20/06/2023
a,e,i,o,u နှင့် စလျှင် an နဲ့တွဲဆိုသည်မှာ မမှန်ကြောင်း
သက်သေပြချက်
ခေတ်အဆက်ဆက် English သင်ကြားရေးတွင် သင်ကြား
ပေးသူဆရာများကိုယ်တိုင်က မှားနေသောကိစ္စမှာ a နှင့် an
ကို ခွဲခြားရာ၌ အနည်းကိန်းနာမ်သည် a,e,i,o,u (သရ)နှင့်
စလျှင် an နှင့်တွဲရမည် ဟူသောအချက်ဖြစ်သည်။
အမှန်က a,e,i,o,u နှင့် အစပြုတိုင်း an နှင့်မတွဲရသလို
a,e,i,o,u နှင့် မစသော်လည်း an နှင့်တွဲရသည်လည်း ရှိပါ
သည်။
သက်သေပြချက်
umbrella (ထီး)တွင် u နှင့်စသည်။
ထို့ကြောင့် an နှင့်တွဲသည်။ an umbrella မှန်သည်။
သို့ရာတွင်
university(တက္ကသိုလ်)တွင်လည်း u နှင့်စသည်။
သို့ရာတွင် an နှင့်မတွဲရ။ an university မဟုတ်။
a university ဟု ရေးရသည်။
Why? ဘာ့ကြောင့် ထိုအရာ ၂ ခု မတူရတာလဲ
umbrella တွင် အန်ဘရဲလား ဟု (အ)အသံနှင့်ထွက်ရသော
ကြောင့် an နှင့် တွဲရခြင်းဖြစ်သည်။
university တွင်မူ u နှင့်စသော်လည်း(အ)အသံမထွက်သော
ကြောင့်(အူနီဗာစီတီ မဟုတ်။ယူနီဗာစီတီဟုထွက်သောကြောင့်)
an နှင့်မတွဲရဘဲ a နှင့် တွဲရခြင်းဖြစ်သည်။
ထို့အတူ -
hour တွင် a,e,i,o,u နှင့် မစသော်လည်း an နှင့်တွဲရ၏။
an hour ဟုရေးမှ အမှန်ဖြစ်သည်။
ထို့အတူ honest တွင် ဟောနက်စ် ဟုမထွက်ရ။ h နှင့်
စသော်လည်း အောနက်စ် ဟု ထွက်သည်။ သို့ဖြစ်၍
an honest man ဟုရေးရသည်။ a,e,i,o,u နှင့်မစ၍
a နှင့်တွဲလျှင် မှားပါလိမ့်မည်။
union တွင်လည်း u နှင့်စသော်လည်း an နှင့်မတွဲရ။
a union ဟုရေးရသည်။
Why? ဘာ့ကြောင့်လဲ
hour ၏ အသံထွက်သည် သရသံ(အ)အသံဖြင့် ထွက်ရသော
ကြောင့်ဖြစ်သည်။ hour ကို ဟာဝါ ဟုမထွက်ရ။ အာဝါ ဟု
ထွက်ရသည်။ (အ)အသံဖြစ်သည်။
union တွင် u နှင့်စသော်လည်း အူနီယံ ဟုအသံမထွက်။
ယူနီယံ ဟုအသံထွက်သောကြောင့် a union ဟု ရေးရသည်။
an union ဟု မတွဲရချေ။
သို့ဖြစ်၍ သရသံ(အ)အသံထွက်မှသာ an နှင့် တွဲရမည်။ အများ
ပြောနေသလို a,e,i,o,u နှင့် စ၍ an နှင့်တွဲရသည်ဆိုသည်မှာ
မှန်ကန်မှု မရှိပေ။
အောက်ပါ အဆိုအမိန့်အတိုင်း
ကျင့်သုံးပါ -
Countable noun တွင်သာ a,an,the ကို သုံးရ၏။
A နှင့် An ကို အောက်ပါအတိုင်း ခွဲပါ။
၁။ ဗျည်းသံ(consonant sound)ဖြင့်စလျှင် = a နှင့်တွဲ
e.g a book /a man/ a boy/ a house/
a chair/ a European/a cat/ a girl
a union/ a unicorn/ a one-eyed man
a useful article/ a university etc:
၂။ သရသံ(vowel sound) ဖြင့်စလျှင် = an နှင့်တွဲ
သရသံဆိုသည်မှာ မြန်မာလို အ,အာ.အိ,အီ,အု,အူ
အေ,အဲ,အော့,အော်,အံ,အား ဟူသောအသံတို့ဖြစ်သည်။
ထိုအသံများကို vowel sound ဟုခေါ်သည်။
e.g an egg/an orange/ an ice-cream/ an hour
an honest man/ an English book/ an engineer
an ant/ an officer/an umbrella etc:
ထို သရသံနှင့် အစပြုမှသာ an နှင့် တွဲရမည်ဟု သင်ကြား
ပေးသင့်ပါကြောင်း ဆရာ ဆရာမ မိတ်ဆွေတို့ရေ ---
မူရင်းရေးသားသူ credit
:Crd:
