22/02/2022
Design by Dylan
ဆန်ပိုးမတက်အောင် ဘယ်လိုကာကွယ်မလဲ❔
အိမ်ရှင်မတော်တော်များများ ဆန်ပိုးပြဿနာနဲ့ကြုံဖူးကြမှာပါ😠
အထူးသဖြင့် အိမ်တိုင်းနီးပါးက ဆန်ကို အထိုက်အသင့်ဝယ်ပြီး လနဲ့ချီ၊ နှစ်နဲ့ချီအောင် သိုလှောင်ထားတတ်ကြတာမို့ အထားအသိုမသင့်တဲ့အခါ ဆန်ပိုးတွေရောက်လာတတ်တာပေါ့။
ဆန်ပိုးမတတ်အောင် ထိန်းသိမ်းတဲ့နေရာမှာ သန့်ရှင်းခြောက်သွေ့တဲ့ နေရာဖြစ်နေဖို့တော့ အဓိကအရေးကြီးဆုံးဖြစ်မှာပါ။ဒါ့အပြင် သဘာဝနည်းလမ်းအချို့နဲ့ ဆန်ပိုးကာကွယ်နည်းလေးတွေလဲရှိပါသေးတယ်။🌾
- ကရဝေးရွက်၊ နနွင်းရွက်စတဲ့ အနံ့ရှိတဲ့ အရွက် တစ်မျိုးမျိုးကို ဆန်သိုလှောင်ရာနေရာအတွင်းမှာ ထားထားပေးပါ။ ပိုကောင်းတဲ့ ရလဒ်အတွက်ဆို လေလုံတဲ့နေရာဖြစ်ရင်ပိုအကျိုးရှိပါတယ်။🍃
- လေးညင်းပွင့်ကလဲ အင်းဆက်ပိုးတွေ မလာအောင်တားဆီးပေးနိုင်တာမို့ လေးညင်းပွင့်ကို ဆန်သိုလှောင်ရာအတွင်း ထည့်ပေးထားတာ ( သို့မဟုတ် ) လေးညင်းဆီရှိရင်လဲ ဆန်သိုလှောင်ရာနေရာ(ဘူး၊ပုံး၊ကြောင်အိမ် စသည်) တို့ကို ဆီဖြင့်သုတ်၍သန့်ရှင်းပေးနိုင်ပါတယ်။🍀
- ဆန်ကို ဝယ်ယူလာပြီးပြီးချင်း ရေခဲသေတ္တာအအေးခန်းထဲ ထိန်းသိမ်းထားမယ်ဆိုရင်လဲ ဆန်ပိုးရန်က ကာကွယ်နိုင်မယ်၊ မတော်တဆ ဆန်ပိုးများကပ်ပါလာပြီးဖြစ်ရင်လဲ အအေးဒဏ်ကြောင့်ကြာကြာမနေနိုင်တာမို့ အလွယ်တကူရှင်းလင်းပေးနိုင်ပါလိမ့်မယ်။ အချိန်အတန်ကြာ freezer ထဲထည့်ပြီးတဲ့နောက် အခန်းရဲ့ အပူချိန်အတိုင်း သန့်ရှင်းခြောက်သွေ့တဲ့ တစ်နေရာမှာ ရက်အတန်ကြာ ဆက်လက်ထိန်းသိမ်းထားနိုင်ပါတယ်။🧊
- ဆန်ထိန်းသိမ်းရာ ပုံး(သို့မဟုတ်)ဘူးအတွင်း မလှီးရသေးတဲ့ ကြက်သွန်ဖြူတွေကို နေရာချပြီး ထည့်ထားပေးနိုင်ပါတယ်။ ထည့်သွင်းထားတဲ့ ကြက်သွန်ဖြူတွေ ခြောက်သွားပြီဆိုရင်တော့ အသစ်ပြောင်းလဲထည့်ပေးရမယ်နော်။🧄
- နောက်ဆုံးတစ်ခုကတော့ မြန်မာနိုင်ငံကအိမ်ရှင်မအတော်အများလဲ ပြုလုပ်နေကျဖြစ်တဲ့ ဆန်ပိုးအမြောက်အများနဲ့ကြုံတွေ့နေရပြီဆိုရင်တော့ ဆန်ကို နေပူထဲထုတ်လှန်းလိုက်တာ အကောင်းဆုံးပါ။ ပိုးကောင်များက နေရောင်ကိုကြောက်ကြတဲ့အတွက် မှောင်တဲ့စိုစွတ်တဲ့နေရာကို ပြေးကြမှာအမှန်ပါဘဲ!☀️
ဒီလိုဆိုရင်တော့ ဆန်ပိုးမတက်အောင် ထားသိုရမယ့်နည်းလမ်းတွေလဲ သိသွားပြီ၊
အကောင်တွေရှိနေရင် ဘယ်လိုပြေးအောင်လုပ်ရမယ့်အကြောင်းတွေလဲ သိလောက်ပြီဆိုတော့ အိမ်မှာ ဆန်ဝယ်ထားဖို့ဘဲ လိုတော့တယ်လေ🍚❗️
နေ့တိုင်းမရှိမဖြစ် အရသာပြည့်ဝတဲ့ ထမင်းတစ်နပ်အတွက်
ဆန်ဝယ်မယ်ဆို Burma Bhumi ကို သတိရလိုက်နော်💛
