Myanmar Motorgraph

17/06/2024

ထိုင်းရောက်မြန်မာများ ကားဝယ်မည်ဆိုလျှင်သတိပြုမှတ်သားစရာများ....

https://www.facebook.com/share/yL37FRwteHBCd27e/?mibextid=oFDknk

ထိုင်း ရဲ့ ကားစျေးကွက် နှင့် လက်ရှိ Trend

ထိုင်းမှာ Use ကားများကို တစ်ချို့ လက်ညိုးထိုးရောင်းနေကြပါတယ်။ အဲဒါဟာ လေလံကားတွေ ဖြစ်နိုင်သလို ကားအကြောင်းနားမလည်ပဲ ကားကိုလက်ညိုး ထိုး ရောင်းနေကြတာကတော့ အတော်ကိုဆိုးပါတယ်။ ထိုင်းနိုင်ငံမှာ ထိုင်းတွေဟာ ကားကိုလိမ်ရောင်းလေ့မရှိပါဘူး လိမ်ရောင်းခဲ့ရင်လည်းတရားစွဲလို့ရတဲ့အထိ ဥပဒေက ကာကွယ်ပေးထားပါတယ်။ ဒါကြောင့် Use ကားတွေဝယ်ယူမယ်ဆိုရင်တောင်ရွေးချယ်စရာများတဲ့ ကား Stand တွေဆီကဝယ်ကြပါ။ အကြွေး ဝယ်ယူမယ်ဆိုရင် တစ်ချို့ကားတွေဟာ Finance က စျေးသတ်မှတ်ချက် 4 သိန်း ကားတန်ဖိုး 3.5 သိန်း စသဖြင့် ရနိုင်တဲ့ကားမျိုးကို သာရှာဖွေပါ။ ဒါကမေတ္တာစကားပါခင်ဗျာ မည်သူ့ကိုမှ ထိခိုက်လိုစိတ်မရှိပါဘူး ဘယ်အလုပ်ပဲလုပ်လုပ် ဝမ်းစာလေးတော့လိုပါတယ်။

ထိုင်းမှာ ကားဝယ်တဲ့အခါ အမျိုးသမီးတွေအတွက် မည်သည့် ကားအမျိုး အစားမရွေး အဆင်ပြေပေမဲ့ အမျိုးသားအများစုအတွက် မိမိနဲ့လိုက်ဖက်မယ့်ကားကို ရွေးချယ်ဝယ်ယူတတ်ဖို့ အရမ်းအရေးကြီးပါတယ်။တစ်ကြောင်းတစ်ဂါထာ တစ်ရွာတစ်ပုဒ်ဆန်းဆိုသလိုပေါ့ …သူ့အရပ်နဲ့သူ့ဇတ် အယူအဆလေးတွေ ပြောပြပေးပါမယ်။

ထိုင်းနိုင်ငံမှာရှိကြတဲ့ အမျိုးသားအများစုဟာ Honda Jazz , Yaris , City , Nissan Match စတဲ့ Eco ကားသေးများကို မစီးကြပါဘူး အဲဒီအစား ၄င်းတို့ နှင့်လိုက်ဖက်သည့် Fortuner ,Pajero ,Isuzu စသဖြင့် တံခါးငါးပေါက်နှင့် Pick Up Truck များနှင့် ဆလွန်းများ ကိုသာ ရွေးချယ်စီးနှင်းကြပါတယ်။

EV ကားတွေ လှိုင်လှိုင် ပေါလာတဲ့အခါမှာတော့ ထိုင်းနိုင်ငံရဲ့ ဆီကားစျေးကွက်က နယ်အကြိုက် Pick up Truck ,Fortuner တို့လို တံခါး ၅ ပေါက်ကားတွေကလွဲရင် ဆလွန်း နှင့် Europe ကားများရဲ့စျေးကွက်က စျေးတွေထိုးကျပြီး BMW ,Mercedes စတဲ့ကားများရဲ့စျေးကအဆမတန် ထိုးကျနေပါတယ်။ ထင်မှတ်မထားလောက်အောင် စျေးနဲ့ ရတာမို့ အခုချိန် Use ကားထဲမှာ Mercedes,BMW , Honda စတဲ့ဆလွန်းကားတွေ စီးနေရင်တော့ ခွက်ခွက်လန်အောင်ရှုံးမှာသေချာပါတယ်။

ကားမှန်ရင် Hybrid လေးဖြစ်ရမယ် သို့မဟုတ် EV ကားဖြစ်မှသာ ထိုင်းနိုင်ငံရဲ့ Trend ထဲမှာ စီးမြှောနိုင်မှာဖြစ်ပါတယ်။

ထိုင်းနိုင်ငံ ဘန်ကောက်ရဲ့ လမ်းမများထက်မှာ ကား အကောင်းစားများကို တွေ့ရင် လမ်းဖယ်ပေးဖို့ နံပါတ် အလှများဖြစ်ကြတဲ့ 11111,22222,33333,55555, စသဖြင့် အပူးအခွများ နှင့် Super Car & Luxury ကားများ ကိုတွေ့ရင် လမ်းဖယ်ပေးဖို့ ခပ်ဝေးဝေးကလိုက်ဖို့ ကျနော့်မိတ်ဆွေ ယိုးဒယားက အမြဲသတိပေးပါတယ်။
ဘာဖြစ်လို့လဲဆိုတော့ ထိုင်းမှာရှိတဲ့ ကားအာမခံတွေရဲ့ ပြင်ဆင်စရိတ်ကလည်း သတ်မှတ်ချက်တစ်ခုရှိတဲ့အတွက် ဒုက္ခရောက်မှာစိုးတာရယ် မိမိထက် ငွေကြေးနှင့် Network အဆက်အသွယ်များတဲ့သူများကို တုပြိုင်မဖြစ်ဖို့ အမြဲရှင်းလင်း သတိပေးပါတယ်။

ဒါကြောင့် ငွေကြေးတတ်နိုင်ရင်တော့ ကားကောင်း
ကောင်း ဝယ်စီးစေချင်ပါတယ်။ Super Car တွေ စီးတဲ့သူဆိုရင်တော့ ထိုင်းနိုင်ငံမှာ Shopping Mall တွေမှာ Super Car တွေရပ်ဖို့ သီးသန့် နေရာတွေတောင် စီစဉ်ပေးထားပါတယ်။ ဒါက တန်ဖိုးကြီး ကားတွေအတွက် အထူး ပသားပေးတာပေါ့။
ညဘက် Restaurants , Bar တွေသွားတဲ့အခါ သူတို့ရဲ့ ဆိုင်ရှေ့မှာ Super car တွေကို ရပ်ခိုင်းကြပါတယ်။ တက္ကစီ နဲ့ Eco car တွေဆိုရင်တော့ အများနည်းတူ ဆိုင်ရဲ့ ကားပါ ကင်ထဲကို အကြည့်လွတ်အောင် မောင်းသွင်းခိုင်းလေ့ရှိပါတယ်။

🔶 Pick up Truck , Toyota Commuter

စတဲ့ လုပ်ငန်းသုံးယာဉ်တွေကျတော့ စျေးကွက်ထဲမှာ စျေးကျဖို့ခက်ပါတယ်။ မြန်မာနိုင်ငံရဲ့ မြဝတီ တောင်
ပေါ် လမ်းအခြေအနေဆိုးနေတဲ့ ကာလတွေမှာ ထိုင်းနိုင်ငံမှာလည်းအဝယ်လိုက်လို့ ဒီကားတွေဟာစျေးကိဖို့ခက်ပါတယ်။ သို့ပေမဲ့ ထိုင်းနိုင်ငံမှာတော့ ဆလွန်းကားက အိမ်စီးကားတော်တော် များများက လမ်းပေးလေ့ သိပ်မရှိပါဘူး။

ထိုင်းနိုင်ငံသား အများစုဟာ ကားဝယ်တဲ့အခါမှာ အရမ်းကို sensitive ဖြစ်ပါတယ်။ ထိုင်းနယ်မြို့တွေမှာ ဆိုရင် “ကျိကုန်းဘန်းနော့” လို့ခေါ်တဲ့ တောသူဌေးတွေကတော့ Pick Up , Pajero , Fortuner ,Isuzu စသဖြင့်အမြင့်ကားတွေကို ကြိုက် ကြ အသုံးပြုကြပါတယ်။ အဲဒီ ကားတွေ ဘန်ကောက် ရောက်တဲ့အခါမှာတော့ ဘောင်မဝင်တော့ပါဘူး။ စီးပွါးရေးကိစ္စ ဘာညာ အချိန်းအချက်လုပ်တဲ့အခါမှာ မိမိနောက်ကွယ်မှာ ကျိကုန်းဘန်းနော့ ( တောသူဌေး) လို့ ဝေဖန်တတ်တာကိုသတိပြုရမှာပါ။ သို့ပေမဲ့ ကားစျေးကတော့ မကျပါဘူး စျေးကွက်ထဲမှာလူကြိုက်များတဲ့ကားများဖြစ်လို့ပါ။

🔶Toyota Yaris ,Honda Jazz, Pick up Truck

စသဖြင့် Eco ကားတွေနဲ့ Pick Up Truck ကားတွေ စီးတဲ့လူကျတော့ စစ်ဆေးရေး ဂိတ်ဖြတ်တိုင်း ၊ Surprise Charge ရှောင်တစ်ခင် စစ်ဆေးခြင်းများ ရဲတွေနဲ့ကြုံရတဲ့အခါ မိမိတို့ အသုံးပြုတဲ့ကားအပေါ်မူတည်ပြီး စစ်ဆေးခံရပါတယ်။

ထိုင်းမှာ မဟုတ်တာလုပ်တဲ့ ဆေးမှု၊ ဆေးသယ်တဲ့ကားတွေအများစုက ယာယီနံပါတ်အနီ နဲ့ အပေါ် က City ကားတွေကို အသုံးပြုတာများတဲ့အတွက်အချိုး ချလိုက်ရင် ရဲတွေရဲ့အမြင်စောင်းခြင်း ကိုခံရပါတယ်။
( ကိုယ်ကောင်းရင်တော့ ခေါင်းဘယ်မှာမရွေ့ ပါဘူး ၊ သို့ပေမဲ့ အလုပ်ရှုပ်ပြီး အချိန်ကုန်ပါတယ်။ ) ဒီနေရာမှာ သင့်တင့်လျှောက်ပါတ်အောင် ကားရွေးချယ်တဲ့သူကျတော့ အဆင်ပြေတာကို သတိပြုမိပါတယ်။

🔶 Yaris ,City ,Honda Jazz
ဒီလို City Car ကားမျိုးတွေက မယားငယ် စီးသည့်ကားလို့ ထိုင်းတစ်ချို့ကသတ်မှတ်ကြပါတယ် ။ရေချိုးခန်းက ခလေးမတွေ စီးတာများ ကြပါတယ်။အမျိုးသားလူငယ်တွေစီးရင် ရဲတွေအထင်မှားတတ်ပါတယ်။ ( ခါးခိုင် ရာ ဆေးရောင်းသမားလို့ထင်ကြပါတယ် )

🔶Pajero ,Fortuner ,Isuzu

ဒီကားတွေကို ( ကျိကုန်းဘန်းနော့ ) နဲ့ ရဲ အရာရှိများစီးတာများပါတယ်။ တော်ရုံတန်ရုံ ဆေးရောင်းတဲ့အိမ် ရှေ့မှာ ဒီကားတွေလာရပ်ရင် ချက်ခြင်း ပြေးကြတာများပါတယ်။

🔶 Honda Accord ကျတော့ အာစီယာ / လို့ခေါ်တဲ့ ထိုင်းက ဘောစိ အသစ်လေးတွေ အစီးများကြပါတယ်။

🔶 Honda CR V ,HRV

ကျတော့ ဝန်ထမ်း / မန်နေဂျာ / အရာရှိ စသဖြင့်မိသားစုနဲ့ ခရီးထွက်လို့အဆင်ပြေ All in One အသုံးပြုဖို့ မိသားစုသိပ်မများတဲ့ သူတွေ စီးလေ့ရှိပါတယ်။

🔶 Toyotoa Camry , ကားအများစုဟာ လေဆိပ်မှာ Limousine ဈေးကွက်ကား ၊တွေနဲ့ တူလို့ ထိုင်း တို့သိပ် မစီးကြပါဘူး။ Camry က ဈေးနှုန်းအမျိုးအစားအလိုက်ပေါ်မူတည် ပြီး အဆင့်အတန်းများစွာနဲ့ ကားထုတ်တဲ့အတွက် Fair ဖြစ်တယ်လို့ ထိုင်းတို့မယူကြပါဘူး။

( ဇိမ်ခံကားဝယ်မယ်ဆို Camry ကိုထိုင်းတွေက ရှောင်ကြပါတယ်။ လုပ်ငန်းသုံးဆို ရင်တော့အထူးအဆင် ပြေပါတယ်။)

🔶 Taxi နဲ့တူသောကား

မီးပွိုင့်မှာ ကားချင်းယှဉ်ရပ်တဲ့အခါ တက္ကစီ နဲ့ မိမိ တန်ဖိုးထားစီးရတဲ့ ကားတစ်ထပ်တည်းကျနေတာကို ထိုင်း တို့ လုံးဝ ( လုံးဝ ) မကြိုက်ပါဘူး ။

ဒါကြောင့် ၎င်းတို့ အိမ်စီးကားဝယ်ရင် Taxi အဆွဲများတဲ့ ကားတွေရှာင်ကြပါတယ်။ အကယ်၍ မိမိက တက္ကစီ ကားတွေကို အိမ်စီးကားလုပ်ထား ရင်တော့ ဘောင်မဝင်ပါဘူး။ ဒါတော့ သိဖို့ပါ။

🔶ထိုင်း အမျိုးသားအများစုဟာ ကားအသေးတွေ မစီးကြပါဘူး။

ထိုင်းက ငွေကြေးအသင့်အတင့်သုံးနိုင်တဲ့ အမျိုးသားတွေဟာ ကားအသေးတွေဖြစ်တဲ့ Honda Jazz , Yaris , City ,Belta စသဖြင့် City car တွေကို မ စီးကြပါဘူး။ ( ကလေးကျောင်းပို့ကျောင်းကြိုလောက်တော့ မဖြစ်မနေ တွင်တွင်ကျယ်ကျယ်သုံးတာ မြင်ဖူးပါတယ်။ )

🔶နံပါတ် အလှများ

ထိုင်း လူမျိုးများဟာ နံပါတ်ကစား ကြပါတယ်။ ၎င်းတို့ရဲ့နံပါတ် အလှကို ကားရောင်းတဲ့အခါမှာ တခါတည်းထည့်မပေးတတ်ကြပါဘူး ။
တစ်ချို့ကား နံပါတ်တွေဆိုရင်ဘတ် 1 သန်းလောက်အထိပေါက်ဈေး လည်းရှိပါတယ်။ ထိုင်း လူမျိုးတွေက နံပါတ် ပေါင်းခြင်း ၉ ကိုနှစ်သက်ကြပြီး ထိုင်းနွယ် ဖွားတရုတ် တွေကျတော့ နံပါတ် 8 “ ဟိန်း ဟိန်း “ လာဘ်လာဘ များတယ်လို့ နှစ်သက်ကြပြီး ၊ နံပါတ်ပေါင်းခြင်း ၄ ကိုတော့ “ ဆီ “အဓိပ္ပါယ် အားဖြင့် သေတယ်လို့ ယူဆကြလို့ နံပါတ် 4 ကိုမနှစ်သက်တတ်ကြပါဘူး။

ထိုင်း လူမျိုးတွေက BMW ကို Series ( စီးလီး လ လတ် လန်း ) ထိုင်းလို အခေါ်ဖြင့် ကားဈေးနှုန်းကို တွက်ချက်ကြပါတယ်။ အခုတော့ Use Car များဆို ရင်မထင်မှတ်ထားသည့်စျေးဖြင့်ရမှာဖြစ်ပါတယ်။

BMW Series 3 ဆိုကြပါစို့။

ဘတ် 1 သန်း x series 3 = ဘတ် 3 သန်း
BMW Series 3 ကို ဘတ် ၃ သန်း စသဖြင့် အလွယ်မှတ်ကြပါတယ် ။

🔶series 5 X ဘတ် 1 သန်း= ဘတ် 5 သန်း

🔶series -7 x ဘတ် 1 သန်း = 7 သန်းစသဖြင့်တွက်ချက်ကြပါတယ်။

🔶 Mercedes & BMW , Porshce တို့ကို တော်ရုံပိုက်ဆံတတ်နိုင်တဲ့သူတွေက အတွေးမတူသလို တာဝန် လည်းသိပ်မယူနိုင်ကြတဲ့သူတွေကမစီးကြပါဘူး။

အခုတော့ Europe ကလာတဲ့ Use Car တွေဟာစျေးခွက်ထိုးခွက်လန်ကျနေပါပြီ။

Mercedes & BMW နဲ့ Grade တူတာလေးတွေ ကတော့

🔶BMW Series-3 က Mercedes ဆိုရင် C-Lass နဲ့အတူတူပါပဲ

🔶 BMW Series - 5 သူက Mercedes E Class Weight အတူတူ ဘော်ဒီပါတူပါတယ်။

🔶BMW Series -7 , 9 ကတော့ Mercedes S class နဲ့တူပါတယ်။

🔶 BM-3M series တွေက - Mercedes Benz 4 Couple နဲ့ တူပါတယ် ။

🔶 Mercedes 4 Matic နှင့် BMW - X6 ကအတူတူပဲမို့ ကြိုက်နှစ်သက်ရာရွေးချယ်လို့ရပါတယ်။

🔶 Toyota

စူငိုက်ခိုင်ခေါင်း - ရောင်း / ဝယ် လွယ် Toyota ကား၊ ဈေးကွက်ကားတွေကို ထိုင်းက လူအတော်တော် များများကြိုက်ကြပါတယ်။ လူပြိန်း ဈေးကွက်အကြိုက်ကတော့ထိုင်းမှာလည်း Toyota နဲ့ Isuzu ပါပဲ ပြီးတော့ တရုတ်ကလာတဲ့ EV ကားများဖြစ်ပါတယ်။

ထိုင်းမှာ ရောင်းအား အကောင်းဆုံး လျှပ်စစ်ကား မော်ဒယ်တွေနဲ့ ရောင်းချထားတဲ့ အစီးရေကိုအောက်မှာ ဖော်ပြလိုက်ပါတယ်။

1. BYD Atto 3 – 19,214
2. Neta V – 12,777
3. BYD Dolphin – 9,410
4. Ora Good Cat – 6,712
5. Tesla Model Y – 5,881
6. MG 4 – 4,833
7. MG EP – 4,475
8. Tesla Model 3 – 2,324
9. BYD Seal – 1,810
10. MG ZS EV – 1,753

ဖော်ပြပါ စာရင်းမှာ ပါတဲ့ ကား ၈ စီးဟာ တရုတ် ကုမ္ပဏီထုတ်တွေ ဖြစ်ပြီး ထိုင်းမှာ တရုတ် လျှပ်စစ်
ကား ကုမ္ပဏီတွေ ကြီးစိုးနေတာကို ပြသနေပါတယ်။ ထိုင်းနိုင်ငံဟာ EV ကားစျေးကွက်ရဲ့ ဗဟိုချက်ဖြစ်အောင်ကြိုးစားနေတာကိုလည်းသတိပြုရမှာဖြစ်ပါတယ်။

#ဘန်ကောက်လမ်းညွန်ကိုစိုင်း

17/06/2024

ထိုင်းနိုင်ငံရှိ Ford နှင့် Mazda ကားများထုတ်လုပ်သော Auto Alliance Thailand စက်ရုံမှ ကားအစီးရေ ထုတ်လုပ်မှု ၄သန်းအထိ ရောက်ရှိ

ထိုင်းနိုင်ငံရှိ Ford နှင့် Mazda အမှတ်တံဆိပ်ကားများကို တပ်ဆင်ထုတ်လုပ်သော Auto Alliance Thailand (AAT) ရဲ့ စက်ရုံမှ ထုတ်လုပ်လာသည့် ကားအစီးအရေအတွက် ၄သန်းအထိ ရောက်ရှိလာခဲ့ပြီး အထိမ်းအမှတ်ပွဲ ကျင်းပခဲ့တယ်လို့ သိရပါတယ်။

Auto Alliance Thailand (AAT) ကားတပ်ဆင်ထုတ်လုပ်ရေး စက်ရုံကို ၁၉၉၅ ခုနှစ်တုန်းက Ford Motor Company နဲ့ Mazda Motor Corporation တို့မှ အကျိုးတူပူးပေါင်းတည်ထောင်ခဲ့ပြီး Ford Ranger နဲ့ Mazda Fighter ဆိုသောအမည်များဖြင့် ၁တန်ခွဲ pickup ကားများထုတ်လုပ်ကာ ထိုင်းနိုင်ငံအပါအဝင် နိုင်ငံတကာကို တင်ပို့ရောင်းချခဲ့ကြတာဖြစ်ပါတယ်။ ပြီးခဲ့တဲ့ June လ 12 ရက်နေ့မှာတော့ အဆိုပါ စက်ရုံရဲ့ သမိုင်းဝင်နေ့တစ်နေ့ပြီးခဲ့ပြီး စက်ရုံတည်ထောင်ကာ ကားများထုတ်လုပ်ခဲ့မှု အစီးရေ ၄သန်းမြောက်ကို ရောက်ရှိလာခဲ့တာဖြစ်ပါတယ်။ ကားအစီးရေ ၄သန်းမြောက်အဖြစ် တပ်ဆင်ရေးလိုင်းမှ ထွက်ရှိလာတဲ့ ကားကတော့ အဖြူရောင် Ford Everest ပဲဖြစ်ပါတယ်။ Ford နဲ့ Mazda တို့ဟာ ကားများထုတ်လုပ်ခဲ့သည့် ကာလများတလျှောက် Auto Alliance Thailand (AAT) စက်ရုံမှာ ရင်းနှီးမြှုပ်နှံမှုများစွာ လုပ်ခဲ့ပြီး လက်ရှိအချိန်အထိ ရင်းနှီးမြှုပ်နှံမှုတန်ဘိုး USD ဒေါ်လာ ၂၁၆၂ သန်း အထိရှိထားတယ်လို့ သိရပါတယ်။

လက်ရှိကာလမှာ Auto Alliance Thailand (AAT) ကားတပ်ဆင်ထုတ်လုပ်ရေး စက်ရုံမှ တစ်နှစ်လျှင် လူစီး နှင့် လုပ်ငန်းသုံးကား အစီးရေ 270,000 ကို ထုတ်လုပ်လျက်ရှိပြီး Ford Ranger၊ Ford Everest၊ Mazda2၊ Mazda3၊ Mazda CX-3 နဲ့ Mazda CX-30 အစရှိသော ကား model များကို ထုတ်လုပ်နေကာ ထိုင်းပြည်တွင်းသာမက ပြည်ပနိုင်ငံပေါင်း ၁၇၁ နိုင်ငံကိုလည်း တင်ပို့ရောင်းချနေလျက်ရှိပါတယ်။ စာရင်းဇယားများအရ ထုတ်လုပ်မှု ပမာဏရဲ့ ၆၅%ကို နိုင်ငံတကာကို တင်ပို့ရောင်းချတာဖြစ်ပြီး အများဆုံးတင်ပို့ရောင်းချရတဲ့နိုင်ငံက Australia နိုင်ငံဖြစ်တယ်လို့ သိရပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

14/06/2024

Honda N-VAN e: ကို ဂျပန်နိုင်ငံမှာ စတင်ရောင်းချတော့မည်

Honda ရဲ့ ပထမဆုံးသော Kei EV ကား N-VAN e: Mini ကို ဂျပန်နိုင်ငံမှာ စတင်ရောင်းချမှာဖြစ်ပြီး ကားနဲ့ပတ်သက်သော အချက်အလက်များကို စတင်ထုတ်ပြန်လိုက်ပြီ ဖြစ်ပါတယ်။

Honda ရဲ့ အဆိုအရ N-VAN e: ဟာ အကွာအဝေးအားဖြင့် အားအပြည့်ရှိလျှင် 245 kilometers (WLTC standards) အကွာအဝေးအထိ မောင်းနှင်နိုင်မှာ ဖြစ်ပြီး 29.6 kWh capacity ရှိတဲ့ lithium-ion battery ကို တပ်ဆင်ပေးထားတာဖြစ်ပါတယ်။ စွမ်းဆောင်ရည် 53 hp/ 64 hp (Eco/Sport) နဲ့ 162 Nm- torque ထွက်ရှိမယ့် single electric motor ကို FWD layout နဲ့ တပ်ဆင်ပေးထားပြီး 6 kW AC charging နဲ့ အားသွင်းလျှင် ၄နာရီခွဲဝန်းကျင် ကြာမြင့်မှာဖြစ်ပြီး 50 kW DC charging နှင့် ဆိုလျှင် မိနစ်၃၀ ဝန်းကျင် ကြာမယ်လို့ ဆိုပါတယ်။ Ultra-thin Battery ကို ကားရဲ့ကြမ်းပြင်မှာ တပ်ဆင်ပေးထားပြီး V2L အတွက် external electronic device များအတွက် 1,500 watts လောက်အထိ အားပြန်ထုတ်ပေးနိုင်မှာဖြစ်သလို Battery ကို မထိခိုက်စေနိုင်ရန်အတွက် electric servo brake system ကိုလည်း ထည့်သွင်းတပ်ဆင်ပေးထားတယ်လို့ဆိုပါတယ်။ ဘေးကင်းလုံခြုံရေးအတွက် Honda Sensing ကိုလည်း ထည့်သွင်းပေးထားတယ်လို့ သိရပါတယ်။ Honda N-VAN e: ကို option ၄မျိုးဖြင့် ရနိုင်မှာ ဖြစ်ပြီး ၄ယောက်စီး အနေနဲ့ e:L4 နဲ့ e:FUN model များကို ရွေးချယ်နိုင်ပြီး စျေးနှုးအားဖြင့် ဂျပန်ယန်းငွေ 2,699,400ယန်း ကနေ 2,809,400ယန်း အထိ ကျသင့်မှာဖြစ်ပါတယ်။ ၂ယောက်စီး အနေနဲ့ Driver နဲ့ ရှေ့နောက်ထိုင်နိုင်မယ့် e:L2 model နဲ့ Driver နဲ့ ဘေးချင်းယှဥ် ထိုင်ခုံပါတဲ့ e:G 1 model တို့ကို ရရှိနိုင်မှာဖြစ်ကာ အဆိုပါ model များကို တော့ လုပ်ငန်းသုံးအဖြစ် B2B အနေနဲ့သာ မှာယူနိုင်မှာဖြစ်တယ်လို့ သိရပါတယ်။ Honda မှ N-VAN e: အသုံးပြုသူများအနေနဲ့ Smart Phone ဖြင့် charging setting နဲ့ air conditioning setting များထိန်းချုပ်နိုင်သည့် စနစ်များကို လုပ်ဆောင်နိုင်မယ်လို့ ဖော်ပြထားပြီး Battery သိုလှောင်နိုင်မှု စွမ်းအင် လျှင်မြန်စွာ လျော့ကျမှုကို ကာကွယ်နိုင်မယ့် စနစ်များလည်းပါဝင်တယ်လို့ ဆိုပါတယ်။

လက်ရှိမှာတော့ Honda N-VAN e: ကို ကြိုတင်အမှာစာများ စတင်လက်ခံနေပြီဖြစ်ပြီး လာမယ့် October လ 10 ရက်နေ့မှ စကာ မှာယူထားသူများထံသို့ ကားများကို စတင်အပ်နှံသွားမှာဖြစ်တယ်လို့ သိရပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

13/06/2024

Jaguar/ Land Rover ကားသစ်များမှာ တရုတ်ထုတ် E0X နဲ့ M3X Platform များကို အသုံးပြုသွားမည်

Jaguar/ Land Rover ရဲ့ အနာဂတ် PHEV နဲ့ BEV ကားသစ်များမှာ တရုတ်ကားထုတ်လုပ်သူ Chery ရဲ့ Exlantix ET, Exlantix ES, Luxeed 7, Luxeed R7, Exeed RX နဲ့ Chery Tiggo 9 အစရှိသော ကားများမှာ အသုံးပြုထားတဲ့ E0X နဲ့ M3X Platform များကိုအသုံးပြုပြီးထုတ်လုပ်သွားမှာဖြစ်ကြောင်းကို Chery ရဲ့ အမှုဆောင်ဖြစ်သူ Yin Tongyao မှ အတည်ပြုပြောကြားလိုက်ပါတယ်။

တရုတ်ကားထုတ်လုပ်သူ Chery နဲ့ Jaguar Land Rover (JLR) တို့ဟာ ၂၀၁၂ မှစလို့ ၁၂နှစ်ကြာ ဆက်ဆံရေး ရှိခဲ့ပြီး နှစ်ဘက် အကျိုးတူ ပူးပေါင်းကာ တရုတ်ပြည်တွင်းမှာ Jaguar Land Rover ကားများကို ၂၀၁၄ မှ စတင်ကာ ယနေ့အထိ ကားများ ထုတ်လုပ် လာခဲ့တာ ဖြစ်ပါတယ်။ Jaguar Land Rover (JLR) မှ အင်ဂျင်နီယာများဟာ Chery မှထုတ်လုပ်သော ကားများအတွက် suspension setup အပိုင်းများ များစွာကူညီပံ့ပိုးပေးခဲ့ဖူးသလို Chery ရဲ့ Designer များဟာ Land Rover ကားများရဲ့ ဒိဇိုင်းပိုင်းများကို မှီငြမ်းလေ့လာခဲ့သည်များလည်း ရှိခဲ့ဖူးပါတယ်။ Chery ရဲ့ အဆင့်တန်းမြင့် အမှတ်တံဆိပ်တစ်ခု ဖြစ်တဲ့ Exceed နဲ့ မကြာသေးသောကာလတုန်းက Jaguar Land Rover တို့နဲ့ အတူပူးပေါင်းဆောင်ရွက်ရန်အတွက် သဘောတူညီမှုများပြုလုပ်ခဲ့ကြပြီး အဆိုပါ သဘောတူညီမှုအရ Jaguar Land Rover (JLR) တို့မှ ၄င်းတို့ရဲ့ အနာဂတ် ကားသစ်များမှာ Exceed ရဲ့ platform များကို ရယူအသုံးပြုသွားမှာ ဖြစ်ပါတယ်။ ဒါဟာ JLR နဲ့ Exceed တို့အကြား သဘောတူညီမှုဆိုသော်ငြားလည်း မိခင်ကုမ္ပဏီကြီးများဖြစ်ကြတဲ့ တရုတ် Chery Group နဲ့ အိန္ဒိယ Tata Motors တို့ရဲ့ပူပေါင်းမှုလို့ဆိုရမှာ ဖြစ်ပါတယ်။

JLR မှ အသုံးပြုမယ် M3X architecture ဟာ Chery ရဲ့ Super Hybrid powertrain ကို တပ်ဆင်အသုံးပြနိုင်ပြီး၄င်းဟာ ဓာတ်ဆီလောင်စာသုံး အင်ဂျင် ကိုမှ လျှပ်စစ်မော်တာ ၂လုံးနဲ့အတူ 3DHT165 gearbox စနစ်တို့ တွဲဆက်ပါဝင်တာဖြစ်ပါတယ်။ အဆိုပါ DHT hybrid စနစ်ဟာ အစောပိုင်းကာလတုန်းက ကမ္ဘာ့ ပထမဆုံးသော လျှပ်စစ်မော်တာ ၂လုံးနဲ့ gearbox တစ်ခုတည်း ချိတ်ဆက်လည်ပတ်နိုင်တဲ့ စနစ် ဖြစ်ခဲ့ပါတယ်။ ထိုစနစ်ရဲ့ကောင်းကျိုးအနေနဲ့ လုပ်ဆောင်မှုပုံစံ ၉မျိုးနဲ gear combination ၁၁ မျိုး အထိ ရရှိတာကြောင့် အကွာအဝေး 1000 km လောက်အထိကို တဆက်တည်းမောင်းနှင်နိုင်စေခဲ့သလို Thermal Efficiency မှာ 44.5% အထိ ရရှိနိုင်စေပါတယ်။ Chery Group မှ လက်ရှိမှာ M3X (T2X) platform ကို DHT hybrid နဲ့ တပ်ဆင် ထုတ်လုပ်သော ကားများမှာ Exeed RX PHEV နဲ့ Chery Fulwin T9 တို့ပဲ ဖြစ်ကြပါတယ်။

နောက်ထပ် JLR မှ အသုံးပြုမယ် E0X Platform ကို တော့ Chery နဲ့ Huawei တို့မှ ပူးပေါင်းဖန်တီးထားတာဖြစ်ပြီး BEV နဲ့ EREV ကားမျိုးစုံကို တည်ဆောက်ရန်အတွက်ဖြစ်ပါတယ်။ Chery အနေနဲ့ လက်ရှိမှာ Exlantix ES ၊ Exlantix ET ၊ Luxeed S7 နဲ့ Luxeed R7 ဆိုသော ကား ၄မျိုးကို အဆိုပါ platform ပေါ်မှာ တည်ဆောက်ထုတ်လုပ်ထားပြီး 800V high-voltage system မျိုးနဲ့ကိုက်ညီအောင် ပြုလုပ်နိုင်သလို စွမ်းအင်သုံးစွဲမှုမှာ 12 kWh/100 km သာ ရှိတယ်လို့ ဖော်ပြထားပါတယ်။ ဒါ့အပြင် advanced autonomous system နဲ့ air suspension system များလည်း ထည့်သွင်း တပ်ဆင်နိုင်တာကြောင့် Jaguar Land Rover (JLR) လို အဆင့်မြင့် ထုတ်လုပ်ဖို့အတွက် သင့်လျော်သော ရွေးချယ်မှုလည်းဖြစ်ပါတယ်။

ယခုနောက်ပိုင်မှာ သက်တမ်းရင့် ကားထုတ်လုပ်သူများဟာ စွမ်းအင်သစ် အသုံးပြုကားများ - အထူးသဖြင့် လျှပ်စစ်ကားများကို ကိုယ်တိုင်ဖန်တီးဖို့ထက် တရုတ်ပြည်မှ တီထွင်ဖန်တီးထားသော နည်းပညာများကို သာ ပြန်လည်ရယူအသုံးပြနေကြပါတယ်။ ဥပမာ အားဖြင့် ဆိုရလျှင် GAC ရဲ့ GEP platform ကို အသုံးပြုထားတဲ့ Mitsubishi Airtrek EV၊ Geely ရဲ့ SEAPlatform ကို အသုံးပြုထားသော Smart နဲ့ Lotus ရဲ့ EV ကားများ နဲ့ Geely ရဲ့ CMA platform ကို အသုံးပြု ထုတ်လုပ်ထားသော Renault လျှပ်စစ်ကားများတို့ပဲ ဖြစ်ကြပါတယ်။ ဒါ့အပြင် Volkswagen မှလည်း Xpeng ရဲ့ E/E platform ကို အသုံးပြုဖို့ သဘောတူညီမှု ရပြီး ဖြစ်သလို Audi မှလည်း ၄င်းရဲ့ အနာဂတ် ကားသစ်များကို SAIC ရဲ့ iO Origin platform ပေါ်မှာ တည်ဆောင်သွားမှာ ဖြစ်ပါတယ်။

အိန္ဒိယလုပ်ငန်းကြီး Ta Ta Motor မှ ပိုင်ဆိုင်သော Jaguar Land Rover ကားလုပ်ငန်းအနေနဲ့ စွမ်းအင်သစ်ကား ထုတ်လုပ်ရေးမှာ တခြားသော ကားထုတ်လုပ်သူများထက် နောက်ကျကျန်နေခဲ့ပြီး ထုတ်လုပ်ခဲ့ဖူးသော BEV လျှပ်စစ်ကားဆိုလို့ လွန်ခဲ့သော ၆နှစ်တုန်းက ထုတ်လုပ်ခဲ့သော Jaguar I-Pace တစ်စီးသာရှိထားပါတယ်။ တချိန်တည်းမှာပင် JLR ရဲ့ တရုတ်ပြည်တွင်းရောင်းအားဟာ တရုတ် NEV Trend ကြောင့် သိသိသာသာ ကျလာနေတာကြောင့် ယခုအခါမှာ Chery ရဲ့ M3X နဲ့E0X Platform များကို အခြေခံထားတဲ့ Jaguars နဲ့ Land Rover ကားများကို တရုတ်ပြည်ရှိ ပရိတ်သတ်များအတွက် ထုတ်လုပ်ပေးဖို့ စီစဥ်လာတာ ဖြစ်နိုင်ပါတယ်။

ကားလောက အထင်ကရ ဖြစ်တဲ့ Jaguar Land Rover အနေနဲ့ တချိန်တခါတုန်းက တရုတ် Chery ကားထုတ်လုပ်ရေးမှာ ပံ့ပိုးကူညီခဲ့ဖူးသလို ခေတ်ကာလအပြောင်းအလဲ နဲ့ မော်တော်ယာဥ် ထုတ်လုပ်ရေး ခေတ်ရေစီးကြောင်းအရ တခါပြန်ပြီး တရုတ် Chery ရဲ့ နည်းပညာ အထောက်အပံ့များနဲ့ ကားသစ်များထုတ်လုပ်ကာ ဆက်လက်ရှင်သန်ရပ်တည်နိုင်ဖို့ အတွက် စီစဥ်နေပြီပဲ ဖြစ်ပါကြောင်း။

ကိုးကား - CarNewsChina

Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

12/06/2024

Vietnam နိုင်ငံမှာ ကားနှင့် ရထား တိုက်မိမှု ရုပ်/သံ

ပြီးခဲ့တဲ့ June လ 5 ရက်နေ့တုန်းက Vietnam နိုင်ငံ Hanoi မြို့ Back Tu Liem အရပ်မှာ ကားကို ရထားလမ်းနှင့် နီးကပ်စွာ ရပ်နားသောကြောင့် ရထားနှင့်တိုက်မိခဲ့ပါတယ်။ ဖြစ်စဉ်မှာ Hyundai Creta ကားပိုင်ရှင်ဟာ ကားကိုရထားလမ်းနဲ့ နီးကပ်စွာရပ်ထားခဲ့ပြီး ရထားလာသောအခါမှ အမြန်ပြေးလာကာ ကားကို ဖယ်ဖို့ ကြိုးစားခဲ့ပေးမယ့်လည်း နောက်ကျသွားလို့ ရထားနဲ့ တိုက်မိခဲ့ပါတော့တယ်။ ထိုသို့တိုက်မိခဲ့မှုကြောင့် ကားအရှေ့ပိုင်းမှာ ပြင်းပြင်းထန်ထန် ပျက်စီးသွားခဲ့ပြီး ကားပိုင်ရှင်မှာလည်း တော်တော်လေး ယူကျုံးမရ ဖြစ်သွားခဲ့ပုံရပါတယ်။ Vietnam နိုင်ငံ က နေရာတော်တော်များများမှာ လူနေရပ်ကွက်နဲ့ ရထားလမ်းဟာ ရောနှောရှိနေလေ့ရှိပြီး တချို့သော နေရာများဆိုလျှင် နိုင်ငံတကာ ခရီးသွားများအတွက် လည်ပတ်စရာများအဖြစ်ပင် ဖန်တီးထား‌ပါတယ်။ သို့ပေမယ့်လည်း သတိမထားမိတတ်သော ဗီယက်နမ်တချို့ရဲ့ အပြုအမူတွေကြောင့် ကားနဲ့ ရထား မတော်တဆမှုတွေ ဖြစ်လေ့ရှိတယ်လို့ သိရပါကြောင်း။

Video courtesy of bike shop Hanoi

Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

11/06/2024

ထိုင်းနိုင်ငံ ချင်းမိုင်မှာ ကားမောင်းသင်ပြီး ယာဉ်မောင်းလိုင်စင် ပြုလုပ်လိုသူများအတွက်။
https://www.facebook.com/share/p/byfHVrY1Lw23tcR8/?mibextid=xfxF2i

10/06/2024

Mercedes-Benz Thailand မှ ထိုင်းနိုင်မှာ ထုတ်လုပ်မယ် လျှပ်စစ်ကားများအတွက် production base အဖြစ် ဆောင်ရွက်ရန်နှင့် ထိုင်းပြည်တွင်းမှာ ကားများနှင့် လျှပ်စစ်ကား ဘက်ထရီများ ထုတ်လုပ်တပ်ဆင်ဖို့အတွက် ရေရှည်လက်တွဲဖော်အဖြစ် Thonburi Automobile Assembly Co., Ltd နှင့် ၁၀ နှစ် သက်တမ်းရှိတဲ့ စာချုပ် ကိုချုပ်ဆိုလိုက်တယ်လို့ သိရပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

08/06/2024

Suzuki မှ ထိုင်းနိုင်ငံမှ စက်ရုံမှာ ကားများထုတ်လုပ်မှု ရပ်နားတော့မည်ဖြစ်ကြောင်း ကြေညာ။

Suzuki Motor Thailand (SMT) မှ လာမယ့် 2025 နှစ်ကုန်ပိုင်းမှာ ထိုင်းနိုင်ငံ Rayong မှာရှိတဲ့ စက်ရုံကနေ ကားများ ထုတ်လုပ်နေမှုကို ရပ်ဆိုင်းသွားတော့မှာ ဖြစ်တယ်လို့ သိရပါတယ်။ Suzuki ရဲ့ အဆိုအရ လာမယ့် 2025 နှစ်ကုန်ပိုင်းအထိ Thai EcoCar project အရ ကားများ ဆက်လက်ထုတ်လုပ် နေအုံးမှာဖြစ်ပြီး ထိုကာလ နောက်ပိုင်းမှစကာ ထိုင်းနိုင်ငံစျေးကွက်သို့ ကားများကို India နဲ့ Japanနိုင်ငံမှ တင်သွင်းရောင်းချ ပေးသွားမယ်လို့ဆိုပါတယ်။ Suzuki Rayong factory ကနေ လက်ရှိမှာ Ciaz၊Swift နဲ့ Celerio ကားများကို ထုတ်လုပ်လျက်ရှိပါတယ်။ STM အနေနဲ့ ထိုင်းစျေးကွက် အတွက် ရေရှည် အစီအစဥ်များ ဆက်လက်ရှိနေပြီး Carbon-neutralization policy နဲ့ ကိုက်ညီမယ့် ကားမော်ဒယ် အသစ်များကိုလည်း မနှစ်တုန်းက ကြေညာခဲ့သည့်အတိုင်း ဆက်လက်တင်သွင်း‌ရောင်းချ သွားဖို့ ရှိနေပါတယ်။ ထိုင်းနိုင်ငံတဝှမ်းမျာရှိတဲ့ Suzuki Showrooms နဲ့ service centre များကိုလည်း ဆက်လက်ဖွင့်လှစ် လည်ပတ်နေမှာဖြစ်ပြီး လာမည့်နှစ်မှစတင်ကာ ကားအသစ်များ ထပ်မံရောင်းချ ဝန်ဆောင်မှုပေးသွားဖို့ရှိတယ်လို့ ဆိုပါတယ်။ Rayong factory မှာ လုပ်ကိုင်နေကြသော ဝန်ထမ်းများအတွက်လည်း စက်ရုံပိတ်သိမ်းပြီးနောက်ပိုင်းအတွက် ကူညီပံပိုးရေး အစီအစဥ်များ ကို ကြိုတင်စီမံထားပြီး စက်ရုံပိတ်သိမ်းပြီးနောက်မှာလည်း Suzuki ကားအသုံးပြုသူများအတွက် လိုအပ်မယ် ကားအပိုပစ္စည်း အစိတ်အပိုင်းများကိုလည်း Suzuki ကားအပိုပစ္စည်း ထုတ်လုပ်သူများနှင့် စာချုပ်ချုပ်ဆို သဘောတူညီထားသည့်အတိုင်း နောက်ထက် ၁၀ နှစ်အထိ ထိုင်းနိုင်ငံမှာ ထုတ်လုပ်ထားသော ကားများအတွက် အဆင်ပြေအောင် စီစဥ်ထားတယ်လို့ သိရပါတယ်။

Suzuki Motor Thailand အနေနဲ့ ထိုင်းနိုင်ငံရဲ့ ကားစျေးကွက်မှာ ကားရောင်းအား ကျဆင်းလားမှုကို တခြားသော ကားအမှတ်တံဆိပ်များနည်းတူ ခံစားနေရတာဖြစ်ပြီး Dealer များ ဆက်လက်ရပ်တည် လည်ပတ်နိုင်ရေးအတွက် စျေးနှုန်းလျော့ချခြင်း အပါအဝင် Promotion plan မျိုးစုံဖြင့် လိုအပ်သည့် အထောက်အပံ့များကို ပံ့ပိုးပေးနေတယ်လို့ သိရပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

06/06/2024

https://www.facebook.com/share/opxfH4FzXmDQB561/?mibextid=oFDknk

ထိုင်း ကို ကားတင်သွင်းတော့မယ်ဆိုရင်

အမေရိကားက မိတ်ဆွေတစ်ယောက်က Tesla ရဲ့ Cybertruck ယူမလား ကိုစိုင်းတဲ့လေ ထိုင်းနိုင်ငံသို့ ကားတင်သွင်းရင် import Lincence အရေးကြီးပါတယ် ဒါ့အပြင် ကားတန်ဖိုး ရဲ့ 200 Percent အခွန်ပေးဆောင်ရတဲ့အတွက်အခွန်အခ ကြီးမြင့်ပါတယ်။ ကိုယ်တိုင် ရုံးဌာနတွေကို သွားမယ်ဆိုရင်တော့ စရိတ်စကသက်သာပြီး အချ်ိန်ကုန်နိုင်တာကိုတော့သတိပြုရမှာဖြစ်ပါတယ်။

ထိုင်းနိုင်ငံမှာ Non-immigrant Visa ၁ နှစ်နဲ့ Work Permit ရထားသူတွေဟာ ထိုင်းကို ကားအသစ် သို့မဟုတ် ကားအဟောင်းကို ကိုယ်တိုင် စီးနင်းဖို့ တင်သွင်းနိုင်ပါတယ်။

ထိုင်းနိုင်ငံသို့ ကား အသစ် သို့မဟုတ် ကားအဟောင်း နှစ်ခုစလုံးကိုတင်သွင်းနိုင်ပြီး အခွန်ဟာ ကား တန်ဖိုးရဲ့ ၂၀၀ ရာခိုင်နှုန်း ပေးရပါတယ်။ ကားတင်သွင်းသူဟာ စီးပွားရေး ဝန်ကြီးဌာနရဲ့ Import Permit ကို ရထားဖို့ လိုအပ်ပါတယ်။ အဲဒီ Permit မရှိဘဲ ကားတင်သွင်းရင် ကား အသိမ်းခံရနိုင်ပြီး ဒဏ်ငွေ ရိုက်ခံရနိုင်ပါတယ်။ ထိုင်းကို ကား မရောက်ခင်မှာ Import Permit ရထားဖို့ လိုအပ်ပါတယ်။

ထိုင်း ကို ကား အသစ် တင်သွင်းရင် လိုအပ်တဲ့ စာရွက်စာတမ်းတွေကို အောက်မှာ ဖော်ပြလိုက်ပါတယ်။

💢Non-immigrant Visa
💢အနည်းဆုံး ၁ နှစ် သက်တမ်းရှိတဲ့ Work Permit
💢Import Declaration Form
💢Bill of Loading or Air Waybill ( လေယာဉ်၊ သင်္ဘောနဲ့ ကား တင်ပို့တဲ့ကုန်ကျစားရိတ် စာရွက်စာတမ်း)
💢ကား ရောင်းချတဲ့ စာရွက်စာတမ်း
💢Delivery Order (Customs Form No. 100/1)
💢Foreign Transaction Form 2 ( တင်သွင်းတဲ့ ကားရဲ့ CIF Value ဟာ ဘတ် ၅၀၀,၀၀၀ ကျော်ရင်)
💢ကား အာမခံ စာရွက်စာတမ်း

ကား အဟောင်း တင်သွင်းရင် အပို လိုအပ်တဲ့ စာရွက်စာတမ်းတွေကို အောက်မှာ ဖော်ပြလိုက်ပါတယ်။

💢နေအိမ် မှတ်ပုံတင်ထားတဲ့ Certificate သို့မဟုတ် မြေယာ၊ ကွန်ဒို ပိုင်ဆိုင်တဲ့ အထောက်အထား
💢Passport
💢ကား အဟောင်းဟာ နိုင်ငံခြားမှာ အနည်းဆုံး ၁၈ လ အသုံးပြုထားတဲ့ အထောက်အထားကို ပြသတဲ့ ကား မှတ်ပုံတင် Certificate
💢စီးပွားရေး ဝန်ကြီးဌာနက ထုတ်ပေးတဲ့ Import Permit စသည်တို့လိုအပ်ပါတယ်။

လက်ရှိ ထိုင်းနိုင်ငံမှာ Europe ,Japan ,Korea ,China စတဲ့ use Car ကားများဟာ စျေးအဆမတန်ထိုးကျနေပြီး EV ကားများဟာ မင်းမူနေပါတယ်။

ထိုင်းမှာ ရောင်းအား အကောင်းဆုံး လျှပ်စစ်ကား မော်ဒယ်တွေနဲ့ ရောင်းချထားတဲ့ အစီးရေကို အောက်မှာ ဖော်ပြလိုက်ပါတယ်။

1. BYD Atto 3 – 19,214
2. Neta V – 12,777
3. BYD Dolphin – 9,410
4. Ora Good Cat – 6,712
5. Tesla Model Y – 5,881
6. MG 4 – 4,833
7. MG EP – 4,475
8. Tesla Model 3 – 2,324
9. BYD Seal – 1,810
10. MG ZS EV – 1,753

ဖော်ပြပါ စာရင်းမှာ ပါတဲ့ ကား ၈ စီးဟာ တရုတ် ကုမ္ပဏီထုတ်တွေ ဖြစ်ပြီး ထိုင်းမှာ တရုတ် လျှပ်စစ်ကား ကုမ္ပဏီတွေ ကြီးစိုးနေတာကို ပြသနေပါတယ်။ ထိုင်းနိုင်ငံဟာ EV ကားစျေးကွက်ရဲ့ ဗဟိုချက်ဖြစ်အောင်ကြိုးစားနေတာကိုလည်းသတိပြုရမှာဖြစ်ပါတယ်။

#ဘန်ကောက်လမ်းညွှန်ကိုစိုင်း

06/06/2024

https://www.facebook.com/share/p/95aD3bgVgdb8w15o/?mibextid=oFDknk

04/06/2024

ဂျပန်နိုင်ငံမှ Toyota အပါအဝင် လုပ်ငန်းကြီး၅ခုမှထုတ်လုပ်ထားသော ကားနှင့်ဆိုင်ကယ် များ စမ်းသပ်စစ်ဆေးခံရာမှာ မမှန်မကန် လုပ်ဆောင်ထားမှုများပေါ်ပေါက်
ပြီးခဲ့သော ၂၀၂၄ နှစ်ဆန်းပိုင်းတုန်းက Toyota ရဲ့ လက်အောက်ခံ လုပ်ငန်းခွဲ Daihatsu မှ ထုတ်လုပ်သော ကားတချို့မှာ ဘေးကင်းရေးဆိုင်ရာ စမ်းသပ်ချက်တချို့မှာ ရလဒ်ကောင်း ရစေရန် အတွက် မမှန်မကန် လုပ်ဆောင်မှုများ ရှိခဲ့ကြောင်း ပေါ်ပေါက်ခဲ့ပြီးနောက် ယခုအခါမှာလည်း Toyota အပါအဝင် လုပ်ငန်းကြီး၅ခုမှထုတ်လုပ်ထားသော ကားနှင့်ဆိုင်ကယ် များမှာလည်း အလားတူ စမ်းသပ်စစ်ဆေးရာမှာ မမှန်မကန် လုပ်ဆောင်ထားမှုများ ရှိနေခဲ့ကြောင်း ဖော်ထုတ်တွေ့ရှိရတယ်လို့ သိရပါတယ်။ ဂျပန် အထင်ကရ သတင်း အေဂျင်စီ NHK မှ Toyota, Mazda, Honda, Suzuki နဲ့ Yamaha တို့မှ ထုတ်လုပ်ထားသော ကားနှင့်ဆိုင်ကယ်တချို့ရဲ့ စစ်ဆေးစမ်းသပ်ချက်တချို့မှာ ရလဒ်ကောင်း ရစေရန် အတွက် မမှန်မကန် လုပ်ဆောင်မှုများရှိနေခဲ့တယ်လို့ ကြေညာသွားပါတယ်။ ထိုသို့ပေါ်ပေါက်ရာမှာ Toyota မှ ထုတ်လုပ်သော ကား Model 7 စီးထိ ပါဝင်ပါတယ်။ အဆိုပါကားများမှ ၃မျိုးမှာ လက်ရှိအချိန်အထိ ထုတ်လုပ်နေဆဲဖြစ်ပြီး Corolla Fielder, Corolla Axio နဲ့ Yaris Cross ( T-NGA JDM/EU) တို့ဖြစ်ကြကာ နောက်ထပ်ကား ၄ မျိုးကတော့ Crown, Isis, Sienta နဲ့ Lexus RX တို့ ဖြစ်ကြပြီး ဆက်လက်ထုတ်လုပ်ခြင်း မရှိတော့သော ကားများဖြစ်ကြပါတယ်။ Mazda မှာတော့ ကား model ၅မျိုးမှာ အမှန်မကန်မှုတွေရှိခဲ့ပြီး ထိုအထဲကမှ MX-5 RF နဲ့ Mazda 2 ၂မျိုးမှာ ဆက်လက်ထုတ်လုပ်နေဆဲ ဖြစ်ကာ Axela, Atenza နဲ့ Mazda 6 တို့ကတော့ ဆက်လက်ထုတ်လုပ်မှုမရှိနေဘူးလို့ ဆိုပါတယ်။ Honda မှာတော့ Fit၊ Freed၊ နဲ့ NSX အပါအဝင် ထုတ်လုပ်ဆဲနှင့် ဆက်မထုတ်လုပ်တော့သော ကား model ၂၂မျိုးစလုံး ပါဝင်နေပြီး၊ Suzuki မှာတော့ လက်ရှိမှာ ထုတ်လုပ်မနေသော Alto အမျိုးအစား ကားမှာ တွေ့ရှိတာဖြစ်ပါတယ်။ ဆိုင်ကယ်ထုတ်လုပ်သူ Yamaha ရဲ့ လက်ရှိထုတ်လုပ်နေတဲ့ YZF-R1 နဲ့ တခြားသော ဆက်လက်မထုတ်လုပ်တော့သည့် အမျိုးအစား ၂မျိုး အပါအဝင် စုစုပေါင်း ၃ မျိုး မှာ တွေ့ရှိပါတယ်။
သက်ဆိုင်ရာ ကားထုတ်လုပ်သော ကုမ္ပဏီများဘက်ကတော့ လက်ရှိမှာ အဆိုပါ ပြဿနာဖြစ်နေသော ကားများ ထုတ်လုပ်တင်ပို့နေမှုကို ရပ်ဆိုင်းလိုက်ပြီး ကုမ္ပဏီ အသီးသီးရဲ့ အမှုဆောင်များမှ အများပြည်သူအား တရားဝင် တောင်းပန်ကြောင်း နှင့် ဖြစ်ခဲ့သည်များကို အပြည့်အဝ တာဝန်ယူသွားမည်ဖြစ်ကြောင်းကို ထုတ်ဖော်ပြောကြားခဲ့ကြတယ်လို့ သိရပါကြောင်း။

Reff -nhk.co.jp


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

03/06/2024

လျှပ်စစ်ကားများဖြင့် ခြေကျင်လမ်းသွားလမ်းလာများကို တိုက်မိနိုင်ခြေဟာ လောင်စာဆီသုံးကားများထက် ၂ဆပိုများ

လေ့လာမှုများအရ ခြေကျင်လမ်းသွားလမ်းလာများကို လျှပ်စစ်ကားဖြင့် တိုက်ခံရမိနိုင်ခြေဟာ လောင်စာဆီအင်ဂျင်သုံးကားများထက် ၂ဆ ပိုများတယ်လို့ သိရပါတယ်။ အဆိုပါတွေ့ရှိချက်ကို 2013 မှ 2017 အတွင်း UK မှာ ဖြစ်ပွားခဲ့တဲ့ ယာဥ်မတော်တဆမှု မှတ်တမ်းများအပေါ်မှာ ဆန်းစစ်ချက်များကို အခြေခံပြီး Epidemiology and Community Health Journal မှာ ဖော်ပြခဲ့တာဖြစ်ပါတယ်။
လေ့လာဆန်းစစ်သူများရဲ့ ဖော်ပြချက်အရ လေ့လာတွေ့ရှိချက်များမှာ EV နဲ့ HEV များဖြင့် ခြေကျင် လမ်းသွားလမ်းလာများကို တိုက်မိခဲ့မှုဟာ သာမန် ICE ကားများထက် ၂ဆ ပိုများခဲ့ပြီး မြို့ပြ အရပ်ဒေသမှာ ထိခိုက်မှုဟာ နယ်အရပ်တွေထက် ၃ဆ ပိုများတယ်လို့ဆိုပါတယ်။ 2013 မှ 2017 အတွင်း လူသေဆုံးမှုများ အပါအဝင် မတော်တဆမှုပေါင်း 916,713 ရဲ့ မှတ်တမ်းအချက်အလက်များ ကို အခြေခံပြီး တွက်ချက်မှုများအရ နှစ်စဥ်ပျမ်းမျှ မိုင်းသန်း ၁၀၀ ခရီးမောင်းနှင်မှုတိုင်းမှာ ခြေကျင်လမ်းသွားလမ်းလာ လူသေဆုံးမှု နှုန်းဟာ လျှပ်စစ်ကားများမှာ 5.16 ရှိပြီး ICE ကားများမှာ 2.40 ရှိနေပါတယ်။ လေ့လာဆန်းစစ်မှုမှာ စုစုပေါင်းအားဖြင့် လျှပ်စစ်ကားအစုံ ခရီးမောင်းနှင်မှု မိုင်ပေါင်း သန်းပေါင်း 32,000 နဲ့ ICE ကားအစုံ ခရီးမောင်းနှင်မှု မိုင်ပေါင်း 3 ထရီလီယံ ကို ထည့်သွင်းတွက်ချက်ထားတာဖြစ်ပါတယ်။ ဒါ့အပြင် သုတေသနပြုလုပ်သူများဟာ ကလေးသူငယ်များနဲ့ လူငယ်များကို အသက်ဆုံးရှုံးစေရာမှာ ယာဥ်မတော်တဆမှုများကြောင့် ထိခိုက်မှုဟာ အဓိက အကြောင်းအရင်းဖြစ်ပြီး ယာဥ်မတော်တဆမှု များကြောင့် လူသေဆုံးမှု ၄မှုတိုင်းမှာ ၁မှု ဟာ ခြေကျင်လမ်းသွားလမ်းလာသူများ ဖြစ်နေကြကြောင်းကို သတိပြုမိတယ်လို့ဆိုပါတယ်။
လေ့လာဆန်းစစ်သူများရဲ့ အဆိုအရ လျှပ်စစ်ကားမျိုးစုံဟာ အင်ဂျင် စက်သံ ဆူညံမှုမရှိပဲ အထူးသဖြင့် မြို့ပြ‌ဒေသများမှာ ပတ်ဝန်းကျင်မှ အသံများက ကားသံကို ဖုံးလွှမ်းသွားတာကြောင့် ခြေကျင် လမ်းသွားလမ်းလာသူများအတွက် သတိမပြုမိစေပဲ အန္တရာယ်ပိုရှိနေစေတယ်လို့ ဖော်ပြထားပါတယ်။ ဒါ့အပြင် ငယ်ရွယ်သူများနဲ့ အတွေ့အကြုံနည်းပါးတဲ့ ကားမောင်းသူများဟာ ယာဥ်မတော်တဆမှုများ ပိုမို ဖြစ်စေနိုင်ပြီး ထိုသူများမှာ လျှပ်စစ်ကားများ ပိုင်ဆိုင်မှုက ပိုများနိုင်ဖွယ်ရှိကြောင်းကိုလည်း ထောက်ပြထားပါတယ်။ ဗြိတိန်နိုင်ငံမှာ ICE ကားများဖြင့် ထိခိုက်ဒဏ်ရာရတဲ့ ခြေကျင်လမ်းသွားလမ်းလာသူများဟာ လျှပ်စစ်ကားများဖြင့် ထိခိုက်မှုထက်ပိုများနေသော်လည်း မြို့ပြဒေသမှာ လျှပ်စစ်ကားများဖြင့် ထိခိုက်နိုင်မှု အန္တရာယ်ဟာ ပိုမိုမြင့်မားနေတယ်လို့ ဆိုပါတယ်။ ယခု အစီရင်ခံစာဟာ 2017 ခုနှစ် အထိသာ တွက်ချက်နိုင်ပြီး 2018 မှစလို့ နောက်ပိုင်း National Travel Survey (NTS) မှ အချက်အလက်များဟာ ပြည့်စုံမှု မရှိသေးတာကြောင့် ထည့်သွင့်တွက်ချက်လို့ မရခဲ့ကြောင်း ကိုလည်း ဖော်ပြထားပါတယ်။

ကျန်းမာရေးရှုထောင့်အရ သွားလာမှုများမှာ လမ်းလျှောက်ခြင်းနဲ့ စက်ဘီးစီးခြင်းတို့က ပိုမိုကောင်းမွန်ပေမယ့်၊ ယခုတွေ့ရှိချက်များကြောင့် လမ်းအသုံးပြုသူများအတွက် ဒွဟပွားလာစေနိုင်ပါတယ်။ အစီရင်ခံစာရဲ့ သုံးသပ်ချက်အရ UK အစိုးရရဲ့ ICE ကားများအသုံးပြုမှုကို အဆင့်ဆင့် ဖျက်သိမ်းမယ့် အစီအစဥ်များကြောင့် လျှပ်စစ်ကားများဖြင့် ထိခိုင်နိုင်ခြေဟာ ပိုမိုမြင့်မားလာနိုင်ခြေများပြီး ထိုသိုသော အန္တရာယ်များကို လျော့ချနိုင်မယ့် အစီအမံများကို သက်ဆိုင်ရာအာဏာပိုင်များ အနေနဲ့ စတင်ရေးဆွဲ အကောင်အထည် ဖော်သင့်ပြီလို့ အကြံပြုထားပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph

02/06/2024

ထိုင်းပြည်တွင်းထုတ် NETA V-II ကားများကို မှာယူသူများထံ စတင်ပေးပို့

လျှပ်စစ်ကား ထုတ်လုပ်သူ NETA မှ ထိုင်းနိုင်ငံမှာ စက်ရုံတည်ကာ လျှပ်စစ်ကားများ စတင်ထုတ်လုပ်နေပြီ ဖြစ်ပြီး ကနဦး အနေဖြင့် NETA V-II (မြန်မာပြည်မှာ NETA AYA ဆိုသောအမည်ဖြင့် ရောင်းချ) လျှပ်စစ်ကားများ ထုတ်လုပ်နေပြီဖြစ်ကာ မှာယူထားသူများထံသို့ စတင် ပေးပို့နေပြီဖြစ်ပါတယ်။ ထိုင်းနိုင်ငံမှာရှိတဲ့ NETA ကားစက်ရုံကို Hozon Auto နဲ့ Bangchan General Assembly Limited တို့ အကျိုးတူပူးပေါင်း ဆောင်ရွက်တာဖြစ်ပြီး Bangchan Industrial Estate, Bangkok မှာ တည်ရှိတာဖြစ်ပါတယ်။ NETA V-II ကို ထိုင်းပြည်တွင်းမှာ ထိုင်းဘတ်ငွေ 550,000 - 570,000 ဝန်းကျင်ဖြင့် ရောင်းချနေတာဖြစ်ပြီး ကားရဲ့ အစိတ်အပိုင်း 67% ကျော်ကို ထိုင်းပြည်တွင်းမှာတင် ထုတ်လုပ်တပ်ဆင်တာ ဖြစ်တယ်လို့ သိရပါ‌ကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။

02/06/2024

ထိုင်းနိုင်ငံကိုကျော်လွန်ပြီး မလေးရှားနိုင်ငံ သည် အာဆီယံဒေသရဲ့ ဒုတိယမြောက် အကြီးဆုံး ကားစျေးကွက်ဖြစ်လာ...

Nikki Asia ရဲ့ အစီရင်ခံစာအရ မလေးရှားနိုင်ငံဟာ ထိုင်းနိုင်ငံကိုကျော်လွန်ပြီး အာဆီယံဒေသရဲ့ ဒုတိယမြောက် အကြီးဆုံး ကားစျေးကွက်ဖြစ်လာတယ်လို့ သိရပါတယ်။ မလေးရှားနိုင်ငံရဲ့ ကားရောင်းအား ရလဒ်များအရ အချိန်ကာလ ကြာမြင့်စွာ အဆင့် ၃ နေရာမှာ ရပ်တည်နေခဲ့ပြီး 2024 ရဲ့ ပထမ ၃လပတ်ထဲမှာတော့ ထိုင်းကိုကျော်လွန်ကာ အဆင့် ၃ နေရာ ရောက်လာခဲ့တာြဖစ်ပါတယ်။ Automobile Association of Malaysia ရဲ့ အဆိုအရ မလေးရှားနိုင်ငံမှာ ကားရောင်းအားဟာ 2024 ပထမ ၃ လပတ်မှာတင် 2023 ခုနှစ်ထက် 5% ပိုမိုရောင်းချ ထားနိုင်ခဲ့ပါတယ်။ တစ်ဘက်မှာတော့ ထိုင်းနိုင်ငံရဲ့ ကားအရောင်း ပမာဏဟာ သိသာစွာ ထိုးကျလာခဲ့ပြီး ပြီးခဲ့သော နှစ်နဲ့ နှိုင်းယှဥ်ပါက 25% အထိ ထိုးကျသွားခဲ့ပါတယ်။ ထိုသို့ဖြစ်စေခဲ့တဲ့ အကြောင်းအရင်းတွေ များစွာရှိခဲ့ပြီး၊ အကြွေးနှင့် ကားဝယ်ယူထားသည်များမှ ကြွေးဆုံးကိစ္စများ ဖြစ်ပွားခဲ့ခြင်းနဲ့ တရုတ်နိုင်ငံထုတ် EV ကားများ စျေးကွက်ထဲ ပိုမိုဝင်ရောက်လာခြင်းတို့က အဓိက အကြောင်းအရာတွေဖြစ်တယ်လို့ သိရပါတယ်။ လက်ရှိ အာဆီယံ ကားစျေးကွက်မှာ အင်ဒိုနီးရှားနိုင်ငံဟာ နံပတ်၁ နေရာမှာ ရှိနေသေးသော်လည်း တိုးမြှင့်လိုက်တဲ့ အတိုးနှုန်းတွေကြောင့် ကားဝယ်ယူမှုတွေ လျော့ကျလာပြီး ပြီးခဲ့သော 2023 နှင့် နှိုင်းယှဥ်ပါက 24% လောက်အထိ ကျဆင်းခဲ့တယ်လို့ သိရပါကြောင်း။


Myanmar Motorgraph ကို Telegram မှာလည်း Subscribe လုပ်ပြီး ဖတ်နိုင်ပါပြီ။
t.me/myanmar_motorgraph