24/11/2023
"ဂိမ်း" ဆိုတဲ့ စကားလုံးကို လူတော်တော်များများ ရင်းနှီးဖူးပြီးသားဖြစ်မှာပါ ။
အခုဒီစာကို ဖတ်နေတဲ့သူ ကိုယ်တိုင်လဲ ဘ၀မှာ ဂိမ်းတစ်ခါလောက်တော့ ဆော့ခဲ့ဖူးမှာပေါ့
ဂိမ်းဆော့တာက အချိန်ကုန်တယ်ဆိုပေမဲ့ လူသားတွေအပေါ် ဂိမ်းရဲ့ အကျိုးပြုမှုတွေ များစွာ ရှိပါတယ်။
ဘာအကျိုးပြုတွေရှိလဲ အနှစ်ချုပ် ပြောရမယ်ဆိုရင်
✅ လူသားတွေရဲ့ အလုပ်လုပ်ချင်စိတ်ကို ဖြည့်ဆည်းပေးနိုင်တယ်
✅ အောင်မြင်မှုအတွေ့အကြုံကို ခံစားချင်တဲ့ လူသားတွေကို စိတ်ကျေနပ်မှုရအောင် ပေးစွမ်းနိုင်တယ်
✅ ကမ္ဘာကြီးနဲ့ ချိတ်ဆက်ချင်တဲ့ လူသားတွေရဲ့ဆန္ဒကို ဖြစ်ပေါ်လာစေနိုင်တယ် တစ်နည်းပြောရရင် အသင်းအဖွဲ့တွေနဲ့ ပူးပေါင်းဆောင်ရွက်နိုင်စွမ်း ရှိလာနိုင်စေတယ်
✅ ဘ၀ရဲ့ အဓိပ္ပါယ်ပြည့်၀မှုကို ယုံကြည်လာစေနိုင်တယ်
✅ ဂိမ်းကစားတဲ့သူတွေဟာ ဘယ်အရာကိုမဆို ပါ၀င်ဆင်နွှဲဖို့ အသင့်ဖြစ်နေပြီး ဇွဲလဲ အရမ်းကောင်းကြပါတယ်
ဂိမ်မာတွေဟာ သာမန်လူတွေထက် အနာဂတ်ကမ္ဘာ ကို မျှော်ကြည့်တတ်ကြသလို "ကမ္ဘာကြီးကို ကယ်တင်မယ်" ဆိုတဲ့ စိတ်နေစိတ်ထားမျိုးကိုလည်း ပိုင်ဆိုင်ထားကြသူတွေပါ ❤️
သူတို့က Sims City တို့၊ Civilization တို့လို မြို့တည်ဆောက်တဲ့ဂိမ်းတွေ၊ နိုင်ငံတည်ဆောက်တဲ့ဂိမ်းတွေကိုလည်း ဆော့ ကစားကြသူတွေဖြစ်တာကြောင့် အနာဂတ်ကမ္ဘာကို ဘယ်လိုတည်ဆောက်သင့်သလဲ၊ အာကာသခေတ် မှာ ဘာတွေဖြစ်လာနိုင်သလဲ ဆိုတာတွေကိုလည်း ပုံဖော်တွေးခေါ်နိုင်စွမ်းရှိကြသူတွေဖြစ်ပါတယ်။
ဂိမ်းကစားတဲ့လူတွေကို လက်တွေ့ဘဝထဲကနေ ထွက်ပြေးပြီး ထွက်ပေါက်ရှာတတ်သူတွေလို့ လူအများစုက ထင်တတ်ကြပေမဲ့ အဲဒီလို ထွက်ပေါက်ရှာခြင်းဟာ အတိုင်းအတာတစ်ခုအထိ တော့ အကျိုးပြုနိုင်တယ်ဆိုတာကို သိနားလည်ထားဖို့ လိုပါတယ်။
ကလေးတွေရဲ့ အင်တာနက် အသုံးပြုခွင့်ကို ပိတ်ပင်တာ၊ ဂိမ်းထဲမှာစိတ်နှစ်မြှုပ် ထားတဲ့သူတွေကို အရှက်ခွဲတာ၊ ဂိမ်းတွေကိုအခွန် တိုးကောက်တာတွေဟာ တောက်ပတဲ့အနာဂတ်ကမ္ဘာကို ဖန်တီးရာမှာ အထောက်အကူ မဖြစ်စေပါဘူး။
ဒါဆိုရင် ကလေးတွေ ဂိမ်းစွဲသွားပြီး ဘဝပျက်ကုန် ရင် ဘယ်လိုလုပ်မလဲ လို့ မိဘတွေဘက်က မေးစရာ ရှိပါတယ်။
ဒါပေမဲ့ ဂိမ်းတီထွင်သူ (game developer) တွေဟာလည်း သူတို့ရဲ့ customer တွေဖြစ်တဲ့ ဂိမ်းကစားသူတွေရဲ့ဘဝကို မဖျက်ဆီးမိအောင် ထည့်သွင်းစဉ်းစားကြတာပါပဲ။ ဂိမ်းကစားသူတွေ လက်တွေ့ဘဝမှာ အောင်မြင်မှုရမှသာ ဂိမ်းထဲမှာ ပိုက်ဆံသုံးနိုင်မယ်ဆိုတာကို ဂိမ်းထုတ်လုပ်သူတွေက ကောင်းကောင်းနားလည်ပါတယ်။
ဒါကြောင့် အခုနောက်ပိုင်းဂိမ်းတွေမှာ ဂိမ်မာတွေရဲ့ဘဝကို မပျက်စီးစေဘဲနဲ့ ဂိမ်းဆော့နိုင်စွမ်းရှိအောင် ဒီဇိုင်းထွင်လာကြတာကို တွေ့ရပါတယ်။ ဒါကြောင့်လည်း အတိုင်းအတာတစ်ခုကို ကျော်လွန်အောင် ဆော့မိတဲ့အခါ “ငါ့ရဲ့လက်တွေ့ဘဝမှာ တစ်ခုခုများ လိုအပ်နေသလား?” ဆိုပြီး ဂိမ်မာတွေရဲ့ စိတ်ထဲမှာ စဉ်းစားသုံးသပ်မိလာတာပါ။
တကယ်တော့ ဂိမ်းတွေဟာ လူ့အသိုင်းအဝိုင်းကို ပြန်လည်ထူထောင်ပြီး ပိုကောင်းတဲ့အနာဂတ်တစ်ခု တည်ဆောက်ဖို့အတွက် ခွန်အားတွေပေးနိုင်ပါတယ်။
ဂိမ်းတွေက လူအဖွဲ့အစည်းတိုးတက်ရေးကို ဆန်းသစ်တီထွင်မှုတွေကို အစချီနေတာပါ။ ဒါကြောင့် ဂိမ်းတွေကပေးတဲ့ ပျော်ရွှင်မှုတွေ၊ စွမ်းရည်တွေကိုအသုံးချပြီး လက်တွေ့ဘဝကို ပိုကောင်းအောင်တည်ဆောက်နိုင် ကြပါစေလို့ဆန္ဒပြုရင်း ဒီစာလေးကို အဆုံးသတ်လိုက်ပါတယ်။
အခု ဖော်ပြပါ အကြောင်းအရာများကို " Reality is Broken" ဆိုတဲ့ စာအုပ်ကနေ ကိုးကားထားတာ ဖြစ်ကြောင်း ၀န်ခံပါရစေ
ဂိမ်းနဲ့ပတ်သက်ပြီး လူတော်တော်များများ မှားယွင်နေတဲ့ အယူအဆတွေကို စာရေးသူက ထုတ်ဖော်ထားတာမို့ စိတ်၀င်စားရင် စာအုပ်လေးကို ဖတ်ကြည့်စေချင်ပါတယ်