာချက်နဲ့ ကိုက်ညီရဲ့လား သုံးသပ်ပါ။

တိုးတက်ဖို့ လိုမယ့် အရည်အချင်းတွေ ရှိရင်လည်း ထပ်မံ သင်ယူပါ၊ လေ့လာ လေ့ကျင့်ပါ။

အတိတ်က သိထား တတ်ထားတဲ့ ပညာတိုင်းဟာ ပစ္စုပ္ပန်မှာ ဆက်ပြီး အသုံးဝင်ဖို့ မသေချာပါ။

နိုင်ငံရေး၊ စီးပွားရေးနဲ့ နည်းပညာ ပြောင်းလဲမှုတွေပေါ် လိုက်ပြီး ကိုယ့်ရဲ့ အရည်အချင်းတွေကို မပြတ် မြှင့်တင်နေဖို့လိုပါတယ်။

"ဦးစားပေးရမယ့် အလုပ်ကို ဦးစားပေးပါ။"

ကိုယ့်ရဲ့ စိတ်ခံစားချက်နဲ့ စဥ်းစားဉာဏ်တို့ စည်းချက်ညီပါစေ။

ကိုယ် လုပ်ချင်တာနဲ့ လုပ်သင့်တာ ချိန်ဆပါ။

လုပ်ချင်တာကို ဦးစားပေးရမယ့် အချိန် ရှိသလို လုပ်သင့်တာကို အရင် ပြီးမြောက်အောင် ဆောင်ရွက်ရမယ့် အချိန်လည်း ရှိပါတယ်။

ခံစားချက်ကြောင့် စဥ်းစားဉာဏ် မပျောက်သင့်သလို စဥ်းစားတွေးခေါ်မှု လွန်ကဲပြီး ခံစားချက်မဲ့တာမျိုးလည်း မဖြစ်သင့်ပါ။

အဓိကက ကိုယ် ဘာ လုပ်လုပ် ကိုယ့်ရဲ့ လုပ်ဆောင်ချက်တိုင်းဟာ ကိုယ့်ရဲ့ ပန်းတိုင်ကို ရောက်ဖို့ ခြေလှမ်းတွေ ဖြစ်နေဖို့ပါပဲ။

24/04/2023

**** တန်ပြန်နိယာမ ****

" ကမ္ဘာမြေကြီးကို ရေချိုမကျွေးရင်...
ကမ္ဘာမြေကြီးကလည်း ရေချိုပြန်ပေးမှာ
မဟုတ်ဘူး။ "

" ကမ္ဘာကြီးကို အပူတွေပေးရင်တော့...
ကမ္ဘာကြီးကလည်း အပူတွေပြန်ပေးလိမ့်မယ်။ "

" လောကကြီးကို ဘာတွေကျွေးပြီး၊
ဘာတွေပေးနေသလဲ။ ? ကိုယ်ကျွေးတာ
ပြန်စားရမယ်။ ကိုယ်ပေးတာပြန်ရမယ်။ "

Credit toအညတြထေရ်အရှင်

24,4,2023( 7:28am )

24/04/2023

ငုံ့ခံတော့လည်း
သူတို့မှန်တယ် ထင်သွားကြတယ်

တုန့်ပြန်တော့လည်း
ကိုယ်ကဘဲ ရိုင်းတယ်ဖြစ်သွားရတယ်

တစ်ခါတစ်လေ လောကကြီးမှာ
တချို့လူတွေက

အမှန်တရားကို လိုချင်တာမဟုတ်ဘူး

သူတို့လုပ်ရပ်ကိုသာ
အမှန်တရားလို့ လိုချင်ကြတာ

ဆွေး ရွှေအိုင်

24/04/2023

လူတွေဆီမှာ ရှိနေတဲ့ ကိုယ်ရောင်ကိုယ်ဝါ(သို့) Aura ဆိုတာ
========================================
လူတစ်ချို့မှာ Aura ဆိုတဲ့
ကိုယ်ရောင်ကိုယ်ဝါ ဆိုတာ
ရှိ‌နေပါတယ်။

ဒါကို ကြည့်ခြင်းအားဖြင့်
ဒီလူဘာလဲ ဆိုတာ
ခံစားရတယ်။

အဲဒီ "Aura" ဆိုတာကို
ဘယ်လို သိနိုင်သလဲ ဆိုရင်

မျက်စိ ၊ နဖူးနဲ့ ပခုံးကနေ
ကြည့်လို့ရတယ်။

ရှိဖူးတဲ့ သူ၊ ရှိနေတဲ့
သူတွေက ပိုမြင်သလို
ပိုပြီး ခံစားရနိုင်တယ်။

ဒီ"Aura" ဆိုတာက ဘယ်လို
ဖြစ်တာလဲ ဆိုရင်
သူ့ရဲ့ အတိတ်က
ကုသလကြောင့်
ဖြစ်လာတဲ့ ဘုန်းကံနဲ့

လက်ရှိ ကိုယ်လုပ်နေတဲ့
ကံတွေကြောင့်
ဖြစ်လာတာ ဖြစ်တယ်။

ရုပ်ဆိုးတာ
ရုပ်ချောတာနဲ့ မဆိုင်ဘူး။

အရောင်ကို တောက်နေတာ။

#တစ်ချို့လူတွေမှာရှိတယ်။

ပျောက်လိုက် ပေါ်လိုက်နဲ့
ဖြစ်နေတတ်တယ်။

#တစ်ချို့မိန်းကလေးတွေဆို
ချောတယ် လှတယ်လို့
ပြောလို့ရတဲ့ သူတွေ ရှိတယ်။

ဒါပေမယ့် .....
ကိုယ်ရောင် မရှိဘူး။

တစ်ချို့ဆို မှိန်ကို နေတာ။

အရောင်တောက်တာရဲ့
ဆန့်ကျင်ဖက်ကို ဖြစ်နေတာ။

#ယောကျာ်းလေးတွေ
ဆိုရင်လည်း ထိုနည်းတူပဲ။

ရုပ်မလှဘူး
ကိုယ်လုံးမတောင့်ဘူး။

ဒါပေမယ့်
သူနဲ့ dealing လုပ်နေချိန်မှာ
ကိုယ့်ရဲ့ confidence နဲ့
Inspiration level က သိသာ
စေတယ်။

#ဒီAura က
ဘာကို အကျိုးပြုစေလဲ
ဆိုရင်

ကိုယ့်လုပ်ငန်းခွင်ကိစ္စတွေမှာ
အထူးသဖြင့် အကျိုးပြုတယ်။

သမာသမတ်ရှိမှုနဲ့ သီလရှိမှုမှာ
ပိုတောင့်ရင် ဖြစ်တယ်။

#တော်တော်များများ
တွေ့ဖူးတယ်။

ရုပ်ခံက ချောကြ လှကြတယ်။

Aura မရှိကြတော့
အဆင်မပြေဘူး။

ပိုဆိုးတာက
Aura မရှိခြင်းထက်
မရှိအောင်
ဖြစ်နေခြင်းက ပိုဆိုးတယ်။

#စိတ်ပုတ်ကြရင်ပိုဖြစ်တယ်။

"စန်းပြုတ်တယ်" ခေါ်ကြတယ်
တစ်ချို့က စန်းပြုတ်တော့
ပြဿနာက လုပ်ငန်းကိုင်ငန်း
အဆင်မပြေဘူးပေါ့ ...

ဘယ်လောက် လုပ်လုပ်
အဆင်မပြေတတ်တာမျိုးတွေ
ပြေလည်း ခဏပဲ။

#ပိုဆိုးစေတာက
စိတ်တင်မကဘူးအကျင့်ပါ။

နေ့စဉ် လယ်ပုဇွန်လုံးတွေလို
အမြုပ်တစီစီထွက်အောင်

ပရိတ်ကြီး (၁၁) သုတ်ကို
ရွတ်ရွတ်။
အစီအရင်တွေ လုပ်လုပ်။

ပိဋကတ် (၃) သုံးပုံကို
နေ့စဉ် သက်စေ့ရွတ်နေနေ ...

အကျင့် မကောင်းရင်
အဲ့ Aura က
ထွက်ကို မလာစေဘူး။

ဒါကြောင့်မို့ ယတြာ
ဘယ်လောက်လုပ်လုပ်
အဆင်ပြေ မလာဘူး
ဆိုတာ အဲ့ဒါ။

#ထွက်တယ်လို့ ထင်ချင်
ထင်မယ်။

ဒါပေမယ့်
အဲ့ဒါ "Negative Aura”ပဲ....

#စောစောက ပြောလို
ဘာရွတ်ရွတ် ဘာလုပ်လုပ်
အကျင့်ပုတ်နေသမျှ
ဘာဖြစ်မလဲဆို ပိုဆိုး
လိမ့်မယ်။

မရွတ်ဘဲနဲ့
အကျင့်ပုတ်တာက
ပြဿနာပိုနည်းမယ်။

ဘာလို့ဆို ဘုရားစင်ရှေ့
အရက်သွားသောက်သလို
ဖြစ်နေလို့။

ထွက်ချင်ရင်
အရင်ဆုံးက

#မေတ္တာယှဉ်သော စိတ်ကို
ဖြစ်အောင် လုပ်။

#မေတ္တာယှဉ်သော
စိတ်ဆိုတာမှာ
ကောင်းစေချင်တဲ့
စိတ်လို့ ဆိုတာထက်

ကိုယ်ကျိုးမပါဘဲ
သူတထူးကိုကောင်းစေ
လိုသော
အေးချမ်းစေလိုသော
စိတ်လို့ ဆိုတယ်။

ကိုယ်ရောင်ကိုယ်ဝါ
ထွန်းတောက်တဲ့
Aura စိတ်
နှလုံးသားပိုင်ရှင်များ
ဖြစ်ထွန်းကြပါစေ။

23/04/2023

ပရမ်းပတာ လုပ်တတ်တဲ့
အကျင့်ဆိုတာ လူတိုင်းမှာ
ရှိတတ်ပါတယ်။

ပရမ်းပတာလုပ်တတ်တယ်ဆိုတာ
ဘာမှကြိုတင်ပြင်ဆင်မထားပဲ
ဖြစ်လာတဲ့အခြေအနေအပေါ်
အဆင်ပြေရင်ပြေသလို
အဆင်မပြေရင်မပြေသလို
ရလဒ်ကို အာရုံမထားဘဲ
ထင်ရာမြင်ရာ မှန်းဆပြီး
လုပ်ချင်သလိုလုပ်တာကို ဆိုလိုတာပါ။

အမြင့်တက်ချင်ရင်
အကျင့်ပျက်တာကိုပြင်ပါ။

“မိမိဆန္ဒက မိမိအနာဂတ်ဘဝဖြစ် ဖြစ်ပါစေ”

“ဒီနေ့ ကိုယ့် နေ့ဖြစ်ပါစေ”

23/04/2023

Critical Thinking
=============
ယနေ့ခေတ်မှာ တွင်တွင်ပြောလာကြတဲ့ Skill တစ်ခုပါ။
ထဲထဲဝင်ဝင်ခေါင်းထဲမရောက်လို့ မတွင်ကျယ်သေးတာလားတော့မသိ။

မြန်မာမှုတွေ အမျိုးမျိုးပြုကြပါတယ်။
အကောင်းဆုံးကတော့ အရေးပါတဲ့တွေးခေါ်ခြင်းဉာဏ်ပညာလို့ပဲမှတ်ထားလိုက်ပါ။ ကျိုးကြောင်းဆက်စပ်တွေးခေါ်ခြင်းဖြစ်ပါတယ်။

Definition ဖွင့်ရရင်တော့
(၄) ပိုင်းခွဲပြောချင်ပါတယ်။

(၁)အကြောင်းရင်းကို ထိရောက်စွာရှာဖွေတတ်ခြင်း
အခြေအနေ၊ အနေအထားနဲ့ သင့်တော်မယ့် နည်းလမ်းပေါင်းစုံ ( inductive , deductive စသဖြင့်) ကို အသုံးပြု၊ ရှုထောင့်အမျိုးမျိုးကနေကြည့်ပြီး အဓိကအကြောင်းရင်းကိုရှာဖွေတာပါ။

(၂) စနစ်တကျတွေးခေါ်စဉ်းစားခြင်း
အစိတ်အပိုင်းတွေအများကြီးပါဝင်တဲ့စနစ်ကြီးတစ်ခုကနေ outcomes တွေထွက်လာဖို့ အဲ့ဒီစနစ်ထဲမှာပါတဲ့ အစိတ်အပိုင်းလေးတွေအချင်းချင်းဘယ်လို အပြန်အလှန်ဆက်သွယ်လုပ်ဆောင်ကြသလဲဆိုတာကို ပိုင်းခြားပြီးမြင်တတ် ဝေဖန်တတ်ခြင်းပါ။

(၃) ဆင်ခြင်အကဲဖြတ်ခြင်း၊ ဆုံးဖြတ်ချက်ချမှတ်ခြင်း
တစ်ခုခုကို Judge လုပ်ရမယ်၊ ဆုံးဖြတ်ချက်ချရတော့မယ်ဆိုရင်
သက်သေအထောက်အထားတွေ၊ အကျိုးသင့်အကြောင်းသင့်ဆွေးနွေးချက်တွေ၊ အခိုင်အမာတင်ပြချက်တွေ၊ ထင်မြင်ချက်၊ယုံကြည်လက်ခံထားချက်တွေကို သေချာပိုင်းခြားဝေဖန်မယ်။

အဓိကကျတဲ့ မတူညီတဲ့ရှု့ထောင့်တွေကနေကြည့်မယ်။
ရထားတဲ့အချက်အလက်တွေကို စုစည်းကြည့်မယ်၊ ချိတ်ဆက်ကြည့်မယ်။

ပြီးရင် အကောင်းဆုံးစိစစ်တွေ့ရှိချက်ကနေ အဓိပ္ပါယ်ကောက်မယ်၊ ကောက်ချက်ဆွဲမယ်။
ပြီးရင် Judge လုပ်မယ်၊ Decision ချမယ်ပေါ့။

(၄) အခက်အခဲဖြေရှင်းတတ်ခြင်း
နည်းဟောင်းတွေနဲ့ရော၊ တီထွင်ဆန်းသစ်ထားတဲ့နည်းလမ်းတွေနဲ့ရော မကြုံဖူးတဲ့ အခက်အခဲမျိုးစုံကိုဖြေရှင်းနိုင်ခြင်းပါ။
အမျိုးမျိုးသောရှုထောင့်တွေကကြည့်မယ်။

အဲဒီလိုကြည့်တဲ့နေရာမှာ ရှင်းရှင်းလင်းလင်းဖြစ်အောင် လိုအပ်တဲ့မေးခွန်းတွေဖော်ထုတ်ပြီးမေးမယ်။ အဲဒိကမှ အကောင်းဆုံး ဖြေရှင်းနည်းထုတ်မယ်။
....

ဒီအပိုင်း (၄) ပိုင်းဟာ Critical Thinking လို့ဆိုပါတယ်။ အဲဒီတော့ Critical thinking ဆိုရင် အကြောင်းရင်းကိုရှာဖွေတတ်ရမယ်။ အကျိုးအကြောင်းဆက်စပ်တတ်ရမယ်။ ပိုင်းခြားဝေဖန်တတ်ရမယ်။ အကဲဖြတ်သုံးသပ်တတ်ရမယ်။ မှန်ကန်တဲ့ဆုံးဖြတ်ချက်တွေချတတ်ရမယ်။ ပြဿနာအခက်အခဲတွေကို ဖြေရှင်းတတ်ရမယ်ပေါ့။

------
Critical Thinking ဟာ society ထဲမှာ တကယ့်ကိုတန်ဖိုးရှိတဲ့ skills တစ်ခုဖြစ်နေတာကြာခဲ့ပါပြီ။

အရင်က ထူးချွန်တဲ့ကျောင်းသားတွေအတွက်သာဖြစ်ခဲ့ပေမယ့် ဒီခေတ်မှာ ကျောင်းသားအားလုံးအတွက်အလွန်အရေးပါတဲ့ Domain တစ်ခုဖြစ်နေပါပြီ။
ကောင်းကောင်းမတွေးတတ်ရင် ကောင်းကောင်းမသင်ယူနိုင်ပါဘူး။

ပိုင်းခြားဝေဖန်ခြင်း၊ အဓိပ္ပါယ်ကောက်ခြင်း၊ အသေးစိတ်ခြင်း၊ တိကျမှန်ကန်ခြင်း၊ ပြသနာဖြေရှင်းခြင်းစသဖြင့် အဲ့ဒိလိုတွေးခေါ်တတ်အလေအကျင့်တွေဟာ ကျောင်းသားတွေရဲ့ အောင်မြင်မှုကိုပြဌာန်းတဲ့နေရာမှာ စာအုပ်ထဲပါတဲ့စာတွေထက် ပိုအရေးကြီးလာပါပြီ။

Critical thinking ကို ကျောင်းတွေမှာသင်ပေးဖို့လိုကိုလိုအပ်ပါတယ်။ ဒါကိုသင်ပေးထားရင် အခြားသော skills တွေမှာ ဖွံ့ဖြိုးတိုးတက်လာမယ်။

ဒီနေ့ခေတ်မှာ နိုင်ငံသားတိုင်း Critical Thinkers တွေဖြစ်ဖို့လိုပါတယ်။

Evidence တွေ နှိုင်းယှဉ်သုံးသပ်ရမယ်၊ ယှဉ်ပြိုင်မှုတွေ၊ Claims တွေကို ချင့်ချိန်အကဲဖြတ်တတ်ရမယ်။ မှန်ကန်ပြီး အဓိပ္ပါယ်ရှိတဲ့ ဆုံးဖြတ်ချက်တွေချမှတ်နိုင်ရမယ်။

၂၁ ရာစုခေတ်မှာ အိမ်ထောင်စုတိုင်းဟာ ငွေကြေးဆိုင်ရာ၊ ကျန်းမာရေးဆိုင်ရာ၊ နီတိဆိုင်ရာ၊ အပန်းဖြေမှုဆိုင်ရာတွေကို ချင့်ချိန်တွက်ဆလုပ်ကိုင်ရပါတယ်။

ကမ္ဘာကြီးပူနွေးလာတာမျိုး အပြည်ပြည်ဆိုင်ရာပြသနာတွေဟာ အဆင့်မြင့်မြင့် critical thinking နဲ့ problem solving skills တွေ လိုအပ်လာပါတယ်။

ဝန်ထမ်းတွေဆိုရင် ပိုကောင်းတဲ့ဝန်ဆောင်မှုတွေပေးနိုင်ဖို့၊ ပိုကောင်းတဲ့ product တွေထုတ်နိုင်ဖို့၊ အမြဲပြောင်းလဲနေတဲ့ ကမ္ဘာ့စီးပွားရေးထဲမှာ ကိုယ့်အရည်အသွေးတွေစဉ်ဆက်မပြတ်တိုးတက်နေဖို့ critical thinking ကို မွေးမြူရပါမယ်။

Employee development အတွက်၊ talent management အတွက် succession planning အတွက် Critical thinking ဟာ ဦးစားပေးရမယ့် skill တစ်ခုဖြစ်ပါတယ်။
ဒီလောက်ဆို Critical Thinking အကြောင်း သိလောက်ပြီထင်ပါတယ်။
အောင်မြင်ကြပါစေ. . .

22/04/2023

အရမ်းခံစားနေရပြီလား😔

အချစ်က ရသမျိုးစုံပေးနိုင်တယ်။😇
ဒါပေမယ့်
ကိုယ့်ဘဝတစ်ခုလုံးတော့
ပြန်ပေးသင့်တဲ့အရာမဟုတ်ဘူး။😉

#မေမေ့ဆုံးမစကား

21/04/2023

လုပ်ငန်းတစ်ခုလုပ်တော့မယ်ဆိုရင်

လုပ်ဆောင်မည့်လုပ်ငန်း၏
အခြေအနေ

လုပ်ဆောင်မည့်လုပ်ငန်း၏
ကြိုတင်ပြင်ဆင်မှု

လုပ်ဆောင်မည့်လုပ်ငန်း၏ အဓိကလုပ်ဆောင်ရမည့်အချက်အလက်

သိထားဖို့လိုအပ်ပါတယ်နော်။

21/04/2023

လုပ်ငန်းခွင်ထဲမှာ
တိကျပါ။
စေ့စပ်ပါ။
ပြန်လည်စစ်ဆေးပါ။
အချိန်နှင့်တပြေးညီလုပ်ငန်းပြီးစီးအောင်လုပ်ပါ။
ပူးပေါင်းဆောင်ရွက်တတ်ပါစေ။

21/04/2023

ရာသီဥတုက
နေ့အပူချိန်
အရမ်းပူပါတယ်။

အသွားအလာ
အနေအထိုင်
အစစအရာရာ
သတိပြုနေထိုင်ကြဖို့
ပြောချင်ပါတယ်နော်။

21/04/2023

မင်္ဂလာနေ့လည်ခင်းပါ
–-------------

Page Name ကို
သီချင်းကောင်းလေးများစုစည်းမှုကနေ
May memories ဟုပြင်ဆင်လိုက်ပါတယ်။

May memories

27/07/2024

02/06/2024

21/10/2023

22/07/2023

24/04/2023

24/04/2023

24/04/2023

23/04/2023

23/04/2023

22/04/2023

21/04/2023

21/04/2023

21/04/2023

21/04/2023

Address

Telephone

Website

Alerts

Contact The Business

Shortcuts

Share

Category