Royal Heart

02/02/2025

အသက်ကြီးလာရင်ကြုံရတဲ့ပြသနာတခု

dr khin moe moe
ဆီးမထိန်းနိုင်ခြင်းအတွက် ဆောင်ရန်၊ ရှောင်ရန်များ................................................................. #ဒေါက်တာခင်မိုးမိုး

အသက် ၄၅ နှစ်မှ ၆၀ နှစ်ကြား အမျုိုးသမီးတွေရဲ့ ၅၀ ရာခိုင်နှုန်းခန့်ဟာ ဆီးမထိန်းနိုင်တဲ့ပြဿနာရှိကြပါတယ်။ ရုတ်တရက် ဆီးသွားချင်စိတ်ပေါက်လာပြီး အိမ်သာ ကိုမရောက်ခင်မှာဘဲ ဆီးထွက်သွားတတ်တဲ့အမျိုးအစားကတော့ Urge
Incontinence လို့ခေါ်ပြီး ဆီးအိတ်အလုပ်လွန်တာကြောင့် ဖြစ်တာပါ။ ဆီးအိတ်ကို ဆီးထိန်းထားနိုင်အောင် လေ့ကျင့်ပေးရပါမယ်။ တစ်နာရီခြားတစ်ခါ ဆီးသွားတဲ့ အကျင့်ကို တစ်ပတ်လောက်လေ့ကျင့်ပေးပြီး နောက်အပတ်ကစပြီး နာ
ရီ၀က်စီ တိုးသွားကာ သုံးနာရီလောက် ဆီးထိန်းနိုင်အောင် လေ့ကျင့်ပေးရပါမယ်။ တချို့အမျိုးသမီးတွေက ရယ်မောတဲ့အခါ၊ နှာချေတဲ့အခါ၊ ချောင်းဆိုးတဲ့အခါ ဒါမှမဟုတ် လေ့ကျင့်ခန်းလုပ်တဲ့အ ခါမှာ ဆီးထွက်ကျတတ်တာကို Stress
Incontinence လို့ခေါ်ပြီး မီးယပ်သွေးဆုံးပြီး နောက်ပိုင်း အီစထရိုဂျင် လျော့ကျသွားတာကြောင့်ဖြစ်တာပါ။ သဘာ၀အတိုင်း ကလေးမွေးဖွားစဉ်မှာလည်း ဆီးအိတ်ရဲ့တစ်သျှူးတွေက ဖိအားသက်ရောက်မှုခံရပြီး အားပျော့သွားတာကြောင့်
မီးယပ်သွေးဆုံးပြီးနောက်ပိုင်းမှာ ဆီးမထိန်းနိုင်တဲ့ပြဿနာ တွေဖြစ်တတ်ပါတယ်။ ဆီးမထိန်းနိုင်သူတွေကို ရေလျှော့သောက်ခိုင်းတဲ့အကျင့်က မှားယွင်းပါတယ်။ ရေလျှော့သောက်လိုက်တာကြောင့် ဆီးထိန်းနိုင်မှာ မဟုတ်ပါဘူး။ ဆီးက
ပိုပျစ်သွားပြီး ဆီးအိတ်ရဲ့နံရံတွေကို လှုံ့ဆော်မှုပေးနိုင်တဲ့အတွက် ပိုပြီးတော့တောင် ဆီးမထိန်းနိုင်တော့ပါဘူး။ ဆီးမထိန်းနိုင်တဲ့သူတွေ ဆောင်ရန်၊ ရှောင်ရန် အစားအစာတွေကို ဖော်ပြပေးလိုက်ပါတယ်။

#စားသင့်သည့်အစားအစာများ

၁။ သခြားသီး
သခွားသီးမှာပါ၀င်တဲ့ Silica က သူ့မှာ ပါ၀င်တဲ့ရောင်ရမ်းမှုကို လျော့ကျစေတဲ့ ဂုဏ်သတိ်္တကြောင့် ဆီးအိတ်ကို အထောက်အပံ့ပေးနိုင်ပါတယ်။ မြေပဲ၊ နေကြာစေ့၊ ဗာဒံစေ့၊ မုန်လာဥနီ၊ ပန်းသီး၊ ကြက်သွန်နီ၊ ဖရုံသီးနဲ့ ငါးတွေ
မှာလည်း Silica များစွာ ပါ၀င်တဲ့အတွက် ဆီးမထိန်းနိုင်သူတွေ စားသင့်တဲ့အစားအစာတွေပါ။

၂။ Vitamin C ပိုမိုစားသုံးပါ

ဗီတာမင်စီက ဆီးအိတ်နဲ့ယောနိကို ထောက်ပံ့ပေးတဲ့တစ်သျှူးတွေရဲ့ ကျုံ့နိုင်၊ ဆန့်နိုင်အားကောင်းစေနိုင်တဲ့ ကော်လာဂျင်ထုတ်လုပ်မှုကို ကောင်းမွန်စေနိုင်ပါတယ်။ အရောင်စုံပါ၀င်တဲ့အစားအစာတွေကို စားပေးတာက ဗီ
တာမင်စီပမာဏများစွာ ရရှိစေနိုင်တဲ့အပြင် ကော်လာဂျင်ထုတ်လုပ်မှုကို ကူညီပေးနိုင်တဲ့ Bioflavonoids ရရှိနိုင်ပါတယ်။

၃။ မဂ္ဂနီဆီယမ်
ကိုက်လန်၊ ဂေါ်ဖီထုပ်နဲ့ အစိမ်းရောင် ပန်းဂေါ်ဖီတွေမှာပါ၀င်တတ်တဲ့ မဂ္ဂနီဆီယမ်ဟာ ကြွက်သားနဲ့အာရုံကြောလုပ်ငန်းတွေကို ကောင်းမွန်စေနိုင်တဲ့အတွက် ဆီးမထိန်းနိုင်သူတွေကို အကူအညီရရှိနိုင်ပါတယ်။........................................................
#ရှောင်သင့်သည့်အစားအစာများ

၁။ အရက်
အယ်လ်ကိုဟောဟာ ဦးနှောက်မှဆီးအိတ်ကို အချက်ပြတဲ့စနစ်ကို အနှောင့်အယှက်ပေးနိုင်ပါတယ်။ ဒါကြောင့် အရက်သောက်ထားသူတွေက ပိုပြီးတော့ ဆီးမထိန်းတတ်ကြပါဘူး။

၂။ ကဖင်း
ကဖင်းက ဆီးရွှင်နိုင်တဲ့ဂုဏ်သတ်္တိရှိတဲ့အတွက် ကော်ဖီများများသောက်သူတွေက ဆီးမထိန်းနိုင်တာနဲ့ဆက်စပ်မှုရှိပါတယ်။

၃။ အချိုစာများ
အချိုစာတွေက ကျန်းမာရေးအတွက် ဆိုးရွားစေနိုင်တာကြောင့် သင်ကျန်းမာရေး ကောင်းဖို့အတွက် အချိုစာတွေကို တတ်နိုင်သမျှ လျှော့စားသင့်ပါတယ်။ အချိုစာတွေက ဆီးအိတ်ကို လှုံ့ဆော်မှုပေးနိုင်တာကြောင့် ဆီးထိန်းရ
ပိုမိုခက်ခဲသွားနိုင်ပါတယ်။

၄။ အစပ်စာများ
အစာလွန်ကဲတဲ့အစားအစာတွေက ဆီးအိတ်နံရံကို လှုံ့ဆော်မှုပေးနိုင်တာကြောင့် ဆီးထွက်ကျနိုင်ပါတယ်။ ဒါကြောင့် ဆီးမထိန်းသူတွေအနေနဲ့ ငရုတ်သီးနဲ့ Wasabi လိုမျိုး အစားအစာတွေ ရှောင်သင့်ပါတယ်။

Crd
#ဒေါက်တာခင်မိုးမိုး

28/01/2025

🏮𝐆𝐨𝐧𝐠 𝐗𝐢 𝐅𝐚 𝐂𝐚𝐢 新年快乐🏮

𝐇𝐚𝐩𝐩𝐲 𝐂𝐡𝐢𝐧𝐞𝐬𝐞 𝐍𝐞𝐰 Y𝐞𝐚𝐫 2025 🐍🧧

𝗝𝗮𝗻 𝟮𝟵𝘁𝗵 𝟮𝟬𝟮𝟱, 𝗪𝗲𝗱𝗻𝗲𝘀𝗱𝗮𝘆မှာကျရောက်မယ့်
နှစ်သစ်ကူးမှာ စီးပွါးလာဘ်လာဘတိုးပွါးခြင်းနှင့်အတူ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံပြီး မိသားစုနဲ့ အတူ ပျော်ရွှင်စရာအချိန်လေးများကို ပိုင်ဆိုင်နိုင်ကြပါစေလို့ Royal Heart မိသားစုမှ ဆုတောင်း မေတ္တာပို့သ ပေးလိုက်ပါတယ် 🙏🙏🙏

16/01/2025

Fasting အကျိုးကျေးဇူး
အချိန်ပိုင်းတခု အတွင်း အစာ ရှောင်ထားတဲ့ အချိန်မှာ ဗိုက်ဆာတော့ အသည်းကမကောင်းတဲ့ အဆီတွေကို ပြန်စားသွားတယ်

အသည်းအဆီဖုံးလည်းသက်သာစေတယ်

It’s called Autophagy. It occurs when you fast for more than 24 hours. 🔥

Stacty Fulmer Moore

09/01/2025

🌹ငွေသွင်းပြီး Approved ဖြစ်ရင် နေ့ချင်းပြီးကျတဲ့ Thai E-Visa ❣️

Thai E Visa တင်ရန်
၂၀၂၅ ခုနှစ် ထိုင်း ပြည်ဝင်ခွင့် ဗီဇာ နှင့်ပက်သက်သမျှ

၂၀၂၅ ခုနှစ် ၁ ရက် ဇန်နဝါရီလမှစပြီး ထိုင်းနိုင်ငံ ပြည်ဝင်ခွင့် ၊ ဗီဇာနှင့် သိထားသင့်သည့် အပြောင်းအလဲများ မှာ

✅ 14 Visa Free

ဆက်ရှိနေပါမယ် ။ မြန်မာပါတ်စပို့များ ဗီဇာဖရီးကင်းလွတ် ၁၄ ရက်ကို ယခင်ကအတိုင်း ရရှိမည်ဖြစ်ပါသည်။ ( နယ်စပ်များမှ ဝင်ရောက်ခွင့်မပြုပါ )

✅E-Visa စနစ်

(Non L-A Visa မှလွဲ၍ )

💥၂၀၂၅ ခုနှစ် ဇန်နဝါရီလ ၁ ရက်နေ့ နံနက် ၁၀ နာရီ (မြန်မာ စံတော်ချိန်)က စတင်ကာ ထိုင်း သံရုံးဟာ E-Visa Payment အတွက် စာရင်းပေးသွင်းမှုကို စတင်လက်ခံမှာ ဖြစ်ပါတယ်။

💥 E-Visa ကို https:/www.thaievisa.go.th/ မှာ တပတ် ကြို လျှောက်ထားပြီး ငွေပေးချေ ဖို့ ရက် ကို QR code ရယူရပါမယ်

💥ငွေပေးချေမှုကို ကိုယ်တိုင် or ကိုယ်စားလှယ် တယောက် လူကိုယ်တိုင် သွားရောက်ပေးသွင်းရပါမယ်

ငွေသွင်းပြီးနောက်မှာ ၁၅ မိနစ်အတွင်း လျှောက်ထားသူရဲ့ အီးမေး သို့မဟုတ် E-Visa အကောင့်ထံကို Receipt ပေးပို့မှာ ဖြစ်ပါတယ်။
💥 Visa Processing Time ဟာ ငွေပေးချေပြီးနောက် 10 or 15 working day အထိ ကြာ ပီး Email သို့ ပြနိလည်ပေးပို့ မှာဖြစ်ပါတယ်

ဒီမနက် လျှောက်ပေးဖြစ် ခဲ့တဲ့ QR code appointment လေး ကတော့ ညနေ ဆို Email ကို Tourist Visa ကျလာပါပီ

Thai Tourist visa/ medical visa payment Booking & Visa QR code များ လျှောက်ရန် အခက်အခဲ ရှိပါက ဝန်ဆောင်မှု ရယူရန်
ဆက်သွယ်နိုင်ပါတယ်

💥Passport Scan
💥digital photo ( white background )
💥သန်ခေါင်စာရင်း
💥မှတ်ပုံတင် နံပတ်
💥Phone number. , မြန်မာ နေရပ် လိပ်စာ
💥Hotel / Accommodation လိပ်စာ Booking (ရှိလျင်)
💥Air Ticket ( ရှိလျှင်) တို့ကို

Viber 09 444 555 057 သို့ ပေးပို့ ရနိ လိုအပ်ပီး

တခြားလိုအပ်သော စာရွက်စာတမ်းများ ကို ပြင်ဆင်ပေးပါတယ်

Phone 0995 777 4555
Viber

01/01/2025

၂၀၂၅ ခုနှစ် ထိုင်း ပြည်ဝင်ခွင့် ဗီဇာ နှင့်ပက်သက်သမျှ

၂၀၂၅ ခုနှစ် ၁ ရက် ဇန်နဝါရီလမှစပြီး ထိုင်းနိုင်ငံ ပြည်ဝင်ခွင့် ၊ ဗီဇာနှင့် သိထားသင့်သည့် အပြောင်းအလဲများ မှာ

✅ 14 Visa Free

ဆက်ရှိနေပါမယ် ။ မြန်မာပါတ်စပို့များ ဗီဇာဖရီးကင်းလွတ် ၁၄ ရက်ကို ယခင်ကအတိုင်း ရရှိမည်ဖြစ်ပါသည်။ ( နယ်စပ်များမှ ဝင်ရောက်ခွင့်မပြုပါ )

✅E-Visa စနစ်

(Non L-A Visa မှလွဲ၍ )

💥၂၀၂၅ ခုနှစ် ဇန်နဝါရီလ ၁ ရက်နေ့ နံနက် ၁၀ နာရီ (မြန်မာ စံတော်ချိန်)က စတင်ကာ ထိုင်း သံရုံးဟာ E-Visa Payment အတွက် စာရင်းပေးသွင်းမှုကို စတင်လက်ခံမှာ ဖြစ်ပါတယ်။

💥 E-Visa ကို https:/www.thaievisa.go.th/ မှာ တပတ် ကြို လျှောက်ထားပြီး ငွေပေးချေ ဖို့ ရက် ကို QR code ရယူရပါမယ်

💥ငွေပေးချေမှုအောင်မြင်ပြီးနောက်မှာ ၁၅ မိနစ်အတွင်း လျှောက်ထားသူရဲ့ အီးမေး သို့မဟုတ် E-Visa အကောင့်ထံကို Receipt ပေးပို့မှာ ဖြစ်ပါတယ်။
💥 Visa Processing Time ဟာ ငွေပေးချေပြီးနောက် ၁၅ ရက်အထိ ကြာမြင့်မှာပါ။

ဒီနေ့ လျှောက်ပေးဖြစ် ခဲ့တဲ့ QR code appointment လေးပါ

Tourist visa/ medical visa များ လျှောက်ရန် အခက်အခဲ ရှိပါက ဆက်သွယ်နိုင်ပါတယ် လိုအပ်သော စာရွက်စာတမ်းများ ပြင်ဆင်ပေးပါတယ်

Phone 0995 777 4555
Viber -09 444 555 057

Photo- credit -Thia visa official website
Ref : Royal Thai Embassy , Yangon

30/12/2024

Thai visa online တင်နည်း အဆင့် ဆင့်

Welcome to electronic visa application system. The official website by ministry of foreign affairs of kingdom thailand.

26/12/2024

အူမကြီးကင်ဆာမဖြစ်အောင် စောစောဆေးစစ်ကြရအောင်။
# # # # # # # # # # # # # # # # # # # # # # # # # # # # # # #

ဆေးစစ်တယ်ဆိုတာ ပြောတော့သာလွယ်တာ။ တကယ်ကတော့ သိပ်မလွယ်လှဘူးဆိုတာ ဝန်ခံပါတယ်။ အချိန်ပေးရတယ်။ ငွေရေးကြေးရေးကလေးကလဲ လိုအပ်သေးတယ်။ ဒီထက်ပိုပြီး အရေးကြီးတာက ကိုယ့်ရဲ့စိတ်ဓါတ်ကို ပြင်ဆင်ရတာပါပဲ။

အသက်ကလေးရလာလို့ ဆေးလေးတော့ စစ်ချင်စိတ်ပေါ်ချင်ပေါ်မယ်။ ဒါမှမဟုတ် ဗိုက်ကနာသလိုလို၊ ဝမ်းကသွားရတာ အရင်လို မဟုတ်သလိုလို ၊ ဟိုလိုလို ဒီလိုလိုကလေးတွေဖြစ်ရင် ဆေးစစ်ချင်စိတ်တော့ ပေါက်ပါရဲ့။ ဒါပေမယ့် ကျွန်တော်ပြောသလို ဆေးစစ်ရခြင်းရဲ့ ကုန်ကျစရိတ်ကတမျိုး၊ အချိန်မရှိသလိုလို မအားချင်ယောင်ဆောင်ရတာက တမျိုး၊ ဒီထက်ပိုပြီး ကျော်လွှားရခက်ခဲတာကတော့ ဆေးစစ်မှ ရောဂါတွေပေါ်လာပြီး စိတ်ဆင်းရဲနေရအုန်းမယ်ဆိုတဲ့ စိတ်ဒုက္ခပါပဲ။

အဲ့ဒီ စိတ်ဒုက္ခက ဆရာဝန်မဟုတ်တဲ့ သာမန်လူမဆိုထားနဲ့၊ ဆရာဝန်တွေမှာလဲ ဆေးစစ်ရင် ကြောက်တဲ့စိတ်ရှိကြတယ်။ တတ်နိုင်သလောက်ပတ်ပြေးချင်ကြတယ်။ ကျွန်တော့်မှာလဲ အဲ့ကြောက်စိတ်ရှိတယ်။ ဆေးစစ်ရင် ဆိုးဆိုးရွားရွားရောဂါတွေ့ဖို့ ရာခိုင်နှုန်းက နည်းပါတယ်။ ဒါပေမယ့် အဲ့နည်းလှတဲ့ ရာခိုင်နှုန်းထဲ ငါများပါသွားလေမလားဆိုပြီး တွေးကြောက်တယ်။

အဲ့တော့ ကျွန်တော် ဘယ်လိုအားတင်းလဲ သိလား။ ဆေးစစ်ရင်သာ ရင်ခုန်ရတာ၊ ဆေးစစ်ပြီးလို့ အဖြေကောင်းရင် သိပ်နေလို့ကောင်းတာပဲဆိုတာ ဆေးစစ်ဖူးတဲ့သူတိုင်းသိတယ်။ ငါ့တော့ အိုကေပဲဟေ့ဆိုပြီး နှစ်နဲ့ချီ စိတ်ချလက်ချဖြစ်သွားတယ် မဟုတ်လား။ ဒါက တချက်ပေါ့။

နောက်တချက်က အခုခေတ်မှာ ရောဂါအတော်များများဟာ စောစောသာသိရင် အတော်ကြီးကို ကုရသရတာ အဆင်ပြေတယ်။ စောစောကု စောစောပျောက်တယ်။ ဥပမာ အသည်းရောင် အသားဝါ စီပိုးတောင် စောစောသိရင် အေးဆေးဖြစ်နေပြီ။ HIV လူနာတွေ အရင်လို မသေတော့ဘူး။ ကင်ဆာတွေဆိုလဲ စောစောသိလို့ကတော့ ကုသရတာလွယ်ပြီး ပျောက်ဖို့ မျှော်လင့်ချက်က အများကြီးရှိလာပြီ။ နောက်ကျပြီးမှ သိရင် ကုရတာလဲခက်၊ ပိုက်ဆံလဲပိုကုန်၊ အသက်တွေလဲ တိုကုန်ရော။

ဒီလိုတွေ သိနေပါလျှက်နဲ့ ငါဆေးမစစ်လို့ မဖြစ်ပါဘူး။ ကြောက်ပေမယ့် စစ်မှ စစ်မှ။ ဆေးစစ်ရင်လဲ အဖြေတွေကောင်းဖို့က ကိုယ့်ဖက်မှာ အများကြီး။ မကောင်းဖို့ဆိုတာ ရှားမှရှား။ ငါ စစ်ရမယ်။ စစ်ပြီး စိတ်အေးသွားတာပဲ။ ဒါက ကျွန်တော့်ရဲ့ အားတင်းနည်းပေါ့ဗျာ။

ငယ်ငယ်က နိုင်ငံခြားက မင်းသား၊မင်းသမီးတွေ၊ နိုင်ငံကျော်ပုဂ္ဂိုလ်တွေ ဟိုလူ ကင်ဆာဖြစ် ဒီလူကင်ဆာဖြစ်တယ်ကြားရတတ်တယ်။ ဒါပေမယ့် အများစုက သေလဲမသေကြပါလား။ ဘယ်လိုပါလိမ့်ပေါ့။

ကိုယ်တိုင်ဆရာဝန်ဖြစ်လို့ နိုင်ငံခြားဆေးရုံရဲ့ အူမကြီးဌာနမှာ အလုပ်လုပ်တဲ့အခါ သူတို့ဆီမှာလဲ ကင်ဆာလူနာတွေကို ကိုယ်တိုင်ကြည့်ရတော့ ဟယ်ဒီလူနာတွေလဲ မသေကြဘူးဟဲ့၊ ကင်ဆာရောဂါကို ခွဲထာူကြတာ ၁၀ နှစ် အနှစ် ၂၀ ပဲရှိနေကြပြီ။ သူတို့ လူနာမှတ်တမ်း chart တွေဆိုတာ တတောင်လောက်ထူနေပြီ။ ကိုယ်နဲ့လာပြတဲ့ အူမကြီးကင်ဆာလူနာတွေက အကောင်းကြီး အေးဆေး။

အမ် ! ဒို့တိုင်းပြည်ကျ ကင်ဆာဖြစ်ရင် တဖြုတ်ဖြုတ်နဲ့ တဖြုန်ဖြုန်ကေးကုန်ပါလား။ ဘယ်နှာတုန်းဆိုပြီး စဉ်းစားဆင်ခြင်တဲ့ အခါမှာ သူတို့ရဲ့ကင်ဆာတွေက အဆင့်(၁) လောက်နဲ့ စောစောသိကြ၊ စောစောခွဲကြရတာက အကြောင်းရင်းကြီး တစ်ခုပဲဆိုတာ တဖြည်းဖြည်း သဘောပေါက်လာတယ်။ ဒို့ပြည်မှာက ကင်ဆာရယ်လို့ သိလိုက်ရရင် အဆင့်က (၃) နဲ့ (၄) ပဲ။ အဲ့တော့လဲ ဘယ်လိုလုပ် အဆင့်(၁) သမားကို သွားယှဉ်လို့ ရပါ့မလဲ။

ပြောချင်တာတွေများပြီး အခုထိလိုရင်းက မရောက်သေးဘူး။ ဒီနေ့တကယ်ပြောချင်တာက Colorectal cancer screening လို့ခေါ်တဲ့ အူမကြီးကင်ဆာမဖြစ်ခင် ၊ ဒါမှမဟုတ် ဖြစ်ခါစကလေးမှာသိအောင် စစ်ဆေးနည်းပါပဲ။

အူမကြီးကင်ဆာဆိုတဲ့ ရောဂါဟာ တစ်လ နှစ်လ ၊ လေးငါးခြောက်လနဲ့ စဖြစ်တဲ့ရောဂါမဟုတ်ပါဘူး။ အူမကြီးကင်ဆာဖြစ်ဖို့အတွက် အူနံရံမှာ အဆင့်ပေါင်းများစွာပြောင်းလဲရပါတယ်။ နှစ်နဲ့ချီကြာပါတယ်။ ဆိုလိုတာက အူမကြီးကင်ဆာဟာ ဆေးစစ်ဖို့ အချိန် အများကြီးရတဲ့ ရောဂါပါ။ မစစ်လို့သာ ကျွန်တော်တို့ လူနာတွေက မသိလိုက်ကြတာပါ။

အူမကြီးကင်ဆာဟာ များသောအားဖြင့် polyp လို့ခေါ်တဲ့ အသားပိုလေးက စပါတယ်။ အသားပိုလေးဟာ နှမ်းစေ့လေးလောက်ကစတယ်။ ဒါပေမယ့် အဲ့ နှမ်းစေ့လောက် အသားပိုလေးဟာ ကင်ဆာမဖြစ်သေးပါဘူး။ သူဟာ အသားပိုဘဝနဲ့ နှစ်ပေါင်းများစွာ အူမကြီးနံရံမှာ ရှိနေအုန်းမှာပါ။ ကင်ဆာပြောင်းဖို့ အလားအလာရှိတဲ့ အသားပိုဟာ တဖြေးဖြေးကြီးထွားလာပါတယ်။ အများအားဖြင့် 2 cm ကျော်လာတဲ့ အသားပိုတွေကတော့ ကင်ဆာဖြစ်ဖို့ အလားအလာ အများကြီးရှိနေပါပြီ။ 2 cm ဆိုတော့ မြန်မာလိုမျက်စိထဲမြင်အောင်ပြောရရင် ဆီးဖြူသီးခပ်သေးသေးအရွယ်လောက်ပေါ့။

ဒီ polyp လို့ခေါ်တဲ့ အသားပိုအဆင့်ဟာ လူနာအတွက် အရေးအကြီးဆုံးကာလပါပဲ။ ဒီ အသားပိုဘဝမှာသာ ဆရာဝန်က မှန်ပြောင်းနဲ့ ဒီအသားပိုကို ရှင်းထုတ်နိုင်ခဲ့ရင် ဒီလူနာဟာ အူမကြီးကင်ဆာဖြစ်ခြင်းကနေ ကာကွယ်လိုက်နိုင်ပါပြီ။ မှန်ပြောင်းနဲ့ အသားပိုကို ထုတ်လို့ရတာကိုး။ သိပ်ခက်တာမှ မဟုတ်တာ။

နှမ်းစိလောက် အသားပိုသေးသေးလေးကနေ ဇီးဖြူသီးလောက် အသားပိုကြီးကြီး ဖြစ်ဖို့က ၅ နှစ်ကနေ ၁၀ နှစ်လောက်အထိ ကြာနိုင်တယ်။ အဲ့ ဇီးဖြူသီးလောက် အသားပိုအကြီးကြီးတောင် ကင်ဆာဟုတ်ချင်မှ ဟုတ်အုန်းမှာ။ အဲ့တော့ ကျွန်တော်တို့ အချိန်တွေ ဘယ်လောက်ရလဲ။ တွက်ကြည့်စမ်းပါအုန်း။ နှစ်ပေါင်းများစွာရတယ်။

အူမကြီးကင်ဆာ အများစုဟာ ကင်ဆာအနေနဲ့ စဖြစ်လာကြတာ မဟုတ်ပေဘူး။ အသားပို ပိစိကွေးလေးတွေအနေနဲ့သာ စဖြစ်လာကြတာ။ အဲ့အသားပိုဘဝမှာ နှစ်ပေါင်းများစွာ အူမကြီးနံရံမှာ ရှိနေပြီးမှသာ တဖြည်းဖြည်းပိုကြီးလာကြ၊ တဖြည်းဖြည်း ကင်ဆာဆဲလ်တွေ အနေနဲ့ ပြောင်းလာကြတာ။ ဆေးပညာလိုဆို adenoma Carcinoma sequence လို့ ခေါ်တာပေါ့။

ဆရာဝန်တွေရဲ့ နည်းဗျူဟာက ဒီလို။ ဒီအူမကြီးကင်ဆာ ဖြစ်ပွါးမှုကျအောင် အသက် ၅၀ ကျော်လာတဲ့ လူတွေကို မှန်ပြောင်းကြည့်မယ်။ အသားပိုဘဝမှာ အကုန်မှန်ပြောင်းနဲ့ ဖြတ်ထုတ်ပြီး ရှင်းပစ်မယ်။ ဒါဆို ကင်ဆာဖြစ်ဖို့ အတော်ကို နည်းသွားမယ်။ မှန်ပြောင်းကိုလဲ ၁၀ နှစ်တခါကြည့်မယ်။ အသားပိုကနေ ကင်ဆာဖြစ်ဖို့ ဒါလောက် နှစ်ပေါင်းများစွာကြာတာ၊ ၁၀ နှစ်တခါ ကြည့်ရင်တောင် လုံလောက်တယ်။ ၁၀ နှစ်တခါ လူတွေ မှန်ပြောင်းကြည့်ရင်တောင် အသားပိုဘဝကနေ ကင်ဆာပြောင်းဖို့ ခဲယဉ်းသားပဲ။ အိုကေပြီပေါ့။

မှန်ပါတယ်။ အိုကေပါတယ်။ ချမ်းသာတဲ့ နိုင်ငံတွေက သူ့ရဲ့ပြည်သူလူထုကို အလကားမှန်ပြောင်းကြည့်ပေးတယ်။ လူထုကလဲ ပညာရေးရေချိန်မြင့်တော့ မှန်ပြောင်းကို လိုလိုလားလား အကြည့်ခံကြတယ်။ ဒါကြောင့် ချမ်းသာတဲ့တိုင်းပြည်တွေမှာ အူမကြီးကင်ဆာဖြစ်ပွါးမှုတွေက တအိအိကျလာတယ်။ ကျမှာပေါ့။ အသားပိုဘဝမှာ အပြတ်ရှင်းတာကိုး။ ကင်ဆာဘဝကို အပြောင်းမခံတော့ဘူးလေ။

အဲ ဒါပေမယ့် အသက် ၅၀ ကျော်တဲ့ လူတိုင်းကို အစိုးရက စိုက်ထုတ်ပြီး အူမကြီးမှန်ပြောင်းကြည့်ပေးဖို့ဆိုတာ ပြောတော့သာလွယ်တာ၊ တကယ်ကျ မလွယ်ပြန်ဘူး။ မြန်မာပြည် မပြောနဲ့ ၊ ဖွံ့ဖြိုးပြီး တိုင်းပြည်တွေမှာတောင် စရိတ်က အတော်ထောင်းတယ်။ အဲ့တော့ စျေးပေါပေါနဲ့ လူတွေ အများကြီးကို လွယ်လွယ်စစ်လို့ရတဲ့ စစ်ဆေးနည်းကို ရှာဖွေကြပြန်ရော။

အဲ့ဒီမှာ FOBT တို့ FIT တို့ဆိုတာ ပေါ်လာတယ်။ FIT ဆိုတာက ဝမ်းထဲမှာ သွေးပါမပါ စစ်တာ။ မျက်စိနဲ့ မမြင်ရတဲ့ သွေးပေါ့။ သူ့ရဲ့ စဉ်းစားနည်းက အူမကြီးမှာ အသားပိုပဲရှိရှိ၊ ကင်ဆာပဲရှိရှိ သွေးနည်းနည်းလေးထွက်တတ်တယ်။ ထွက်မှာပေါ့ အူမကြီးအသားအကောင်းမှ မဟုတ်တော့တာ။ အသားပိုတို့ ကင်ဆာတို့ဆိုတာ ပွစိစိ အသားတွေ မဟုတ်လား။ ဒီတော့ သွေးလေးမဆိုစလောက် ဝမ်းထဲမှာ ပါလာတာပေါ့။ အဲ့ မျက်စိနဲ့ မမြင်ရတဲ့ မဆိုစလောက်သွေးလေး အိမ်သာတက်ရင်း ပါမပါကို FIT test နဲ့ ဖမ်းတယ်။ ဝမ်းကို FIT test လုပ်ကြည့်တယ်။ FIT test positive ဆို ဝမ်းထဲမှာ သွေးပါနေပြီပေါ့။ negative ဆို မပါဘူးပေါ့။

ဒီတော့မှ FIT test positive သမားများ မှန်ပြောင်းကြည့်ရန်ကြွပါ။ negative သမားကတော့ မကြည့်နဲ့အုန်း၊ မှန်ပြောင်းဖိုး ပိုက်ဆံကုန်တာနဲ့ မတန်ဘူးလို့ ယူဆသကိုး ခင်ဗျ။

FIT test ရဲ့သဘောကတော့ မှန်ပြောင်းတန်းကြည့်တဲ့မူကို တိုက်ရိုက်မသွားဘဲ ချွေတာရေးအနေနဲ့ FIT test လေးအရင်လုပ်ကြည့်။ သွေးပါမှ positive ထွက်မှ မှန်ပြောင်းကြည့်ဆိုတဲ့ မူပါပဲ။

FIT test positive ဖြစ်ခြင်းဟာ ကင်ဆာဖြစ်တယ်လို့ ဆိုလိုတာမဟုတ်ဘဲ မှန်ပြောင်းကြည့်သင့်တယ်လို့ ဆိုလိုတာသာဖြစ်ကြောင်း နားလည်ရပါမယ်။ FIT test positive ဖြစ်တာကို ကြောက်လန့်နေစရာမလိုပါဘူး။

FIT test positive ဖြစ်တယ်။ မှန်ပြောင်းကြည့်လိုက်တယ်၊ မှန်ပြောင်းအဖြေက ကောင်းတယ်ဆိုရင် FIT test positive ဖြစ်တာကို ခေါင်းထဲက ထုတ်ပစ်လိုက်ပါ။ မှန်ပြောင်းကြည့်ပြီးရင် FIT test ဟာ အရေးမပါတော့ပါဘူး။

အခုဆိုရင် အူမကြီးကင်ဆာမဖြစ်အောင် ဘယ်လို ကာကွယ်လို့ရလဲဆိုတာကို သဘောပေါက်လောက်ပါပြီ။ Colonoscopy လို့ခေါ်တဲ့ အူမကြီးမှန်ပြောင်း၊ Faecal Immunochemical Test လို့ခေါ်တဲ့ FIT test ရဲ့ စဉ်းစားတွေးခေါ်ပုံ သဘောသဘာဝတွေကိုလဲ နားလည်လောက်ပြီ ထင်ပါတယ်။

ဆေးစစ်မယ့်သူတွေ အနေနဲ့လဲ မှန်ပြောင်းကို တခါထဲတန်းကြည့်မယ်လို့ ဆုံးဖြတ်ထားရင် FIT test လုပ်နေစရာ မလိုပါဘူး။ မှန်ပြောင်းကြည့်နိုင်တာကတော့ အကောင်းဆုံးပါ။

မှန်ပြောင်းကြည့်ဖို့ မကြည့်ဖို့ စဉ်းစားနေတယ်၊ တွေဝေနေတယ်ဆိုရင် FIT test လုပ်ကြည့်ပါ။ positive ဆိုရင်တော့ ကြည့်သင့်ပါတယ်။ ဒါကတော့ ချွေတာရေးမူဝါဒပေါ့။

အခုနောက်ပိုင်း အူမကြီးကင်ဆာမူကတော့ အသက် ၅၀ မှစ၍ မှန်ပြောင်းကြည့်ပါ၊ ၁၀ နှစ်တခါ ကြည့်ပါ။ ဒီကြားထဲကို တနှစ်တခါ FIT test လေးလုပ်နေပါလို့ ပြောကြပါတယ်။

တချို့က အသက် ၄၅ မှာစကြည့်ခိုင်းပါတယ်။ ၅ နှစ်တခါဆိုတာလဲ ရှိပါတယ်။

တကယ်လို့ အသားပိုတွေ့ရင် တခါထဲထုတ်ပြီး အသားစအဖြေပေါ်မူတည်လို့ တနှစ်တခါ (သို့) ၂ နှစ်တခါ ပိုပြီး စိတ်စိတ်ကြည့်ဖို့ လိုနိုငိပါတယ်။

ကိုယ့်မိသားစုထဲ အူမကြီးကင်ဆာဖြစ်ရင်၊ မျိုးရိုးရှိခဲ့ရင်တော့ မျိုးရိုးဗီဇပါစစ်ပြီး အသက်၅၀ အထိ မစောင့်ပဲ ပိုပြီးစောစောကြည့်ဖို့ လိုပါလိမ့်မယ်။ ကျွန်တော်တို့ဆီမှာက မိသားစုဝင်တစ်ယောက် အူမကြီးကင်ဆာဖြစ်ပေမယ့် ကျန်တဲ့မိသားစုဝင်တွေက သိပ်စစ်ဆေးတဲ့ အလေ့အထ မရှိကြပါဘူး။ ဒါကို ဂရုပြုသင့်ပါတယ်။ အထူးသဖြင့် ကိုယ့်မိသားစုထဲ အသက်ငယ်ငယ်ရွယ်ရွယ်နဲ့ အူမကြီးကင်ဆာဖြစ်ခဲ့ရင် ဆရာဝန်နဲ့ အသေအချာတိုင်ပင်ပြီး မိသားစုဝင်တွေ မှန်ပြောင်းကြည့် စစ်ဆေးသင့်ပါတယ်။

အရှေ့တောင်အာရှမှာ ဘယ်နိုင်ငံမှာ CRC screening လို့ခေါ်တဲ့ အူမကြီးမှန်ပြောင်း အခမဲ့စစ်ဆေးပေးခြင်းကို မလုပ်ပေးနိုင်သေးပါဘူး။ ဂရုစိုက်တတ်တဲ့ မိသားစုဟာ ကိုယ့်ဟာကိုယ်ပဲ လုပ်ရမယ့် အခြေအနေမှာပဲ ရှိနေပါသေးတယ်။

ဒါပေမယ့် ဒီစာစုလေးကြောင့် ဆေးပညာ အသိတစ်ခုရခဲ့ပြီး အူမကြီးကင်ဆာကို စစ်ဆေးဖြစ်ခဲ့လို့ လူတယောက်ကင်ဆာမဖြစ်တော့ဘူး၊ သို့မဟုတ် စောစောစီးစီးသိခဲ့တယ် ဆိုရင်တောင် ကျွန်တော်ရေးရကျိုးနပ်ပြီလို့ ယူဆပါတယ်။

Dr. မျိုးသက်အောင်
Consultant Surgeon / ပင်လုံဆေးရုံ

အူမကြီးကင်ဆာ အသိအမြင် ကျယ်ပြန့်ရေး မတ်( March) လ
Colorectal Cancer Awareness Month ၂၀၂၄
~~~~~~~~~~~~~~~~~~~~~~~~~~~~~

နှစ်စဉ် မတ်လဟာ အူမကြီးကင်ဆာ အသိအမြင် ကျယ်ပြန့်ရေးလ ဖြစ်ပါတယ်။ ဒါကြောင့် ဒီမတ်လမှာ ကျွန်တော့်အနေနဲ့ အူမကြီးကင်ဆာနဲ့ ပက်သက်တဲ့ အကြောင်းအရာတွေ ကြိုးစားပြီးရေးသွားဖို့ ရှိနေပါတယ်။ အဟောင်းလေးတွေလဲ ပြန်တင်ပါမယ်။
The
အူမကြီးကင်ဆာနဲ့ ပက်သက်ပြီး တပိုင်းပြီးတပိုင်း ရေးသွားမယ်လို့ စိတ်ကူးပြီး အူမကြီးကင်ဆာခံစားနေရတဲ့ လူနာတွေ၊ သူတို့ရဲ့ မိသားစုတွေ၊ တခြားစိတ်ဝင်စားသူတွေအနေနဲ့ အကျိုးတစုံတရာ ရှိလိမ့်မယ်လို့လဲ ယူဆမိပါတယ်။

မြန်မာနိုင်ငံမှာက ဆရာဝန်တွေက အချိန်ပေးနည်းတာတကြောင်း၊ လူနာများက မမေးရဲ၊ မမေးတတ်ကြတာတကြောင်းကြောင့် သိချင်မေးချင်ပါလျှက် မသိလိုက်ရ၊ မမေးလိုက်ရတာများကို ကျွန်တော့်စာလေးတွေက တစိတ်တပိုင်း အထောက်အကူပြုလိမ့်မယ်လို့လဲ မျှော်လင့်ပါတယ်။

တတ်နိုင်သမျှ လူထုတွေ အူမကြီးကင်ဆာအကြောင်း သိရအောင် ဒီမတ်လအတွင်းတင်တဲ့ အူမကြီးကင်ဆာ post တွေကို share လုပ်ပေးဖို့လဲ မေတ္တာရပ်ခံပါတယ်။ အူမကြီးကင်ဆာက ကမ္ဘာပေါ်မှာ အဖြစ်အများဆုံး ကင်ဆာ ၃ ခုထဲမှာ အမြဲပါနေပါတယ်။ သင့် share မျှဝေမှုကြောင့် အူမကြီးကင်ဆာလူနာတစ်ယောက်က ရောဂါစောစောစီးစီး သိခွင့်ရခဲ့ရင် သူရောဂါလုံးဝပျောက်ကင်းတဲ့အထိ ကုသခွင့်ရသွားနိုင်ပါတယ်။

အားလုံးကို ကျေးဇူးတင်ပါတယ်။

Drmyo


#အူမကြီးကင်ဆာ
zawminoo
https://www.facebook.com/share/p/1Ejfqzv74T/?

15/12/2024

🚩🚩ဟော ပြောပွဲ ရက် ပြောင်းလဲခြင်း

22.12.2024 Chatrium ဟိုတယ်တွင် ကျင်းပမယ့်
Health talk ဟော ပြော ပွဲ ရက် အ ပြောင်းလဲရှိပါ ၍
နေ့ရက် နှင့် အချိန် ကို ပြန်လည် အကြောင်းကြားပေးပါမယ် ရှင့်

Bangkok တွင် ဆေးစစ် ဆေးကု သွားမယ့်သူ များ အား

အခမဲ့ ဆွေးနွေးခွင့် နှင့် checkup promotion များ ရနိုင်မယ့် အခွင့်အရေး

Bangkok တွင် ဒူးနာ ခါးနာ အရိုး နှင့် နှလုံး ရောဂါဆိုင်ရာ ဆေးသွားကုသချင်သူများ
Medical Checkup လုပ်ချင်သူများ အတွက် အထူး Promotion
AIA Member များအတွက် အထူး Gift Voucher များ

လူဦးရေ နေရာ ကြိုတင် ဘိုကင် လုပ်ရသော ကြောင့် ကြိုတင် စာရင်းသွင်းထားနိုင်ပါ တယ် ရှင်

ကြိုတင် စာ ရင်းပေး နိုင်ရန်
For Reservation- 09 959 5566 79 / 0995 777 4555 (လူဦးရေကန့်သတ်)
Viber 09444555057

13/12/2024

ဖြည့်စွက်စာတွေဝယ်မသောက်နိုင်လျှင်
သော်လည်းကောင်း/ကျောက်ကပ်ထိမှာစိုး၍
ဆေးအများကြီးမသောက်ချင်လျှင်သော်လည်းကောင်း…
ဆရာမကြီး ဒေါက်တာ ဒေါ်ခင်နွယ်ဝင်းက
(To A Better Health)
သဘာဝနည်းလေးတွေကို ဒီလို ပြောပြထားပါတယ်။
🍀🍀🍀🍀🍀🍀🍀🍀🍀🍀🍀
📍၁. Vitamin D အတွက် မနက်ခင်း နေရောင်ခြည်
ခံပေးပါ။ နေပူထဲမှာ နာရီဝက်လောက်နေပါ။
အိမ်အပြင်ထွက်ရမှာဖြစ်ပါတယ်။
အိမ်ထဲမှာနေပြီး လှမ်းမရပါ။
အိမ်ပြင်မှာUltra violet B ray
ရနိုင်လို့ ဖြစ်ပါတယ်။
Vitamin D ရဖို့ B ray လိုပါတယ်။
အိမ်ထဲမှာ ပြတင်းပေါက်ကနေတဆင့် ရသော
နေရောင်ခြည်မှာ A ray သာ ဖြစ်ပါတယ်။
B ray က ပြတင်းပေါက်ကို မဖောက်နိုင်ပါ။
A ray က Vitamin D မလုပ်နိုင်ပါ။

📍၂. အပြင်ထွက်ရင်း တလက်စတည်း မြေကြီးဓာတ်ကိုပါ
ယူလိုက်ပါ။ မြေကြီးမှာ electron ဓာတ်တွေ
အများကြီးရှိတာကတစ်ကြောင်း၊ သူတို့တွေက
ဝါယောဓာတ်တွေ ဖြစ်တာမို့ ရွေ့လျားနိုင်ပါတယ်။
များတဲ့နေရာကနေ နည်းတဲ့နေရာကို
ရွေ့လျားတတ်တာကြောင့် မြေကြီးကနေ
ခန္ဓာကိုယ်ထဲကိုဝင်နိုင်ပါတယ်။
စိုနေတဲ့မြက်ခင်းဆိုရင် အင်မတန်
သင့်တော်ပါတယ်။
အစိုဓာတ်ရှိရင် စီးဝင်ခြင်းဟာ ပိုပြီး
ထိရောက်ပါတယ်။
ဖိနပ် မစီးရပါ။ ဒီ electron ဓာတ်ဟာ ခန္ဓာကိုယ်
ယောင်ကိုင်းခြင်းကို သက်သာစေနိုင်ပါတယ်။
သဘာဝ antioxidants တွေ ဖြစ်ပြီး
သွေးကိုလည်းကျဲစေတတ်တာကြောင့်
လေဖြတ်ထားသူများ၊
နှလုံးသွေးကြောပိတ်သူများ အတွက်
အလွန်သင့်တော်ပါတယ်။

📍၃. D3 နဲ့ အတူသောက်ခိုင်းတဲ့ Vitamin K2 ကို
သဘာဝနည်းနဲ့ အရယူကြရအောင်။
- ရှမ်းတို့ဖူး (Natto)(Plant based MK7)
- ကလီစာဟင်း (Animal based MK4 )
- ကြက်ဥအနှစ် (Animal Based MK4)

📍၄. Probiotics အလှမ်း မမှီနိုင်ရင်
- ချဉ်ဖတ် စားပါ။
- ဒိန်ချဉ် စားပါ။
- ဗမာအချဉ်ရော၊ ရှမ်းချဉ်ရော အလွန်
ကောင်းပါတယ်။

📍၅. နနွင်းကို ( အုန်းဆီ/သံလွင်ဆီ ) နဲ့ သောက်ပါ။

📍၆. အသီးအနှံနှင့်အစိမ်းရောင်အရွက်များများစားပါ။

📍၇. အရိုးပြုတ်ရည် သောက်ပါ။
( ကြက်ရိုး၊ အမဲရိုး၊ ဆိတ်ရိုး..)

📍၈. ရှားစောင်းလက်ပတ် စားပါ။
အူလမ်းကြောင်းပြုပြင်ရေးအတွက်
ကောင်းပါတယ်။

📍၉. အုန်းရည် သောက်ပါ။
သတ္တုဓာတ်မျိုးစုံရမှာဖြစ်ပါတယ်။

📍၁၀. နွယ်ချိုက အူကျန်းမာရေးအတွက်
ကောင်းပါတယ်။

📍၁၁. ဆားခါးရေ စိမ်ပါ။ Magnesium
အလှမ်းမမှီသူများအတွက်ပါ။

📍၁၂. သစ်ကြားသီး စားပါ။
Plant based Omega3 ရပါတယ်။

📍၁၃. တတ်နိုင်ရင် တစ်ခါတရံ
အဆီများသော ငါး စားပါ။

📍၁၄. အချဉ်ဓာတ် VitaminC ရစေရန် ငရုတ်ပွသီး၊
သံပုရာသီး၊ ရှောက်သီး၊ ဆီးဖြူသီး၊ လိမ္မော်သီး၊
ကျွဲကောသီး၊ မာလကာသီး၊ ကီဝီသီး၊
ဘယ်ရီသီးအမျိုးမျိုး၊ပန်းဂေါ်ဖီစိမ်း၊
ကင်ပွန်း ချဉ်ချဉ်ပေါင်ရွက် အစရှိသည်
တို့ကို စားသုံအာလူးနဲ့ကန်စွန်းဥတို့မှာလည်း ဓာတ်တွေပါဝင်ပါတယ် )

📍၁၅. Zinc ဇင့်ဓာတ်ရရှိစေရန် ပင်လယ်စာနဲ့
အနီရောင်အသားများ၊ ကြက်ဥ၊ နို့နှင့်နို့ထွက်
ပစ္စည်းများ၊ အုတ်ဂျုံ၊ ပဲအမျိုးမျိုး၊ မှို၊ ကညွတ်၊
ကိုက်လန်၊ ရုံးပတီသီး၊ ပန်းပွင့်စိမ်း၊ ဟင်းနုနယ်၊
ပြောင်းဖူးစသောဟင်းသီးအရွက်များနှင့်ကွာစေ့၊
ဖရုံစေ့ ကဲ့သို့သော အစေ့အဆန်များ စားသုံးပါ။

📍၁၆. Anti-viral အနေဖြင့် ဂျင်း၊ ကြက်သွန်နီ၊
ကြက်သွန်ဖြူ၊ နနွင်း၊သစ်ကြံပိုးများစားသုံးပေး၍
ရေနွေးကြမ်း green teaသောက်ပါ။
ရေများများသောက်ပါ။
ကိုယ်လက်လှုပ်ရှား လေ့ကျင့်ခန်းများ နေ့စဉ်
အနည်းဆုံး ၁၅မိနစ် ပုံမှန် ပြုလုပ်ပါ။

07/12/2024

♥️Free Consultation အခမဲ့ ဆွေးနွေးခွင့်

ဆွေးနွေးဖို့ စာရင်းပေးထားသူများ သည့်အတွက် ဆွေးနွေးနိုင်မည့် နေ့ရက် ကို ပြန်လည် အကြောင်းကြားဆက်သွယ် ပေးပါမယ်

♥️Bangkok တွင် ဒူးနာ ခါးနာ အရိုး နှင့် နှလုံး ရောဂါဆိုင်ရာ ဆေးသွားကုသချင်သူများ

♥️Medical Checkup လုပ်ချင်သူများ အတွက် အထူး Promotion
♥️AIA Member များအတွက် အထူး Gift Voucher များ

ဆရာဝန်ကြီး များနှင့် ရန်ကုန် တွင် အ ကြို လာရောက် ဆွေးနွေးနိုင်ပါပီ

Date- 22.12.2024 ,Sunday
Time- 1pm
Location- Chatrium Royal Lake Hotel,Yangon .Ballroom

For Reservation- 09 959 5566 79 / 0995 777 4555 (လူဦးရေကန့်သတ်)

ထိုင်ခုံ နေရာ စီစဉ်ရပါ၍ ကြိုတင် စာရင်းပေးသူများသာ တက်ရောက်နိုင် ပါမည်

30/11/2024

🚨ဆွေးနွေးဖို့ စာရင်းပေးထားသူများ သည့်အတွက် ဆွေးနွေးနိုင်မည့် နေ့ရက် ကို ပြန်လည် အကြောင်းကြားဆက်သွယ် ပေးပါမယ်

Free Consultation ဆရာဝန် ကြီးများနှင့် အခမဲ့ ဆွေးနွေးခွင့်

Bangkok တွင် ဒူးနာ ခါးနာ အရိုး နှင့် နှလုံး ရောဂါဆိုင်ရာ ဆေးသွားကုသချင်သူများ
Medical Checkup လုပ်ချင်သူများ အတွက် အထူး Promotion
AIA Member များအတွက် အထူး Gift Voucher များ

ဆရာဝန်ကြီး များနှင့် ရန်ကုန် တွင် အ ကြို လာရောက် ဆွေးနွေးနိုင်ပါပီ

For Reservation- 09 959 5566 79 / 0995 777 4555 (လူဦးရေကန့်သတ်)

10/11/2024

ဘနိကောက် မြို့ရဲ့ အထင်ကရ ICONSIAM Mall သို့ အလွယ်တကူ သွားနည်း

ဘန်ကောက်ရောက်ရင် မဖြစ်မနေ သွား ရောက် လည်ပတ်ကြတဲ့ IconSiam ကို ကားဌားရ တာ ခက်ခဲ ကားတွေက ပိတ် လို့ စိတ်ညစ် နေပေမယ့် သွားလည်းသွားချင်တယ်ဆို

ကားမပိတ် ဘဲ လွယ်ကူအောင် သွားနည်း

လမ်းညွှန်📍

🛳️Water Bus စီးချင်တဲ့သူတွေက Saphan Taksin BTS ကနေဆင်းပြီး Bangkok Sathorn Ferry Port ကနေစီးလို့ရပါတယ်။
⛴️Iconsiam Ferry နဲ့ဆိုရင် 8 THB ပေးရပါတယ်။Chao Phraya Express Boat (AC) Red Flag
ဆိုရင်တော့ 30 THB ပါ။

🚢Chao Phraya Hop-on Hop-off Boatဆိုရင်တော့ 150 THB ကို တစ်နေကုန် ကြိုက်တဲ့နေရာစီးလို့ရပါတယ်။

🚆BTS စီးချင်သူတွေကတော့ Charoen Nakhon BTS မှာဆင်းရင် တိုက်ရိုက်ရောက်ပါတယ်။

🚍Bus နဲ့သွားချင်တဲ့သူတွေအတွက် 🚌 No. 3, 6, 6(AC), 84, 84(AC), 88, 89, 111, 149, 167, 177 တို့စီးလို့ရပါတယ်။

အဆင်ပြေကြပါစေ

06/11/2024

အမြဲ သွားနေရတယ့် သော်မော် Immigration Main
ကိုသွားရင်

taxi သမားတွေက Department store ထဲက immigration ကို ပို့ပေး လိုက်တတ်လို့

Visa e-Extension , Visa change process , ED visa , Retirement Visa, 90days Report တို့အတွက် အဓိက နေရာ

✳️Imigration Division1 ,Chang Watthana , Building B ( Taw Maw in thai) သို့ သွားနည်း

✅MRT အဝါ လိုင်းဆို ဂိတ်ဆုံး Lad Prao ထိ စီးပြီး Taxi meter လေး ဆက်စီးသွားလို့ရ

✅MRT blue လိုင်း ဆို ရင် Bang Sue ထိ စီးပြီး အနီလိုင်း Lak Si ကိုစီး ပြီး ဆိုင်ကယ် or taxi meter ဘတ်၅၀ လောက်ဘဲ ပေးရ ပါတော့ တယိ

✅ BTS အစိမ်းလိုင်း ဆို Mo Chit ကနေ Chattu Chak ချတ်တူချတ် sunday market MRT blue လိုင်းကို Bang Sue ထိ စီး ပြီး အနီလိုင်း LakSi ထိစီးရပါမယ်

အားလုံးအဆင်ပြေ ကြပါစေ

01/11/2024

ဒီနေ့မှာကျရောက်တဲ့ ဟိန္ဒူဘာသာဝင်များရဲ့
ဒီပါဝါလီနေ့ ( ဒေဝါလီနေ့ ) နေ့ထူးနေ့မြတ်လေးမှာ
မိသားစု ချစ်ခင်ရသူတို့နဲ့ အတူ
ပျော်ရွှင်စွာဆင်နွှဲနိုင်ပါစေရှင် 🙏

ဟိန္ဒူဘာသာဝင်များ နဲ့ တကွ ( ၇ ) ရက်သားသမီးအပေါင်း
ကိုယ် ၏ကျန်းမာခြင်း စိတ် ၏ချမ်းသာခြင်း
တို့နှင့်ပြည့်စုံကြပါစေရှင် .. စီးပွားလာဘ်လာဘများလဲ
ဒီရေအလားတိုးတက်ပွားများပါစေလို့
Royal Heart မှ ဆုတောင်းမေတ္တာ
ပို့သအပ်ပါတယ်ရှင် 🙏

28/10/2024

ဘန်ကောက် သွားတိုင်း ခဏခဏ ဝယ်ဖို့ မလိုအောင်
ဖုန်း Sim Card ဘယ်လို ဝယ်ထားသင့်သလဲ?

ဘန်ကောက်ရောက်တာနဲ့ local phone ကို Roaming ဖွင့်ထာပြီး အဆက်အသွယ်လုပ်ဖို့နဲ့ အင်တာနက် သုံးဖို့ ခဏ သုံးထားပြီး

မြို့ထဲ ရောက်ပီးမှ 7 Eleven or mall တွေမှာ dtec /true / AIS ကောင်တာတွေမှာ sim card အလွတ် ဘဲ ဘတ် ၅၀/၆၀ နဲ့ passport မှတိပုံတင် ပြီး ဝယ်လို့ရပါတယ်

💥Dtec ကောင်တာ မှာဆို

✅ 55 ဘတ် နဲ့ sim card ဝယ်
✅passport နဲ့ တခါထဲ မှတ်ပုံတင် ဘတ်၁၀၀ ငွေဖြည့်
✅SMS မှာ လာတဲ့ internet package ကို ဝယ် otp ဝင်အောင် Roaming ဖွင့်ခိုင်း
✅တနှစ်စာ သက်တမိး ကို ဘတ်၃၀ နဲ့ တခါထဲ သက်တမ်းထိုးထားလို့ရပါတယ်

total ၁၈၅ဘတ် နဲ့

နောက်တစ်ခါ ဘန်ကောက်လာတိုင်းသုံးလို့ ရပီး
တနှစ်စာ သက်တမ်း တိုးထားလို့ လာတိုင်းဝယ်စရာ မလိုတော့ပါ

ရောက်တာနဲ့ သုံးချင်ရင်တော့ Sim Card တစ်ခု လေဆိပ် ကောင်တာ မှာ
True က 349 ဘတ်Dtac ကတော့ 299 ဘတ် unlimited data နဲ့ ဝယ်ပြီး
phone ကောင်တာ ရောက်မှ roaming ဖွင့် သက်တမ်းတိုးထားလို့ ရပါတယ်

"အားလုံးအဆင်ပြေကြပါစေ"
# royalheart # bangkok

28/10/2024

စားချင်တိုင်း စားလို့မရ တဲ့ အရာ

#ဒညင်းသီးထဲမှာ ပါတဲ့အက်ဆစ်ကို
(Djenkolic acid) လို့ ခေါ်ပါတယ်။
အရပ်ထဲမှာတော့
"ရေ (၅)ထပ်သွန်ပြီးပြုတ်တယ်"
"အဆိပ်ထုတ်ပြီးပြုတ်တယ်"တို့
"ထန်းလျှက်နဲ့ပြုတ်ရင်အဆိပ်ပြေတယ်"တို့
"ထိပ်ကအဆိပ်ဆံလေးထုတ်ပြီးပြုတ်ရင်
ဘာမှမဖြစ်ဘူး"တို့ စသဖြင့်
မျိုးစုံကြားရပါတယ်

တကယ်တော့ အဆိပ်ဆံလို့သိနေတဲ့နေရာက
ဒညင်းအပင် ပေါက်မယ့်နေရာ ဖြစ်ပါတယ်။
အဆိပ် နဲ့မဆိုင်ပါဘူး
အယူအဆ မှားနေတာပါ။

ဒညင်းသီး အသား တစ်ခုလုံးမှာ
အဆိပ်ဓာတ် (Djenkolic acid) တွေ
အပြည့် ပါပါတယ်။

ဒညင်းသီးစားလိုက်တဲ့အခါမှာ
ဒီ အဆိပ်ဓာတ်က အစာအိမ် ကတဆင့်
အူ ထဲကို အရင်ရောက်ပါတယ်

အူ ထဲကနေ စုပ်ယူပြီး
သွေး ထဲမှာရှိနေတုန်းမှာ
ပျော်ဝင်အဆင့် မှာပဲ ရှိနေပြီး
ပျောက်မသွားပါဘူး

ခန္ဓာကိုယ်ထဲက သွေးတွေ အားလုံးဟာ
ကျောက်ကပ် ကိုမဖြစ်မနေ
ဖြတ်သန်းရပါတယ်။

အဆိုပါအဆိပ်
ကျောက်ကပ်ထဲ ရောက်ချိန်၊
ဆီးဖြစ်လာတဲ့အချိန်၊
ဆီးက အက်ဆစ် (pH) ဘက်ကို
ရောက်တဲ့အချိန်မှာမှ
အချိုမှုန့်ချောင်းလေး တွေပုံစံ
(Crystal) အဖြစ်ပြောင်းပြီး
ကျောက်ကပ် ပြွန်သေးသေးလေးတွေ
ပေါ်မှာ စိုက်စူးစေပါတော့တယ်။

အဲဒီအချိန်မှာ
ပုံမှန်အလုပ်လုပ်နေရတဲ့ ပြွန်တွေ ပျက်စီးပြီး
ဆီး ထဲ သွေးပါလာတာမျိုး
ကျောက်ကပ် ပျက်စီးတာမျိုး ဖြစ်လာပါတယ်။

ဘယ်နှစ်ရေ ပဲပြုတ်ပြုတ်
ဘာထည့်ပြီးပြုတ်ပြုတ်
အဆိပ်ဓာတ်ရှိနေတာ ပဲမို့
ဆီးချို သွေးတိုး ရှိပြီးသားသူများ
ရှောင်သင့်ပါတယ်။

များများစားမှ ဖြစ်တာမျိုး မဟုတ်ဘဲ
တစ်လုံး နှစ်လုံးစားရုံနဲ့လည်း
ဆေးရုံ ရောက်တတ်ပါတယ်။

စားကောင်းပေမယ့်
ဒညင်းသီးအစား အရသာတူတဲ့
မျောက်ငိုသီး လို ၊
နှစ်တစ်ရာသီး၊
ပဲကော လို
ဟာတွေ အစားထိုးပြီး စားတာ
အကောင်းဆုံးပါ။

ကျောက်ကပ်က လူ့အတွက်
တန်ဖိုး ကြီးပါတယ် ။

ကျောက်ကပ် ပျက်စီးရင်
အမြဲတမ်း ကျောက်ကပ်ဆေး နေရတာမျိုးကို
မသေမချင်း လုပ်သွားရမှာပါ၊
အခြေအနေပေါ် မူတည်ပြီး
နှစ်ပတ် တစ်ခါ သို့မဟုတ်
တစ်လ တစ်ခါ
ပုံမှန် ကျောက်ကပ်ဆေး ရပါတယ်၊
တစ်ခါ ဆေးရင် နှစ်သိန်းဝန်းကျင်
ကုန်ကျပါတယ်။

ကျောက်ကပ် အစားထိုး လဲဖို့ဆိုရင်လည်း
သိန်း ရာနဲ့ချီ ကုန်ပါတယ်။

မသိလို့ စားခဲ့တာကတော့
ပြင်လို့ မရတော့ပေမယ့်
ဒီအန္တရာယ်ကို သိလာတဲ့အခါ ဆင်ခြင်နိုင်ဖို့
တင်ပြလိုက်ရပါတယ်။


#ဒေါက်တာကျော်စိုးထက်

23/10/2024

Myoma ( သားအိမ်အလုံး )

သားအိမ်အလုံးဆိုတာ ကင်ဆာမဟုတ်သောအကျိတ်ဖြစ်ပါတယ်။ အသက် ၃၀ နှင့် ၄၀ အတွင်း အမျိုးသမီးတွေမှာ သားအိမ်အလုံး အဖြစ်များပါတယ်။

အမေ နှင့် ညီအစ်မတွေမှာ သားအိမ်အလုံးရှိတဲ့အခါ မိမိမှာ သားအိမ်အလုံးရှိနိုင်ချေများပါတယ်။ အဝလွန်ခြင်း နှင့် သားအိမ်အလုံး ဆက်စပ်မှုရှိပါတယ်။ သိုင်းရိုက်ဟိုမုန်းနည်းခြင်း နှင့် သားအိမ်အလုံးဆက်စပ်မှုရှိပါတယ်။ တားဆေးသောက်နေတဲ့ အမျိုးသမီးတွေမှာ သားအိမ်အလုံး အဖြစ်များပါတယ်။

Estrogen နှင့် progesterone ဟိုမုန်းတွေက သားအိမ်နံရံကို ကြီးထွားစေပြီး ကိုယ်ဝန်ဆောင်ခြင်းအတွက် လစဉ်ပြင်ဆင်ပေးပါတယ်။ Estrogen နှင့် progesterone ဟိုမုန်းတွေက သားအိမ်အလုံးကိုလည်း ကြီးထွားစေပါတယ်။ အမျိုးသမီးတွေ သွေးဆုံးပြီးချိန် ဟိုမုန်းပမာဏလျော့နည်းသွားတဲ့အခါ သားအိမ်အလုံးများ သေးသွားတတ်ပါတယ်။

သားအိမ်အလုံးရှိတဲ့အခါ ရာသီသွေးများခြင်း, ရာသီလာချိန် ကြာရှည်ခြင်း, အစာအိမ် နှင့် ဆီးအိမ်မှာ ပြည့်ကျပ်နေသည်ဟု ခံစားမိခြင်း, ဆီးခဏခဏသွားခြင်း, ဆီးသွားရခက်ခြင်း, ဝမ်းချုပ်ခြင်း, အမျိုးသား နှင့်အတူနေစဉ် နာကျင်ခြင်း, ခါးကိုက်ခြင်း၊ ခြေထောက်ကိုက်ခြင်း, ကိုယ်ဝန်မရခြင်း နှင့် ကိုယ်ဝန်ပျက်ကျခြင်းတို့ ဖြစ်နိုင်ပါတယ်။

သားအိမ်အလုံးရှိသူများအနေနဲ့ အဆီများပြီး ပြုပြင်ထားတဲ့အစားအစာတွေ, စတီးရွိုက် နှင့် ဟိုမုန်းပါဝင်တဲ့ နို့ထွက်ပစ္စည်းတွေ ရှောင်ပါ။ အဝလွန်ခြင်းကိုဖြစ်စေတဲ့ သကြား နှင့် ရယ်ဒီမိတ်တွေ ရှောင်ပါ။

အရက်သောက်ခြင်းက ခုခံအားစနစ်ကို ကျဆင်းစေတယ်။ အဝလွန်စေတယ်။ ဟိုမုန်းမညီမျှမှုကို ဖြစ်စေတယ်။ ဒါကြောင့် အရက်သောက်ခြင်းကိုလည်း ရှောင်ရပါမည်။

ကော်ဖီအလွန်အကျွံသောက်ခြင်းက အသည်းကိုအလုပ်ပိုစေပြီး ဟိုမုန်းလုပ်ငန်းများ ကမောက်ကမဖြစ်စေတာကြောင့် ကော်ဖီအလွန်အကျွံသောက်ခြင်းကိုလည်း ရှောင်ရပါမည်။

အော်ဂဲနစ် သဘာဝအစားအစာတွေ, အရွက်စိမ်းတွေ, ဂေါ်ဖီထုပ်မျိုးနွယ်ဝင် cruciferous vegetables တွေ, ဆဲလ်တွေကိုပြုပြင်ပေးနိုင်စွမ်းရှိတဲ့ beta-carotene ကြွယ်ဝစွာပါတဲ့ ဝါသောအသီး နှင့် စိမ်းသောအရွက်တွေ, estrogen ပမာဏကို မျှတစေတဲ့ နှမ်းကြတ်စေ့တွေ စားပေးပါ။

Vitex or chasteberry က estrogen ပမာဏကို လျော့ကျစေပြီး progesterone ပမာဏကို မြင့်တက်စေတာကြောင့် သားအိမ်အလုံးကို ကုသနိုင်ချေရှိပါတယ်။ ရလဒ်ကောင်းအတွက် Vitex ကို ခြောက်လလောက်သောက်ရပါမည်။ Vitex သုံးဖို့အတွက်လည်း ဆရာဝန်နှင့် တိုင်ပင်ဖို့လိုပါတယ်။

သားအိမ်အလုံးရှိတဲ့ အမျိုးသမီးတွေက ငါးကြီးဆီ ( 1000 mg) လောက်သောက်ပေးနိုင်ပါတယ်။ ဇီဝလုပ်ငန်းတွေ ထိန်းပေးမည့် ဗိုက်တာမင် B တွေ နှင့် အသည်းကို အားကောင်းစေတဲ့ milk thistle တွေလည်း သောက်လို့ရပါတယ်။

Thyme, clary sage နှင့် frankincense လို အဆီတွေက သားအိမ်အလုံးကုသမှုအတွက် ထိရောက်မှုရှိပါတယ်။ လေ့ကျင့်ခန်းပြုလုပ်ခြင်းက သားအိမ်အလုံးမဖြစ်လာအောင် တားဆီးပေးတယ်ဆိုပါတယ်။

ကိုယ်ဝန်ဆောင်ချိန်မှာ သားအိမ်အလုံးကြောင့် ခွဲမွေးရနိုင်ပါတယ်။ သားအိမ်အလုံးအရွယ်ကြီးတဲ့အခါ ကိုယ်ဝန်ရနိုင်ချေနည်းသွားသလို ကလေးပျက်ကျနိုင်ချေလည်းများလာပါတယ်။ ဒါကြောင့် ကိုယ်ဝန်မဆောင်ခင် သားအိမ်အလုံးကို ကုသဖို့လိုပါမည်။

23/10/2024

Appreciation To Dr Phyo Maung Maung

ကင်ဆာရောဂါ အပိုင်း ( ၄ )

Surveillance သီအိုရီအရ ကင်ဆာဆဲလ်ဆိုတာ အချိန်မရွေးပေါ်လာနိုင်ပြီး ကင်ဆာဆဲလ်ဖြစ်လာလျှင်လည်းခန္ဓာကိုယ်ရဲ့ခုခံအားစနစ်က ဖယ်ရှားနိုင်ပါတယ်။ ခုခံအားစနစ်ကို နိမ့်ချလိုက်တဲ့အခါ စောင့်ကြပ်မှု ပျက်သွားပြီး ကင်ဆာရောဂါဖြစ်လာတယ်လို့ ရေးပါတယ်။

ခန္ဓာကိုယ်ရှိ ဆဲလ်ပေါင်း 60 trillions ဟာ နေ့စဉ်နေတိုင်း ကင်ဆာဆဲလ်ဖြစ်နိုင်ချေ အကြိမ်တစ်ထောင် နှင့် တစ်သောင်ကြား ရင်ဆိုင်နေရပါတယ်။ ပုံမမှန်ဆဲလ်တစ်ခုရှိတဲ့အခါ ပတ်ဝန်းကျင်ဆဲလ်ကောင်းတွေက ကင်ဆာဆဲလ်ကို မူလပုံစံပြန်ပြောင်းဖို့ တိုက်တွန်းနိုင်ပါတယ်။ ဒါကို ဆဲလ်တစ်ခုကြားတစ်ခုဆက်သွယ်မှုလို့ခေါ်ပါတယ်။

မကောင်းတဲ့ DNA နှင့် ပုံမမှန်ဆဲလ်က ဆက်ကြီးထွားမည်ဆိုလျှင် ခန္ဓာကိုယ်က ထိုကင်ဆာဆဲလ်ကို သတ်သေခိုင်း ( apoptosis ) ပါတယ်။ Apoptosis ဖြစ်စဉ်က ဆက်လက်အသုံးမဝင်တော့လျှင် ခန္ဓာကိုယ်က ကင်ဆာအကျိတ်ကိုပေးမည့် သွေးကြောဖွဲ့စည်းမှုကို ရပ်လိုက်တယ်။ ဒါကို anti- angiogenesis လို့ခေါ်ပါတယ်။ ဒီဖြစ်စဉ်တွေက ကင်ဆာရောဂါဖြစ်ခြင်းကို ကာကွယ်ပေးနိုင်တဲ့ ဖြစ်စဉ်အချို့ဖြစ်ပါတယ်။

ကင်ဆာအကျိတ်က ဆက်လက်ကြီးထွားနေမည်ဆိုလည်း ခန္ဓာကိုယ်က တတ်နိုင်သလောက် မူလအခြေအနေရောက်အောင် ဆက်လက်ပြုပြင်ယူပါတယ်။ ခန္ဓာကိုယ်က ကင်ဆာရောဂါခြိမ်းခြောက်မှုထောင်ပေါင်းများစွာကို ကြံကြံခံနိုင်တာ ခန္ဓာကိုယ်ရဲ့ခုခံအားစနစ်ကြောင့်ဖြစ်ပါတယ်။ ခုခံအားစနစ်က ကိုယ်ပိုင်ဆဲလ် နှင့် မတူတဲ့ ကင်ဆာဆဲလ်တွေကို တိုက်ထုတ်ပစ်နိုင်ပါတယ်။ ခုခံအားကိုပြုလုပ်ပေးတဲ့ ဆဲလ်တွေက ခန္ဓာကိုယ်အတွက် အဆင်မပြေတဲ့ ဆဲလ်တွေကို ရှာပြီး နှိမ်နင်းပါတယ်။

ကင်ဆာရောဂါကာကွယ်တဲ့ ဖြစ်စဉ်တိုင်းမှာ အစားအသောက်မှာပါဝင်တဲ့ အဟာရတွေက အကူအညီပေးပါတယ်။ ကင်ဆာဝေဒနရှင်ဟာ လိုအပ်တဲ့အဟာရကို မှန်ကန်တဲ့ ပမာဏရောက်အောင်စားပေးရပါမည်။ အစားအစာထဲမှာ ကင်ဆာဆဲလ်ကို အကျိုးပြုမည့်အဆိပ်တွေ မပါအောင် ဂရုပြုရမည်။ နေထိုင်ရာပတ်ဝန်းကျင်ကိုလည်း ကင်ဆာရောဂါကုသဖို့ အထောက်အကူဖြစ်အောင် ကြိုးစားပြုပြင်ယူရပါမည်။ ကင်ဆာဝေဒနာသည်အနေနှင့် ကင်ဆာရောဂါဝေဒနာကို သက်သာအောင်ကုချင်တယ်ဆိုလျှင် ဆရာဝန်ပေးတဲ့ ဆေးကုသမှုကို လက်ခံရမည့်အပြင် ခုခံအားစနစ်ကို အားကောင်းအောင်ပြုလုပ်ရပါမည်။

ကင်ဆာရောဂါကာကွယ်ကုသရမှာ အစားအစာမှာပါတဲ့ အဟာရတွေက အလွန်အသုံးဝင်ပါတယ်။ အစားအစာမှာပါတဲ့ အဟာရတွေကို ကင်ဆာစာအုပ်တစ်အုပ်ထဲမှာ BRM ( biological response modifier ) လို့သုံးပါတယ်။ အစားအစာထဲမှာပါဝင်တဲ့ BRM တွေက ခန္ဓာကိုယ်ရဲ့ အလုပ်လုပ်ပုံကို ပြောင်းလိုက်ပြီး ကင်ဆာကို ကာကွယ်၊ ကုသပေးပါတယ်။ BRM တွေက ခုခံအားစနစ်ကို ထိန်းကျောင်းပေးပါတယ်။

လူခန္ဓာကိုယ်မှာရှိတဲ့ ဆဲလ်ပေါင်း 60 trillions မှာ ကိုယ်ခံအားကို ပြုလုပ်ပေးတဲ့ဆဲလ်အရေအတွက် 20 trillions ရှိပါတယ်။ အစားအစာမှာပါဝင်တဲ့ BRM အချို့က ခုခံအားစနစ်ကို ပြုလုပ်ပေးတဲ့ ဆဲလ်တွေရဲ့နံရံကို အားကောင်းစေတယ်။ တစ်ချို့က ဆဲလ်နံရံအပြင် ခုခံအားစနစ်ကို ပြုလုပ်ပေးတဲ့ ဆဲလ်တွေကို လက်နက်တွေ တပ်ဆင်ပေးလိုက်တယ်။ စပ်တပ်တစ်ခုလိုပဲ စစ်သားတွေကို သေချာကျွေးမည်။ လက်နက်အပြည့်တပ်ဆင်ပေးမည်ဆိုလျှင် ရန်သူကိုအောင်နိုင်မှာပါပဲ။ ခုခံအားစနစ်ကို ပြုလုပ်ပေးတဲ့ ဆဲလ်တွေကိုကြင်နာမည်ဆိုလျှင် သူက ခန္ဓာကိုယ်ကို အကျိုးပြုမှာဖြစ်ပါတယ်။

Dr.Phyo Maung Maung