10/09/2020
ဆန်ချိုအားခေါ်ယူရေးအတွက်မန်ယူဆက်လက်ဆွေးနွေးနေဆဲ
မန်ယူဟာဒေါ့မွန်တောင်ပံကစားသမားဆန်ချိုအားခေါ်ယူရေးအတွက်ဒေါ့မွန်နှင့်ဆွေးနွေးနေဆဲဖြစ်ပြီးတိုးတက်မှုများရှိနေကြောင်းသိရပါတယ်။ဒေါ့မွန်အားကစားဒါရိုက်တာမိုက်ကယ်ဇော့ကအင်္ဂလန်လက်ရွေးစင်ကိုရောင်းချမှာမဟုတ်ကြောင်းပြောကြားထားပေမယ့်မန်ယူနည်းပြဆိုးလ်ရှားကတော့သူ့ကိုယခုနွေရာသီအဓိကပစ်မှတ်အဖြစ်ခေါ်ယူရေးမဆုတ်မနစ်လုပ်ဆောင်နေဆဲဖြစ်ပါတယ်။
ဒေါ့မွန်ကမရောင်းလို့ဆိုထားပေမယ့်လည်းမန်ယူဟာဆန်ချိုအားခေါ်ယူရေးလုပ်ဆောင်နေဆဲဖြစ်သလိုအပြောင်းအ ရွှေ့မှာသေဆုံးခြင်းမရှိသေးဘူးလို့ယုံကြည်နေပါတယ်။
ဒေါ့မွန်ဟာအသက်၂၀နှစ်ရှိဆန်ချိုအတွက်ပြောင်းရွှေ့ကြေးယူရိုသန်း၁၂၀ရရှိလိုနေပါတယ်။မန်ယူဟာဆန်းချက်ဇ်တုန်းကအမှားမျိုးထပ်မံမပြုလုပ်မိစေဖို့အတွက်ဆန်ချိုအပြောင်းအရွှေ့ကိုဂရုတစိုက်လုပ်ဆောင်နေမှုနှင့်အတူအချိန်အနည်းငယ်ကြာနေတာလည်းဖြစ်ပါတယ်။
ဒါပေမယ့်မန်ယူဟာဆန်ချိုရဲ့အေးဂျင့်နှင့်လုပ်ခနှင့်ပတ်သက်ပြီးသဘောတူညီမှုရရှိပြီးပြီလို့ယုံကြည်ရပါတယ်။မန်ယူအတွက်ဆန်ချိုအပြောင်းအရွှေ့မှာအကြီးမားဆုံး အခက်အခဲကဒေါ့မွန်ကတောင်းဆိုတဲ့ပြောင်းရွှေ့ကြေးအလွန်မြင့်မားနေတာဖြစ်ပါတယ်။၎င်းတို့ဟာဘာစီလိုနာမှဒမ်ဘီလီ၊ဂျူဗင်တပ်မှဒေါက်ကလပ်ကော့စတာတို့ကိုလည်းဆန်ချိုကိုမခေါ်ယူနိုင်ပါကခေါ်ယူရေးစောင့်ကြည့်နေပါတယ်။
# Credit လေးစားစွာဖြင့်
