08/07/2023
🟨စာအုပ်အမည်-နိုင်ငံရေးအတွေးအခေါ်နှင့်လူမှုရေးသမိုင်း
🟨တန်ဖိုး-၁၆၅၀၀ကျပ်
🟨စာရေးသူ-တက္ကသိုလ်အောင်ခင်ဦး
🟨စာမျက်နှာ-402(မဂ္ဂဇင်းဆိုဒ်ကြီး)
🟨စက္ကူအမျိုးအစား-၀ူဖရီစက္ကူအဖြူ(60g)
ထွက်ရှိမည့်နေ့-၇လပိုင်း၉ရက်နေ့
💬စာရေးသူက ဘယ်သူလဲ။
- စာရေးသူသည် ရန်ကုန်တက္ကသိုလ်မှ B.A(1962),B.L(1968),M.A(Modern History)(1971) စသည့်ဘွဲ့များရရှိခဲ့သည်။ ထို့နောက် ဂျပန်နိုင်ငံ Tsukuba University မှ ၁၉၉၇ တွင် Ph.D(Oriental History) ဘွဲ့ကို ရရှိခဲ့သည်။
- ရန်ကုန်တက္ကသိုလ် နိုင်ငံရေးသိပ္ပံနှင့် အနောက်ပိုင်းသမိုင်းဌာန၊ သမိုင်းဌာန နှင့် ရန်ကုန်ပညာရေးတက္ကသိုလ် သမိုင်းဌာန တို့တွင် နည်းပြ၊ လက်ထောက်ကထိကအဖြစ် တာဝန်ထမ်းဆောင်ခဲ့သည်။ စင်ကာပူနိုင်ငံ အရှေ့တိုင်းလေ့လာရေးဌာနတွင် သုတေသနအရာရှိ၊ BBC, DVB, RFA, VOA တို့တွင် စာတည်းနှင့် နိုင်ငံရေး၊သမိုင်း လေ့လာသုံးသပ်သူ အနေဖြင့် တာဝန်ထမ်းဆောင်လျက်ရှိသည်။
💬စာအုပ်ကို ဘယ်လို ပြုစုဖွဲ့စည်းထားလဲ။
- အခန်းကြီး ၂၈ခန်းပါဝင်ပြီး အခန်းစဥ်အလိုက် ခေါင်းစဥ်ငယ် အများအပြား ပါဝင်သည်။
- နိုင်ငံရေးအတွေးအခေါ်များကိုဖော်ပြရာတွင် အတွေးအခေါ်ပညာရှင်များ အကြောင်းနှင့်အတူ သူ၏ အတွေးအခေါ်များကို ကပ်လျက် ဖော်ပြထားသည်။ ထို့အပြင် ခေတ်စနစ်များကို ဖော်ပြပြီး ကပ်လျက် ထိုခေတ်၏ အတွေးအခေါ်များကို တင်ပြထားသည်။
- အခန်းများ၏ နောက်ဆုံးတွင် စာရေးသူ၏ အမြင်နှင့် သုံးသပ်ချက် များ ပါဝင်သည်။
- အင်္ဂလိပ်ဘာသာဖြင့် ရေးသားထားသော စာအုပ်စာတန်း (၄၈)ခုကို ကိုးကား၍ပြုစုထားသည်။
💬ဘယ်အကြောင်းအရာတွေ ပါဝင်သလဲ။
- စာအုပ်ထဲတွင် ပါဝင်သော အကြောင်းအရာ အားလုံကို ပြောပြဖို့ရာ ခက်ပါသည်။ ထို့ကြောင့် ထင်ရှားသော အကြောင်းအရာ အချို့ကို ထုတ်နုတ်ပြောပြပါမည်။
- ဤစာအုပ်တွင် သမိုင်းဦးနိုင်ငံရေးအတွေးအခေါ်များ၊ ကမ္ဘာ့ကျေးကျွန်စနစ်များနှင့် ရှေးဦးကျွန်ခေတ် နိုင်ငံရေးအတွေးအခေါ်များ၊ ဂရိကျွန်စနစ်နှင့် ဂရိနိုင်ငံရေး အတွေးအခေါ်များ၊ ရောမကျွန်စနစ်နှင့် ရောမနိုင်ငံရေး အတွေးအခါ်များ၊ မြေရှင်ပဒေသရာဇ်စနစ်နှင့် မြေရှင်ခေတ်ဦး နိုင်ငံရေးအတွေးအခေါ်များ၊နိုင်ငံတော်နှင့် ဘုရားကျောင်းတို့၏ ပဋိပက္ခ၊ မြေရှင်ပဒေသရာဇ်စနစ် ပျက်စီးယိုယွင်းခြင်းများ၊ ဘာသာရေးပြုပြင်ပြောင်းလဲရေးနှင့် မြေရှင်ပဒေသရာဇ်ပျက်စီးယိုယွင်းခြင်းများတို့ကို အခန်းကြီးငယ်လိုက် သုံးသပ်ရေးသားထားသည်။
- ထို့နောက် ၁၆၊၁၇၊၁၈ ရာစု အတွေးအခေါ်များ၊ အရင်းရှင်စီးပွားရေးစနစ်ပေါ်ပေါက်လာပုံနှင့် စီးပွားရေးတွေးခေါ်သစ်များ၊ အမေရိကန်၊ ပြင်သစ် ဓနရှင်ပေါက်စတို့၏ တော်လှန်ရေးများနှင့် အရင်းရှင်စနစ် တိုးတက်လာခြင်း၊ အင်္ဂလိပ် နှင့် ပြင်သစ် စိတ်ကူးယဥ်ဝါဒီများ ကို ဖော်ပြထားသည်။
- နောက်ဆုံးတွင် ဂျာမန် အိုင်ဒီယာဝါဒီများ၊ အများစုပျော်ရှင်ရေးဝါဒီများနှင့် စိတ်ကူးယဥ် ဆိုရှယ်လစ်ဝါဒီများအကြောင်းကို တင်ပြထားသည်။
💬ဘယ်သူတွေ ဖတ်သင့်လဲ။
- ခေတ်တွေပြောင်းလဲလာပုံနှင့် နိုင်ငံရေးစနစ်များ မည်သို့ မည်ပုံ ပြောင်းလဲလာသည်ကို သိလိုသူများ။
- နိုင်ငံရေးအတွေးအခေါ်ပညာရှင်များ မည်သည့် အတွေးအခေါ်နှင့် ကျမ်းများကို ဖော်ထုတ်ပြုစုခဲ့သည်ကို သိလိုသူများ။
- ဒီမိုကရေစီ၊ ဆိုရှယ်လစ်၊ ပါလီမန်လွှတ်တော်၊ လူ့အခွင့်အရေး၊ အခြေခံဖွဲ့စည်းအုပ်ချုပ်ပုံဥပဒေ၊ အရင်းရှင် အစရှိသည့် စကားလုံးများ၏ လားရာနှင့် အတိမ်အနက်ကို သိလိုသူများ။
- သမိုင်း၊ နိုင်ငံရေး၊ ဥပဒေ၊ ဒဿန၊ ဘောဂဗေဒ စသည့်ပညာရပ်များကို လေ့လာနေသော ကျောင်းသား/ကျောင်းသူ များနှင့် အခြားဗဟုသုတရှာမှီးနေကြသူများ အတွက် လက်ကိုင်ထားသင့်သော စာအုပ်ဖြစ်ပါသည်။
မှာယူလိုပါက Bbook Messenger(or)09778319097
(or) Comment တွင်ဆက်သွယ်မှာယူနိုင်ပါသည်။
🚨(လိုချင်သောစာအုပ်များကိုလည်း Page Messenger တွင် မေးမြန်းစုံစမ်းမှာယူနိုင်ပါသည်။)
🛵ရန်ကုန်မြို့တွင်း အိမ်အရောက်ငွေချေစနစ်။ရန်ကုန်မြို့တွင်း(၃၂)မြို့နယ်ပို့ခ ၂၀၀၀ကျပ်ကျသင့်ပါမည်။
🚚နယ် စာတိုက်(ရိုးရိုး/အမြန်ချော)မှာယူသောမြို့ပို့ခကျသင့်ငွေအတိုင်း
-နယ် (ပုဂ္ဂလိကပစ္စည်းပို့၀န်ဆောင်မှု)မှာယူသောမြို့ပို့ခကျသင့်ငွေအတိုင်း
-နယ် (မြို့ရောက်ကားတင်တန်ဆာခ)
ရွှင်လန်းချမ်းမြေ့ကြပါစေ။
Thank you for shopping with us
