Peti Network

04/01/2022

NSFW ဆိုတာဘာလဲ? လူမြင်ကွင်းမှာ ပေါက်ကရတွေမဖွင့်မိအောင်ဘယ်လို ကာကွယ်ကြမလဲ?

NSFW ဆိုတဲ့စကားလုံးကို Internet အသုံးပြုသူတွေတနေရာမဟုတ်တနေရာမှာတော့တွေ့ဖူးကြမှာပါ။ Reddit အသုံးပြုသူတွေဆိုပိုပြီးရင်းနှီးကြပါလိမ့်မယ်။ NSFW ဆိုတာ Not Safe For Work ရဲ့အတိုကောက်ဖြစ်ပြီး Internet Slung တခုဖြစ်ပါတယ်။ သူ့ရဲ့အဓိပ္ပါယ်က Public သို့မဟုတ် Formal Controlled area စတဲ့ လူမြင်ကွင်းတွေမှာကြည့်ဖို့မသင့်တော်တဲ့ Content တွေကိုသတိပေးစာအဖြစ်သုံးရာမှာ NSFW ကို အသုံးပြုပြီးသတိပေးလေ့ရှိပါတယ်။ NSFW လို့ပြောလိုက်တာနဲ့ လိင်ပိုင်းဆိုင်ရာ ပုံသို့မဟုတ် Video, ညစ်ညမ်းသောစကား၊ အကြမ်းဖက်မှုတွေနဲ့ညတခြားကြည့်ရှုရန်မသင့်တဲ့အကြောင်းအရာတွေနဲ့တခြားရည်ရွယ်ချက်ရှိရှိဖန်တီးထားတဲ့ စိတ်အနှောင့်အယှက်ဖြစ်စေမဲ့ အကြောင်းအရာတွေပါဝင်ပါတယ်။ တခါတလေမှာနိုင်ငံရေးနဲ့ဆိုင်တဲ့အတည်မပြုနိုင်တဲ့ကောလဟာလတွေသတင်းတွေနဲ့ပက်သက်ပြီး ပြောချင်တဲ့အခါမှာလည်းအသုံးပြုလို့ရပါတယ်။အပြန်အလှန်အနေနဲ့ အထက်ကဖော်ပြထားတဲ့အကြောင်းအရာတွေမပါဝင်တာကို SFW (Safe For Work) လို့သုံးပါတယ်။ ဒါပေမယ့်ရုတ်တရက်ကြည့်လိုက်ရင် NSFW နဲ့ SFW ရယ်လို့ကွဲကွဲပြားပြားဖြစ်နေဖို့အတွက် SFW ဆိုပြီးသီးသန့် ဖော်ပြတာတော့လုပ်လေ့မရှိပါဘူး။
NSFW နဲ့အလားတူ NSFL (Not Safe For Life) ဆိုပြီး အသုံးပြုတာမျိုးလည်းရှိပါတယ်။ ဥပမာ သမရိုးကျမဟုတ်တဲ့ ညစ်ညမ်း Video တွေ၊ သွေးထွက်သံယို ကိစ္စတွေနဲ့ သေစေနိုင်လောက်တဲ့ အကြမ်းဖက်မှု ရုပ်သံပြကွက်တွေ ကိုဖော်ပြချင်တဲ့အခါ NSFL ကိုအသုံးပြုကြပါတယ်။

သူရဲ့အသုံးပြုပုံ....
NSFW တို့ NSFL တို့ကို Content ရဲ့ Caption လိုမြင်သာတဲ့နေရာတွေမှာ အသုံးများပြီး အချင်းချင်း တစုံတခုကိုပေးပို့ရာမှာလည်းသုံးလို့ရပါတယ်။ဥပမာ- သားကြီးရေ ငါမင်းကို Video linkတခုပို့လိုက်မယ်။ အဲ့Video ကအရမ်းရယ်ရတယိကွာ ဒါပေမယ့် NSFW နော်။
ယခုလိုသတိပေးခြင်းဖြင့် တခါတရံ လူတိုင်းနီးပါးကြုံရတဲ့ Video အဆုံးမှာ သရဲရုတ်တရက်ထွက်လာတာတွေ ညစ်ညမ်းကားတွေထဲကလိုအော်သံတွေ လူမြင်ကွင်းမှာ မသိလိုက်ဘဲ ဖွင့်မိတာတွေကို တားဆီးပြီးသားဖြစ်ပါလိမ့်မယ်။ ဒါက Internet အသုံးပြုတဲ့ netizen တွေကြားက slung တမျိုးဖြစ်ပြီး မဖြစ်မနေအသုံးပြုရမယ်လို့ဆိုလိုတာမျိုးတော့မဟုတ်ပါဘူး။ ဒါပေမယ့် ယခုလိုအသုံးပြုခြင်းဖြင့် မလိုလားအပ်တဲ့ပြသနာတွေကိုကာကွယ်ပြီးသားဖြစ်သလို ပိုမိုကောင်းမွန်တဲ့အင်တာနက်အသိုင်းအဝိုင်းတခုကိုဖန်တီးနိုင်မှာလည်းဖြစ်ပါတယ်။

24/12/2021

Merry Christmas 🎄🎄🎄 & Happy New Year

24/12/2021

Body Mass Index သို့မဟုတ် ပိန်ခြင်း ဝခြင်းကိုအကောင်းဆုံးဖော်ပြနိုင်မဲ့အတိုင်းအတာ

၀ တယ် ပိန် တယ် ဆိုတာ ရုပ်သ‌ဘောတရားသာ ဖြစ်ပြီး ၀၀ ပိန်ပိန် သူ့အလှ နဲ့ သူ ရှိတယ်ဆိုတာ မှန်ပါတယ် ။ ဒါပေမယ့် ဆေးပညာ ရှူထောင့်က ကြည့်မယ်ဆိုရင်တော့ အ၀လွန်ခြင်းဟာ မကောင်းတဲ့ ရောဂါတွေ ဖြစ်ဖို့ အလားအလာပိုများနေတာ အထင်ရှားပဲဖြစ်ပါတယ်။
လူတစ်ယောက် ၀ခြင်း ပိန်ခြင်း ကို အမြင် နဲ့ ဆုံးဖြတ်ခြင်းထက် သိပ္ပံ နည်းကျ ဆုံးဖြတ်လို့ရတဲ့အတိုင်းအတာ တစ်ခုရှိပါတယ်။ ဒါကို BMI ( Body Mass Index ) လို့ခေါ်ပါတယ်။ တွက်ချက်ပုံကတော့ ခန္ဓာကိုယ်အလေးချိန် ကို kilograms ယူနစ် နဲ့ အရင် တိုင်းတာရပါမယ် ။ ပြီးလျှင် အရပ်အမြင့်ကို Meter ယူနစ် နဲ့ တိုင်းတာရပါမယ် ၊ ထို့နောက် နှစ်ထပ်ကိန်းတင်၍ တွက်ထားရပါမယ် ။ ထို့နောက်မှာ အလေးချိန် ကီလိုဂရမ်ကို တည်ပြီး အရပ်အမြင့် Meter ၏ နှစ်ထပ်ကိန်းဖြင့် စားရပါမယ် ။ အဖြေမှာတော့ kilograms per meter squared နဲ့ ရပါမယ်။

သာမန်လူတစ်ယောက်ဟာ BMI - 18.5 မှ 24.9 အတွင်းရှိပါမယ် ။
• 18.5 အောက် ဆိုလျှင် Underweight (သို့) အရပ်အခေါ် ဆို ပိန်တယ်လို့ သုံးနှုန်းလို့ရပါတယ်။
• 25 - 29.9 အထိ ဆိုလျှင်တော့ Overweight ဖြစ်ရုံလို့ပြောလို့ရပါတယ်။
• 30-34.9 အတွင်းဆိုလျှင်တော့ အ၀လွန် ( Obese ) တယ်လို့ ပြောလို့ရပါတယ်။
• 35 နှင့် အထက်ဆိုလျှင်တော့ အသက်အန္တရာယ် အချိန်မရွေး ဖြစ်နိုင်တဲ့ အ၀လွန်ခြင်းမျိုးလို့ပြောလို့ရပါတယ်။

၀ခြင်း ပိန်ခြင်း ဟာ လူတစ်ယောက်ရဲ့ အပေါ်ယံ ပုံပန်းသွင်ပြင်မျှသာဆိုပေမယ့် ဆေးပညာရှူထောင့်က ကြည့်ရင်တော့ ကျန်းမာစွာ ၀ခြင်း ၊ ကျန်းမာစွာ ပိန်ခြင်းမျိုး ဖြစ်သင့်ပါတယ်။ သွေးတိုး ၊ နှလုံးရောဂါ ၊ ဆီးချိုရောဂါ ၊ လေဖြတ်ရောဂါ တို့ဟာ အ၀လွန်တဲ့သူ‌တွေမှာ ပိုဖြစ်တတ်ပါတယ်။ ထို့အတူပင် Anorexia Nervosa လို့ခေါ်တဲ့ အလွန်ပိန်ချုံးချိနဲ့ တဲ့ ရောဂါ အခြေအနေမျိုးလည်းရှိပြီး ကိုယ်ခံအားနည်းခြင်း ၊ သွေးအားနည်းခြင်း စတဲ့ ရောဂါများက သာမန်သူတွေထက် ပိန်တဲ့သူတွေမှာ အဖြစ်များပါတယ်။

ဒါ့ကြောင့် အာဟာရအုပ်စု (၃)စု လုံးကို မျှမျှတတ စားသုံးပြီး သင့်တင့်တဲ့ ကိုယ်အလေးချိန်ကို အစားအသောက် အနေအထိုင် အားကစား အဖက်ဖက် မျှတစွာဖြင့် ထိန်းသိမ်းဖို့ရာ အလွန်အရေးကြီးလှပါတယ်။ ကျန်းမာတဲ့ BMI ရှိခြင်းဟာ အသက်ရှည်ရာ အနာမဲ့ကြောင်း ရဲ့ အခြေခံ အုတ်မြစ်တစ်ခုပင် ဖြစ်ပါတော့တယ်။

Dr.Wunna Min Htet

09/12/2021

စိတ်ကြောင့်ဖြစ်သော အရေပြားယားနာ (သို့) Anxiety Rash
https://petinetwork.com/%e1%80%85%e1%80%ad%e1%80%90%e1%80%ba%e1%80%80%e1%80%bc%e1%80%b1%e1%80%ac%e1%80%84%e1%80%b7%e1%80%ba%e1%80%96%e1%80%bc%e1%80%85%e1%80%ba%e1%80%9e%e1%80%b1%e1%80%ac-%e1%80%a1%e1%80%9b%e1%80%b1%e1%80%95/

တစ်ခါတစ်ရံ သင့် အရည်ပြားပေါ်မှာ နီရဲ ပြီး ယားယံတဲ့ အင်ပြင်တွေ ၊ အဖု ‌တွေ ‌ပေါ်ပေါ်လာတတ်တာ သတိထားမိမှာပါ။ဒီအ....

09/12/2021

Quote of the day "....."

29/11/2021

Covid ရဲ့မျိုးကွဲအသစ်ဖြစ်တဲ့ Omicron ဆိုတာဘယ်လိုမျိုးလဲ ?😱 လက်ရှိကာကွယ်ဆေးတွေကရော မျိုးကွဲအသစ်ကို တားဆီးနိုင်ပါ့မလား? 🤔

Dr Wunna Min Htet ရေးသားသည်။.......................................................
လွန်ခဲ့တဲ့ အပတ်က ကမ္ဘာကြီးကို လှုပ်လှုပ်ခတ်ခတ်ဖြစ်သွားစေတဲ့ သတင်း တစ်ပုဒ် ထွက်ပေါ်လာခဲ့ပါတယ်။ ဒါကတော့ COVID ရောဂါပိုး ရဲ့ နောက်ဆုံးမျိုးကွဲသစ် တစ်ခုကို တောင်အာဖရိက နိုင်ငံမှာ စတင်တွေ့ရှိခဲ့ပြီ ဆိုတဲ့သတင်း ပါပဲ ။ Omicron လို့ နာမည်ပေးထားတဲ့ ဒီမျိုးကွဲသစ်ကို တစ်ချိန်တည်းမှာ ဘော့ဆွာနာ ၊ ဟောင်ကောင် ၊ အစ္စရေး တို့၌ ရောက်ရှိနေခဲ့ပြီလို့ ထပ်မံသိရှိခဲ့ရပြန်ပါတယ်။ ဒီတော့ ဒီရောဂါပိုးမျိုးကွဲ အကြောင်း အနည်းငယ် ရှင်းပြလိုပါတယ် ။

၂၀၁၉ မှာ တရုတ်နိုင်ငံ ဝူဟန်မြို့မှ စတင်ဖြစ်ပွားခဲ့တဲ့ ‌ဒီရောဂါပိုးက UK နိုင်ငံအရောက်မှာ ဗီဇပြောင်းလဲပြီး Alpha မျိုးကွဲသစ်ကို စတင် တွေ့ရှိခဲ့ပါတယ်။
အဲ့လိုနဲ့ ပြောင်းလဲခဲ့ရာကနေ မြန်မာပြည်ရဲ့ COVID တတိယလှိုင်းမှာ အဆိုးဆုံးဒုက္ခပေးခဲ့တဲ့ Delta မျိုးကွဲသစ် အထိ ပြောင်းလဲခဲ့ပါတယ်။ Delta မျိုးကွဲသစ်ကတော့ အိန္ဒိယ နိုင်ငံမှာ စတင်တွေ့ရှိခဲ့တာဖြစ်ပါတယ်။ အဆိုးဆုံး ဖြစ်ခဲ့တဲ့ Delta မျိုးကွဲ ဟာ အစောပိုင်းက တွေ့ရှိခဲ့တဲ့ Alpha မျိုးကွဲထက် အဆ ၆၀ ပိုပြီး ကူးစက်နိုင်စွမ်းမြင့်ပါတယ်။ ယခု နောက်ဆုံး တွေ့ရှိခဲ့တဲ့ Omicron မျိုးကွဲသစ်ကတော့ Delta မျိုးကွဲထက်ပင် အဆ ၅၀၀ ခန့် ပိုပြီး ကူးစက်နိုင်စွမ်းရှိနေပြန်ပါတယ်။ သူ့ရဲ့ ကူးစက်နိုင်စွမ်းကတော့ ကြောက်ခမန်းလိလိ ပါပဲ။ ဒါ့ကြောင့်လည်း WHO က ဒီမျိုးကွဲသစ်ကို အထူးသတိပြုဖွယ်မျိုးကွဲသစ် (Variant of Concern) အဖြစ် သတ်မှတ်ထားပြီး အနောက်နိုင်ငံတွေကတော့ Omicron မျိုးကွဲ စတင်ဖြစ်ပွားရာ နိုင်ငံတွေက လူအ၀င်ကို လုံး၀ ပိတ်ပင်လိုက်ပြီဖြစ်ပါတယ်။

COVID - 19 ရောဂါဟာ SARS-CoV-2 လို့ခေါ်တဲ့ Virus တစ်ခုကြောင့် ဖြစ်ရတာပါ ။ Virus တစ်ခုရဲ့ ဖွဲ့စည်းပုံထဲမှာ Spike Protein ဆိုတာ အရေးပါတဲ့ အစိတ်အပိုင်းတစ်ခုပါ။ ဘာကြောင့်လဲဆိုတော့ ကာကွယ်ဆေးထုတ်ဖော်ရာမှာ ဒီနေရာကို Target ထားပြီး ထုတ်ဖော်လေ့ရှိကြလို့ဖြစ်ပါတယ်။ Omicron မျိုးကွဲမှာတော့ သူ့ရဲ့ Spike Protein ဟာ ၃၂ နေရာအထိ အသွင်ပြောင်းလဲမှု ရှိနေတာပဲဖြစ်ပါတယ်။ ဒါဟာ ယခုလက်ရှိ ကာကွယ်ဆေး ထိုးနှံပြီးသား သူတွေမှာတောင် ကာကွယ်နိုင်ဖို့ အလားအလာ နည်းပါးတာကို ဖော်ပြနေပါတယ်။

ရောဂါ လက္ခဏာပိုင်း နဲ့ ပတ်သက်ရင်တော့ မှန်ကန်တိကျ တဲ့ Data များစွာကို စုဆောင်းဖို့လိုအပ်နေပါသေးတယ်။ ကနဦး အရတော့ စတင်ဖြစ်ပွားခဲ့တဲ့ တောင်အာဖရိက မှာ Omicron မျိုးကွဲ ကူးစက်ခံနေရသူအများစုက နုံးချိခြင်း ၊ ဖျားခြင်း စတဲ့ မပြင်းထန်တဲ့ လက္ခဏာများကိုသာ ပြ‌သသေးကြောင်း သိရပါတယ်။ သို့ပေမယ့် ဒါဟာလည်း ရောဂါရဲ့ အစောပိုင်း နေ့ရက်များသာ ဖြစ်နေသေးတော့ ဆက်လက်စောင့်ကြည့်ဖို့တော့ လိုအပ်ပါတယ်။

ကာကွယ်ဆေးအနေ နဲ့ တော့ Moderna ၊ Pfizer အစရှိတဲ့ ကုမ္ပဏီ ကြီးများမှ ဒီ Omicron မျိုးကွဲသစ် အတွက် သုတေသနလုပ်ငန်းများစွာကို မြန်မြန်ဆန်ဆန် ဆက်လက်လုပ်ဆောင်နေကြပြီဖြစ်ပါတယ်။

၂၀၂၁ ဟာ မြန်မာပြည်သူပြည်သားများ အဖို့ အခက်ခဲဆုံးနှစ်တစ်နှစ်ပါပဲ။ နိုင်ငံရေး ၊ စီးပွားရေး ၊ ကျန်းမာရေး အစစ အနှုတ်လက္ခဏာ ပြနေတဲ့ အချိန်မှာ ဒီလို ရောဂါပိုးမျိုးကွဲအသစ် တစ်ခု ထပ်ပေါ်လာရခြင်းက တကယ်ကို မကောင်းသတင်းတစ်ခုပါပဲ။
သို့ပေမယ့် ရောဂါတိုင်းက ကာကွယ်နိုင်မယ့် နည်းလမ်းတော့ ရှိတတ်စမြဲပါပဲ ။ ဒါ့ကြောင့် မြန်မာပြည်သူပြည်သား အားလုံး မဖြစ်ခင် ကာကွယ်ဖို့ အလွန်အရေးကြီးပါတယ်။ " Mask တပ် ၊ လက်ဆေး ၊ ရှောင်ပါ လူစုလူဝေး " ဆိုတဲ့ စကားလေးအတိုင်း လိုက်နာကျင့်သုံးပြီး ကာကွယ်ဆေးကိုလဲ တတ်နိုင်သမျှ ထိုးနှံထားဖို့ လိုအပ်ပါတယ် ။ မြန်မာပြည်သူပြည်သားများ အားလုံး COVID-19 ရောဂါဆိုး ကြီး ရဲ့ အန္တရာယ်မှ ကင်းဝေးကြပါ‌စေ။



#ကိုဗစ်မျိုးကွဲသစ်

28/11/2021

ခေတ်အဆက်ဆက်မြန်မာလူငယ်တွေဟာ မတရားမှုမှန်သမျှကို မကြောက်မရွံ့တွန်းလှန်ခဲ့ကြပါတယ်။
ယနေ့ကျရောက်တဲ့ ၁၀၁ ကြိမ်မြောက်အမျိုးသားနေ့ကို ဂုဏ်ပြုရင်း မတရားမှုကိုတွန်းလှန်ရင်း ကျဆုံးသွားသောသူရဲကောင်း အပေါင်းကို ဒီနေရာကနေ ဦးညွှတ်ပါတယ်။

27/11/2021

သင့်ပတ်ဝန်းကျင်မှာ ဒီနေ့အခေါ်အပြောလုပ်ပေမယ့်နောက်နေ့ကျရင်အကြောင်းပြချက်မရှိ မခေါ်နိုင်မပြောနိုင်တဲ့လူတွေကို တွေ့ဖူးကြမှာပါ။ သူတို့ဟာ Borderline Personality Disorder လို့ခေါ်တဲ့စိတ်ဝေဒနာတမျိုးနဲ့ပက်သက်ကောင်း ပက်သက်နေနိုင်ပါတယ်။ BPD က Bipolar Disorder နဲ့ဘလိုကွာခြားလဲ အောက်ကပုံလေးကိုနှိပ်ပြီးဖတ်ရှုနိုင်ပါတယ်။

Dr. Wunna Min Htet ရေးသားသည်။



https://petinetwork.com/borderline-personality-disorder-%e1%80%9e%e1%80%ad%e1%80%af%e1%80%b7%e1%80%99%e1%80%9f%e1%80%af%e1%80%90%e1%80%ba%e1%80%a1%e1%80%85%e1%80%bd%e1%80%94%e1%80%ba%e1%80%b8-%e1%81%82%e1%80%96%e1%80%80/

တခါတရံ သင့်ပတ်ဝန်းကျင် (သို့) လုပ်ငန်းခွင်မှာ စိတ်အတက်အကျမြန်လွန်းတဲ့သူတွေ လုပ်ဖော်ကိုင်ဖက်တွေကို မြင်ဖူး....

27/11/2021

Quote of the Day "....."

25/11/2021

အင်တာဗျူး ဘလိုဖြေကြမလဲ? Part 1

Interview ဖြေတယ်ဆိုတာခက်ခဲတဲ့အရာမဟုတ်သလို အရမ်းလွယ်ကူနေတာမျိုးလည်းမဟုတ်ပါဘူးဒါပေမယ့် အောက်ကအချက်လေးတွေသိထားရင်တော့ အတိုင်းအတာတခုထိအေးဆေးကျော်ဖြတ်နိုင်ပါတယ်။
အသေးစိတ်ကိုပုံလေးတွေကိုနှိပ်ပြီးဖတ်ရှုပေးပါဦးခင်ဗျ။



#အင်တာဗျူး

19/11/2021

17/11/2021

Happy Ta Saung Daing!

03/11/2021

Happy Diwali!

02/11/2021

Our First Teaser Video.

02/11/2021

31/10/2021

•• We are hiring ••

သင် စာသင်ရတာဝါသနာပါလား? ဒါမှမဟုတ်
အလုပ်ချိန်ပြည့် မလုပ်ရပဲ ‌ project ကာလ အချိန်တွင်း မှာပဲ အိမ်ကနေ computer (သို့) laptop ရှိရုံနဲ့ပေါ့ပေါ့ပါးပါးလုပ်ပြီး အပိုငွေရှာချင်လား?

ကျွန်တော်တို့နဲ့ တူတူလက်တွဲဖို့ဖိတ်ခေါ်ပါတယ်။

သင့်ရဲ့ CV ကို [email protected] ကိုပို့ပေးလို့ရပါတယ်။

18/10/2021

Squid Game ကြောင့်ရောင်းအား 3 ဆတက်လာတဲ့ Indonesia နိုင်ငံက Cafe....

အင်ဒိုနီးရှားနိုင်ငံက Cafe တခုဟာ ကပ်ရောဂါကြောင့်ရောင်းအားကျဆင်းနေမှုကို ကုစားနိုင်ရန်အတွက် ယနေ့ခေတ်စားနေတဲ့တောင်ကိုရီးယားရုပ်သံဇာတ်လမ်းတွဲ Squid Game ထဲကအတိုင်း
လာရောက်စားသုံးတဲ့ Customer တွေကို ဝန်ဆောင်မှုပေးနေပြီဖြစ်ပါတယ်။ အဆိုပါဆိုင်က ဝန်ထမ်းတွေက ဇာတ်လမ်းထဲက ဇာတ်ကောင်တွေအတိုင်း ဝတ်ဆင်ပြီး အရုပ်သေနတ်တွေလွယ်ကာ နီယွန်မီးရောင်မှိန်ပြပြလေးရှိတဲ့အခန်းထဲကနေ လာရောက်တဲ့ဖောက်သည်တွေကို နှုတ်ဆက်ကြပါတယ်။ Squid Game ဇာတ်လမ်းထဲက လူပြောများတဲ့ကစားနည်းတခုဖြစ်တဲ့ Red light, Green light ကစားနည်းကို လာရောက်တဲ့ Customer တွေကိုယ်တိုင်ဝင်ရောက်ဆော့ကစားနိုင်ပြီးရုပ်ရှင်ထဲကအတိုင်း ကိုရီးယားလို အသံနောက်ခံ ကအမိန့်ပေးတာကို Customer တွေက ရပ်သွားလိုက်ပြေးလိုက် နဲ့တချို့ဆို ဘာဆုမှမရတာတောင် စိတ်ပါဝင်စားစွာပါဝင်ဆော့ကစား‌ နေကြပါတယ်။ ဒါ့အပြင် ‌ဇာတ်လမ်းထဲကနောက်ထပ် Game တခုဖြစ်တဲ့ သကြားနဲ့ပြုလုပ်ထားတဲ့ မုန့်အပြားလေးတွေကို ပြထားတဲ့Shape အတိုင်းမကျိုးပဲ့အောင် ခွာရတဲ့ကစားနည်းကိုလည်း လာရောက်တဲ့ Customer တွေကနှစ်ခြိုက်ပြီးသူငယ်ချင်း‌ေတွနဲ့အပြိုင်အဆိုင်‌ ‌ ‌‌ေဆာ့ကြပါတယ်။ လက်ရှိရောင်းအားဟာ အခုလိုစိတ်ဝင်စားစရာကောင်းပြီးလူကြိုက်များတဲ့ Squid Game ထဲက ကစားနည်းတွေကို မပြုလုပ်ခင်ကထက် ရောင်းအား ၃ ဆလောက်တက်လာတယ်လို့ Cafe ရဲ့ပိုင်ရှင်ဖြစ်တဲ့
အသက် ၃၉ နှစ်အရွယ် Putra Priyati ကပြောပါတယ်။ ကမ္ဘာအရပ်ရပ်က စားသောက်ဆိုင်နဲ့ ဖျော်ဖြေရေး ကဏ္ဌတွေမှာလည်း Squid Game ထဲက ကစားနည်းတွေကအရမ်းကိုရေပန်းစားနေပြီး တဆိုင်နဲ့တဆိုင် မတူအောင် ဝန်ဆောင်မှုပေးနေကြတာဖြစ်ပါတယ်။ Squid Game ဆိုတဲ့ Netflix ဇာတ်လမ်းတွဲ ဟာ ဝက်ဝက်ကွဲအောင်မြင်‌ေနတဲ့ Serie တခုဖြစ်ပြီး Netflix ရဲ့ Original Series တွေထဲမှာ 27 ရက်အတွင်း ကြည့်ရှုသူ 111သန်းလောက် Stream ခဲ့တဲ့ အအောင်မြင်ဆုံး Serie တခုဖြစ်ပါတယ်။ ဝေဖန်သူတချို့ကတော့ Squid Game ဟာ Overrated (မလိုအပ်ဘဲအရမ်းမြှောက်ပင့်ပြော) တယ်လို့ ဆိုကြပြီး အရင်ကထွက်ခဲ့ဖူးတဲ့ SAW movie တွေလောက် ရင်ခုန်စိတ်လှုပ်ရှားဖို့မကောင်းဘူးလို့ဆိုကြပါတယ်။ အကယ်လို့သင်က Squid Game ကြည့်ပြီးပြီဆိုသင့်အမြင်ကိုလည်းဆွေးနွေးသွားလို့ရပါတယ်။
Source : Reuters

18/10/2021

Happy Thadinkyut Festival 🎉🎉🎉