06/11/2024
ပညာ ဆိုတာ ဘာလဲ?
_____________________________
တစ်ခါတုန်းက တက္ကသိုလ်က ဘွဲ့ရပြီး
ပြန်လာတဲ့ တက္ကသိုလ် ကျောင်းတော်သား
ကြီး တစ်ယောက်ဟာ သူ့မိဘများ ရှိရာ
ရွာကိုပြန်တော့ လမ်းမှာ မြစ်တစ်ခုကို
သမ္ဗန်နှင့် ကူးရတယ်တဲ့။ အဲဒီလို မြစ်ပြင်
ကျယ်ကြီးကို သမ္ဗန်နှင့် ကူးခတ်နေတုန်း
မပျ င်းအောင် သမ္ဗန် ခတ်တဲ့ အဘိုးအိုဘက်
ကို မျက်နှာမူပြီး သူကစကားပြောတယ် ။
တက္ကသိုလ်က ဘွဲ့ရလာတယ်ဆိုတော့
ပညာတတ် မာန်ကလေးကလည်း သူ့မှာ
ဝင်လာတယ်။ ပြီးတော့ အဘိုးအို အခုလို
ပင်ပင်ပန်းပန်း တစ်နေကုန် သမ္ဗန် ခတ်ပြီး
အသက်မွေးဝမ်းကျောင်းရတာဟာလည်း
ပညာ မတတ်လို့ဘဲ ဖြစ်မယ်လို့
စဉ်းစားတာလည်းတစ်ကြောင်း သူ့ကိုယ်သူ
ပညာတတ်ဘွဲ့ရတစ်ယောက် ဖြစ်ကြောင်း
ကြွားချင်တာလည်း တစ်ကြောင်းနှင့်
သူက စမေးတယ်။
ဆရာကြီး သမ္ဗန် ခတ်တာ ပင်ပန်းမှာပေါ့နော
ပင်ပန်းတာပ ငါ့တူရာ
တခြားအလုပ်ကို မလုပ်စားဘဲ ဘာဖြစ်လို့
ဒီအလုပ်ကို လုပ်စားတာလဲ အဘ
တခြား အလုပ်ကို လုပ်စားရအောင်
အဘမှာက ငွေကြေး ဥစ္စာ အရင်းအနှီး
ကလည်း မရှိ ပညာကလည်း မရှိဘဲကိုး
ဒါဖြင့် အဘ လုံးလုံး စာမတတ်ဘူးလား
သေစာ ရှင်စာလောက်ကလေးပဲ
တတ်ပါတယ် ငါ့တူရာ
ဒါဖြင့် အဘ အတွက်အချက်ကော
တတ်ရဲ့လား
စျေးတွက် မိန်းမတွက်လောက်တော့
တတ်ပါရဲ့
ဘာဖြစ်လို့လဲ အဘ ငယ်ငယ်က ကျောင်း
မေနခဲ့ရလို့လား
ဘယ်နေရပါ့မလဲ မောင်ရာ အဘတို့
ခေတ်က ကျွန်ခေတ်ဆိုတော့ ငွေမရှိရင်
စာ မသင်နိုင်ဘူးကွယ် ဒါတောင် အဘက
ဆရာဦးကြွက်နီဆီမှာ စီအေတီ ကက်ကို
တစ်နွေလောက် သင့်ခဲ့သေးတာ ခုတော့
ဒါတွေလည်း မရှိတော့ပါဘူး ကျောင်းကို
ပြန်ကြွသွားကြပြီ
သြော် ဒါကြောင့် အဘ သမ္ဗန်ခတ်စားရတာ
ကိုးးးးး
ဟုတ်ပ မောင်ရာ အဘတို့မှာ ပညာပါရမီ
မရှိလေတော့ လက်ရုံးအားကိုး လုပ်စား
နေရတာပဲလေ ဒါထက် နေပါဦး ငါ့တူက
ရေကူးတတ်ရဲ့လား
မတတ်ဘူး အဘ ကျွန်တော်က ခုမှ
တက္ကသိုလ်က ဘွဲ့ရပြီး ပြန်လာတာ
ကျွန်တော် ရေကူးတာလည်း ဝါသနာ
မပါဘူး ခင်ဗျ
ဟေ ဒါဆို မင်းတော့ သေတော့မှာပဲ
ဟိုမှာ ကြည့်စမ်း ရာဟုထောင့်က
လေ ဆင်လာပြီ ဒီလေဟာ တော်တော်
ကြောက်စရာ ကောင်းတဲ့ လေပဲငါ့တူ
အဘိုးအိုရဲ့ စကားဆုံးမှာ ဘွဲ့ရ ဆိုတဲ့
လူဟာ မျက်ပြုးဆန်ပျာ ဖြစ်ပြီး ဘာလုပ်လို့
လုပ်ရမှန်း မသိ ခြေ မကိုင်မိ လက် မကိုင်မိနှင့် ထိတ်လန့်ပြီး ဗျာပါဒ
များနေတော့တယ် ။
ဒီတော့ ပညာ ဆိုတာ ဘာလဲ ဆိုတဲ့
မေးခွန်းကို မေးစရာ ဖြစ်လာပါတယ် ။
ဘဝ ရွှေတောင်တက် ခရီးမှာ
ဆင်ကန်းတောတိုး အဖြစ်မျိုး မရောက်ဖို့
ပညာ ဆိုတဲ့ မျက်စိ အလင်းနှင့် တူတဲ့အရာ
လိုပါတယ် ။
လောကမှာ တက္ကသိုလ် ကျောင်းကြီးတွေက
သင်ကြားပေးလိုက်တဲ့ ဘီအေ အမ်အေ
အောင်ခြင်း ဆိုတာတွေဟာ လူသား
တစ်ယောက် ဘဝခရီးမှာ ရင်ဆိုင်
ကြုံလာမယ့် အခက်အခဲတွေ ဘေးရန်
အန္တရာယ်တွေကို ဖြေရှင်းဖို့ အတွက်ပဲဖြစ်ဖြစ်
တစ်ဝမ်းတစ်ခါး ဝရုံမျှမကဘဲ ဘဝရဲ့
ကြီးပွား တိုးတက်ကြောင်း ဖြစ်တဲ့
အသက်မွေးမှု ကိစ္စအဝဝကို ဖြေရှင်းရေး
အတွက်ပဲဖြစ်ဖြစ် လုံလောက်ပြီလို့
မယူဆသင့်ပါဘူး။
ပြောခဲ့တဲ့ သမ္ဗန်ခတ် အဘိုးအိုနှင့်
တက္ကသိုလ် ဘွဲ့ရတို့ရဲ့ ပုံပြင်ကလေးမှာ
ပညာဆိုတာ တက္ကသိုလ်က ပေးလိုက်တဲ့
ဘွဲ့ မဟုတ်ဘူး ဘဝအရေးအခင်း
အကျပ်အတည်းက လွတ်မြောက်အောင်
ထွက်ပေါက် ရှာပေးနိုင်တဲ့ အရည်အချင်း
ကိုသာ ပညာလို့ ခေါ်တာ
သဘော ပေါက်ပါလိမ့်မယ်ဗျာ။
ပညာဆိုရာမှာလည်း တစ်စုံတစ်ခု
အသက် မွေးမှုနှင့် စပ်ဆိုင်တဲ့ ပညာလည်း
ရှိပါတယ်။ လောက သဘာဝရဲ့ လျှို့ဝှက်
နက်နဲ့တဲ့ တရားတွေကို ထိုးထွင်း သိမြင်တဲ့
ပညာလည်းရှိပါတယ်။ အသက်မွေးမှု
ပညာမျိုးကိုတော့ လူတွေက အတတ်ပညာ
လို့ ခေါ်ကြပါတယ်။ လောကကို ထိုးထွင်း
သိမြင်တဲ့ ပညာကိုတော့ အသိပညာ
( ဥာဏ်ပညာ ) လို့လည်း ခေါ်ကြပါတယ် ။
အလိမ္မာ ပညာလို့လည်း ခေါ်ကြပါတယ်။
အချူပ်အားဖြင့် ပြောရရင်
ပညာရှိ တွေးရင် ပြေးကြည့်တာထက်
မှန်တယ် ဆိုတဲ့ ရှေးလူကြီးများ စကားဟာ
အနာဂတ်ကို ကြိုတင် သိခြင်း ဆိုတဲ့
ပညာဥာဏ် သဘောကို ဆိုခြင်းပဲ
ဖြစ်ပါတယ် ။
______________________
အကျယ်လေ့လာချင်ပါက
တက္ကသိုလ်ဦးဆန်းလွင်
ရွှေတောင်တက် ဒဿန
လူငယ်များအတွက်
ဘဝ တိုးတက်ရေးအတွက်
အတွေးအမြင် စာအုပ်
နှာ ၂၃၉ ၂၄၀ ၂၄၁ သို့
_______________________ဒါ့ကြောင့်-
ဘယ်အရာပဲလုပ်လုပ်
စနစ်တကျ လုပ်ပါ
________________________________
ဘယ်အလုပ်ဘဲ ဖြစ်ဖြစ်
စနစ်တကျ မလုပ်ခဲ့ရင် အောင်မြင်မှုကို
မရနိုင်ပါဘူး ။
လူတိုင်း လူတိုင်းဟာ အလုပ်တစ်ခုခုကိုတော့ လုပ်ကြရတာပါပဲ ။
ဒါပေမယ့်
ဘာကြောင့် မအောင်မြင်ကြတာလဲ
လူတိုင်း လူတိုင်း အလုပ် လုပ်တဲ့နည်းစနစ်
မတူရင် ရရှိလာတဲ့ အကျိုးကျေးဇူးဟာလည်း ဘယ်လိုနည်းနဲ့မှ
တူလာနိုင်မှာ မဟုတ်ပါဘူး ။
ပညာသင်ယူနေကြတဲ့ သူတွေထဲမှာ
ဥာဏ်ကောင်းတဲ့သူ ထူးချွန်ထက်မြက်တဲ့
သူတွေ အများကြီးရှိပါတယ် ။
ထို့အတူ
သူများထက် ဥာဏ်ရည်မကျ တောင်မှ
မှန်တမ်းလောက်သာ လိုက်နိုင်တဲ့သူတွေလည်း ရှိပါတယ် ။
ဒါပေမယ့်
အသက်အရွယ်ရလာတဲ့အခါမှာ
ဘယ်လိုလူတွေက ကြီးပွားကြပါသလဲ ။
ဘယ်လိုလူတွေက အောင်မြင်မှုပန်းတိုင်ကို
လှမ်းကိုင်နိုင်ပါသလဲ ။
အဓိကတော့
ဥာဏ်ရည်ထက်ပိုပြီး အရေးကြီးတဲ့
နည်းစနစ်က စကားပြောပါတယ်။
အလုပ်ကို နည်းစနစ် မှန်မှန်ကန်ကန်နဲ့
ပြီးဆုံးသည့်အထိ တည်ကြည်စွာ
လုပ်သွားတဲ့သူဟာ ကြီးပွားတိုးတက်
သွားတာပါပဲ။
Credit
Min Kyi Nyo
Myanmar knowledge guide မှ ကူးယူသည်
