The Voice Of Spring

Home
The Voice Of Spring

Investigative, Innovative, Independent Digital Media
(1)

တနိုင်ငံလုံးအနှံ့ အင်တာနက်များ အဖြတ်ခံရအပြီး သတင်းစီးဆင်းမှု မရပ်တန့်စေရန် ၂၀၂၁ ၊ ဧပြီ(၅)ရက်မှ ဇွန်(၂) ရက်အထိ ရက်ပေါင်း(၆၀) တိတိ နေ့စဉ်သတင်းစာကို စတင်ထုတ်ဝေခဲ့ခြင်းဖြင့် နွေဦးအသံ ကို မွေးဖွားခဲ့ပြီး လွတ်လပ်သောမီဒီယာတခုအဖြစ် ဆက်လက်ရပ်တည်နေသည်။

နွေဦးအသံ နေ့စဉ်သတင်းစာကို မြို့ကြီး(၇)မြို့ရှိ သပိတ်စစ်ကြောင်းများ၊ တက်ကြွလှုပ်ရှားသူလူငယ်များက ပြည်သူများထံ အခမဲ့ထုတ်ဝေဖြန့်ချိခဲ့သည်။

နွေဦးအသံ၏ အဓိကရည်ရွ

ယ်ချက်မှာ(၁) သတင်းစီးဆင်းမှုမရပ်တန့်စေရန် (၂) ကောလဟလများနှင့် သတင်းတုများကို ဖယ်ရှားရန် (၃) ပြည်သူများ၏ လွတ်လပ်စွာ သိခွင့်၊ ထုတ်ဖော်ခွင့်၊ ပြောဆိုခွင့်၊ ရေးသားခွင့်များကို ကာကွယ်ပြီး ပြည်သူများ၏အသံကို ပေါ်လွင်ထင်ဟပ်စေရန် ဖြစ်ပါသည်။

01/01/2025

◼️‌‌ပြည်ထောင်စုဝန်ကြီးချုပ်နဲ့ တာဝန်ရှိသူတွေက ရန်ကုန်တိုင်းစစ်ဌာန တပ်ရင်းတွေနဲ့ ဗျူဟာ စစ်ကြောင်း ၁ မှ ရဲဘော်တွေကို သွားရောက်တွေ့ဆုံ

၁ ဇန်နဝါရီ ||| နွေဦးအသံ |||

အမျိုးသားညီညွတ်ရေးအစိုးရ၊ ပြည်ထောင်စုဝန်ကြီးချုပ် မန်းဝင်းခိုင်သန်းနဲ့ ဝန်ကြီးချုပ်ရုံးတာဝန်ရှိသူတွေ၊ တောင်ပိုင်းစစ်ဒေသမှ တာဝန်ရှိသူတွေက ရန်ကုန်တိုင်းစစ်ဌာန တပ်ရင်း ၅၁၀၁၊ တပ်ရင်း ၅၁၀၂ နဲ့ ဗျူဟာစစ်ကြောင်း ၁ မှ ရဲဘော်တွေကို တွေ့ဆုံ အားပေးစကားပြောကြားခဲ့ပြီး လိုအပ်တဲ့ အသုံးအဆောင်ပစ္စည်းတွေကို ပေးအပ်ခဲ့တယ်လို့ ရန်ကုန်တိုင်းစစ်ဌာနက ဇန်နဝါရီ ၁ ရက်မှာ ထုတ်ပြန်ထားပါတယ်။

သတင်းတွေကို ပုံမှန်ဖတ်ရှုနိုင်ဖို
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို The Voice of Spring ကို မျှဝေပါ။ Subscribe လုပ်ပါ။

01/01/2025

◼️‌‌End Point ကမ်ပိန်း သတ်မှတ်ချက်ကျော်လွန်ရရှိပြီး မကြာမီမြို့သိမ်းတိုက်ပွဲ ဆင်နွှဲနိုင်ဖို့ ကြိုးစားမည်ဟု ကတိပြု

၁ ဇန်နဝါရီ ||| နွေဦးအသံ |||

မန္တလေးနဲ့ မကွေးဒေသ အတွင်းရှိ အကြမ်းဖက်စစ်ကောင်စီ တပ်တွေကို Myingyan Black Tiger MBT က မဟာမိတ်တပ်တွေနဲ့ ပူးပေါင်းတိုက်ခိုက်မှု တနှစ်တာ စစ်ဆင်ရေး ၄၂ ကြိမ်အတွင်း စကစတပ်ဖွဲ့ဝင် ၂၀၀ ကျော်သေဆုံးပြီး လက်နက် ၂၄ လက်သိမ်းဆည်းရရှိခဲ့တယ်လို့ သိရပါတယ်။

၂၀၂၄ ခုနှစ်အတွင်း စကစတပ်တွေကို ထိုးစစ် ၉ ကြိမ်၊ ခုခံစစ် ၁၁ ကြိမ်၊ မြို့ပြပြောက်ကျားစစ်ဆင်ရေး ၁၁ ကြိမ်၊ မိုင်းဆွဲတိုက်ခိုက်မှု ၆ ကြိမ်နဲ့ ဒရုန်းစစ်ဆင်‌ရေး ၅ ကြိမ် အတွင်း စကစတပ်ဖွဲ့ဝင် ၂၀၀ ကျော်သေဆုံးပြီး အများအပြားထိခိုက်ခဲ့တဲ့အပြင် လက်နက်ကြီး၊ လက်နက်ငယ် ၂၄ လက် သိမ်းဆည်းရရှိခဲ့ကြောင်းနဲ့ MBT တပ်ဖွဲ့မှ တော်လှန်ရေးရဲဘော် ၂ ဦးကျဆုံးခဲ့တယ်လို့ ဖော်ပြထားပါတယ်။

End Point ကမ်ပိန်းဟာလည်း ပြည်သူတွေရဲ့ ယုံကြည်ထောက်ပံ့မှုကြောင့် ကမ်ပိန်းရည်မှန်းချက်ထက် ကျော်လွန်ပြီး 103 % ထိရရှိခဲ့တာကြောင့် မကြာမီကာလအတွင်း မြိုသိမ်းတိုက်ပွဲတွေ ဆင်နွှဲနိုင်ဖို့ ကြိုးစားသွားမှာ ဖြစ်တဲ့အတွက် မိဘပြည်သူတွေအနေနဲ့ စကစတပ်တွေနဲ့ အနီးကပ်သွားလာ နေထိုင်ခြင်းတွေ မပြုလုပ်ကြဖို့ အထူးမေတ္တာရပ်ခံအပ်တယ်လို့ MBT တပ်ဖွဲ့က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို The Voice of Spring ကို မျှဝေပါ။ Subscribe လုပ်ပါ။

01/01/2025

◼️‌‌ယောဒေသရှိ စကစတပ်ဖွဲ့ဝင်တွေ ပြည်သူ့ရင်ခွင်ခိုလှုံလိုပါက ဆက်သွယ်နိုင်ဟု ယောဗျူဟာ ဖိတ်ခေါ်

၁ ဇန်နဝါရီ ||| နွေဦးအသံ |||

ချင်းပြည်နယ်၊ မင်းတပ်မြို့ ခလရ ၂၇၄ မှ စခန်းစွန့်ခွာထွက်ပြေးလာကြတဲ့ အကြမ်းဖက်စစ်ကောင်စီ တပ်သား ၃ ဦးကို ဗျူဟာ ၈၁ ယောဗျူဟာ စစ်ကြောင်းက ယောနယ်အတွင်း တနေရာမှာ ဖမ်းဆီးထိန်းသိမ်းထားတယ်လို့ သိရပါတယ်။

မင်းတပ်မြို့ ခလရ ၂၇၄ မှ စခန်းစွန့်ခွာထွက်ပြေးလာကြတဲ့ စကစတပ်သား ဇော်မျိုးထွဋ်၊ တပ်သား ကျော်လတ်နဲ့ တပ်သား လှခိုင်တို့ကို ယောနယ်အတွင်း တနေရာမှာ ထပ်မံဖမ်းမိခဲ့တာကြောင့် စစ်သုံ့ပန်းဥပဒေနဲ့အညီ ထိန်းသိမ်းထားပြီး လိုအပ်တဲ့ အသုံးအဆောင်ပစ္စည်းတွေ ဖြည့်ဆည်းပေးသလို ကျန်းမာရေးနဲ့ ဆေးဝါးကုသမှုတွေ ဆောင်ရွက်ပေးလျက်ရှိတယ်လို့ ဆိုပါတယ်။

ယောဒေသအတွင်း စစ်ကောင်စီလက်အောက်မှာ တာဝန်ထမ်းဆောင်နေကြတဲ့ စကစတပ်ဖွဲ့ဝင်တွေ အနေနဲ့ ပြည်သူ့ရင်ခွင် ခိုလှုံလိုပါက ဗျူဟာ (၈၁) ယောဗျူဟာထံသို့ ဆက်သွယ်နိုင်ပြီး လက်နက် အပြည့်အစုံနဲ့ ပြည်သူ့ရင်ခွင် ခိုလှုံလာပါက ထိုက်တန်စွာ ဂုဏ်ပြုချီးမြှင့်ပေးမှာ ဖြစ်တယ်လို့ သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို The Voice of Spring ကို မျှဝေပါ။ Subscribe လုပ်ပါ။

01/01/2025

◼️‌‌တည်ဆဲ ရာထူးနေရာတွေမှာ အစားထိုးတာဝန်ယူနိုင်သူတွေ ရှိပါက ပုခုံးထမ်းလွှဲပြောင်းပေးအပ်ဖို့ အမြဲအသင့်ရှိဟု ပြောကြား

၁ ဇန်နဝါရီ ||| နွေဦးအသံ |||

အမျိုးသားညီညွတ်ရေးအစိုးရအဖွဲ့ထဲမှာ တည်ဆဲအခြေအနေထက် ပိုမိုကျယ်ပြန့်စွာ ဦးဆောင်မယ့်သူတွေကို လိုအပ်လျက်ရှိပြီး တည်ဆဲရာထူး နေရာတွေမှာ အစားထိုး တာဝန်ယူနိုင်သူတွေ ရှိပါက ပုခုံးထမ်းလွှဲပြောင်းပေးအပ်ဖို့ အမြဲအသင့်ရှိတယ်လို့ ယာယီသမ္မတ ဒူဝါလရှီးလက ဇန်နဝါရီ ၁ ရက်မှာ ပြောကြားလိုက်ပါတယ်။

"ကျနော်တို့ဟာ ရာထူး၊ ထိုင်ခုံနေရာတွေကို ဖက်တွယ်နေတာ မဟုတ်သလို မိမိတို့ရဲ့ အခန်းကဏ္ဍကိုလည်း တိုးချဲ့နေတာ မဟုတ်ပါဘူး၊ ဒါကြောင့် ကျနော်တို့ အစိုးရ အဖွဲ့ထဲမှာ ယခုတည်ဆဲ အခြေအနေထက် ပိုမိုကျယ်ပြန့်စွာ ဦးဆောင်မယ့် သူတွေကို လိုအပ်နေပါတယ်၊ အကယ်၍ တည်ဆဲရာထူး နေရာတွေမှာ အစားထိုး တာဝန်ယူနိုင်သူတွေ ရှိရင် ကျနော်တို့က ပုခုံးထမ်းလွှဲပြောင်းပေးအပ်ဖို့ အမြဲအသင့်ရှိကြောင်း လူထုကို အသိ‌ပေးစေချင်ပါတယ်၊

အဲဒီအတွက် ကျနော်တို့ဟာ အမြဲလမ်းဖွင့်ထားကြောင်းလည်း ပြောချင်ပါတယ်၊ လူထုအတွက် တော်လှန်ရေးတာဝန်တွေကို စွမ်းစွမ်းတမံ ထမ်းဆောင်နိုင်မယ့် ‌ခေါင်းဆောင်တွေကို ကျနော်တို့ အမျိုးသားညီညွတ်ရေးအစိုးရက လှိုက်လှဲစွာ ကြိုဆိုနေပါတယ်၊ ကျနော်တို့နဲ့ အတူတူ လူထုတာဝန်တွေကို ထမ်းဆောင်ဖို့ လေးစားစွာ ဖိတ်ခေါ်ချင်ပါတယ်"

- လို့ အမျိုးသားညီညွတ်ရေးအစိုးရ၊ နိုင်ငံတော် ယာယီသမ္မတ ဒူဝါလရှီးလက နှစ်သစ်ကူး နိုင်ငံတော်အခြေပြမိန့်ခွန်းမှာ ပြောကြားခဲ့တာပါ။

၂၀၂၅ ခုနှစ်မှာ မင်းအောင်လှိုင်နဲ့ စစ်အုပ်စုကို အပြီးသတ် ဖယ်ရှားနိုင်ဖို့ တိုင်းရင်းသားတော်လှန်ရေး လက်နက်ကိုင် အဖွဲ့အစည်းအားလုံးနဲ့ နိုင်ငံရေးအင်အားစုတွေ အနေနဲ့ နိုင်ငံရေး၊ စစ်ရေးအရ ပူးပေါင်းဆောင်ရွက်မှုကို အခုထက်ပိုပြီး လက်တွေ့ပြသဖို့ အချိန်တန်ပြီဖြစ်တာကြောင့် NUG အစိုးရအနေနဲ့ မဟာမိတ်ရေးရာ ကဏ္ဍကို အခုထက်ပိုပြီး အားစိုက်သွားမှာ ဖြစ်ကြောင်းကိုလည်း ယာယီသမ္မတ ဒူဝါလရှီးလက အသိပေးပြောကြားခဲ့ပါတယ်။

သတင်းတွေကို ပုံမှန်ဖတ်ရှုနိုင်ဖို
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို The Voice of Spring ကို မျှဝေပါ။ Subscribe လုပ်ပါ။

01/01/2025

◼️‌‌NUG အစိုးရက နှစ်သစ်မှာ အကျဉ်းသား/သူ ၁၆၉ ဦးကို လွတ်ငြိမ်းသက်သာခွင့်ပေး

၁ ဇန်နဝါရီ ||| နွေဦးအသံ |||

အမျိုးသားညီညွတ်ရေးအစိုးရ NUG က အကျဉ်းထောင်၊ အကျဉ်းစခန်း အသီးသီးမှာ ပြစ်ဒဏ်ကျခံလျက်ရှိတဲ့ အကျဉ်းသား/သူ ၁၆၉ ဦးကို ဇန်နဝါရီ ၁ ရက် နှစ်သစ်အခါသမယ မှာ ပြစ်ဒဏ်လွတ်ငြိမ်းသက်သာခွင့် ပြုလိုက်တယ်လို့ သိရပါတယ်။

နှစ်သစ်အခါသမယနေ့မှာ နွေဦးတော်လှန်ရေးရဲ့ အကျိုးစီးပွားကို ရှေးရှုတဲ့ အနေနဲ့ လည်းကောင်း၊ ပြည်သူလူထု နှလုံးစိတ်ဝမ်း အေးချမ်းစေရေးနဲ့ လူသားချင်းစာနာထောက်ထားမှုကို အလေးထားတဲ့ အနေနဲ့ လည်းကောင်း အကျဉ်းထောင်၊ အကျဉ်းစခန်း အသီးသီးမှာ ပြစ်ဒဏ်ကျခံလျက်ရှိတဲ့ အကျဉ်းသား/သူ ၁၆၉ ဦးကို ရာဇဝတ်ကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁) အရ စည်းကမ်းသတ်မှတ်ချက်မထားဘဲ လွတ်ငြိမ်းသက်သာခွင့်ပြုလိုက်တယ်လို့ ဖော်ပြထားပါတယ်။

အကျုံးမဝင်သော ကျန်အကျဉ်းသား/သူတွေကို သူတို့ ကျခံနေရတဲ့ ထောင်ဒဏ်ရဲ့ သုံးပုံတစ်ပုံကို လျှော့ပေါ့ကျခံစေဖို့ ရာဇဝတ်ကျင့်ထုံး ဥပဒေ ပုဒ်မ ၄၀၁၊ ပုဒ်မခွဲ (၁) အရ ပြစ်ဒဏ်လွတ်ငြိမ်း သက်သာခွင့်ပေးလိုက်တယ်လို့ အမျိုးသားညီညွတ်ရေးအစိုးရ၊ နိုင်ငံတော် သမ္မတရုံးက တရားဝင် သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

01/01/2025

◼️‌‌ပြည်ထောင်စုဝန်ကြီးချုပ်နဲ့ တာဝန်ရှိသူတွေက PDF သင်တန်းသားတွေကို သွားရောက်တွေ့ဆုံပြီး လိုအပ်တာတွေ ထောက်ပို့ပေးအပ်

🔹PDF တွေဟာ မြန်မာနိုင်ငံရဲ့သမိုင်းအသစ်ကို အသက်သွေးချွေးတွေနဲ့ ရေးထိုးနေကြသူတွေလို့ ဝန်ကြီးချုပ် ပြောကြား

၁ ဇန်နဝါရီ ||| နွေဦးအသံ |||

အမျိုးစားညီညွတ်ရေးအစိုးရ၊ ပြည်ထောင်စုဝန်ကြီးချုပ်နဲ့ တာဝန်ရှိသူတွေက ပြည်သူ့ကာကွယ်ရေးတပ်မတော် PDF သင်တန်းကျောင်းတွေသို့သွားရောက်ပြီး သင်တန်းသူ၊ သင်တန်းသားတွေကို လိုအပ်တာတွေ ထောက်ပို့ပေးအပ်ခဲ့တယ်လို့ သိရပါတယ်။

ပြည်ထောင်စုဝန်ကြီးချုပ် မန်းဝင်းခိုင်သန်းနဲ့ ဝန်ကြီးချုပ်ရုံး တာဝန်ရှိသူတွေက PDF သင်တန်းကျောင်းတွေသို့ သွားရောက်ပြီး သင်တန်းနည်းပြအဖွဲ့တွေ၊ သင်တန်းသူ၊ သင်တန်းသားတွေကို တွေ့ဆုံနှုတ်ဆက်ပြီး နေ့လည်စာကျွေးမွေးခြင်း၊ လိုအပ်တဲ့ အသုံးအဆောင်ပစ္စည်းတွေကို ပေးအပ်ခြင်းတွေ ပြုလုပ်ခဲ့တယ်လို့ ဆိုပါတယ်။

“မိမိတို့ရဲ့ ကိုယ်ပိုင်ဘဝတွေကို စွန့်လွှတ်ပြီး PDF တွေအဖြစ်နဲ့ တော်လှန်ရေးမှာ ပါဝင်လာကြတဲ့ လူငယ်တွေကို လေးစားကျေးဇူးတင်ကြောင်း၊ PDF တွေဟာ မြန်မာနိုင်ငံရဲ့သမိုင်းအသစ်ကို အသက်သွေးချွေးတွေနဲ့ ရေးထိုးနေကြသူများဖြစ်ကြောင်း၊ စစ်အာဏာရှင်တွေကြောင့် အောက်ကျနောက်ကျဖြစ်နေရတဲ့

နိုင်ငံတော်ကို ပြန်လည် ထူထောင်တည်ဆောက်ကြတဲ့အခါမှာလည်း ဒီလူငယ်တွေရဲ့ အားနဲ့ပဲ တည်ဆောက်ကြရမှာဖြစ်ကြောင်း၊ ဒါ့ကြောင့် ရဲဘော်ရဲဘက်တွေအချင်းချင်း အပြန်အလှန် စောင့်ရှောက်ကြရင်း စစ်ရေးရည်မှန်းချက်တွေကို ပေါက်မြောက်အောင်မြင်အောင် ဆောင်ရွက်ကြစေလိုကြောင်း” ပြည်ထောင်စုဝန်ကြီးချုပ်က ပြောကြားခဲ့ပါတယ်။

ဝန်ကြီးချုပ်နဲ့အတူ အလုပ်သမားရေးရာဝန်ကြီးဌာန ဒုဝန်ကြီး ဦးကျော်နီ၊ ပြည်ထောင်စုဝန်ကြီးချုပ်ရဲ့ ကိုယ်ရေးအရာရှိ၊ ဝန်ကြီးချုပ်ရုံးအမြဲတမ်းအတွင်းဝန် ဒေါ်ကြည်ပြာ၊ ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်၊ ကာကွယ်ရေးဝန်ကြီးဌာန ဒုစစ်ရေးချုပ် ဒေါက်တာယင်းမာ၊ တောင်ပိုင်းစစ်ဒေသ၊ ဒုစစ်ဒေသခွဲမှူး ၂ ရဲဘော် စောရှား၊ အထူးစစ်ဆင်ရေးတပ်ဖွဲ့ SOF တပ်ဖွဲ့မှူး ရဲဘော် အောင်စံရှား၊ PDF နဲ့ ပကဖ တာဝန်ရှိသူတွေ လိုက်ပါခဲ့တယ်လို့ သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

31/12/2024

◼️‌‌ပခုက္ကူစက်မှုဇုံဂိတ်မှ ပြန်လာစဉ် ပစ်ခတ်ခဲ့တာဖြစ်ပြီး သေနတ် ၄ လက်ပါ သိမ်းဆည်းရရှိ

၃၁ ဒီဇင်ဘာ ||| နွေဦးအသံ |||

မကွေးဒေသ၊ ပခုက္ကူမြို့နယ်မှာ အကြမ်းဖက်စစ်ကောင်စီ တပ်ဖွဲ့ဝင်တွေ လိုက်ပါလာတဲ့ ယာဉ်ကို တော်လှန်ရေးတပ်ဖွဲ့တွေက ဒီဇင်ဘာ ၃၀ ရက်မှာ အနီးကပ်ပစ်ခတ်တိုက်ခိုက်ခဲ့ရာ စကစတပ်ဖွဲ့ဝင် ၄ ဦးသေဆုံးပြီး သေနတ် ၄ လက်သိမ်းဆည်းရရှိခဲ့တယ်လို့ သိရပါတယ်။

ပခုက္ကူမြို့ စက်မှုဇုံဂိတ်မှ မြို့ထဲသို့ ပြန်လာတဲ့ စကစတပ်ဖွဲ့ဝင်တွေကို အနီးကပ်ပစ်ခတ်တိုက်ခိုက်ခဲ့ရာ စကစတပ်ဖွဲ့ဝင် ၄ ဦးသေဆုံးပြီး MA3 ၄ လက်၊ ကျည်ဘောက် ၈ ခု၊ ကျည် ၁၆၈ တောင့်နဲ့ ဖုန်း တလုံး သိမ်းဆည်းရရှိခဲ့တယ်လို့ ဖော်ပြထားပါတယ်။

ပြည်သူ့ကာကွယ်ရေးတပ်ဖွဲ့ Young Force UG ၊ Pakokku People Defense Force နဲ့ Pakokku Ranger တို့က ပူးပေါင်းဆောင်ရွက်ခဲ့တာ ဖြစ်ပြီး အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ Young Force UG က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

30/12/2024

◼️‌‌စစ်ကိုင်းမှာ မန္တလေး PDF က တပ်မဟာအသစ်ဖွဲ့စည်းပြီး စစ်ဆင်‌ရေးအရှိန် မြှင့်မည်

၃၀ ဒီဇင်ဘာ ||| နွေဦးအသံ |||

စစ်ကိုင်းဒေသမှာ ပြည်သူ့ကာကွယ်‌ရေးတပ်မတော် (မန္တလေး)က ၂၀၂၅ ခုနှစ်မှာ တပ်မဟာ အသစ်တခု ဖွဲ့စည်းပြီး စစ်ဆင်‌ရေး အရှိန်အဟုန်ကို တိုးမြှင့်ဖော်ဆောင်သွားမှာ ဖြစ်တယ်လို့ မန္တလေး PDF ရဲ့ ဒီဇင်ဘာ ၃၀ ရက် ထုတ်ပြန်ချက်အရ သိရပါတယ်။

၂၀၂၄ ခုနှစ် တနှစ်တာအတွင်း စစ်ဆင်ရေးတွေကို ဆက်တိုက်ဖော်ဆောင်ခဲ့ပြီး ထိန်းချုပ်စိုးမိုးနယ်မြေ အမြောက်အများ ရရှိခဲ့သလို လာမယ့် ၂၀၂၅ ခုနှစ်မှာလည်း စစ်ကိုင်းဒေသမှာ တပ်မဟာအသစ် တခုဖွဲ့စည်းပြီး စစ်ဆင်ရေး အရှိန်အဟုန်ကို တိုးမြှင့် ဖော်ဆောင်သွားမှာ ဖြစ်တယ်လို့ ဖော်ပြထားပါတယ်။

စစ်ကိုင်း တပ်မဟာမှာ လာရောက်ပူးပေါင်းမယ့် စစ်သည်တော်တွေနဲ့ မိတ်ဖက်တော်လှန်ရေးတပ်ဖွဲ့တွေကို ကြိုဆိုဖိတ်ခေါ်ကြောင်းနဲ့ ဒေသတော်လှန်ရေးတပ်ဖွဲ့တွေနဲ့လည်း စစ်ဆင်ရေးတွေကို ဟန်ချက်ညီညီ ပူးပေါင်းဆောင်ရွက်သွားဖို့ အသင့်ရှိကြောင်း မန္တလေး PDF က အသိပေး ထုတ်ပြန်ထားတာ ဖြစ်ပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

30/12/2024

Road to Rangoon နှစ်သစ်အကြို LIVE အစီအစဉ်မှာ ပြည်သူချစ်အနုပညာရှင် ကိုအောင်သော် ၊ ခါရာတို့နှင့်အတူ ကျရာနေရာတာဝန်ထမ်းဆောင်နေတဲ့ ရန်ကုန်တပ်ရင်းရဲဘော်များမှ နှစ်ဟောင်းကို နှုတ်ဆက်ရင်း မင်္ဂလာနှစ်သစ်ကို ကြိုကြဖို့ ဒီအစီအစဉ်လေးကို တင်ဆက်လိုက်ပါတယ်။

#ရန်ကုန်တိုင်းပကဖ
#ရန်ကုန်တိုင်းစစ်ဌာန
#တပ်ရင်း၅၁၀၁
#တပ်ရင်း၅၁၀၂
#ရန်ကုန်အတွက်အလင်းစက်

30/12/2024

| သတင်းတို |

◼️‌‌‌ ဗမာလွတ်မြောက်ရေးဒီမိုကရက်တစ်တပ်ဦး BLDF ရဲ့ အခြေခံစစ်ပညာသင်တန်း အပတ်စဉ် ၃ သင်တန်းဆင်းပွဲကို ဒီဇင်ဘာ ၂၉ ရက် အညာဒေသ တနေရာမှာ ကျင်းပပြုလုပ်ခဲ့တယ်လို့ BLDF က ထုတ်ပြန်ထားပါတယ်။

၃၀ ဒီဇင်ဘာ ||| နွေဦးအသံ |||

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

30/12/2024

◼️‌‌‌မြဝတီခရိုင်ရဲစခန်းကို ပြည်သူကို ခြိမ်းခြောက်ငွေညစ်ဖမ်းဆီးမှုတွေ ရပ်ဖို့ Federal Wings က ဒရုန်းနဲ့ သတိပေးတိုက်ခိုက်

၃၀ ဒီဇင်ဘာ ||| နွေဦးအသံ |||

ကရင်ပြည်နယ်၊ မြဝတီမြို့ရှိ အကြမ်းဖက်စစ်ကောင်စီရဲ့ ခရိုင်ရဲစခန်းကို Cobra Column (Federal Wings) ဒရုန်းတပ်ဖွဲ့က ဒီဇင်ဘာ ၂၈ ရက်မှာ ဒရုန်းနဲ့ သတိပေးတိုက်ခိုက်ခဲ့တယ်လို့ သိရပါတယ်။

မြဝတီမြို့ ခရိုင်ရဲစခန်းကို ဒရုန်းနဲ့ သတိပေးတိုက်ခိုက်ခဲ့တာဖြစ်ပြီး ပြည်သူလူထုအပေါ် ခြိမ်းခြောက် ငွေညစ် ဖမ်းဆီးနေခြင်းတွေကို ရပ်တန်းကရပ်ဖို့နဲ့ လိုက်နာခြင်းမရှိပါက ပိုမိုပြင်းထန်တဲ့အကျိုးဆက်တွေ ခံစားရမှာ ဖြစ်တယ်လို့ ဖော်ပြထားပါတယ်။

မြဝတီမြို့ရှိ စစ်ကောင်စီ အခြေချ နေထိုင်ရာနေရာတွေနဲ့ နီးကပ်စွာ နေထိုင်ခြင်းမပြုကြဖို့ မြဝတီမြို့နေပြည်သူလူထုကို မေတ္တာရပ်ခံပန်ကြားအပ်တယ်လို့ Federal Wings က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

30/12/2024

◼️‌‌‌တောင်သာမြို့နယ်မှာ လက်ဖက်ရည်သောက်နေစဉ် ပစ်ခတ်ရှင်းလင်းခဲ့ပြီး သေနတ် တလက်သိမ်းဆည်းရရှိ

၃၀ ဒီဇင်ဘာ ||| နွေဦးအသံ |||

မန္တလေး‌ဒေသ၊ တောင်သာမြို့နယ်မှာ အကြမ်းဖက်စစ်‌ကောင်စီရဲ့ လေတပ် ဗိုလ်ကြီး တဦးနဲ့ တပည့်ဖြစ်သူတို့ကို ပြည်သူ့လွတ်မြောက်ရေးတပ်မတော် PLA အမှတ် ၈၁၅ တပ်ဖွဲ့ အနောက်မြောက်စစ်ဒေသက ဒီဇင်ဘာ ၂၉ ရက်၊ မနက် ၇ နာရီ ၁၅ မိနစ်မှာ ပစ်ခတ်ရှင်းလင်းခဲ့ပြီး သေနတ် တလက်သိမ်းဆည်းရရှိခဲ့တယ်လို့ သိရပါတယ်။

ပြည်သူတွေကို နေ့စဉ်ဗုံးကြဲ သတ်ဖြတ်နေတဲ့ အကြမ်းဖက်လေတပ်မှ ဗိုလ်ကြီး ကြည်ဖေလင်းနဲ့ သူ့တပည့်ကို လက်ဖက်ရည်သောက်နေစဉ် ပစ်ခတ်ရှင်းလင်းခဲ့ပြီး MA5 MK1 သေနတ် တလက်ကို သိမ်းဆည်းရရှိခဲ့တယ်လို့ ပြည်သူ့လွတ်မြောက်ရေးတပ်မတော် PLA က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

30/12/2024

◼️‌‌‌ဂွမြို့သိမ်းတိုက်ပွဲအတွင်း တပ်မမှူးနဲ့ တပ်ရင်းမှူးအချို့အပါ စကစ ၇၀၀ ထက်မနည်း သေဆုံး

🔹သံချပ်ကာယာဉ်အချို့ကိုပါ ဖျက်ဆီးနိုင်ခဲ့ပြီး လက်နက်ခဲယမ်းများစွာ သိမ်းဆည်းရရှိ

၃၀ ဒီဇင်ဘာ ||| နွေဦးအသံ |||

ဂွမြို့ရှိ အကြမ်းဖက်စစ်ကောင်စီတပ်စခန်းတွေနဲ့ စစ်ကူစစ်ကြောင်းတွေကို AA က ဒီဇင်ဘာ ၂၉ ရက်မှာ တိုက်ခိုက်သိမ်းပိုက်ပြီး မြို့ကို ထိန်းချုပ်သိမ်းပိုက်ခဲ့ရာ စကစ တပ်မမှူးနဲ့ တပ်ရင်းမှူးအချို့အပါအဝင် ၇၀၀ ထက်မနည်းသေဆုံးပြီး လက်နက်ခဲယမ်းများစွာ ရရှိတဲ့အပြင် သံချပ်ကာယာဉ်အချို့ ပျက်စီးခဲ့တယ်လို့ သိရပါတယ်။

ဂွမြို့ရှိ ခမရ ၅၆၂ နဲ့ ခမရ ၅၆၃ တို့ကို ဒီဇင်ဘာ ၁၅ ရက်မှ စတင်ထိုးစစ်ဆင်ခဲ့ရာ ဒီဇင်ဘာ ၂၉ ရက်၊ နေ့လယ် ၁၂ နာရီခန့်မှာ သိမ်းပိုက်ခဲ့ပြီး စစ်ကူလာတဲ့ တပ်မ ၆၆ လက်အောက်ခံ၊ ခမရ ၄၊ တပ်မ ၁၁ လက်အောက်ခံ ခမရ ၂၁၄၊ ခမရ ၂၁၅၊ ခမရ ၂၁၇၊ အနောက်တောင်တိုင်းစစ်ဌာနချုပ် နတခ လက်အောက်ခံ ခလရ ၃၆၊ ခလရ ၃၈၊ ခလရ ၉၃၊ ခလရ ၂၇၁ နဲ့ ခမရ ၃၀၈ တို့ကိုလဲ ထိုးစစ်ဆင်တိုက်ခိုက်ခဲ့ရတယ်လို့ ဆိုပါတယ်။

ဖမ်းမိတဲ့ စစ်သုံပန်းတွေကို စစ်ဆေးချက်အရ တပ်မ ၁၁ တပ်မမှူး ဗိုလ်မှူးကြီး သန်းစိုးဝင်း ဦးဆောင်ပြီး ဗျူဟာမှူး ၂ ဦးဖြစ်တဲ့ ဗိုလ်မှူးကြီး မျိုးညွန့်ဦးနဲ့ ဗိုလ်မှူးကြီး ကျော်ဇင်ထိုက် တို့က နည်းလမ်းပုံစံမျိုးစုံနဲ့ သံချပ်ကာ၊ လေကြောင်း၊ ရေကြောင်းပစ်ကူ အပြင် သံချပ်ကာ ၁၀ စီး၊ စစ်ကူ အမြောက်အများနဲ့ အသည်းအသန် ခုခံကာကွယ်ခဲ့တဲ့ကြားက ဂွမြို့ဟာ ၂၀၂၄ ခုနှစ်အတွင်းမှာ နောက်ဆုံးသိမ်းပိုက်ရရှိခဲ့တဲ့ မြို့ဖြစ်တယ်လို့ ဖော်ပြထားပါတယ်။

စစ်ကောင်စီက အင်အား ၁၂၀၀ ကျော်နဲ့ ခုခံကာကွယ်ခဲ့သော်လည်း နောက်ဆုံးမှာ အာရက္ခတပ်တော်ရဲ့ ထိုးစစ်ကို ဘယ်လိုမှယှဉ်မရဘဲ ဂွမြို့ကို လက်လွှတ်ဆုံးရှုံးခဲ့ရကြောင်း၊ တပ်မ ၁၁ တပ်မမှူး ဗိုလ်မှူးကြီး သန်းစိုးဝင်း အပါအဝင် တပ်ရင်းမှူးအချို့နဲ့ အခြားအဆင့်အမြောက်အများသေဆုံးခဲ့တဲ့အပြင် ပျက်စီးသွားတဲ့ သံချပ်ကာအချို့၊ စစ်အသုံးအဆောင်လက်နက်ခဲယမ်းတွေသိမ်းဆည်းရရှိပြီး စစ်သုံ့ပန်း အများအပြားကို ဖမ်းမိခဲ့တယ်လို့ ဆိုပါတယ်။

ဂွမြို့ ထိုးစစ်အစမှ အဆုံးအထိ တိုက်ပွဲအတွင်း စကစတပ်ဖွဲ့ဝင် ၇၀၀ ထက်မနည်း သေဆုံးနိုင်ကြောင်း မြေပြင်အလောင်းတွေ၊ ဖမ်းဆီးရမိသုံပန်းတွေရဲ့ ထွက်ဆိုချက်၊ သိမ်းဆည်းရရှိ စာရွက်စာတမ်းတွေအရ သိရတယ်လို့ ဖော်ပြထားပါတယ်။

ဂွမြိုသိမ်းတိုက်ပွဲအတွင်း သတ္တိပြောင်မြောက်စွာတိုက်ပွဲဝင်ခဲ့ကြတဲ့ အာရက္ခစစ်သည်တော်တွေ၊ အသက်နဲ့ ခန္ဓာပေးဆပ်စွန့်လွှတ်ခဲ့ကြတဲ့ အာရက္ခစစ်သည်တော်တွေကို လေးနက်စွာမှတ်တမ်းတင် ဂုဏ်ပြုအပ်တယ်လို့ AA က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

29/12/2024

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ "
ဓမ္မသာကစ္ဆာတရားတော်များ - အပိုင်း(၃)
ဆရာတော်မင်းသုည (ဗုဒ္ဓတက္ကသိုလ်)

29.12.2024
Please Like and Share our page
#ဓမ္မဖြင့်မှားယွင်းသောအတွေးအခေါ်များကိုတော်လှန်ခြင်း
#ဘာသာရေးကပြောသောနိုင်ငံရေးစကားများ
#ဓမ္မဖြင့်အဓမ္မကိုတော်လှန်ခြင်း
#ကဗျာတွေကပြောတဲ့တော်လှန်ရေးစကားများ
#လမ်းမှန်ကိုလျှောက် ပန်းတိုင်ရောက်
#စိတ်ကောင်းရှိဖို့ပထမ
#ဓမ္မသာကစ္ဆာအမေးအဖြေများ
#မင်္ဂလာရှိသောနိုင်ငံဖြစ်အောင်ဘယ်လိုတည်ဆောက်ကြမလဲ

29/12/2024

◼️‌‌‌ပြည်သူတရပ်လုံးရဲ့ နိုင်ငံရေးမျှော်မှန်းချက်တွေပြည့်ဖို့ တိုင်းရင်းသားအားလုံးရဲ့ အကောင်းဆုံး ညီအကို မိတ်ဆွေအဖြစ် ဆက်လက်ရပ်တည်မည်ဟုဆို

၂၉ ဒီဇင်ဘာ ||| နွေဦးအသံ |||

ရခိုင်ပြည်နယ်မှာ မြို့ပေါင်း ၁၄ မြို့ကို သိမ်းပိုက်ထားပြီးဖြစ်တဲ့ အာရက္ခတပ်တော် AA က မြန်မာနိုင်ငံရဲ့ လက်ရှိ အခြေအနေတွေကို စစ်‌ရေးနဲ့ ဖြေရှင်းတာထက် နိုင်ငံရေးနည်းလမ်းတွေနဲ့ ဖြေရှင်းဖို့ အမြဲအသင့်ရှိတယ်လို့ ဒီဇင်ဘာ ၂၉ ရက်မှာ ထုတ်ပြန်ကြေညာလိုက်ပါတယ်။

တရုတ်ရဲ့ ဦးဆောင်မှုအောက်မှာ နယ်စပ်တည်ငြိမ်ရေး၊ အကြမ်းဖက်မှု ပပျောက်ရေး၊ အွန်လိုင်းလောင်းကစားတိုက်ဖျက်ရေးတွေမှာ "ဟိုင်ဂင်သဘောတူညီချက်" ရတဲ့အထိ ပူးပေါင်းပါဝင်ခဲ့သလို လက်ရှိမြန်မာနိုင်ငံရဲ့ ပြည်တွင်းရေး အခင်းအကျင်း၊ အဖြစ်အပျက်တွေကို စစ်ရေးနဲ့ ဖြေရှင်းသည်ထက် နိုင်ငံရေးနည်းလမ်း တွေနဲ့ ဖြေရှင်းဖို့ အမြဲတမ်းအသင့်ရှိကြောင်း AA က ထုတ်ပြန်လိုက်တာပါ။

အာရက္ခဒေသ အကျိုးစီးပွားဖြစ်ထွန်းတဲ့၊ ဒေသဖွံ့ဖြိုးတိုးတက်ရေးကို အထောက်အကူပြုတဲ့ ဘယ်နိုင်ငံခြားရင်းနှီးမြှုပ်နှံမှုကို မဆို အသိအမှတ်ပြုကြိုဆိုပြီး ရင်းနှီးမြှုပ်နှံသူတွေရဲ့ လုံခြုံရေး၊ အသက်အန္တရာယ်ကို အထူးဂရုစိုက်ကာကွယ်သွားမှာ ဖြစ်သလို အကျိုးတူပူးပေါင်းဆောင်ရွက်သွားဖို့ လိုလားတယ်လို့ ဖော်ပြထားပါတယ်။

အာရက္ခတပ်တော်ရဲ့ ထိုးစစ်တွေဟာ ဒေသတွင်းပြည်သူတရပ်လုံးရဲ့ လိုလားတဲ့ ဆန္ဒနဲ့ ဒေသတွင်းရှိ လူမျိုးပေါင်းစုံလွတ်လပ်ရေးကို အဓိက ရည်ရွယ်ပြီး အဖိနှိပ်ခံ မြန်မာပြည်သူ တရပ်လုံး စစ်အာဏာရှင်စနစ်အောက်မှ လွတ်မြောက်ရေးအတွက်လည်း တိုက်ရိုက်အထောက်အကူ ပြုမယ်လို့ အကြွင်းမဲ့ ယုံကြည်တယ်လို့ ဆိုပါတယ်။

အဖိနှိပ်ခံမြန်မာပြည်သူလူထု တရပ်လုံးရဲ့ လိုလားတောင့်တတဲ့ နိုင်ငံရေး မျှော်မှန်းချက်တွေ တလုံးတဝတည်း ရရှိစေရေးအတွက် မားမားမတ်မတ် ဆက်လက်ရပ်တည်ပြီး မြန်မာပြည်အတွင်းမှ တိုင်းရင်းသားညီအကိုတွေရဲ့ အကောင်းဆုံး ညီအကို မိတ်ဆွေအဖြစ် ဆက်လက်ရပ်တည်သွားမှာ ဖြစ်တယ်လို့ AA က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

29/12/2024

◼️‌‌‌ဂွမြို့ကို အာရက္ခတပ်တော် AA ထပ်မံ သိမ်းယူ

၂၉ ဒီဇင်ဘာ ||| နွေဦးအသံ |||

ရခိုင်ပြည်နယ်၊ ဂွမြို့ရှိ အကြမ်းဖက်စစ်ကောင်စီ တပ်စခန်းအားလုံးကို အာရက္ခတပ်တော် AA က ဒီဇင်ဘာ ၂၉ ရက်၊ နေ့လယ်ပိုင်းမှာ အပြီးသတ်သိမ်းပိုက်ပြီး မြို့ကို ထိန်းချုပ်လိုက်ပြီ ဖြစ်တယ်လို့ သိရပါတယ်။

ဂွမြို့ရှိ စစ်ကောင်စီရဲ့ တပ်စခန်းအားလုံးကို ချေမှုန်းတိုက်ခိုက်သိမ်းပိုက်ထားနိုင်ပြီ ဖြစ်ကြောင်းနဲ့ ကစဉ့်ကလျားဆုတ်ခွာထွက်ပြေးနေတဲ့ စကစတပ်ဖွဲ့တွေကို လိုက်လံချေမှုန်းတိုက်ခိုက်လျက်ရှိတယ်လို့ အာရက္ခတပ်တော် AA ပြောခွင့်ရ ဦးခိုင်သုခ က အတည်ပြုထားတာပါ။

စစ်ကောင်စီက စစ်ကူအင်အားတွေ ဖြည့်ပြီး ဂွမြို့အနီးတဝိုက်ကို ပြန်လည်ဝင်ရောက်ဖို့ ကြိုးစားလျက်ရှိသလို ရေကြောင်း၊ လေကြောင်းမှလည်း ပစ်ကူပေး တိုက်ခိုက်လျက်ရှိတာကြောင့် နေရာအချို့မှာ တိုက်ပွဲပြင်းထန်လျက်ရှိတယ်လို့ ဆိုပါတယ်။

အာရက္ခတပ်တော် AA ဟာ ဂွမြို့ကို ၁၅ မြို့မြောက် တိုက်ခိုက်သိမ်းပိုက်ခဲ့တာဖြစ်ပြီး ရခိုင်ပြည်နယ်အတွင်းရှိ မြို့ပေါင်း ၁၄ မြို့နဲ့ ချင်းပြည်နယ် ပလက်ဝမြို့တို့ကို သိမ်းပိုက်ထိန်းချုပ်ထားနိုင်ခဲ့တာလည်း ဖြစ်ပါတယ်။

ဓာတ်ပုံ | တောင်ကုတ်မြို့သိမ်းပြီး တွေ့ရတဲ့ AA တပ်ဖွဲ့ဝင်များ

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

28/12/2024

LIGHTS OF THE FUTURE-GROUP
(အနာဂတ်အလင်းတန်းများအဖွဲ့)မှ အပတ်စဥ်ကျင်းပသော Online တရားပွဲ

"ဓမ္မဖြင့် မှားယွင်းသောအတွေးအခေါ်များကိုတော်လှန်ခြင်း"အပိုင်း (၅၄)
ဆရာတော်မင်းသုည(ဗုဒ္ဓတက္ကသိုလ်)

28.12.2024

Please Like and Share our page

28/12/2024

◼️‌‌‌လောင်းလုံးမြို့နယ် ပအဖ က ဒေသအခြေစိုက်တပ်ဖွဲ့အချို့ကို ကျည်ကာဦးထုပ်အချို့တပ်ဆင်ပေး

၂၈ ဒီဇင်ဘာ ||| နွေဦးအသံ |||

တနင်္သာရီဒေသ၊ လောင်းလုံးမြို့နယ် အခြေစိုက် နွေဦးပြောက်ကျားတပ်ဖွဲ့၊ ဓူဝံတပ်ဖွဲ့နဲ့ ကျောင်းသားလက်ရုံးတပ်ဖွဲ့တွေအတွက် ကျည်ကာ ဦးထုပ် အလုံး ၂၀ ကို လောင်းလုံးမြို့နယ် ပြည်သူ့အုပ်ချုပ်ရေးအဖွဲ့က ပေးအပ်ခဲ့တယ်လို့ ဒီဇင်ဘာ ၂၈ ရက်မှာ ထုတ်ပြန်ထားပါတယ်။

သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။

©The Voice of Spring

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

Address

Telephone

+959759244768

Website

https://www.thevoiceofspring.com/, https://t.me/VOStelegram

Alerts

Be the first to know and let us send you an email when The Voice Of Spring posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Voice Of Spring:

Videos

| ပခုက္ကူမှာ စကစတွေ စီးနင်းလာတဲ့ယာဉ်ကို အနီးကပ်ပစ်ခတ်မှု မှတ်တမ်း | Dec 30

Road to Rangoon နှစ်သစ်အကြို LIVE

Road to Rangoon နှစ်သစ်အကြို LIVE အစီအစဉ်မှာ ပြည်သူချစ်အနုပညာရှင် ကိုအောင်သော် ၊ ခါရာတို့နှင့်အတူ ကျရာနေရာတာဝန်ထမ်းဆောင်နေတဲ့ ရန်ကုန်တပ်ရင်းရဲဘော်များမှ နှစ်ဟောင်းကို နှုတ်ဆက်ရင်း မင်္ဂလာနှစ်သစ်ကို ကြိုကြဖို့ ဒီအစီအစဉ်လေးကို တင်ဆက်လိုက်ပါတယ်။ #roadtorangoon #ရန်ကုန်တိုင်းပကဖ #ရန်ကုန်တိုင်းစစ်ဌာန #တပ်ရင်း၅၁၀၁ #တပ်ရင်း၅၁၀၂ #ရန်ကုန်အတွက်အလင်းစက် #geny4revolution #zealouszack #ofpfundraiser

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ " ဓမ္မသာကစ္ဆာတရားတော်များ - အပိုင်း(၃)

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ " ဓမ္မသာကစ္ဆာတရားတော်များ - အပိုင်း(၃) ဆရာတော်မင်းသုည (ဗုဒ္ဓတက္ကသိုလ်) 29.12.2024 Please Like and Share our page #ဓမ္မဖြင့်မှားယွင်းသောအတွေးအခေါ်များကိုတော်လှန်ခြင်း #ဘာသာရေးကပြောသောနိုင်ငံရေးစကားများ #ဓမ္မဖြင့်အဓမ္မကိုတော်လှန်ခြင်း #ကဗျာတွေကပြောတဲ့တော်လှန်ရေးစကားများ #လမ်းမှန်ကိုလျှောက် ပန်းတိုင်ရောက် #စိတ်ကောင်းရှိဖို့ပထမ #ဓမ္မသာကစ္ဆာအမေးအဖြေများ #မင်္ဂလာရှိသောနိုင်ငံဖြစ်အောင်ဘယ်လိုတည်ဆောက်ကြမလဲ

"ဓမ္မဖြင့် မှားယွင်းသောအတွေးအခေါ်များကိုတော်လှန်ခြင်း"အပိုင်း (၅၄)

LIGHTS OF THE FUTURE-GROUP (အနာဂတ်အလင်းတန်းများအဖွဲ့)မှ အပတ်စဥ်ကျင်းပသော Online တရားပွဲ "ဓမ္မဖြင့် မှားယွင်းသောအတွေးအခေါ်များကိုတော်လှန်ခြင်း"အပိုင်း (၅၄) ဆရာတော်မင်းသုည(ဗုဒ္ဓတက္ကသိုလ်) 28.12.2024 Please Like and Share our page

ဓမ္မသရဏဂုံနှင့်စပ်လျဥ်း၍ အမေပေးတဲ့ခေါင်း ဓမ္မသာကစ္ဆာစကားဝိုင်း - အပိုင်း (၁၃၅)

Learn and share လေ့လာ‌‌ဝေမျှသိကြရ Social Media က စီစဥ်တဲ့ ဓမ္မသရဏဂုံနှင့်စပ်လျဥ်း၍ အမေပေးတဲ့ခေါင်း ဓမ္မသာကစ္ဆာစကားဝိုင်း - အပိုင်း (၁၃၅) #ဆွေးနွေးမည့်ဆရာတော်များ ဆရာတော်မင်းသုည(ဗုဒ္ဓတက္ကသိုလ်) ဆရာတော်ဦးဃောသိတသာရ (မှော်ဘီ) တို့ရဲ့ဆွေးနွေးချက်တိုက်ရိုက်ထုတ်လွှင့်မှု #အစီအစဥ်တင်ဆက်သူ ဦးကိုကိုလေး(USA) #ထုတ်လွှင့်မည့်နေ့ရက် 27.12.2024 (သောကြာနေ့) မြန်မာစံတော်ချိန် ည (၉း၀၀) နာရီ Please Like and Share our page

| မင်းအောင်လှိုင်နဲ့ အပေါင်းအပါတွေကို စစ်သုံ့ပန်း နပခ တိုင်းဦးစီးချုပ်က ဘာ‌ပြောလဲ | Dec 26

ဓမ္မဖြင့် အဓမ္မကိုတော်လှန်ခြင်း ဓမ္မသာကစ္ဆာစကားဝိုင်း -အပိုင်း(၆၂)

ဓမ္မဖြင့် အဓမ္မကိုတော်လှန်ခြင်း ဓမ္မသာကစ္ဆာစကားဝိုင်း -အပိုင်း(၆၂) #ဆွေးနွေးမည့်ဆရာတော်များ ဆရာတော်မင်းသုည(ဗုဒ္ဓတက္ကသိုလ်) ဆရာတော်ဦးဃောသိတသာရ (မှော်ဘီ) ကိုထက်မြတ် (CDM - ဗိုလ်ကြီး) တို့ရဲ့ဆွေးနွေးမှု တိုက်ရိုက်ထုတ်လွှင့်ချက် #စီစဥ်တင်ဆက်သူ အရှင်တေဇာနန္ဒ(တန့်ဆည်) #ထုတ်လွင့်သည့်နေ့ရက် 26.12.2024 (ကြာသပတေးနေ့) မြန်မာစံတော်ချိန်ည(၈:၀၀) Please Like and Share our page #ဓမ္မဖြင့်အဓမ္မကိုတော်လှန်ခြင်းဓမ္မသာကစ္ဆာစကားဝိုင်း

တေးသံသာများနဲ့ခရစ္စမတ်ကိုကြိုလို့ ဖက်ဆစ်ကိုဖြိုစို့

ဖက်ဆစ်စစ်တပ်ကို ဖြိုနေတဲ့ ရန်ကုန်တပ်ရင်းရဲဘော်များရဲ့ တေးသံသာများနဲ့ ခရစ်စမတ်ကို အတူကြိုကြပါမယ်။ Road To Rangoon အတွက် အလင်းစက်တခုအဖြစ် ကမ်ပိန်းကာလ (၉) ရက်မြောက်နေ့မှာ ၃၄% ကောက်ခံရရှိခဲ့ပါပြီ။ နှစ်မကူးခင်လေး 50% ကျော်သွားအောင် အလင်းစက်တို့ ဝိုင်းထောက်ကူပေးကြပါဦး။ #roadtorangoon #ရန်ကုန်တိုင်းပကဖ #ရန်ကုန်တိုင်းစစ်ဌာန #တပ်ရင်း၅၁၀၁ #တပ်ရင်း၅၁၀၂ #ရန်ကုန်အတွက်အလင်းစက် #geny4revolution #zealouszack #ofpfundraiser

| မန္တလေးအနီး အမြန်လမ်း‌မကြီးပေါ်ထိ PDF တွေ ရောက်ရှိလာပြီ | ◼️ရန်ကုန် - မန္တလေး အမြန်လမ်းမကြီးပေါ်မှာ တိုက်ပွဲ‌ဖော်ဆောင်မှုတွေ ဖြစ်လာနိုင်တဲ့အတွက် မိုင်တိုင်အမှတ် ၃၁၈ မှာ ခရီးသည်တင်ယာဉ်တွေနဲ့ ခရီးသွားပြည်သူတွေကို Natogyi People Defence Force NPDF က ဒီဇင်ဘာ ၂၃ ရက်မှာ လုံခြုံရေး စစ်ဆေးမှုတွေနဲ့ လိုအပ်တဲ့ အသိပေးမှုတွေ ပြုလုပ်ခဲ့ကြပါတယ်။ ၂၃ ဒီဇင်ဘာ ||| နွေဦးအသံ ||| သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram YouTube : https://youtube.com/c/TheVoiceOfSpringTV ကို Subscribe လုပ်ထားနိုင်ပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

ရန်ကုန်ထောက်ပို့စကားဝိုင်း တိုက်ရိုက်အစီအစဉ်

ရန်ကုန် PDF တပ်ဖွဲ့များ၊ ရန်ကုန် ပ.က.ဖ များ ပူးပေါင်း၍ ရန်ကုန်တိုင်းအတွင်း စစ်ရေးလိုအပ်ချက်များ ဖြည့်တင်းရန်ရည်ရွယ်၍ သိန်း (၅၀၀၀) ကမ်ပိန်းမှ ပြုလုပ်သော ထောက်ပို့စကားဝိုင်းအစီအစဉ်ကို တိုက်ရိုက်ထုတ်လွှင့်တင်ဆက်ပါသည်။

| မင်းတပ်မြို့သိမ်း အောင်ပွဲ | Dec 22

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ " ဓမ္မသာကစ္ဆာတရားတော်များ - အပိုင်း(၂)

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ " ဓမ္မသာကစ္ဆာတရားတော်များ - အပိုင်း(၂) ဆရာတော်မင်းသုည (ဗုဒ္ဓတက္ကသိုလ်) 22.12.2024 Please Like and Share our page #ဓမ္မဖြင့်မှားယွင်းသောအတွေးအခေါ်များကိုတော်လှန်ခြင်း #ဘာသာရေးကပြောသောနိုင်ငံရေးစကားများ #ဓမ္မဖြင့်အဓမ္မကိုတော်လှန်ခြင်း #ကဗျာတွေကပြောတဲ့တော်လှန်ရေးစကားများ #လမ်းမှန်ကိုလျှောက် ပန်းတိုင်ရောက် #စိတ်ကောင်းရှိဖို့ပထမ #ဓမ္မသာကစ္ဆာအမေးအဖြေများ #မင်္ဂလာရှိသောနိုင်ငံဖြစ်အောင်ဘယ်လိုတည်ဆောက်ကြမလဲ

Shortcuts

Address
Telephone
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City: