28/12/2023
လှေးပိုးကျနေပြီဗျို့................📣
🌱ဖျက်စီးမှု လက္ခဏာများ🌱
🌱အရွက်နု၊ အညွှန့်၊ ပန်းအဖူး၏ အောက်မျက်နှာပြင်တွင် စားသောက်ဖျက်ဆီးပြီး အရွက်မျက်နှာပြင်ကျုံ့သွားသည်။
🌱 နေရောင်အောက်တွင် ထောင်ကြည့်ပါက အရွက်ငွေရောင်အကွက်များ (သို့) အစင်းကြောင်းများ တွေ့ရပါသည်။
🌱ကျရောက်မှုပြင်းထန်ပါက အရွက်၏ မျက်နှာပြင်များတွင် အကွက်များဖြစ်ပေါ်နေပြီး အရွက်များ ကုပ်၍ ဝါလာပါသည်။ အပင်သည် ကောင်းမွန် အစာမချက်လုပ်နိုင်တော့ပါ။
🌱ဖျက်ဆီးခံရသော ပန်းပွင့်များသည် ခြောက်၍ ကြွေကျသွားသည်။
🌱 ဖျက်ဆီးခံရသော ဆဲလ်များမှတဆင့် အပင်သည် ရေဓာတ်ဆုံးရှုံးမှု များပြားလာပြီး ထိုမှတဆင့် အပင်ရောဂါများ ကူးစက်ဝင်ရောက်နိုင်ပါသည်။
♻️လှေး၏ ဘဝစက်ဝန်း♻️
♻️ဥအဆင့်သည် (၂-၄)ရက်ခန့်ကြာပြီး အရွက်နှင့် အပင်တစ်သျှူးပေါ်တွင် ဥသည်။
♻️ပထမသားလောင်းအဆင့်သည် (၁-၂)ရက်၊ ဒုတိယသားလောင်းအဆင့် (၂-၄)ရက် ခန့်ကြာနိုင်ပြီး ၄င်းအဆင့်များသည် ပင်ရည်ကိုစုပ်စားသည်။
♻️ရုပ်ဖုံးမတိုင်ခင်အဆင့် (၁-၂)ရက်၊ ရုပ်ဖုံးအဆင့်သည်(၁-၃)ရက်ခန့်ကြာပြီး မြေကြီးထဲတွင် ရုပ်ဖုံးပြုလုပ်သည်။
♻️ရုပ်ဖုံးမှထွက်လာသော အကောင်ကြီးအဆင့်သည် (၃၀-၄၅)ရက်ခန့်ကြာပြီး အပင်ရည်ကိုစုပ်စားသည်။
♻️လှေး၏ ဘဝစက်ဝန်းအဆင့်များကို မြေကြီးထဲ နှင့် မြေပေါ်ရှိ အပင်အစိတ်အပိုင်းနှစ်ခုလုံးတွင် တွေ့နိုင်သည်။
📌ဓာတုနည်းဖြင့် ကာကွယ်နှိမ်နှင်းခြင်း
၁။ တောင်သူ့မိတ်ဆွေကုမ္ပဏီမှ ထုတ်သော လှေးဘုရင်မ (Thiamethoxam 35%) (သို့) ပရိုဘမ်း (Fipronil 5 %+ Bifenthrin 5%) ရေ(၄) ဂါလံဝင် ဆေးဖျန်းပုံး(၁)ပုံးလျှင် (၁၀) စီစီထည့်ပြီး တစ်ဧကလျှင် (၆၀) စီစီနှုန်းဖြင့် (၆) ပုံးအသုံးပြုနိုင်ပါသည်။
📌သဘာဝနည်းဖြင့် ကာကွယ်နှိမ်နှင်းခြင်း
၁။ပဲစိုက်ခင်းနှင့် ပတ်ဝန်းကျင်ရှိ ပေါင်းပင်နှင့် မြက်ပင်များကို ရှင်းလင်းပါ။
၂။ပိုးကျရောက်ဖျက်ဆီးထားသော အပင်များကို နုတ်ယူ ဖျက်ဆီးပစ်ပါ။
၃။လှေးပိုး အကောင်ပေါက်နှင့် အကောင်ကြီးတို့ကို စားသုံးသော မိတ်ဆွေပိုးများဖြစ်သည့် လိပ်ခုံးကျိုင်း၊ ပုစဉ်း၊ ပင့်ကူ၊ ကပ်ပါးနကျယ်များအား စိုက်ခင်းထဲတွင် လွှတ်ပေးပါ။
၄။တိုက်ရိုက်နှိမ်နှင်းခြင်း နည်းလမ်းအဖြစ် ပြာပက်ပါ။
၅။ဘေးပတ်ဝန်းကျင်ရှိ ပဲစိုက်ခင်းများနှင့် တချိန်တည်း စိုက်ပျိုးပါ။
၆။စိုက်ပျိုးပြီးနောက် ပထမဆုံး ရက်၃ဝတွင် စိုက်ခင်းအား ပုံမှန်စစ်ဆေးခြင်း ပြုလုပ်ပါ။ ရေစိုနေသောလက်ဖြင့် ပဲပင်ထိပ်ပိုင်းများကို ထိသွားပြီး လှေးပိုးများ လက်တွင် ကပ် ပါလာ၊မလာ ကြည့်ပါ။
၆။စစ်ဆေးပြီးနောက် လက်ပေါ်တွင် လှေးပိုး ၁၀ကောင်မှ အကောင် ၂ဝ ကပ်ပါလာလျှင် တိုက်ရိုက်နှိမ်နင်းခြင်းနည်းလမ်းကို သုံးပါ။
တောင်သူ့မိတ်ဆွေ ကုမ္ပဏီလီမိတက်
“ ရွှေတိုး ငွေတိုး ပြည့်ဖြိုးလျှံစေ တောင်သူ့မိတ်ဆွေ’’
