Suimilam Media

10/10/2022

Hakha ralhrang palik meithal he CDM tuah, CDF nih lawmman Kyats Sing 100 an pek
------
Hakha khuapi Police Station in palik pakhat cu CDF-Senthang sin ah CDM tuah in a um nak ralhrang bu a chuah tak.

Palik Ni Mang cu G3 meithal 2 le zenthong 2 le kuan he October 8 ni ah khan CDM a tuah caah CDF-Senthang nih cun phaisa Sing 100 lawmman an pek tiah CDF-Senthang nih tuchun ah an langhter.

25/09/2022

U.S. nih Australia caah nuclear thazaang hmang Tichunglawng zuar ding tawlrel
--------
U.S. nih nuclear thazaang hmang mi Tichunglawng cu Australia sin ah zuar ding in an tawlrel cuahmah tiah The Wall Street Journal nih a ttial.

Ralkap thazaang a tthawng chin lengmang mi China dir onh kho ding in Australia nih cun a ran khawh chung in hriamnam lei ah thazaang chap ai tim cang.

Nuclear thazaang a hmang mi Tichunglawng (Submarine) cu a ralai mi k*m 2030 ah khin tlamtling tein c**k awk ah timhtuah nak ngeih a si.

Cun Australia hrimhrim nihhin anmah tein nuclear thazaang hmang mi Tichunglawng ser kho ding in kan i zuam lai tiah official in an rak langhter bal cang.

25/09/2022

Bawipa țih hi fimnak hramthoknak a si ❤💚

24/09/2022

CBC USA bawmhnak thawng in CDF-Mara nih meithal an c**k mi mizapi hmuh ah an langhter.

23/09/2022

US vanlawng phurtu lawng South Korea a phan
--------
Raltuknak vanlawng tampi a phur kho tu USS Ronald Reagan cu tuchun ah Busan khuapi lawngdinhnak hmun a phan cang.

North Korea nih a tlerh lengmang mi South Korea cu US nih raltuk cawnnak ngan taktak a tuah pi lai caah hi bantuk in Aircraft Carrier a kuatnak hi a si.

K*m 2017 lio te khan US nih hin a Aircraft Carrier hi North Korea missile hniksaknak mi lehrulhnak ah South Korea ah hin a kuat tawn.

21/09/2022

CDF-Kanpetlet nih SAC ralhrang minung 5 nak tlawm lo an thah hna.

Nizaan Zing(September) 20 ni zaanlei sml 4-5 karlak kahdohnak ah CDF-Kanpetlet nih ralhrang 5 nak tlawmlo an thah hna. Ralhrang ruak an char khawh mi 3 cu ttha tein an phum piak hna tiah CDF-Kanpetlet nih an langhter.

21/09/2022

Mindat khuapi luhnak ralhrang gate CDF nih an kah
----
Mindat khuapi luhnak ah a um mi SAC ralhrang gate pakhat cu CDF-Mindat nih an va kah hna.

SAC ralhrang nih mi hlennak le lemnak ah tiin Mindat khuapi chung ah thilman fawi tein zuar an timh mi duh lo langhternak caah hi bantuk in kahdohnak kan tuah hi a si tiah CDF-Mindat nih cun an langhter.

Cu kahdohnak ahcun SAC ralhrang lei in mithi an tam kho tiah an langhter chap.

Mindat khua mi hna nih SAC ralhrang hlennak le lemnak thil zuarnak ah i tel ve lo in mah le inn te ah him tein um cio ding forhfialnak an tuah chih.

Rak kan leng 👇👇
Suimilam Media
Website - https://suimilammedia.com/
Youtube - https://www.youtube.com/c/Suimilam

18/09/2022

SAC ralhrang nih ngakchia pawl sianginn kainak Sianginn i sel in an kah mi kong ah NUG nih cathanh an chuah.

Zing (September) 16ni ah Sagaing ramtthen Depe Yin peng ah SAC ralhrang nih sianginn pakhat cu Vanlawng bak in an kah hna caah ngakchia 6 an thi hliam a tuar mi an tam.

Cun sianginn ah chuak ngam loin ai erh mi cawnpiaktu hna le siangngakchia an dihlak minung 20 hrawng cu an tlaih hna i an kak pi hna. Cu he pehtlaiin NUG vuanci zung pathum fonh nih hmunkhat ah cathanh an chuah.

18/09/2022

Pathian hi kan thazang a si ❤💛💚

17/09/2022

15/09/2022

Mandalay PDF in nu ralkap pawl cawlcanghnak.

12/09/2022

SAC ralhrang hriamnam ruangah Mobye khuapi inn 100 leng a rawk dih
-------
Karenni le Shan ram ri ah a um mi Mobye khuapi chung kahdohnak ruangah mizapi inn an rawk dih.

Ni 4 chungkahdohnak a chuah hnu ah khua chung mizapi inn 100 renglo SAC ralhrang hriamngan ruangah an rawk dih tiah PKPF, Kayan Generation Youth nih an langhter.

A ni nganak kahdohnak chuak kho dirhmun a si caah mizapi nih tlun le kal i ralrin ding a si lai tiah an langhter chap.

12/09/2022

Ramdang phan Leitak khuami hna (Leitak Network Global) nih CNF/CNA caah US Dollar 100,000 cu US Regional Committee sin ah an pek cang.

Photo - US-Regional Committee

11/09/2022

Na pawngkam thilcang mi nih in pil ter hlah seh...

10/09/2022

YDF-Htilin nih mizapi caah check gate 4 onnak tuah
-------
Magway ramtthen Htilin pengah YDF-Htilin nih check gate 4 an tuah tiah theih a si.

Hi gate an tuah hnawh chan bik mi Mizapi humhimnak caah si seh, SAC ralhrang ser mi thilri kham nak caah siseh ralhrang hriamnam phurh tlunh mi khamnak timi phun 3 ruangah a si bik.

05/09/2022

Thantlang peng Zahnak Tlang chung ah ai dor mi hna inn-lo hmanthlak.

04/09/2022

KA le KNDF fonh nih SAC ralhrang hriamnam zei maw zat an chuh khawh hna, ralhrang pakhat an thah fawn
--------
KA le KNDF B-10 fonh nih SAC ralhrang pawl an kah hna i minung 1 a thi, hriamnam an chuh khawh fawn hna.

Tuzing sml 6:40am hrawng ah Demoso khuapi peng Ngwe Taung khua kam ah SAC ralhrang pawl cu KA le KNDF B-10 fonh nih an rak kah hna. Sml 4 chung an i kap, cu kahdohnak ruangah SAC ralhrang minung 1 a thi i hliam hma fak tuar mi zong an um tiah an langhter.

Kahdohnak ah SAC ralhrang hriamnam MA3 meithal pakhat, kuan, le bomb siseh thilri dang zong an chuh khawh hna.

04/09/2022

Min Aung Hlaing Russia a phan cang
-------
SAC ralhrang bawi Min Aung Hlaing cu tuzing ah Naypyidaw in ai thawh i Russia ram a phan cang.

Tutan Russia a kalnak a ruang cu the 7th Eastern Economic Forum 2022 kai ding ah a si hlei ah Russia ttuanvo ngeitu he hna zong tonnak an ngei lai tiah theih a si.

04/09/2022

CDF-KKG Battalion - 4 nih thla hnih chung ralkap training a voi 4 nak a pek mi cu tlamtling tein an lim cang.

CDF-KKG hi Lairawn Kalay le Gangaw peng hna ah a cawlcang mi an si...

03/09/2022

Thailand ram ah tlaih a tong mi Myanmar mi ngakchia 4 telh in minung 13 an tlaih hna
------
Tuzing ah Thailand ram ah phungning lo in nan rak lut tiah Myanmar mi 13 cu Thailand palik nih an tlaih hna.

Cu ti an tlaih mi hna lak ah hngakchia minung 4 an i tel ve tiah theih a si.

03/09/2022

CNO/CNDF nih basic police training a pek mi hna tluang tein an lim cang
--------
CNO/CNDF nih Basic police training a pek mi hna cu tuchun ah tluang tein training an lim cang tiah theih a si.

Training a kai mi hi minung 71 an si i, Falam peng chungah police rian an ttuan lai tiah an langhter.

03/09/2022

Mandalay PDF special commandos ralkap training tuah lio hmanthlak.

02/09/2022

KNLA nih SAC ralhrang camp pakhat an lak khawh.
--------
KNU brigade 5 a si mi KNLA ralkap nih SAC ralhrang bawi battalion commander a umnak camp pakhat cu an va kah i an tei. Cun hriamnam tampi an chuh khawh fawn hna.

02/09/2022

Meng 3 tiang a kap kho tu miakpi hlawhtling tak in an ser
-------
Meng 3 tiang a kap kho tu 120mm miakpi hlawhtling tak in kan ser khawh cang tiah Nyapyidaw PDF nih an langhter.

Hi bantuk hriamngan hi tampi in kan ser lai i PDF ralkap dang sin ah kan pek hna lai tiah an langhter.

31/08/2022

China nih ti lian ruangah harsatnak a tong mi Pakistan cu bawmhnak US dollar 71340 tluk a pek.

Pakistan ram ahhin June thla in tu tiangah Ti lian ruangah minung 1136 an thi cang i minung 1634 hliam an tuar tiah NDMA nih a langhter.

30/08/2022

PDF-Zoland in pasalttha Tg. Khai Suan Mung nunalnak liam
---------
Tuchun Hniang 30 ni ah PDF-Zoland in pasalttha Khai Suan Mung cu mine bomb ai lamh sual ruangah a nunnak a liam tiah CDM-Syin nih an langhter.

R.I.P Our Hero

30/08/2022

Karenni Revolution Union - KRU nih anmah ser mi miakpi in SAC ralhrang pawl an kah hna, ralhrang a thi mi um dawh a si

Karenni ram Hpruso khuapi peng ah KRU nih anmah ser mi Miakpi in SAC ralhrang pawl cu an kah hna caah an fak taktak tiah theih a si. Hniang 29 ni ah ah khan Hpruso khuapi peng Daw Ko Khu khua pawng ah a riak mi SAC ralhrang pawl cu Karenni Revolution Union (KRU) nih anmah ser mi Miakpi 82mm hmang in...

30/08/2022

NUG hruainak in SAC ralhrang pawl cu Drone hmang in doh an si cang lai

SAC ralhrang pawl hmual fak deuh in doh khawh nak ding caah tiin Project Skywalk cu thok a si cang tiah theih a si. Project Skywalk nih cun Drone raltuknak ai hmaithlak i phaisa kawl hram a thok cang. Cucaah Drone hmang in ralhrang pawl cu hmual fak chinchin in kan doh khawh hna lai timi i tinh buin...

30/08/2022

SAC ralhrang le Pyu Saw Htee nih khua pakhat an luhhnawh, mino pakhat an thah, khuami 20 renglo an tlaih hna
-------
Sagaing ramtthen Sagaing khuapi peng Taung khua cu SAC ralhrang le Pyu Saw Htee fonh minung 50 hrawng nih an luh hnawh i mino pakhat an tlaih i an thah. Cun khuami 20 renglo an tlaih hna i innlo zong an khangh hna tiah theih a si.

30/08/2022

Magway ramtthen Gangaw peng khua khua 6 cu SAC ralhrang pawl nih ni 8 chung ah mei in an khangh hna. Cun Innlo lawng siloin mawtaw a dir ko mi le Cycle zong an khangchih dih hna...

27/08/2022

SAC ralhrang cu AA nih an kulh hna caah Helicopter 2 hmang in a rak chanh hna

Arakan Army (AA) le SAC ralhrang fak ngai in an i kah nak Maungdaw peng ah AA ralkap hna cu SAC ralhrang nih Helicopter 2 hmang in an rak kah hna tiah khuami nih an chim. Nizaan Hniang 26 ni ah AA le Maungdaw peng Kha Maung Seik khuapi hrambunh SAC ralhrang hna cu fak ngai in an i kap. An i kahnak k...

27/08/2022

PDF thilri chiahnak inn hngaktu pasalțha 6 an tlaih hna

Hpakant khuapi peng khua pakhat ah a um mi PDF camp i thilri chiahnak inn cu SAC ralhrang nih an luh hnawh hna caah pasalttha 6 an tlaih chih hna tiah theih a si. Mah Mone khua i a um mi PDF Camp cu nizaan Hniang 26 ni zaan sml 11 hrawng ah SAC ralhrang nih PDF thilri chiahnak inn cu an va fuh i an....

27/08/2022

𝗗𝗮𝗹𝗮𝗻 𝗿𝘂𝗮𝗻𝗴𝗮𝗵 𝗣𝗗𝗙 𝗽𝗮𝘀𝗮𝗹𝘁𝘁𝗵𝗮 𝘁𝗮𝗺𝘁𝘂𝗸 𝘁𝗹𝗮𝗶𝗵 𝗮𝗻 𝘀𝗶, 𝗮 𝘁𝗹𝗮𝘂 𝗺𝗶 𝘇𝗼𝗻𝗴 𝗮𝗻 𝘂𝗺 😫

Bago ramtthen nitlak lei ah umhmun a khuar mi PDF pasal ttha hna cu nizaan zing ah SAC ralhrang nih an luh hnawh i tamtuk te an tlaih hna tiah theih a si. Nizaan Hniang 26 ni zing ah khan PDF pasalttha minung 50 hrawng umnak Camp pakhat cu SAC ralhrang nih an luh hnawh hna caah pasalttha minung 19 a...

27/08/2022

Freedom Rangers Tamu (FRT) ralkap training dihnak puai tluang tein an tuah kho
------
Tuchung Hniang 27 ni ah Training a dih mi pasalttha hna nih hin zing ah meithal an cawn dih in chun hnu ah biakamnak an tuah colh tiah an langhter.

27/08/2022

Hpakant peng ah SAC ralhrang nih PDF nan bawmh hna tiin an tlaih hna i an inn le mawtaw an khangh piak hna
-------
Zahan zaan sml 11 hrawng ah SAC ralhrang minung 3o leng nih Pu Zaw Min Oo le mino pakhat Kala Lay timi cu an rak tlaih hna. Micheu nih meithal in an kahthah cang hna tiah an chim, asinain thawng fiang theih a si rih lo.

Cun inn pakhat le mawtaw zong an khangh ta i an kal tak.Hpakant peng Lone Khine khua i Pu Zaw Min Oo inn cu a liamcia Chiapa thla lio ah khan SAC ralhrang nih an khar piak bal cang tiah theih a si.

27/08/2022

Tih hlah u a kan ti 💪

26/08/2022

𝗣𝗗𝗙 𝗽𝗵𝘂 𝟮𝟳 𝗳𝗼𝗻𝗵 𝗻𝗶𝗵 𝗦𝗔𝗖 𝗿𝗮𝗹𝗵𝗿𝗮𝗻𝗴 𝟮𝟭 𝗻𝗮𝗸 𝘁𝗹𝗮𝘄𝗺𝗹𝗼 𝗮𝗻 𝘁𝗵𝗮𝗵 𝗵𝗻𝗮

Magway ramtthen Yesagyo khuapi peng ah SAC ralhrang pawl cu PDF phu 27 fonh nih an va kah hna caah ralhrang lei in minung 27 nak tlawmlo an thi lai tiah Phoenix phu nih an langhter. Nizaan tihni Hniang 24 ni ah khan Yesagyo khuapi peng Min khua ah a buk a sual mi SAC ralhrang pawl cu zinglei sml 5:3...

26/08/2022

Russia ram mi tam tuk te nih an ram chuah tak in EU ram ah an lut hna

Russia nih Ukraine cu ralkap thazaang hmang in a luh hnawh i an kah hnu in Russia ram mi hna cu EU ram hna ah a lut mi an tam chin lengmang i 1 million an phan dengmang tiah theih a si. “Russia nih Ukraine ram cu February 24, 2021 ah ralkap thazaang hmang in a kah tikah a ram mi lila nih cun Russi...