Myanmar Door

04/09/2022

ရန်ကုန်မြို့ ကမ္ဘာ့ကုလသမဂ္ဂရုံးရှေ့ “ UN Prove Your Existence for Justice” စာသား ချိတ်ဆွဲ

၄ရက်၊စက်တင်ဘာလ၊ရန်ကုန်မြို့။

ကမ္ဘာ့ကုလသမဂ္ဂစင့်မြင့်ထက်တွင် မြန်မာပြည်သူများကို ကိုယ်စားပြုသည့် သံအမတ်ကြီး ဦးကျော်မိုးထွန်းကို ဆက်လက်ထားရှိရေးနှင့် အကြမ်းဖက်စစ်ကောင်စီကို ပြတ်ပြတ်သားသားငြင်းပယ်ရေးအတွက် ရန်ကုန်မြို့ရှိ ကမ္ဘာ့ကုလသမဂ္ဂရုံးရှေ့တွင် “ UN Prove Your Exsitence for Justice “ စာသားကို ယနေ့မနက်တွင် ချိတ်ဆွဲ ခဲ့ပါသည်။

"ဒီမိုကရေစီနှင့် လူ့အခွင့်အရေးကို ကာကွယ်မြှင့်တင်မည်ဟုဆိုသော ကမ္ဘာ့ကုလသမဂ္ဂအဖွဲ့ကြီးနှင့် အဖွဲ့ဝင်နိုင်ငံများအနေဖြင့် တရားမျှတမှုအတွက် တိုက်ပွဲဝင်နေသည့် မြန်မာပြည်သူများ၏ သဘောထားဆန္ဒကိုလေးစားရန်နှင့် မြန်မာပြည်သူများနှင့် တသားတည်းရပ်တည်ကြရန် အလေးနက်ထား တိုက်တွန်းခြင်းဖြစ်သည်ဟု“စစ်အာဏာရှင်ဆန့်ကျင်ရေးရန်ကုန်အင်အားစု မှ ပြောကြားသည်။

ဓာတ်ပုံ - စစ်အာဏာရှင်ဆန့်ကျင်ရေးရန်ကုန်အင်အားစု

02/09/2022

စစ်ကိုင်းမြို့နယ်၊ တောင်ကြားကျေးရွာကို PDFတွေက ဆက်ကြေးတောင်းမရလို့ မီးရှို့ဆိုတဲ့ သတင်းအမှား

BE AWARE OF FAKE NEWS

ပိုမိုဖတ်ရှုရန် - [https://myanmardoor.org/archives/424]

စစ်ကိုင်းမြို့နယ်၊ တောင်ကြားကျေးရွာမှာရှိတဲ့ အိမ်ခြေ(၁၃၀)ကို PDFတွေက ဆက်ကြေး တောင်းမရလို့ မီးရှို့ ဆိုတဲ့ သတ.....

30/08/2022

CITY MART SUPERMARKET အမှတ်တံဆိပ်ကို အသုံးပြုကာ လိမ်လည်မှု

ပိုမိုဖတ်ရှုရန် - [https://myanmardoor.org/archives/397]

City Mart Supermarket အမှတ်တံဆိပ်ကို အသုံးပြုထားပြီး Branch Opening Promotion ဆိုတဲ့ scamလင့်ခ်တစ်ခု ဆိုရှယ်မီဒီယာပေါ်မှာ ပျံ့နှံ့နေပါတယ်....

30/08/2022

တောင်ဒဂုံမြို့နယ် ၁၉ ရပ်ကွက် ဗုံးပေါက် သုံးဦးဒဏ် ရာရရှိခဲ့

၃၀၊ဩဂုတ်လ၊ရန်ကုန်မြို့။

တောင်ဒဂုံမြို့နယ် ၁၉ရပ်ကွက် မောင်းမကန်လမ်းထောင့်နှင့် စည်ပင်လမ်းထောင့်တွင် ယနေ့နံနက် ခြောက်နာရီခွဲက ဗုံးပေါက်ကွဲမှုဖြစ်ခဲ့ပြီး သုံးဦးဒဏ်ရာရရှိခဲ့သည်ဟု မြို့ခံတွေဆီက သိရသည်။

အဆိုပါဗုံးပေါက်ကွဲမှုကြောင့် လမ်းသွားလမ်းလာသုံးဦး ဒဏ်ရာရရှိခဲ့ပြီး ဆေးရုံကို ပို့ဆောင်လိုက်ရသည် ဟု ရပ်ကွက်နေသူတစ်ဦးက ပြောသည်။

"စျေးသွားနေရင်း အုန်းကနဲဆိုထပေါက်တာ ကျွန် တော်ကတော့ မထိဘူး အနောက်က ကောင်လေးတစ်ယောက်နဲ့ အစ်မကြီးနှစ်ယောက်ထိသွားတယ်"ဟု ရှင်းပြသည်။

ဗုံးပေါက်ကွဲမှုကြောင့် ထိခိုက်ဒဏ်ရာရရှိသူများကို သဃ်န်းကျွန်းစံပြဆေးရုံကြီးကို စစ်ကောင်စီတပ်က လူနာတင်ယာဥ်ဖြင့် ပို့ဆောင်လိုက်သည်ဟု ရပ်မိရပ်ဖတစ်ဦးကပြောသည်။

ဗုံးပေါက်ကွဲမှုဖြစ်ပြီးနောက် စစ်ကောင်စီတပ်များက ဗုံးပေါက်ကွဲသည့်နေရာကို ထပ်မံရှာဖွေပြီး လမ်းသွားလမ်းလာတွေကို စစ်ဆေးမှုတွေပြုလုပ်ခဲ့သည်ဟု ရပ်ကွက်နေသူတွေဆီက သိရသည်။
​
အောင်နိုင်သူ

29/08/2022

လိပ်ကျွန်းလူသတ်မှုနှင့် ပတ်သက်၍သတင်းအမှားများ

BE AWARE OF FAKE NEWS

ပိုမိုဖတ်ရှုရန် - [https://myanmardoor.org/archives/371]

လိပ်ကျွန်း လူသတ်မှုမှာ စွပ်စွဲခံရသူ ရခိုင်အမျိုးသားနှစ်ဦး ဖြစ်တဲ့ ကိုဝင်းဇော်ထွန်းနဲ့ ကိုဇော်လင်းတို့ လွ.....

28/08/2022

KIA-PDF ပူးပေါင်း အဖွဲ့က လူနေအိမ်များကို မီးရှို့၊ ပြည်သူ၅၀ ကို ဖမ်းဆီး ဆိုတဲ့ သတင်းအမှား

BE AWARE OF FAKE NEWS

ပိုမိုဖတ်ရှုရန် - [https://myanmardoor.org/archives/333]

ဖားကန့်မြို့နယ် ၊လုံးခင်းအုပ်စု မှာရှိတဲ့ အောင်ရာကျေးရွာ နဲ့ လုံးခင်းကျေးရွာကြား ဘောလုံးကွင်းအနီးရှိ လူန.....

26/08/2022

ယောPDF အချင်းချင်း အဝေမတည့်လို့ စခန်းကို မီးရှို့ဆိုတဲ့ သတင်းတု

ယောPDF အချင်းချင်း အဝေမတည့်ကာ PDFတစ်ဦးကနေ စခန်းကို မီးရှို့ထွက်ပြေးသွားခဲ့ပြီး ပျက်ဆီးဆုံးရှုံးမှု များတယ်ဆိုတဲ့ သတင်းတု တစ်ပုဒ် ဆိုရှယ်မီဒီယာ ပေါ်မှာ ပျံ့နှံ့လျှက်ရှိပါတယ်။

ဒီသတင်းကို “ယိမ်းနွဲ့ပါး” ဆိုတဲ့ တပ်လော်ဘီ အကာင့်ကနေ ဩဂုတ်လ ၁၆ရက်နေ့မှာ တင်ထားတာဖြစ်ပြီး ယခုဆိုရင် likeပေးသူပေါင်း(၂၇၄)ယောက် အပြင် မျှဝေသူပေါင်း ၄၀ရှိနေပြီဖြစ်သည်။

ဒီသတင်းကို အချက်အလက်ပြန်စစ်ဆေး ကြည့်တဲ့အခါမှာ ဆိုရင်တော့ သတင်းမှာပါဝင်တဲ့ ဓာတ်ပုံတွေဟာ ယောPDF အဖွဲ့ရဲ့ လက်နက်ဂိုဒေါင်ကို အချင်းချင်း အဝေမတည့်တာကြောင့် PDFတစ်ဦးက မီးရှို့တာကြောင့်မဟုတ်ပဲ ဇူလိုင်လ၃၁ရက်နေ့ ညနေပိုင်းအချိန် ယောPDF လက်နက်ခဲယမ်းဂိုဒေါင်မှာ နှာယမ်း အပူလွန်ကဲရာမှ တဆင့်မီးလောင်ခဲ့ခြင်းဖြစ်ပြီး ပျက်ဆီးမှုစုစုပေါင်း ကျပ်သိန်း ၃၀၀ ဆုံးရှုံးခဲ့တာပဲဖြစ်ပါတယ်။ ဒါ့ကြောင့် ဒီသတင်းဟာ သတင်းမှားတစ်ပုဒ်ပဲ ဖြစ်ပါတယ်။

သတင်းအမှားလင့်ခ်- https://www.facebook.com/100077748972660/posts/166627315938900/?d=n

သတင်းအမှန်ကို ယောဒေသ ပြည်သူ့ကာကွယ်ရေး တပ်ဖွဲ့ရဲ့ တရားဝင် ဖေ့စဘွတ်ပေ့ချ်ကနေ တင်ထားတဲ့ ထုတ်ပြန်ချက်ကို အောက်ပါလင့်ခ်ကနေ ဝင်ရောက်ဖတ်ရှူနိုင်ပါတယ်။

သတင်းအမှန်လင့်ခ်- https://www.facebook.com/129323262657637/posts/381735150749779/?d=n

စစ်တပ်လော်ဘီ အကောင့်တွေနဲ့ ၎င်းတို့ရဲ့ တယ်လီဂရမ်ချန်နယ် တွေကနေတဆင့် ဝါဒဖြန့်စာတွေ၊ တော်လှန်ရေး အင်အားစုတွေအပေါ် ပုံဖျက်ရေးသားမှုတွေအပြင် ပြည်သူတွေကို ထင်ယောင်ထင်မှားဖြစ်စေတဲ့ သတင်းတု/သတင်းမှားတွေကို အဆက်မပြတ် ဖြန့်ဝေရေးသားနေကြပါတယ်။ သတင်းဖတ်ရှူသူတွေ အနေနဲ့ မိမိဟာ ဆိုရှယ်မီဒီယာ အပေါ်မှာ သတင်းတစ်ခုကို တွေ့လိုက်တဲ့အခါ သတင်းတွေကို မိမိကိုယ်တိုင် စစ်ဆေးနိုင်ပါတယ်။ လွတ်လပ်တဲ့ သတင်းမီဒီယာတွေနဲ့ ပြည်သူ့ကာကွယ်ရေး တပ်ဖွဲ့တွေရဲ့ တရားဝင်ဖေ့စဘွတ်ပေ့ချ်တွေရဲ့ ထုတ်ပြန်ကြေငြာချက်တွေကိုလည်း ဝင်ရောက်ဖတ်ရှူပြီး သတင်းအမှန် စစ်ဆေးကြဖို့ Myanmar Doorကနေ တိုက်တွန်းလိုပါတယ်။

24/08/2022

တိုက်ပွဲပြင်းထန်နေသည့်ရခိုင်မှာ ဒေသခံများ အသက်ဆက်လက်ရှင်သန်နိုင်ရန် ခက်ခဲနေ

၂၄၊ဩဂုတ်လ၊ရခိုင်ပြည်နယ်။

ရက္ခိုင့်တပ်တော်နှင့် စစ်ကောင်စီတပ်ကြားမှာ ဖြစ် ပွား နေသည့် တိုက်ပွဲများကြောင့် ရခိုင်ပြည်နယ်အတွင်းမှာ ဒေသခံများ လုံခြုံစိတ်ချစွာ အသက်ဆက်လက် ရှင်သန်နိုင်ရေးအတွက် အခြေအနေတွေ ဆက်လက်ဆိုးရွားနေကြောင်း ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး(UNOCHA)က ထုတ်ပြန် ထားသည်။

မောင်တောမြို့နယ်မြောက်ပိုင်းရှိ ဝေလာတောင်တွင် လက်နက်ကြီးများ အသုံးပြုပစ်ခတ်ပြီး တိုက်ပွဲပြင်းထန်ခဲ့တာကြောင့် ရသေ့တောင်မြိုနယ်အတွင်းရှိ အိမ်ထောင်စု ၁၀၀ ခန့် လူဦးရေ ၃၆၄ ဦးဟာ အိုးအိမ်စွန့်ခွာထွက်ပြေးခဲ့ရပြီး ဒေသခံအဖွဲ့အစည်းများက ကူညီပေးထားရသည်။

ထို့အပြင်၂၀၂၂ခုနှစ် ဩဂုတ်လဆန်းပိုင်းက တည်းက စပြီး ချင်းပြည်နယ်၊ ပလက်ဝမြို့နယ်မှာ လက်နက်ကိုင်တိုက်ပွဲတွေ မကြာခဏ ဖြစ်ပွားခဲ့ပြီး ပလက်ဝမြို့နယ်နဲ့ ရခိုင်ပြည်နယ်မြောက်ပိုင်း မောင်တောမြို့နယ်ဘက်ကို ဆေးဝါးနဲ့ စားနပ်ရိက္ခာသယ်ယူပို့ဆောင် မှုကို ကန့်သတ်ထားပြီး၊ ကုန်းလမ်းနှင့် ရေလမ်းပိတ် ဆို့ထားတာ အပါအဝင် နေရာအများအပြားမှာ လုံခြုံရေးတင်းကျပ်ထားတာပဲ ဖြစ်သည်။

စစ်ကောင်စီနှင့် ရက္ခိုင့်တပ်တော်တို့အကြား ဖြစ်ပွားခဲ့သည့် တိုက်ပွဲများကြောင့် ပလက်ဝမှာ နေရပ်စွန့်ခွာတိမ်းရှောင်နေရသူဦးရေ ၅,၅၀၀ နီးပါးထိရှိနေပြီး ‌ဒေသခံအဖွဲ့တွေက နေရပ်စွန့်ခွာလာသူများကို အခြေခံလိုအပ်ချက်များ ကူညီပေးနေသော်လည်း ရွှေ့ပြောင်းနေထိုင်ရသည့် နေရာအများစုသည် တားမြစ်ကန့် သတ်ချက်များကြောင့် သွားရောက်ကူညီဖို့ခက်ခဲနေတယ်လို့ UNOCHA၏ ထုတ်ပြန်ချက်တွင် ပါရှိသည်။

ခေတ်နီ
Photo - UNOCHA

23/08/2022

“လိင်ပိုင်းဆိုင်ရာ ထိခိုက်စော်ကားတဲ့ မှတ်ချက်ပြုမှုတွေဟာ အမူအကျင့် ထိန်းချုပ်မှုတွေ၊ ရုပ်ပိုင်းဆိုင်ရာနဲ့ လိင်ပိုင်းဆိုင်ရာ အကြမ်းဖက်မှုတွေနဲ့ ဆက်စပ်လျက်ရှိပြီး အမျိုးသမီးတွေကို အမျိုးသားတွေက ဆက်ပြီး ထိခိုက် စော်ကား သတ်ဖြတ်ကြတဲ့ ပတ်၀န်းကျင်မျိုးကို ဖန်တီးနေပါတယ်”

ဆက်လက်ဖတ်ရှုရန် - [https://myanmardoor.org/archives/286]

ဓာတ်ပုံ - LADBible

23/08/2022

“နိုင်ငံတကာ လူ့အခွင့်အရေးအဖွဲ့အစည်းများဖြစ်သည့် အပြည်ပြည်ဆိုင်ရာလွတ်ငြိမ်းချမ်းသာခွင့် အဖွဲ့၊ လူ့အခွင့်အရေးလေ့လာစောင့်ကြည့်ရေးအဖွဲ့နှင့် အမေရိကန် အပါအဝင် အခြားသော နိုင်ငံများက ရှင်ကျန်းရှိ ၀ီဂါနှင့် အခြားသော တာ(ရ်)ကစ် မူဆလင်များအပေါ် လူ့အခွင့်အရေးချိုးဖောက်မှုများအတွက် တရုတ် နိုင်ငံကို စွပ်စွဲထားသည်။ အဆိုပါစွပ်စွဲချက်များတွင် မွတ်ဆလင်များကို ဖိနှိပ်ရေးအတွက် စနစ်တကျ တည်ဆောက်ထားသည့် စခန်းများတွင် မတရားဖမ်းဆီးခြင်း၊ အဓမ္မလုပ်အားပေးခိုင်းစေခြင်း၊ အမျိုးသမီးများကို အတင်းအကြပ် သားကြော ဖြတ်စေခြင်း၊ ကျောင်းနေအရွယ်ကလေးငယ်များအား မိဘများနှင့် ခွဲထုတ်ခိုင်းခြင်းတို့ပါဝင်သည်။ အဆိုပါစွပ်စွဲချက်များသည် တရုတ်နိုင်ငံအပေါ် ရန်လိုသောအင်အားစုများ၏ လုပ်ကြံဖန်တီးမှုဟု ဘေဂျင်းအစိုးရက အကြိမ်ကြိမ် ငြင်းဆိုထားသည်။”

ဆက်လက်ဖတ်ရှုရန် - [https://myanmardoor.org/archives/274]

ဓာတ်ပုံ - AP

23/08/2022

မြဝတီ-ဝေါ်လေ လမ်းမပေါ်က သုံးထပ်ကွေ့နေရာကို စစ်တပ်က လေကြောင်းဖြင့်တိုက်ခိုက်နေ

၂၃၊ဩဂုတ်လ၊ကရင်ပြည်နယ်။

ကရင်ပြည်နယ် မြဝတီမြို့နယ် ကော်သူလေးအုပ်ချုပ်နယ်မြေ မြဝတီ -ဝေါ်လေ လမ်းမပေါ်က သုံးထပ် ကွေ့နေရာကို လေကြောင်းအသုံးပြု တိုက်ခိုက်နေကြောင်း Myanmar Door Media ၏ စစ်ရေး သတင်းအရင်းမြစ်ထံမှ သိရသည်။

ယနေ့မနက် ၁၀နာရီဝန်းကျင်ခန့်မှာ စစ်ကောင်စီမှ ဂျက်ဖိုက်တာ ၃ စီးဖြင့် လာရောက်ပစ်ခတ်ခဲ့တာဖြစ်ပြီး အဆိုပါ သုံးထပ်ကွေ့နေရာတွင် ယမန့်နေ့ မနက်ပိုင်းကနေ ယနေ့မနက်ပိုင်းထိ တိုက်ပွဲများဖြစ်ပွားနေခြင်း ဖြစ်သည်။

"ကျွန်တော်တို့အကုန် အသင့်အနေအထား နေနေရတယ် လေယာဥ်နဲ့ပစ်ထားတော့ တိုက်ပွဲကတော့ခုထိမနားသေးဘူး ဖြစ်နေတုန်းပဲ” ဟု Myanmar Door Media၏ စစ်ရေးသတင်းရင်းမြစ်တစ်ဦးက ပြောသည်။

အဆိုပါသုံးထပ်ကွေ့နေရာကို စစ်ကောင်စီ၏ တပ်မ ၄၄လက်အောက်ခံတပ်ရင်းများက စစ်ကြောင်းထိုးတိုက်နေတာဖြစ်ပြီး ယမန်နေ့တိုက်ပွဲအတွင်း၌ စစ်ကောင်စီတပ်မှ ၃ဦး သေဆုံးခဲ့သည်။

ခေတ်နီ

ဓာတ်ပုံ - Cobra Column

23/08/2022

ကျိုက်လတ်က စစ်ကောင်စီစစ်ဆေးရေးဂိတ်တွင် ဗုံးပေါက်ကွဲမှုဖြစ်ပွား

​၂၃၊ဩဂုတ်လ၊ဧရာဝတီတိုင်း။

ဧရာဝတီတိုင်း ကျိုက်လတ်မြို့ရှိ စစ်ကောင်စီတပ်၏ စစ်ဆေးရေးဂိတ်တစ်ခုမှာ ဗုံးပေါက်ကွဲမှုဖြစ်ပွားခဲ့ကြောင်း ဒေသ သတင်းရင်းမြစ်များထံမှ သိရသည်။

ကျိုက်လတ်မြို့ပြင်ရှိ စစ်ကောင်စီတပ်များ စခန်းချရာ လှည်းဆိပ်စစ်ဆေးရေးဂိတ်မှာ ယနေ့မနက် ၅နာရီခွဲအချိန်က ဗုံးပေါက်ကွဲခဲ့ခြင်းဖြစ်ကြောင်း သိရသည်။

အဆိုပါ စစ်ဆေးရေးဂိတ်ဟာ စစ်ကောင်စီလက်အောက်ခံ ရဲနှင့်စစ်သားများ စစ်ဆေးရေးလုပ်ဆောင်ခြင်းနှင့် နားခိုတဲ့နေရာဖြစ်ပြီး ပေါက်ကွဲမှုကြောင့် ထိခိုက် မှုအသေးစိတ်ကိုတော့ မသိရှိရသေးပါဘူး။

ခေတ်နီ

23/08/2022

“လူမှုအဖွဲ့အစည်းတွေ ကွဲပြားစုံလင်တဲ့ လူအဖွဲ့အစည်းတစ်ခုမှာ မွတ်ဆလင်အမျိုးသမီးတွေဟာ နှစ်ခါပြန် ခွဲခြားဆက်ဆံခြင်းခံရပါတယ်။ ကျွမ်းကျင်ပညာရှင်တွေရဲ့ ပြောကြားချက်အရ မွတ်ဆလင် အမျိုးသမီးတွေဟာ လိင်ကွဲပြားမှုအရရော၊ ဘာသာရေးကွဲပြားမှုအရပါ ခွဲခြားဆက်ဆံတာတွေကို ခံရပြီး အလုပ်ရှင်တွေဟာ အဲ့ဒီအချက်နှစ်ချက်အပေါ် မူတည်ပြီး ခွဲခြားဘက်လိုက်မှုတွေ လုပ်ကြတဲ့ အတွက် မွတ်ဆလင် အမျိုးသမီးတွေရဲ့ အလုပ်ရနိုင်ခြေဟာ ပိုနည်းကြပါတယ်။”

ဆက်လက်ဖတ်ရှုရန် - [https://myanmardoor.org/archives/221]

ဓာတ်ပုံ - [https://www.islamfaith.com/muslim-women-speak-up-on-why-they-wear-the-hijab/]

08/08/2022

ရှစ်လေးလုံးအရေးတော်ပုံ ( ၃၄ ) နှစ်မြောက် အထူးထုတ်စာစဥ်

တော်လှန်ရေးကာလအတွင်း ပေါ်ထွက်ခဲ့ကြသော တော်လှန်ရေး စာစဥ်များ၊ ရေဒီယိုများ၊ မီဒီယာများဖြင့် စုဖွဲ့ထားသည့် လွတ်လပ်သောတော်လှန်ရေးမီဒီယာများ ကွန်ရက်မှ ထုတ်ဝေသော ‘’ ရှစ်လေးလုံးအရေးတော်ပုံ ( ၃၄ ) နှစ်မြောက် အထူးထုတ်စာစဥ် ‘’ အား ရယူဖတ်ရှု့နိုင်ပြီဖြစ်ပါသည်။

'' “ဒုတိယ လွတ်လပ်ရေးတိုက်ပွဲကြီး”၏ အဆုံးသတ် တိုက်ပွဲ ဖြစ်ရမည်”ဟူသော ပြတ်သားသော ပိုင်းဖြတ်ချက်များဖြင့် ဖက်ဒရယ်ဒီမိုကရေစီ နိုင်ငံတော်သစ်ဆီသို့ ရောက်ရှိသည်အထိ မမှိတ်မသုန် ဆက်လက် တိုက်ပွဲဝင်ကြရန် တိုက်တွန်းနှိုးဆော်ထားရှိသော အယ်ဒီတာ့ အာဘော်နှင့်အတူ ကဗျာ ကဏ္ဍ၊ ဆောင်းပါး ကဏ္ဍ၊ အမှတ်တရ၊ မှတ်တမ်း ကဏ္ဍ၊ ကာတွန်း ကဏ္ဍနှင့် အမှတ်တရစကားများဖြင့် ကဏ္ဍစုံလင်စွာ ထည့်သွင်းထားရှိတာကြောင့် မလွတ်တမ်း ဖတ်ရှု့ဖို့ရာ အထူးပင် တိုက်တွန်းနှိုးဆော်အပ်ပါသည်။

စာစဥ်အား တိုက်ရိုက်ဖတ်ရှု့ရန် - https://issuu.com/irmn.burma/docs/_
Download ရယူရန် - https://www.mediafire.com/file/44idf1dtxm2qple/8888_Special_Issue_by_IRMN_.pdf/file
ပုံနှိပ်ထုတ်ဝေရန် - https://www.mediafire.com/file/7i09dd2wra67dco/8888_Special_Sarsin_By_IRMN.pdf/file

လွတ်လပ်သော တော်လှန်ရေး မီဒီယာများ ကွန်ရက်။
Independent Revolution Media Network