Okpho Thadin

31/01/2025

အုတ်ဖိုမှာ ပေါ်တာဆွဲဖမ်းဆီးမှုကြောင့် ရွာလုံးကျွတ် ထွက်ပြေးသွားကြစဥ် ပြည်သူများ၏ နေအိမ်များမှ ရွှေထည်ပစ္စည်းများနှင့် ငွေသားများအား ခိုးယူသွား

Tharyarwaddy 8 City / ဇန်နဝါရီ၃၁၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက အုတ်ဖိုမြို့နယ်မှာ ပေါ်တာဆွဲဖမ်းဆီးမှုကြောင့် ရွာလုံးကျွတ် ထွက်ပြေးသွားကြစဥ် ပြည်သူများ၏ နေအိမ်များမှ ရွှေထည်ပစ္စည်းများနှင့် ငွေသားများအား ခိုးယူသွားကြောင်း သတင်းရရှိပါသည်။

အုတ်ဖိုမြို့နယ်၊ နှောကုန်းကျေးရွာမှ ပြည်သူများအား ဇန်နဝါရီလ ၂၈ရက်နေ့ ညနေတွင် ရဲနှင့် စစ်ကောင်စီတပ်သားများ ဝင်ရောက် ပေါ်တာဆွဲ ဖမ်းဆီးမှုကြောင့် ရွာလုံးကျွတ် ထွက်ပြေးခဲ့ရကြောင်း သတင်းရရှိပါသည်။

ထိုသို့ ရွာလုံးကျွတ် ထွက်ပြေးကြစဥ် မဥမ္မာ၏ နေအိမ်မှ ရွှေဆွဲကြိုး၂ကုံး၊ ရွှေဆွဲပြား၁ခု၊ ရွှေလက်စွပ်၁ကွင်း၊ ငွေသား ၁၈၅၀၀၀ကျပ်နှင့် မဥမ္မာ၏ ယောင်းမ နေအိမ်မှ စုဘူးတစ်ခုအား ရဲ၂ဦးမှ ခိုးယူသွားပြီး ၄င်းဖြစ်စဥ်ကို ရဲစခန်း၌ တိုင်ကြားမှုကြောင့် ရွှေထည်ပစ္စည်းများအစား ငွေကျပ် ၄၄သိန်း ပြန်လည်ရရှိကြောင်း သိရသည်။

"ရဲနဲ့စစ်သားတွေ ပေါ်တာဝင်ဆွဲလို့ အဖမ်းမခံရအောင် အကုန်ပြေးကြတော့ ကားနားမှာ စောင့်နေတဲ့ ရဲ၂ယောက်က မဥမ္မာအိမ်နဲ့ သူ့ယောင်းမအိမ်ကို ဝင်မွှေပြီး ပိုက်ဆန်တွေနဲ့ ရွှေထည်တွေ ယူသွားတာဗျ။ ဒီကိစ္စရဲစခန်းမှာ သွားတိုင်တော့ ရွှေထည်တွေအစား ငွေကျပ် ၄၄သိန်း ပြန်ပေးတယ်"ဟု ဒေသခံတစ်ဦးမှ Tharyarwaddy 8 City ကို ​ရှင်းပြပါသည်။

သတင်း - တက်တိုးအောင်
စာတည်း - ရာမန်

#အုတ်ဖိုမြို့နယ်

30/01/2025

အုတ်ဖိုတွင် "PDFတွေကို မျိုးဖြုတ်ပစ်မည်"ဟု ကြွေးကြော်ထားသည့် ပျုစောထီး တင်နိုင်ထွန်း ပစ်ခတ်ခံရပြီး သေဆုံး

30/01/2025

"အုပ်ကြီး ဝင်းအောင်နဲ့ ရာအိမ်မှူး
ရွှေစင်တို့က စစ်မှုထမ်းကြေး တစ်အိမ်ကို သုံးသောင်းခွဲပေးဖို့ လိုက်အော်ပြီး တောင်းနေပြန်ပြီ။ မပေးတဲ့အိမ်တွေက ယောက်ျားလေးရော မိန်းကလေးပါ စစ်သားတွေလာရင် လိုက်ပြပြီး စစ်မှုထမ်းဖို့ ခေါ်ခိုင်းမယ်လို့ ခြိမ်းခြောက်​နေပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ စစ်မှုထမ်းထောက်ပံ့ကြေး လစဥ်မပေးရင် မိန်းကလေးတွေကိုပါ စစ်တပ်ခေါ် ပေါ်တာဆွဲခိုင်းမယ်လို့ အုပ်ချုပ်ရေးမှူးနဲ့ ရာအိမ်မှူးက ခြိမ်းခြောက်ငွေတောင်းနေ

Tharyarwaddy 8 City / ဇန်နဝါရီ၃၀၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ စစ်မှုထမ်းထောက်ပံ့ကြေး လစဥ်မပေးရင် မိန်းကလေးတွေကိုပါ စစ်တပ်ခေါ် ပေါ်တာဆွဲခိုင်းမယ်လို့ အုပ်ချုပ်ရေးမှူးနဲ့ ရာအိမ်မှူးက ခြိမ်းခြောက်ငွေတောင်းနေကြောင်း သတင်းရရှိပါသည်။

အုတ်ဖိုမြို့နယ်၊ တောင်ကုန်းကျေးရွာအုပ်စု အုပ်ချုပ်ရေးမှူး ဝင်းအောင်၊ ၄င်း၏ဇနီး မြင့်မြင့်စမ်း နှင့် ထောက်ကြန့်ကွင်းရွာ ရာအိမ်မှူး ရွှေစင်တို့မှ ဒေသခံပြည်သူများအား စစ်မှုထမ်းထောက်ပံ့ကြေးဟုဆိုကာ တစ်အိမ်လျှင် သုံးသောင်းငါးထောင်ကျပ် လစဥ်ကောက်ခံနေကြောင်း၊ ၄င်းတို့ကောက်ခံသည့် ငွေမပေးရင် မိန်းကလေးတွေကိုပါ စစ်တပ်ခေါ်ကာ ပေါ်တာဆွဲ ဖမ်းဆီးခိုင်းမည်ဟု​ ခြိမ်းခြောက် ပြောဆိုနေကြောင်း သိရသည်။

"အုပ်ကြီး ဝင်းအောင်နဲ့ ရာအိမ်မှူး
ရွှေစင်တို့က စစ်မှုထမ်းကြေး တစ်အိမ်ကို သုံးသောင်းခွဲပေးဖို့ လိုက်အော်ပြီး တောင်းနေပြန်ပြီ။ မပေးတဲ့အိမ်တွေက ယောက်ျားလေးရော မိန်းကလေးပါ စစ်သားတွေလာရင် လိုက်ပြပြီး စစ်မှုထမ်းဖို့ ခေါ်ခိုင်းမယ်လို့ ခြိမ်းခြောက်​နေပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ရှမ်းကုန်းအုပ်စုအတွင်းရှိ ဂုံမင်းရှို၊ စွန်တောက်၊ တမန်ကြီး၊ ရှမ်းကုန်း၊ ရွာသစ်၊ အိမ်တိုင်ပုံနှင့် အာလံစုရွာတို့က ဒေသခံပြည်သူများအား စစ်မှုထမ်းထောက်ပံ့ကြေးဟုဆိုကာ အုပ်စုအုပ်ချုပ်ရေးမှူး ဇော်လေးဆိုသူမှ တစ်အိမ်လျှင် နှစ်သောင်းကျပ် လစဥ်ကောက်ခံနေကြောင်း၊ ၄င်းကောက်ခံသည့် ငွေမပေးသည့် နေအိမ်များမှ ယောက်ျားလေးများကိုသာမက မိန်းကလေးများကိုပါ စစ်မှုထမ်းရမယ်ပြောဆိုကာ​ ခြိမ်းခြောက်ငွေတောင်းနေကြောင်း သိရသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

29/01/2025

"ဒီကောင်(တင်နိုင်ထွန်း)က စခတပ်ကနေ အနားယူတာ စောသွားလို့ နောက်မဆို သူ့လက်ချက်နဲ့ PDFတွေ မျိုးပြုတ်သွားမယ်ဆိုပြီး အာပေါင်အာရင်းသန်သန်နဲ့ ပြောနေတာ။ တော်လှန်ရေးအဖွဲ့တွေနဲ့ မဆိုင်တဲ့ သာမန်ပြည်သူတွေကိုလည်း ဖမ်းဆီးသတ်ဖြတ်ဖို့ စခတွေဆီ သတင်းပေးတယ်။ လူငယ်တွေဆိုတာလည်း စခတွေကို သူသတင်းပေးပြီး ပေါ်တာဆွဲခိုင်းလို့ အိမ်မနေရဲကြတော့ဘူး။ ဒီကောင်က ပြည်သူတွေရော တော်လှန်ရေးအဖွဲ့တွေရော ဒုက္ခပေးနေတာမို့ မြို့ထဲကပြန်အလာစောင့်ပြီး ခေါင်းကိုသေနတ်နဲ့ ပစ်ခတ်ရှင်းလိုက်တာပါ"ဟု မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ​ရှင်းပြပါသည်။

အုတ်ဖိုမှာ PDFတွေကို မျိုးဖြုတ်ပစ်မယ်လို့ ကြွေးကြော်ထားတဲ့ ပျူစောထီး တင်နိုင်ထွန်း သေနတ်နဲ့ခေါင်းကို ပစ်ခံရပြီး သေဆုံးသွား

Tharyarwaddy 8 City / ဇန်နဝါရီ၂၉၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက အုတ်ဖိုမြို့နယ်၊ သဖန်းပင်ဆိပ်ကျေးရွာတွင် နေထိုင်သည့် စစ်မှုထမ်းဟောင်း ပျူစောထီး တင်နိုင်ထွန်း အား ဇန်နဝါရီလ၂၈ရက် ယမန်နေ့ မွန်းလွဲ ၁နာရီအချိန်မှာ ဆိုင်ကယ်စီး၍ ပြန်လာစဥ် အုတ်ဖိုတာဆုံနှင့် သဖန်းပင်ဆိပ်ကျေးရွာကြားရှိ ကားလမ်းပေါ်၌ သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို ၏ ရဲဘော်များမှ သေနတ်ကျည် ၁ချက် ဦးခေါင်းတည့်တည့် ပစ်ခတ် ရှင်းလင်းခဲ့ကြောင်း သတင်းရရှိပါသည်။

ပျူစောထီး တင်နိုင်ထွန်း ဟာ PDFများကို မျိုးဖြုတ်ပစ်မည်ဟု ကြွေးကြော်ထားသည့် စစ်တပ်ထောက်တိုင် အမာခံတစ်ဦးဖြစ်သလို တော်​လှန်​ရေးတပ်ဖွဲ့များနှင့် PDFရဲဘော်များ၏ အချက်အလက်များ​အား စစ်ကောင်စီတပ်ထံ ထောက်​လှမ်း​သတင်းပို့ခြင်း၊ လူငယ်များကို ပေါ်တာဆွဲရန် စစ်ကောင်စီတပ်အား
သတင်းပေး ဖမ်းဆီးခိုင်းခြင်း၊ သာမန်ပြည်သူများကို မမှန်သတင်းပေးကာ စစ်ကောင်စီတပ်အား ဖမ်းဆီးနှိပ်စက် သတ်ဖြတ်ရန် လုပ်ဆောင်ခိုင်းနေသောကြောင့် အရေးယူရခြင်းဖြစ်ပြီး ၄င်းထံမှ လက်ပစ်ဗုံး၁လုံး၊ မိုလ်ဘိုင်းဖုန်း၁လုံးနှင့် ဆိုင်ကယ်၁စီးတို့အား သိမ်းဆည်းရရှိခဲ့ကြောင်း မြေအောက်ပြောက်ကျားတပ်ဖွဲ့-အုတ်ဖို ထံမှ သိရသည်။

"ဒီကောင်(တင်နိုင်ထွန်း)က စခတပ်ကနေ အနားယူတာ စောသွားလို့ နောက်မဆို သူ့လက်ချက်နဲ့ PDFတွေ မျိုးပြုတ်သွားမယ်ဆိုပြီး အာပေါင်အာရင်းသန်သန်နဲ့ ပြောနေတာ။ တော်လှန်ရေးအဖွဲ့တွေနဲ့ မဆိုင်တဲ့ သာမန်ပြည်သူတွေကိုလည်း ဖမ်းဆီးသတ်ဖြတ်ဖို့ စခတွေဆီ သတင်းပေးတယ်။ လူငယ်တွေဆိုတာလည်း စခတွေကို သူသတင်းပေးပြီး ပေါ်တာဆွဲခိုင်းလို့ အိမ်မနေရဲကြတော့ဘူး။ ဒီကောင်က ပြည်သူတွေရော တော်လှန်ရေးအဖွဲ့တွေရော ဒုက္ခပေးနေတာမို့ မြို့ထဲကပြန်အလာစောင့်ပြီး ခေါင်းကိုသေနတ်နဲ့ ပစ်ခတ်ရှင်းလိုက်တာပါ"ဟု မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ​ရှင်းပြပါသည်။

မြေအောက်ပြောက်ကျားတပ်ဖွဲ့-အုတ်ဖို အနေဖြင့် ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေကြသည့် စစ်ကောင်စီနှင့် စစ်ကောင်စီထောက်တိုင်များအား တိုက်ခိုက်သွားမည်ဖြစ်၍ ၄င်းတို့အနီး သွားလာနေထိုင်ခြင်းများ မပြုလုပ်ကြရန် တပ်ခွဲမှူး ရဲဘော်ဒေဝက ပြည်သူများကို အသိပေး​သည်။

ဓာတ်ပုံ - ပစ်ခတ်ရှင်းလင်းခံရကာ သေဆုံးသွားသည့် ပျုစောထီး တင်နိုင်ထွန်း နှင့် သိမ်းဆည်းရရှိသည့် ပစ္စည်းများ

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

29/01/2025

28/01/2025

သာယာဝတီခရိုင်ထဲက ကာမပိုင်မရှိသည့် အမျိုးသမီးများအား ဖေဖော်ဝါရီလအတွင်း စစ်မှုထမ်းရန်အတွက် စာရင်းကောက်ယူမည်

Tharyarwaddy 8 City / ဇန်နဝါရီ၂၈၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်၊ ဇီးကုန်းနှင့် နတ်တလင်းမြို့နယ်တို့တွင် ကာမပိုင်မရှိသည့် အမျိုးသမီးများအား စစ်မှုထမ်းရန် စာရင်းကောက်ယူခြင်းအား လာမည့် ဖေဖော်ဝါရီလအတွင်း လုပ်ဆောင်သွားမည်ဖြစ်ကြောင်း သတင်းရရှိပါသည်။

စစ်ကောင်စီမှ ပြဌာန်းထားသော ပြည်သူ့စစ်မှုထမ်း ဥပဒေအရ လတ်တလော ခေါ်ယူမည့် အမျိုးသမီး စစ်မှုထမ်း အပတ်စဉ်(၁)အတွက်သာယာဝတီခရိုင်အတွင်း မကြာသေးခင်က ကောက်ယူထားသည့် လူဦးရေ (သန်းခေါင်စာရင်း)ကို အခြေခံကာ အသက် ၁၈နှစ် မှ အသက်၂၇နှစ်အတွင်း အကျုံးဝင်သည့် ကာမပိုင်မရှိသူ အမျိုးသမီးများကို ခေါ်ယူသွားမည်ဖြစ်ကြောင်း သိရသည်။

"၂လပိုင်းထဲမှာ စစ်မှုထမ်းရမယ့် အမျိုးသမီးတွေရဲ့ စာရင်းတွေ လုပ်ပါမယ်။ ကာမပိုင်မရှိတဲ့ အပျိုတွေနဲ့ ကလေးမရှိတဲ့ အိမ်ထောင်ကွဲတွေကို အဓိကထားပြီး စစ်မှုထမ်းဖို့ ခေါ်သွားမှာပါ။ အိမ်ထောင်ရှိတဲ့ အမျိုးသမီးတွေဆို ကာမပိုင်ရှိကြောင်း သက်သေအထောက်အထား ပြနိုင်ရင် စစ်မှုထမ်း ကင်းလွတ်ခွင့်ရပါမယ်"ဟု သာယာဝတီခရိုင်အထွေထွေအုပ်ချုပ်ရေးဦးစီးဌာန(ထွေအုပ်)ဝန်ထမ်း တစ်ဦးမှ Tharyarwaddy 8 City ကို ပြောပြပါသည်။

ပြီးခဲ့တဲ့ ဇန်နဝါရီလ ၂၃ ရက်နေ့တွင် စစ်ကောင်စီ၏ ကာကွယ်ရေးဝန်ကြီးဌာနက ပြဌာန်းလိုက်သည့် ပြည်သူ့စစ်မှုထမ်း နည်းဥပဒေ အရ စစ်မှုထမ်းဥပဒေပါ အသက်အရွယ်တွင် ရှိသော အိမ်ထောင်သည် အမျိုးသမီးများ၊ အိမ်ထောင်ပျက်သော်လည်း သားသမီးရှိသူ အမျိုးသမီးများနှင့် အခြားကင်းလွတ်ခွင့်ရရှိမည့်သူများကို ထုတ်ပြန်ထားသည်။

သတင်း/စာတည်း - ရာမန်

#သာယာ၀တီခရိုင်

25/01/2025

အရေးပေါ် အခြေအနေပေါ်ပေါက်၍ တစ်နိုင်ငံလုံးရှိ အရွယ်ရောက်သူအားလုံးကို စစ်မှုထမ်းရန် စစ်စည်းရုံးခြင်း အမိန့် ထုတ်ဆင့်နိုင်ဟု ပြည်သူ့စစ်မှုထမ်း နည်းဥပဒေတွင် ပြဋ္ဌာန်း

🟥ပြည်သူ့စစ်မှုထမ်းဥပဒေ အသိပညာပေးခြင်းကို အခြေခံပညာကျောင်းများတွင် သင်ရိုးညွှန်းတမ်း ဘာသာရပ်တစ်ခုအဖြစ် ထည့်သွင်းပို့ချရမည်

ရန်ကုန်၊ ဇန်နဝါရီ ၂၅

နိုင်ငံတော်ကာကွယ်ရေးနှင့် လုံခြုံရေး အတွက် အရေးပေါ် အခြေအနေပေါ်ပေါက်၍ တစ်နိုင်ငံလုံးတွင် အရွယ်ရောက်သူအား လုံးကို စစ်မှုထမ်းရန် စစ်စည်းရုံးခြင်း အမိန့်ကို စစ်ကောင်စီက ထုတ်ပြန်နိုင်ကြောင်း ပြည်သူ့စစ်မှုထမ်းနည်းဥပဒေတွင် ပြဋ္ဌာန်းထားသည်။

ဇန်နဝါရီလ ၂၃ ရက်နေ့ စစ်ကောင်စီက ထုတ်ပြန်လိုက်သော ပြည်သူ့စစ်မှုထမ်း နည်းဥပဒေ အခန်း ၉ ၊ စစ်စည်းရုံးခြင်း ပုဒ်မ ၄၉ တွင် အထက်ပါအတိုင်း ပြဋ္ဌာန်းထားခြင်းဖြစ်သည်။

ပြည်သူ့စစ်မှုထမ်းနည်းဥပဒေ ပုဒ်မ ၄၉ တွင် နိုင်ငံတော် ၏ ဒေသတချို့တွင်လည်းကောင်း၊ နိုင်ငံတော်တစ်ဝန်းလုံးတွင် လည်း ကောင်း၊ နိုင်ငံတော်ကာကွယ်ရေးနှင့် လုံခြုံရေးအတွက် အရေးပေါ် အခြေအနေ ပေါ်ပေါက်၍ ပြည်ထောင်စုအစိုးရက စစ်မှု ထမ်းရန် အရွယ်ရောက်သူအားလုံးကိုဖြစ်စေ၊ အချို့ကိုဖြစ်စေ ပြည်သူ့စစ်မှုထမ်း တာဝန်ထမ်းဆောင် ပြီးသူအားလုံးကို ဖြစ်စေ၊ အချို့ကိုဖြစ်စေ သင့်လျှော်သည့်ဒေသတွင် စစ်စည်းရုံးခြင်း အမိန့် ထုတ်ဆင့်သည့်အခါ ဗဟိုအဖွဲ့သည် သက်ဆိုင်ရာ ပြည်သူ့ စစ်မှုထမ်း ဆင့်ခေါ်ရေး အဖွဲ့အဆင့်ဆင့် ဆောင်ရွက်ရမည့် လုပ်ငန်းတာဝန်များကို သတ်မှတ်ပေးရမည်ဟု ပြဋ္ဌာန်းထားသည်။

"ဒီစစ်စည်းရုံးခြင်း ပြဋ္ဌာန်းချက်ကတော့ အရွယ်ရောက်ပြီးသူ ဆိုတာ အသက် ၁၈ နှစ်ကနေ အသက်ကြီးရင့်နေတဲ့ အဘိုး အဘွားတွေအထိ အကျုံးဝင်ပါတယ်။ သူတို့ လိုအပ်ရင် ဘယ်သူ့ကိုမဆို စစ်မှုထမ်းဖို့ ဆင့်ခေါ် နိုင်တယ်လို့ ပြဋ္ဌာန်းချက်ဖြစ်ပါတယ်" ဟု ရန်ကုန်မြို့မှ တရားလွှတ်တော်ရှေ့နေက ရှင်းပြသည်။

ထို့ပြင် ပြည်သူ့စစ်မှုထမ်း နည်းဥပဒေ ပုဒ်မ ၅၉ တွင် ပြည်သူ့စစ်မှုထမ်းဥပဒေနှင့်ပတ်သက်၍ ပြည်သူလူထု ကျယ်ကျယ်ပြန့်ပြန့် သိရှိနိုင်ရန် အသိပညာပေးခြင်းများကို အခြေခံ ပညာကျောင်းများမှ အစပြု၍ သင်ရိုးညွှန်းတမ်းများတွင် ဘာသာရပ်တစ်ခုအနေဖြင့် ထည့်သွင်းပို့ချနိုင်ရေး သက်ဆိုင်ရာ ဝန်ကြီးဌာနများနှင့် ပေါင်းစပ်ညှိနှိုင်းဆောင်ရွက်ရမည်ဖြစ်ကြောင်း ဆက်လက် ပြဋ္ဌာန်းထားသည်။

24/01/2025

"အုတ်ရှစ်ကုန်းရွာထိပ် ကားလမ်းဘေးမှာ အမျိုးသားတစ်ယောက်ရဲ့အလောင်းကို မနက်စောစော အထည်ချုပ် စက်ရုံသွားတဲ့ ကောင်မလေးတွေ အရင်ဆုံးတွေ့တာဗျ။ လက်ပြန်ကြိုးတုတ်ပြီး ခေါင်းကိုတုတ်နဲ့ရိုက်သတ်ပြီးမှ လာစွန့်ထားတဲ့ပုံစံပဲ။ အသတ်ခံရသူက ကျွန်တော်တို့ ရွာနီးချုပ်စပ်ကတော့ မဟုတ်ပါဘူး"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ အမည်မသိ အမျိုးသား တစ်ဦးအား လက်ပြန်ကြိုးတုတ်ကာ ရိုက်နှက်သတ်ဖြတ်ပြီး ရန်ကုန်-ပြည်လမ်းဘေးတွင် အလောင်းစွန့်ပစ်ထား

Tharyarwaddy 8 City / ဇန်နဝါရီ၂၄၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက အုတ်ဖိုမြို့နယ်အပိုင် ရန်ကုန်-ပြည်လမ်းဘေးရှိ အုတ်ရှစ်ကုန်းရွာထိပ်မှာ အမျိုးသားတစ်ဦး၏ အလောင်းအား ဇန်နဝါရီလ ၂၂ရက်နေ့ နံနက်တွင် တွေ့ရှိရကြောင်း သတင်းရရှိပါသည်။

အဆိုပါ တွေ့ရှိရသည့် အမျိုးသားမှာ လက်ပြန်ကြိုးတုတ်ကာ ဦးခေါင်းကို တုတ်ဖြင့် ရိုက်နှက်သတ်ဖြတ်ပြီးမှ လာရောက်စွန့်ပစ်ထားပုံရကြောင်း၊ ယင်းအလောင်းအား အုတ်ဖိုမြို့နယ်ရဲတပ်ဖွဲ့မှ လာရောက်စစ်ဆေးကာ အလောင်းကောက်ယူသွားပြီး သေဆုံးသူမှာ မည်သူမည်ဝါ မသိရှိရသေးကြောင်း သိရသည်။

"အုတ်ရှစ်ကုန်းရွာထိပ် ကားလမ်းဘေးမှာ အမျိုးသားတစ်ယောက်ရဲ့အလောင်းကို မနက်စောစော အထည်ချုပ် စက်ရုံသွားတဲ့ ကောင်မလေးတွေ အရင်ဆုံးတွေ့တာဗျ။ လက်ပြန်ကြိုးတုတ်ပြီး ခေါင်းကိုတုတ်နဲ့ရိုက်သတ်ပြီးမှ လာစွန့်ထားတဲ့ပုံစံပဲ။ အသတ်ခံရသူက ကျွန်တော်တို့ ရွာနီးချုပ်စပ်ကတော့ မဟုတ်ပါဘူး"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

ယခင်ကတော့ ပြည်သူများအား PDFဟုဆိုကာ လူသွားလူလာများသည့် လမ်းများ၌ သတ်ဖြတ် အလောင်းစွန့်ခြင်းများကို အနက်ရောင်သေမင်းတမာန် အမည်ခံ စစ်ကောင်စီတပ်သားများမှ လုပ်ဆောင် သတင်းထုတ်ပြန်လေ့ရှိပြီး ယခုဖြစ်စဥ်ကိုတော့ သတင်းထုတ်ပြန်ခြင်း မတွေ့ရသေး၍ Tharyarwaddy 8 City သတင်းဌာနအနေနဲ့ ဆက်လက်စုံစမ်းနေပါသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

24/01/2025

အုတ်ဖိုတွင် ပေါ်တာဆွဲ ဖမ်းဆီးထားသော လူငယ်တစ်ဦးမှ စစ်သားများ၏ ဖုန်း၁၀လုံးနှင့် ငွေကျပ်၈သိန်း ယူဆောင်ထွက်ပြေး

23/01/2025

"ဂုံညင်းတန်းက သိန်းအောင်မြင့် ခေါင်းဆောင်တဲ့ ပျူတွေနဲ့ စစ်သားတွေ မြို့မရပ်ကွက်ကို ဝင်စီးပြီး ပေါ်တာဆွဲလို့ လူငယ်တွေ တိမ်းရှောင်နေရပါတယ်။ ၁၈ရက်နေ့ မနက်က ဒေါ်ငခူမရဲ့ သားနဲ့တူကို ခွေးရိုက်နွားရိုက် ရိုက်နှက်ပြီး ဖမ်းခေါ်သွားပါတယ်။ အဲ့ကလေးတွေ ခုဆို လမ်းတောင် ကောင်းကောင်း မလျှောက်နိုင်တော့ဘူး"ဟု အိုးသည်ကုန်းမြို့ခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ ပျူစောထီး သိန်းအောင်မြင့် ဦးဆောင်သည့် စစ်ကောင်စီတပ်မှ ၉တန်း ကျောင်းသား ၁ဦးကို ဖမ်းဆီး ငွေညှစ်ပြီး လူငယ်၂ဦးအား ရိုက်နှက်ဖမ်းဆီးပေါ်တာဆွဲ

Tharyarwaddy 8 City / ဇန်နဝါရီ၂၃၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက အုတ်ဖိုမြို့နယ်မှာ ပျူစောထီး သိန်းအောင်မြင့် ဦးဆောင်သည့် စစ်ကောင်စီတပ်မှ ၉တန်း ကျောင်းသား ၁ဦးကို ဖမ်းဆီး ငွေညှစ်ပြီး လူငယ်၂ဦးအား ရိုက်နှက်ဖမ်းဆီးပေါ်တာဆွဲခဲ့ကြောင်း သတင်းရရှိပါသည်။

အုတ်ဖိုမြို့နယ်၊ ဂုံညင်းတန်းကျေးရွာနေ ပျူစောထီး သိန်းအောင်မြင့် ဦးဆောင်သည့် စစ်ကောင်စီတပ်သားများသည် ဇန်နဝါရီလ ၁၈ရက်နေ့ နံနက် ၉နာရီ ၃၀မိနစ်အချိန်တွင် အိုးသည်ကုန်းမြို့၊ မြို့မရပ်ကွက်ကို ဝင်ရောက်စီးနင်း ပေါ်တာဆွဲတာကြောင့် လူငယ်များ ထွက်ပြေးခဲ့ရပြီး ဒေါ်ငခူမ၏ သားဖြစ်သူနှင့် တူဖြစ်သူတို့အား ရိုက်နှက်ဖမ်းဆီး၍ ခေါ်ဆောင်သွားကြောင်း သိရသည်။

"ဂုံညင်းတန်းက သိန်းအောင်မြင့် ခေါင်းဆောင်တဲ့ ပျူတွေနဲ့ စစ်သားတွေ မြို့မရပ်ကွက်ကို ဝင်စီးပြီး ပေါ်တာဆွဲလို့ လူငယ်တွေ တိမ်းရှောင်နေရပါတယ်။ ၁၈ရက်နေ့ မနက်က ဒေါ်ငခူမရဲ့ သားနဲ့တူကို ခွေးရိုက်နွားရိုက် ရိုက်နှက်ပြီး ဖမ်းခေါ်သွားပါတယ်။ အဲ့ကလေးတွေ ခုဆို လမ်းတောင် ကောင်းကောင်း မလျှောက်နိုင်တော့ဘူး"ဟု အိုးသည်ကုန်းမြို့ခံတစ်ဦးမှ Tharyarwaddy 8 City ကို ပြောပြပါသည်။

ထို့အပြင် ဇန်နဝါရီလ ၁၀ရက်နေ့ကလည်း ဂုံညင်းတန်းရွာ အထက်တန်းကျောင်းကို ကျောင်းလာတက်သည့် မင်းလှမြို့နယ်၊ လယ်ဦးစုကျေးရွာမှ ၉တန်းကျောင်းသား တစ်ဦးအား ပျူစောထီး သိန်းအောင်မြင့် ဦးဆောင်သည့် စစ်ကောင်စီတပ်သားများက ပေါ်တာဆွဲဖမ်းဆီးကာ ခြိမ်းခြောက်ငွေညှစ်တာကြောင့် သိန်း၄၀ပေးပြီး ရွေးထုတ်ခဲ့ရကြောင်း သိရသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

20/01/2025

"စစ်သားတွေရဲ့ ဖုန်းနဲ့ပိုက်ဆန်တွေ ယူပြေးသွားတဲ့ ကောင်လေးကို လိုက်ဖမ်းတာ ဖမ်းမမိတော့ သူ့အိမ်ကလူတွေကို စစ်တပ်က ဖမ်းဆီးထောင်ချမယ်လို့ ခြိမ်းခြောက်တယ်။ ခုဆို စစ်သားတွေဆီက ခိုးသွားသူရဲ့ပုံပြပြီး မြို့ပေါ်မှာ ပိုက်စိပ်တိုက်ရှာနေပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ အမျိုးသားတစ်ဦးအား စစ်ကောင်စီတပ်မှ ပေါ်တာဆွဲ ဖမ်းဆီးထားစဥ် စစ်ကောင်စီတပ်သားများ၏ မိုလ်ဘိုင်းဖုန်းများနှင့် ငွေကျပ်၈သိန်းကို ခိုးယူထွက်ပြေး​

Tharyarwaddy 8 City / ဇန်နဝါရီ၂၀၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ အမျိုးသားတစ်ဦးအား စစ်ကောင်စီတပ်မှ ပေါ်တာဆွဲ ဖမ်းဆီးထားစဥ် စစ်ကောင်စီတပ်သားများ၏ မိုလ်ဘိုင်းဖုန်းများနှင့် ငွေကျပ်၈သိန်းကို ခိုးယူထွက်ပြေး​သွားကြောင်း သတင်းရရှိပါသည်။

ပြီးခဲ့တဲ့ ဇန်နဝါရီလ ၁၂ရက်နေ့တွင် အုတ်ဖိုမြို့နယ် အထွေထွေအုပ်ချုပ်ရေးဦးစီးဌာန(ထွေအုပ်)ရုံး၌ ပေါ်တာဆွဲဖမ်းဆီးခံထားရသည့် အုတ်ဖိုမြို့၊ လျှပ်စစ်ရပ်ကွက်မှ အမျိုးသားတစ်ဦးသည် စစ်ကောင်စီတပ်သားများ၏ မိုလ်ဘိုင်းဖုန်းများနှင့် ငွေကျပ် ၈သိန်းအား ခိုးယူထွက်ပြေးသွားကြောင်း သိရသည်။

"ထွေအုပ်ရုံးထဲမှာ ပေါ်တာဆွဲခံထားရတဲ့ လျှပ်စစ်ရပ်ကွက်က ကောင်လေးက စစ်သားတွေရဲ့ ဖုန်းတွေနဲ့ ငွေသား ၈သိန်းကို သူတို့အလစ်မှာ ယူပြေးပါတယ်။ အဲ့ယူပြေးတဲ့ကောင်လေးက ခိုးမှုနဲ့ ရဲဖမ်း ခဏခဏ ခံနေရတာ"ဟု အုတ်ဖိုမြို့ခံတစ်ဦးမှ Tharyarwaddy 8 City ကို ပြောပြပါသည်။

အဆိုပါ စစ်ကောင်စီတပ်သားများ၏ မိုလ်ဘိုင်းဖုန်းများနှင့် ငွေကျပ် ၈သိန်းအား ခိုးယူထွက်ပြေးသွားသူအား ဖမ်းမမိတာကြောင့် ၄င်း၏မိသားစုအား စစ်ကောင်စီတပ်မှ ဖမ်းဆီးမည်ဟု ခြိမ်းခြောက်ပြောဆိုကြောင်း သိရသည်။

"စစ်သားတွေရဲ့ ဖုန်းနဲ့ပိုက်ဆန်တွေ ယူပြေးသွားတဲ့ ကောင်လေးကို လိုက်ဖမ်းတာ ဖမ်းမမိတော့ သူ့အိမ်ကလူတွေကို စစ်တပ်က ဖမ်းဆီးထောင်ချမယ်လို့ ခြိမ်းခြောက်တယ်။ ခုဆို စစ်သားတွေဆီက ခိုးသွားသူရဲ့ပုံပြပြီး မြို့ပေါ်မှာ ပိုက်စိပ်တိုက်ရှာနေပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

သတင်း - တက်တိုးအောင်
စာတည်း - ရာမန်

#အုတ်ဖိုမြို့နယ်

17/01/2025

"ဆည်ရွာက စောစီဖောဆိုတဲ့ ကရင်ကောင်လေးက ဆင်မြင့်ကို ငါးဝယ်သွားရင်း စစ်တပ်စစ်ကြောင်းနဲ့တိုးပြီး ပေါ်တာဆွဲခံလိုက်ရတယ်။ မီးချောင်းတင်က ကိုသန်းဇော်ကြတော့ ဆိုင်ကယ်စီးနေရင်း စစ်တပ်စစ်ကြောင်းနဲ့ ထိပ်တိုက်တိုးပြီး လူရောဆိုင်ကယ်ပါ ကားပေါ်တင် ဖမ်းခေါ်သွားတာ။ ကိုအနက်နဲ့ သူ့သားချစ်တိုးကိုတော့ အဲ့ရွာက အမျိုးသမီးနှစ်ယောက် ဒလန်လုပ်ပြီး သတင်းပေးလို့ ဖမ်းခေါ်သွားတာ"ဟု ချောင်းဂေါင်းအုပ်စုက ဒေသခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ စစ်ကောင်စီတပ် စစ်ကြောင်းမှ ရွာတွေထဲဝင်ရောက်ပြီး ဒေသခံ အမျိုးသား ၄ဦးအား ပေါ်တာဆွဲ၍ ဖမ်းဆီးခေါ်ဆောင်သွား

Tharyarwaddy 8 City / ဇန်နဝါရီ၁၇၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ စစ်ကောင်စီတပ် စစ်ကြောင်းမှ ရွာတွေထဲ ဝင်ရောက်ပြီး ဒေသခံ အမျိုးသား ၄ဦးအား ပေါ်တာဆွဲ၍ ဖမ်းဆီးခေါ်ဆောင်သွားကြောင်း သတင်းရရှိပါသည်။

ဇန်နဝါရီလ ၁၇ရက် ယနေ့နံနက် ၅နာရီခန့်အချိန်တွင် အုတ်ဖိုမြို့နယ်၊ ချောင်းဂေါင်းအုပ်စုအတွင်းရှိ ဆယ်ရွာမှ ကိုစောစီဖော၊ မီးချောင်းတင်ရွာမှ ကိုသန်းဇော်၊ ဆင်မြင့်ရွာမှ ကိုအနက်(ခ)တင်စမ်းနှင့် ၄င်း၏သားဖြစ်သူ ကိုချစ်တိုး(ခ)ဆောင်းဦးလွင် တို့အား စစ်ကောင်စီတပ် စစ်ကြောင်းမှ ဖမ်းဆီးခေါ်ဆောင်သွားကြောင်း သိရသည်။

"ဆည်ရွာက စောစီဖောဆိုတဲ့ ကရင်ကောင်လေးက ဆင်မြင့်ကို ငါးဝယ်သွားရင်း စစ်တပ်စစ်ကြောင်းနဲ့တိုးပြီး ပေါ်တာဆွဲခံလိုက်ရတယ်။ မီးချောင်းတင်က ကိုသန်းဇော်ကြတော့ ဆိုင်ကယ်စီးနေရင်း စစ်တပ်စစ်ကြောင်းနဲ့ ထိပ်တိုက်တိုးပြီး လူရောဆိုင်ကယ်ပါ ကားပေါ်တင် ဖမ်းခေါ်သွားတာ။ ကိုအနက်နဲ့ သူ့သားချစ်တိုးကိုတော့ အဲ့ရွာက အမျိုးသမီးနှစ်ယောက် ဒလန်လုပ်ပြီး သတင်းပေးလို့ ဖမ်းခေါ်သွားတာ"ဟု ချောင်းဂေါင်းအုပ်စုက ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ပြီးခဲ့တဲ့ ဇန်နဝါရီလ ၁၁ရက်နေ့ကလည်း ဝိုင်းကျေးရွာမှ လူငယ်၅ဦးအား စစ်ကောင်စီတပ်မှ ပေါ်တာဆွဲ ဖမ်းဆီးခဲ့ကြောင်း၊ ထို့အပြင် အိုးသည်ကုန်းမြို့၊ ပြည်တော်သာရပ်ကွက်မှ မြင့်ဌေးနှင့် ၄င်း၏သမီး နှင်းနွယ်မိုး တို့မှ စစ်တပ်ခေါ် ပေါ်တာဆွဲခိုင်းနေတာကြောင့် ဒေသခံလူငယ်တွေ တိမ်းရှောင်နေရကြောင်း သိရသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

12/01/2025

မနက်ဖြန်တွင်လည်း အလယ်ကုန်းအုပ်စု၊ တင်းကုတ်ကြီးအုပ်စု၊ မြောင်အုပ်စု၊ သရက်နှစ်ဖျားလိန်အုပ်စုနှင့် သဖန်းပင်ဆိပ်အုပ်စု အတွင်းရှိ ကျေးရွာများကို စစ်ကောင်စီတပ်မှ ဝင်ရောက်ပေါ်တာဆွဲမည်ဟု စုံစမ်းသိရှိရပြီး
တော်လှန်တပ်ဖွဲ့များမှလည်း ပြင်းပြင်းထန်ထန် တိုက်ခိုက်သွားမည်ဖြစ်ပါ၍ စစ်ကောင်စီတပ်ဖွဲ့ဝင်များနဲ့ ဝေးဝေးနေကြဖို့ Tharyarwaddy 8 City မှတဆင့် ပြည်သူများကို အသိပေးထားပါသည်။

အုတ်ဖိုမှာ စစ်တပ်နဲ့ ပျူစောထီးတွေ နေအိမ်ပေါ်တက်ကာ ဝင်ရောက်ပေါ်တာဆွဲနေတာကြောင့် ရွာလုံးကျွတ်ထွက်ပြေး တိမ်းရှောင်နေရပြီး လူငယ်၁၁ဦး ထက်မနည်း ဖမ်းဆီးခံရ

Tharyarwaddy 8 City / ဇန်နဝါရီ၁၂၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ စစ်တပ်နဲ့ ပျူစောထီးတွေ နေအိမ်ပေါ်တက်ကာ ဝင်ရောက်ပေါ်တာဆွဲနေတာကြောင့် ရွာလုံးကျွတ် ထွက်ပြေးတိမ်းရှောင်နေရပြီး လူငယ်၁၁ဦး ထက်မနည်း ဖမ်းဆီးခံလိုက်ရကြောင်း သတင်းရရှိပါသည်။

ဇန်နဝါရီလ ၁၂ရက် ယနေ့နံနက် ၇နာရီခန့်အချိန်တွင် အုတ်ဖိုမြို့နယ်၊ အလယ်ကုန်းအုပ်စုအတွင်းရှိ တင်းကုတ်စုရွာ၊ အလယ်ကုန်းရွာ၊ အလယ်ကုန်း(တောင်)ရွာတို့မှ အမျိုးသားများအား စစ်ကောင်စီတပ်နှင့် ပျူစောထီးများမှ ဆိုင်ကယ် အစီး၂၀ကျော် အပါအဝင် ကားများဖြင့် လာရောက်ပေါ်တာဆွဲ ဖမ်းဆီးတာကြောင့် ရွာလုံးကျွတ် ထွက်ပြေးနေရကြောင်း သိရသည်။

ထိုသို့ပေါ်တာဆွဲရာတွင် တင်းကုတ်စုရွာမှ ကိုမျိုးမင်းဇော်၊ ကိုပြည့်စုံ၊ ကိုမိုးဒီ၊ ကိုအေးမင်း၊ ကိုအေး၊ ကိုစိုးမိုးအောင်၊ ကိုခေါလေး၊ ကိုဇော်ဝင်း အပါအဝင် စုစုပေါင်း လူငယ်၁၁ဦး ဖမ်းဆီးခံလိုက်ရပြီး အုတ်ဖိုမြို့နယ်အထွေထွေအုပ်ချုပ်ရေးဦးစီးဌာန(ထွေအုပ်)ရုံးကို ဖမ်းခေါ်သွားကြောင်း၊ အလယ်ကုန်းရွာနှင့် အလယ်ကုန်း(တောင်)ရွာတို့မှ လူငယ်များ ဖမ်းဆီးခံရခြင်း ရှိမရှိကို မိမိတို့ Tharyarwaddy 8 City သတင်းဌာနအနေဖြင့် ဆက်လက် စုံစမ်းအတည်ပြုနေပါသည်။

"ပျူတွေရယ် စစ်သားနဲ့ရဲတွေ အပါအဝင်
အင်အား ၄၀လောက်က ဆိုင်ကယ်တွေနဲ့ဝင်ချလာပြီး နေအိမ်ပေါ်တက် ပေါ်တာဆွဲတာပါ။ အမျိုးသားဆို ကျောင်းသားကစ အဖိုးကြီးတွေပါမချန် ဖမ်းခေါ်တာမို့ ခုထိရွာမပြန်ရဲပါဘူး။ မနက်ဖြန်လည်း ပေါ်တာထပ်လာဆွဲမယ်ကြားလို့ အမျိုးသမီး ခပ်ငယ်ငယ်တွေပါ တိမ်းရှောင်နေကြရပါတယ်"ဟု အလယ်ကုန်းအုပ်စုမှ ဒေသခံတစ်ဦးက Tharyarwaddy 8 City ကို ပြောပြပါသည်။

ဇန်နဝါရီလ ၁၃ရက် မနက်ဖြန်တွင်လည်း အလယ်ကုန်းအုပ်စု၊ တင်းကုတ်ကြီးအုပ်စု၊ မြောင်အုပ်စု၊ သရက်နှစ်ဖျားလိန်အုပ်စုနှင့် သဖန်းပင်ဆိပ်အုပ်စု အတွင်းရှိ ကျေးရွာများကို စစ်ကောင်စီတပ်မှ ဝင်ရောက်ပေါ်တာဆွဲမည်ဟု စုံစမ်းသိရှိရပြီး တော်လှန်တပ်ဖွဲ့များမှလည်း ပြင်းပြင်းထန်ထန် တိုက်ခိုက်သွားမည်ဖြစ်ပါ၍ စစ်ကောင်စီတပ်ဖွဲ့ဝင်များနဲ့ ဝေးဝေးနေကြဖို့ Tharyarwaddy 8 City မှတဆင့် ပြည်သူများကို အသိပေးထားပါသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်

10/01/2025

"အုပ်ကြီး ဝင်းအောင်နဲ့ ရာအိမ်မှူး ရွှေစင်တို့ ဦးဆောင်တဲ့ စစ်သားတွေက တောင်ကုန်းရွာက အိမ်တွေထဲဝင်ပြီး ပေါ်တာဆွဲနေလို့ ရွာကလူတွေ တိမ်းရှောင်နေရတာ နှစ်ရက်ရှိပြီ။ ညကတော့ လာလာချင်း တယောက်ဖမ်းမိတာ
ပြန်ခါနီးမှ အသက်ကြီးလို့ဆိုပြီး စစ်သားတွေ ဖမ်းမခေါ်သွားဘဲ ထားခဲ့တယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အုတ်ဖိုမှာ စစ်မှုထမ်းထောက်ပံ့ကြေး လစဥ်မပေးတဲ့ အိမ်တွေကို အုပ်ချုပ်ရေးမှူးနဲ့ ရာအိမ်မှူးက စစ်တပ်ခေါ်ပြီး နေအိမ်ထဲ ဝင်ဖမ်းခိုင်းလို့ လူငယ်တွေ ထွက်ပြေးနေရ

Tharyarwaddy 8 City / ဇန်နဝါရီ၁၀၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်မှာ စစ်မှုထမ်းထောက်ပံ့ကြေး လစဥ်မပေးတဲ့ အိမ်တွေကို အုပ်ချုပ်ရေးမှူးနဲ့ ရာအိမ်မှူးက စစ်တပ်ခေါ်ပြီး နေအိမ်ထဲ ဝင်ဖမ်းခိုင်းလို့ လူငယ်တွေ ထွက်ပြေးနေရကြောင်း သတင်းရရှိပါသည်။

အုတ်ဖိုမြို့နယ်၊ တောင်ကုန်းကျေးရွာအုပ်စု အုပ်ချုပ်ရေးမှူး ဝင်းအောင်၊ ၄င်း၏ဇနီး မြင့်မြင့်စမ်း နှင့် ထောက်ကြန့်ကွင်းရွာ ရာအိမ်မှူး ရွှေစင်တို့မှ ဒေသခံပြည်သူများအား စစ်မှုထမ်းထောက်ပံ့ကြေးဟုဆိုကာ တစ်အိမ်လျှင် သုံးသောင်းငါးထောင်ကျပ် လစဥ်ကောက်ခံနေကြောင်း၊ ၄င်းတို့ကောက်ခံသည့် ငွေမပေးတဲ့ အိမ်တွေကို ဇန်နဝါရီလ ၈ရက်နေ့နှင့် ၉ရက်နေ့ ညပိုင်းတွင် စစ်ကောင်စီတပ်ခေါ်ကာ ဖမ်းဆီးခိုင်းတာကြောင့် လူငယ်များ တိမ်းရှောင်နေရ​ကြောင်း သိရသည်။

"အုပ်ကြီး ဝင်းအောင်နဲ့ ရာအိမ်မှူး ရွှေစင်တို့ ဦးဆောင်တဲ့ စစ်သားတွေက တောင်ကုန်းရွာက အိမ်တွေထဲဝင်ပြီး ပေါ်တာဆွဲနေလို့ ရွာကလူတွေ တိမ်းရှောင်နေရတာ နှစ်ရက်ရှိပြီ။ ညကတော့ လာလာချင်း တယောက်ဖမ်းမိတာ
ပြန်ခါနီးမှ အသက်ကြီးလို့ဆိုပြီး စစ်သားတွေ ဖမ်းမခေါ်သွားဘဲ ထားခဲ့တယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

အလားတူ ငါးရှဉ့်ရိုးအုပ်စု၊ ဂုံညင်းတန်းကျေးရွာတွင်လည်း ဒေသခံပြည်သူများအား စစ်မှုထမ်းထောက်ပံ့ကြေးဟုဆိုကာ အုပ်ချုပ်ရေးမှူးနှင့် ရာအိမ်မှူးမှ လစဥ်ကောက်ခံနေပြီး စစ်မှုထမ်းထောက်ပံ့ကြေးမပေးတဲ့ အိမ်တွေကို စစ်တပ်ခေါ် ဖမ်းဆီးခိုင်းတာကြောင့် လူငယ်များ တိမ်းရှောင်နေရ​ကြောင်း သိရသည်။

သတင်း - တက်တိုးအောင်
စာတည်း - ဂန္တဝင်နွေဦး

#အုတ်ဖိုမြို့နယ်