နိုင်ငံ့အကျိုး သတင်း နှင့် သယ်ပိုး မယ့်မြန်မာ့ပေါင်းကူး
19/08/2022
(သတင်း)
တာချီလိတ်မြို့နယ် စာရင်းစစ်ရုံးက လုပ်ပိုင်ခွင့်အာဏာ အသုံးချပြီး ပမာဏများပြားတဲ့ ငွေကြေး တောင်းခံမှုများ ပြုလုပ်နေ
တာချီလိတ်၊ သြဂုတ် ၁၈၊ ၂၀၂၂
ရှမ်းပြည်နယ် (အရှေ့ပိုင်း) တာချီလိတ်မြို့နယ် စာရင်းစစ်ရုံးက တာဝန်ရှိသူတွေဟာ ပုဂ္ဂလိက လုပ်ငန်းရှင်တွေနဲ့ ဌာနဆိုင်ရာတွေဆီကနေ ပမာဏများပြားတဲ့ ငွေကြေး တောင်းခံမှုတွေ ပြုလုပ်နေတယ်လို့ သိရပါတယ်။
အဆိုပါ ပမာဏများပြားတဲ့ ငွေကြေး တောင်းခံမှုတွေကို စာရင်းစစ် အရာရှိတွေရဲ့ လုပ်ပိုင်ခွင့်အာဏာကို အသုံးချပြီး ပြုလုပ်နေခြင်း ဖြစ်ကြောင်း ပုဂ္ဂလိက လုပ်ငန်းရှင် အသိုင်းအဝိုင်း နဲ့ ဌာနဆိုင်ရာ အသိုင်းအဝိုင်းတွေရဲ့ သတင်းပေးပို့မှု အရ သိရတာ ဖြစ်ပါတယ်။
ဆောက်လုပ်ရေး လုပ်ငန်းရှင်တစ်ဦးက“စာရင်းစစ်မှာတောင် ခရိုင်အဖွဲ့က မရစ်ဘူး၊ မကျစ်ဘူးဗျ။ စေတနာနဲ့ပေးရင်တောင် ငြင်းလွှတ်တယ်။ မြို့နယ်စာရင်းစစ် ဦးစီးမှုးနဲ့ သူ့ရဲ့ စာရင်းစစ်မှူးတွေကတော့ အနည်းဆုံး ပြန်သွင်းရမယ့် ငွေရဲ့ တဝက်ကြေးကို တောင်းတာ”လို့ ရွှေတြိဂံ သတင်းဌာနကို ပြောပါတယ်။
မြို့နယ်စာရင်းစစ်အဖွဲ့ဟာ လုပ်ငန်းတစ်ခုကို စစ်ဆေးပြီဆိုတာနဲ့ အဆင့် (၃) ဆင့် လုပ်ဆောင်ကြောင်း သိရပါတယ်။
နံပါတ် (၁) အနေနဲ့ ပထမဆုံး လုပ်တာက လုပ်ငန်းတစ်ခုရဲ့အားနည်းချက်တွေကို စုစည်းစစ်ဆေးပြီး၊ တန်ဖိုးကို ဒေသ ပေါက်ဈေးနဲ့ တွက်ချက်ကာ ခြားနားငွေကို အစိုးရဘတ်ဂျက်ထဲ ပြန်သွင်းခိုင်းကြောင်း၊ နံပါတ် (၂) အဆင့်မှာ ငွေပြန်မသွင်းချင်တဲ့ လုပ်ငန်းရှင်တွေဆီက ပြန်သွင်းငွေရဲ့ ထက်ဝက်ငွေ (အနည်းဆုံး) တောင်းခံကြောင်း၊ ပြီးမှ နောက်ဆုံးအဆင့် ဖြစ်တဲ့ စာရင်းစစ်ပြီးစီးကြောင်း လုပ်ပေးခြင်း ဖြစ်တယ်လို့လည်း ဆိုပါတယ်။
လုပ်ငန်းရှင် တစ်ဦးကလည်း“လုပ်ငန်းတစ်ခုမှာ အားနည်းချက်ရှိသလို၊ အားသာချက်လည်း ရှိတယ်လေ။ အားနည်းချက်ကိုပဲ ထောက်ပြပြီး ရစ်တယ်၊ ဒီလောက် မြန်မာငွေ တန်ဖိုးကျပြီး ပစ္စည်းစျေးနှုန်းတွေ ခေါင်ခိုက်ပြီး အရှုံးပေါ်နေတာတောင် ငွေကွာတယ် ဆိုပြီး ပိုက်ဆံပြန်သွင်းခိုင်းတယ်ဗျာ”လို့ ပြောပြပါတယ်။
၎င်းက ဆက်လက်ပြီး“လုပ်ငန်းတန်ဖိုးက ကျပ် သိန်း တစ်ထောင် မကျော်ဘူးဗျာ။ သိန်း ရာဂဏန်း ရှိတဲ့ ငွေပမာဏကို ပြန်သွင်းခိုင်းတယ် ဆိုတော့ လုပ်ငန်းရှင်တွေနဲ့ စာရင်းစစ်ခံရတဲ့ ဌာနဆိုင်ရာ တာဝန်ရှိသူတွေ အကြပ်အတည်းတွေ့ပြီပေါ့။ အဲဒီအဆင့်ကို ရောက်တာနဲ့ နံပါတ် (၂) အဆင့်ကို လုပ်ကြတော့တာပဲ”လို့လည်း ပြောဆိုပါတယ်။
ပြန်လည် သွင်းခိုင်းတဲ့ငွေဟာ များလွန်းတဲ့ အတွက် လုပ်ငန်းရှင်တွေနဲ့ ဌာနတာဝန်ရှိသူတွေ အကြပ်အတည်း တွေ့ချိန် ရောက်မှ မြို့နယ်စာရင်းစစ်ရုံးက အတွင်းလူကနေတဆင့် အစိုးရထံ ပြန်လည်သွင်းရမယ့် ငွေရဲ့ လေးပုံသုံးပုံကို တောင်းခံတယ် လို့လည်း ဆိုပါတယ်။
အဲဒီအဆင့်မှာ ညှိနှိုင်းလို့ အဆင်မပြေတဲ့သူဆိုရင် စာရင်းစစ် ကန်ကွက်ချက်ကြောင့် သူတို့သွင်းခိုင်းတဲ့ ငွေပမာဏ အတိုင်း သွင်းရမှာမို့ အနည်းဆုံး ပြန်သွင်းရမယ့်ငွေရဲ့ ထက်ဝက်တိတိကို မြို့နယ်စာရင်းစစ်အဖွဲ့ကို မဖြစ်မနေပေးကြရကြောင်း၊ နံပါတ် (၂) အဆင့်မှာ ပြေလည်မှ နောက်ဆုံးအဆင့်ကို ဆက်လုပ်ကြောင်းလည်း သိရပါတယ်။
“သူတို့တွက်ချက်ထားတဲ့ ငွေရဲ့ အနည်းဆုံး တဝက်လောက်ရမှ ညှိလို့ နှိုင်းလို့ အဆင်ပြေတာ၊ ဒါတောင် သူတို့ ပြဿနာ မတက်အောင် စတိအနေနဲ့ အစိုးရဘတ်ဂျက်ထဲကို သိန်းဂဏန်းတော့ ပြန်သွင်းခိုင်းတယ်၊ အဲဒီငွေသွင်းပြီးမှ နောက်ဆုံး အဆင့် စာရင်းစစ် ကန့်ကွက်ချက်မပေါ်တာ”လို့လည်း အထက်ပါ လုပ်ငန်းရှင်က ပြောပြပါတယ်။
တာချီလိတ်မြို့နယ်စာရင်းစစ် အဖွဲ့ရဲ့ ငွေကြေး တောင်းခံမှု ဆိုးရွားလာတာဟာ လက်ရှိ မြို့နယ်စာရင်းစစ် ဦးစီးမှူး ပြောင်းရွှေ့ တာဝန် ထမ်းဆောင်စဉ် ကတည်းကလို့ ရွှေတြိဂံရဲ့ သတင်းရင်းမြစ်တွေကလည်း ပြောပါတယ်။
“အရင်အဆက်ဆက် ခရိုင်/မြို့နယ် စာရင်းစစ်တွေက လုပ်ငန်းသဘော ရှင်းပြလို့ရတယ်။ အခု မြို့နယ်ဦးစီးမှူးနဲ့ မြို့နယ် စာရင်းစစ်အဖွဲ့ကတော့ ရှင်းပြလည်း လက်မခံဘူး။ ငွေမှ ငွေပဲ။ သူတို့ တောင်းတဲ့အတိုင်း ပေးရင်ပေး မပေးရင်တော့ သူတို့ လုပ်ပိုင်ခွင့်ထဲကနေ ပြဿနာ အမျိုးမျိုးရှာတာပဲ”လို့လည်း သတင်းရင်းမြစ် တစ်ဦးက ပြောဆိုပါတယ်။
အစိုးရဌာနရုံး တည်ဆောက်ရေး လုပ်ငန်းတစ်ခုကိုလည်း ငွေကျပ် သိန်း ၇၀ ကျော် ပြန်သွင်းခိုင်းခဲ့တဲ့ အတွက် မြို့နယ် စာရင်းစစ် အဖွဲ့ကို ကျပ် ၃၅ သိန်း ပေးခဲ့ရတယ်လို့ အမည်မဖော်လို့တဲ့ မြို့နယ်အဆင့် တာဝန်ရှိသူ တစ်ဦးကလည်း ရွှေတြိဂံကို ပြောပါတယ်။
“ကျနော်တို့ကတော့ ပြဿနာ မဖြစ်ချင်လို့ ညှိနှိုင်းပြီး ပေးခဲ့တာပါ။ စာရင်းစစ် ကန့်ကွက်ချက်ပေါ်လာရင် ကျနော်တို့ ဌာနတွေ အနေနဲ့က ပြဿနာ ရှိတယ်လေ၊ ဒါကြောင့်ပါ”လို့လည်း သူက ပြောပြပါတယ်။
တာချီလိတ်မြို့နယ်ဟာ ရှမ်းပြည်နယ် (အရှေ့ပိုင်း)၊ ထိုင်း-မြန်မာ နယ်စပ်မြို့လေး ဖြစ်သလို၊ ခရိုင်နဲ့ မြို့နယ် အဆင့် ရုံးစိုက်ရာ မြို့လည်း ဖြစ်ကြောင်း၊ တာချီလိတ်ခရိုင် အတွင်းမှာ ဆောက်လုပ်ရေး ကုမ္ပဏီပေါင်း (၅၀) ကျော်ရှိပြီး နှစ်စဉ် အစိုးရ ဘတ်ဂျက်နဲ့ လမ်း၊ တံတား၊ ရုံး စတဲ့ တည်ဆောက်ရေး လုပ်ငန်းပေါင်း (၁၀၀) ခန့် ရှိနေကြောင်းလည်း သိရပါတယ်။
သတင်း - ရွှေတြိဂံဒေသ သတင်းဌာန
ပုံစာ - တာချီလိတ်မြို့ ဆိုင်းဘုတ်။
ဓာတ်ပုံ - အင်တာနက် စာမျက်နှာ
#ရွှေတြိဂံဒေသ သတင်းလွှာ
Unicode
(သတင်း)
တာချီလိတ်မြို့နယ် စာရင်းစစ်ရုံးက လုပ်ပိုင်ခွင့်အာဏာ အသုံးချပြီး ပမာဏများပြားတဲ့ ငွေကြေး တောင်းခံမှုများ ပြုလုပ်နေ
တာချီလိတ်၊ သြဂုတ် ၁၈၊ ၂၀၂၂
ရှမ်းပြည်နယ် (အရှေ့ပိုင်း) တာချီလိတ်မြို့နယ် စာရင်းစစ်ရုံးက တာဝန်ရှိသူတွေဟာ ပုဂ္ဂလိက လုပ်ငန်းရှင်တွေနဲ့ ဌာနဆိုင်ရာတွေဆီကနေ ပမာဏများပြားတဲ့ ငွေကြေး တောင်းခံမှုတွေ ပြုလုပ်နေတယ်လို့ သိရပါတယ်။
အဆိုပါ ပမာဏများပြားတဲ့ ငွေကြေး တောင်းခံမှုတွေကို စာရင်းစစ် အရာရှိတွေရဲ့ လုပ်ပိုင်ခွင့်အာဏာကို အသုံးချပြီး ပြုလုပ်နေခြင်း ဖြစ်ကြောင်း ပုဂ္ဂလိက လုပ်ငန်းရှင် အသိုင်းအဝိုင်း နဲ့ ဌာနဆိုင်ရာ အသိုင်းအဝိုင်းတွေရဲ့ သတင်းပေးပို့မှု အရ သိရတာ ဖြစ်ပါတယ်။
ဆောက်လုပ်ရေး လုပ်ငန်းရှင်တစ်ဦးက“စာရင်းစစ်မှာတောင် ခရိုင်အဖွဲ့က မရစ်ဘူး၊ မကျစ်ဘူးဗျ။ စေတနာနဲ့ပေးရင်တောင် ငြင်းလွှတ်တယ်။ မြို့နယ်စာရင်းစစ် ဦးစီးမှုးနဲ့ သူ့ရဲ့ စာရင်းစစ်မှူးတွေကတော့ အနည်းဆုံး ပြန်သွင်းရမယ့် ငွေရဲ့ တဝက်ကြေးကို တောင်းတာ”လို့ ရွှေတြိဂံ သတင်းဌာနကို ပြောပါတယ်။
မြို့နယ်စာရင်းစစ်အဖွဲ့ဟာ လုပ်ငန်းတစ်ခုကို စစ်ဆေးပြီဆိုတာနဲ့ အဆင့် (၃) ဆင့် လုပ်ဆောင်ကြောင်း သိရပါတယ်။
နံပါတ် (၁) အနေနဲ့ ပထမဆုံး လုပ်တာက လုပ်ငန်းတစ်ခုရဲ့အားနည်းချက်တွေကို စုစည်းစစ်ဆေးပြီး၊ တန်ဖိုးကို ဒေသ ပေါက်ဈေးနဲ့ တွက်ချက်ကာ ခြားနားငွေကို အစိုးရဘတ်ဂျက်ထဲ ပြန်သွင်းခိုင်းကြောင်း၊ နံပါတ် (၂) အဆင့်မှာ ငွေပြန်မသွင်းချင်တဲ့ လုပ်ငန်းရှင်တွေဆီက ပြန်သွင်းငွေရဲ့ ထက်ဝက်ငွေ (အနည်းဆုံး) တောင်းခံကြောင်း၊ ပြီးမှ နောက်ဆုံးအဆင့် ဖြစ်တဲ့ စာရင်းစစ်ပြီးစီးကြောင်း လုပ်ပေးခြင်း ဖြစ်တယ်လို့လည်း ဆိုပါတယ်။
လုပ်ငန်းရှင် တစ်ဦးကလည်း“လုပ်ငန်းတစ်ခုမှာ အားနည်းချက်ရှိသလို၊ အားသာချက်လည်း ရှိတယ်လေ။ အားနည်းချက်ကိုပဲ ထောက်ပြပြီး ရစ်တယ်၊ ဒီလောက် မြန်မာငွေ တန်ဖိုးကျပြီး ပစ္စည်းဈေးနှုန်းတွေ ခေါင်ခိုက်ပြီး အရှုံးပေါ်နေတာတောင် ငွေကွာတယ် ဆိုပြီး ပိုက်ဆံပြန်သွင်းခိုင်းတယ်ဗျာ”လို့ ပြောပြပါတယ်။
၎င်းက ဆက်လက်ပြီး“လုပ်ငန်းတန်ဖိုးက ကျပ် သိန်း တစ်ထောင် မကျော်ဘူးဗျာ။ သိန်း ရာဂဏန်း ရှိတဲ့ ငွေပမာဏကို ပြန်သွင်းခိုင်းတယ် ဆိုတော့ လုပ်ငန်းရှင်တွေနဲ့ စာရင်းစစ်ခံရတဲ့ ဌာနဆိုင်ရာ တာဝန်ရှိသူတွေ အကြပ်အတည်းတွေ့ပြီပေါ့။ အဲဒီအဆင့်ကို ရောက်တာနဲ့ နံပါတ် (၂) အဆင့်ကို လုပ်ကြတော့တာပဲ”လို့လည်း ပြောဆိုပါတယ်။
ပြန်လည် သွင်းခိုင်းတဲ့ငွေဟာ များလွန်းတဲ့ အတွက် လုပ်ငန်းရှင်တွေနဲ့ ဌာနတာဝန်ရှိသူတွေ အကြပ်အတည်း တွေ့ချိန် ရောက်မှ မြို့နယ်စာရင်းစစ်ရုံးက အတွင်းလူကနေတဆင့် အစိုးရထံ ပြန်လည်သွင်းရမယ့် ငွေရဲ့ လေးပုံသုံးပုံကို တောင်းခံတယ် လို့လည်း ဆိုပါတယ်။
အဲဒီအဆင့်မှာ ညှိနှိုင်းလို့ အဆင်မပြေတဲ့သူဆိုရင် စာရင်းစစ် ကန်ကွက်ချက်ကြောင့် သူတို့သွင်းခိုင်းတဲ့ ငွေပမာဏ အတိုင်း သွင်းရမှာမို့ အနည်းဆုံး ပြန်သွင်းရမယ့်ငွေရဲ့ ထက်ဝက်တိတိကို မြို့နယ်စာရင်းစစ်အဖွဲ့ကို မဖြစ်မနေပေးကြရကြောင်း၊ နံပါတ် (၂) အဆင့်မှာ ပြေလည်မှ နောက်ဆုံးအဆင့်ကို ဆက်လုပ်ကြောင်းလည်း သိရပါတယ်။
“သူတို့တွက်ချက်ထားတဲ့ ငွေရဲ့ အနည်းဆုံး တဝက်လောက်ရမှ ညှိလို့ နှိုင်းလို့ အဆင်ပြေတာ၊ ဒါတောင် သူတို့ ပြဿနာ မတက်အောင် စတိအနေနဲ့ အစိုးရဘတ်ဂျက်ထဲကို သိန်းဂဏန်းတော့ ပြန်သွင်းခိုင်းတယ်၊ အဲဒီငွေသွင်းပြီးမှ နောက်ဆုံး အဆင့် စာရင်းစစ် ကန့်ကွက်ချက်မပေါ်တာ”လို့လည်း အထက်ပါ လုပ်ငန်းရှင်က ပြောပြပါတယ်။
တာချီလိတ်မြို့နယ်စာရင်းစစ် အဖွဲ့ရဲ့ ငွေကြေး တောင်းခံမှု ဆိုးရွားလာတာဟာ လက်ရှိ မြို့နယ်စာရင်းစစ် ဦးစီးမှူး ပြောင်းရွှေ့ တာဝန် ထမ်းဆောင်စဉ် ကတည်းကလို့ ရွှေတြိဂံရဲ့ သတင်းရင်းမြစ်တွေကလည်း ပြောပါတယ်။
“အရင်အဆက်ဆက် ခရိုင်/မြို့နယ် စာရင်းစစ်တွေက လုပ်ငန်းသဘော ရှင်းပြလို့ရတယ်။ အခု မြို့နယ်ဦးစီးမှူးနဲ့ မြို့နယ် စာရင်းစစ်အဖွဲ့ကတော့ ရှင်းပြလည်း လက်မခံဘူး။ ငွေမှ ငွေပဲ။ သူတို့ တောင်းတဲ့အတိုင်း ပေးရင်ပေး မပေးရင်တော့ သူတို့ လုပ်ပိုင်ခွင့်ထဲကနေ ပြဿနာ အမျိုးမျိုးရှာတာပဲ”လို့လည်း သတင်းရင်းမြစ် တစ်ဦးက ပြောဆိုပါတယ်။
အစိုးရဌာနရုံး တည်ဆောက်ရေး လုပ်ငန်းတစ်ခုကိုလည်း ငွေကျပ် သိန်း ၇၀ ကျော် ပြန်သွင်းခိုင်းခဲ့တဲ့ အတွက် မြို့နယ် စာရင်းစစ် အဖွဲ့ကို ကျပ် ၃၅ သိန်း ပေးခဲ့ရတယ်လို့ အမည်မဖော်လို့တဲ့ မြို့နယ်အဆင့် တာဝန်ရှိသူ တစ်ဦးကလည်း ရွှေတြိဂံကို ပြောပါတယ်။
“ကျနော်တို့ကတော့ ပြဿနာ မဖြစ်ချင်လို့ ညှိနှိုင်းပြီး ပေးခဲ့တာပါ။ စာရင်းစစ် ကန့်ကွက်ချက်ပေါ်လာရင် ကျနော်တို့ ဌာနတွေ အနေနဲ့က ပြဿနာ ရှိတယ်လေ၊ ဒါကြောင့်ပါ”လို့လည်း သူက ပြောပြပါတယ်။
တာချီလိတ်မြို့နယ်ဟာ ရှမ်းပြည်နယ် (အရှေ့ပိုင်း)၊ ထိုင်း-မြန်မာ နယ်စပ်မြို့လေး ဖြစ်သလို၊ ခရိုင်နဲ့ မြို့နယ် အဆင့် ရုံးစိုက်ရာ မြို့လည်း ဖြစ်ကြောင်း၊ တာချီလိတ်ခရိုင် အတွင်းမှာ ဆောက်လုပ်ရေး ကုမ္ပဏီပေါင်း (၅၀) ကျော်ရှိပြီး နှစ်စဉ် အစိုးရ ဘတ်ဂျက်နဲ့ လမ်း၊ တံတား၊ ရုံး စတဲ့ တည်ဆောက်ရေး လုပ်ငန်းပေါင်း (၁၀၀) ခန့် ရှိနေကြောင်းလည်း သိရပါတယ်။
သတင်း - ရွှေတြိဂံဒေသ သတင်းဌာန
ပုံစာ - တာချီလိတ်မြို့ ဆိုင်းဘုတ်။
ဓာတ်ပုံ - အင်တာနက် စာမျက်နှာ
#ရွှေတြိဂံဒေသ သတင်းလွှာ
