KIMO MEDIA

Home
Myanmar
Paletwa
KIMO MEDIA

Kimo Media (KM), A free, Independent and impartial media organization.

22/12/2024

ကန်ပက်လက်မြို့ကို ပြည်သူများ ပြန်လည်ထိန်းချုပ်ပြီဟု ကန်ပက်လက်ကောင်စီ ထုတ်ပြန်

(ချင်းပြည်နယ်တောင်ပိုင်းတစ်ခုလုံး စစ်ကောင်စီကင်းစင်ပြီ)

ကီမိုမီဒီယာ

ဒီဇင်ဘာလ၂၂ရက်၊၂၀၂၄ခုနှစ်

ချင်းပြည်နယ်‌တောင်ပိုင်း၊ ကန်ပက်လက်မြို့‌ရှိ စစ်ကောင်စီတပ်နှင့် ရဲတပ်ဖွဲ့ဝင်များ ဆုတ်ခွာသွားကြသည့်အတွက် မြို့ကို ဒေသခံပြသည်‌သူများမှ ပြန်လည်ထိန်းချုပ်ထားနိုင်ပြီ ဟု ကန်ပက်လက်ကောင်စီက ယနေ့ ဒီဇင်ဘာလ ၂၂ ရက်နေ့တွင် ထုတ်ပြန်ထားသည်။

ကန်ပက်လက်မြို့ကို ဒေသခံပြည်သူများက ပြန်လည်ထိန်းချုပ်ပြီးနောက် ချင်းပြည်နယ်တောင်းပိုင်တစ်ခုလုံးကို တော်လှန်ရေးတပ်ဖွဲ့များက ထိန်းချုပ်ထားပြီး စစ်ကောင်စီ ကင်းစင်သွားပြီဖြစ်သည်။

ဒေသခံပြည်သူများ၏ ညှိနှိုင်းပေးမှုကြောင့် စစ်သားနှင့် ရဲသားများသည် ယမနေ့ ဒီဇင်ဘာလ၂၁ ရက်နေ့ ည၁၁နာရီအချိန်တွင် မြို့တွင်းမှ ဆုတ်ခွာသွားသည့်အတွက် ယနေ့သည် သမိုင်းဝင်နေ့ဖြစ်ကြောင့် ကန်ပက်လက်ကောင်စီက ဆိုထားသည်။

မင်းတပ် နှင့် ဖလမ်းမြို့သိမ်းတိုက်ပွဲ ဆင်နွဲနေသည့် ချင်းညီနောင်အဖွဲ့ကလည်း ကန်ပက်လက်မြို့သိမ်းတိုက်ပွဲ စတင်ပြီဖြစ်ကြောင့် ယနေ့ ဒီ‌ဇင်ဘာလ၂၂ရက်နေ့တွင် ပြည်သူများကို အသိပေး ထုတ်ပြန်ထားသည်။

စစ်ကောင်စီတပ်ဖွဲဝင်များနှင့် ရဲသားများအားလုံးသည် မကွေးတိုင်းဘက်ကို ဆုတ်ခွာသွားပြီဖြစ်ကြောင့် မြေပြင်အခြေနေသိရှိသူ ကန်ပက်လက်မြို့ခံတစ်ဦးကလည်း ကီမိုမိဒီယာသို့ အတည်ပြုပြောဆိုထားသည်။

ကန်ပက်လက်မြို့သိမ်း စစ်ဆင်ရေးနှင့် ပတ်သတ်ပြီး အခြေနေအသေးစိတ်သိရှိနိုင်ရန် ချင်းကာကွယ်ရေးတပ်(ကန်ပက်လက်) တာဝန်ရှိသူတစ်ဦးကို ကီမိုမီဒီယာက ဆက်သွယ်ထားသော်လည်း ဆက်သွယ်၍ မရရှိသေးပါဘူး။

ကန်ပက်လက်မြို့တွင် ယနေ့မနက်ပိုင်းတွင် သေနတ်ပစ်ခတ်သံများကြားနေရကြောင့်၊ လက်ရှိ ချင်းညီနောင်အဖွဲ့က နယ်မြေရှင်းလင်းရေးများ လုပ်ဆောင်နေကြောင့် သိရှိရသည်။

သတင်း - အိုက်ဆမ်မာန်း

ပုံစာ - ချင်းပြည်နယ်တောင်ပိုင်း ကန်ပလက်မြို့ကို တွေ့ရစဥ်။ (Photo:CJ)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

22/12/2024

ကန်ပက်လက်မြို့သိမ်း စစ်ဆင်ရေး စတင်သည့်နေ့တွင် သေနတ်ပစ်ခတ်သံများ ကြားနေရ
=========

ကီမိုမီဒီယာ
ဒီဇင်ဘာလ၂၂ရက်၊၂၀၂၄ခုနှစ်

ချင်းပြည်နယ်တောင်ပိုင်း၊ ကန်ပက်လက်မြို့သိမ်း စစ်ဆင်ရေး စတင်သည့် ယနေ့ ဒီဇင်ဘာလ ၂၂ ရက်နေ့၊ မနက်ပိုင်းတွင် မြို့တွင်း သေနတ်ပစ်ခတ်သံများ အဆက်မပြတ် ကြားနေရကြောင့် ဒေသခံအမျိုးသားတစ်ဦးက ကီမိုမီဒီယာသို့ ပြောသည်။

ချင်းညီနောင်အဖွဲ့က ယနေ့ ဒီဇင်ဘာလ၂၂ရက်နေ့တွင် ကန်ပက်လက်မြို့သိမ်းစစ်ဆင်ရေး စတင်ပြီဖြစ်ကြောင့် ပြည်သူများကို အသိပေး ထုတ်ပြန်သည်။

အဆိုပါ ချင်းညီနောင်အဖွဲ့၏ အသိပေး ထုတ်ပြန်သည့်နေ့တွင် ယနေ့မနက်ပိုင်းအချိန်မှစ၍ ကန်ပက်လက် မြို့မရဲစခန်းအနီးတဝိုက်တွင် သေနတ်ပစ်ခတ်သံများ ကြားနေရကြောင့် ဒေသခံအမျိုးသားတစ်ဦးက ကီမိုမီဒီယာသို့ ပြောသည်။

"ဒီနေ့ မနက်ကစလို့ မြို့ထဲမှာ သေနတ်သံတွေ ကြားနေရပြီ။ သေနတ်ပစ်ခတ်သံ ကြားနေရတယ်ဆိုတာလောက်ပဲ သိရသေးတယ်။ အခြေအနေ အသေးစိတ်တော့ မသိရသေးဘူး။"

ကန်ပက်လက်မြို့တွင် တိုက်ပွဲဖြစ်ပွားခြင်းမရှိသည်မှာ ၉ လခန့်ကြာမြင့်ပြီဖြစ်ပြီး ယနေ့ မနက်ပိုင်းတွင် မြို့တွင်း သေနတ်ပစ်ခတ်သံများ ပြန်လည်ထွက်ပေါ်လာခြင်းဖြသ်သည်။

ထို့အပြင် ကန်ပက်လက်မြို့သိမ်း စစ်ဆင်ရေးသတင်းကြောင့် ရဲနှင့် စစ်ကောင်စီတပ်ဖွဲ့ဝင်များသည် ကစဉ်ကလျာဖြစ်နေကြကြောင့် စစ်ရေးအခြေအနေသိရှိသူ ကန်ပက်လက်ဒေသခံ အမျိုးသားတစ်ဦးက ကီမိုမီဒီယာသို့ ပြောသည်။

"ရဲနဲ့ စစ်သားတွေက မြို့မရဲစခန်းမှာ ပေါင်းနေကြတာ။ အခုထွက်ပြေးနေကြတယ်လို့ သိရတယ်။ ဘယ်ဘက်ထွက်ပြေးကြတာလဲတော့ မသိရသေးဘူး။"

ကန်ပက်လက်မြို့တွင်း ပစ်ခတ်သံများနှင့် စစ်ရေးအခြေအနေများ အသေးစိတ်သိရှိရန် ချင်းညီနောင်အဖွဲ့ ပြန်ကြားရေးတာဝန်ရှိသူထံ ဆက်သွယ်ထားသော်လည်း လက်ခံဖြေကြားခြင်းမရှိသည့်အတွက် ကီမိုမီဒီယာအနေဖြင့် သီးခြားအတည်မပြုနိုင်သေးပါ။

လက်ရှိ ကန်ပက်လက်မြို့တွင် စစ်ကောင်စီတပ်ဖွဲ့ဝင်များသည် မြို့မရဲစခန်း၊ ထွေအုပ်ရုံး၊ မြို့နယ်ပညာရေးရုံး၊ အထကကျောင်းတို့တွင် တပ်စွဲထားကြောင့် သိရှိရသည်။

ကန်ပက်လက်မြို့နယ်ရှိ ကျင်ဒွေးမြို့ကို ချင်းညီနောင်အဖွဲ့နှင့် မဟာမိတ်ပူးပေါင်းအဖွဲ့တို့က ယခုနှစ် ဧပြီလ ၂၉ရက်နေ့တွင် တိုက်ခိုက်သိမ်းပိုက်ရရှိထားသည်။

ကန်ပက်လက်မြို့သည် တော်လှန်ရေးတပ်ဖွဲ့များ သိမ်းပိုက်ထားသည့် မင်းတပ်မြို့နယ်၊ မတူပီမြို့နှင့် ပလက်ဝမြို့တို့၏ အလယ်တွင်တည်ရှိသည့် မြို့ဖြစ်သည်။

ချင်းညီနောင်အဖွဲ့သည် မင်းတပ်မြို့ နှင့် ဖလမ်းမြို့ကို နိုဝင်ဘာလ ၉ရက်နေ့တွင် စတင်ထိုးစစ်ဆင်တိုက်ခိုက်ခဲ့ပြီး မင်းတပ်မြို့ကို ယမန်နေ့ဒီဇင်ဘာလ ၂၁ရက်နေ့တွင် သိမ်းပိုက်ထားသည်။

လက်ရှိတွင် ချင်းညီနောင်အဖွဲ့သည် ချင်းပြည်နယ်ရှိ မတူပီ၊ မင်းတပ်၊ ကျင်ဒွေး နှင့် မကွီးအိမ်နူး စသည့်မြို့တို့ကို ထိန်းချုပ်ထားသည်။

ကန်ပက်လက်မြို့သည် ချင်းပြည်နယ်တောင်ပိုင်းတွင် တစ်ခုတည်းသော သိမ်းပိုက်ရန် ကျန်ရှိသည့် မြို့ဖြစ်သည်။

_____

သတင်း - Daai Pa

ပုံ - ချင်းကာကွယ်ရေးတပ်-ကန်ပက်လက် တပ်ဖွဲ့ဝင်များကို တွေ့ရစဉ်။(Photo Facebook/CDF- Kanpetlet)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

21/12/2024

ဓာတ်ပုံသတင်း

မလေးရှားနိုင်ငံတွင် ခူမီး(ချင်း) လူမျိုးများ ကျင်းပပြုလုပ်သည့် ခရစ္စမတ်ပွဲတော် မြင်ကွင်း။

ကီမိုမီဒီယာ

ဒီဇင်ဘာလ ၂၁ရက်၊ ၂၀၂၄ ခုနှစ်

ဓာတ်ပုံ - Khumi Fellowship Malaysia' page.

21/12/2024

ငဖဲမြို့နယ်တွင် စစ်ကောင်စီတပ်ဖွဲ့ဝင်များ လိုက်ပါစီးနင်းသည့်ယာဥ်တန်း တိုက်ခိုက်ခံရပြီး ၁၄ ဦးသေဆုံး
=================

ကီမိုမီဒီယာ

ဒီဇင်ဘာလ ၂၁ရက်၊၂၀၂၄ခုနှစ်

မကွေးတိုင်း၊ ငဖဲမြို့နယ်တွင် စစ်ကောင်စီတပ်ဖွဲ့ဝင်များ လိုက်ပါစီးနင်းလာသည့်ယာဥ်တန်း တိုက်ခိုက်ခံရပြီး ၁၄ ဦး သေဆုံးခဲ့ကြောင့် အရှိုချင်းကာကွယ်ရေးတပ် (ACDF) က ယနေ့ ဒီဇင်ဘာလ ၂၁ ရက်နေ့တွင် သတင်းထုတ်ပြန်ထားသည်။

ယမန်နေ့ ဒီဇင်ဘာလ၂၀ရက်နေ့တွင် ငဖဲမြို့မှ ထွက်လာသည့် စစ်ကောင်စီယာဥ်တန်းသည် မနက် ၉နာရီဝန်းကျင်တွင် စပ်စီကျေးရွာအနီး ACDF က ကြားဖြတ်တိုက်ခိုက်ခဲ့ပြီး အပြန်အလှန်ထိတွေမှု မိနစ် ၃၀ ခန့် ဖြစ်ပွားခဲ့သည်။

တိုက်ပွဲတွင် ရန်အောင်မြေ ဘုရားကုန်းမှ ၆၀မမ လက်နက်ကြီး ပစ်ကူပေးသည့်အပြင် စပ်စီဘုန်းကြီးကျောင်းနှင့် ကာကွယ်ရေးပစ္စည်းစစ်ရုံ (၁၀)မှ စစ်ကောင်စီတပ်ဖွဲ့ဝင်များ ကား ၄စီးဖြင့် နှစ်ဖက်စစ်ကူလာသောကြောင့် ACDF က ဆုတ်ခွာပေးရဟု ဆိုသည်။

အဆိုပါ စစ်ကောင်စီယာဥ်တန်းသည် ရခိုင်ပြည်နယ်၊ အမ်းမြို့နယ်သို့ စစ်ကူသွားမည့် စစ်ကောင်စီတပ်ဖွဲ့ဝင်များကို ရှေ့ပြေးကင်းထောက်အဖြစ် တာဝန်ယူပေးသည့် ဗိုလ်ကြီး တစ်ဦးအပါအဝင် တပ်ဖွဲ့ဝင် ၃၂ဦးပါဝင်သော ယာဉ်တန်းဖြစ်ကြောင့် သိရှိရသည်။

ယင်းတိုက်ပွဲအတွင်း စစ်ကောင်စီတပ်ဖွဲ့ ၁၄ ဦးသေဆုံးခဲ့ပြီး ဗိုလ်ကြီးတစ်ဦးအပါအဝင် အများအပြားထိခိုက်ဒဏ်ရာရရှိခဲ့‌သော်လည်း စစ်ကောင်စီတပ်ဖွဲ့ဝင်များက စစ်ကူလာသည့်အတွက် လက်နက်ရှင်းလင်းရေးမပြုလုပ်နိုင်ခဲ့ကြောင့် သိရှိရသည်။

အရှိုချင်းကာကွယ်ရေးတပ်(ACDF)ဘက်မှလည်း ရဲဘော်တစ်ဦး မစိုးရိမ်ရ ဒဏ်ရာရရှိခဲ့ပြီး အောင်မြင်စွာဆုတ်ခွာနိုင်ခဲ့သည်။

ယခုလ ဒီဇင်ဘာ ၄ရက်နေ့ကလည်း ACDF ၏ စစ်ရေးလှုပ်ရှားနယ်မြေတွင် ရခိုင်ပြည်နယ် ၊ အမ်းမြို့သိမ်း တိုက်ပွဲမှ ထွက်ပြေးလာသည့် စစ်ကောင်စီတပ် ဗိုလ်ကြီးတစ်ဦးအပါအဝင် ၁၂ဦးကို လက်နက်ခဲ့ယမ်းများ နှင့်အတူ ဖမ်းဆီးရမိခဲ့သည်။

အရှိုချင်းကာကွယ်ရေးတပ်(ACDF)သည် စစ်ကောင်စီအာဏာသိမ်းပြီး ၂၀၂၁ခုနှစ် နိုဝင်ဘာလ၁၆ရက်နေ့တွင် စတင်ဖွဲ့စည်းခဲ့ခြင်းဖြစ်ပြီး မကွေးတိုင်းတွင် အခြေပြုထားသည့် ချင်းကာကွယ်ရေးတပ်ဖွဲ့ တစ်ခုဖြစ်သည်။

____

သတင်း - Daai Pa

ပုံစာ - အရှိုချင်းကာကွယ်ရေးတပ်၏ ရဲဘော်များကို တွေ့ရစဉ်။(Photo : Facebook/ ACDF)

#ကီမိုမီဒီယာသည် ချင်းပြည်နယ် ပလက်ဝမြို့နယ်အခြေစိုက် ချင်းမီဒီယာ တစ်ခုဖြစ်သည်။

21/12/2024

ချင်းပြည်တောင်ပိုင်းက နောက်ထပ် မင်းတပ်မြို့ကို ချင်းညီနောင်အဖွဲ့ သိမ်းပိုက်
====

ကီမိုမီဒီယာ

ဒီဇင်ဘာလ၂၁ရက်၊၂၀၂၄ခုနှစ်

ချင်းပြည်နယ်တောင်ပိုင်းက နောက်ထပ် မင်းတပ်မြို့ကို ချင်းညီနောင်အဖွဲ့နှင့် မဟာမိတ်ပူးပေါင်းအဖွဲ့တို့က သိမ်းပိုက်ရရှိထားပြီဖြစ်ကြောင့် ရှေ့တန်းစစ်ရေးသတင်းရင်းမြစ်က ကီမိုမီဒီယာသို့ ပြောသည်။

ယနေ့ ဒီဇင်ဘာလ၂၁ရက်နေ့၊ နံနက် ၃နာရီအချိန်တွင် စစ်ကောင်စီ၏ နောက်ဆုံးလက်ကျန် တပ်စခန်းဖြစ်သည့် ခလရ ၂၇၄တပ်ရင်းကို သိမ်းပိုက်ထားရရှိပြီးနောက် မင်းတပ်မြို့ကို ထိန်းချုပ်ထားနိုင်ခြင်းဖြစ်သည်။

"ခလရ ၂၇၄ တပ်ရင်းကို ဒီမနက်သိမ်းလိုက်ပါပြီ။ ထွက်ပြေးနေတဲ့ စစ်ကောင်စီတပ်ဖွဲ့ဝင်တွေကို လိုက်ရှင်းနေတုန်းပါ။" ဟုရှေ့တန်းသတင်းရင်းမြစ်တစ်ဦးက ကီမိုမီဒီယာသို့ ပြောသည်။

အဆိုပါ မင်းတပ်မြို့သိမ်းခြင်းနှင့်ပတ်သတ်ပြီး ချင်းညီနောင်အဖွဲ့အနေဖြင့် တရားဝင်ထုတ်ပြန်ပါလိမ့်မည်ဖြစ်ကြောင့် ချင်းညီနောင်ပြောခွင့်ရဖြစ်သလို မင်းတပ်မြို့နယ်ပြည်သူ့အုပ်ချုပ်ရေး တာဝန်ခံလည်းဖြစ်သည့် ဆလိုင်းယောမန် ယခုကဲ့သို့ ကီမိုမီဒီယာကို တုံ့ပြန်ဖြေဆိုထားသည်။

မင်းတပ်မြို့ကို ချင်းညီနောင်နှင့် မဟာမိတ်တပ်ဖွဲ့တို့ ပြီးခဲ့သည့် နိုဝင်ဘာလ ၉ရက်နေ့မှစ၍ စစ်ကောင်စီတပ်စခန်းများကို ထိုးစစ်ဆင်တိုက်ခိုက်ခဲ့ပြီး ရက်ပေါင်း ၄၀ကျော်အကြာ ယနေ့ ဒီဇင်ဘာလ ၂၁ရက်နေ့တွင် မင်းတပ်မြို့အလုံးစုံကို သိမ်းပိုက်ထိန်းချုပ်ထားနိုင်ခြင်းဖြစ်သည်။

ယခုလ ဒီဇင်ဘာ ၁၅ရက်နေ့ကလည်း မင်းတပ်ခရိုင်/မြို့နယ် ရဲတပ်ဖွဲ့ဝန်းမှ စစ်ကောင်စီတပ်ဖွဲ့ဝင်နှင့် ရဲတပ်ဖွဲ့ဝင် စုစုပေါင်း အင်အား ၁၂၃ ဦးနှင့်အတူ ၎င်းတို့၏ မိသားစုဝင်များသည် လက်နက်ချအညံ့ခံခဲ့ကြောင့် ချင်းညီနောင်အဖွဲ့က ယမန်နေ့ ဒီဇင်ဘာလ ၂၀ရက်နေ့တွင် သတင်းထုတ်ပြန်ထားသည်။

ယမန်နေ့ ဒီဇင်ဘာလ ၂၀ရက်နေ့ ညနေ ၁၁နာရီအချိန်ထိ စစ်ကောင်စီတပ်က မကွေးလေတပ်မှ Y-12 လေယာဉ်ဖြင့် မင်းတပ်မြို့ပေါ်နေရာတစ်ချို့ကို ၁၀ လုံးတွဲ၊ ၅ လုံးတွဲ နှင့် ၃ လုံးတွဲ ဗုံးသီးများဖြင့် တိုက်ခိုက်နေဆဲဖြစ်သည်။

အလားတူ ယနေ့ ဒီဇင်ဘာလ ၂၁ရက်နေ့၊ နံနက် ၂နာရီအချိန်ကလည်း MIG 29 ဂျက်ဖိုက်တာဖြင့် မင်းတပ်မြို့ပေါ် တစ်နေရာကို ပေါင် ၅၀၀ဗုံးတစ်လုံး ထပ်မံ တိုက်ခိုက်ခဲ့သည်။

ချင်းပြည်နယ်တွင် မြို့နယ် ၉ ခု နှင့် မြို့အဆင့် ၁၁ ခုရှိ ချင်းပြည်အစိုးရက တွန်းဇံ၊ ကျီခါး၊ ရိခေါဒါရ်း၊ ဝေဘူလ၊ နှာရိန်း၊ ဆူခွားနှင့် ရေဇွာ စသည့်မြို့တို့ကို သိမ်းပိုက်ထားသည်။

ချင်းညီနောင်အဖွဲ့က မတူပီ၊ မင်းတပ်၊ ကျင်ဒွေး၊ လိုင်လင်ပီ နှင့် မကွီးအိမ်နူး စသည့်မြို့တို့ကို သိမ်းပိုက်ထားနိုင်ပြီးတော့ ပလက်ဝနှင့် ဆမီးမြို့ကို အာရက္ခတပ်တော် (အေအေ) က သိမ်းပိုက်ထိန်းချုပ်ထားသည်။

ဟားခါး ၊ တီးတိန်၊ ကန်ပက်လက်နှင့် ခိုင်ကမ်းမြို့တို့ကို စစ်ကောင်စီတပ်က ထိန်းချုပ်ထားဆဲဖြစ်ပြီး ထန်တလန်မြို့နှင့် ဖလမ်းမြို့တို့မှာ စစ်ကောင်စီတပ်နှင့် ချင်းတော်လှန်ရေးတပ်ဖွဲ့တို့ တိုက်ပွဲဆက်လက်ပြင်းထန်နေသည်။

ချင်းပြည်နယ်တောင်ပိုင်းတွင် ကန်ပက်လက်မြို့နယ်မှ လွဲပြီး ကျန်မြို့နယ်အားလုံးကို တော်လှန်ရေးတပ်ဖွဲ့များက သိမ်းပိုက်ထိန်းချုပ်ထားနိုင်ခဲ့ပြီးဖြစ်သည်။

ချင်းညီနောင်အဖွဲ့တွင် ချင်းအမျိုးသားအဖွဲ့ချုပ်၊ ချင်းအမျိုးသားကောင်စီ-မင်းတပ်၊ ဇိုမီးဖယ်ဒရာယ်အစည်းအရုံး၊ မရာနယ်မြေအုပ်ချုပ်ရေးကောင်စီ၊ ချင်းကာကွယ်ရေးတပ်ဖွဲ့-ကန်ပက်လက် နှင့် ချင်းလဲန်းကာကွယ်ရေးတပ်ဖွဲ့ - မတူပီ(တပ်မဟာ-၁) တို့ ပါဝင်သည်။

_____

သတင်း - Daai Pa

ပုံ - မင်းတပ်နှင့် ဖလမ်းမြို့သိမ်းတိုက်ပွဲတွင် သိမ်းပိုက်ရရှိထားသည့် လက်နက်ခဲယမ်းများ နှင့် ဖမ်းဆီးရမိသည့် စစ်သုံးပန်းများကို တွေ့ရစဥ်။ (Photo : CB)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

21/12/2024

တီးတိန်မြို့က စစ်ကောင်စီတပ်ဖွဲ့ ၄ ဦး CDF CDM SIYIN ထံ လက်နက်ခဲယမ်းတွေနဲ့အတူ အလင်းဝင်
=======

ကိမိုမီဒီယာ

ဒီဇင်ဘာလ ၂၁ရက်၊ ၂၀၂၄

ချင်းပြည်နယ်၊၊ တီးတိန်မြို့က စစ်ကောင်စီအဖွဲ့ဝင် ၄ ဦးဟာ လက်နက်ခဲယမ်းတွေနဲ့အတူ အလင်းဝင်လာတယ်လို့ CDF CDM SIYIN က ဒီနေ့ ဒီဇင်ဘာလ ၂၁ရက်နေ့ ထုတ်ပြန်ပါတယ်။

အဲဒီစစ်ကောင်စီတပ်ဖွဲ့ဝင် ၄ ဦးဟာ လက်နက်ခဲယမ်းတွေနဲ့အတူ CDF CDM SIYIN ထံ ဒီဇင်ဘာလ ၁၇ရက်နေ့က အလင်းဝင်လာကြတာဖြစ်ပါတယ်။

အလင်းဝင်လာကြတဲ့ စစ်ကောင်စီတပ်ဖွဲ့ ၄ ဦးထဲမှာ ၂ ဦးဟာ စစ်ကောင်စီတပ်ဖွဲဝင်တွေဖြစ်ပြီး ကျန်၂ ဦးဟာ ရဲတပ်ဖွဲ့ဝင်တွေဖြစ်ကြတယ်လို့ သိရပါတယ်။

"သေနတ် တစ်လက်၊ ခဲယမ်းတချို့နဲ့ အလင်းဝင်လာတယ်။"လို့ CDF CDM SIYIN က ထုတ်ပြန်ထားပါတယ်။

အလင်းဝင်လာတဲ့ စစ်ကောင်စီတပ်ဖွဲ့ဝင်တွေဟာ တီးတိန်မြို့ ခလရ ၂၆၈ တပ်ရင်းမှ တပ်သား စစ်ပိုင်ဖြိုး၊ ခလရ ၂၆၉ တပ်ရင်းမှ တပ်သား ရာဇာထက်၊ တီးတိန်မြို့မရဲစခန်း ရဲတပ်သား အောင်ပြည့်ဖြိုး နဲ့ ဒါလ်းဒုံးလျန် တို့ဖြစ်ပါတယ်။

______

အိုက်လင်း

ပုံစာ - အလင်းဝင်လာကြတဲ့ စစ်ကောင်စီတပ်ဖွဲ့ဝင်တွေကို တွေ့ရစဥ်။ (Photo: CDF CDM SIYIN)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာဖြစ်သည်။

20/12/2024

နပခ (အမ်း)မှ ဖမ်းဆီးရမိသည့် ဒုတိုင်းမှူး ဗိုလ်မှူးချုပ် သောင်းထွန်း နှင့် တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့ကို ပုံနှင့်တကွ အေအေထုတ်ပြန်
=======

ကီမိုမီဒီယာ

ဒီဇင်ဘာလ ၂၀ ရက်၊ ၂၀၂၄ ခုနှစ်

ရခိုင်ပြည်နယ်၊ အမ်းမြို့နယ် အနောက်ပိုင်းစစ်ဌာနချုပ် (နပခ) မှ အရှင်ဖမ်းဆီးရမိသည့် ဒုတိုင်းမှူး ဗိုလ်မှူးချုပ် သောင်းထွန်း နှင့် တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့ကို ပုံနှင့်တကွ အေအေ ယနေ့ ဒီဇင်ဘာလ ၂၁ ရက်နေ့တွင် ထုတ်ပြန်ထားသည်။

အနောက်ပိုင်းတိုင်းစစ်ဌာနချုပ်၏ နောက်ဆုံးတစ်ခုတည်းသာ ကျန်ရှိတော့သည့် နပခ ဌာနချုပ် တိုင်းစစ်ရုံးအတွင်းမှ လက်ကျန်နေရာအားလုံးကို ထိုးစစ်ဆင်တိုက်ခိုက်နေခဲ့သည်မှာ နှစ်ပတ်ခန့် ကြာမြင့်ခဲ့ပြီဖြစ်သည်။

အာရက္ခတပ်တော်အနေဖြင့်လည်း စစ်ကောင်စီတပ်၏ မရပ်မနားသော လေကြောင်း၊ လက်နက်ကြီးပစ်ကူများအပြင် ရဟတ်ယာဉ်များဖြင့် လေကြောင်းမှ စုစုပေါင်းအင်အား (၁၅၀) ခန့်စီအား သုံးကြိမ်တိုင်တိုင် စစ်ကူလာချပေးနေသည့်ကြားမှ နပခဌာနချုပ် (အမ်း) အား ၂၀၂၄ ခုနှစ်၊ ဒီဇင်ဘာလ (၂၀) ရက်နေ့၊ မွန်းတည့် (၁) နာရီ (၄၀) မိနစ်တွင် အာရက္ခတပ်တော်မှ အပြီးသတ်သိမ်းပိုက် နိုင်ခဲ့ပြီဖြစ်သည်။

ထို့ကြောင့် အမ်းမြို့နယ်တစ်ခုလုံးအား ယနေ့တွင် အလုံးစုံ သိမ်းပိုက်ထိန်းချုပ်နိုင်ခဲ့ပြီ ဖြစ်သောကြောင့် အမ်းမြို့သည် အာရက္ခပြည်သူ့တော်လှန်ရေးအစိုးရမှ အပြည့်အဝ အလုံးစုံထိန်းချုပ်ထားနိုင်သော (၁၄) မြို့မြောက် မြို့ဖြစ်လာခဲ့ပြီဖြစ်သည်။

ယခင်သိမ်းပိုက်ထားသော (၁၃) မြို့မှာ ပလက်ဝမြို့၊ ပေါက်တောမြို့၊ မင်းပြားမြို့၊ မြောက်ဦးမြို့၊ ကျောက်တော်မြို့၊ မြေပုံမြို့၊ ပုဏ္ဏားကျွန်းမြို့၊ ရမ်းဗြဲမြို့၊ ရသေ့တောင်မြို့၊ ဘူးသီးတောင်မြို့၊ သံတွဲမြို့၊ တောင်ကုတ်မြို့ နှင့် မောင်တောမြို့တို့ ဖြစ်ကြသည်။

လက်ရှိအချိန်၌လည်း ဂွမြို့နယ်အတွင်းရှိ စစ်ကောင်စီတပ်စခန်းများကို အာရက္ခတပ်တော်မှ ဆက်လက်ထိုးစစ်ဆင် တိုက်ခိုက်လျက်ရှိပြီး ဂွမြို့၏ ဒေသခံတပ်ရင်းများနှင့် စစ်ကူလာသော ရန်သူ၏ တပ်မ (၁၁) လက်အောက်ခံ တပ်ရင်းများ၊ အခြားသော တပ်ရင်းပေါင်း များစွာတို့ဖြင့် ပြင်းထန်စွာ ဖြစ်ပွားလျက်ရှိသည်။

ဂွမြို့၏ သုံးပုံနှစ်ပုံခန့်ကိုလည်း အေအေက သိမ်းပိုက်ရရှိထားပြီးဖြစ်သည်။

ထို့ကြောင့် ဂွမြို့အား အပြီးသတ်သိမ်းပိုက်ပြီးပါက အာရက္ခဒေသအတွင်း၌ မိမိတို့ဆက်လက်သိမ်းပိုက်ရန် စစ်တွေ၊ ကျောက်ဖြူ နှင့် မာန်အောင် (၃) မြို့သာ ကျန်ရှိတော့မည်ဖြစ်သည်။

______

သတင်း - အိုက်လင်း

ပုံစာ - နပခ (အမ်း)မှ ဖမ်းဆီးရမိသည့် ဒုတိုင်းမှူး ဗိုလ်မှူးချုပ် သောင်းထွန်း နှင့် တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့ကို တွေ့ရစဥ်(Photo : AA)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာဖြစ်သည်။

20/12/2024

CDF-Paletwa အတွက် ခရစ္စမတ် လက်ဆောင်အဖြစ် အေအေက နွားထီး သုံးကောင် ပေးအပ်
==============

ကီမိုမီဒီယာ

ဒီဇင်ဘာလ ၂၀ရက်၊ ၂၀၂၄ ခုနှစ်

ချင်းပြည်နယ်၊ ပလက်ဝမြို့နယ်အခြေပြု ဖွဲ့စည်းထားသည် ချင်းလက်နက်ကိုင်တော်လှန်ရေးတပ်ဖွဲ့ဖြစ်သည့် CDF-Paletwa အတွက် အာရက္ခတပ်တော် (အေအေ)က ခရစ္စမတ်လက်ဆောင်အဖြစ် နွားထီး သုံးကောင် ပေးအပ်ခဲ့ကြောင့် သိရှိရသည်။

ယခုကဲ့သို့ ခရစ္စမတ်လက်ဆောင် ပေးအပ်ခြင်းအပေါ် ကျေးဇူးတင်ရှိကြောင်းနှင့် အေအေ၏ စစ်ပွဲများအလီလီ ဆက်လက်အောင်မြင်စေပါကြောင်း၊ ပျော်ရွင်ချမ်းမြေ့စရာ ခရစ်တော်မွေးလ ခရစ္စမတ်အခါသမယနှင့်အတူ ဆုတောင်းပေးအပ်ကြောင့်ဟု CDF-Paletwa က ယနေ့ ဒီဇင်ဘာလ ၂၀ ရက်နေ့တွင် ထုတ်ပြန်ထားသည်။

အေအေသည် ၎င်း၏မဟာမိတ်ဖြစ်သည့် မရာလဲန်းကာကွယ်ရေးတပ် (MDF) ကိုလည်း ခရစ္စမတ်လက်ဆောင်အဖြစ် နွားထီးသုံးကောင်ပေးအပ်ခဲ့သည်။

____

သတင်း - အိုက်လင်း

#ကီမိုမီဒီယာသည် ချင်းပြည်နယ် ပလက်ဝမြို့နယ်အခြေစိုက် ချင်းမီဒီယာဖြစ်သည်။

20/12/2024

အမ်းမြို့အခြေစိုက် စစ်ကောင်စီတပ်၏ နပခကို အေအေက အပြီးသတ်သိမ်းပိုက်ရရှိ
====

ကီမိုမီဒီယာ

ဒီဇင်ဘာလ၂၀ရက်၊၂၀၂၄ခုနှစ်

ရခိုင်ပြည်နယ်၊ အမ်းမြို့နယ်အခြေစိုက် စစ်ကောင်စီတပ်၏ အနောက်ပိုင်းတိုင်းစစ်ဌာနချုပ်ကို အပြီးသတ် သိမ်းပိုက်ရရှိထားကြောင့် ရခိုင်ပြည်နယ်အခြေစိုက် သတင်းဌာနများတွင် အေအေပြောခွင့်ရ ဦးခိုင်သုခက အတည်ပြု ဖြေဆိုထားသည်။

အေအေသည် နပခ ဌာနချုပ်ကို ယခုနှစ် မတ်လ၂၄ ရက်နေ့မှစ၍ ထိုးစစ်ဆင်တိုက်ခိုက်ခဲ့ပြီး ၁၀ လနီးပါးအကြာ ယနေ့ ဒီဇင်ဘာလ ၂၀ရက်၊ နေလယ် ၁၂ နာရီအချိန်တွင် အပြီးသတ် သိမ်းပိုက်ထိန်းချုပ်ထားနိုင်ခြင်းဖြစ်သည်။

ထိုအပြင် နပခ တိုက်ပွဲတွင်း စစ်ကောင်စီတပ်၏ နပခ ဌာနချုပ် ဒု - တိုင်းမှုး ဗိုလ်မှုးချုပ် သောင်ထွန်းနှင့် စစ်တိုင်းဦးစီး ဗိုလ်မှုးချုပ် ကျော်ကျော်သန်းတို့ကိုလည်း အေအေ ကဖမ်းဆီးထားကြောင့် သိရှိရသည်။

"ထွက်ပြေး လွတ်မြောက်နေတဲ့ စစ်ကောင်စီတပ်ဖွဲ့ဝင်တွေကိုလည်း လိုက်လံချေမှုန့် ဖမ်းဆီးနေပါတယ်။ "ဟု အေအေပြောခွင့်ရ ဦးခိုင်သုခ က ရခိုင်ပြည်နယ်အခြေစိုက် သတင်းဌာနများတွင် ဖြေဆိုထားသည်။

နပခဌာနချုပ် တိုက်ပွဲအတွင်း စစ်ကောင်စီတပ်ဖွဲ့ဝင်များနှင့် ၎င်းတို့၏ မိသားစုဝင်များသည် အလံဖြူထောင် လက်နက်ချသည့် ဗီဒီယိုဖိုင်များကိုလည်း အေအေက ယခုလ ဒီဇင်ဘာ ၁၆ရက်၊ ၁၇ရက် နှင့် ၁၈ရက်တို့တွင် အသီးသီးထုတ်ပြန်ထားသည်။

စစ်ကောင်စီတပ်သည် ၎င်း၏ တိုင်းစစ်ဌာနချုပ် ၁၄ ခုရှိသည့်အနက် နပခဌာနချုပ်သည် စစ်ကောင်စီ၏ ဒုတိယမြောက် လက်လွတ်လိုက်ရသည့် တိုင်းစစ်ဌာနချုပ် တစ်ခုဖြစ်သည်။

ကိုးကန့်တပ်(MNDAA) ၏ ထိုးစစ်ဆင်တိုက်ခိုက်မှုကြောင့် အရှေ့မြောက်တိုင်းစစ်ဌာနချုပ်ကိုလည်း စစ်ကောင်စီတပ်သည် ယခုနှစ် ဩဂုတ်လ ၅ရက်နေ့တွင် ပထမအကြိမ် တိုင်းစစ်ဌာနချုပ်ကို လက်လွတ်ခဲ့ရသည်။

အမ်းမြို့ရှိ အနောက်ပိုင်းတိုင်းစစ်ဌာနချုပ်(နပခ)နှင့် တစ်ဆက်တည်းရှိသည့် တောင်ကုတ်မြို့နယ် စစ်ဆင်ရေးကွပ်ကဲမှုဌာနချုပ် (စကခ - ၅) ကိုလည်း အေအေက ဒီဇင်ဘာလ ၁၄ ရက်နေ့တွင် တိုက်ခိုက်သိမ်းပိုက်ရရှိထားသည်။

ရခိုင်ပြည်နယ်ရှိ စစ်တွေ၊ ကျောက်ဖြူ၊ မာန်အောင် နှင့် ဂွ စသည့်မြို့နယ်များမှလွဲ၍ ကျန် ၁၃ မြို့နယ်အပါအဝင် ချင်းပြည်နယ် ပလက်ဝမြို့နယ်ကိုအေအေက သိမ်းပိုက်ထိန်းချုပ်ထားသည်။

လက်ရှိတွင် စစ်ကောင်စီတပ်၏ မြောက်ပိုင်းတိုင်းစစ်ဌာနချုပ်၊ အရှေ့အလယ်ပိုင်းတိုင်းစစ်ဌာနချုပ်၊ အရှေ့ပိုင်းတိုင်းစစ်ဌာနချုပ်၊ တောင်ပိုင်းတိုင်းစစ်ဌာနချုပ်၊ အနောက်ပိုင်းတိုင်းစစ်ဌာနချုပ်၊ အနောက်မြောက်တိုင်းစစ်ဌာနချုပ်၊ အလယ်ပိုင်းတိုင်းစစ်ဌာနချုပ်၊ နေပြည်တော်တိုင်းစစ်ဌာနချုပ်၊ ရန်ကုန်တိုင်းစစ်ဌာနချုပ်၊ တြိဂံဒေသတိုင်းစစ်ဌာနချုပ် နှင့် ကမ်းရိုးတန်းဒေသတိုင်းစစ်ဌာနချုပ်တို့ ကျန်ရှိနေသေးသည်။
______

သတင်း - Daai Pa

ပုံစာ - စစ်ကောင်စီတပ်၏ အနောက်ပိုင်းတိုင်းစစ်ဌာချုပ် တည်ရှိသည့် ရခိုင်ပြည်နယ်၊ အမ်းမြို့သိမ်းတိုက်ပွဲတွင် အေအေ ရဲဘော်များကို တွေ့ရစဥ်။ (Photo : AA)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

20/12/2024

မင်းတပ်နှင့် ဖလမ်း မြို့သိမ်း တိုက်ပွဲတွင် ရဲနှင့် စစ်ကောင်စီတပ်ဖွဲ့ဝင် ၁၆၀ ကျော် လက်နက်ချအညံ့ခံ
========

ကီမိုမီဒီယာ

ဒီဇင်ဘာလ၂၀ရက်၊၂၀၂၄ခု၎င်း

ချင်းပြည်နယ်၊ မင်းတပ် နှင့် ဖလမ်း မြို့သိမ်းတိုက်ပွဲတွင် ရဲနှင့် စစ်ကောင်စီတပ်ဖွဲ့ဝင် ၁၆၈ ဦး လက်နက်ချ အညံ့ခံခဲ့ကြောင့် ချင်းညီနောင်အဖွဲ့ (CB) ယနေ့ ဒီဇင်ဘာလ ၂၀ရက်နေ့တွင် သတင်းထုတ်ပြန်ထားသည်။

ယခုလ ဒီဇင်ဘာ ၁၅ရက်နေ့တွင် မင်းတပ်မြို့နယ်ရဲတပ်ဖွဲ့ဝင်းအတွင်းရှိ စစ်ကောင်စီတပ်ဖွဲ့ဝင်နှင့် ရဲဝပ်ဖွဲ့ဝင် ၁၂၃ ဦးသည် ၎င်းတို့၏ မိသားစုဝင်များနှင့်အတူ လက်နက်ချ အညံ့ခံခဲ့သည်။

အလားတူ နိုဝင်ဘာလ၁၂ရက်နေ့တွင်လည်း ဖလမ်းမြို့သိမ်း တိုက်ပွဲတွင် စစ်ကောင်စီလက်အောက်ခံဖြစ်သည့် ရဲတပ်ဖွဲ့ဝင် ၄၅ ဦး လက်နက်ချခဲ့သည်။

မင်းတပ်မြို့သိမ်းတိုက်ပွဲ အတွင်း စစ်ကောင်စီတပ်များ တပ်စွဲထားသည့် စံမင်းသီရိစေတီကုန်း၊ ဝန်ထမ်းအိမ်ယာ လိုင်းခန်း၊ ခရိုင်ဆောက်လုပ်ရေးဝန်း၊ တာဝါတိုင်ကုန်း၊ ဟိုတယ်၊ မြလေးပွင့်စေတီကုန်းနှင့် လေးမိုင်ကုန်းတို့ကို တိုက်ခိုက်သိမ်းပိုက်ရရှိခဲ့သည်။

ထို့အပြင် ဖလမ်းမြို့သိမ်း တိုက်ပွဲတွင် ဖလမ်းခရိုင် ရဲတပ်ဖွဲ့ရုံး၊ ဖလမ်းမြို့နယ် ရဲတပ်ဖွဲ့ရုံး၊ ဆောက်လုပ်ရေးရုံး၊ အထွေထွေအုပ်ချုပ်ရေးရုံးနှင့် ဆေးရုံကုန်းတို့ကို သိမ်းပိုက်ရရှိထားသည်။

ချင်းညီနောင်အနေဖြင့် မင်းတပ်မြို့နှင့် ဖလမ်းမြို့ကို အလုံးစုံသိမ်းပိုက်နိုင်ရန် မဟာမိတ်များနှင့်အတူ ဆက်လက် တိုက်ခိုက်သွားမည်ဟု ဆိုသည်။

ချင်းညီနောင်စစ်ဆင်ရေးအဖြစ် မင်းတပ်မြို့နှင့် ဖလမ်းမြို့သိမ်းတိုက်ပွဲကို ပြီးခဲ့သည့် နိုဝင်ဘာလ ၉ရက်နေ့မှ၍ စစ်ကောင်စီ၏ တပ်စခန်းများကို ထိုးစစ်ဆင်ခဲ့ပြီး ယနေ့ထိ မြို့သိမ်း တိုက်ပွဲပြင်းထန်နေနေဆဲဖြစ်သည်။

_____

သတင်း - Daai Pa

ပုံစာ - ချင်းညီနောင်စစ်ဆင်ရေးတွင် သိမ်းဆည်းရမိသည့် လက်နက်ခဲယမ်းများနှင့် လက်နက်ချအညံ့ခံသည့် စစ်သုံးပန်းများ။(Photo -ချင်းညီနောင်)

#ကီမိုမီဒီယာသည် ချင်းပြည်နယ် ပလက်ဝမြို့နယ်အခြေစိုက် ချင်းမီဒီယာ ဖြစ်သည်။

19/12/2024

မလေးရှားနိုင်ငံတွင် မြန်မာအပါအဝင် နိုင်ငံခြားသား မှတ်ပုံတင်ထားသည့် ဒုက္ခသည် နှင့် ယာယီခိုလှုံသူဦးရေ ၁၉၁,၈၃၂ဦးရှိ
============

ကီမိုမီဒီယာ

ဒီဇင်ဘာလ၁၈ရက်၊၂၀၂၄ခုနှစ်

မလေးရှားနိုင်ငံတွင် မြန်မာနိုင်ငံသားအပါအဝင် နိုင်ငံခြားသားများ မှတ်ပုံတင်ထားသည့် ဒုက္ခသည်နှင့် ယာယီခိုလှုံသူဦးရေ ၁၉၁,၈၃၂ဦးထိ ရှိကြောင့် မလေးရှားနိုင်ငံအခြေစိုက် သတင်းဌာနတစ်ခုဖြစ်သည့် The Star က ယမန်နေ့ ၁၈ရက်နေ့တွင် ဖော်ပြထားသည်။

အဆိုပါ စာရင်းသည် ယခုနှစ် စက်တင်ဘာလအထိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) မလေးရှားတွင် စာရင်းသွင်း ထားသူများဖြစ်ကြောင့် သိရှိရသည်။

ဝန်ကြီး Dr Zaliha Mustafa ၏ ပြောပြချက်အရ ဒုက္ခသည်နှင့်ယာယီခိုလုံသူများတွင် မြန်မာနိုင်ငံက ၈၈ရာခိုင်နှုန်း ဖြစ်ပြီး စုစုပေါင်း ၁၆၈,၈၁၃ ဦးနှင့် အများဆုံးဖြစ်သည်။

ပါကစ္စတန်နိုင်ငံမှ ၅,၇၅၅ ဦး နှင့် ဒုတိယအများဆုံးဖြစ်ပြီး ယီမင်နိုင်ငံမှ ၃,၈၃၇ ဦး ၊ အာဖဂန်နစ္စတန်နှင့် ဆိုမာလီယား နိုင်ငံအသီးသီးမှ ၁,၉၁၈ ဦး မှတ်ပုံတင်ထားကြောင့် သိရှိရသည်။

အခြားနိုင်ငံများမှ ဒုက္ခသည်နှင့် ခိုလှုံခွင့်ရှာဖွေသူများသည် မလေးရှားရှိ ဒုက္ခသည်နှင့် ခိုလှုံခွင့်ရှာဖွေသူ စုစုပေါင်း၏ ငါးရာခိုင်နှုန်းစီသာ ပါဝင်ကြောင့် မလေးရှားလွှတ်တော်၏ ဝက်ဘ်ဆိုက်ကတစ်ဆင့် ယမန်နေ့ဒီဇင်ဘာ ၁၈ ရက် Dr Zaliha က စာနှင့် ဖော်ပြထားသည်။

ပြီးခဲ့သည့် ၂၀၂၃ခုနှစ်၊ ဇွန်လ ၁၄ရက်နေ့တွင် မလေးရှားနိုင်ငံရှိ ဒုက္ခသည်နှင့် ယာယီခိုလှုံခွင့်လျှောက်သူများနှင့် ပတ်သက်သည့် ကိစ္စရပ်အားလုံးကို ကြီးကြပ်စီမံနိုင်ရန် ဝန်ကြီးချုပ်မှ လက်မှတ်ရေးထိုးခဲ့သည် ဒုက္ခသည်များနှင့် ခိုလှုံခွင့်ရှာဖွေသူများ စီမံခန့်ခွဲခြင်းဆိုင်ရာ မူဝါဒနှင့် ယန္တရား အတိုင်း အမျိုးသားလုံခြုံရေးကောင်စီ (NSC) မှတစ်ဆင့် လက်ရှိတွင် အစိုးရကအကောင်ထည်ဖော်ရန် ကြိုးစားနေဆဲဖြစ်ကြောင့် သိရှိရသည်။

____

သတင်း - Daai Pa

ပုံစာ - မလေးရှားနိုင်ငံ၊ ကွာလမ်လာပူမြို့ရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) ရုံးကို ၂၀၂၄ ခုနှစ် စက်တင်ဘာလ ၂၆ ရက်နေ့တွင် တွေ့ရစဥ်။(Photo - KIMO MEDIA)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက်ချင်းမီဒီယာ ဖြစ်သည်။

19/12/2024

အေအေက မဟာမိတ်ဖြစ်သည့် MDF ကို ခရစ္စမတ်လက်ဆောင်အဖြစ် နွား သုံးကောင် ပေးအပ်
========

ကီမိုမီဒီယာ

ဒီဇင်ဘာလ ၁၉ ရက်၊ ၂၀၂၄ ခုနှစ်

အာရက္ခတပ်တော်(အေအေ)က ၎င်း၏ မဟာမိတ်ဖြစ်သည့် မရာလဲန်းကာကွယ်ရေးတပ် (MDF) ကို ခရစ္စမတ်လက်ဆောင်အဖြစ် နွားသုံးကောင် ပေးအပ်ခဲ့ကြောင့် MDF က ယနေ့ ဒီဇင်ဘာလ ၁၉ ရက်နေ့တွင် ထုတ်ပြန်ထားသည်။

မရာလူမျိုးများ၏ နှစ်စဉ်၊ နှစ်တိုင်း ကျင်းပပြုလုပ်သည့် ခရစ်စ္စမတ်ပွဲတော်ကြီးတွင် မရာလူမျိုးလွတ်မြှောက်ရေးအတွက် တာဝန်ထမ်းဆောင်နေကြသည့် ရဲဘော်များ သုံးဆောင်နိုင်ရန် နွားသုံးကောင်ကို မိတ်ဖက်မဟာမိတ် (ULA / AA)၊ အမှတ်(၃) မှ လက်ဆောင်ပေးအပ်ခြင်းဖြစ်သည်။

မဟာမိတ်ထက်ပိုသည့် စိတ်ရင်းမေတ္တာဖြင့် နွားသုံးကောင်ကို လက်ဆောင်ပေးအပ်မှုအပေါ် (MTC/MDF)မှ အထူးကျေးဇူးတင်ရှိကြောင်း ထုတ်ပြန်တွင် ဖော်ပြထားသည်။

MDF သည် ချင်းပြည်နယ်၊ ပလက်ဝမြို့နယ် စခန်းသိမ်းတိုက်ပွဲနှင့် မရာနယ်မြေ လွတ်မြောက်ရေးတို့အတွက် အေအေနှင့်အတူ တိုက်ပွဲဝင်တိုက်ခိုက်ခဲ့သည်။

ထို့အပြင် အေအေသည် MDF ၏ မဟာမိတ်ဖြစ်သလို ချင်းညီနောင်အဖွဲ့၏ မဟာမိတ်လည်းဖြစ်သည့်အတွက် ချင်းညီနောင်အဖွဲ့၏ ကျင်ဒွေးနှင့် မတူပီမြို့သိမ်း တိုက်ပွဲတွင် အေအေက ပါဝင်တိုက်ခိုက်ပေးပြီး အောင်မြင်မှုရရှိခဲ့သည်။

အလားတူ လက်ရှိဆင်နွှဲနေသည့် မင်းတပ်မြို့သိမ်း တိုက်ပွဲတွင်လည်း အေအေသည် ချင်းညီနောင်အဖွဲ့နှင့် ပူးပေါင်းပါဝင်တိုက်ခိုက်ပေးနေကြောင့် သိရှိရသည်။

_____

သတင်း - အိုက်လင်း

ပုံစာ - MDF ရဲဘော်များကို တွေ့ရစဥ်။(Photo - MDF)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာဖြစ်သည်။

19/12/2024

ဓာတ်ပုံသတင်း
=======

ကီမိုမီဒီယာ
ဒီဇင်ဘာလ ၁၉ရက်၊၂၀၂၄ခုနှစ်

ချင်းအမျိုးသားတပ်ဦး(CNF/A)၏ ပြည်သူ့ဆက်ဆံရေးနှင့်စည်းရုံးရေးဌာနမှ ကြီးမှူးကျင်းပသည့် နယ်လှည့်ဖျော်ဖြေရေး ဒုတိယကြိမ်မြောက် မှတ်တမ်းဓာတ်ပုံများ။

18/12/2024

PSLF/TNLA အလုပ်သင် ဗိုလ်သင်တန်း အပတ်စဉ် (၄) သင်တန်းဆင်းပွဲနှင့် အပတ်စဥ်(၅) အလုပ်သင် ဗိုလ်သင်တန်းဖွင့်ပွဲကျင်းပပြုလုပ်
======

ကီမိုမီဒီယာ
ဒီဇင်ဘာ ၁၈ ရက်၊ ၂၀၂၄ ခုနှစ်

ပလောင်ပြည်နယ်လွတ်မြောက်ရေးတပ်ဦး- PSLF/TNLA အလုပ်သင် ဗိုလ်သင်တန်း (Ta’ang Army Officer Training - TAOT) အပတ်စဉ် (၄) သင်တန်းဆင်းပွဲနှင့် အလုပ်သင် ဗိုလ်သင်တန်း အပတ်စဉ် (၅) သင်တန်းဖွင့်ပွဲကို တအာင်းပြည်တစ်နေရာတွင် ၂၀၂၄ ဒီဇင်ဘာ (၁၅)ရက်နေ့က တပြိုင်နက် ကျင်းပပြုလုပ်ခဲ့သည်။

TAOT အပတ်စဉ် (၄)သည် သင်တန်းကာလ (၁၈)လ ကြာမြင့်ခဲ့ပြီး သင်တန်းသား(၁၃၂)ဦး တက်ရောက်ခဲ့သည်။ ထိုသင်တန်းများသည် ၁၀၂၇ စစ်ဆင်ရေး အပိုင်း(၂)တွင် ကိုယ်တိုင်ပါဝင်တိုက်ခိုက်ခဲ့ကာ (၁၂) ဦး တိုက်ပွဲအတွင်း အသက်ပေးလှူဒါန်းသွားခဲ့သည်။ ထို့ကြောင့် သင်တန်းဆင်းပွဲတွင် သင်တန်းသား (၁၁၄) ဦး အပတ်စဉ် (၅) တက်ရောက်မည့် အလုပ်သင် ဗိုလ်သင်တန်းသား (၁၃၅) ဦးဖြင့် သင်တန်းသစ်ဖွင့်လှစ်နိုင်ခဲ့သည်။

ဖွင့်ပွဲတွင် PSLF/TNLA ဥက္ကဌ ဗိုလ်ချုပ်ကြီး တားအိုက်ဘုန်းက သင်တန်းကာလ စစ်ဆင်ရေးအတွင်း တပ်မဟာနဲ့ တပ်ရင်းတပ်ဖွဲ့တွေနဲ့အတူ ပါဝင်တိုက်ခိုက်ပြီး စစ်မြေပြင်မှာ အသက်ပေးလှူဒါန်းသွားတဲ့ ဗိုလ်လောင်းသင်တန်းက ကျောင်းသားများအား ဂုဏ်ယူလေးစားအပ်ကြောင်း၊ လက်ရှိ အရာရှိအဖြစ် တာဝန်ထမ်းဆောင်သွားမည့် အရာရှိလောင်းများအနေဖြင့် မိမိကျရာတာဝန်များကို အကောင်းဆုံးဖြင့် ဆောင်ရွက်သွားရန် တိုက်တွန်းခဲ့သည်။

သင်တန်းဆင်းနိုင်ခဲ့ကာ မိဘပြည်သူများ၏ မေတ္တာ စေတနာနှင့် ကူညီထောက်ပံ့ခဲ့သည့်အတွက်ကြောင့် စစ်ပွဲတွင် အောင်ပွဲအလီလီရရှိခဲ့ပြီး မိမိတို့နယ်မြေများ ပြန်လည်သိမ်းပိုက်နိုင်ခဲ့ခြင်းဖြစ်သည်။ ထို့ကြောင့် မိမိတို့ ရည်မှန်းချက် ရာနှုန်းပြည့် အောင်မြင်နိုင်ရန် မိဘပြည်သူများနှင့်အတူ ရဲဘော်များ၏ အင်အားဖြင့် ဆက်လက်ချီတက်ရန်လိုအပ်ကြောင်း ပြောကြားခဲ့သည်။

PSLF/TNLA အထွေထွေအတွင်းရေးမှူး ဗိုလ်ချုပ် တားဘုန်းကျော်ကလည်း "အလုပ်သင်ဗိုလ်သင်တန်းကျောင်းဆင်းများသည် လက်ရှိတအာင်းပြည်၏ စစ်ရေးနိုင်ငံရေးကို ကိုယ်တိုင်နှဖူးတွေ့ ဒူးတွေ့ ကြုံခဲ့ပြီဖြစ်သည့်အတွက်ကြောင့် စစ်ရေးတစ်ခုတည်းတင်မကဘဲ အုပ်ချုပ်ရေး၊ တရားစီရင်ရေးနှင့် အခြားလုပ်ငန်းဌာနများ၌ တာဝန်ထမ်းဆောင်ရာတွင် တအာင်းပြည်ကြီး ဖွံ့ဖြိုးတိုးတက်ပြီး သာယာဝပြောစေရန် ယခုသင်တန်းဆင်းသည့် အရာရှိများ၏ လက်ထဲတွင်ရှိကြောင်း မည်သည့်နေရာ ဌာနတွင်မဆို ကျရာတာဝန်ကိုလုပ်ငန်းကိစ္စကြောင့် စနစ်တကျ တိုးတက်အောင်ဆောင်ရွက်ကြရန်" တိုက်တွန်းခဲ့သည်။

"ရန်သူကို တအာင်းမြေမှ တိုက်ထုတ်နိုင်ခဲ့ပြီး တအာင်းပြည်ရဲ့ အုပ်ချုပ်ရေးယန္တရားများအား တာဝန်ယူရတော့မည့်အချိန်ဖြစ်ကြောင်း တရားဥပဒေစိုးမိုးရေး၊ တရားစီရင်ရေးလုပ်ငန်းများ၊ ကာကွယ်ရေးလုပ်ငန်းများ ယခင်ကထက် ပိုမိုလုပ်ဆောင်ရမည်ဖြစ်ပြီး မိဘပြည်သူများ အန္တရာယ်အတွင်း မကျရောက်စေရန် မိမိတို့အဖွဲ့အစည်းတွင် တာဝန်ရှိကြောင်း ပြောကြားသွားခဲ့သည်။

ထို့အပြင် PSLF/TNLA စစ်ဦးစီးချုပ် ဗိုလ်ချုပ်တားဟိုပလန်သည် သင်တန်းဆင်းပွဲအခမ်းအနားသို့ စစ်ရေးစီမံခန့်ခွဲမှု မတက်ရောက်နိုင်ခဲ့ပဲ သဝဏ်လွှာပေးပို့ခဲ့သည်။

သဝဏ်လွှာတွင် "ယနေ့သည် တအာင်းတမျိုးသားလုံးအတွက် အင်မတန် တန်ဖိုးကြီးသည့် ရက်ကောင်းရက်မြတ်ဖြစ်ကြောင်း၊ ၁၀၂၇ စစ်ဆင်ရေးအတွင်း အသက်ပေးလှူဒါန်းသွားသည့် အလုပ်သင်ဗိုလ် ကျောင်းသား (၁၂)ဦးအား အလေးပြုအပ်ကြောင်း၊ အပတ်စဉ်(၅) တက်ရောက်မည့် ကျောင်းသား(၁၃၅)ဦးကို ကြိုဆိုကြောင်း၊ တာဝန်ထမ်းဆောင်ကြသည့် အရာရှိအရာခံများသည် စစ်ရေး၊ နိုင်ငံရေးနှင့် အခြားအုပ်ချုပ်ရေးကဏ္ဍများကို တတ်ကျွမ်းရန် လိုအပ်ကြောင်း အဆိုပါ အရေးများ သိကျွမ်းနားလည်မှသာလျှင် မိဘပြည်သူများအား ကောင်းမွန်စွာ ကာကွယ်စောင့်ရှောက်နိုင်မည်ဖြစ်ကြောင်း" ပါရှိပါသည်။

သင်တန်းဆင်းပွဲအခမ်းအနားတွင် နံနက် (၉း၀၀)နာရီမှ (၁၂း၀၀)နာရီအထိ ပြုလုပ်ခဲ့ပြီး အခမ်းအနားတွင် အလုပ်သင်ဗိုလ်သင်တန်းမှ ကျောင်းသားများအား ဘက်စုံထူးချွန်ဆု၊ စာပေထူးချွန်ဆုနှင့် စစ်ရေးဆိုင်ရာ ထူးချွန်ဆု စသည့်ဆုများကိုလည်း ပေးအပ်ချီးမြှင့်ခဲ့သည်။

အခမ်းအနားသို့ PSLF/TNLA ဥက္ကဌ ဗိုလ်ချုပ်ကြီး တားအိုက်ဘုန်း၊ အထွေထွေအတွင်းရေးမှူး ဗိုလ်ချုပ် တားဘုန်းကျော်၊ စစ်ရေးချုပ် တားနောရိူန်းနှင့် ဌာနဆိုင်ရာတာဝန်ရှိသူများ အရာအရှိ/အရာခံများ သင်တန်းသားများနှင့် ရပ်မိရပ်ဖများ စုစုပေါင်း လူဦးရေ(၇၀၀)ကျော် တက်ရောက်ခဲ့သည်။
___

ဓာတ်ပုံ - PSLF/TNLA

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာဖြစ်သည်။

18/12/2024

ငဖဲမြို့နယ်တွင် ချင်းစစ်ဘေးရှောင်၂၀၀ကျော် စားနပ်ရိက္ခာ အကူအညီများ လိုအပ်နေ
=====

ကီမိုမီဒီယာ

ဒီဇင်ဘာလ၁၇ရက်၊၂၀၂၄ခုနှစ်

မကွေးတိုင်း၊ ငဖဲမြို့နယ်ရှိ ကျေးရွာ ခြောက်ရွာမှ ချင်းစစ်ဘေးရှောင် ၂၀၀ ကျော်သည် ဆန်နှင့် စားနပ်ရိက္ခာများ အကူအညီလိုအပ်နေကြောင့် စစ်ဘေးရှောင်များထံက သိရှိရသည်။

အဆိုပါစစ်ဘေးရှောင်များသည် အမ်း - ပဒါန်း ကားလမ်းပေါ်ရှိ ချင်းရွာများမှဖြစ်ပြီး စစ်ကောင်စီတပ်၏ စစ်ကြောင်းထိုးခြင်း၊ ရွာမီးရှို့ခြင်းတို့ကြောင့် ထွက်ပြေးလာကြသူများဖြစ်သည်။

"လောဆယ် အိမ်ကပါလာတဲ့ ဆန်နဲ့ သူများ လှူတဲ့ဟာတွေနဲ့ စားသောက်နေရတယ်။"ဟု စစ်ဘေးရှောင် အမျိုးသားတစ်ဦးက ကီမိုမီဒီယာသို့ ပြောသည်။

စစ်ဘေးရှောင်များသည် ယခုနှစ် ဧပြီလတွင် ထွက်ပြေးသည့် စစ်ဘေးရှောင်နှင့် ပြီးခဲ့သည့် နိုဝင်ဘာလတွင် ထွက်ပြေးသည့် စစ်ဘေးရှောင်များဖြစ်သည်။

လက်ရှိစစ်ဘေးရှောင်များသည် တောင်ယာနှင့် တောထဲတွင် တဲများထိုး၍ နေထိုင်နေကြရသည်။

ပြီးခဲ့တဲ့ နိုဝင်ဘာလ ၈ရက်နှင့် ၂၃ရက်နေ့တွင် စစ်ကောင်စီတပ်၏ တပ်မ ၈၈ လက်အောက်ခံ အင်အား ၁၀၀ ခန့်သည် ငဖဲမြို့နယ်၊ ဘုံးဘောရွာကို ရွာလုံးကျွတ်မီးရှို့ဖျက်ဆီးခဲ့သည်။
___

သတင်း - အိုက်လင်း

ဓာတ်ပုံ-ပေးပို့

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

17/12/2024

ဟားခါးနဲ့ ထန်တလန် ကြားတိုက်ပွဲမှာ CDF-Zotung တပ်ဖွဲ့ဝင်တစ်ဦး ကျဆုံး
======

ကီမိုမီဒီယာ

ဒီဇင်ဘာလ၁၇ရက်၊၂၀၂၄ခုနှစ်

ချင်းပြည်နယ်၊ ဟားခါးမြို့နဲ့ ထန်တလန်မြို့ကြား တိုက်ပွဲမှာ ချင်းလဲန်းကာကွယ်ရေးတပ်-ဇိုတုန် တပ်ဖွဲ့ဝင်တစ်ဦး ကျဆုံးသွားတယ်လို့ သိရပါတယ်။

မနေ့ ဒီဇင်ဘာလ၁၆ရက်နေ့မှာ စစ်အာဏာရှင်စနစ်အမြစ်ပြတ်ချေမှုန်းရေးနဲ့ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် တိုက်ပွဲဝင်ရင်း မြင့်မြတ်စွာကျဆုံးရခြင်းဖြစ်တယ်လို့ CDF- Zotungကထုတ်ပြန်ထားပါတယ်။

ကျဆုံးသွားတဲ့ ချင်းလဲန်းကာကွယ်ရေးတပ်-ဇိုတုန် တပ်ဖွဲဝင်မှာ ကိုင်ထောင်လိန်း ဖြစ်ပြီး ၎င်းရဲ့ ပေးဆပ်ခြင်းအပေါ် လေးစားဂုဏ်ပြုကြောင်း၊ ကျန်ရစ်သူမိသားစုဝင်တွေနဲ့ ထပ်တူဝမ်းနည်းကြောင်း ဆိုပါတယ်။

ဟားခါးမြို့နဲ့ထန်တလန်မြို့ကြားရှိ စစ်ကောင်စီစခန်းတွေကို ချင်းပြည်အစိုးရတပ်တွေက Jericho စစ်ဆင်ရေးနာမည်နဲ့ ပြီးခဲ့တဲ့ နိုဝင်ဘာ၂၂ရက်နေ့မှာ စတင်ထိုးစစ်ဆင်ခဲ့တာဖြစ်ပါတယ်။

ဒီလ ဒီဇင်ဘာ၈ရက်နေ့ မှာတော့ ဟားခါးနဲ့ ထန်တလန်ကြားရှိစစ်ကောင်စီစခန်း အားလုံးကို ချင်းပြည်အစိုးရတပ်တွေက သိမ်းပိုက်နိုင်ခဲ့ပေမယ့် စစ်ကောင်စီက ပြန်လည်ထိုးစစ်ဆင်လာတဲ့အတွက် လက်ရှိမှာ Kiamtlang စခန်းကိုပြန်လည် လက်လွတ်ရပြီး တိုက်ပွဲတွေလည်း နေ့စဉ် ပြင်ထန်နေတာဖြစ်ပါတယ်။

သတင်း-Ksham Mang

ပုံစာ-ဟားခါးနဲ့ထန်တလန်ကြားတွင် ကျဆုံးသွားသည့် ဆလိုင်း ကိုင်ထောင်လိန်း။(Photo Zalen)

#ကီမိုမီဒီယာသည် ချင်းပြည်နယ်ပလက်ဝမြို့နယ်အခြေစိုက် ချင်းမီဒီယာဖြစ်သည်။

17/12/2024

မင်းတပ်မြို့နယ်မှာ ပွဲလမ်းသဘင် မကျင့်ပဖို့ ထုတ်ပြန်

ကီမိုမီဒီယာ
ဒီဇင်ဘာလ၁၇ရက်၊၂၀၂၄ခုနှစ်

ချင်းပြည်နယ်၊ မင်းတပ်မြို့နယ်မှာ လူစုလူဝေးပြုလုပ်ခြင်း နဲ့ ရိုးရာပွဲလမ်းသဘင် ကျင့်ပခြင်းတွေ မပြုလုပ်ဖို့ ပြည်သူ့အုပ်ချင်ရေးအဖွဲ့ က ဒီနေ့ ဒီဇင်ဘာ၁၇ရက်နေ့မှာ သတိပေးထုတ်ပြန်ထားပါတယ်။

မြို့သိမ်းတိုက်ပွဲ ဖော်ဆောင်နေတဲ့ ကာလမှာ လေကြောင်းတိုက်ခိုက်မှု ပိုမိုများပြားလာတဲ့အတွက် ပြည်သူတွေအနေနဲ့ ဘာသာရေးနဲ့သက်ဆိုင်တဲ့ အခန်းအနားတွေ၊ ရိုးရာပွဲလမ်းသဘင်တွေ မကျင့်ပဖို့ အသိပေးထားပါတယ်။

အဲဒီ ထုတ်ပြန်အသိပေးချက်တွေကို လိုက်နာခြင်းမရှိပါက တည်ဆဲဥပဒေနဲ့အညီ အရေးယူခြင်းခံရမယ်ဖြစ်ပြီး နောက်ထပ်အမိန့် တစုံတရာ မထုတ်ပြန်မခြင်း ဒီထုတ်ပြန်ချက်ဟာ အတည်ဖြစ်မယ်လို့ ဆိုပါတယ်။

မင်းတပ်မြို့နယ်မှာ စစ်ကောင်စီရဲ့ မကြာခဏလေကြောင်း တိုက်ခိုက်မှုကြောင့် အခုလို ထုတ်ပြန်ချက်မျိုးကို အခုနှစ် ဇွန်လ သုံးရက်နေ့မှာ ပထမအကြိမ် ထုတ်ပြန်ခဲ့ပါတယ်။

မင်းတပ်မြို့နဲ့ ဖလမ်းမြို့ သိမ်းတိုက်ပွဲကို ချင်းညီနောင်စစ်‌ဆင်ရေး အနေနဲ့ ပြီးခဲ့တဲ့ နိုဝင်ဘာလ၉ရက်နေ့မှာ ဖော်ဆောင်ခဲ့တာ ဖြစ်ပြီး တိုက်ပွဲပြင်ထန်နေပါတယ်။

သတင်း-Daai Pa

ပုံ-မင်းတပ်မြို့။(Photo Hkl Mindat)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

17/12/2024

ဟားခါးမြို့မှာ ပျောက်ဆုံးသွားတဲ့ ပလက်ဝဒေသခံကို ပြန်တွေ့

=============

ကီမိုမီဒီယာ
ဒီဇင်ဘာလ ၁၇ ရက်၊၂၀၂၄ခုနှစ်

ချင်းပြည်နယ်၊ ဟားခါးမြို့မှာ ပျောက်ဆုံးသွားတဲ့ ပလက်ဝမြို့နယ် ဒေသခံ ချင်းအမျိုးသားတစ်ဦး နေအိမ်သို့ ပြန်လည် ရောက်ရှိလာပြီလို့ ၎င်းနဲ့ နီးစပ်တဲ့ အမျိုးသမီးတစ်ဦး ဆီက သိရှိရပါတယ်။

အဲဒီအမျိုးသားဟာ ပြီးခဲ့တဲ့ နိုဝင်ဘာလ ၃၀ရက်နေ့ မနက်၇နာရီအချိန်မှာ နေအိမ်ကထွက်သွားပြီး ဒီနေ့ ဒီဇင်ဘာလ၁၆ရက်နေ့ မနက်ပိုင်း၉နာရီခွဲခန့်မှာ နေအိမ်သို့ ပြန်ရောက်လာခြင်းဖြစ်ပါတယ်။

"မောင်လေး..ဒီမနက်မှာဘဲ အိမ်ပြန်ရောက်လာပါပြီ။"လို့ ပျောက်ဆုံးသွားသူရဲ့ အသိအစ်မတစ်ဦး က ကီမိုမီဒီယာသို့ ပြောပါတယ်။

ဖြစ်စဉ်မှာ ပျောက်ဆုံးသူဟာ ဖခင်ဖြစ်သူနဲ့ ဟားခါးမြို့မှာ အတူနေထိုင်စဉ် နေအိမ်မှ ထွက်သွားပြီး ၁၇ရက်ကြာ အဆက်သွယ်မရဘဲ ပျောက်ဆုံးနေခဲ့ခြင်းဖြစ်ပါတယ်။

ပျောက်ဆုံးသွားတဲ့ အဲဒီအမျိုးသားအတွက် စိတ်ပူပေးနေသူတွေနဲ့ ဆုတောင်းပေကြသူအားလုံးကို ကျေးဇူးတင်တယ်လို့ နီးစပ်သူတစ်ဦးက ပြောပါတယ်။

သတင်း- ဆမ်မာန်း

ပုံစာ-နေအိမ်သို့ပြန်ရောက်ရှိလာသည့် ဆလိုင်းကျော်ဇံလှ။(Photo credit)

#ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

Address

Paletwa

Website

http://Paletwa.kimo.com/

Alerts

Be the first to know and let us send you an email when KIMO MEDIA posts news and promotions. Your email address will not be used for any other purpose, and you can unsubscribe at any time.

Videos

Vai Amp’rei i py Tajyh − Apu Chu Thui - Hwait win & Apu Chu Music- Melody Music Academy mixing - M-Studio ခူမီး(ချင်း) သီချင်းဖြစ်ပါတယ် နိုင်ငံရေးမကောင်းလို့ခွဲခွါသွားကြမယ့် သူငယ်ချင်းတွေအတွက် အမြဲဆုတောင်းပေးမယ့်အကြောင့် နိုင်ငံငြိမ်းချမ်းတဲ့နေ့ပြန်ပြီး ကိုယ့် မွေးရပ်မြေမှာ ပွဲလေးတွေအတူဆင်နွဲ့ကြမယ့် အဲ့ဒီအချိန်တောင်ပေါ်မြို့လေးဆီပြန်လာပါဆိုတဲ့ သီချင်းကောင်းတစ်ပုဒ်ဖြစ်ပါတယ်။ Kimo Media Youtube Channel https://youtu.be/FASiZSSI43o #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာဖြစ်သည်။

နိုဝင်ဘာလ ၃၀ နံနက် ၉ နာရီ ၃၀ မိနစ်ခန့်တွင် ဟားခါး-ထန်တလန်ကြား စစ်ကောင်စီ Ruavazung စခန်းကို ချင်းပြည်အစိုးရတပ်သိမ်းပိုက်ခဲ့ကြပြီး စစ်ကောင်စီတပ်ဖက်က ခလရ(၂၂၂)မှ ဗိုလ်ကြီးတဦးနှင့် ရဲမှူးအပါအဝင် ၁၀ ယောက်ကျော်သေဆုံးသည်ဟု သိရပြီး၊ စစ်သုံ့ပန်း ၁၉ ဦးကို ဖမ်းမိထားပြီး သေနတ်အလက် ၄၀ ကျော်နှင့် ခဲယမ်းများလည်း သိမ်းဆည်းရမိသည်ဟု သိရသည်။ #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက်ချင်းမီဒီယာ ဖြစ်သည်။ Video -Crd

ဂျန်ဒါအခြေပြု အကြမ်းဖက်မှုများအပေါ် ပြစ်ဒဏ်ကင်းလွတ်ခွင့် မပြုရေး ဘာကြောင့်ခက်ခဲနေသလဲ

“ဂျန်ဒါအခြေပြု အကြမ်းဖက်မှုများအပေါ် ပြစ်ဒဏ်ကင်းလွတ်ခွင့် မပြုရေး ဘာကြောင့်ခက်ခဲနေသလဲ” --------- လက်ရှိနိုင်ငံရေးနှင့် တော်လှန်ရေး ကာလအတွင်းတွင် အမျိုးသမီးများနှင့် ဂျန်ဒါဝိသေသ ကွဲပြားသူတွေအပေါ် ဂျန်ဒါအခြေပြု ခွဲခြားဆက်ဆံသည့် ရှေးရိုးစွဲ ပုံစံခွက် အတွေးအခေါ်များနှင့် ထိုမှတဆင့် ဖြစ်ပေါ်လာသည့် ဂျန်ဒါအခြေပြု အကြမ်းဖက်မှုများအကြောင်း၊ ပြစ်ဒဏ်ကင်းလွတ်မှု အခြေအနေများအကြောင်းကို ဖလှယ်နိုင်ရန် ရည်ရွယ်၍ ယခု အွန်လိုင်းစကားဝိုင်းကို လုပ်ဆောင်ရခြင်းဖြစ်သည်။ #ရင်းနှီးသောဆက်ဆံရေးကိုအကြောင်းပြု၍ခန္ဓာကိုယ်အားထိကိုင်အသားယူခြင်းသည်လိင်ပိုင်းဆိုင်ရာထိပါးနှောင့်ယှက်မှုမြောက်သည်။ #စကားဝိုင်းဆွေးနွေးပွဲ #16daysofactivism2024 #endvaw #burmesewomenunion #honestinformaiton -------- အမျိုးသမီးအခြေအနေ၊ အကြောင်းအရာတွေကို စဉ်ဆက်မပြတ် အချိန်နဲ့တပြေးညီသိရှိနိုင်ရ

တအောမျိုးနွယ်စုဆိုတာ ၁၉၃၁ ခုနှစ်တည်းက ရှိခဲ့တာပါဆိုတဲ့ ဦးဗန်တလင်း တအောလူမျိုး လူဦးရေးသည် ၅၀၀၀ နဲ့ ၁၀၀၀ ကြားတွင်ရှိသည်။ Crd-YatiEntertainmentandNews #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

မိုင်းအန္တရာယ်သတိပေးအမှတ်အသားနဲ့ သဲလွန်စတွေကို ဘယ်လိုသိနိုင်မလဲ။ #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။ #landmine #MineRiskEducation

ချင်းပြည်နယ်ကနေ အမြန်ဆုံးထွက်ခွါဖို့ AA ကို ကန်ပက်လက်ဒေသခံများ ဆန္ဒဖော်ထုတ် ========= ကီမိုမီဒီယာ အောက်တိုဘာလ၂၈ရက်၊၂၀၂၄ခုနှစ် ချင်းပြည်နယ်ကနေ အာရက္ခတပ်တော် AA အမြန်ဆုံးထွက်ခွါသွားရန် ကန်ပက်လက်ဒေသခံများက ဆန္ဒဖော်ထုတ်ခဲ့ ကြတယ်လို့ သိရပါတယ်။ ဆန္ဒဖော်ထုတ်မှုကို ကန်ပက်လက်မြို့နယ်တနေရာတွင်် အောက်တိုဘာလ ၂၆ ရက်နေ့က ပြုလုပ်ခဲ့ကြတာဖြစ်ပြီး ဆန္ဒဖော်ထုတ်မှုတွင် AA အလိုမရှိကြောင်း၊ ချင်းပြည်ကနေ အမြန်ဆုံးထွက်ခွါသွားရန်၊သွေးကွဲစေသည့် ရခိုင်သားအလိုမရှိ နဲ့ ချင်းလူမျိုးများ ညီညွတ်ရေးတည်ဆောက်ကြရန်စတဲ့ ပိုစတာများကိုင်ဆောင်ကာ ဆန္ဒဖော်ထုတ်ခဲ့ကြတယ်လို့ သိရပါတယ်။ #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

Chin STAR Top 7 ပြိုင်ပွဲတွင် နိုင်ငံကျော် တေးရေး၊ တေးဆို ဆရာကြီး Salai Sun Ceu ဂုဏ်ပြုတဲ့အနေနဲ့ သူ့ရဲ့သီချင်းများကို သီဆိုယှဉ်ပြိုင်သွားတာဖြစ်ပါတယ်။ နိုင်ငံကျော် တေးရေး၊ တေးဆို − ဆလိုင်းဆွန်ကျဲအို သီဆိုထားသော သံသရာခရီးသည် သီချင်းကို ပလက်ဝသား Ai Aung Linn Thein မှ သီဆိုယှဉ်ပြိုင်သွားတာဖြစ်ပါတယ်။ Ai Aung Linn Thein သည် Chin Star Top−5 ကို တက်လှမ်းသွားပြီဖြစ်ပါတယ်။ ပလက်ဝသား ညီလေး အိုက်အောင်လင်းသိန်း ကို ဆက်လက် Vote ပေးလိုရမည့် Vote link ကိုအောက်တွင် ချပေးထားပါတယ်။ Vote peknak link: https://chinstar.dinger.asia/ #video - ChinStar #Kimomedia #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

သတိထားရမယ့် မြေမြှုပ်မိုင်း အမျိုးအစားတွေက ဘာတွေလဲ #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။

ချင်းပြည်နယ် မင်းတပ်မြို့နယ်တွင် စစ်ကောင်းစီမှ လေကြောင်းနဲ့အဆက်မပြတ်တိုက်ခိုက်ခံနေရလို့ဆိုကာ ယောနယ်ဖက်ပြေးလာကြတဲ့ မင်းတပ်မြို့နယ်စစ်ဘေးရှောင်တွေနေထိုင်တဲ့ စစ်ဘေးရှောင်တွင် ရေကြီးရေလျှံဖြစ်ပြီး အပျက်အစီးများရှိသည်ဟုသည်ရပါသည်။ ၂၀၂၄ ခုနှစ် စက်တင်ဘာလ ၂၅ ရက်နေ့တွင် သားအမိ၂ယောက် ရေထဲပါသွားပါတယ် ကလေးက Dead body ပြန်ရပါပီ အမေကိုတော့ မတွေ့သေးပါဘူး လိုသိရပါတယ်။ Telegrem https://t.me/kimomediapaletwa #ကီမိုမီဒီယာသည် ချင်းပြည်နယ် ပလက်ဝမြို့နယ် အခြေစိုက် ချင်းမီဒီယာ ဖြစ်သည်။ Video Crd- Naing Tam

ဆောမြို့သို့ စျေးဝယ်ရန် သွားရောက်သည့် ပလက်ဝမြို့နယ်မှ ကုန်သည်များနှင့် ကယ်ရီသမားများ ပိတ်မိနေ =========== ကီမိုမီဒီယာ စက်တင်ဘာလ ၁၃ရက်၊၂၀၂၄ခုနှစ် ချင်းပြည်နယ်၊ ပလက်ဝမြို့နယ်မှ မကွေးတိုင်း၊ ဆောမြို့သို့ ကုန်ပစ္စည်းများဝယ်ယူရန် သွားရောက်သည့် ကုန်သည်များနှင့် ဆိုင်ကယ် ကယ်ရီသမားများသည် တောင်ကျချောင်းရေကြီး၍ ဆောမြို့‌တွင် ပိတ်မိနေကြောင့် ကုန်သည် တစ်ဦးထံက သိရှိရသည်။ အဆိုပါ ကုန်သည်များနှင့် ဆိုင်ကယ် ကယ်ရီသမားများသည် ယခုလ စက်တင်ဘာ ၁၀ရက်နေ့တွင် ဆောမြို့သို့ စျေးဝယ်ရန်သွားရောက်ရာမှ ယခုခါ ပိတ်မိနေခြင်းဖြစ်ကြောင့် ကုန်သည်တစ်ဦးက ကီမိုမီဒီယာသို့ ပြောသည်။ "ဆောကို ရောက်လာတာ ၃ရက်ကျော်နေပြီ။ အယောက်၂၀ကျော်ပိတ်မိနေတယ်။ ကုန်ပစ္စည်းတွေလည်း ဝယ်ထားပြီးပြီ။ချောင်းရေတွေဖြတ်မရလို့။ ပိတ်မိနေတာပါ။" ယခုလ စက်တင်ဘာလ ၁၀ ရက်နေ့မှစ၍

KIMO MEDIA

22/12/2024

22/12/2024

21/12/2024

21/12/2024

21/12/2024

21/12/2024

20/12/2024

20/12/2024

20/12/2024

20/12/2024

19/12/2024

19/12/2024

19/12/2024

18/12/2024

18/12/2024

17/12/2024

17/12/2024

17/12/2024

Address

Website

Alerts

Videos

ဂျန်ဒါအခြေပြု အကြမ်းဖက်မှုများအပေါ် ပြစ်ဒဏ်ကင်းလွတ်ခွင့် မပြုရေး ဘာကြောင့်ခက်ခဲနေသလဲ

Shortcuts

Share

Category