Tharyarwaddy 8 City

01/01/2025

စစ်ကောင်စီတပ်ဖွဲ့ဝင်များဆိုသည်မှာ ရဲနှင့်စစ်သားများကို ရည်ရွယ်ပြီး စစ်ကောင်စီထောက်တိုင်များ ဆိုသည်မှာ အုပ်ချုပ်ရေးမှူး၊ ရာအိမ်မှူး၊ ဆယ်အိမ်မှူး၊ သတင်းပေးဒလန်များ၊ ပျူစောထီးများ ပါဝင်ပါတယ်။

01/01/2025

ယခုလာမည့် ၂၀၂၅ခုနှစ်အတွင်း စခန်းသိမ်း မြို့သိမ်း တိုက်ပွဲများ ဖြစ်ပွားလာနိုင်ပါတယ်။

သာယာဝတီခရိုင်အတွင်း၌ ၂၀၂၄ခုနှစ်အတွင်း ဖြစ်ပွားခဲ့သော စစ်ရေးသတင်းအနှစ်ချုပ်(ရုပ်သံ)Tharyarwaddy 8 City /ဇန်နဝါရီ၁၊၂၀၂၄....

01/01/2025

၂၀၂၄ခုနှစ်အတွင်း သာယာဝတီခရိုင်ရှစ်မြို့နယ်၌ စစ်ကောင်စီတပ်ဖွဲ့ဝင် ၅၀၀ ဦး သေဆုံးခဲ့ကာ စစ်ကောင်စီထောက်တိုင် ၈၆ဦး သေဆုံးခဲ့ပြီး ယခုလာမည့် ၂၀၂၅ခုနှစ်အတွင်း စခန်းသိမ်း မြို့သိမ်း တိုက်ပွဲများ ဖြစ်ပွားလာနိုင်ပါတယ်။

သာယာဝတီခရိုင်အတွင်း၌ ၂၀၂၄ခုနှစ်အတွင်း ဖြစ်ပွားခဲ့သော စစ်ရေးသတင်းအနှစ်ချုပ်

Tharyarwaddy 8 City /ဇန်နဝါရီ၁၊၂၀၂၄

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်၊ ဇီးကုန်းနှင့် နတ်တလင်းမြို့နယ်တို့တွင် ၂၀၂၄ခုနှစ်အတွင်း ပြည်သူ့ကာကွယ်ရေးတပ်ဖွဲ့များ၏ တိုက်ခိုက်မှုများကြောင့် စစ်ကောင်စီတပ်ဖွဲ့ဝင်များနှင့် စစ်ကောင်စီထောက်တိုင်များ သေဆုံးခဲ့မှုများကို Tharyarwaddy 8 City သတင်းဌာနမှ စုစည်းကောက်နုတ် တင်ပြပေးလိုက်ပါတယ်။

စစ်ကောင်စီတပ်ဖွဲ့ဝင်များဆိုသည်မှာ ရဲနှင့်စစ်သားများကို ရည်ရွယ်ပြီး စစ်ကောင်စီထောက်တိုင်များ ဆိုသည်မှာ အုပ်ချုပ်ရေးမှူး၊ ရာအိမ်မှူး၊ ဆယ်အိမ်မှူး၊ သတင်းပေးဒလန်များ၊ ပျူစောထီးများ ပါဝင်ပါတယ်။

၁။သာယာဝတီမြို့နယ်
၂၀၂၄ခုနှစ်အတွင်း သာယာဝတီမြို့နယ်တွင် စစ်ကောင်စီ တပ်ဖွဲ့ဝင် ၁ဦး သေဆုံးခဲ့သလို စစ်ကောင်စီထောက်တိုင် ၁ဦး သေဆုံးခဲ့ပြီး သာယာဝတီဂဠုန်တပ်ဖွဲ့ နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်း ဖြစ်ပါတယ်။

၂။လက်ပံတန်းမြို့နယ်
၂၀၂၄ ခုနှစ်အတွင်း လက်ပံတန်းမြို့နယ်တွင် စစ်ကောင်စီတပ်ဖွဲ့ဝင် ၇၀ဦး၊ စစ်ကောင်စီထောက်တိုင် ၁၂ဦး သေဆုံးခဲ့ပြီး ရွှေတန်းမြေပြည်သူ့ကာကွယ်ရေးတပ်ဖွဲ့၊ သာယာဝတီဂဠုန်တပ်ဖွဲ့၊ သာယာတီခရိုင် တပ်ရင်း ၃၈၀၂ လက်အောက်ခံ တပ်ခွဲ၂၊ တပ်ခွဲ၃၊ တပ်ခွဲ၅၊ သာယာဝတီခရိုင် တပ်ရင်း ၃၈၀၃ နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၃။မင်းလှမြို့နယ်
၂၀၂၄ခုနှစ်အတွင်း မင်းလှမြို့နယ်တွင် စစ်ကောင်စီတပ်ဖွဲ့ဝင်၂၅၂ဦး၊ စစ်ကောင်စီထောက်တိုင် ၁၂ဦး သေဆုံးခဲ့ပြီး သာယာတီခရိုင် တပ်ရင်း ၃၈၀၂ လက်အောက်ခံ တပ်ခွဲ၅၊ တပ်ခွဲ၂၊ တပ်ခွဲ၃၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ Yoma Phoenix Drone Force၊ သာယာဝတီခရိုင် တပ်ရင်း ၃၈၀၃၊ မင်းလှမြို့နယ်ပြည်သူ့ကာကွယ်ရေးအဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၄။မိုးညိုမြို့နယ်
၂၀၂၄ခုနှစ်အတွင်း မိုးညိုမြို့နယ်တွင် စစ်ကောင်စီတပ်ဖွဲ့၀င်များနှင့် စစ်ကောင်စီထောက်တိုင်များ တိုက်ခိုက်ခံရခြင်းမရှိ၍ သေဆုံးခြင်းမရှိခဲ့သလို စစ်ရေးလှုပ်ရှားမှု တစုံတရာ မတွေ့ရှိရသေးပဲ သာယာဝတီခရိုင်ရှစ်မြို့နယ်တွင် အငြိမ်သက်ဆုံးမြို့နယ် ဖြစ်ပါတယ်။

၅။အုတ်ဖိုမြို့နယ်
၂၀၂၄ခုနှစ်အတွင်း အုတ်ဖိုမြို့နယ်တွင် စစ်ကောင်စီတပ်ဖွဲ့ဝင် ၈၈ဦး၊ စစ်ကောင်စီထောက်တိုင် ၂၂ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ တပ်ခွဲ၅၊ တပ်ခွဲ​၁ Dragon Brothers GBK-PDF၊ တပ်ခွဲ၆ Black Dragon GBK-PDF၊ သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ​၁ YoMa GBK-PDF၊ တပ်ခွဲ၅ ကြို့ပင်ကောက်ဟီးရိုးပြောက်ကျားတပ်ဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၆။ကြို့ပင်ကောက်မြို့နယ်
၂၀၂၄ခုနှစ်အတွင်း ကြို့ပင်ကောက်မြို့နယ်တွင် စစ်ကောင်စီတပ်ဖွဲ့ဝင် ၆၄ဦး၊ စစ်ကောင်စီထောက်တိုင် ၂၈ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ​၁ Dragon Brothers GBK-PDF၊ တပ်ခွဲ၆ Black Dragon GBK-PDF၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို၊ သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ​၁ YoMa GBK-PDF၊ တပ်ခွဲ၅ ကြို့ပင်ကောက်ဟီးရိုးပြောက်ကျားတပ်ဖွဲ့၊ BTZM GBK-PDF (ပဲခူးရိုးမအခြေပြုတပ်ဖွဲ့နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၇။ဇီးကုန်းမြို့နယ်
၂၀၂၄ခုနှစ်အတွင်း ဇီးကုန်းမြို့နယ်တွင် စစ်ကောင်စီတပ်ဖွဲ့ဝင် ၇ဦး၊ စစ်ကောင်စီထောက်တိုင် ၁ဦး သေဆုံးခဲ့ပြီး BTZM GBK-PDF (ပဲခူးရိုးမအခြေပြုတပ်ဖွဲ့) နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၈။နတ်တလင်းမြို့နယ်
၂၀၂၄ခုနှစ်အတွင်း နတ်တလင်းမြို့နယ်တွင် စစ်ကောင်စီတပ်ဖွဲ့ဝင် ၁၉ဦး၊ စစ်ကောင်စီထောက်တိုင် ၁၀ဦး သေဆုံးခဲ့ပြီး သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ၂ Phoenix D F၊ တပ်ခွဲ၃ နတ်စစ်သည်၊ တပ်ခွဲ၄ BRA၊ တပ်ခွဲ၆ ဧရာညီနောင်စစ်ကြောင်း နှင့် မဟာမိတ်တပ်ဖွဲ့များက ဆောင်ရွက်ခဲ့ခြင်းဖြစ်ပါတယ်။

၂၀၂၄ခုနှစ်အတွင်း သာယာဝတီခရိုင်ရှစ်မြို့နယ်၌ စစ်ကောင်စီတပ်ဖွဲ့ဝင် ၅၀၀ ဦး သေဆုံးခဲ့ကာ စစ်ကောင်စီထောက်တိုင် ၈၆ဦး သေဆုံးခဲ့ပြီး ယခုလာမည့် ၂၀၂၅ခုနှစ်အတွင်း စခန်းသိမ်း မြို့သိမ်း တိုက်ပွဲများ ဖြစ်ပွားလာနိုင်ပါတယ်။

ယခုဖော်ပြသည့် စစ်ကောင်စီတပ်ဖွဲ့ဝင်များ
စစ်ကောင်စီထောက်တိုင်များ၏ သေဆုံးစာရင်းမှာ သာယာဝတီခရိုင်ရှစ်မြို့နယ်အတွင်းမှ အရေအတွက်သာ ပါဝင်၍ မြေပြင်တွင် ယခုထက် သေဆုံးဦးရေ များပြားနိုင်ပြီး မိမိတို့ Tharyarwaddy 8 City သတင်းဌာနအနေနဲ့ လက်လှမ်းမီသလောက် ပြုစုထားခြင်းဖြစ်သလို ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်များကို ကိုးကားဖော်ပြထားခြင်းသာ ဖြစ်ပါတယ်။

သတင်း - Tharyarwaddy 8 City အဖွဲ့သားများ
စာတည်း - ရာမန်

#သာယာ၀တီခရိုင် #သာယာဝတီမြို့နယ်
#လက်ပံတန်းမြို့နယ် #မင်းလှမြို့နယ်
#မိုးညိုမြို့နယ် #အုတ်ဖိုမြို့နယ်
#ကြို့ပင်ကောက်မြို့နယ် #ဇီးကုန်းမြို့နယ်
#နတ်တလင်းမြို့နယ်
#စစ်ရေးသတင်းအနှစ်ချုပ်

31/12/2024

"ဥယျာဥ်ကြီးရွာက နှစ်ရက်ဆက်တိုက်ပွဲမှာ စခနဲ့ ပျူ ၁၁ကောင် သေဆုံးသွားပါတယ်။ အဲ့သေတဲ့ အလောင်းတွေကို နာရေးကား ၃စီးနဲ့ လာသယ်သွားပါတယ်။ ခုထပ်ပြီး ကုန်းရွာဘက်ကနေ စခတွေတက်နေလို့ တိုက်ပွဲတွေ ဆက်လက်ပြင်းထန်လာနိုင်ပါတယ်။ စခတွေ အထိနာနေတော့ ပြည်သူကိုမဲနိုင်လို့ ရိုးမအစပ်က ရွာတွေအနေနဲ့ သတိထားနေထိုင်ကြဖို့ တိုက်တွန်းချင်ပါတယ်"ဟု သာယာဝတီခရိုင်PDFတာဝန်ရှိသူတစ်ဦးမှ Tharyarwaddy 8 City ကို ပြောသည်။

ကြို့ပင်ကောက်မှာ စစ်ကောင်စီတပ်နဲ့ ပျူစောထီး ပူးပေါင်းစစ်ကြောင်း နှစ်ရက်ဆက် တိုက်ခိုက်ခံရပြီး (၁၁)ဦး သေဆုံး၍ နာရေးကား၃စီးနဲ့ အလောင်းသယ်ယူ

Tharyarwaddy 8 City /ဒီဇင်ဘာ၃၁၊၂၀၂၄

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ ဥယျာဥ်ကြီးကျေးရွာရှိ စစ်ကောင်စီတပ်နှင့် ပျူစောထီး အင်အား ၄၀ခန့်ပါ ပူးပေါင်းစစ်ကြောင်းအား ဒီဇင်ဘာလ ၂၉ရက် ညနေ ၄နာရီ ၃၀မိနစ် အချိန်တွင် တော်လှန်ရေး ပူးပေါင်းတပ်ဖွဲ့များမှ သွားရောက်တိုက်ခိုက်ခဲ့ကြောင်း သတင်းရရှိပါသည်။

တော်လှန်ရေးပူးပေါင်းတပ်ဖွဲ့များမှ ၆၀မမ၊ ၄၀မမ လက်နက်ကြီး လက်နက်ငယ်များဖြင့် ပစ်ခတ်တိုက်ခိုက်ခဲ့ကြသလို စစ်ကောင်စီဘက်မှလည်း လက်နက်ကြီး လက်နက်ငယ်များ အသုံးပြု တိုက်ခိုက်ကြ၍ ထိတွေ့တိုက်ပွဲ ၁နာရီ ကြာမြင့်ခဲ့ကြောင်း၊ အပြန်အလှန် ပစ်ခတ်မှုအတွင်း စစ်ကောင်စီဘက်မှ ၅ဦးသေဆုံးကာ အထိနာသဖြင့် ဥယျာဥ်ကြီးကျေးရွာ ဘုန်းကြီးကျောင်းသို့ ဆုတ်ခွာသွားကြောင်း သိရသည်။

ထိုသို့ ဥယျာဥ်ကြီးကျေးရွာ ဘုန်းကြီးကျောင်းသို့ တပ်ဆုတ်သွားသည့် စစ်ကောင်စီတပ်နှင့် ပျူစောထီး ပူးပေါင်းစစ်ကြောင်းအား ဒီဇင်ဘာလ ၃၀ရက် နံနက်၅နာရီ အချိန်တွင် တော်လှန်ရေးပူးပေါင်းတပ်ဖွဲ့များမှ ထပ်မံတိုက်ခိုက်ခဲ့​ရာ တိုက်ပွဲကြာမြင့်ချိန် ၁နာရီအတွင်း စစ်ကောင်စီဘက်မှ ၆ဦးသေဆုံးကာ အများအပြား ဒဏ်ရာရရှိခဲ့ကြောင်း သိရှိရပါသည်။

"ဥယျာဥ်ကြီးရွာက နှစ်ရက်ဆက်တိုက်ပွဲမှာ စခနဲ့ ပျူ ၁၁ကောင် သေဆုံးသွားပါတယ်။ အဲ့သေတဲ့ အလောင်းတွေကို နာရေးကား ၃စီးနဲ့ လာသယ်သွားပါတယ်။ ခုထပ်ပြီး ကုန်းရွာဘက်ကနေ စခတွေတက်နေလို့ တိုက်ပွဲတွေ ဆက်လက်ပြင်းထန်လာနိုင်ပါတယ်။ စခတွေ အထိနာနေတော့ ပြည်သူကိုမဲနိုင်လို့ ရိုးမအစပ်က ရွာတွေအနေနဲ့ သတိထားနေထိုင်ကြဖို့ တိုက်တွန်းချင်ပါတယ်"ဟု သာယာဝတီခရိုင်PDFတာဝန်ရှိသူတစ်ဦးမှ Tharyarwaddy 8 City ကို ပြောသည်။

ယခုတိုက်ခိုက်မှုများကို သာယာဝတီခရိုင် တပ်ရင်း ၃၈၀၁ လက်အောက်ခံ တပ်ခွဲ(၁) YOMA (GBK-PDF)၊ သာယာဝတီခရိုင် တပ်ရင်း ၃၈၀၂ လက်အောက်ခံ တပ်ခွဲ(၁) Dragon Brothers (GBK-PDF)၊ ပဲခူးရိုးမအခြေပြု BTZM (GBK-PDF) နှင့် သာယာဝတီခရိုင်ပြည်သူ့ကာကွယ်ရေးအဖွဲ့ တို့ပူးပေါင်းဆောင်ရွက်ခဲ့တာလို့ သတင်းထုတ်ပြန်ထားပါသည်။

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

31/12/2024

"ရွာထဲက လက်လုပ်လက်စား ကလေးတွေ ပဲရိတ်ထွက်ရင် သန့်ဇင်နိုင်က စစ်တပ်နဲ့ရဲကို သတင်းပေးပြီး လမ်းကနေ ပေါ်တာစောင့်ဆွဲခိုင်းတယ်။ သူသတင်းပေးလို့ အိမ်ထဲဝင်ပေါ်တာဆွဲတာရှိသလို လမ်းကစောင့် ပေါ်တာဆွဲတာကြောင့် ခုဆိုရင် လူငယ်တွေ အပြင်လည်းမထွက်ရဲ အိမ်မှာလည်းမနေရဲနဲ့ အလုပ်တွေမလုပ်ရတော့ စားဝတ်နေရေး အကုန်ခက်ခဲနေကြပြီ"ဟု ဒေသခံ အမျိုးသမီးတစ်ဦးမှ ပြောသည်။

မင်းလှမှာ သန့်ဇင်နိုင် ဆိုသူ၏ သတင်းပေးမှုကြောင့် လူငယ်၁၀ဦး ပေါ်တာဆွဲခံလိုက်ရပြီး အုပ်ချုပ်ရေးမှူးများက စစ်မှုထမ်း ထောက်ပံ့ကြေးများလည်း လစဥ်ကောက်ခံနေ

Tharyarwaddy 8 City / ဒီဇင်ဘာ၃၁၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်၊ သင်တောရိုးရွာမှ သန့်ဇင်နိုင် ဆိုသူ၏ သတင်းပေးတိုင်ကြားမှုကြောင့် ဒီဇင်ဘာလ ၁၂ရက်နေ့ ည၁၂နာရီခန့် အချိန်တွင် အသက်၁၅နှစ်အရွယ် ဖိုးသာထူး ဆိုသူ လူငယ်အား စစ်ကောင်စီတပ်မှ နေအိမ်ထဲ ဝင်ရောက်ပေါ်တာဆွဲ၍ ဖမ်းဆီးသွားပြီး သိန်း(၄၀)ဖြင့် ပြန်လည်ရွေးယူခဲ့ရကြောင်း သတင်းရရှိပါသည်။

"ဖိုးသာထူးဆိုတဲ့ ၁၅နှစ်အရွယ် ကောင်လေးကို PDFနဲ့ အဆက်အသွယ် ရှိပါတယ်ဆိုပြီး သန့်ဇင်နိုင်ရဲ့ လိမ်လည် သတင်းပေး တိုင်ကြားချက်ကြောင့် စစ်သားတွေက အိမ်ပေါ်တက်ပြီး ဖမ်းခေါ်သွားလို့ သိိန်း၄၀နဲ့ ပြန်ရွေးထုတ်လိုက်ရတယ်။ သူသတင်းပေးတိုင်ကြားတဲ့ ကောင်လေးက အေးအေးဆေးဆေး နေတဲ့သူဆိုတာ ရွာကလူတိုင်းသိတယ်။ မနှစ်တုန်းကလည်း သန့်ဇင်နိုင်က တစ်ရွာလုံးကို ဓားကိုင်ပြီး ဆဲဆိုစိန်ခေါ်တယ်။ သူဆဲတာကို ပြန်ပြောတဲ့သူတွေ ထွက်လာရင် ဖမ်းဖို့လည်း ရဲကားကို သူ့နောက်မှာ ခေါ်ထားတာ"ဟု ဒေသခံတစ်ဦးမှ Tharyarwaddy 8 City ကို ပြောပြသည်။

သင်တောရိုးကျေးရွာမှ ပဲရိတ်သွားကြသည့် လူငယ်များအား သန့်ဇင်နိုင်မှ စစ်ကောင်စီထံ သတင်းပေး ပေါ်တာဆွဲခိုင်းတာကြောင့် လူငယ်(၁၀)ဦးကျော် ဖမ်းဆီးခံရကြောင်း၊ ထို့အပြင် ၄င်း၏ သတင်းပေးမှုကြောင့် စစ်ကောင်စီမှ နေအိမ်တွေထဲ ဝင်ရောက်ပေါ်တာဆွဲနေ၍ လူငယ်တွေ အိမ်မနေရဲဘဲ တိမ်းရှောင်နေရကြောင်း သိရပါသည်။

"ရွာထဲက လက်လုပ်လက်စား ကလေးတွေ ပဲရိတ်ထွက်ရင် သန့်ဇင်နိုင်က စစ်တပ်နဲ့ရဲကို သတင်းပေးပြီး လမ်းကနေ ပေါ်တာစောင့်ဆွဲခိုင်းတယ်။ သူသတင်းပေးလို့ အိမ်ထဲဝင်ပေါ်တာဆွဲတာရှိသလို လမ်းကစောင့် ပေါ်တာဆွဲတာကြောင့် ခုဆိုရင် လူငယ်တွေ အပြင်လည်းမထွက်ရဲ အိမ်မှာလည်းမနေရဲနဲ့ အလုပ်တွေမလုပ်ရတော့ စားဝတ်နေရေး အကုန်ခက်ခဲနေကြပြီ"ဟု ဒေသခံ အမျိုးသမီးတစ်ဦးမှ ပြောသည်။

ထို့အပြင် ပက်တန်းလေးကျေးရွာ အုပ်ချုပ်ရေးမှူး ဇော်မိုး ဆိုသူမှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် နှစ်သောင်းကျပ် လစဥ်ကောက်ခံနေကြောင်း၊ ၄င်းကောက်ခံသည့် ငွေပေးထားကြသော်လည်း စစ်ကောင်စီတပ်မှ ရွာထဲဝင်ရောက် ပေါ်တာဆွဲနေတာကြောင့် လူကြီးလူငယ် အမျိုးသား မှန်သမျှ တိမ်းရှောင်နေရကြောင်း သိရသည်။

"အုပ်ကြီးဇော်မိုးက လတိုင်းစစ်မှုထမ်းကြေး နှစ်သောင်းကောက်လို့ အားလုံးပေးထားပေမယ့် ရွာထဲကို စစ်သားတွေဝင်ပြီး ပေါ်တာဆွဲနေပါတယ်။စစ်သားတွေလာပြီဆိုတာနဲ့ အမျိုးသားဆို လူကြီးလူငယ်သက်ကြီးရွယ်အိုတွေကအစ ထွက်ပြေးပုန်းရှောင်နေရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြသည်။

အလားတူ တနာပိုလေး(သနာပိုလေး)ကျေးရွာ အုပ်ချုပ်ရေးမှူး သောင်းကြည် ဆိုသူမှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် လယ်ရှိသူများအား နှစ်သောင်းကျပ်၊ လယ်မရှိသူများအား တစ်သောင်းကျပ် လစဥ်ကောက်ခံနေပြီး ၄င်းကောက်ခံသည့် ငွေမပေးသည့် နေအိမ်များအား စာရင်းမှတ်ခိုင်း၍ စစ်တပ်ခေါ်ဖမ်းဆီးခိုင်းမည်ဟု ခြိမ်းခြောက်နေကြောင်း သိရသည်။

သတင်း - လော်ရှိန်းအောင်
စာတည်း - ရာမန်

#မင်းလှမြို့နယ်

31/12/2024

"ကျွန်တော်တို့ အိပ်လဟာ ရာအိမ်မှူး ဦးစံဝင်းက လူငယ် ၁၉၇ ယောက်ကို စစ်မှုထမ်းဖို့ နံမည်ပါတယ်ဆိုပြီး ငွေတွေမတရားတောင်းနေပါတယ်။ တစ်ယောက်ကို ပထမအကြိမ် ၅၆၀၀၀၀၊ ဒုတိယအကြိမ် ၄၆၀၀၀၀၊ တတိယအကြိမ် ၂၂၀၀၀၀ စုစုပေါင်း တစ်လအတွင်း ၁၁၂၄၂၀၀ ကျပ် တောင်းပါတယ်။ မပေးရင် စစ်တပ်ခေါ်ဖမ်းခိုင်းမယ် ခြိမ်းခြောက်နေလို့ မရှိရှိတာ ရောင်းချပေးလိုက်ရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

သာယာဝတီနဲ့ဇီးကုန်းမှာ အုပ်ချုပ်ရေးမှူးများက စစ်မှုထမ်းထောက်ပံ့ကြေး လစဥ်မပေးတဲ့အိမ်တွေကို စစ်တပ်ခေါ်ဖမ်းဆီးခိုင်းမည်ဟု ခြိမ်းခြောက်နေ

Tharyarwaddy 8 City / ဒီဇင်ဘာ၃၁၊ ၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက သာယာဝတီမြို့နယ်နှင့် ဇီးကုန်းမြို့နယ်တို့မှာ အုပ်ချုပ်ရေးမှူးများက စစ်မှုထမ်းထောက်ပံ့ကြေး လစဥ်မပေးတဲ့အိမ်တွေကို စစ်တပ်ခေါ် ဖမ်းဆီးခိုင်းမည်ဟု ခြိမ်းခြောက်နေကြောင်း သတင်းရရှိပါသည်။

သာယာဝတီမြို့နယ်၊ အိပ်လဟာကျေးရွာ ရာအိပ်မှူး စံဝင်း ဆိုသူမှ ဒေသခံလူငယ် (၁၉၇) ဦးအား စစ်မှုထမ်းဖို့ နံမည်စာရင်းပါသည်ဟုဆိုကာ (၁၁၂၄၂၀၀) ဆယ့်တစ်သိန်း နှစ်သောင်း လေးထောင် နှစ်ရာကျပ်ကို တစ်လအတွင်း သုံးကြိမ်ခွဲ၍ ကောက်ခံခဲ့ကြောင်း၊ ၄င်းကောက်ခံသည့် ငွေမပေးပါက စစ်တပ်ခေါ် ဖမ်းဆီးခိုင်းမည်ဟု ခြိမ်းခြောက်နေကြောင်း သိရသည်။

"ကျွန်တော်တို့ အိပ်လဟာ ရာအိမ်မှူး ဦးစံဝင်းက လူငယ် ၁၉၇ ယောက်ကို စစ်မှုထမ်းဖို့ နံမည်ပါတယ်ဆိုပြီး ငွေတွေမတရားတောင်းနေပါတယ်။ တစ်ယောက်ကို ပထမအကြိမ် ၅၆၀၀၀၀၊ ဒုတိယအကြိမ် ၄၆၀၀၀၀၊ တတိယအကြိမ် ၂၂၀၀၀၀ စုစုပေါင်း တစ်လအတွင်း ၁၁၂၄၂၀၀ ကျပ် တောင်းပါတယ်။ မပေးရင် စစ်တပ်ခေါ်ဖမ်းခိုင်းမယ် ခြိမ်းခြောက်နေလို့ မရှိရှိတာ ရောင်းချပေးလိုက်ရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ရွာမအုပ်စု၊ ဆိုင်းစုကျေးရွာ အုပ်ချုပ်ရေးမှူးမှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် တစ်သောင်းကျပ် လစဥ်ကောက်ခံနေသည့်အပြင် စစ်မှုထမ်းရန် နံမည်စာရင်းပါသည့် လူငယ်များကို တစ်ဦးလျှင် တစ်သိန်းကျပ် ယခုလတွင် ကောက်ခံနေ​ပြီး ၄င်းကောက်ခံသည့် ငွေမပေးပါက စစ်တပ်ခေါ်ဖမ်းခိုင်းမည်ဟု ခြိမ်းခြောက်နေ​ကြောင်း သိရသည်။

ထို့အတူ ဂရံသာယာအေး ကျေးရွာက ပျူစောထီးများ ဖြစ်ကြသည့် စစ်မှုထမ်းဟောင်း အေးကြည်၊ နေကျော်လင်း နှင့် မောင်ဦးဆိုသူတို့မှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် တစ်သောင်းကျပ် လစဥ် ကောက်ခံနေကြောင်း၊ ၄င်းတို့ ကောက်ခံသည့် ငွေမပေးသည့် နေအိမ်များအား စစ်တပ်နှင့် ရဲခေါ်ကာ ဖမ်းဆီးခြိမ်းခြောက်နေကြောင်း သိရသည်။

ဇီးကုန်းမြို့နယ်၊ သပြေစိန်အုပ်စု၊ သပြေမြိုင်ကျေးရွာတွင် တာဝန်က နှုတ်ထွက်ထား​သည့် အုပ်ချုပ်ရေးမှူးမှ ဒေသခံပြည်သူများအား စစ်မှုထမ်း ထောက်ပံ့ကြေးဟုဆိုကာ တစ်အိမ်လျှင် သုံးသောင်းကျပ် လစဥ်ကောက်ခံနေပြီး ၄င်းကောက်ခံသည့် ငွေမပေးသည့် နေအိမ်များအား စစ်တပ်ခေါ်ဖမ်းခိုင်းမည်ဟု ခြိမ်းခြောက်နေ​ကြောင်း သိရသည်။

"သပြေမြိုင်ရွာမှာ နှုတ်ထွက်ထားတယ် ပြောပြီး အုပ်ကြီးက စစ်မှုထမ်းအတွက် တစ်အိမ်ကို သုံးသောင်း လတိုင်းကောက်နေတယ်။ ကျွန်တော်တို့က လက်လုပ်လက်စားတွေဆိုတော့ စားဖို့တောင် အနိုင်နိုင်မို့ တောင်းတဲ့ပိုက်ဆံ ဘယ်လို ပေးနိုင်မလဲဗျာ။ မပေးရင်လည်း စစ်တပ်ခေါ်ဖမ်းခိုင်းမယ် စစ်တပ်ကဖမ်းရင် ခုထက်ပိုက်ဆန်ကုန်မယ် ကြည်ကြည်ဖြူဖြူ ပေးကြဆိုပြီး ခြိမ်းခြောက်တောင်းနေတာ"ဟု ဒေသခံတစ်ဦးမှ Tharyarwaddy 8 City ကို ​ပြောပြပါသည်။

သတင်း - ဝတီမောင်၊ ဇွန်ပန်း
စာတည်း - ရာမန်

#သာယာဝတီမြို့နယ်
#ဇီးကုန်းမြို့နယ်

30/12/2024

"ကျွန်တော်တို့အဖွဲ့ဆီကို DKBAဆီကနေ ရောက်လာတဲ့ ချစ်ထွေး နဲ့ ရန်နိုင်(ခ)ကြက်ဖရယ် စောနေလင်းနဲ့ လင်းထိုက်တို့ ၄ယောက်မှာ ချစ်ထွေးကလွဲလို့ ကျန်၃ယောက်က ပြည်သူတွေကို လက်နက်ကိုင်ပြီး အနိုင်ကျင့်တယ်။ အရက်မသောက်ဖို့ တားမြစ်ထားတဲ့ စည်းကမ်းကို ချိုးဖောက်ပြီး ကျန်ရဲဘော်ကိုပါ အရက်သောက်အောင် စခန်းကို အရက်တွေ ယူလာတဲ့အတွက် သူတို့ရောက်လာတာ ၁လမပြည့်ခင်မှာပဲ တပ်ဖွဲ့ကထုတ်ပယ်ထားတာ"ဟု Dragon Brothers (GBK-PDF) တပ်ခွဲမှူး ရဲဘော်ပြည့်ဝက Tharyarwaddy 8 Cityကို ​​ပြောပြပါသည်။

ကြို့ပင်ကောက်မှာ စစ်ကောင်စီ သူလျှို လင်းထိုက် ဆိုသူ ဦးဆောင်သည့် သစ္စာဖောက်၃ဦးမှ PDFရဲဘော် ၂ဦးအား သတ်ဖြတ်ပြီး လက်နက်ခဲယမ်းတွေ ယူဆောင်ထွက်ပြေး

Tharyarwaddy 8 City / ဒီဇင်ဘာ၃၀၊၂၀၂၄

ပဲခူးတိုင်း‌အနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်မှာ စစ်ကောင်စီ သူလျှို လင်းထိုက် ဆိုသူ ဦးဆောင်သည့် သစ္စာဖောက်၃ဦးမှ PDFရဲဘော် ၂ဦးအား သတ်ဖြတ်ပြီး လက်နက်ခဲယမ်းတွေ ယူဆောင်ထွက်ပြေးသွားကြောင်း သတင်းရရှိပါသည်။

သာယာဝတီခရိုင် တပ်ရင်း (၃၈ဝ၂)၊ တပ်ခွဲ (၁) Dragon Brothers (GBK-PDF) ထံကို ERO အဖွဲ့တခု မှ အသစ်ဝင်လာတဲ့ ရန်နိုင်(ခ)ကြက်ဖ၊ စောနေလင်း၊ ချစ်ထွေးနှင့် လင်းထိုက် တို့ ၄ ဦးအနက် ချစ်ထွေးမှလွဲ၍ ကျန် ၃ ဦးဟာ စတင်ဝင်ရောက်လာထဲက တစ်လအတွင်း ပြည်သူများကို လက်နက်ကိုင် ရမ်းကားခြင်း၊ တပ်ဖွဲ့စည်းကမ်းများကို လိုက်နာမှု မရှိခြင်းတို့ကြောင့် ထုတ်ဖွဲ့ဝင်အဖြစ် လက်မခံတော့ကြောင်း ပြောဆိုပြီး စခန်းမှထွက်ခွာဖို့ ပြောဆိုထားသူများဟု သိရသည်။

"ကျွန်တော်တို့အဖွဲ့ဆီကို DKBAဆီကနေ ရောက်လာတဲ့ ချစ်ထွေး နဲ့ ရန်နိုင်(ခ)ကြက်ဖရယ် စောနေလင်းနဲ့ လင်းထိုက်တို့ ၄ယောက်မှာ ချစ်ထွေးကလွဲလို့ ကျန်၃ယောက်က ပြည်သူတွေကို လက်နက်ကိုင်ပြီး အနိုင်ကျင့်တယ်။ အရက်မသောက်ဖို့ တားမြစ်ထားတဲ့ စည်းကမ်းကို ချိုးဖောက်ပြီး ကျန်ရဲဘော်ကိုပါ အရက်သောက်အောင် စခန်းကို အရက်တွေ ယူလာတဲ့အတွက် သူတို့ရောက်လာတာ ၁လမပြည့်ခင်မှာပဲ တပ်ဖွဲ့ကထုတ်ပယ်ထားတာ"ဟု Dragon Brothers (GBK-PDF) တပ်ခွဲမှူး ရဲဘော်ပြည့်ဝက Tharyarwaddy 8 Cityကို ​​ပြောပြပါသည်။

၎င်းတို့၃ဦးဟာ ဒီဇင်ဘာလ ၂၆ ရက်နေ့ မွန်းလွဲ ၂ နာရီ ၃၀မိနစ်ခန့် အချိန်မှာ ရှေ့တန်းစခန်းတွင် ကင်းပတ်နေတဲ့ ရဲဘော်များကို ပထုတ်၍ လက်နက်ခဲယမ်းများ ယူဆောင်ထွက်ပြေးဖို့ ကြိုးစားခဲ့ရာ ထိုသို့ လက်နက်ခဲယမ်းများ မယူသွားဆောင်ဖို့ ပြောဆိုခဲ့တဲ့ ရဲဘော်ချစ်ထွေး ဆိုသူအား အယုံသွင်းကာ အနီးသို့ ခေါ်ဆောင်ပြီး ဦးခေါင်းကို တတောင့်ထိုး သေနတ်ဖြင့် ပစ်ခတ်သတ်ဖြတ်ခဲ့သည်ဟု သိရသည်။

"သူတို့တွေ တပ်ဖွဲ့စည်းကမ်းမလိုက်နာတာကြောင့် သွားချင်တဲ့နေရာ သွားလို့ရအောင် လိုအပ်တာလုပ်ပေးမယ် ပြောထားတာ။ သူတို့မသွားခင်မှာ စခန်းကရဲဘော်ဆီက သေနတ်ကို ကင်းလှည့်သွားမယ်ပြောပြီး ယူသွားလို့ နောက်ကရဲဘော် ၆ယောက်ပါ လိုက်သွားကြတယ်။ အဲ့လိုက်သွားသူတွေကို တောင်ယာတဲ တခုနားရောက်တော့ ဟင်းသီးဟင်းရွက်ခူးဖို့ ပထုတ်လိုက်တယ်။ ချစ်ထွေးက ဒီကောင်တွေ သေနတ်ယူပြေးမှာစိုးလို့ မယူဖို့ပြောတော့ ငါတို့မယူပါဘူး ပြောတယ်။ အနားခေါ်လို့ရောက်တော့ ခေါင်းကိုတစ်တောင့်ထိုးနဲ့တေ့ပစ်သတ်တာ"ဟု တပ်ခွဲမှူး ရဲဘော်ပြည့်ဝက Tharyarwaddy 8 Cityကို ​​​ရှင်းပြပါသည်။

ထို့အပြင် ပစ်ခတ်သံကြား၍ အနီးကို ရောက်လာတဲ့ ရဲဘော်ကိုနိုင် ဆိုသူရဲ့ ရင်ဘက်ကိုလည်း M4 သေနတ်ဖြင့် ပစ်ခတ် သတ်ဖြတ်၍ M4 သေနတ် ၁ လက်၊ ကျည်ဘောက် ၁ ခု၊ ကျည် ၁၇ တောင့်၊ ၁တောင့်ထိုး သေနတ် ၁ လက်တို့ကို ယူဆောင်ထွက်ပြေး သွားကြကြောင်း သိရသည်။

"ရဲဘော်ချစ်ထွေးကို ပစ်သတ်တဲ့ သေနတ်သံကြားလို့ တဲဘက်ကိုလာတဲ့ ရဲဘော်ရန်နိုင်ရဲ့ ရင်ဘတ်ကို သေနတ်နဲ့ပစ်သတ်သွားတာ။ ခုလိုသတ်ဖြတ်မှုကို စခဘက်က လွှတ်ထားတဲ့ သူလျှို လင်းထိုက်က ဦးဆောင်လုပ်ခဲ့တာ။ နောက်ပြီး လက်နက်ခဲယမ်းတွေလည်း ယူသွားပါတယ်။ ဒီသစ္စာဖောက်တွေကို တော်လှန်ရေးအဖွဲ့တွေအနေနဲ့ လက်မခံဖို့နဲ့ တွေ့ရင်ဖမ်းဆီးပေးကြဖို့လည်း တောင်းဆိုပါတယ်"ဟု ရဲဘော်ပြည့်ဝက အသိပေးပြောဆိုပါသည်။

ရဲဘော် နှစ်ဦးကို သတ်ဖြတ်ပြီး လက်နက်ခဲယမ်းများ ယူဆောင်ထွက်ပြေးသွားကြတဲ့ သစ္စာဖောက် ရန်နိုင်(ခ)ကြက်ဖ၊ စောနေလင်းနဲ့ လင်းထိုက် တို့ ၃ ဦးကို အခြားသော တော်လှန်ရေး အဖွဲ့အစည်းများ အနေဖြင့် လက်ခံခြင်း မပြုကြဖို့ Dragon Brothers (GBK-PDF) မှ အသိပေး ထားပါသည်။

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

30/12/2024

"ပဲခူးတိုင်းဟာ ပထဝီအနေထားအရ စစ်ကောင်စီရဲ့ ပင်မလမ်းကြောင်းပေါ်မှာ ရှိနေတဲ့အတွက် ပြည်သူလူထုရဲ့ အားပေးထောက်ပံ့မှုကို အထူးလိုအပ်နေပါတယ်။ ကျွန်တော်တို့မှာ ၆၀မမ ၈၁ မမ ၁၂၀ မမ လို လက်နက်ကြီးတွေ မရှိတဲ့အတွက် UAV ဒရုန်းတွေကို အားထားပြီး စစ်ကောင်စီကို တိုက်ခိုက်ဖို့ ဒရုန်းတပ်ဖွဲ့ကို ဖွဲ့စည်းထားပါတယ်။ ဒါ့ကြောင့် ​ နည်းပညာနဲ့ ရှေ့ရောက်ခဲ့တဲ့ နွေဦးတော်လှန်ရေးကို ပြည်သူလူထုအနေနဲ့ ဝန်းရံကူညီပေးဖို့ ပြောကြားလိုတယ်။ လူငယ်တွေအနေနဲ့ စစ်ကောင်စီကို နည်းပညာနဲ့ တိုက်ခိုက်ချင်ရင် ကျွန်တော်တို့ပေ့ကို ဆက်သွယ်လာပါ ကြိုဆိုနေပါတယ်"ဟု Bago Wings UAV Force ဒရုန်းတပ်ဖွဲ့ တာဝန်ခံ ကိုဟံ မှ Tharyarwaddy 8 City ပြောပါသည်။

စစ်ရေးလိုအပ်ချက်အရ နတ်တလင်းမြို့နယ် အခြေစိုက် Bago Wings UAV Force ဒရုန်းတပ်ဖွဲ့မှ တပ်သားသစ်တွေ စတင်ခေါ်ယူ

Tharyarwaddy 8 City / ဒီဇင်ဘာ၃၀၊၂၀၂၄

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက နတ်တလင်းမြို့နယ် အခြေစိုက် Bago Wings UAV Force ဒရုန်းတပ်ဖွဲ့မှ စစ်ရေးလိုအပ်ချက်အရ တပ်သားသစ်တွေ စတင်ခေါ်ယူနေကြောင်း သတင်းရရှိပါသည်။

စစ်ကောင်စီတပ်နဲ့ မကြာခဏ ထိတွေ့တိုက်ပွဲတွေ ဖြစ်ပွားနေတဲ့ နတ်တလင်းမြို့နယ်မှာ စစ်ကောင်စီကို နည်းပညာနဲ့ တိုက်ခိုက်နိုင်ဖို့အတွက် သာယာဝတီခရိုင် တပ်ရင်း ၃၈၀၁ လက်အောက်ခံ Bago Wings UAV Force ဒရုန်းတပ်ဖွဲ့မှ စစ်ရေးလိုအပ်ချက်အရ တပ်သားသစ်တွေ စတင်ခေါ်ယူနေပြီဖြစ်ကြောင်း သိရသည်။

"ပဲခူးတိုင်းဟာ ပထဝီအနေထားအရ စစ်ကောင်စီရဲ့ ပင်မလမ်းကြောင်းပေါ်မှာ ရှိနေတဲ့အတွက် ပြည်သူလူထုရဲ့ အားပေးထောက်ပံ့မှုကို အထူးလိုအပ်နေပါတယ်။ ကျွန်တော်တို့မှာ ၆၀မမ ၈၁ မမ ၁၂၀ မမ လို လက်နက်ကြီးတွေ မရှိတဲ့အတွက် UAV ဒရုန်းတွေကို အားထားပြီး စစ်ကောင်စီကို တိုက်ခိုက်ဖို့ ဒရုန်းတပ်ဖွဲ့ကို ဖွဲ့စည်းထားပါတယ်။ ဒါ့ကြောင့် ​ နည်းပညာနဲ့ ရှေ့ရောက်ခဲ့တဲ့ နွေဦးတော်လှန်ရေးကို ပြည်သူလူထုအနေနဲ့ ဝန်းရံကူညီပေးဖို့ ပြောကြားလိုတယ်။ လူငယ်တွေအနေနဲ့ စစ်ကောင်စီကို နည်းပညာနဲ့ တိုက်ခိုက်ချင်ရင် ကျွန်တော်တို့ပေ့ကို ဆက်သွယ်လာပါ ကြိုဆိုနေပါတယ်"ဟု Bago Wings UAV Force ဒရုန်းတပ်ဖွဲ့ တာဝန်ခံ ကိုဟံ မှ Tharyarwaddy 8 City ပြောပါသည်။

Bago Wings UAV Force ဒရုန်းတပ်ဖွဲ့မှ အောက်ပါအရည်အချင်း သတ်မှတ်ချက်များနဲ့ အကျုံးဝင်သူများကို ခေါ်ယူသွားမည်ဟုသိရသည်။

"သတ်မှတ်အရည်ချင်း နှင့် စံနှုန်းထားများ"

(၁)အသက် ၁၈ မှ ၃၀ နှစ်အတွင်းဖြစ်ရမည်။
(၂)အခြေခံပညာ အထက်တန်းအဆင့် အနိမ့်ဆုံးဖြစ်ရမည်။
(၃)ကိုယ်လက် အင်္ဂါ ပြည့်စုံ၍ ကျန်းမာရေးကောင်းမွန်သူဖြစ်ရမည်။
(၄)English Language အား အနိမ့်ဆုံး ရေးတတ် ဖတ်တတ်ရမည်။
(၅)UAVနှင့် နည်းပညာအား စိတ်ဝင်စားသူဖြစ်ရမည်။
(၆)တပ်ရင်းမှ ချမှတ်ထားသော မူဝါနှင့် စည်းကမ်းများကို လိုက်နာရမည်။

ဆက်သွယ်ရန် Bago Wings UAV Force ဒရုန်းတပ်ဖွဲ့ ဖေ့ဘွတ်ပေ့လင့်👉👇👈

https://www.facebook.com/profile.php?id=61570016651429&mibextid=ZbWK

ဓာတ်ပုံ - Bago Wings UAV Force ဒရုန်းတပ်ဖွဲ့ ရဲဘော်များ

သတင်း - လွတ်လပ်ငြိမ်း(နတ်တလင်း)
စာတည်း - ကိုမိုက်

#နတ်တလင်းမြို့နယ်

30/12/2024

"မကြူ ရွှေအတုတွေ ဝတ်ထားတာကို အစစ်တွေထင်ပြီး သူ့အိမ်က အလုပ်သမားနှစ်ယောက်က သတ်တာဗျ။ ရွှေအတုတွေရယ် လယ်ရောင်းထားတဲ့ ပိုက်ဆန်နဲ့ တခြားငွေသားတွေရယ် ဆိုင်ကယ်တစ်စီးရယ် ယူပါသွားတယ်။ ရွှေအစစ်တွေကိုတော့ သူ့အဒေါ်ဖွတ်ထားတာကို သူ့တူမတွေ မနေ့ကမှ ပြန်တွေ့လို့ ပါတော့မသွားဘူး"ဟု အသတ်ခံရသည့် မကြူ၏ မိတ်ဆွေတစ်ဦးမှ Tharyarwaddy 8 City ကို ​ရှင်းပြပါသည်။

မင်းလှမှာ ရွှေအတုတွေဝတ်ထားတဲ့ အလုပ်ရှင်ကို အလုပ်သမားနှစ်ဦးမှ ရွှေအစစ်တွေ ဝတ်ထားတယ်ထင်ပြီး သတ်ဖြတ်၍ ပစ္စည်းများ ယူဆောင်ထွက်ပြေး

Tharyarwaddy 8 City / ဒီဇင်ဘာ၃၀၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်၊ သင်အိုင်အုပ်စု၊ ချောင်းနားကျေးရွာက မကြူ ဆိုသူ ကုန်သည်အမျိုးသမီးအား ၄င်း၏နေအိမ်တွင် ဌားရမ်းထားသည့် အလုပ်သမား အမျိုးသားနှစ်ဦးမှ ဒီဇင်ဘာလ ၂၆ရက် ညပိုင်းတွင် သတ်ဖြတ်ခဲ့ကြောင်း သတင်းရရှိပါသည်။

အပေါ့သွားနေသည့် မကြူအား အလုပ်သမားနှစ်ဦးမှ နောက်မှနေ၍ မျက်နှာအား အိတ်ဖြင့်အုပ်၍ ထုသတ်ပြီး ဝက်ချေးမြောင်းထဲတွင် သတ်ထားသည်ကို ဒီဇင်ဘာလ ၂၇ရက် ညနေတွင် မကြူ၏ တူမဖြစ်သူများမှ တွေ့ရှိခဲ့တာဖြစ်ကြောင်း သိရသည်။

"ဝက်ခြံနားမှာ အပေါ့သွားနေတဲ့ မကြူကို သူ့အိမ်မှာ အလုပ်လုပ်နေတဲ့ အလုပ်သမားနှစ်ယောက်က နောက်ကအိတ်နဲစွပ်ပြီး ထုသတ်တယ်။ သတ်ပြီးတော့ ဝက်ချေးမြောင်းထဲ ပစ်ချပီး အပေါ်ကအုပ်ထားတာ။ သူ့တူမတွေက သူ့အဒေါ်ကို ဖုန်းဆက်မရလို့ အိမ်ထဲဝင်ကြည့်တော့မှ အသတ်ခံရတာ သိကြတာ"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အသတ်ခံရသည့် မကြူဟာ ဒေသခံ တောင်သူများ စိုက်ပျိုးထားသည့် ခြံထွက်သီးနှံများအား တဆင့်ဝယ်ယူပြီး ရန်ကုန်မြို့သို့ ကားဖြင့် တင်ပို့ရောင်းချနေသည့် ကုန်သည်တစ်ဦးဖြစ်ပြီး ထိုလုပ်ငန်းကို လုပ်ကိုင်ရန် ၄င်းအား သတ်ဖြတ်သွားသည့် အမျိုးသားနှစ်ဦးအား အခကြေးငွေပေးကာ နေအိမ်တွင် နေထိုင်ခွင့်ပြုထားကြောင်း၊ မကြူသည် ရွှေထည်ပစ္စည်းများအား အမြဲလိုလို ဝတ်ဆင်တက်သူဖြစ်ပြီး လုံခြုံရေးစိုးရိမ်တာကြောင့် ရွှေထည်အတုများကို ညဘက်တွင် ဝတ်ဆင်လေ့ရှိကြောင်း သိရသည်။

"မကြူ ရွှေအတုတွေ ဝတ်ထားတာကို အစစ်တွေထင်ပြီး သူ့အိမ်က အလုပ်သမားနှစ်ယောက်က သတ်တာဗျ။ ရွှေအတုတွေရယ် လယ်ရောင်းထားတဲ့ ပိုက်ဆန်နဲ့ တခြားငွေသားတွေရယ် ဆိုင်ကယ်တစ်စီးရယ် ယူပါသွားတယ်။ ရွှေအစစ်တွေကိုတော့ သူ့အဒေါ်ဖွတ်ထားတာကို သူ့တူမတွေ မနေ့ကမှ ပြန်တွေ့လို့ ပါတော့မသွားဘူး"ဟု အသတ်ခံရသည့် မကြူ၏ မိတ်ဆွေတစ်ဦးမှ Tharyarwaddy 8 City ကို ​ရှင်းပြပါသည်။

မကြူအား သတ်ဖြတ်ပြီးနောက် ရွှေထည်အတုများနှင့် ငွေသားများအပြင် နေအိမ်ရှိဆိုင်ကယ်တစ်စီးအား သတ်ဖြတ်သွားသည့် အမျိုးသားနှစ်ဦးမှ ယူဆောင်ထွက်ပြေးသွားပြီး ၄င်းတို့သည် ဧရာဝတီတိုင်းမှဖြစ်ကာ လက်ရှိအချိန်အထိ ဖမ်းဆီးနိုင်ခြင်း မရှိသေးကြောင်း သိရသည်။

သတင်း - လော်ရှိန်းအောင်
စာတည်း - ရာမန်

#မင်းလှမြို့နယ်

29/12/2024

ထိုသို့ရပ်ခိုင်းရာတွင် ကားဘရိတ် မမိဖြစ်၍ ရပ်တန့်မရဖြစ်နေစဥ် စစ်ဗိုလ်နှင့် တပ်သားများမှ သေနတ်ဖြင့် ဝိုင်းဝန်းပစ်ခတ်ခဲ့ရာ ကိုစည်သူကျော် နားရွက်ကျည်ထိမှန်ကာ ဦးကျော်သန်းမှာ ​ခြေထောက်ကျည် ထိမှန်ပြီး ရန်ကုန်ဆေးရုံကြီးသို့ ပို့ဆောင်ခဲ့ရကြောင်း၊ ရန်ကုန်ဆေးရုံကြီးသို့ ရောက်ရှိစဥ် ဦးကျော်သန်း၏ ခြေထောက်ဒဏ်ရာမှာ အလွန်ပြင်းထန်၍ ခြေထောက်ဖြတ်ရမည့် အခြေအနေတွင် ရှိကြောင်း သိရသည်။

အုတ်ဖိုမှာ သားအဖ နှစ်ယောက် မောင်းလာတဲ့ ကားကို စစ်ကောင်စီတပ် သေနတ်နဲ့ ပစ်ခတ်တာကြောင့် ဖခင်ဖြစ်သူ ပြင်းထန်ဒဏ်ရာရရှိပြီး ခြေထောက်ဖြတ်ရမည်ဖြစ်နေ

Tharyarwaddy 8 City / ဒီဇင်ဘာ၂၉၊၂၀၂‌၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ သားအဖ နှစ်ယောက် မောင်းလာတဲ့ ကားကို စစ်ကောင်စီတပ် သေနတ်နဲ့ ပစ်ခတ်တာကြောင့် ဖခင်ဖြစ်သူ ပြင်းထန်ဒဏ်ရာရရှိပြီး ခြေထောက်ဖြတ်ရမည် ဖြစ်နေကြောင်း သတင်းရရှိပါသည်။

ဒီဇင်ဘာလ ၂၈ရက် ယမန်နေ့ည ၇နာရီ ၃၀မိနစ်ခန့် အချိန်တွင် အုတ်ဖိုမြို့နယ်၊ မိုးညိုတန်းရပ်ကွက်၊ သဇင်အလှပြင်ဆိုင် ပိုင်ရှင် ဦးကျော်သန်းအား သားဖြစ်သူ ကိုစည်သူကျော်မှ ကားမောင်းသင်ပေးနေစဥ် အုတ်ဖိုတာဆုံအထွက် ပန်းတင်အုပ်စု၊ သင်တောရွာ အနီးမှာ စစ်ကောင်စီတပ်ဗိုလ်နှင့် တပ်သား၃ဦးမှ ကားကို ရပ်ခိုင်းခဲ့ကြောင်း သိရသည်။

ထိုသို့ရပ်ခိုင်းရာတွင် ကားဘရိတ် မမိဖြစ်၍ ရပ်တန့်မရဖြစ်နေစဥ် စစ်ဗိုလ်နှင့် တပ်သားများမှ သေနတ်ဖြင့် ဝိုင်းဝန်းပစ်ခတ်ခဲ့ရာ ကိုစည်သူကျော် နားရွက်ကျည်ထိမှန်ကာ ဦးကျော်သန်းမှာ ​ခြေထောက်ကျည် ထိမှန်ပြီး ရန်ကုန်ဆေးရုံကြီးသို့ ပို့ဆောင်ခဲ့ရကြောင်း၊ ရန်ကုန်ဆေးရုံကြီးသို့ ရောက်ရှိစဥ် ဦးကျော်သန်း၏ ခြေထောက်ဒဏ်ရာမှာ အလွန်ပြင်းထန်၍ ခြေထောက်ဖြတ်ရမည့် အခြေအနေတွင် ရှိကြောင်း သိရသည်။

"အုတ်ဖိုတာဆုံအဝင်နားမှာ ဦးကျော်သန်း ကို သူ့သား စည်သူကျော်က ကားအမောင်းသင်ပေးနေတုန်း စစ်ဗိုလ်နဲ့ စစ်သား၃ယောက်က ကားကိုအတင်းရပ်ခိုင်းတယ်။ ဦးကျော်သန်းက ကားရပ်ဖို့ ဘရိတ်အုပ်တော့ ဘရိတ်မမိဖြစ်ပြီး ရပ်မရဖြစ်သွားတော့ သူတို့ကိုကျော်သွားတယ်။ ဒါကို ထွက်ပြေးတယ်ဆိုပြီး သေနတ်နဲ့ဝိုင်းပစ်တာကြောင့် ဦးကျော်သန်းခြေထောက်တစ်ဖက် ကြေထွက်သွားတယ်။ ခုညနေသိရတာ ရန်ကုန်ဆေးရုံကြီးက ဆရာဝန်တွေ ပြောဆိုချက်အရ ခြေထောက်ဖြတ်ရမယ်လို့ သိရပါတယ်"ဟု အုတ်ဖိုမြို့ခံတစ်ဦးမှ Tharyarwaddy 8 City ကို ​ရှင်းပြသည်။

ဓာတ်ပုံ - အုတ်ဖိုတာဆုံ (ပုံဟောင်း)

သတင်း - တက်တိုးအောင်
စာတည်း - ရာမန်

#အုတ်ဖိုမြို့နယ်

29/12/2024

"မင်္ဂလာရှိသောနိုင်ငံဖြစ်အောင် ဘယ်လိုတည်ဆောက်ကြမလဲ "
ဓမ္မသာကစ္ဆာတရားတော်များ - အပိုင်း(၃)
ဆရာတော်မင်းသုည (ဗုဒ္ဓတက္ကသိုလ်)

29.12.2024
Please Like and Share our page
#ဓမ္မဖြင့်မှားယွင်းသောအတွေးအခေါ်များကိုတော်လှန်ခြင်း
#ဘာသာရေးကပြောသောနိုင်ငံရေးစကားများ
#ဓမ္မဖြင့်အဓမ္မကိုတော်လှန်ခြင်း
#ကဗျာတွေကပြောတဲ့တော်လှန်ရေးစကားများ
#လမ်းမှန်ကိုလျှောက် ပန်းတိုင်ရောက်
#စိတ်ကောင်းရှိဖို့ပထမ
#ဓမ္မသာကစ္ဆာအမေးအဖြေများ
#မင်္ဂလာရှိသောနိုင်ငံဖြစ်အောင်ဘယ်လိုတည်ဆောက်ကြမလဲ

28/12/2024

LIGHTS OF THE FUTURE-GROUP
(အနာဂတ်အလင်းတန်းများအဖွဲ့)မှ အပတ်စဥ်ကျင်းပသော Online တရားပွဲ

"ဓမ္မဖြင့် မှားယွင်းသောအတွေးအခေါ်များကိုတော်လှန်ခြင်း"အပိုင်း (၅၄)
ဆရာတော်မင်းသုည(ဗုဒ္ဓတက္ကသိုလ်)

28.12.2024

Please Like and Share our page

28/12/2024

"ခုရက်ထဲမှာ မြို့အဝင်အထွက်ကို စစ်တပ်က လုံခြုံရေးတင်းကြပ်ထားပါတယ်။ အရပ်ဝတ်လက်နက်ကိုင်စစ်သားတွေကလည်း ဧည့်စာရင်းစစ်ဖို့ဆိုပြီး နေအိမ်ထဲဝင်ရောက်ပေါ်တာဆွဲတာမျိုးတွေရှိတော့ လူငယ်တွေ တိမ်းရှောင်နေရတယ်။ မနေ့ကဆို အိမ်စီးကား အပြာလေးနဲ့ မြောက်ဘက်မြို့သစ်နဲ့ ကောက်ကွေးတန်းက လမ်းဝင်ထွက်ပေါက်တွေကို ပတ်ကြည့်သွား​လို့ ရွာကလူငယ်တွေ သတိနဲ့နေနေကြရတယ်"ဟု ဒေသခံတစ်ဦးမှ Tharyarwaddy 8 City ကို ပြောပြသည်။

မင်းလှမှာ စစ်ကောင်စီတပ်သားများက
နေအိမ်တွေထဲထိ ဝင်ရောက်ပေါ်တာဆွဲနေပြီး လူငယ်၁၁ဦးထက်မနည်း ဖမ်းဆီးခံလိုက်ရ

Tharyarwaddy 8 City / ဒီဇင်ဘာ၂၈၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်မှာ စစ်ကောင်စီတပ်သားများက နေအိမ်တွေထဲထိ ဝင်ရောက်ပေါ်တာဆွဲနေပြီး လူငယ်၁၁ဦးထက်မနည်း ဖမ်းဆီးခံလိုက်ရကြောင်း သတင်းရရှိပါသည်။

မင်းလှမြို့အထွက် မဟာစည်ရိပ်သာ အနီး ကားလမ်း၌ စစ်ကောင်စီတပ်က လမ်းသွားလမ်းလာ ပြည်သူများကို စောင့်ဆိုင်းကာ နေ့စဥ် ပေါ်တာဆွဲနေပြီး ဒီဇင်ဘာလ ၂၄ရက်နေ့တွင် လူငယ်၃ယောက် ဖမ်းဆီးခံခဲ့ရကြောင်းသိရသည်။

ဒီဇင်ဘာလ၂၅ရက်နေ့ နံနက်တွင် ညောင်ဝင်းကျေးရွာက လူငယ်၂ယောက်ဟာ အုတ်ဖိုမြို့နယ်ဘက်သွားရင်း စစ်ကောင်စီတပ်၏ ပေါ်တာဆွဲ ဖမ်းဆီးခံခဲ့ရသလို ထိုနေ့ နေ့လည်တွင် သရော(အမ်)အုပ်စု၊ သရက်ပင်ဆိပ်ရွာမှ လူငယ်၃ယောက်ကို စစ်ကောင်စီတပ်မှ ရွာထဲဝင်ရောက်ကာ ပေါ်တာဆွဲ ဖမ်းဆီးခဲ့ကြောင်း သိရှိရပါသည်။

အလားတူ ဒီဇင်ဘာလ၂၆ရက်နေ့ကလည်း ရွှေစံပြည့်ရွာတွင် ရေတွင်း(အဝီစိတွင်း)လာတူးတဲ့ လူငယ် ၄ယောက်ဟာ စစ်ကောင်စီတပ်၏ ပေါ်တာဆွဲဖမ်းဆီးခြင်း ခံလိုက်ရသလို မင်းလှမြို့အဝင်အထွက်ကို လုံခြုံရေးတင်းကြပ်ပြီး မြို့ပေါ်ရပ်ကွက်များက လူငယ်တွေကို အရပ်ဝတ် စစ်ကောင်စီ တပ်သားများမှ နေအိမ်ထဲ ဝင်ရောက် ပေါ်တာဆွဲခဲ့ကြောင်း သိရသည်။

"ခုရက်ထဲမှာ မြို့အဝင်အထွက်ကို စစ်တပ်က လုံခြုံရေးတင်းကြပ်ထားပါတယ်။ အရပ်ဝတ်လက်နက်ကိုင်စစ်သားတွေကလည်း ဧည့်စာရင်းစစ်ဖို့ဆိုပြီး နေအိမ်ထဲဝင်ရောက်ပေါ်တာဆွဲတာမျိုးတွေရှိတော့ လူငယ်တွေ တိမ်းရှောင်နေရတယ်။ မနေ့ကဆို အိမ်စီးကား အပြာလေးနဲ့ မြောက်ဘက်မြို့သစ်နဲ့ ကောက်ကွေးတန်းက လမ်းဝင်ထွက်ပေါက်တွေကို ပတ်ကြည့်သွား​လို့ ရွာကလူငယ်တွေ သတိနဲ့နေနေကြရတယ်"ဟု ဒေသခံတစ်ဦးမှ Tharyarwaddy 8 City ကို ပြောပြသည်။

ဓာတ်ပုံ - ၂၀၂၂ခုနှစ် ဖေဖော်ဝါရီလ ၁ရက်နေ့၌ အသံတိတ်သပိတ်ကြောင့် သွားလာသူမရှိဖြစ်နေသည့် မင်းလှမြို့မစျေး မြင်ကွင်း

သတင်း - လော်ရှိန်းအောင်
စာတည်း - ရာမန်

#မင်းလှမြို့နယ်

27/12/2024

Learn and share လေ့လာ‌‌ဝေမျှသိကြရ Social Media က စီစဥ်တဲ့
ဓမ္မသရဏဂုံနှင့်စပ်လျဥ်း၍ အမေပေးတဲ့ခေါင်း
ဓမ္မသာကစ္ဆာစကားဝိုင်း - အပိုင်း (၁၃၅)

#ဆွေးနွေးမည့်ဆရာတော်များ
ဆရာတော်မင်းသုည(ဗုဒ္ဓတက္ကသိုလ်)
ဆရာတော်ဦးဃောသိတသာရ (မှော်ဘီ) တို့ရဲ့ဆွေးနွေးချက်တိုက်ရိုက်ထုတ်လွှင့်မှု

#အစီအစဥ်တင်ဆက်သူ
ဦးကိုကိုလေး(USA)

#ထုတ်လွှင့်မည့်နေ့ရက်
27.12.2024 (သောကြာနေ့) မြန်မာစံတော်ချိန် ည (၉း၀၀) နာရီ
Please Like and Share our page

26/12/2024

ဓမ္မဖြင့် အဓမ္မကိုတော်လှန်ခြင်း ဓမ္မသာကစ္ဆာစကားဝိုင်း -အပိုင်း(၆၂)

#ဆွေးနွေးမည့်ဆရာတော်များ
ဆရာတော်မင်းသုည(ဗုဒ္ဓတက္ကသိုလ်)
ဆရာတော်ဦးဃောသိတသာရ (မှော်ဘီ)
ကိုထက်မြတ် (CDM - ဗိုလ်ကြီး) တို့ရဲ့ဆွေးနွေးမှု တိုက်ရိုက်ထုတ်လွှင့်ချက်

#စီစဥ်တင်ဆက်သူ
အရှင်တေဇာနန္ဒ(တန့်ဆည်)

#ထုတ်လွင့်သည့်နေ့ရက်
26.12.2024 (ကြာသပတေးနေ့) မြန်မာစံတော်ချိန်ည(၈:၀၀)

Please Like and Share our page
#ဓမ္မဖြင့်အဓမ္မကိုတော်လှန်ခြင်းဓမ္မသာကစ္ဆာစကားဝိုင်း

26/12/2024

"စစ်တပ် ထုတ်ကုန်တွေ မရောင်းချဖို့ ၃ကြိမ်ထက်မနည်း သတိပေးခဲ့ပေမယ့် ဝင်စစ်ဆေးတော့ ရောင်းချနေတာတွေ့လို့ အရက်နဲ့ ဘီယာတွေကို ဖျက်ဆီးလိုက်ပါတယ်။ အုတ်ဖိုမြို့နယ်အတွင်း စစ်တပ်ထုတ် အရက်ဘီယာတွေနဲ့ တခြား စစ်တပ်ထုတ်ကုန်တွေကို ဆိုင်တွေမှာ မရောင်းချဖို့ သတိပေးပါတယ်။ ကျွန်တော်တို့အဖွဲ့အနေနဲ့ အချိန်မရွေး ဝင်ရောက်စစ်ဆေးဖျက်ဆီးမှာပါ။ ပြည်သူများအနေနဲ့ တော်လှန်ရေးမြန်မြန်အောင်မြင်အောင် စစ်တပ်ကိုဝင်ငွေမရစေဖို့ စစ်တပ်ထုတ်ကုန်တွေ မသုံးစွဲကြဖို့ မေတ္တာရပ်ခံပါတယ်"ဟု သာယာဝတီခရိုင် တပ်ရင်း ၃၈၀၂၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ​ရှင်းပြသည်။

အုတ်ဖိုမှာ PDFတွေ သတိပေးထားတဲ့ကြားက
စစ်တပ်ထုတ် အရက်နဲ့ဘီယာတွေကို ဆိုင်တွေမှာ ရောင်းချနေတာတွေ့ရှိလို့ PDFက အရေးယူဖျက်ဆီး

Tharyarwaddy 8 City / ဒီဇင်ဘာ၂၆၊၂၀၂‌၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ PDFတွေ သတိပေးထားတဲ့ကြားက စစ်တပ်ထုတ် အရက်နဲ့ဘီယာတွေကို ဆိုင်တွေမှာ ရောင်းချနေတာတွေ့ရှိလို့ PDFက အရေးယူဖျက်ဆီးလိုက်ကြောင်း သတင်းရရှိပါသည်။

ပြီးခဲ့တဲ့ ဒီဇင်ဘာလ ၂၀ရက်နေ့ နံနက်၉နာရီခန့်အချိန်တွင် အုတ်ဖိုမြို့နယ်အတွင်းရှိ စျေးဆိုင်များ၌ စစ်တပ်ထုတ် အရက်နှင့် ဘီယာများ ရောင်းချနေမှုကို သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို ၏ ရဲဘော်များမှ ရှောင်တခင် ဝင်ရောက် စစ်ဆေးရှာဖွေခဲ့ကြောင်း သိရသည်။

ထိုသို့ ဝင်ရောက် စစ်ဆေးစဉ် စစ်တပ်ထုတ် အရက်နှင့် ဘီယာများ တွေ့ရှိရ၍ အရေးယူ ဖျက်ဆီးကာ စစ်တပ်ထုတ်ကုန်များ အသုံးမပြုရေးအတွက် သတိပေးခြင်းများ လုပ်ဆောင်ခဲ့ကြောင်း သိရှိရပါသည်။

"စစ်တပ် ထုတ်ကုန်တွေ မရောင်းချဖို့ ၃ကြိမ်ထက်မနည်း သတိပေးခဲ့ပေမယ့် ဝင်စစ်ဆေးတော့ ရောင်းချနေတာတွေ့လို့ အရက်နဲ့ ဘီယာတွေကို ဖျက်ဆီးလိုက်ပါတယ်။ အုတ်ဖိုမြို့နယ်အတွင်း စစ်တပ်ထုတ် အရက်ဘီယာတွေနဲ့ တခြား စစ်တပ်ထုတ်ကုန်တွေကို ဆိုင်တွေမှာ မရောင်းချဖို့ သတိပေးပါတယ်။ ကျွန်တော်တို့အဖွဲ့အနေနဲ့ အချိန်မရွေး ဝင်ရောက်စစ်ဆေးဖျက်ဆီးမှာပါ။ ပြည်သူများအနေနဲ့ တော်လှန်ရေးမြန်မြန်အောင်မြင်အောင် စစ်တပ်ကိုဝင်ငွေမရစေဖို့ စစ်တပ်ထုတ်ကုန်တွေ မသုံးစွဲကြဖို့ မေတ္တာရပ်ခံပါတယ်"ဟု သာယာဝတီခရိုင် တပ်ရင်း ၃၈၀၂၊ တပ်ခွဲ၄ မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ​ရှင်းပြသည်။

သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့အနေဖြင့် ဆက်လက်၍လည်း ပြည်သူများကို ဖမ်းဆီးသတ်ဖြတ်ကာ အမျိုးမျိုး ဒုက္ခပေးနေသည့် အကြမ်းဖက်စစ်တပ်ကို ဝင်ငွေရစေသော စစ်တပ်ထုတ် အရက် ဘီယာ ရောင်းချသည့် ဆိုင်များအား ဝင်ရောက် ဖမ်းဆီး ဖျက်ဆီးမှုများကို ထိထိရောက်ရောက် လုပ်ဆောင်သွားမည်ဖြစ်၍ ပြည်သူများအနေဖြင့် စစ်တပ်ထုတ်ကုန် အသုံးမပြုကြရန် အသိပေးထားပါသည်။

သတင်း - တက်တိုးအောင်
စာတည်း - ရာမန်

#အုတ်ဖိုမြို့နယ်

25/12/2024

"တစ်နေ့တုန်းကမှ ခမရ၆ကို တိုင်းမှူးလာပြီး တပ်သားသစ်၇ယောက် လက်နက်ယူထွက်ပြေးတာ ပြန်လည်ဖမ်းဆီးနိုင်ဖို့ ဆူနေတာ။ ခု၅ယောက်ပါ ထွက်ပြေးတယ်ဆိုတာသာ သိရင် မလွယ်ဘူး အရေးယူခံရမှာ သေချာတယ်"ဟု တပ်သတင်းရင်းမြစ်က Tharyarwaddy 8 Cityကို ​​ပြောပြပါသည်။

ကြို့ပင်ကောက်မှာ စစ်ကောင်စီတပ်သား၅ဦး တပ်ဆွဲထားတဲ့ စခန်းကနေ ထွက်ပြေးတာကြောင့် စစ်တပ်နဲ့ ပျူစောထီးတွေ သေနတ်နဲ့လိုက်လံပစ်ခတ်

Tharyarwaddy 8 City / ဒီဇင်ဘာ၂၅၊၂၀၂၄

ပဲခူးတိုင်း‌အနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်မှာ စစ်ကောင်စီတပ်သား၅ဦး တပ်ဆွဲထားတဲ့ စခန်းကနေ ထွက်ပြေးတာကြောင့် စစ်တပ်နဲ့ ပျူစောထီးတွေ သေနတ်နဲ့လိုက်လံပစ်ခတ်ခဲ့ကြောင်း သတင်းရရှိပါသည်။

ဒီဇင်ဘာလ ၂၄ရက် ယမန်နေ့ ည၈နာရီခန့်အချိန်တွင် ကြို့ပင်ကောက်မြို့နယ်၊ ကုန်းရွာအုပ်စု၊ ကွင်းချောင်းရွာတွင် တပ်ဆွဲထားသည့် စစ်ကောင်စီတပ်ဖွဲ့မှ တပ်သား ၅ဦး ထွက်ပြေးတာကြောင့် ပျူစောထီးများနှင့် စစ်ကောင်စီတပ်မှ လိုက်လံပစ်ခတ်ခဲ့ကြောင်း သိရသည်။

"ညတုန်းက ကွင်းချောင်းမှာ စစ်သား၅ယောက် ထွက်ပြေးတာကို စစ်တပ်နဲ့ပျူတွေ သေနတ်နဲ့လိုက်ပစ်ကြတယ်။ ထွက်ပြေးတဲ့ စစ်သားတွေမှာ လက်နက်မပါသွားတော့ လွတ်သွားလား ပြန်ဖမ်းခံရလားတော့ မသိရသေးဘူး "ဟု ဒေသခံတစ်ဦးမှ Tharyarwaddy 8 Cityကို ​​ပြောပြပါသည်။

အဆိုပါ ထွက်ပြေးကြသည့် စစ်ကောင်စီတပ်သား၅ဦးဟာ လူငယ်များကို ပေါ်တာဆွဲဖမ်းဆီးခိုင်းတာကို မလုပ်ဆောင်လိုတာကြောင့် စခန်းမှ ထွက်ပြေးတာလို့သိရပြီး ပြီးခဲ့တဲ့ ဒီဇင်ဘာလ ၁၇ရက်နေ့ ညကလည်း အုတ်ဖိုမြို့နယ်၊ တိမ်မြုပ်ရွာ အခြေစိုက် ခမရ(၆)မှ စစ်ကောင်စီ တပ်သား ၇ဦးဟာ လက်နက်ခဲယမ်းတွေ ယူဆောင်ထွက်ပြေးခဲ့ပါသေးသည်။

"တစ်နေ့တုန်းကမှ ခမရ၆ကို တိုင်းမှူးလာပြီး တပ်သားသစ်၇ယောက် လက်နက်ယူထွက်ပြေးတာ ပြန်လည်ဖမ်းဆီးနိုင်ဖို့ ဆူနေတာ။ ခု၅ယောက်ပါ ထွက်ပြေးတယ်ဆိုတာသာ သိရင် မလွယ်ဘူး အရေးယူခံရမှာ သေချာတယ်"ဟု တပ်သတင်းရင်းမြစ်က Tharyarwaddy 8 Cityကို ​​ပြောပြပါသည်။

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်