Boosted Media

  • Home
  • Boosted Media

Boosted Media An independent automotive media channel for every auto enthusiasts in Myanmar.
(5)

𝕷𝕭 𝕰𝖝𝖔𝖙𝖎𝖈 𝕯𝖚𝖔 - Ferrari 430LB w/ 997.2 Porsche 911 Turbo ရန္ကုန္ Nation 7 Years Anniversary မှ ပုံရိပ်တချို့ကို မရောက်ဖြ...
06/11/2023

𝕷𝕭 𝕰𝖝𝖔𝖙𝖎𝖈 𝕯𝖚𝖔 - Ferrari 430LB w/ 997.2 Porsche 911 Turbo

ရန္ကုန္ Nation 7 Years Anniversary မှ ပုံရိပ်တချို့ကို မရောက်ဖြစ်ခဲ့တဲ့ ဘော်ဒါတစ်ချို့အတွက် တင်ပေးလိုက်ပါတယ်ဗျ။ ရှေ့ဆုံးမှ Banner ကို ယူသုံးခွင့်ပေးခဲ့သော E.O.S မှ ကိုမင်းခန့်ကိုလည်း ကျေးဇူးတင်ရှိပါတယ်ခင်ဗျာ။



_______𝖲𝗍𝖺𝗒 𝖡ᵒᵒˢᵗᵉᵈ

𝟭 𝗠𝗜𝗟𝗟𝗜𝗢𝗡 𝗥𝗘𝗔𝗖𝗛𝗘𝗦 ပြီးခဲ့တဲ့ စက်တင်ဘာနှင့် အောက်တိုဘာ နှစ်လ (၂၈) ရက်အတွင်း တင်ဆက်ပေးခဲ့သမျှ ပိုစ့်များဟာဆိုရင် Facebook...
31/10/2023

𝟭 𝗠𝗜𝗟𝗟𝗜𝗢𝗡 𝗥𝗘𝗔𝗖𝗛𝗘𝗦

ပြီးခဲ့တဲ့ စက်တင်ဘာနှင့် အောက်တိုဘာ နှစ်လ (၂၈) ရက်အတွင်း တင်ဆက်ပေးခဲ့သမျှ ပိုစ့်များဟာဆိုရင် Facebook User ပေါင်း တစ်သန်းအထိကို ပျံ့နှံ့ရောက်ရှိသွားခဲ့ပါတယ်ခင်ဗျ။ အခြားပေချ့်တွေကတော့ Follower တစ်သိန်း၊ တစ်သန်း (ဒါမှမဟုတ်) View တစ်သန်းကို celebrate လုပ်တတ်ကြပေမယ့် ကျွန်တော့်ပေချ့်မှာတော့ လူငယ်လူနည်းစုသာ အချိန်ပေးပြီး ဖတ်လောက်မည့် Automotive Content တွေချည်းဘဲမလို့ တစ်ချိန်တုန်းက (၂၈) ရက်တာ ပျမ်းမျှ Reach ၈ သောင်းလောက်ကနေ ၁ သန်းအထိ ထိုးတက်သွားတာ Milestone တစ်ခုပါ။ Follower (၁) သန်းများ အကယ်လို့ရောက်သွားရင်လည်း ဒီပိုစ့်လေးက ပြန်အမှတ်ရစရာ memory လေးပေါ့။

အခုလို Reach များသွားရခြင်းကလည်း ရှေ့ (၂၈) ရက်ထဲမှာ JDM နှင့် F&F အကြောင်းတွေ များသွားလို့ ဖြစ်ပါလိမ့်မယ်။ ကံကောင်းတာဆိုပေမယ့်လည်း JDM နှင့် F&F တင်မှ Reach တက်တယ်ဆိုတာ ကျွန်တော့်ဘက်က ညံ့နေသေးလို့ပါ၊ ဒါကြောင့်မလို့ ဒီကနေ့ အမှတ်တရပိုစ့်လေးတင်ပြီး JDM နှင့် F&F တင်မက ဥရောပကားအမျိုးမျိုး၊ အမေရိကန်ကားအမျိုးမျိုးနှင့် နောင်လာမည့် EV များအကြောင်း တင်ဆက်ပေးဖြစ်ခဲ့ရင်လည်း Reach & Engagement ကောင်းတွေရရှိအောင် ဒီဇိုင်းအသစ်၊ တင်ဆက်ပုံအသစ်၊ ဗီဒီယိုအသစ်များနှင့် ပြန်လည်စတင်နိုင်ဖို့ Boosted Media 2.0 Relaunch April 1st မှာ ပြန်တွေ့ကြပါမယ်ခင်ဗျာ။

ဒီကြားထဲ 2.0 Launch မလုပ်ခင် တင်ပေးခဲ့တာတွေကလည်း ကိုယ်တိုင်စာရေးနေရတာ ပျော်လို့ပါ။ ဘာမှကြီးကြီးမားမားမဟုတ်သေးပေမယ့်လည်း ပေချ့်လေးကို အတူပျိုးထောင်ပေးခဲ့တဲ့ စာဖတ်သူ တစ်ဦးတစ်ယောက်ချင်းဆီတိုင်းကို ကျေးဇူးတင်ရှိပါတယ်ခင်ဗျာ။




_______𝖲𝗍𝖺𝗒 𝖡ᵒᵒˢᵗᵉᵈ

LUCID ဆိုသည်မှာ Luxury ဆိုတဲ့ စကားလုံးကို အဓိပ္ပာယ်ဖွင့်ပါ။ အော် ဒါမှမဟုတ် ဒီလိုမေးတာက ပိုသင့်တော်မယ်ထင်တယ်။ အခု ဒီစာကို...
31/10/2023

LUCID ဆိုသည်မှာ

Luxury ဆိုတဲ့ စကားလုံးကို အဓိပ္ပာယ်ဖွင့်ပါ။ အော် ဒါမှမဟုတ် ဒီလိုမေးတာက ပိုသင့်တော်မယ်ထင်တယ်။ အခု ဒီစာကို ဖတ်နေသူရဲ့ စိတ်ဝမ်းထဲမှာ Luxury စစ်စစ်နှင့် ကိုက်ညီတဲ့ ကားမော်ဒယ်တစ်စီးမှာ ဘယ်လိုမျိုး အင်္ဂါရပ်တွေနှင့် ပြည့်စုံနေရမယ်ထင်ပါသလဲ? ဈေးလား? ဈေးဆိုရင်တော့ သိပ်ကိုမှားပါလိမ့်မယ်။ ဈေးများသွားတိုင်း Luxury မဖြစ်ပါဘူး၊ ဥပမာပေးရရင် Aston Martin Lagonda မော်ဒယ်တချို့ပေါ့။ Exclusivity လား? တစ်ချက်မှန်တယ်၊ တစ်ချက်တော့ မမှန်ဘူး။ Exclusive ဖြစ်တဲ့ မော်ဒယ်တွေက brand history မှာ ဘယ်နှစ်ခုနှစ်မှာ ဘယ်မော်ဒယ်ကိုတော့ ဘယ်နှစ်စီးထိဘဲ ကန့်သတ်ထုတ်လုပ်ပြီး ဘယ်ဈေးနှင့် ရောင်းခဲ့ပါတဲ့ဆိုတဲ့ အချက်အပြင် ဒီလိုမျိုး ကန့်သတ်မော်ဒယ်တွေထဲ ပြွတ်သိပ်ပြီးထည့်ထားတဲ့ Craftsmanship လက်ရာတွေကို status symbol တစ်ခုအဖြစ် ပြချင်တဲ့ သဘောပါဘဲ။ အရည်အသွေး၊ လက်ရာ၊ နည်းပညာ အို…ရှုပ်ပါတယ်။ ဒါတွေကို တစ်ခုချင်းလိုက် အမေးအဖြေလုပ်နေရရင် စကားချီးနှင့်တင် ရှည်ကုန်လိမ့်မယ်ဗျ။ အရေးအသားမျိုးစုံဖြင့် ဖော်ပြထားတဲ့ Luxury ရဲ့ အဓိပ္ပာယ်များစွာထဲ ဒီကနေ့ article အတွက် အလိုက်ဖက်ဆုံးကတော့

𝗟𝘂𝘅𝘂𝗿𝘆 - a condition of abundance or great ease and comfort.
[ ကြွယ်ဝပေါများမှု (သို့မဟုတ်) ကြီးမြင့်သော လွယ်ကူသက်သာနေမှု ] နားလည်လွယ်အောင်ပြောရရင်တော့ ပူပင်ကြောင့်ကျမှုမရှိ သုံးနိုင်၊ နေနိုင်၊ စားနိုင်ပါသည်ပေါ့။ ဒါပေမယ့် ဒီ အဓိပ္ပာယ်က ကျွန်တော်တို့ ပြောမည့် ကားအကြောင်းတွေနှင့် ဘာဆိုင်သလဲ? ဆိုင်တာပေါ့ဗျ။ ဟောဒီက Luxury ဆိုတဲ့ စကားလုံးကို ကားလောကထဲ ယူဆောင်လာရင် ဒီ L - U - X - U - R - Y ဟူသော အင်္ဂလိပ်စာလုံး (6) လုံးက S-Class ဆိုပြီး ပြောင်းသွားတာကို မြင်ရပါလိမ့်မယ်။ သုံးထားတဲ့ Material၊ နည်းပညာ၊ စက်ပစ္စည်း၊ ကားဆေးသား၊ textures နှင့် finish တွေအရ Mercedes-Benz S-Class ဟာ I.C.E Full-size luxury sedan များထဲ benchmark ပါဘဲ။

ဒီကနေ့ခေတ် နောက်ဆုံးပေါ် W223 S-Class ကိုဘဲ ပြောချင်တာမဟုတ်ဘဲ S-Class တစ်ခုလုံးပါ။ ဒါဆိုရင်ရော EV ဘက်ခြမ်းမှာရော S-Class ရှိပြီလား? အများစုကတော့ S ချင်း တူတဲ့ Model S ကို ပြေးမြင်ကြလိမ့်မယ်။ ဒါပေမယ့် သေချာပြန်စဉ်းစားပါ၊ Tesla တွေက နည်းပညာမြင့်တယ်၊ efficient ဖြစ်ပြီး သိပ်ကိုမှ လျှင်မြန်ကြတယ်ဆိုပေမယ့် Luxury ကဏ္ဍထဲမှာတော့ မပါဝင်သေးပါဘူး။ ကျွန်တော့်မှာ ကားမရှိပေမယ့် စာဖတ်သူက Model-S ကို Luxury ဖြစ်ပါတယ်လို့ ခံယူထားရင်တော့ Automotive Knowledge ပိုင်း အားနည်းနေတယ်လို့ဘဲ ယဉ်ယဉ်ကျေးကျေးနှင့် ပြောပါရစေ။ ဒါဆိုရင် EV လောကရဲ့ S-Class က ဘယ်သူလဲ? နောက်ပြီး ဟောဒီက LUCID Air ကရော Tesla Model S ကို S-Class အင်္ဂါရပ်များ ပုံသွင်းထားတဲ့ ဇွတ် Luxury EV လား…ဒီပုစ္ဆာတွေကို တစ်ခုချင်းဖြေပေးမှာမဟုတ်ဘဲ “ LUCID ဆိုသည်မှာ “ ခေါင်းစဉ်အောက် ကျွန်တော်လေ့လာထားမိသလောက် တင်ဆက်ပေးသွားပါ့မယ်။ ကျွန်တော့်နာမည် အာကာပြည်စုံပါ၊ ထုံးစံအတိုင်း စာရှည်ပါမယ်။ Let’s get started!!!

(ယခု article အား Hagerty Media မှ Jason Cammisa on ICONS' ရှိုးရဲ့ LUCID Air Full Review မှ influence များအောက် ရေးသားထားပါတယ်)

ဒါက ကျွန်တော်ရေးထားတဲ့ EV နှစ်စီးအကြောင်းပါ!

𝗔𝗹𝗹 𝗡𝗲𝘄 𝗟𝗲𝘅𝘂𝘀 𝗥𝗭𝟰𝟱𝟬𝗲 - https://bit.ly/3ZVZjLE

𝗔𝗹𝗹 𝗡𝗲𝘄 𝗞𝗜𝗔 𝗘𝗩𝟲 - https://bit.ly/48NxucJ

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

လိုအပ်သည်ထက် သာလွန်သော EV များရဲ့ Performance [ စာရှည်ပါမယ်ခင်ဗျာ ] လီဗာလေး တစ်ချက်နင်းလိုက်တာနှင့်၊ ကျောပြေးကပ်၊ နှလုံး...
26/10/2023

လိုအပ်သည်ထက် သာလွန်သော EV များရဲ့ Performance [ စာရှည်ပါမယ်ခင်ဗျာ ]

လီဗာလေး တစ်ချက်နင်းလိုက်တာနှင့်၊ ကျောပြေးကပ်၊ နှလုံးခုန်နှုန်းချက်ချင်းမြန်လာပြီး Instant Adrenaline Rush ကို ပေးစွမ်းနိုင်တဲ့ ကားမျိုးကို ဖြေပါလို့ ကျွန်တော်က လွန်ခဲ့တဲ့ (၅) နှစ် - 2018 လောက် စာဖတ်သူကို မေးမယ်ဆိုရင် စာဖတ်သူတို့အနေနှင့် Ferrari 488 GTB၊ Aventador SVJ၊ ဒါမှမဟုတ်လည်း Britain’s Rocket လို့ တင်စားနိုင်တဲ့ McLaren 720S တို့ဆိုပြီး တစ်ယောက်တစ်ပေါက် ဖြေကြမှာပါ။ အဲ့လိုမှ မဟုတ်ဘဲ နောက်လာမည့် (၅) နှစ် - 2028 လောက်မှာ မေးရင်တော့ ဒီအဖြေတွေဟာ 2018 တုန်းကနှင့် တူချင်မှတူတော့မှာပါ။ ကားမော်ဒယ်မတူတာကို ပြောချင်တာမဟုတ်ဘဲ ကားအမျိုးအစားမတူနိုင်တာကို ဆိုလိုချင်တာဗျ။ တိတိကျကျဖြေရရင်တော့ I.C.E (Internal Combustion Engine_အင်ဂျင်သုံး) နှင့် EV ပေါ့။ ဒီကနေ့ခေတ်ရဲ့ Automotive နယ်ပယ်ကို ကြည့်လိုက်မယ်ဆိုရင် EV Brand အများစုဆီကနေ လွန်ခဲ့တဲ့ နှစ် (၂၀) ကျော်အတွင်း I.C.E ကားတွေဆီကနေ တစ်ခါမှမကို မကြားဖူးတဲ့ ကမ္ဘာ့စံချိန်သစ်တွေ၊ Benchmark အသစ်တွေကို ကြားကြားနေတယ်ဗျ။ ဒါတွေက ဘာကြောင့်လဲ၊ နောက်ပြီးတော့ EV တစ်စီးရဲ့ အဓိကရည်ရွယ်ချက်က Efficient ဖြစ်ဖို့နှင့် ကာဗွန်အညစ်အကြေးလျှော့ချဖို့ မဟုတ်လား? ဒါဆိုရင် ဘာကြောင့်များ ဒီ EV တွေက မယုံနိုင်လောက်အောင်ကို မြန်နေရတာလဲ၊ မြန်ရုံတင် မဟုတ်ပါဘူး။ Model S PLAID ဆိုရင် မည်သည့် aerodynamics ပိုင်းအကူအညီမပါဘဲတောင် Track Capable ဖြစ်နေရတာလဲ? Elon Musk မဟုတ်လို့ ကျွန်တော်လည်း ဒီမေးခွန်းတွေကို ကိုယ်တိုင် အတိအကျမသိပေမယ့် လေ့လာထားမိသလောက်၊ လက်လှန်းမှီသလောက် စာဖတ်သူနှင့်အတူ အဖြေရှာကြည့်ချင်တယ်ခင်ဗျ။

EV တွေ သိပ်မြန်လာတာကို မေးခွန်းမထုတ်ဘဲ ကားတွေက နှေးလာတာလားဆိုပြီး ပြန်စဉ်းစားကြည့်မယ်ဆိုရင် I.C.E ကားတွေက မနှေးပါဘူး။ သမိုင်းကြောင်းပြန်လှန်ရမယ်ဆိုရင် ကျွန်တော်တို့ လူသားတွေဟာ Hybrid အကူအညီမပါဘဲ အင်ဂျင်တစ်လုံးကို အမျိုးမျိုးလုပ် Maximum Horsepower & Performance ထွက်အောင် နည်းလမ်းပေါင်းစုံသုံးခဲ့ပြီးပါပြီ။

More cylinders equal more speed? Checked ☑

Turbocharger (သို့မဟုတ်) Supercharger မသုံးဘဲ ဆလင်ဒါအရေအတွက်ခပ်များများနှင့် မြန်ဆန်အောင်လုပ်မှာလား? V12 နှင့် Flat 12 မော်ဒယ်တွေကို ပြန်ကြည့်လိုက်ပါ။ Lamborghini Flagship V12 မော်ဒယ်များဟာ ဒီမေးခွန်းရဲ့ အဖြေပါဘဲ။ Sports-car Racing Series အဟောင်းများက ဂန္တဝင်ကားတွေသာ ထည့်ပြောရင် စာက ကုန်မှာတောင်မဟုတ်ပါဘူး။ အင်ဂျင်လည်းကြီးသလို ဆလင်ဒါလည်း များတာကြောင့် ဒီကားတွေက 0-60 နှေးကောင်းနှေးပေမယ့် Top Speed မှာတော့ 200 mph ကနေ 220 mph အထိ အသားလေးစွမ်းဆောင်ပေးနိုင်ပါတယ်။

Less cylinders plus forced induction systems equal more speed? Checked ☑

ဆလင်ဒါအရေအတွက် နည်းနည်း၊ အင်ဂျင် displacement သေးသေးကို Forced Induction Systems (Turbocharger နှင့် Supercharger) အသုံးပြုရင်း ပိုမြန်အောင်လုပ်မှာလား? Group B Rally ကားများနှင့် ဒီကနေ့ခေတ်ရဲ့ Hatchback အများစုကို ကြည့်လိုက်ပါ။ 300 HP ကနေ 600 HP အထိကို Turbocharged Inline 4 နှင့် Inline 5 အင်ဂျင်အသေးလေးတွေကနေ အသာလေးထုတ်နိုင်သလို 0-60 mph အရှိန်နှုန်းကို 4 - 5 စက္ကန့်အတွင်း ရောက်ရှိနိုင်ပါတယ်။

Big engine plus big turbos equal more speed? Checked ☑

အင်ဂျင် displacement အကြီးတွေကို တာဘိုခပ်ကြီးကြီး (သို့မဟုတ်) တာဘိုများများ တပ်ပြီး အင်မတန်မြန်အောင်လုပ်မှာလား? Quad-turbo W16 နှင့် Bugatti Veyron မထွက်လာခင် Top Speed 253 mph အမြန်နှုန်းနှင့် ကမ္ဘာ့အလျင်မြန်ဆုံးကား ဂုဏ်ပုဒ်ကို သိမ်းပိုက်ခဲ့တဲ့ 5.9L Quad-turbo V12 အင်ဂျင်သုံး Ford GT90 ကို ဥပမာယူကြည့်ပါ။ စာဖတ်သူအများစုဟာ Performance နှင့် Top Speed လို့ ပြောရင် Ford ကို လူရာသွင်းမှာ မဟုတ်ကြလို့ ကျွန်တော်က GT90 အကြောင်း ထည့်ပြောရတာပါခင်ဗျ။ တာဘိုအရေအတွက်ကို မကြည့်ဘဲ ကမ္ဘာပေါ်မှာ အသုံးအများဆုံး variation ဖြစ်တဲ့ Twin-Turbo V8 ဆိုရင်တောင် 5.0L Twin-turbo V8 သုံး Koenigsegg မော်ဒယ်များစွာ ရှိပြန်ပါသေးတယ်။

Turbocharger plus supercharger equals more speed? Checked ☑

ဆလင်ဒါလည်း အများကြီးဖြစ်စရာမလိုဘူး။ သုံးနေကျ V8 ကိုဘဲ Turbocharger ရော Supercharger ရော ထည့်ပြီးသုံးမယ်။ အိုကေလေ၊ ရတာပေါ့။ ဒိန်းမတ် (Denmark) နိုင်ငံအခြေစိုက် တက်သစ်စ Hypercar ကုမ္ပဏီဖြစ်တဲ့ Zenvo က သူတို့ရဲ့ ငါးခူရုပ် ST1 Hypercar နှင့် ရယ်ပြနေပါလိမ့်မယ်။ ဒါမျိုး variation ကို Twin-charger/Twin-charging လို့ ခေါ်ပါတယ်။

Screw all above, let’s use a Honda engine! Checked ☑

အပေါ်က နည်းလမ်းတွေ တစ်ခုမှမသုံးဘူးဗျာ။ Honda အင်ဂျင်နှင့် ဖြုတ်မယ်။ အခုလို ပြောတော့ စာဖတ်သူအများစုက ရယ်လိမ့်မယ်။ ဒီကောင် Tik Tok က Laptop တပ်ထားတဲ့ Civic တွေ မြင်ပြီး K-series ကို အထင်ကြီးနေပါတယ်ပေါ့။ နိုး နိုး၊ ပြန်စဉ်းစားပါ။ အပေါ်က နည်းလမ်းတွေ တစ်ခုမှမဟုတ်ဘူးဆိုတော့ Turbo လည်းမသုံး Chain-driven Supercharger လည်း မသုံးဘဲ အင်ဂျင်ကလည်း သေးရဦးမယ် (ဆလင်ဒါနည်းတယ်မပြောဘူးနော်၊ သေးဘဲသေးရုံပါ)။ ဒါဆိုရင် Ayrton Senna အတွက် ဒုတိယအကြိမ်နှင့် McLaren F1 Team တို့ကို တတိယအကြိမ် ကမ္ဘာ့ချန်ပီယံရရှိစေခဲ့သော Honda ရဲ့ 685 HP 3.5L NA V10 အင်ဂျင်ကို လက်ပြလိုက်ပါ။ သေးတယ်၊ ဆီစားနည်းတယ်၊ ပျင်းစရာလည်းကောင်းတဲ့ Hatchback ပိစိ၊ ကားပိစိလေးတွေ ထုတ်တဲ့ Honda ဆီကနေ ဒါမျိုးထွက်လာမယ်လို့ မထင်ထားဘူးမဟုတ်လား? Fun fact ပါထပ်ပြောပြရဦးမယ်ဆိုရင် ကမ္ဘာ့ပထမဦးဆုံး Hypercar ဖြစ်တဲ့ McLaren F1 (Roadcar ပါ၊ ဖော်မြူလာဝမ်းပြိုင်ကားမဟုတ်) မော်ဒယ်ဟာလည်း ပထမအစက Honda ထုတ် 4.5L V10 (သို့မဟုတ်) V12 နှင့်ဆိုပြီး စီစဉ်ထားခဲ့တာဗျ။ ဒါပေမယ့်လည်း Honda ဘက်က စိတ်မဝင်စားခဲ့တာကြောင့် ကားတည်ဆောက်သူ Gordon Murray အနေနှင့် BMW ဆီကို ချဉ်းကပ်ခဲ့ရပါတယ်။

ဆိုတာ့ကာ ကျွန်တော်အပေါ်မှာ ပြောပြခဲ့တဲ့ အခြေအနေအရပ်ရပ်ကို ပြန်လည်သုံးသပ်ကြည့်ရမယ်ဆိုရင် ကျွန်တော်တို့ သိပ်ချစ်တဲ့ I.C.E ကားတွေက နှေးတာမဟုတ်ပါဘူး။ ကျွန်တော်တို့ လူသားတွေကိုယ်တိုင်ကိုက Hybrid (or) Electric Powertrain မသုံးဘဲ Gasoline၊ Oxygen၊ ဆလင်ဒါ၊ ပစ္စတင်၊ ဂီယာများကို အသုံးပြုပြီး အင်ဂျင်များကို ၎င်းတို့ ကျော်လွန်ရန် မဖြစ်နိုင်တော့သည့် အနေအထားအထိ လေ့လာ၊ ဆန်းသစ်၊ တည်ဆောက်၊ ဖန်တီးခဲ့ပြီးပါပြီ။

အင်ဂျင်သုံး ကားတစ်စီးမှာက 0 RPM - RPM Redline ချက်ချင်းကောက်နင်းပြီး EV တွေလို ရပ်နေရာကနေ ဝုန်းကနဲ instant accelerate ဖို့က (လုံးဝ) လုံးဝကို မဖြစ်နိုင်ပါဘူး။ ဒီစာကြောင်းမှာ ကျွန်တော်က “ အင်ဂျင်သုံး ကားတစ်စီး “ ဆိုပြီး ပြောသွားခဲ့တာ သတိထားမိတယ်ဟုတ်? ဘာကြောင့် အခုလိုပြောရသလဲဆိုရင် အင်ဂျင်သုံးကားမှာက Limit တစ်ခုရောက်သည်အထိသာ ကျွန်တော်တို့က ကလိခွင့်ရှိပြီး ဒါဟာလည်း မောင်းနှင်သူ၊ လမ်း၊ လမ်းသွားလမ်းလာတို့အပြင် အခြားသော မော်တော်ယာဉ်များရဲ့ ဘေးကင်းလုံခြုံမှုအတွက်ပါ။ ကားတွေကို ဒီထက်ပိုမြန်အောင် လုပ်လို့မရတာ မဟုတ်ဘူး၊ ရပါတယ်။ ဘယ်လိုရသလဲဆိုရင် Drag Race တွေမှာမြင်တွေ့ရမည့် တစ်ခါသုံး Dragster တွေ၊ သို့မဟုတ် Land Speed Record စံချိန်ချိုးဖို့သာ ဖန်တီးထားတဲ့ One-off Experimental စမ်းသပ်ခံ ကားမော်ဒယ်တွေပါ။ ဒီကားတွေကို နေ့စဉ်ဘဝမှာ အသုံးပြုဖို့ မည်သည့်နည်းနှင့်မှ မသင့်လျော်ပါဘူး။ ဘာနှင့်သွားတူသလဲဆိုရင် သာမန် စနိုက်ပါရိုင်ဖယ်တစ်လက် (EV ကို ကိုယ်စားပြုခြင်းဖြစ်) ကိုမှ စစ်တပ်သုံးအမြှောက်ကြီးနှင့် (Dragster နှင့် One-off Experimental များကို ကိုယ်စားပြုခြင်းဖြစ်) သွားယှဉ်သလို ဖြစ်တာပေါ့။

စာအရှည်ကြီးနှင့် ရှင်းပြတာက အလကားတော့ မဟုတ်ပါဘူး။ ဘာကြောင့်လဲဆိုရင် EV တစ်စီးက လျှင်မြန်ဖို့ လိုတာလား၊ ဘာကြောင့် Ferrari တွေထက်တောင် ပိုမြန်နေရတာလဲဆိုသော မေးခွန်းများရဲ့ အဖြေက သိပ်ကိုမှ ရိုးရှင်းလို့ I.C.E ကို ကားအကြောင်းမနှံ့စပ်သေးတဲ့ ကားဝါသနာရှင်ညီကိုမောင်နှမ အသစ်များကို ရှင်းပြပေးတဲ့ သဘောပါ။ ဆိုတော့ကာ EV တွေက ဘာကြောင့်မြန်တာလဲ? ကျွန်တော်ရှင်းပြထားတဲ့ အစောပိုင်း စာပိုဒ်တွေမှာတင် အဖြေက ပါနေပါပြီ။ Road-legal အင်ဂျင်သုံး Production ကားတွေမှာက မြန်လည်းမြန်ရမယ်၊ Safety Feature တွေလည်း စုံပြီး၊ တင်သွင်းမည့် Region အလိုက် နိုင်ငံအရပ်ရပ်က သတ်မှတ်ထားသော စံချိန်စံနှုန်းတွေကို ညီရဦးမည့်အပြင် ပြိုင်ဘက် brand က မပေးစွမ်းနိုင်တဲ့အရာကို ပေးစွမ်းဖို့လည်း ကြံဖန်ရပြန်တော့ 4.0L V8 မကလို့ 5.2L V10 ကြီးကို Twin-turbo လုပ်ထားပါစေ၊ EV တွေရဲ့ instant acceleration ကို တော့မှီမှာမဟုတ်သလို၊ EV တစ်စီးမြန်ဖို့က ရှုပ်ထွေးပြီး ရပ်ကွက်က လက်မခံနိုင်လောက်အောင် ကျယ်လောင်တဲ့ အင်ဂျင် build တွေ၊ နောက်ဆုံးပေါ် modification တွေ မလိုအပ်ပါဘူး။ ဒီလိုပြောလိုက်လို့လည်း I.C.E ကားတွေ အကုန်လုံးက အာပလာဖြစ်နေပြီလို့ မဟုတ်၊ ကျွန်တော်တို့ ကိုယ်တိုင်ကိုက EV တွေကို I.C.E နှင့် သွားသွားမယှဉ်သင့်တာ။ They are both from different leagues။ Pixar Animation Studio က ရိုက်ကူးတဲ့ Cars 3 ကို ကြည့်ဖူးကြတယ်ဟုတ်? ဒီထဲမှာဆိုရင် ကျွန်တော်တို့ရဲ့ ဇာတ်လိုက်မင်းသား Lightning McQueen က season အမျိုးမျိုး၊ ဖလားအမျိုးမျိုးရရှိပြီးသော်လည်း Next-generation Cup Car တွေနှင့် ယှဉ်တဲ့အခါ Limit ချင်း လိုက်မပြိုင်နိုင်ခဲ့ပါဘူး။ ဇာတ်ကားထဲက Next-gen ကားတွေက EV မဟုတ်ပေမယ့် ကျွန်တော်ပေးချင်တဲ့ ဥပမာကို သိကြမှာပါ။ နောက်ဆုံးတစ်ချက်က EV တွေ မြန်တယ်ဆိုတာက Marketing Tool တစ်ခုပါ။ I.C.E ကားတွေကို ကမ္ဘာ့လူဦးရေရဲ့ 98% လောက်က ရင်ထဲစွဲထင်နေပြီးသားမလို့ ဒီလောကထဲ ထိုးဖောက်ဖို့ဆိုရင် ကြွယ်ပြစရာ၊ ကြွားပြစရာ Performance Figure ဂဏန်းတွေ လိုအပ်ပါတယ်။ နောက်ထပ်တစ်ခု ပိုဆိုးတာက Tesla Model S PLAID ဟာ 3x e-Motor နှင့် မြင်းကောင်ရေ (1,020) ကိုမှ 0-60 mph အရှိန်နှုန်းကို 1.99 စက္ကန့်ဆိုပြီး benchmark သတ်မှတ်လိုက်ချိန်မှာတော့ နောက်ထွက်လာတဲ့ Luxury EV Sedan များဟာလည်း ဒီဂဏန်းတွေကို မကျော်ရင်တောင်မှ မြင်းကောင်ရေ (500) ကို အောက်ထစ်ထားပြီး ထုတ်လာတတ်ကြတယ်ခင်ဗျ။ နောက်ပြီး High-performance EV တစ်စီးကို လူတွေဝယ်တယ်ဆိုတာကလည်း ဒီမြင်းကောင်ရေတွေကို မက်မောလို့မဟုတ်သလို ဒီမြင်းကောင်ရေအများကြီးကိုလည်း မလိုအပ်ပါဘူး။ Tesla လို High-performance တစ်စီးကို ဘာကြောင့်စီးကြသလဲဆိုရင် efficient ဖြစ်ဖို့ရယ်၊ နောက်ဆုံးပေါ် နည်းပညာများကို ရိုးရှင်းလွယ်ကူတဲ့ Infotainment ကနေ အလွယ်တကူထိန်းချုပ်နိုင်တာ ကြောင့်ရယ်၊ ဒီကနေ့အချိန်ထိ အကောင်းဆုံးလို့ သတ်မှတ်နိုင်တဲ့ ၎င်းရဲ့ AutoPilot စနစ်တို့ရယ်ကြောင့်ဗျ။ အမလေး၊ မေ့တော့မလို့၊ သူ့ရဲ့ Charging Network ကလည်း ဖွံ့ဖြိုးပြီးသား နိုင်ငံကြီးတွေမှာ ပေါပေါများများရှိပြီးသား ကဲ ဘာလိုသေးလဲ။ ဒီ case မှာဆိုရင် Tesla တင်မဟုတ်ဘဲ EV တိုင်းလိုလိုက ၎င်းတို့တည်ရှိတဲ့ Compact ဆို Compact၊ Mid-size ဆို Mid-size၊ Full-size ဆို Full-size segment တိုင်းလိုလိုမှာ I.C.E ကားတွေနှင့် ဈေးနှုန်းတူ၊ brand အတူတူလောက်ကိုတောင် HP က အမြဲတမ်းပိုများနေဦးမှာပါ။ ဒါက လိုအပ်သလားဆိုရင် မလိုအပ်ဘူး၊ ဒါပေမယ့် e-Motor ကနေ HP ထုတ်ဖို့က အင်ဂျင်တစ်လုံးထက် အဆပေါင်းများစွာ ပိုမိုလွယ်ကူလို့ ဒီ EV တွေကို ဝယ်ရင် ဆိုဒ်တူဂိုက်တူ I.C.E ကားတွေထက် မြင်းကောင်ရေ 100-150 လောက် ပိုများတာဟာ ဘောက်ဆူးသဘောပါ။ Model S PLAID ရဲ့ ရည်ရွယ်ချက်ဟာလည်း Porsche နှင့် Ferrari တွေကို ကျော်တက်ဖို့ လူတွေကို ထုတ်ပေးထားတာမဟုတ်ဘဲ ၎င်းတို့ EV ပိုင်းမှာ မည်မျှထိလုပ်နိုင်တယ်၊ တတ်စွမ်းနိုင်တယ်ဆိုတာကို ပြချင်ရုံသဘောပါဗျ။ နောက်ပြီး EV တွေဟာ ပိုဘဲ မြန်လာမှာပါ၊ ဒါကို ကျွန်တော်တို့ သိပ်ကိုမှ ချစ်တဲ့ I.C.E တွေက မမှီတော့ပါဘူးကွာ ဆိုပြီး စိတ်ထဲ ဘဝင်မကျဖြစ်စရာ အကြောင်းမရှိပါဘူး။ Powertrain မတူညီတဲ့ Vehicle များဖြစ်ကြလို့ပါ။ ကျွန်တော် အာကာပြည်စုံပါခင်ဗျ။ ကောင်းသော ညချမ်းလေးကို ပိုင်ဆိုင်နိုင်ကြပါစေ။ Model S ရဲ့ တိုက်ရိုက်ပြိုင်ဘက်ဖြစ်သော LUCID Air Lineup အကြောင်းလည်း လာဖို့ရှိပါတယ်ခင်ဗျာ။

ဒါက ကျွန်တော်ရေးထားတဲ့ EV နှစ်စီးအကြောင်းပါ!

𝗔𝗹𝗹 𝗡𝗲𝘄 𝗟𝗲𝘅𝘂𝘀 𝗥𝗭𝟰𝟱𝟬𝗲 - https://bit.ly/3ZVZjLE

𝗔𝗹𝗹 𝗡𝗲𝘄 𝗞𝗜𝗔 𝗘𝗩𝟲 - https://bit.ly/48NxucJ

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

𝗡𝗶𝘀𝘀𝗮𝗻 𝗛𝗬𝗣𝗘𝗥 𝗙𝗢𝗥𝗖𝗘 (𝗥𝟯𝟲 𝗚𝗧-𝗥 𝗖𝗼𝗻𝗰𝗲𝗽𝘁)ဒီ​ကောင်က​တော့ ကျွန်​တော်အ​စောပိုင်းက တင်ဆက်​ပေးခဲ့တဲ့ သတင်းအပိုင်းအစမှ R36 GT-R နှ...
25/10/2023

𝗡𝗶𝘀𝘀𝗮𝗻 𝗛𝗬𝗣𝗘𝗥 𝗙𝗢𝗥𝗖𝗘 (𝗥𝟯𝟲 𝗚𝗧-𝗥 𝗖𝗼𝗻𝗰𝗲𝗽𝘁)

ဒီ​ကောင်က​တော့ ကျွန်​တော်အ​စောပိုင်းက တင်ဆက်​ပေးခဲ့တဲ့ သတင်းအပိုင်းအစမှ R36 GT-R နှင့် အနီးစပ်ဆုံး early concept ​မော်ဒယ်ပါဗျ။ ​ဒီကားရဲ့ ဒီဇိုင်းပိုင်းကိုဘဲ အ​ပေါ်ယံကြည့်ပြီး ပြစ်တင်​ဝေဖန်​မယ်ဆိုရင်​တော့ ​နောက်ပိုင်းတကယ်ထွက်လာရင် Nissan အ​ပေါ် အားနာမိပါလိမ့်မယ်။ ဘာ​ကြောင့်လဲဆိုရင် ​နောက်ဆုံးထွက်ရှိခဲ့တဲ့ 2024 NISMO GT-R နှင့် NISMO Fairlady Z တို့ကို ကြည့်တာနှင့်တင် NISMO Z မှာက လွန်​လေပြီးတဲ့ Fairlady မျိုးဆက်​ဟောင်းများမှ design traits များကို ​တွေ့စရမည့်အပြင် 2007 ခုနှစ်ကတည်းက ထုတ်လာတဲ့ R35 ကိုလည်း ရိုးအီ​နေတာမှန်​ပေမယ့် ဆက်လက်အမြင်ဆန်း​အောင် aerodynamics design tweaks ​တွေ ကလိတတ်လွန်းသူက Nissan ဗျ။ ဒါ​ကြောင့် ယခု concept က တကယ်လို့ အ​ချောထွက်လာရင် Skyline မျိုးဆက်များအပါအဝင်၊ R35 GT-R ဆီက​နေပါ iconic ဒီဇိုင်းအ​မွေအနှစ်တို့ကို ဆက်ခံသွားမယ်လို့ ​မျှော်လင့်ရတယ်ဗျ။ EV မဟုတ်ရင်​တောင် Hybrid ​တော့သွားမှာပါလို့ ​မျှော်လင့်ခဲ့ရ​သော်လည်း အင်ဂျင်​ဟောင်းသာ ဆက်မသုံးရင် EV Powertrain က ​သေချာသ​​လောက်ရှိ​နေပါပြီ။ တကယ်ထုတ်ဖို့ plan ရှိရှိမရှိရှိ ခဏ​​ဘေးဖယ်ပါ၊ အခုတစ်​ခေါက် Nissan ဘက်က​နေ R36 နှင့်ပတ်သတ်တဲ့ သတင်းအစအန မိတ်ဆက်တာက နှစ်​ပေါင်း (၁၅) နှစ်အတွင်း ဒါပထမဆုံးဘဲဗျ။ ​အော်၊ စကားများ​နေလိုက်တာ၊ လာလာ detail ပုံရိပ်​တွေကို အတူကြည့်ရှုလိုက်ရ​အောင်...

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

R36 GT-R နှင့်အနီးစပ်ဆုံး electric-concept မော်ဒယ်သစ်လွန်ခဲ့​သော ဆယ်စုနှစ်တစ်ခု​ကျော်​ကျော် ကာလထဲ ဂျပန်လူမျိုးတို့ရဲ့ En...
25/10/2023

R36 GT-R နှင့်အနီးစပ်ဆုံး electric-concept မော်ဒယ်သစ်

လွန်ခဲ့​သော ဆယ်စုနှစ်တစ်ခု​ကျော်​ကျော် ကာလထဲ ဂျပန်လူမျိုးတို့ရဲ့ Engineering၊ Craftsmanship နှင့် ကမ္ဘာ​ကျော် Skyline GT-R မျိုးဆက်ရဲ့ အနှစ်သာရကို သယ်​ဆောင်လာပြီး ကမ္ဘာ​​ပေါ်မှာရှိတဲ့ မည်သည့် Race Track မျိုးမှာမဆို ဂျာမန်ပြိုင်ဘက်များဖြစ်တဲ့ AMG၊ Porsche နှင့် BMW M တို့ကို စိန်​ခေါ်ခဲ့နိုင်တဲ့ တစ်ခုတည်း​သော ဂျပန်​ Super-sports ကားတစ်စီး။

ဆလင်ဒါလည်း အများကြီးမဟုတ်၊ Fancy ဖြစ်ပြီး ရှုပ်​​ထွေးတဲ့ အီတာလျံ Flatplane V8၊ NA V10 နှင့် V12 အင်ဂျင်​တွေလည်းမဟုတ်ဘဲ ရိုးရှင်းတဲ့ Twin-Turbo V6 နှင့်တင် bully လုပ်ခဲ့တဲ့ ကျွန်​တော်တို့ရဲ့ Godzilla ကြီး​တော့ ​နောက်ဆုံးမှာ​တော့ ​ဂေါ်ဇီလာမဟုတ်ဘဲ ပုတ်သင်ဖြစ်​တော့မယ်တဲ့လား? ဒါက dramatic ဖြစ်ဖြစ် စကားကို ကြွယ်ပြတာပါ၊ တကယ်​တမ်းမှာတာ့ ပုတ်သင်ဖြစ်တာ ကြာ​နေပါပြီ။ ကိုယ်တိုင်က R35 GT-R ကို ၎င်းရဲ့ မည်သည့်တိုးတက်မှုမှမရှိ ထိုးတက်လာတဲ့ ​စျေးနှုန်း​ကြောင့်သာ အပြစ်တင်ခဲ့​ပေမယ့် တကယ်တမ်း ကြိုက်လား မေးရင်၊ ကြိုက်ပါတယ်။ ကျွန်​တော့်အလုပ်နားက AUTO TUNE ဆိုင် (ယခု VOYAH Showroom) မှာ ရပ်ရပ်ထားတတ်တဲ့ NISMO GT-R ​လေးဆိုရင် ​နေ့တိုင်းမြင်ချင်လို့ ထမင်းစားချိန် အလုပ်နားတိုင်း AUTO TUNE ဆိုင်နားဘဲ ပတ်ပတ်​လျှောက်​နေကြပါ။ ဒီက​နေ့ သတင်းမှာက အ​ကြောင်းအရာနှစ်ခုရှိမယ်၊ ပထမတစ်ခုက ဒီ concept car ရဲ့ အတိုချုံး run down ပါ။ ဒုတိယတစ်ခုက​တော့ ဆက်စပ်ပြီး ​ရေးထားတဲ့ အချက်တစ်ချို့​ပေါ့။

စာဖတ်သူတို့ အခုရုပ်ပုံအတွင်း ​တွေ့မြင်​နေရတဲ့ ကားက​တော့ မနက်ဖြန် စတင်ကျင်းပမည့် 2023 Japan Mobility Show အတွက် Nissan ဘက်က ခင်းကျင်းပြသမည့် R36 GT-R ရဲ့အနီးစပ်ဆုံး​သော concept model ဖြစ်တဲ့ Nissan HYPER FORCE all-eletric concept ပါ။ GT-R နာမည် ​ပေါ်တင်မတပ်ထား​​ပေမယ့် ကားရှေ့ရုပ်က GT-R လိုဂိုဆန်ဆန် LED စာလုံးအနီ/အဖြူ​​လေးက မျက်စိမှုန်​နေသူများ​တောင် GT-R မှန်း တန်းသိနိုင်ပါတယ်။ ဆို​တော့ကာ ဒါ​တွေအကုန်လုံးက early-tease ​တွေ​ပေါ့။ " ဟာ၊ ၁၆ နှစ်​သား R35 က​တောင် လှ​သေးတယ်၊ ဒါကြီးက ဘယ်လိုဖြစ်တာလဲ " ဆိုပြီး အပြင်ပန်းဒီဇိုင်းအ​ပေါ် shock မရပါနှင့်။ ဒါက အ​ချောမသပ်ရ​သေးတဲ့ ရွှံ့တုန်းသာသာပါဗျ။ ယခု concept ကားကို ရုပ်ဆိုးတယ်ထင်ရင် R35 တုန်းက မူလ concept ​မော်ဒယ်ကို ရှာကြည့်လိုက်ပါ။ စာဖတ်သူရဲ့ EX လိုပါဘဲ၊ ပုံဆိုးပန်းဆိုးဗျ။ Just kidding!

အ​သေးစိတ်ပုံ​တွေကို 9:30 ကျရင် တင်​​ပေးမှာဖြစ်လို့ ​ခေတ္တစောင့်​နေကြဖို့ ​မေတ္တာရပ်ခံချင်ပါတယ်။ ​အော် ဒါနှင့်၊ ယခု​မော်ဒယ်က concept ဘဲမလို့ ဘယ်အရာမှ ရေရေရာရာပြောလို့မရတာကြောင့် specs တွေ၊ အတွင်းခန်းတွေ၊ အပြင်ပန်းဒီဇိုင်းတွေ aerodynamics တွေ ဘာပြုတယ်၊ ညာပြုတယ်တော့ ကျွန်တော်မပြောတော့ပါဘူး။

ဒုတိယပိုင်းကို စ ပြောရရင်တော့ သတင်း​ခေါင်းစဥ်အား တစ်​ခေါက်ပြန်ဖတ်ကြည့်လိုက်ရင် " မဖြစ်ပါ​စေနှင့်ကွာ၊ မဟုတ်မမှန်သတင်းဖြစ်ပါ​စေ " လို့ဘဲ ရင်ထဲက တ မိတယ်မဟုတ်လားဗျ။ သတင်း​ခေါင်းစဥ်ကို ကိုယ်တိုင်​ရေးတဲ့ ကျွန်​တော်​တောင် စိတ်​ထဲအလိုမကျပါဘူး။

NSX လိုမျိူး Hybrid assisted V6 မလုပ်ချင်ဘူး၊ Lexus လိုလည်း ​ဒေါ်လာ သန်းရာ​ကျော်အကုန်အကျခံပြီး LFA ရဲ့ 1LR-GUE V10 အင်ဂျင်မ​ဆောက်နိုင်ဘူးဘဲထားဗျာ။ လက်ရှိ R35 ရဲ့ 3.8L Twin-turbo V6 (VR38DETT) အင်ဂျင်က ​တော်​တော်​ကောင်း​နေဆဲပါ။ အင်ဂျင်ကို အသစ်မလုပ်ဘဲ 3.5L ​​လောက် ဆိုဒ်နည်းနည်းထပ်​သေး၊ AMG C63S အသစ်ကလို eletric-turbo တပ်ပြီး 600 HP ထုတ်လည်း ဘယ်သူမှ စိတ်မဆိုးပါဘူး။ အခုဟာက all-eletric လုပ်ဖို့ plan ​နေတာ မမြင်ချင်​ယောင်​ဆောင်လည်း သိသာ​နေတဲ့ အချက်ကြီးပါ။ ဒါဆိုရင် Nissan က I.C.E Powertrain အသစ်ဆောက်ဖို့ အသစ်မရှိတာလား? EV အဖြစ်သွားလိုက်ဖို့က R&D ပိုင်းရော ဘတ်ဂျတ်ပိုင်းကရော R35 ထက်ပိုပြီး အချိန်နှင့် ငွေအကုန်အကျ နည်းမှာမလို့လားဘဲ။ ဒီအကြောင်းတွေကို ဟောဒီက - https://bit.ly/3QuXdzblink မှာ ဝင်ရောက်ဖတ်ရှုနိုင်ပါတယ်ခင်ဗျာ။ ခဏနေ ပြန်လည်တွေ့ဆုံချင်ပါတယ်။

[ စာဖတ်သူဟောင်းနှင့် Regular စာဖတ်သူများအပေါ် အမှာစကား ]

Hi guys! ကျွန်တော် အာကာပြည့်စုံပါ။ စာဖတ်သူတို့ရဲ့ Boosted Media ပေချ့်ဟာဆိုရင် လတ်တလောမှာ JDM နှင့် F&F Pop-culture related သတင်းတွေ များနေတာ စာဖတ်သူတို့အသိပါဘဲခင်ဗျာ။ ဒီလိုမျိုး တမင်ရေးပြီး engagement only လိုက်ရှာနေသလားဆိတော့လည်း မဟုတ်ပါဘူး။ ကျွန်တော် EV တွေရယ်၊ Mustang 7th Gen အသစ်ရယ်ကို ရေးထားပါသေးတယ်။ ဟန် (Sung Kang) က Initial D ရိုက်မယ်ဆိုတာတွေ၊ ယခုတွေ့မြင်ရတဲ့ R36 Concept (HYPER FORCE) ဆိုတာတွေက မြန်မာပြည်အတွင်းရှိ ကားဝါသနာရှင်မဟုတ်သူတွေတောင် အလွယ်တကူ ဖတ်ရှုခံစားနိုင်မည့် သတင်းတွေဖြစ်လို့ ရေးထားပြီးတာတွေကို နောက်ပြန်ပြန်ဆုတ်ပြီး လက်ရှိ Hot နေတာတွေ အသားပေးတင်နေရလို့ပါခင်ဗျာ။ စာဖတ်သူဟောင်းများနှင့် Regular စာဖတ်သူတို့ အရင်ချိန်တုန်းက ဖတ်နေကျ Boosted Media နှင့်မတူဘဲ အရသာပေါ့ပျက်သွားခဲ့ရင် သည်းခံပေးပါလို့ ပြောချင်ပါတယ်ခင်ဗျာ။

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

မအက်စပ်တဲ့ အရာနှစ်ခုကို ပေါင်းစပ်ထားသော BMW တစ်စီးတွဲစားလေ့မရှိတဲ့ သရေစာနှစ်ခုကို တစ်ခါတည်း တွဲစားကြည့်တဲ့အခါ၊ သူမတူ ဖော...
22/10/2023

မအက်စပ်တဲ့ အရာနှစ်ခုကို ပေါင်းစပ်ထားသော BMW တစ်စီး

တွဲစားလေ့မရှိတဲ့ သရေစာနှစ်ခုကို တစ်ခါတည်း တွဲစားကြည့်တဲ့အခါ၊ သူမတူ ဖော်ပြရခက်တဲ့ အရသာသစ်၊ အတွေ့အကြုံသစ်မျိုး ရတတ်တယ်ဟုတ်? ဥပမာဆိုရင်ဗျာ၊ ကျွန်တော် ကြီးပြင်းလာတဲ့ မန္တလေး (တစ်တိုင်းလုံး မဆိုလို) မှာက ရေခဲမုန့်ဆိုရင် ကတော့နှင့်ဘဲ၊ ဒါမှမဟုတ်ရင် တုတ်ချောင်းနှင့်ပေါ့။ ရန်ကုန်ကျောင်းရောက်တော့ ထူးထူးဆန်းဆန်း၊ ပေါင်မုန့်နှင့် ညှပ်စားတယ်ဗျ။ အစကတော့ နားမလည်ဘူးပေါ့၊ နောက်ပိုင်းစားကြည့်ဖူးမှ “ အော် ဒီလိုကိုး “ ဆိုပြီး သဘောကျသွားတာ အခုချိန်ထိပါ။ မန္တလေးသားဆိုပြီး ဝိုင်းမဖြုတ်ကြပါနှင့်ဦး၊ cmt မှာ။ Anyway၊ အခု ပြောပြမယ့် အကြောင်းအရာမှာ ရေခဲမုန့်ကို ကားတစ်စီးရဲ့ Performance_စွမ်းဆောင်ရည်နှင့် ပေါင်မုန့်ကိုတော့ Practicality_လက်တွေ့အသုံးပြုနိုင်မှုဆိုပြီး သတ်မှတ်လိုက်ရအောင်။

အစားအသောက်မှာတော့ ရေခဲမုန့်ကို ယူ၊ ပေါင်မုန့် (၂) ချပ်နှင့် ရော့အင့်ဆိုပြီး ညှပ်စားလိုက်လည်းဖြစ်ပေမယ့် automotive နယ်ပယ်မှာ ဒီ P နှစ်လုံးကို ပေါင်းစပ်ဖို့ရာ အတော်လေးခက်ခဲပါတယ်။ အလွယ်ဆုံးနည်းနှင့် ရှင်းပြရမယ်ဆိုရင် Performance မြင့်ဖို့က မြင်းကောင်ရေများများထွက်ဖို့ လိုတယ်၊ မြင်းကောင်ရည်များများထွက်ချင်ရင် Displacement များတဲ့ အင်ဂျင်တစ်လုံးလိုအပ်သလို အဲ့သလိုမှမဟုတ်ရင်လည်း Forced Induction စနစ် (၃) ခုဖြစ်တဲ့ Turbocharging၊ Supercharging နှင့် Twin-charging (Supercharger အသေး + Turbo အလတ်) တို့ကို တွဲသုံးရမယ်ဗျ။ အထက်ဖော်ပြပါနည်းလမ်းများဟာ ဘယ်လိုဘဲနေနေ ဆီစားရာကနေ ပြင်ဆင်စရိတ်နှင့် ပြင်ဆင်ထိန်းသိမ်းရ ခက်ခဲတာတို့ကြောင့် Performance ဆိုတာထွက်နေသော်လည်း Practicality မရှိပါဘူး။

ထိုနည်းလည်းကောင်းပါဘဲ၊ ကျွန်တော်တို့ နေ့စဉ်လမ်းမပေါ်တွေ့နေတဲ့ Honda Civic၊ CR-V၊ Toyota Corolla၊ Caldina နှင့် Honda Accord များဟာ နေ့စဉ်အသုံးပြုဖို့၊ စရိတ်စကနည်းဖို့နှင့် ဆီဖိုးသက်သာအောင် ထုတ်လုပ်ထားတဲ့ economy ကားများဖြစ်လို့ Practicality ဆိုတဲ့ P တစ်လုံး ဂုဏ်ထူးထွက်ထားပေမယ့် Performance ဘာသာအချိန်ဆို နောက်ဆုံးတန်းမှာ ပေါင်မုန့်ရေခဲညှပ်ခိုးခိုးစားတဲ့ ကျွန်တော့်လိုကောင်တွေပါ။ ဒါပေမယ့် ဒီဘာသာနှစ်ခုလုံးမှာ ထူးချွန်ထားတဲ့ စွယ်စုံရ ကျောင်းသားတစ်ယောက်ရှိတယ်ဗျ။ သူက စာဖတ်သူတို့ လက်ရှိပိုစ့် ရုပ်ပုံမှာ တွေ့မြင်ရမည့် BMW M3 Touring ပါ။ “ ဟိတ်၊ ကိုယ့်နိုင်ငံအခြေအနေနှင့် ဒီဒေါ်လာ (၁) သိန်းနီးပါးတန်တဲ့ BMW ကို Practical ဖြစ်သတဲ့လား? “ လို့ မေးရင် ဟုတ်ကဲ့၊ ဖြစ်ပါတယ် (နှင့်) ဟုတ်ကဲ့၊ မဖြစ်ပါဘူးဆိုပြီး နှစ်မျိုးဖြေပေးရမယ်ဗျ။

သေချာတာပေါ့၊ အခြေခံလူမှုနေထိုင်မှုဘဝ လိုအပ်ချက်များထဲက နှစ်ခုဖြစ်တဲ့ သုံးရေနှင့် လျှပ်စစ်မီးတောင် လုံလုံလောက်လောက်မရတဲ့ ကျွန်တော်တို့ နိုင်ငံမှာတော့ ဒေါ်လာ (၁) သိန်းတန် BMW တစ်စီးက ဘယ်လိုလုပ် practical ဖြစ်ပါ့မလဲ၊ နေ့စဉ်ဆီဖိုးခဏထားပြီး စရိတ်စကနှင့်တင် အလည်လတ်တန်းစား မိသားစုလေးတစ်ခုရဲ့ တစ်လအသုံးစရိတ်ထက် များစွာကျော်လွန် နေပါလိမ့်မယ်။ ဒီတော့ ဟုတ်ကဲ့၊ မဖြစ်ပါဘူးပေါ့နော်။

But like အိပ်မက်တွေဆိုတာက လက်ဆုပ်လက်ကိုင်ရှိမှ Fully Enjoy လို့ ရတာမှမဟုတ်ဘဲ……စိတ်ကူးနှင့်လည်း လွတ်လပ်စွာ ရူးသွပ်ခွင့်ရှိပါသေးတယ်။ ကျွန်တော်တင်မကဘဲ၊ ဒီစာကို ဖတ်နေသူရောပေါ့။ ဒါကြောင့် ကျွန်တော်တို့ နိုင်ငံအခြေအနေကို ခေတ္တမေ့ပြီး ဒီကားလေးကိုဘဲ တစ်ချက်ကြည့်မယ်ဆိုရင် သူ့မှာ သဘောကျချင်စရာအချက်တွေက အများကြီးဘဲဗျ။

Audi RS4 Avant နှင့် Mercedes-AMG C63 S Wagon တို့ ပါဝင်တဲ့ High-Performance Compact Station Wagon အတန်းမှာ အခုပြောနေတဲ့ BMW M3 Touring က ကျောင်းသားသစ်ပါ။ ကျောင်းသားသစ်ဆိုပေမယ့် BMW အနေနှင့် ၎င်းတို့ရဲ့ Sedan၊ Coupe မော်ဒယ်တွေကို Station Wagon ဘော်ဒီပြောင်းတာ အခုမှ စခဲ့တာမဟုတ်ပါဘူး။ သာမာန် BMW 3 Series ကို Station Wagon အဖြစ် ရရှိနိုင်ပြီး Super Saloon ကြီးဖြစ်တဲ့ M5 ကိုပါ Touring Variant နှင့် ရောင်းချခဲ့ဖူးပါတယ်။ M5 Touring ကကျတော့ ကားလည်းကြီးသလို၊ အင်ဂျင်လည်း ကြီးတာမလို့ Station Wagon ဘော်ဒီချိန်းလိုက်တိုင်း ချက်ချင်းကြီး Practical ဖြစ်မသွားပါဘူး။ ဒါကြောင့်မလို့ C - Compact Segment မှာ Performance ပိုင်း ခေါင်းဆောင်သူဖြစ်တဲ့ BMW M3 ကိုဘဲ Station Wagon ဘော်ဒီတပ်ပြီး 2022 ခုနှစ် ပထမဆုံးနှင့် နောက်ဆုံးအနေနှင့် ဖန်တီးဖြစ်ခဲ့ပါတယ်။ “ ဟင်! M3 အတွက် Station Wagon ဘော်ဒီက ပထမဆုံးဆိုရင်၊ ဘာလို့ နောက်ဆုံးဆိုပြီးလည်း ပြောရတာလဲ? “ ဒါကတော့ ဘယ်နည်းနှင့်မှ မလွန်ဆန်နိုင်တဲ့ EV အနာဂတ်ကြောင့်ပါဘဲ။

M3 Touring မှာက BMW လက်စွဲ S58 3.0 Turbocharged Inline 6 အင်ဂျင်ဘဲမလို့ Performance ကောင်းမည်ဆိုတာက ပြောစရာတောင်မလိုပါဘူး။ ဘော်နက်ဖွင့်ပြီး အင်ဂျင်ခန်းကို လှန်ကြည့်လိုက်တဲ့အခါ M Power ဆိုတာလေးကို တွေ့ခဲ့ရင် စာဖတ်သူဟာ လမ်းမပေါ်က ကား 93% လောက်ကို ကျော်တက်နိုင်ပါပြီ။ ကျန်တဲ့ 7% ကတော့ အမေရိကန်ပြည်ထောင်စုမှာတောင် တွေ့ရခဲတဲ့ ဒေါ်လာ (၅) သိန်းနှင့်အထက် Supercar ကြီးတွေပေါ့ဗျာ။ Mustang နှင့် Hellcat ညီ၄ တွေနှင့် တွေ့ရင်တော့ မပြောတတ်ဘူးပေါ့နော်။ ကဲ၊ အဲ့အပိုင်းထားပါ။ ဆီဖိုးနှင့် ကားတန်ဖိုးသာ ထည့်မတွက်ခဲ့ရင် Practical ဖြစ်တဲ့အပိုင်းကို သူ့ရဲ့ Station Wagon ဘော်ဒီဖြစ်တည်မှုနှင့်တင် ဂုဏ်ထူးမှတ်မှီတာမလို့ ကားထဲမှာ ခုံဘယ်နှစ်လုံး ပါတယ်ကအစ ကျွန်တော်ရှင်းပြဖို့ လိုလိမ့်မယ်မထင်ဘူး။ စာဖတ်သူအနေနှင့် Probox မဟုတ်ရင်တောင် Caldina စီးဖူးကြမယ်မဟုတ်လားခင်ဗျ? M3 Touring ရဲ့ အတွင်းခန်းက ဒီလိုကားတွေလိုကိုမှ ကာဗွန်ဖိုက်ဘာအစစ်တွေ၊ Alcantara Leather များနှင့် Trim တွေကအစ အသေးစိတ်ပြုလုပ်ထားတဲ့ Cosmetic Mod များနှင့်ပေါ့။ Not to mention၊ နောက်ဆုံးပေါ် Vehicle Control, Climate Control များအပြင် နည်းပညာအမျိုးမျိုးနှင့်ပေါ့ဗျာ။ Storage Space လုံလုံလောက်လောက်အပြင် Hidden Storage Space တွေ၊ မွေ့ယာနှင့် Surfing Board ကအစ ထည့်လို့ရနိုင်တဲ့ နောက်ခန်းအကျယ်အဝန်းတို့က Station Wagon ဘော်ဒီရဲ့ အားသာချက်တွေပေါ့? xDrive Trim နှင့်ဆို AWD ဖြစ်သွားလို့ ခရီးဝေးထွက်တဲ့နေရာမှာ ပိုပြီး efficient ဖြစ်တယ်။ ဟုတ်ပါရဲ့၊ ဒီစာဖတ်နေသူများထဲ အားလုံးကတော့ ကျွန်တော်နှင့် အကြိုက်တူ၊ အတွေးတူမှာမဟုတ်ပါဘူး။ ဒါပေမယ့်ခင်ဗျ၊ ကျွန်တော်တို့က ငွေကြေးလည်းတတ်နိုင်ပြီး ကားတွေကို ဟိုတစ်စီး၊ ဒီတစ်စီး မစီးချင်ဘူး၊ မိသားစုဘဝလေးလည်း ထူထောင်ထားပြီးပြီဆိုရင် ဒီလိုကားမျိုးက မြို့တွင်း ရုံးတက်၊ ကလေးကျောင်းပို့/ကြိုကနေ လမ်းခရီးသွားလည်း သိပ်ကိုမှ စိတ်တိုင်းကျရမှာပါ။ ဖတ်ရှုပေးလို့ ကျေးဇူးတင်ရှိပါတယ်ခင်ဗျ။ ကျွန်တော် အာကာပြည့်စုံပါ၊ နောက်ပြီး ဒီစာဖတ်နေသူများထဲ Performance & Practicality ကို ဆရာကျကျတွဲဖက်ထားတဲ့ အခြားမိမိသဘောကျရာ ကားမော်ဒယ်လေးများကိုလည်း Cmt Section မှာ မျှဝေပေးခဲ့ကြပါဦးခင်ဗျ။ အားလုံးဘဲ ကောင်းသောညချမ်းလေးပါ🤍

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

Direct Sequel ရှိသေးတဲ့ 𝗜𝗻𝗶𝘁𝗶𝗮𝗹 𝗗 ဟုတ်ကဲ့၊ စာဖတ်သူဖတ်လိုက်တာ အမြင်မမှားပါဘူး။ ကမ္ဘာကျော် Racing/Motorsports Anime ဖြစ်...
21/10/2023

Direct Sequel ရှိသေးတဲ့ 𝗜𝗻𝗶𝘁𝗶𝗮𝗹 𝗗

ဟုတ်ကဲ့၊ စာဖတ်သူဖတ်လိုက်တာ အမြင်မမှားပါဘူး။ ကမ္ဘာကျော် Racing/Motorsports Anime ဖြစ်တဲ့ Initial D မှာ Direct Sequel ရှိပါတယ်ဗျ။ နာမည်ကတော့ MF Ghost ပါ။ ဒီ anime အကြောင်းကို Officially Air မလုပ်ခင်က Boosted Media မှာ ရေးခဲ့ဖူးပေမယ့် အခုချိန်မှာတော့ Amazon Prime TV နှင့်အခြားသော website များမှာ ကြည့်ရှုနိုင်ပြီမလို့ မကြည့်ရသေးဘူးဆိုရင် အခုလို Weekend မှ ကြည့်ရှုဖို့ အကြံပေးလိုက်တယ်နော့! Initial D ရဲ့ တိုက်ရိုက်အဆက်ဆိုပေမယ့် သူ့မှာက Universe တစ်ခုတည်းရော ဟုတ်ရဲ့လားတောင် မေးခွန်းထုတ်ရမယ့် Plot မျိုးနှင့်ပါ။

Initial D ကကျတော့ underground racing အကြောင်းရယ်၊ drifting ပိုင်းရယ်ကို ရိုက်ပြထားပြီး ဇာတ်အိမ်က စိတ်ကူးယဉ်ဆန်သော်လည်း ၎င်းခေတ်ကာလက ဂျပန်နိုင်ငံရှိ Urban Racing Legends များကို ပြန်လည်မှီငြမ်းထားတာမလို့ ကြည့်ရတာ အရသာသိပ်ရှိတယ်ဗျ။ အခုလိုပြောလို့ MF Ghost ကိုလည်း မကောင်းဘူးလို့ မထင်လိုက်ပါနှင့်!

ဇာတ်အိမ်က ဒီလိုဗျ။ အနာဂတ်မှာ EV များနှင့် မောင်းသူမဲ့လျှပ်စစ်ကားများကသာ ခရီးလမ်းသွားလာရေးရဲ့ အက္ခရာဖြစ်လာခဲ့ပြီး I.C.E (Internal Combustion Engine_အင်ဂျင်ပါ) ကားများဟာ ရွှေထက်ရှားတဲ့ အရာမျိုးဖြစ်လာခဲ့တယ်။ Timeline ကတော့ 2030 တဲ့။ သိပ်တောင် မလိုတော့ဘူးဘဲ။ Ryosuke Takahashi တည်ထောင်ထားတဲ့ MFG ဆိုတဲ့ Racing Organization က သတ္တိရှိပြီး သွေးရဲတဲ့ လူငယ်တွေ၊ မိမိကိုယ်ပိုင် I.C.E ကားနှင့် Touge Racing ဝင်ပြိုင်ဖို့ စီစဉ်ပေးပြီး ဒီထဲက ဇာတ်လိုက် Protagonist ဟာလည်း Initial D မှ ဆရာသမား Takumi လို 86 နှင့်ပါဘဲ။
ပြောင်းလဲသွားတာကတော့ AE86 မဟုတ်ဘဲ GT86/FRS/BRZ နှင့်ပေါ့ဗျာ။

Initial D ခေတ်တုန်းက Japanese Sports-car တွေ သိပ်များလို့ ဥရောပပြိုင်ဘက်မော်ဒယ်တွေ ထည့်မသုံးခဲ့ပေမယ့် MF Ghost ခေတ်မှာတော့ Japanese Sports-car တွေ ရှားပါးတာမလို့ မော်ဒယ်ပေါင်းစုံတွေ့ရမှာမဟုတ်ပါဘူး။ အော် GT-R လား? ပါပါတယ်ဗျ။ Ep 01 မှာတင် ပါဝင်တာပါ။ GT-R အပြင် ဂျပန်နိုင်ငံရဲ့ Aston လို့ တင်စားရမယ့် LC500 လည်း ပါဝင်သလို အီတာလျံလူမိုက်နှစ်ကောင်ဖြစ်သော Lamborghini Huracan နှင့် Ferrari 488 တို့လည်း ပါဝင်ပါသေးတယ်။ ဒီ anime ကို လတ်တလောမှာတော့ မြန်မာဘာသာပြန်နှင့် မရနိုင်ပေမယ့် Eng Sub နှင့်လည်း ကြည့်လို့အဆင်ပြေပါတယ်ဗျ။ မြန်မာစာတော့ မပြန်ခိုင်းလိုက်ပါနှင့်၊ ကိုယ်တိုင်လည်း အလုပ်တစ်ဖက်နှင့် မလို့ပါ။ Ongoing မလို့ ကြည့်နေကြသူတွေထဲ Ep 01 ကနေ 03 ထိ ပြီးသွားသူတွေ cmt မှာ spoil မလုပ်ကြဖို့ မေတ္တာရပ်ခံပါတယ်ခင်ဗျာ။ ကျွန်တော် အာကာပြည့်စုံပါ။ အားလုံးဘဲ Goodnight ပါခင်ဗျ။

Watch MF Ghost Here - https://9animetv(dot)to/watch/mf-ghost-18596

>

[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————


_______𝖲𝗍𝖺𝗒 𝖡ᵒᵒˢᵗᵉᵈ

𝗚𝗥 𝗦𝘂𝗽𝗿𝗮 𝗦𝗽𝗼𝗿𝘁 𝗧𝗼𝗽 𝗖𝗼𝗻𝗰𝗲𝗽𝘁 အော် Supra Supra၊ ငယ်ငယ်တုန်းက အမေဘယ်ကမှန်းမသိ ဝယ်လာတဲ့ ခိုးကူးခွေလေးကို အောက်စက်ထဲ ထိုးကြည...
20/10/2023

𝗚𝗥 𝗦𝘂𝗽𝗿𝗮 𝗦𝗽𝗼𝗿𝘁 𝗧𝗼𝗽 𝗖𝗼𝗻𝗰𝗲𝗽𝘁

အော် Supra Supra၊ ငယ်ငယ်တုန်းက အမေဘယ်ကမှန်းမသိ ဝယ်လာတဲ့ ခိုးကူးခွေလေးကို အောက်စက်ထဲ ထိုးကြည့်ပြီး Fast & Furious Franchise ထဲ မနူးမနှပ်ကောင်လေးကို အတင်း ဆွဲခေါ်လာခဲ့တဲ့ ကားလေးတစ်စီး။ ဟော အင်တာနက် တွင်တွင်ကျယ်ကျယ်သုံးလို့ရတဲ့ ခေတ်လည်းရောက်ပြန်ရော ဂိမ်းဆိုင်မှာ Apex Legends ဆော့နေရင်း chrome ထဲဖွင့်ထားတဲ့ Youtube ကနေ recommendation video တွေ တက်လာချိန် Skyline နှင့် Supra ကို ကျွန်တော် စ ပြီးသိခဲ့ပါတယ်။ အစပိုင်းတုန်းက ဂဒက်ကလေးဆိုတော့ဗျာ၊ Body styling ပိုလှတဲ့ Skyline GT-R ကို ပိုသဘောကျခဲ့တာပေါ့၊ 2 Fast 2 Furious ထဲမှာလည်း Pual Walker တံတားပေါ်ခုန်ကျော်ပြီး မောင်းခဲ့ကတည်းက ရူးခဲ့တာမို့။

ဒါပေမယ့် Boosted Media ပေချ့် စ မဖွင့်ခင်ချိန်မှာ Covid ကာလထဲဖြစ်လို့ အိမ်တွင်းအောင်းပြီး Youtube မှာဘဲ အချိန်ကုန်ရင်းကနေ တစ်စနှင့်တစ်စ Supra ဆိုတာ ဘာလဲသိခဲ့ပါတယ်။ ကျွန်တော့်အတွက် Supra က Day 01 ကတည်းက ရှိခဲ့သလို စာဖတ်သူတို့ရဲ့ ကားဝါသနာရှင်ခရီးလမ်းမှာလည်း ကိုယ်တိုင်မပိုင်ဆိုင်ရအောင် ကိုယ့်ကို ဒီကားပိုးထည့်ပေးခဲ့တဲ့ မော်ဒယ်တစ်ခုခုရှိမှာပေါ့။ ရှင်းပြစရာမလိုလောက်အောင်ကို သိပ် iconic ဖြစ်တဲ့ ကားလေးတစ်စီးမလို့ ဘာပြုတယ်၊ ညာပြုတယ်၊ specs တွေ ရှင်းမပြတော့ဘူး။ ဟောဒီပုံထဲမှာ တွေ့မြင်နေရတဲ့ ကားလေးဆီ တန်းသွားပါမယ်။

ပြောရရင်တော့ စာဖတ်သူတို့ ယုံမှာတောင် မဟုတ်။ ဒါပေမယ့်လည်း ဟောဒီလောက်တောင် လှတဲ့ One of a kind Supra မော်ဒယ်ဟာ လုံးဝ (လုံးဝ) မထုတ်ခဲ့တဲ့ Concept မော်ဒယ်ပါ။ 2021 ခုနှစ်၊ SEMA Show မှာ ခင်းကျင်းပြသဖို့ ပြင်ဆင်ခဲ့တဲ့ 500 HP Supra Concept နှစ်စီးထဲက တစ်စီးပေါ့။ နှစ်စီးလုံးကို ပုံထဲမှာ မြင်တွေ့ရမှာပါ။ ခလုတ်နှိပ်လိုက်တာနှင့် automatically အမိုး အဖွင့်/အပိတ် လုပ်လို့ရတဲ့ Convertible/Spider မဟုတ်တဲ့အတွက် ဒီကောင်လေးက Targa Top (သို့မဟုတ်) Sport Top ဖြစ်ပါတယ်။ 3D Printer နှင့်ဖန်တီးထားတဲ့ အမိုးနှစ်ခြပ်ကို ဘယ်/ညာ ဆက်ပြီး လူကိုယ်တိုင် manually adjust လုပ်ရမယ့် ပုံစံပေါ့။
ဒါပေမယ့် ဒီကားမှာ ထူးခြားချက်က သူ့ရဲ့ targa top တင်မဟုတ်ဘူး။ သူ့ရဲ့ overall styling ပါ။ ဟောဒီစာကို ဖတ်နေတဲ့ စာဖတ်သူများစွာထဲ တချို့တချို့ကတော့ ကားလောကကို နှံ့စပ်မှာ အသေအချာဘဲဗျ။

ဒီတော့ကာ Mk5 Supra ကို ရိုးအီသွားလောက်အောင်ကို Facebook, Youtube, Instagram နှင့်အခြားသော Social Media Platform တွေမှာ မြင်ဖူးကြမှာပါ။ ဒါပေမယ့် ယခုတွေ့မြင်နေရတဲ့ မော်ဒယ်လေးကတော့ မြင်နေကျ Mk5 Supra နှင့် လုံးဝ ခွဲထွက်တယ်မဟုတ်လား?
ဒါက ဘာကြောင့်လဲဆိုရင် သူ့ရဲ့ Heritage Edition မှ Bodykit ကြောင့်ပါ။ BMW Z4 လို မူလ open-top မော်ဒယ်ထက်တောင် ပိုလှ၊ ပို unique ဖြစ်ပြီး တစ်ခါမြင်လိုက်ရုံနှင့် အမှတ်ပေးရလောက်တဲ့ အလှမျိုးပိုင်ဆိုင်ထားတာဗျ။ နောက်ပြီး ဒီကောင့်မှာ မြင်းကောင်ရေ 500 အထိ ထွက်ပါတယ်။ No, 2JZ မဟုတ်ပါဘူး။ BMW B58 အင်ဂျင်ကိုမှ tuning ပိုင်းလုပ်ရုံပါဘဲ။ ဒါနှင့် Mk5 Supra က ဘာကြောင့် BMW ဖြစ်နေရတာလဲဆိုတာရော သိပြီးရဲ့လား? မသိရသေးဘူးဆိုရင် ဟောဒီ link - https://bit.ly/3QqxVm1 မှာ ဝင်ရောက်ဖတ်ရှုနိုင်ပါတယ်ခင်ဗျ။ ကျွန်တော် အာကာပြည့်စုံပါ၊ အားလုံးဘဲ ကောင်းသောညလေးကို ပိုင်ဆိုင်နိုင်ကြပါစေ!!!

>
[ယခုအ​ကြောင်းအရာသည် ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ]


———————————————



_______𝖲𝗍𝖺𝗒 𝖡ᵒᵒˢᵗᵉᵈ

Address


Telephone

+959777669723

Website

Alerts

Be the first to know and let us send you an email when Boosted Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Boosted Media:

Videos

Next-Gen Everest ရဲ့ quick-review လေးလည်း လာပါမယ်ဗျ!!! 2023 Ranger Wildtrak - https://bit.ly/3XtQQyl (not sponsored or endorsed by Ford Myanmar) #BoostedMedia #CARPRO #boostedSHORTS #FordMyanmar #NextGenFord

Next-Gen Ranger ကို တစ်ချက်ကြည့်ရအောင်! 2023 Ranger Wildtrak - https://bit.ly/3XtQQyl (not sponsored or endorsed by Ford Myanmar) #BoostedMedia #CARPRO #boostedSHORTS #FordMyanmar #NextGenFord

2023 နှစ်ဝက်ကို LEXUS ရဲ့ စတင်ပုံ #BoostedMedia #CARPRO #boostedSHORTS

Lexus LF-A ရဲ့ successor မော်ဒယ်က "𝙇𝙁-𝙍" (sry for thumbnail xD) #BoostedMedia #CARPRO #boostedSHORTS

750S Full Review မနက်ဖြန်လာ750S Full Review မနက်ဖြန်လာဖို့ရှိပါမယ်‼️ #BoostedMedia #CARPRO #boostedSHORTS

ကမ္ဘာ့အမြန်ဆုံး FWD Hatchback: 𝗙𝗟𝟱 𝗖𝗧-𝗥🚀 #BoostedMedia #CARPRO #boostedSHORTS

Ferrari lineup ကို ချိန်းခြောက်လာနိုင်တဲ့ 𝗠𝗰𝗟𝗮𝗿𝗲𝗻 𝟳𝟱𝟬𝗦🦈 #BoostedMedia #CARPRO #boostedSHORTS

ကားချစ်သူတိုင်းရဲ့ နိဗ္ဗာန်ဘုံ (သို့မဟုတ်) Goodwood Festival of Speed 2022
ကားချစ်သူတိုင်းရဲ့ နိဗ္ဗာန်ဘုံ (သို့မဟုတ်) Goodwood Festival of Speed 2022

ကားချစ်သူတိုင်းရဲ့ နိဗ္ဗာန်ဘုံလို့ တင်စားနိုင်တဲ့ FOS ပွဲတော်ဆိုတာ ဘာလဲ✨ တစ်နှစ်တစ်ကြိမ်ကျင်းပပြီးတော့ ကမ္ဘာအရပ်ရပ်က Supercar၊ Hypercar Brand တွေကပါ တက်ရောက်ပြီး နောက်ဆုံးပေါ်မော်ဒယ်တွေကို ချပြလေ့ရှိတဲ့ ဒီပွဲတော်က ဘယ်လောက်တောင် ကြီးကျယ်ခမ်းနားသလဲ❓ <<< 𝖱𝗂𝗀𝗁𝗍𝗌 𝖺𝗇𝖽 𝖢𝗅𝖺𝗂𝗆𝗌 >>> [ယခုအ​ကြောင်းအရာသည် #BoostedMedia ရဲ့ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူ​ဖော်ပြခြင်းမပြုရ] #boostedmedia #boostitup #GoodwoodRoadandRacing #GoodwoodFestivalofSpeed #FormulaOne _______𝖲𝗍𝖺𝗒 𝖡ᵒᵒˢᵗᵉᵈ

Type S: Chiaki's Journey (Vol.1 to 4)
Type S: Chiaki's Journey (Vol.1 to 4)

ကွယ်လွန်သွားပြီဖြစ်တဲ့ IMSA ချန်ပီယံဟောင်းဖြစ်သူ🏆 အဖေ့ခြေရာကိုနင်းပြီး ကားမြင်ရင် တက်မောင်းလိုက်ရမှ ကျေနပ်တဲ့ စိတ်ဆတ်ဆတ်ကောင်မလေး: Chiaki_ချီယာကီ🔥 သူမရဲ့ Racing Life နှင့် Motorsports ဘဝဖြတ်သန်းပုံကို Acura နှင့် The Line Animations စတူဒီယိုတို့မှ ပူးပေါင်းတင်ဆက်ပေးထားသည့်အလျောက် အတူတူကြည့်ရှုခံစားလိုက်ကြရအောင်လားဗျ🇯🇵 (တချို့သော စာသားတွေကို အင်္ဂလိပ် - မြန်မာ တိုက်ရိုက်ဘာသာပြန်ရင် ဖတ်လို့အဆင်မပြေတာကြောင့် ဆီလျော်အောင် သုံးနှုန်းပေးထားပါတယ်) [ယခုအကြောင်းအရာသည် #BoostedMedia ၏ ဖန်တီးမှုဖြစ်ပါသည်၊ ခွင့်ပြုချက်မရှိဘဲ ပြန်လည်ကူးယူဖော်ပြခြင်းမပြုရ] #boostedmedia #boostitup #Acura #NSX #TypeS _______𝖲𝗍𝖺𝗒 𝖡ᵒᵒˢᵗᵉᵈ

𝗪𝗶𝗹𝗱𝗲𝘀𝘁 𝗟𝗮𝗺𝗯𝗼𝗿𝗴𝗵𝗶𝗻𝗶 𝗥𝗼𝗮𝗿
𝗪𝗶𝗹𝗱𝗲𝘀𝘁 𝗟𝗮𝗺𝗯𝗼𝗿𝗴𝗵𝗶𝗻𝗶 𝗥𝗼𝗮𝗿

𝗟𝗮𝗺𝗯𝗼𝗿𝗴𝗵𝗶𝗻𝗶 𝗘𝘀𝘀𝗲𝗻𝘇𝗮 𝗦𝗖𝗩𝟭𝟮 𝗩𝟭𝟮 𝘀𝗼𝘂𝗻𝗱 𝗮𝗹𝗲𝗿𝘁 🎧𝙐𝙨𝙚 𝙝𝙚𝙖𝙙𝙥𝙝𝙤𝙣𝙚𝙨 𝙛𝙤𝙧 𝙗𝙚𝙩𝙩𝙚𝙧 𝙚𝙭𝙥𝙚𝙧𝙞𝙚𝙣𝙘𝙚 𝗞𝗲𝘆 𝗦𝗽𝗲𝗰𝗶𝗳𝗶𝗰𝗮𝘁𝗶𝗼𝗻𝘀 ____________________ • 6.5L NA V12 • 9000 RPM redline • 830 hp at 8500 RPM • 613 lb-ft of torque at 7000 RPM • 0-60 in 2.7 sec • 210+mph top speed • Rear-mid engine, Rear Wheel Drive (​နောက်ယက်) • 6-speed sequentail gearbox by X-Trac (manual) • Maximum weight 3260 lbs • DOHC & VVT valvetrain • 24.3 gallons Fuel Tank Capacity • Racing ABS braking system and mutifunctional power steering • power to weight ratio of 602.3 hp per ton • အ​ရှေ့အ​နောက် double wishbone suspension ကိုအသုံးပြု​ပေးထားပါတယ်။ • Front Tires: 285/650 Rear Tires: 354/725 • Front wheel rims: R19 Rear wheel rims: R20 Price tag of 2.5 millions #boostedmedia #LamborghiniSCV12

𝗙𝗲𝗲𝗹 𝘁𝗵𝗲 𝗿𝗮𝘄 𝗽𝗼𝘄𝗲𝗿 𝗼𝗳 𝗲𝘂𝗿𝗼𝗽𝗲𝗮𝗻 𝘀𝗶𝘅-𝗰𝘆𝗹𝗶𝗻𝗱𝗲𝗿🔥💨
𝗙𝗲𝗲𝗹 𝘁𝗵𝗲 𝗿𝗮𝘄 𝗽𝗼𝘄𝗲𝗿 𝗼𝗳 𝗲𝘂𝗿𝗼𝗽𝗲𝗮𝗻 𝘀𝗶𝘅-𝗰𝘆𝗹𝗶𝗻𝗱𝗲𝗿🔥💨

𝙂𝙞𝙪𝙡𝙞𝙖 𝙂𝙏𝘼𝙢 𝙎𝙤𝙪𝙣𝙙 𝘼𝙡𝙚𝙧𝙩 🎧𝙐𝙨𝙚 𝙝𝙚𝙖𝙙𝙥𝙝𝙤𝙣𝙚𝙨 𝙛𝙤𝙧 𝙗𝙚𝙩𝙩𝙚𝙧 𝙚𝙭𝙥𝙚𝙧𝙞𝙚𝙣𝙘𝙚 Alfa Romeo Guilia GTAm ကားက V6 ဆို​ပေမယ့် exhuast system ကို Akrapovic မှ develop ပြုလုပ်​ပေးထားလို့ အသံက raw ဖြစ်ပြီး American muscle ​တွေရဲ့ V8 လို အသံထွက်ပါတယ်။ Jaguar Project 8 အသံကလဲ သူနဲ့ အတူတူ​လောက်ပါဘဲ။ Ferrari V6 ဆိုတာ ၁၉၄၀ ​ကျော်​လောက်က Dino ​မော်ဒယ်​​တွေ​လောက်မှာဘဲ ​တွေ့ရပြီး ယ​နေ့​ခေတ် Ferrari 296 GTB မှာမှ ပြန်​ပေါ်လာတာဖြစ်ပါတယ်။ မြင်ရခဲတဲ့ V6 မို့လို ဘယ်လိုအသံမျိုးလဲဆိုတာ ခံစား​ပေးကြပါဦး🖤 #boostedmedia #AlfaRomeoGuliaGTAm

𝙇𝙚𝙭𝙪𝙨 𝙇𝙁𝘼 𝙎𝙤𝙪𝙣𝙙 𝘼𝙡𝙚𝙧𝙩 🎧𝙐𝙨𝙚 𝙝𝙚𝙖𝙙𝙥𝙝𝙤𝙣𝙚𝙨 𝙛𝙤𝙧 𝙗𝙚𝙩𝙩𝙚𝙧 𝙚𝙭𝙥𝙚𝙧𝙞𝙚𝙣𝙘𝙚 𝗞𝗲𝘆 𝗦𝗽𝗲𝗰𝗶𝗳𝗶𝗰𝗮𝘁𝗶𝗼𝗻𝘀 ____________________ • 4.8L NA V10 • 9000RPM maximum engine speed • 553 hp & 354 lb-ft of Torque • 4505 mm length & 1895 mm width • 19.28 gallons Fuel Tank Capacity • Max Weight 3869.11 lbs • 1265 mm height • DOHC & VVTi valvetrain • Direct Fuel Injection System • power to weight ratio of 378.4 hp per ton • ​ရှေ့ကို double wishbone suspension နှင့် အ​နောက်ကို Multi-link independent suspension ​တွေအသုံးပြု​ပေးထားပါတယ်။ • ABS braking system & electric power steering • Front Tires: 265/35 ZR20 Rear Tires: 305/30 ZR20 • Front Rims: 9.5J x 20 Rear Rims: 11.5J x 20 • Ventilated Brake Discs: 390mm(Front) Ventilated Brake Discs: 360mm(Rear) #boostedmedia #LexusLFA

Shortcuts

  • Address
  • Telephone
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share