E L Y S I U M (2024)

30/04/2020

Vikings ခေတ်ထဲမှာ ဇာတ်လမ်းတည်ထားတဲ့ Assassin's Creed Valhalla
~~~~~~~~~~~~~~~~~~~~~~~~~~~~~~~~~~~~~~~~~
[Enic , Elysium]

Assassin's Creed Odyssey ထွက်ရှိပြီး နှစ်နှစ်အကြာမှာတော့ AC Series ရဲ့ နောက်ထပ်ဂိမ်းအသစ်တစ်ခုကို မြင်တွေ့ရတော့မှာပါ။Ubisoft အနေနဲ့ သူတို့ရဲ့ AC series ထဲက နောက်တစ်ခုဖြစ်လာမယ့် Assassin's Creed Valhalla ကို ဒီနေ့ညမှာ အပြည့်အစုံ မိတ်ဆက်ပြသသွားမယ်လို့ ကြေငြာလိုက်ပါတယ်။

အခုလက်ရှိအချိန်ထိတော့ Valhalla နဲ့ပတ်သတ်ပြီး အမြည်း ပုံတစ်ပုံကလွဲလို့ ဘာမှမသိရသေးပါဘူး။ပုံထဲမှာတော့ Viking သူရဲကောင်းတစ်ယောက် ပုဆိန် တစ်လက်ကို ကိုင်ထားတာကိုတွေ့ရမှာဖြစ်ပြီး ဘယ်ဖက်မှာတော့ ‌Viking ‌တွေရဲ့ ရွက်လှေကြီးတွေနဲ့ ညာဖက်မှာတော့ ရဲတိုက်တစ်ခုရှေ့မှာ တိုက်ပွဲဖြစ်နေတာကို တွေ့ရမှာပါ။

Assassin's Creed Valhalla ရဲ့ Reveal Trailer ကိုတော့ ဒီညမှာ တွေ့ရမှာဖြစ်ပါတယ်။Valhalla ကို လာမယ့် Play Station 5 နဲ့ X Box One X စတဲ့ Consoles အသစ်တွေပေါ်မှာထွက်ရှိမလား ဆိုတာရယ် ၊ ဒီဂိမ်းရဲ့ Release Date ရယ်ကိုတော့ Trailer ထဲ ပါမပါ စောင့်ကြည့်ရမှာပါ။

21/04/2020

Mobile မှာ “Screen Lock" feature အသစ်ထည့်ပေးလိုက်တဲ့ Netflix
~~~~~~~~~~~~~~~~~~~~~~~~~~~~~~~~~~~~~~~~~~
[M , Elysium]

ဖုန်းပေါ်မှာ Neflix ကြည့်နေရင်း မတော်တဆ Screen ကိုသွားထိမိလို့ ခလုတ်တွေမှားနှိပ်မိပြီး ကျော်သွားတာမျိုး ဖြစ်ဖူးကြလား။ဒီလိုဖြစ်တတ်တဲ့လူတွေအတွက် Netflix ကနေ “Screen Lock” ဆိုတဲ့ feature အသစ်ကိုထည့်ပေးလိုက်ပါတယ်။

ဒီ Feature ကို လက်ရှိ Android Devices တွေမှာ စတင်ရရှိနေပြီ ဖြစ်ပြီး Episodes ခလုတ်ရဲ့ဘေးမှာ တွေ့ရှိနိုင်ပါတယ်။Screen Lock ကို နှိပ်ထားလိုက်ရင် တခြား Screen ပေါ်ကခလုတ်တွေပျောက်သွားမှာ ဖြစ်ပြီး ပြန်ပေါ်ချင်ရင်တော့ Screen ကို တစ်ချက်နှိပ် ၊ နောက်ပေါ်လာတဲ့ “Unlock Controls?”ဆိုတာကို နှိပ်ပြီး ပြန်ဖော်လို့ရပါတယ်။

ဒီ Feature ဟာ ဇာတ်လမ်းကြည့်ရင်း Screen ကို ခဏခဏ သွားထိမိတဲ့လူတွေအတွက် အများကြီး အသုံး၀င်မှာ ဖြစ်ပြီး 9to5Google ရဲ့ပြောကြားချက်အရ Android Devices တော်တော်များများမှာ ရရှိနေပြီ ဖြစ်ကာ IOS devices တွေအတွက် ရမရကတော့ မသေချာသေးပါဘူး။

21/04/2020

EOS R5 ရဲ့ Specifications တွေကို ထပ်မံကြေငြာလိုက်တဲ့ Canon
~~~~~~~~~~~~~~~~~~~~~~~~~~~~~~~~~~~~~~~~~~
[M , Elysium]

Canon ရဲ့ Mirrorless Cameras တွေကြားထဲမှာ Flagship ဖြစ်လာမယ့် EOS R5 ရဲ့ အသေးစိတ်အချက်အလက်တွေကို Canon ကနေ ဒုတိယ Teaser တစ်ခုနဲ့ ထပ်မံကြေငြာလိုက်ပါတယ်။

အရင်တစ်ခေါက် Teaser မှာတော့ No-Crop 8K video with dual pixel AF , IBIS နဲ့ Advanced Animal Autofocus တို့လိုမျိုး Specs တွေကို ကြေငြာခဲ့ပြီး ဒီနေ့ရဲ့ Teaser မှာတော့ Video Specs အကြမ်းစား တွေကို အဓိကထား ကြေငြာသွားပါတယ်။

Teaser ထဲမှာ ကြေငြာသွားတဲ့ Specs တွေကတော့ အောက်ကအတိုင်းဖြစ်ပါတယ်။

▪️Internal 8K/30p RAW video recording

▪️Internal 8K/30p video recording in 4:2:2 10-bit C-Log and HDR PQ

▪️Internal 4K/120p video recording in 4:2:2 10-bit C-Log and HDR PQ

▪️External 4K/60p video recording over HDMI

▪️No-crop 8K and 4K video recording using the full-width of the sensor

▪️Dual Pixel CMOS AF available in all 8K and 4K recording modes

▪️C-Log available in 8K and 4K internal recording modes

▪️5-axis In-Body Image Stabilization works in conjunction with Optical IS in both RF and EF lenses

▪️Dual-card slots: 1 CFexpress and 1 SD UHS-II

ဒါဟာ “Development Announcement” သာဖြစ်ပြီး အပြည့်အစုံ ကြေငြာဖို့ကတော့ May လကုန် June လလောက်မှ ဖြစ်မှာပါ။Canon EOS R5 ရဲဈေးနှုန်းကိုတော့ $3500 လောက်ဖြစ်မယ်လို့ ခန့်မှန်းရပြီး တရား၀င်ဈေးနှုန်းကို Canon ကနေကြေငြာထားခြင်း မရှိသေးပါဘူး။

20/04/2020

I Phone SE plus ထွက်လာနိုင်ဖွယ်ရှိ
~~~~~~~~~~~~~~~~~~~~~~~~~~~~~~~~~~~~~~~~~~
[M , Elysium]

လွန်ခဲ့တဲ့အပါတ်တုန်းက Apple ဟာ I Phone SE 2nd Generation ကို ရုတ်တရက်ကြေငြာခဲ့ပါတယ်။အခုအချိန်မှာတော့ အရင်အပါတ်ကကြေငြာခဲ့တဲ့ ဖုန်းထက် အနည်းငယ်ကြီးတဲ့ Plus version ထွက်လာနိုင်တယ်လို့ သတင်းတွေထွက်နေပါတယ်။

Tech Analyst တစ်ဦးဖြစ်တဲ့ နာမည်ကြီး Apple Rumormonger “Jon Prosser” ရဲ့ Tweet အရ သူဆီမှာ မကြာခင် I Phone SE plus သတင်းတွေရှိလာမယ်လို့ ပြောကြားထားပါတယ်။

Tweet - https://twitter.com/jon_prosser/status/1251601193593458689?s=19

ဒီထက်ပိုပြီးတော့ ဘာမှထပ်မသိရသေးပေမယ့် Apple အနေနဲ့ SE plus ကို ရုတ်တရက် ထပ်မံကြေငြာလာနိုင်ပါတယ်။

အရင်အပတ်က ကြေငြာခဲ့တဲ့ I Phone SE ရဲ့ အပြင်ပိုင်း Design ဟာ Apple logo အလယ်ရောက်သွားတာကလွဲပြီး I Phone 8 Design နဲ့ တစ်ပုံစံတည်းပါ။ဒါကြောင့် တကယ်လို့ SE plus ထွက်လာခဲ့မယ်ဆိုရင်လည်း I Phone 8 Plus ပုံစံဖြစ်ဖို့များပါတယ်။

I Phone SE plus တကယ်ထွက်လာမလား ကောလဟာလပဲလား ဆိုတာကတော့ စောင့်ကြည့်ရမှာပဲဖြစ်ပါတယ်။

20/04/2020

May လထဲမှာ မိတ်ဆက်လာနိုင်ဖွယ်ရှိတဲ့ PS5
~~~~~~~~~~~~~~~~~~~~~~~~~~~~~~~~~~~~~~~~~
[Enic , Elysium]

လက်ရှိအချိန်မှာတော့ PS5 နဲ့ပတ်သတ်ပြီး Specs တွေနဲ့ Controller အကြောင်းတွေကို အသေးစိတ် သိရှိခဲ့ရပြီးပါပြီ။ဒါပေမယ့် တကယ့်အဓိက Console ကြီးကိုတော့ကြေငြာဖို့လိုနေပါသေးတယ်။

VideoGamesChronicles ရဲ့ report တစ်ခုအရ Sony ဟာ သူ့ရဲ့ PS5 ဂိမ်းစက်ကို လာမယ့် May လထဲမှာကြေငြာသွားဖွယ်ရှိတယ်လို့ သိရပါတယ်။ဒါပေမယ့်လည်းအသေအချာကြီးတော့ မျှော်လင့်ထားလို့မရသေးပါဘူး။

အရင်အပတ်က သတင်းတစ်ခုမှာလည်း Sony ဟာ PS5 ကိုကြေငြာတဲ့အချိန်မှာ အခုလက်ရှိအခြေအနေတွေအရ အလုံးရေအကန့်အသတ်ပဲ ထုတ်လုပ်သွားမယ်လို့ ပြောကြားထားပါတယ်။

လက်ရှိဖြစ်ပွားနေတဲ့ Coronavirus ကြောင့် Sony ဟာ ဂိမ်း ၊ ရုပ်ရှင် ထုတ်လုပ်ရေးတွေကို ရပ်နားထားရပြီး မကြာ‌သေးခင်ကပဲ ပရိသတ်အများအပြား စောင့်မျှော်နေကြတဲ့ “The Last Of Us : Part 2” ထွက်ရှိမယ့်ရက်ကို ထပ်မံရွှေ့ဆိုင်းခဲ့ရပါသေးတယ်။

ဒါကြောင့် PS5 ကြေငြာမယ့် ရက်ဟာလည်း မျှော်လင့်ထားတာထက် နောက်ကျနိုင်တယ်လို့ ခန့်မှန်းရပါတယ်။ကံကောင်းရင်တော့ အားလုံးစောင့်မျှော်နေကြတဲ့ PS5 ကို နောက်လထဲမှာ မြင်တွေ့ကြရမှာပါ။

20/04/2020

Gaming သီးသန့်ရည်ရွယ်တဲ့ “Facebook Gaming” App
~~~~~~~~~~~~~~~~~~~~~~~~~~~~~~~~~~~~~~~~
[Enic , Elysium]

ကမ္ဘာ့အများဆုံး အသုံးပြုသူတွေကို ပိုင်ဆိုင်ထားတဲ့ Facebook ကုမ္ပဏီဟာ Social Media နဲ့တင် မကျေနပ်သေးပဲ Game Streaming လောကကိုပါ သိမ်းပိုက်နိုင်ဖို့ ကြိုးစားနေတာ နှစ်အနည်းငယ်ရှိပါပြီ။

Game Streaming လောကကို လွှမ်းမိုးထားတဲ့ Twitch , Youtube , Mixer တို့ရဲ့ နေရာကိုယူနိုင်ဖို့အတွက် နောက်ထပ်ခြေလှမ်းတစ်ခုအနေနဲ့ Facebook Gaming ဆိုပြီး Gaming သီးသန့်ရည်ရွယ်တဲ့ Application ကိုထုတ်ပေးသွားမှာပါ။

ဒီ App မှာတော့ သာမာန် ပေါ့ပေါ့ပါးပါး ဆော့စရာ ဂိမ်းအသေးလေးတွေပါ၀င်လာမှာ ဖြစ်ပြီး အဓိကရည်ရွယ်တာကတော့ Game Livestreams တွေကြည့်ရှူဖို့နဲ့ အလွယ်တကူလွှင့်နိုင်ဖို့ ရည်ရွယ်တာဖြစ်ပါတယ်။

ဒီ App ကိုတော့ Android အတွက် Google Playstore မှာ April 15 ရက်နေ့ကတည်းက စတင်ရရှိနေပြီ ဖြစ်ပြီး IOS အတွက်ကတော့ Apple ကလက်ခံပေးတာနဲ့ Appstore မှာရရှိနိုင်မှာပါ။

Facebook အနေနဲ့ သူ့ရည်ရွယ်ချက်အတိုင်း Game Streaming လောကကို သိမ်းပိုက်နိုင်မလားဆိုတာကတော့ စောင့်ကြည့်ရမှာပဲဖြစ်ပါတယ်။အခုအချိန်မှာတော့ Twitch က နံပါတ် “တစ်” နေရာမှာ ရပ်တည်နေဆဲပါ။

20/04/2020

အစောပိုင်းထုတ်လုပ်မှု စတင်နေပြီ ဖြစ်တဲ့ GTA 6
~~~~~~~~~~~~~~~~~~~~~~~~~~~~~~~~~~~~~~~~~~
[Enic , Elysium]

GTA 5 ထွက်ရှိခဲ့ပြီး 7 နှစ် ကျော်ကြာတဲ့အခါမှာတော့ GTA ဂိမ်းအသစ်တစ်ခုကို စောင့်မျှော်နေတဲ့ ပရိသတ်တွေအတွက် ကောလဟာလ မဟုတ်ပဲသေချာတဲ့ သတင်း တစ်ခုထွက်လာပါတယ်။

GTA ဂိမ်းတွေရဲ့ ထုတ်လုပ်သူကုမ္ပဏီဖြစ်တဲ့ “Rockstar Games” ၀န်ထမ်းတွေကို Kotaku ကနေ Interview ကြည့်တဲ့အခါမှာ အမည်မဖော်လိုတဲ့ ၀န်ထမ်းတစ်ဦးရဲ့ ပြောကြားချက်အရ GTA ဂိမ်းအသစ်တစ်ခုကို စတင်လုပ်ဆောင်နေပြီလို့သိရပါတယ်။

စိတ်မကောင်းစရာ တစ်ခုကတော့ ဒီ GTA ဂိမ်းအသစ်ဟာ အစောပိုင်းထုတ်လုပ်မှုအဆင့်မှာပဲ ရှိနေသေးတာဖြစ်တဲ့အတွက် လာမယ့် နှစ်အနည်းငယ်အတွင်းမှာတော့ ထွက်ရှိဦးမှာမဟုတ်ပါဘူး။

နောက်ထပ်သိရတာတစ်ခုကတော့ ဒီဂိမ်းထွက်လာမယ့် အချိန်မှာ မြေပုံဟာ အရင် GTA ဂိမ်းတွေထက်သေးငယ်တဲ့ အသင့်အတင့် အရွယ်အစားနဲ့ပဲ စတင်ထွက်ရှိလာမှာဖြစ်ပြီး ဂိမ်း Updates တွေနဲ့ မြေပုံကို တဖြည်းဖြည်း ချဲ့ပေးသွားမှာပါ။

ဒါကြောင့် ပုံမှန် Updates အနည်းငယ်အတွင်းမှာ မြေပုံဟာ တဖြည်းဖြည်းကြီးမားလာမှာဖြစ်ပြီး ထွက်ရှိဖူးသမျှ GTA ဂိမ်းတွေလို မဟုတ်တဲ့အတွက် စိတ်လှုပ်ရှားစရာပါပဲ။ဂိမ်းထွက်ရှိမယ့်အချိန်ကတော့ နောက် ၃ နှစ်ကနေ ၅ နှစ်အထိ ကြာနိုင်ပါသေးတယ်။

17/04/2020

ဂရုစိုက်မှုကို ဖော်ပြတဲ့ Reaction အသစ်တွေကို မိတ်ဆက်လိုက်တဲ့ Facebook.........................................................................................
[M , Elysium]

အခုအချိန်မှာတော့ Coronavirus ကြောင့် တစ်ကမ္ဘာလုံးမှာရှိတဲ့ လူတိုင်းဟာ အိမ်တွင်းပုန်းနေကြရပါတယ်။ဒီလိုခက်ခဲနေတဲ့အချိန်မှာ အဝေးမှာရှိတဲ့ ကိုယ်ချစ်ရတဲ့လူတွေကို “နွေးထွေးမှု” ပြသနိုင်ဖို့ရည်ရွယ်ပြီး Facebook က Reaction အသစ်တွေကို မိတ်ဆက်လိုက်ပါတယ်။

Facebook မှာ ထည့်ပေးသွားမယ့် Reaction အသစ်ကလေးရဲ့ပုံစံကတော့ အသည်းပုံကိုမှ နွေးနွေးထွေးထွေးဖက်ထားတဲ့ ပုံစံလေးပါ။ဒီ Emoji ကိုတော့ အခုလက်ရှိ ရှိပြီးသား Reaction Emoji 6 ခုရဲ့ ဘေးမှာ 7 ခုမြောက်အနေနဲ့ နောက်အပါတ်က စပြီးထည့်ပေးသွားမယ်လို့ သိရပါတယ်။

နောက်တစ်ခုကတော့ Messenger မှာထည့်ပေးသွားမယ့် ခရမ်းရောင် အသည်းပုံ Reaction အသစ်ဖြစ်ပါတယ်။ဒီ Reaction ကိုတော့ အခုအချိန်မှာ ရှိပြီးသား အသည်းပုံ Reaction ကို အကြာကြီး ဖိထားပြီး အသုံးပြုနိုင်ပြီ ဖြစ်ပါတယ်။သေချာနားမလည်ရင်တော့ အောက်က Video မှာကြည့်ပါ။

https://mobile.twitter.com/alexvoica/status/1251090868913819649

Reaction တွေနဲ့ လူ့အသက်တွေကို မကယ်နိုင်ပေမယ့် Facebook အသုံးပြုသူတွေကြား နွေးထွေးမှုပိုမိုပေးနိုင်ပြီး ဖြစ်ပျက်နေတဲ့အခြေအနေတွေ အပေါ် ခံစားရ သက်သာဖို့ ရည်ရွယ်တယ်လို့ သိရပါတယ်။

16/04/2020

Intel 10th Gen H-Series Processors နဲ့ AMD Ryzen 4000 H-Series Processors တို့နဲ့ မိတ်ဆက်လာတဲ့ Lenovo ရဲ့ Gaming Laptop အသစ်များ...........................................................................................

Lenovo အနေနဲ့ သူ့ရဲ့ Legion Gaming နောက်ဆုံးထုတ်ကုန်တွေ အနေနဲ့ Gaming Laptops အသစ်တွေ‌ကိုကြေငြာခဲ့ပါတယ်။

အသေးစိတ်ကိုတော့ တစ်ပုံချင်းစီထောက်ပြီး ဖတ်ပါ။

16/04/2020

“The Mandalorian” behind-the-scenes series ကိုပြင်ဆင်နေတဲ့ Disney+......................................................................................

Star Wars fan တွေ အားလုံးစောင့်မျှော်နေကြတဲ့ “The Mandalorian” Season 2 မပြသခင်မှာ Disney+ ဟာ အပိုင်း ၈ ပိုင်းပါ၀င်မယ့် “The Mandalorian” ရိုက်ကွင်းနောက်ကွယ် Series တစ်ခုကို ပြင်ဆင်နေပါတယ်။

ဒီ Series မှာတော့ “The Mandalorian” ရိုက်ကွင်းအကြောင်းတွေ ၊ သရုပ်ဆောင်တွေနဲ့ ရိုက်ကွင်းအဖွဲ့သားတွေရဲ့ Interviews တွေ အပြင် Executive Producer “Jon Favreau” တင်ဆက်မယ့် စကားဝိုင်းတွေ ပါ၀င်မှာဖြစ်ပါတယ်။

ဒါ့အပြင် ရိုက်ကွင်းမှာ အသုံးပြုတဲ့ နည်းပညာတွေ ၊ ရုပ်ရှင်ထဲက သတ္တဝါ ဖန်တီးမှုတွေ အကြောင်းကိုရော ဒီ Series ထဲမှာ တွေ့မြင်ကြရမှာပါ။ပရိသတ်တွေကတော့ “ Baby Yoda ” လေးကို ဘယ်လိုပြုလုပ်ထားသလဲဆိုတာကို တွေ့မြင်ရမယ်လို့ မျှော်လင့်နေကြပါတယ်။

ဒီ “The Mandalorian” ရဲ့ BTS Series ကိုတော့ Star Wars Day ဖြစ်တဲ့ May 4th ကနေစပြီး Disney+ မှာ အပတ်စဉ် သောကြာနေ့တိုင်း ထုတ်လွှင့်သွားမှာဖြစ်ပါတယ်။အဲ့ရက်မှာပဲ Disney+ အနေနဲ့ The Clone Wars ရဲ့ နောက်ဆုံးအပိုင်းကို ပြသသွားဖို့လည်း ရှိပါတယ်။

16/04/2020

Quarantine အချိန်မှာ ဘာတွေလုပ်ကြမလဲ ? .......................................................................................

အခုဆို အားလုံးသိတဲ့အတိုင်းပဲ Covid-19 Coronavirus ရဲ့ ဒုက္ခပေးမှုကြောင့် တစ်ကမ္ဘာလုံးဟာ အိမ်‌တွင်းပုန်းနေကြရပါတယ်။အိမ်မှာနေရတဲ့အချိန်မှာ ဘာတွေလုပ်ဖြစ်ကြသလဲ မေးရင်တော့ လူတိုင်းနီးပါးရဲ့ အဖြေဟာ စားတယ် ၊ အိပ်တယ် ၊ ဖုန်းပွတ်တယ်။ဒါတွေနဲ့ပဲ နေ့တိုင်း သံသရာလည်နေကြမှာပါ။

ဆိုတော့ သေချာစဉ်းစားကြည့်မယ်ဆိုရင် လူအများစုအတွက် အခုအိမ်တွင်းပုန်းနေရတဲ့ အချိန်ဟာ တစ်သက်လုံး တစ်ခါမှ မရဘူးတဲ့ အချိန်ပိုလျှံနေမှုကြီးပါပဲ။ဒီအချိန်တွေကို အလကားဖြစ်စေမယ့်အစား အကျိုးရှိတာလေးတွေ နည်းနည်းပါးပါး လုပ်ဖြစ်ကြမယ်ဆိုရင် မကောင်းဘူးလား။

‌ဒီနေ့မှာတော့ Self-Quarantine အနေနဲ့ အိမ်တွင်းပုန်းနေကြရတဲ့ အချိန်မှာ လုပ်လို့ရတဲ့ အကျိုးရှိတာလေးတွေအကြောင်း နည်းနည်းပြောပြသွားပါ့မယ်။

15/04/2020

Apple မှ 399$ တန် I Phone SE 2 ကိုကြေငြာ
.........................................................................................

အကြာကြီး စောင့်မျှော်ခဲ့ရတဲ့နောက် ဒီနေ့မှာတော့ Apple ကနေ သူ့ရဲ့ I Phone SE 2 ကို တရား၀င်ကြေငြာလိုက်ပြီပဲ ဖြစ်ပါတယ်။

Body အနေနဲ့ I Phone 8 ဒီဇိုင်းအတိုင်း ထွက်ရှိလာခဲ့တာဖြစ်တာကြောင့် 4.7 လက်မ True Tone LCD Screen နှင့်အတူ Touch ID ပါ၀င်လာမှာပါ။

Processor အနေနဲ့ Apple ရဲ့ I Phone 11 နဲ့ 11 pro model တွေမှာ သုံးထားတဲ့ A13 Bionic Chip ကိုပဲ ဒီဖုန်းမှာ သုံးပေးထားတဲ့အတွက်ကြောင့် 11 နဲ့ 11 pro တို့ရဲ့ performance ရရှိနိုင်မှာပဲဖြစ်ပါတယ်။

Camera အနေနဲ့ကတော့ 12 Megapixels တစ်လုံးတည်းပဲဖြစ်ပြီး A13 chip ရဲ့ Smart HDR နဲ့ “Monocular Depth Sensing” လို့ခေါ်တဲ့ Apple ရဲ့ Camera တစ်လုံးတည်းနဲ့ Potrait ရိုက်နိုင်တဲ့ စနစ်လည်းပါ၀င်လာမှာပါ။Video အနေနဲ့ 4K ကို 60 Fps အထိရိုက်နိုင်မှာဖြစ်ပြီး ရှေ့ဘက်မှာတော့ 7 Megapixels Selfie Camera ကနေ Potrait Mode effects တွေလည်းရိုက်နိုင်ဦးမှာဖြစ်ပါတယ်။

Battery size ကိုတော့ Apple ဘက်က အတိအကျ မထုတ်ပြန်ပေမယ့် I Phone 8 battery အတိုင်းထွက်လာမယ်လို့ ခန့်မှန်းရပါတယ်။ဘူးထဲမှာ အားသွင်းကြိုးအနေနဲ့ 5W charger ပဲ ပါ၀င်လာမှာဖြစ်ပြီး Fast Charging လိုချင်ရင်တော့ 18 W charger ထပ်၀ယ်ရမှာပါ။

၀ယ်ယူချင်တယ်ဆိုရင်တော့ April 15 ရက် ဒီအပတ် သောကြာနေ့မှာ စတင် Preorder နိုင်မှာဖြစ်ပြီး April 17 မှာစတင်ရောင်းချသွားမှာဖြစ်ပါတယ်။

ဈေးနှုန်းတွေ အနေနဲ့ကတော့ အောက်ကအတိုင်းဖြစ်ပါတယ်။

64 GB - 399$
128 GB - 449$
256 GB - 549$

အသေးစိတ် Specifications တွေကြည့်ချင်တယ်ဆိုရင်တော့ ဒီမှာ သွားကြည့်လို့ရပါတယ်။

https://m.gsmarena.com/apple_iphone_se_(2020)-10170.php

15/04/2020

𝘽𝙚𝙨𝙩 4 𝙋𝙝𝙤𝙩𝙤 𝙀𝙙𝙞𝙩𝙞𝙣𝙜 𝘼𝙥𝙥

အသုံးပြုရအလွယ်ဆုံးနှင့် အကောင်းဆုံး Mobile Photo Editing Applications (၄)မျိုးကို
𝐄 𝐋 𝐘 𝐒 𝐈 𝐔 𝐌 မှ ဖော်ပြပေးသွားမှာ ဖြစ်ပါတယ်။
အခုဖော်ပြသွားမယ့် App 4 ခုကို Play Store မှာ အလွယ်တကူ Free Download ရယူနိုင်ပါတယ်။
အချို့ App တွေကတော့ Premium Version သက်သက်ရှိပါတယ်။ Premium Version မှ သုံးချင်တယ်ဆိုရင်တော့ Page Messenger မှာ Crack Version လာတောင်းနိုင်ပါတယ်။
***(ပိုက်ဆံတတ်နိုင်ရင်တော့ ဝယ်သုံးကြဖို့ဘဲ အကြံပေးပါတယ်။)***
ပုံတစ်ပုံရှိတွင် အကြမ်းဖျင်းသုံးသပ်ချက်များ ပါရှိပါတယ်။ ၎င်း (၄)ခုထဲမှ အသေးစိတ်သိလိုသော App ၁ ခုကို Comment မှာ ရေးခဲ့ပေးပါ။

15/04/2020

ကမ္ဘာ့သမိုင်းတွင် အဆိုးရွားဆုံး ကပ်ရောဂါများ
...................................................................................
[M , Elysium]

ကမ္ဘာ့သမိုင်းမှာ ကပ်ရောဂါကြီးတွေ အများကြီး ဖြစ်ပွားခဲ့ပါတယ်။ဒီအထဲကမှ အဆိုးဆုံးဖြစ်ခဲ့တဲ့ ရောဂါတွေကို သေဆုံးနှုန်းနဲ့တကွ အောက်မှာ ဖော်ပြသွားပါ့မယ်။

Notes- သေဆုံးနှုန်းတွေက ရောဂါဖြစ်ပွားချိန်မှာ ရှိခဲ့တဲ့ ကမ္ဘာ့လူဦးရေနဲ့ သေဆုံးသူဦးရေနဲ့ အချိုးချ တွက်ချက်ထားတာဖြစ်ပါတယ်။

◾SARS ( 2002 -2004 )

အရှည်ကောက်အနေနဲ့ Severe Acute Respiratory Syndrome လို့ခေါ်တဲ့ Coronavirus တစ်မျိုးဟာ November , 2002 မှာ တရုတ်နိုင်ငံ၌ စတင်တွေ့ရှိခဲ့တာ ဖြစ်ပြီး နိုင်ငံပေါင်း 29 နိုင်ငံကို ကူးစက်ခဲ့ပါတယ်။ကမ္ဘာတဝှမ်း Cases ပေါင်း 8,000 ကျော်တွေ့ရှိခဲ့ပြီး 774 ဦး သေဆုံးခဲ့ပါတယ်။

သေဆုံးနှုန်း - လူ 8,200,000 (၈.၂ သန်း) တွင် 1 ဦး

◾Ebola ( 2013 - 2016 )

Guinea နိုင်ငံရဲ့ အရှေ့တောင်ဘက်ဒေသမှာ စတင်ဖြစ်ပွားခဲ့တာဖြစ်ပြီး ရောဂါ အဓိက ဖြစ်ပွားခဲ့တဲ့ အနောက်အာဖရိကနိုင်ငံတွေမှာ သေဆုံးနှုန်းဟာ 50% အထိရှိခဲ့ပါတယ်။Cases ပေါင်း 28,000 ကျော်တွေ့ရှိခဲ့ပြီး 11,320 ဦး ကျော် သေဆုံးခဲ့ပါတယ်။

သေဆုံးနှုန်း - လူ 637,000 ( ၆ သိန်း ၃ သောင်း ၇ ထောင် ) တွင် 1 ဦး

◾Covid-19 ( 2019 - NOW )

နောက်ထပ် Coronavirus တစ်မျိုးဖြစ်တဲ့ Covid - 19 ပထမဆုံး Case ကို တရုတ်နိုင်ငံ ၊ ဝူဟန်မြို့မှာ စတင်တွေ့ရှိခဲ့တာဖြစ်ပြီး ယခု စာရေးနေချိန်မှာ ကမ္ဘာတဝှမ်း ကူးစက်ခံရသူပေါင်း 2,000,000 ( ၂ သန်း ) ကျော်ပြီဖြစ်ကာ သေဆုံးသူပေါင်း 126,000 ( ၁ သိန်း ၂ သောင်း ၆ ထောင် ) ကျော်ရှိပြီ ဖြစ်ပါတယ်။

သေဆုံးနှုန်း - လူ 60,000 ( ၆ သောင်း ) တွင် 1 ဦး

◾Swine Flu ( 2009 - 2010 )

မြောက်အမေရိကမှာစတင်တွေ့ရှိခဲ့တဲ့ H1N1 Influenza virus ဟာ ကမ္ဘာတဝှမ်းကို ပြန့်နှံသွားခဲ့ပြီး WHO နဲ့ CDC တို့ရဲ့ ခန့်မှန်းတွက်ချက်မှုအရ သေဆုံးသူပေါင်း 284,000 ဦး‌ ၀န်းကျင် ရှိပါတယ်။

သေဆုံးနှုန်း - လူ 30,000 ( ၃ သောင်း ) တွင် 1 ဦး

◾18th Century Great Plague ( 1700s )

ကြွက်တွေကနေတဆင့် ကူးစက်ပြန့်နှံတဲ့ ဒီ Bacteria ပိုးဟာ 1700 ခုနှစ်တွေတလျှောက် ဥရောပတိုက် နေရာ အနှံအပြားမှာ အကြိမ်ကြိမ်ဖြစ်ပွားခဲ့ပါတယ်။ဒီ ဖြစ်ပွားမှုတွေမှာ သန်းနဲ့ချီနဲ့လူတွေ ကူးစက်ခံခဲ့ရပြီး သေဆုံးသူ စုစုပေါင်း 660,000 ( ၆ သိန်း ၆ သောင်း ) ကျော်ရှိခဲ့ပါတယ်။

သေဆုံးနှုန်း - လူ 1000 တွင် 1 ဦး

◾Cholera ( 1817 - 1975 )

လွန်ခဲ့တဲ့ နှစ် 200 အတွင်း Cholera လို့အမည်ရတဲ့ Bacteria ကူးစက်ပြန့်ပွားမှု 7 ကြိမ်ရှိခဲ့ပါတယ်။India , Russia , Mexico , Philippines နဲ့ Ottoman Empire တို့မှာ ရောဂါဒဏ်ကို အဆိုးဆုံးခံခဲ့ကြရပြီး သေဆုံသူပေါင်း 1,000,000 ( ၁ သန်း ) အထိရှိခဲ့ပါတယ်။

သေဆုံးနှုန်း - လူ 1200 တွင် 1 ဦး

◾Hong Kong Flu ( 1968 - 1970 )

July 13 , 1968 ခုနှစ် Hong Kong မှာစတင်ဖြစ်ပွားခဲ့တဲ့ H3N2 influenza virus ဟာ ကမ္ဘာတဝှမ်း ပြန့်နှံ့ခဲ့ပြီး လူပေါင်း 1,000,000 ( ၁ သန်း ) ကျော် သေဆုံးခဲ့ပါတယ်။

သေဆုံးနှုန်း - လူ 3500 တွင် 1 ဦး

◾Russian Flu ( 1889 - 1890 )

နောက်တစ်မျိုး အနေနဲ့ Asiatic Flu လို့သိကြတဲ့ H2N2 influenza virus ဟာ 1889 ခုနှစ် Russia Empire မှာစတင်ခဲ့ပြီး ဥရောပတိုက်နဲ့ ကျန်ကမ္ဘာ့အစိတ်အပိုင်းတွေကို ကူးစက်ပြန့်နှံကာ လူပေါင်း 1,000,000 ( ၁ သန်း ) ကျော် သေဆုံးခဲ့ပါတယ်။

သေဆုံးနှုန်း - လူ 1650 တွင် 1 ဦး

◾Asian Flu ( 1957 - 1958 )

1957 ခုနှစ် တရုတ်ပြည် Guizhou မှာ စတင်ခဲ့တဲ့ H2N2 influenza virus တစ်မျိုးဟာ ကမ္ဘာအနှံပြန့်နှံ့ခဲ့ပြီး လူပေါင်း 1,100,000 ( ၁.၁ သန်း ) ကျော်သေဆုံးခဲ့ပါတယ်။

သေဆုံးနှုန်း - လူ 2270 တွင် 1 ဦး

◾17th Century Great Plague ( 1600s )

ဒီရောဂါကတော့ 1600 ခုနှစ်တွေ တလျှောက် ဥရောပတိုက်မှာ အကြိမ်ကြိမ်ဖြစ်ပွားခဲ့တာပါ။လူသိများကြတဲ့ The Great Plague of London နဲ့ The Great Plague of Milan တို့အပါအ၀င်ဖြစ်ပါတယ်။စုစုပေါင်းအနေနဲ့ လူပေါင်း 3,000,000 ( ၃ သန်း ) ကျော်သေဆုံးခဲ့ပါတယ်။

သေဆုံးနှုန်း - လူ 183 ဦးတွင် 1 ဦး

◾Antonine Plague ( 165 - 180 )

သမိုင်းမှတ်တမ်းတွေအရ ဒီရောဂါကြောင့် ရောမအင်ပါယာရဲ့ လူဦးရေ သုံးပုံ တစ်ပုံ သေဆုံးခဲ့ရပါတယ်။ရောမဘုရင် Lucius Verus အပါအ၀င် လူပေါင်း 5,000,000 ( ၅ သန်း ) ကျော်သေဆုံးခဲ့ပါတယ်။

သေဆုံးနှုန်း - လူ 37 ဦး တွင် 1 ဦး

◾HIV / AIDS ( 1981 - NOW )

အဓိကအားဖြင့် လိင်ဆက်ဆံမှုကနေတဆင့်ကူးစက်တဲ့ ဒီရောဂါဟာ စတင်တွေ့ရှိခဲ့ချိန်ကစပြီး ယခုအချိန်အထိ သန်းနဲ့ချီတဲ့လူတွေကို ကူးစက်ခဲ့ပြီး ဖြစ်ပြီး သေဆုံးသူပေါင်း 25,000,000 ( ၂၅ သန်း ) ကျော်ရှိခဲ့ပြီ ဖြစ်ပါတယ်။

သေဆုံးနှုန်း - လူ 580 တွင် 1 ဦး

◾Third Plague ( 1855 - 1960 )

ဒီရောဂါဖြစ်ပွားမှုကတော့ တရုတ်နိုင်ငံ ယူနန် ပြည်နယ်ကနေ စတင်ခဲ့တာဖြစ်ပြီး ရေကြောင်း ကုသွယ်မှုကနေတဆင့် ကမ္ဘာ့နေရာ အနှံအပြား ကူးစက်ခဲ့ပါတယ်။ India နိုင်ငံတွင်းမှာပဲ လူပေါင်း 10 သန်းကျော် သေဆုံးခဲ့ပြီး တစ်ကမ္ဘာလုံး အနေနဲ့ သေဆုံးသူပေါင်း 25,000,000 ( ၂၅ သန်း ) ရှိခဲ့ပါတယ်။

သေဆုံးနှုန်း - လူ 50 တွင် 1 ဦး

◾Plague of Justinian ( 541 - 542 )

ရောမအင်ပါယာရဲ့ အရှေ့ပိုင်းဒေသကနေ စတင်ပြန့်ပွားခဲ့တာဖြစ်ပြီး ကုန်သွယ် သင်္ဘောတွေကနေတဆင့် Mediterranean ပင်လယ် တဝိုက်မှာရှိတဲ့ ကုန်သွယ်ရေးမြို့ အားလုံးကို ပြန့်နှံခဲ့ပါတယ်။စုစုပေါင်းအနေနဲ့ သေဆုံးသူပေါင်း 30,000,000 ( သန်း ၃၀ ) ရှိခဲ့ပါတယ်။ ဒါဟာ အဲ့အချိန်က ဥရောပတိုက် လူဦးရေရဲ့ တစ်၀က်နှုန်းဖြစ်ပါတယ်။

သေဆုံးနှုန်း - လူ 7 ဦးတွင် 1 ဦး

◾Spanish Flu ( 1918 - 1920 )

Spanish Flu ဟာ H1N1 influenza virus တစ်မျိုးဖြစ်ပြီး ပထမ ကမ္ဘာစစ်အပြီးဖြစ်ပွားခဲ့တာဖြစ်ပြီး ဥရောပတိုက်ကနေ တဆင့် တစ်ကမ္ဘာလုံးကို ပြန့်နှံခဲ့ပါတယ်။ဒီရောဂါကြောင့် လူပေါင်း 40,000,000 ( သန်း 40 ) သေဆုံးခဲ့ပါတယ်။

သေဆုံးနှုန်း - လူ 48 ဦးတွင် 1 ဦး

◾Smallpox Outbreak ( 1520 - 1979 )

ကျောက်ကြီးရောဂါလို့ လူသိများတဲ့ ဒီရောဂါဟာ 1520 ကနေစပြီး ကမ္ဘာ့အနှံအပြားမှာ အကြိမ်ကြိမ်ဖြစ်ပွားခဲ့တာပါ။စုစုပေါင်း လူ 50,000,000 ( သန်း ၅၀ ) ကျော်သေဆုံးခဲ့ပါတယ်။

သေဆုံးနှုန်း - လူ 50 တွင် 1 ဦး

◾Black Death ( 1331 - 1353 )

ကမ္ဘာ့သမိုင်းမှာ အဆိုးရွားဆုံးဖြစ်တဲ့ ဒီရောဂါကြောင့် ဥရောပရဲ့ လူဦးရေ တစ်၀က် သေဆုံးခဲ့ပြီး တစ်ကမ္ဘာလုံး အတိုင်းအတာ သေဆုံးသူပေါင်း 75 သန်းကနေ သန်း 200 အထိ ရှိမယ်လို့ ခန့်မှန်းကြပါတယ်။တရား၀င် စာရင်းတွေအရ ဒီရောဂါကြောင့် အဲ့အချိန်က ကမ္ဘာ့လူဦးရေ 475 သန်း ကနေ 350 သန်းအထိ လျော့ကျခဲ့ပါတယ်။ဥရောပတိုက်အနေနဲ့ ဒီရောဂါကဖြစ်ပွားအပြီးမှာ အရင်အခြေအနေ ပြန်ရောက်ဖို့အတွက် နှစ် 200 ကျော် အချိန်ကြာမြှင့်ခဲ့ပါတယ်။

သေဆုံးနှုန်း - လူ 3 ဦး တွင် 1 ဦး

sources - WHO , Wikipedia , CDC
image - Health Magazine

Like the page for more !
https://www.facebook.com/eElysiumMM/

14/04/2020

Razer ရဲ့ Pokemon Pikachu ကြိုးမဲ့နားကြပ်
.................................................................................

Gaming နည်းပညာကုမ္ပဏီကြီးတစ်ခုဖြစ်တဲ့ Razer ဟာ Pokemon ပရိသတ်တွေ သဘောကျမယ့် ကြိုးမဲ့နားကြပ်တစ်စုံကို မနေ့က ကြေငြာခဲ့ပါတယ်။

ဒီနားကြပ်ဟာ Razer ရဲ့ Hammerhead True Wireless Earbuds ‌‌ကို အဝါရောင်ပြုလုပ်ပေးထားတာဖြစ်ပြီး Razer ရဲ့ ခေါင်းသုံးလုံးမြွေ Logo နေရာမှာတော့ Pikachu လေးရဲ့ ကျောဘက်ပုံနဲ့ အစားထိုးပေးထားပါတယ်။

ဒီနားကြပ်တွေကို ပိုပြီးတော့ ထူးခြားစေတာကတော့ သူတို့ရဲ့ အားသွင်း Case ပါ။အားသွင်း Case ကိုတော့ Pokemon Anime ထဲက Pokè Ball ပုံသဏ္ဌာန် တစ်ထေရာတည်း ပြုလုပ်ပေးထားတာဖြစ်ပါတယ်။

စိတ်မကောင်းစရာတစ်ခုကတော့ ဒီနားကြပ်တွေကို တရုတ်မှာပဲ ရောင်းချသွားမှာပါ။ဈေးနှုန်းအနေနဲ့ကတော့ 849 Yuan (120$) ကျသင့်မှာဖြစ်ပြီး April 16 ရက်နေ့ညမှာ စတင်ရောင်းချသွားမှာ ဖြစ်ပါတယ်။

14/04/2020

Coronavirus ပြန့်ပွားမှုကို ထိန်းချုပ်ခြင်း ( တောင်ကိုရီးယားမှ သင်ခန်းစာ )
........................................................................................

လက်ရှိအချိန်မှာတော့ Coronavirus ကို ထိန်းချုပ်နိုင်ဖို့အတွက် ကမ္ဘာတဝှမ်းမှာရှိတဲ့ နိုင်ငံအများစုဟာ အသွားအလာထိန်းချုပ်ကန့်သတ်ခဲ့ကြပြီးဖြစ်ပါတယ်။လူတိုင်း Coronavirus ကိုကြောက်လန့်ပြီး အိမ်တွင်းပုန်းနေရချိန်မှာ တောင်ကိုရီးယားနိုင်ငံမှာတော့ Virus ပြန့်ပွားမှုကို ထိန်းချုပ်နိုင်ခဲ့ပြီဖြစ်တဲ့အတွက် လူတွေဟာ လမ်းပေါ်ကို ပြန်လည်ထွက်လာနိုင်ကြပါပြီ။

ဒီနှစ် February လကုန်ပိုင်းကို ပြန်ကြည့်မယ်ဆိုရင် တောင်ကိုရီးယားနိုင်ငံရဲ့ Coronavirus အခြေအနေဟာ Positive Cases ပေါင်း 3000 ကျော်နဲ့ တရုတ်ပြည်ပြင်ပမှာ Cases အများဆုံးတွေ့ရှိရတဲ့ နိုင်ငံဖြစ်ပါတယ်။ဒီအခြေအနေကို သူတို့ဘယ်လိုထိန်းချုပ်နိုင်ခဲ့သလဲ . . . . .
.......................................................................................

Covid - 19 ကို သူတို့ ဘယ်လိုထိန်းချုပ်နိုင်ခဲ့သလဲ စပြောရမယ်ဆိုရင်တော့ Coronavirus နဲ့ပတ်သတ်ပြီး တောင်ကိုရီယားအနေနဲ့ သင်ခန်းစာအကြီးကြီး ရရှိခဲ့တဲ့ လွန်ခဲ့တဲ့ နှစ်အနည်းငယ်ကိုပြန်သွားကြည့်ရပါမယ်။

2015 ခုနှစ် ၊ တောင်ကိုရီးယားစီးပွားရေးလုပ်ငန်းရှင်တစ်ယောက် အရှေ့အလယ်ပိုင်းဒေသကနေ တောင်ကိုရီးယားကို ပြန်လာတဲ့အချိန်မှာ ချောင်းဆိုးခြင်း ၊ ဖျားနာခြင်း စတဲ့ အဆုတ်ရောင်ရောဂါ လက္ခဏာတွေကို ခံစားခဲ့ရပါတယ်။အဲ့အတွက်ကြောင့် သူဟာ ရောဂါကုသဖို့အတွက် ကျန်းမာရေးဌာနများကို လှည့်လည်ပြသခဲ့ပြီး နောက်ဆုံးမှာတော့ သူ့ဆီမှာ Coronavirus တစ်မျိုးဖြစ်တဲ့ MERS ( Middle East Respiratory Syndrome ) ကို Positive အနေနဲ့ တွေ့ရှိခဲ့ပါတယ်။

ဒီလိုတွေ့တဲ့အချိန်မှာ သူဟာ နေရာအများအပြားကို လှည့်လည်သွားလာခဲ့ပြီးဖြစ်တာကြောင့် လူအများအပြားကို ကူးစက်ပြန်နှံစေခဲ့ပြီး ဖြစ်တဲ့အပြင် ထိတွေ့ခဲ့သမျှ လူတိုင်းကို ရှာဖွေထောက်လှမ်းဖို့ကလည်း မဖြစ်နိုင်လောက်အောင် ခက်ခဲတဲ့ အခြေအနေဖြစ်သွားပါတယ်။

အဲ့အချိန်ကစပြီး တောင်ကိုရီးယားနိုင်ငံရဲ့ 2015 Coronavirus ဖြစ်ပွားမှုဟာ နှစ်လကျော် ကြာမြင့်ခဲ့ပြီး လူပေါင်း 186 ဦး ကူးစက်ခံရကာ 38 ဦးသေဆုံးခဲ့ပါတယ်။ဒါဟာ MERS စတင်ဖြစ်ပွားတဲ့ အရှေ့အလယ်ပိုင်းဒေသ ပြင်ပမှာ အမြင့်မားဆုံး အခြေအနေဖြစ်ပါတယ်။

ဒီဖြစ်ရပ်ကနေပြီး တောင်ကိုရီးယားနိုင်ငံဟာ ရောဂါရှာဖွေစစ်ဆေးမှုအရေးပါမှု နဲ့ ကူးစက်ပြန့်ပွားမှုထိန်းချုပ်နိုင်ဖို့အတွက် သင်ခန်းစာရရှိခဲ့တဲ့အပြင် နောင်အနာဂတ်မှာ ကပ်ရောဂါ ကူးစက်ပြန့်ပွားမှုကို ထိန်းချုပ်နိုင်ဖို့အတွက် တောင်ကိုရီးယားအစိုးရအနေနဲ့ အများကြီးပြင်ဆင်ထားခဲ့ပါတယ်။
.......................................................................................

2019 , December လ 31 ရက်နေ့မှာတော့ တရုတ်အစိုးရဟာ ပထမဆုံး Coronavirus Case ကို Report လုပ်ခဲ့ပါတယ်။နောက်ရက်သတ္တပတ်အနည်းငယ်အတွင်းမှာပဲ Virus ဟာ တောင်ကိုရီးယားအပါအ၀င် ကမ္ဘာတဝှမ်းကို ပြန့်နှံသွားခဲ့ပါတယ်။ 2020 , February 17 ရက်မှာတော့ တောင်ကိုရီးယားနိုင်ငံမှာ Positive Cases ဟာ 30 ပဲရှိပါတယ်။

Cases အနည်းငယ်သာရှိသော်ငြားလည်း တောင်ကိုရီးယား ကျန်းမားရေးအာဏာပိုင်တွေဟာ ဇီ၀နည်းပညာကုမ္ပဏီတွေနဲ့ ပူးပေါင်းပြီး Coronavirus စစ်ဆေးနိုင်ရန်အတွက် စမ်းသပ်ကိရိယာတွေ ထုတ်လုပ်ဖို့ စီစဉ်ထားခဲ့ပြီးဖြစ်ပါတယ်။မကြာခင်မှာပဲ ထောင်နဲ့ချီတဲ့ စမ်းသပ်ကိရိယာတွေဟာ အသုံးပြုဖို့ အဆင်သင့်ဖြစ်ခဲ့ပြီး ၎င်းစမ်းသပ်ကိရိယာတွေကို တစ်နိုင်ငံလုံးမှာရှိတဲ့ ဆေးရုံတိုင်းကို ဖြန့်ဖြူးပေးခဲ့ကာ အဆိုးဆုံး အခြေအနေအတွက် ပြင်ဆင်ထားခဲ့ပါတယ်။

တောင်ကိုရီးယားနိုင်ငံရဲ့ Coronavirus အဆိုးဆုံးအခြေအနေဟာ မကြာခင်မှာပဲ ဖြစ်ပွားခဲ့ပါတယ်။ 2020 , February 17 ရက်နေ့မှာ Cases 30 ပဲရှိရာကနေ February 29 ရက်နေ့မှာတော့ Cases ပေါင်း 3150 အထိထိုးတက်သွားပါတယ်။ဒါဟာ အဲ့အချိန်မှာ တရုတ်ပြီးရင် အဆိုးဆုံးအခြေအနေပါ။

ဒါတွေအားလုံးဘယ်ကစသလဲဆိုရင်တော့ ဒေဂူ (Daegu) မြို့က လူနာအမှတ် ၃၁ ( Patient 31 ) လို့သိရတဲ့ အမျိုးသမီးတစ်ယောက်ဆီကစပါတယ်။ Patient 31 ဟာ ရောဂါမတွေ့ရှိမှီ ဖျားနာနေချိန်အတွင်းမှာ တောင်ကိုရီးယားနိုင်ငံ ဒေဂူမြို့မှာရှိတဲ့ ရာနဲ့ချီတဲ့လူတွေတက်ရောက်တဲ့ ရှင်ချွန်ဂျီ ဘုရားကျောင်းကို လေးကြိမ်ထက်မနည်း တက်ရောက်ခဲ့ပြီး ထောင်နဲ့ချီတဲ့ လူတွေတက်ရောက်တဲ့ ၀တ်ပြုဆုတောင်းမှု အစီအစဉ်တစ်ခုမှာလည်း ပါ၀င်ခဲ့ပါသေးတယ်။

ဒီကိစ္စကို သိသိချင်းပဲ တာ၀န်ရှိသူတွေဟာ သူမနဲ့ထိတွေ့ခဲ့နိုင်သမျှ လူတွေကို ရောဂါလက္ခဏာ ပြသည်ဖြစ်စေ မပြသည်ဖြစ်စေ လိုက်စစ်ပါတော့တယ်။ထို့အပြင် အဲ့လူတွေနဲ့ ထိတွေ့ခဲ့သမျှလူတွေကိုလည်း ထပ်လိုက်ပြီး အကုန်စစ်ပါတယ်။ဒီလို လုပ်ဆောင်မှုကို Contact Tracing လို့ခေါ်ပြီး Coronavirus Postive တွေ့ရှိတဲ့ တစ်စုံတစ်ဦး ထိတွေ့ခဲ့သမျှလူတိုင်းကို အဆင့်ဆင့် ရှာဖွေစစ်ဆေးတာဖြစ်ပါတယ်။

Patient 31 တွေ့ရှိပြီး အချိန်အနည်းငယ်အတွင်းမှာ Contact Tracing အဆင့်ဆင့်ပြုလုပ်ခဲ့တာကြောင့် တောင်ကိုရီးယားနိုင်ငံရဲ့ Postive လူနာဦးရေဟာ ထိုးတက်သွားခဲ့ပါတယ်။ထို့နောက် တစ်နိုင်ငံလုံးမှာ အခမဲ့ရောဂါစစ်ဆေးရေး နေရာပေါင်း 600 ကျော်နဲ့ တစ်နေ့လျှင် လူပေါင်း 20000 ကျော်ကို ‌စစ်ဆေးနိုင်ခဲ့ပါတယ်။

ရောဂါဖြစ်နိုင်တဲ့လူတိုင်းကို စစ်ဆေးနိုင်တဲ့အတွက် Positive လူနာတစ်ဦးတွေ့လျှင် အစိုးရဟာ သူနဲ့ထိတွေ့ဖူးသမျှ လူတွေအကုန်လိုက်စစ်ပြီး အသွားအလာထိန်းချုပ်ကန့်သန့်ကာ Coronavirus ပြန့်ပွားမှုကွင်းဆက်ကို ထိန်းချုပ်ပါတယ်။

ဒါပေမယ့် ဒါဟာ လူတစ်ဦးကနေ တခြားလူတစ်ဦးကို ကူးစက်တဲ့ကွင်းဆက်သာဖြစ်ပါတယ်။ ရောဂါပိုးတွေ့ရှိတဲ့ လူတစ်ယောက်ဟာ ပိုးကိုသယ်ဆောင်ပြီး မြို့တွင်း သွားလာရာမှာ တံခါးလက်ကိုင်တွေ ၊ စက်လှေကားလက်ကိုင်တွေ ၊ ဘတ်စ်ကား မြေအောက်ရထား လက်ကိုင်တန်းတွေကို ထိတွေ့ခဲ့မှာ ဖြစ်တဲ့အတွက် အဲ့နေရာတွေမှာ ရောဂါပိုးကပ်တွယ်ကျန်ရှိမှာ ဖြစ်ပြီး တခြားကိုင်မိသမျှလူတွေကို အဲ့အရာ၀တ္တုတွေကနေ တစ်ဆင့် ရောဂါကူးစက်ပြန့်ပွားမှာဖြစ်ပါတယ်။တောင်ကိုရီးယားအစိုးရအနေနဲ့ ဒီအတွက်လည်း ပြင်ဆင်ထားခဲ့ပြီး ဖြစ်ပါတယ်။

2015 , MERS ဖြစ်ပွားမှုအပြီးမှာ တောင်ကိုရီးယားနိုင်ငံဟာ ကပ်ရောဂါထိန်းချုပ်မှု ဥပဒေတွေကို ပြင်ဆင်ခဲ့ပါတယ်။ကပ်ရောဂါဖြစ်ပွားနေစဉ်အတွင်းမှာ အစိုးရဟာ လူတိုင်းရဲ့ နေရာအချက်အလက်တွေနဲ့ လုံခြုံရေးအချက်အလက်တွေကို စောင့်ကြည့်နိုင်ပြီး Positive လူနာတစ်ယောက်ရဲ့ သွားလာခဲ့တဲ့နေရာ မှတ်တမ်းအချက်အလက်တွေကို Public ပြည်သူလုထုကို ပြန်လည်မျှဝေပါတယ်။

Positive Case တစ်ခုတွေ့ရှိတိုင်း ရပ်ကွက်တွင်း ၎င်းတွေ့ရှိနေရာနဲ့ အနီးအနားမှာရှိတဲ့ လူတိုင်းကို ဖုန်းကနေသတိပေး Message ပို့ပါတယ်။

ဒါ့အပြင် လူတိုင်း၀င်ရောက်ကြည့်ရှုနိုင်တဲ့ Websites နဲ့ App တွေမှာလည်း Postive တွေ့ရှိတဲ့ လူနာတိုင်းရဲ့ သွားလာခဲ့တဲ့မှတ်တမ်းတွေကို မြေပုံပေါ်မှာ ပြသပါတယ်။ဒါတွေကို လူတိုင်းက၀င်ရောက် ကြည့်ရှုနိုင်ပြီး Positive လူနာတစ်ယောက် သွားလာခဲ့တဲ့ နေရာတွေကို ရှောင်ရှားနိုင်စေဖို့ ဖြစ်ပါတယ်။ဒါ့အပြင် လူတစ်ဦးဟာ အဲ့နေရာတွေကို သွားလာမိခဲ့ပြီးဖြစ်ပါကလည်း ရောဂါရှိမရှိ သွားရောက် အစစ်ဆေးခံနိုင်မှာပဲ ဖြစ်ပါတယ်။

ဒီလိုလုပ်ဆောင်မှုတွေကနေ တောင်ကိုရီးယားအစိုးရအနေနဲ့ လူလူချင်း ကူးစက်မှုတွေအပြင် အရာ၀တ္တုတွေကနေတဆင့် ကူးစက်မှုတွေကိုပါ Contact Tracing ပြုလုပ်ကာ အဆင့်ဆင့် စစ်ဆေးနိုင်ခဲ့ပါတယ်။

လူတိုင်းရဲ့ လှုပ်ရှားမှုကို အချိန်တိုင်းမှာ စောင့်ကြည့်တာဟာ တောင်ကိုရီးယားနိုင်ငံလို လူ့အခွင့်အရေးအ‌ေလးထားတဲ့နိုင်ငံတစ်နိုင်ငံမှာ အငြင်းပွားဖွယ်ကိစ္စဖြစ်ပေမယ့် တောင်ကိုရီယားနိုင်ငံရဲ့ လူအများစုဟာ ကပ်ရောဂါဖြစ်ပွားနေစဉ်မှာ ကိုယ်ရေးကိုယ်တာအချက်အလက်တွေ ( Privacy ) ထက် ပြည်သူလူထုကျန်းမာရေးကို ပိုမို အလေးထားခဲ့ပါတယ်။

ဒါတွေရဲ့ အကျိုးဆက်အနေနဲ့ တောင်ကိုရီးယားနိုင်ငံဟာ လူပေါင်းသိန်းနဲ့ချီကို ရောဂါပိုး ရှိမရှိ စစ်ဆေးနိုင်ခဲ့ပြီး တာ၀န်ရှိသူတွေအနေနဲ့ Virus ပြန့်နှံ့ရာလမ်းကြောင်းတိုင်းကို သေချာစွာ သိရှိနိုင်ခဲ့တဲ့အတွက် ပြန့်ပွားမှုကို သိသိသာသာထိန်းချုပ်နိုင်ခဲ့ပြီး ပြန့်ပွားနှုန်းကို လျော့ချနိုင်ခဲ့ပါတယ်။

အခုအချိန်မှာတော့ တောင်ကိုရီးယားနိုင်ငံဟာ Coronavirus ပြန့်ပွားမှုကို ထိန်းချုပ်နိုင်ခဲ့ပြီ ဖြစ်ပြီး နေ့စဉ် ရောဂါတွေ့ရှိမှုနှုန်းဟာလည်း ကျဆင်းလာပါပြီ။ဒါပေမယ့် တောင်ကိုရီးယား တာ၀န်ရှိသူတွေအနေနဲ့ သတိမလျော့ပဲ အကယ်၍ Second Wave ဖြစ်လာခဲ့သည်ရှိသော် ထပ်မံထိန်းချုပ်နိုင်ဖို့အတွက် ပြင်ဆင်ထားကြပါတယ်။

တောင်ကိုရီးယားနိုင်ငံဟာ အဆိုးရွားဆုံး အခြေအနေတစ်ခုနဲ့ ရင်ဆိုင်ခဲ့ရပေမယ့် Lockdown အကြီးအကျယ်မချပဲ ရောဂါပိုး ရှိမရှိ စစ်ဆေးနိုင်သမျှ စစ်ဆေးတဲ့နည်းနဲ့ Coronavirus ကိုထိန်းချုပ်ခဲ့တာဖြစ်ပြီး အစိုးရလုပ်ဆောင်မှုတိုင်းကို ပြည်သူလုထုကလည်း ပူးပေါင်းပါ၀င်ကြပါတယ်။ အခုအချိန်မှာတော့ ကမ္ဘာ့နိုင်ငံအများစုဟာလည်း တောင်ကိုရီးယားနိုင်ငံကို အတုယူကာ စစ်ဆေးမှုတွေကို အရှိန်တိုးမြှင့်လုပ်ဆောင်လာကြပါပြီ။

မြန်မာနိုင်ငံအနေနဲ့လည်း Coronavirus ပြန့်ပွားမှုကိုထိန်းချုပ်ရာမှာ တောင်ကိုရီးယားထံမှ သင်ခန်းစာယူသင့်ပါတယ်။ဒါ့အပြင် Coronavirus ထိန်းချုပ်နိုင်ဖို့အရေးမှာ အစိုးရတာ၀န်သာမဟုတ်ပဲ ပြည်သူတစ်ဦးတစ်ယောက်စီတိုင်းမှာ တာ၀န်ရှိပါတယ်။အစိုးရကချမှတ် လမ်းညွှန်ထားတဲ့ စည်းကမ်းတိုင်းကို အားလုံးလိုက်နာမှသာလျှင် ဒီကပ်ဆိုးကြီးကို ဖြတ်ကျော်ကာ သာမာန်အခြေအနေကို ပြန်လည်ရောက်ရှိနိုင်မှာပဲ ဖြစ်ပါတယ်။

30/03/2020

Covid - 19 အဖြေကို 5 မိနစ်အတွင်း စစ်ဆေးပေးနိုင်မယ့် Test.......................................

အမေရိကန်နိုင်ငံရဲ့ FDA ဟာ Covid -19 စစ်ဆေးပေးနိုင်မယ့် Test တစ်ခုကို ဒီ pandemic အတွင်း အမေရိကန်နိုင်ငံမှာသုံးဖို့ emergency approve လုပ်ပေးခဲ့ပါတယ်။

Abbott လို့ခေါ်တဲ့ ကုမ္ပဏီရဲ့ “ID NOW Lab-in-a-box test” ဟာ Covid -19 သံသယလူနာရဲ့ ဓာတ်ခွဲအဖြေကို 5 မိနစ်မှ 15 မိနစ်အတွင်း ထုတ်ပေးနိုင်မှာပါ။

လူနာရဲ့ ဓာတ်ခွဲအဖြေဟာ Positive ဆိုလျှင် 5 မိနစ်သာကြာမြင့်နိုင်ပြီး All-Clear ( Negative ) ဆိုလျှင်တော့ 13 မိနစ်ထိ ကြာမြှင့်နိုင်မယ်လို့ဆိုပါတယ်။

ဒီ test အသုံးပြုသွားမယ့်“ID NOW” လို့အမည်ရတဲ့ ဒီ Device ဟာ အရွယ်အစားအနေနဲ့လည်း သေးတာမို့ ဆေးရုံ၊ဆေးခန်း နေရာမရွေး အသုံးပြုနိုင်မှာ ဖြစ်ပါတယ်။

Abbott အနေနဲ့ နောက်အပါတ် April 1 ရက်နေ့ကစပြီး တစ်ရက်ကို Tests ပေါင်း 50,000 ခန့် ဖြန့်ချိပေးနိုင်မယ်လို့ သိရပါတယ်။

28/03/2020

Coronavirus ကြောင့် ရုံတင်ရက် ရွှေ့ဆိုင်းလိုက်ရတဲ့ ရုပ်ရှင်များ

အခုလက်ရှိ တစ်ကမ္ဘာလုံးမှာ ဖြစ်ပွားနေတဲ့ Coronavirus ကြောင့် ရုပ်ရှင်ကုမ္ပဏီကြီးတွေဖြစ်တဲ့ Paramount , Universal နဲ့ Disney တို့ဟာ ရိုက်ကူးနေဆဲ ရိုက်ကွင်းများကို ရပ်နားလိုက်ရတဲ့အပြင် မကြာခင် ရုံတင်မယ့် ရုပ်ရှင်များကိုလည်း ရက်နောက်ဆုတ်လိုက်ရပါတယ်။

ရုံတင်ရက်ရွှေ့ဆိုင်းလိုက်ရတဲ့ ရုပ်ရှင်အများကြီးထဲကမှ ပရိသတ်စောင့်မျှော်နေမှု အများဆုံးဖြစ်တဲ့ ရုပ်ရှင်တစ်ချို့ကို အောက်မှာဖော်ပြပေးလိုက်ပါတယ်။

28/03/2020

မီးပွိုင့်တွေကို ခွဲခြားနိုင်တော့မယ့် Tesla ရဲ့ Auto-Pilot

အခုလက်ရှိ ကမ္ဘာပေါ်မှာ အကောင်းဆုံး Self-Driving လို့ပြောလို့ရတဲ့ Tesla ရဲ့ Auto-Pilot ဟာ မကြာခင်မှာ မီးပွိုင့်တွေကိုပါ ခွဲခြားနိုင်တော့မှာပဲဖြစ်ပါတယ်။

Auto-Pilot ဟာ အခုလက်ရှိမှာတော့ လမ်းပေါ်မှာရှိတဲ့ ကားတွေ ၊ လမ်းကြောတွေကို သိရှိမှတ်သားပြီး ကိုယ့်ဟာကိုယ် မောင်းနှင်နေနိုင်တဲ့ အခြေအနေကို ရောက်ရှိနေခဲ့ပြီးပါပြီ။

Tesla ရဲ့ ပူးတွဲတည်ထောင်သူ Elon Musk ဟာ သူ့ရဲ့ကားတွေကို လုံး၀“လူ”အကူအညီမပါပဲ ကိုယ့်ဟာကိုယ်မောင်းနှင်နိုင်တဲ့ အခြေအနေထိ မျှော်မှန်းထားတာပါ။

အခုအခြေအနေမှာတော့ Fully Self-Driving မဖြစ်သေးပေမယ့် မီးပွိုင့်တွေကို Detect လုပ်နိုင်မယ့် Function အသစ်ဟာ ဒါကို နီးစပ်ဖို့ ‌နောက်ထပ်ခြေလှမ်း တစ်ခုဖြစ်လာမှာပဲဖြစ်ပါတယ်။

ဒီ Feature ကိုတော့ နောက်လာမယ့် Tesla ရဲ့ Auto-Pilot update မှာပါ၀င်လာမယ်လို့ သိရပါတယ်။

Tesla Auto-Pilot stopping for red lights
video-https://twitter.com/thirdrowtesla/status/1243295559110156288?s=19

28/03/2020

Apple မှ သူ့ရဲ့ကိုယ်ပိုင် Covid - 19 စောင့်ကြည့်ရေး Website နဲ့ App များကို ထုတ်လွှင့်

အခုအချိန်မှာတော့ ကမ္ဘာ့ကပ်ရောဂါဖြစ်တဲ့ Covid - 19 ရဲ့ ပြန့်ပွားမှုကို ထိန်းချုပ်နိုင်ဖို့ အစိုးရတိုင်း ၊ Company တိုင်း ၊ လူတိုင်းက ကြိုးစားနေကြပါတယ်။

နည်းပညာထိပ်သီး Company တစ်ခုဖြစ်တဲ့ Apple ကလည်း သူ့ရဲ့ Users တွေအတွက် မနေ့က App တစ်ခုနဲ့ Website တစ်ခုကို တင်ပေးခဲ့ပါတယ်။

ဒီ Website နဲ့ App မှာတော့ Corona Virus (Covid - 19) နဲ့ ပတ်သတ်တဲ့ လက္ခဏာတွေ ဆောင်ရန်ရှောင်ရန်တွေနဲ့ အခြေအနေပေါ်မူတည်ပြီး အကောင်းဆုံးဘယ်လိုလုပ်ရမလဲဆိုတာကို ညွှန်ကြားပေးနိုင်မယ့် Tools တွေ ပါ၀င်မှာပါ။

ဒီ Website နဲ့ App ကိုတော့ U.S ရဲ့ CDC (Centers for Disease Control and Prevention) နဲ့ ပူးပေါင်းဆောင်ရွက်ခဲ့တာ ဖြစ်ပါတယ်။

Website - https://www.apple.com/covid19/
App - https://apps.apple.com/us/app/id1504132184

E L Y S I U M

30/04/2020

21/04/2020

21/04/2020

20/04/2020

20/04/2020

20/04/2020

20/04/2020

17/04/2020

16/04/2020

16/04/2020

16/04/2020

15/04/2020

15/04/2020

15/04/2020

14/04/2020

14/04/2020

30/03/2020

28/03/2020

28/03/2020

28/03/2020

Address

Telephone

Website

Alerts

Shortcuts

Share