https://www.facebook.com/102948254659736/

မႏၲလာ ၾဆာစည္း, Mandalay (2024)

08/07/2022

သတင္းထုတ္ျပန္ခ်က္ လူ႔အခြင့္အေရးေကာင္စီ၏မူဝါဒမ်ားကို ေကာင္စီ ကိုယ္တိုင္လိုက္နာရန္ပ်က္ကြက္

07/07/2022

တပ္မေတာ္မွ ႏိုင္ငံေတာ္သို႔ ၂၇၈၉ ဒသမ ၂၅ ကာရက္ရိွပတၲျမားႀကီး လႉဒါန္းျခင္း အခမ္းအနားက်င္းပ
ေနျပည္ေတာ္၊ ဇူလိုင္ - ၇

03/07/2022

ဥကရစ္ထနယ္ေျမအတြင္း အၾကမ္းဖက္သမားမ်ား ခိုေအာင္းအေျခခ်ေနထိုင္မႈမရိွေစ ေရးအတြက္ တပ္မေတာ္စစ္ေၾကာင္းမ်ားက လိုအပ္သၫ့္လံုၿခံဳေရးလုပ္ငန္းမ်ား ဆက္လက္ေဆာင္ရြက္
ေနျပည္ေတာ္၊ ဇူလိုင္ ၃

01/07/2022

ကရင္ျပည္နယ္၊ ျမဝတီၿမိဳ႔နယ္၊ ဥကရစ္ထေက်းရြာအနီးရိွ စစ္ဗ်ူဟာအေရးႀကီး ေနရာတစ္ခုအား တပ္မေတာ္စစ္ေၾကာင္းမ်ားက ေအာင္ျမင္စြာ သိမ္းပိုက္ရရိွ
ေနျပည္ေတာ္ ဇူလိုင္လ - ၁

25/02/2022

ပူတင် ဘာကြောင့် စစ်ထွက်တိုက်ရတာလဲ
=========================

တချို့ကတော့ ပူတင်ကို စစ်ပွဲကြီးဖန်တီးသူလို့ တံဆိပ်ကပ်ကြတယ်။ မြန်မာလိုဆိုရင်တော့ အရင် ဆရာတော် ဝီရသူပုံစံမျိုးပဲ။ ဖြစ်လာမယ်ဆိုတာ ကြိုသိရက်နဲ့ မကာကွယ်နိုင်ဘူးဆိုရင် ပူတင်ဆိုတာ ခုလိုသမ္မတနေရာကို ဆယ်စုနှစ်ကြာထိတိုင်အောင် နှစ်ရှည်လများ ရယူနိုင်သူတောင်ဖြစ်လာမှာမဟုတ်ဘူး။

ဒုတိယကမ္ဘာစစ်ပြီးဆုံးသွားတဲ့အချိန်မှာ စစ်ဒဏ်မခံရတဲ့ ပွကြီးက ကမ္ဘာကြီးကို အုပ်စိုးဖို့ အစီအမံ တွေကြိုချလာခဲ့တယ်။ စစ်ဒဏ်ခံရတဲ့ ဥရောပ နိုင်ငံတွေကို အကူအညီပေးသလိုနဲ့ သူ့ရဲ့ ဩဇာထဲ ရောက်အောင် စည်းရုံးသိမ်းသွင်းခဲ့တယ်။ ကုန်းမြေအကြီးဆုံးဖြစ်တဲ့ ဆိုဗီယက်ကို ပတ်ပတ်လည် ထိန်းချုပ်ဖို့ မြောက်အမေရိကတိုက်နဲ့ ဥရောပ တိုက်သားတွေပါတဲ့ North Atlantic Treaty Organization (NATO)ဆိုတဲ့အဖွဲ့ကိုဖွဲ့ပြီးတော့ ထိန်းချုပ်ဖို့ ကြိုးစား တယ်။ ဒီခြေလှမ်းကို မြင်တဲ့ ရုရှားကလည်း ဝါဆောစာချုပ်ကို ချုပ်ပြီး အနောက်အုပ်စုကိုထိန်းဖို့ ပြန်ကြိုးစားတယ်။

အနောက်နိုင်ငံတွေရဲ့ထုံးစံအတိုင်း ဂိုဘားချော့ သမ္မတဖြစ်ချိန်မှာ နိုဗယ်ဆုပေးပြီး ဆိုရှယ်လစ် နိုင်ငံကို ဒီမိုကရေစီစနစ်နဲ့ အားပြိုင်ခိုင်းလိုက်တယ်။ အကျိုးဆက်ကတော့ ဆိုဗီယက်ဆိုတဲ့ နိုင်ငံကြီးဟာ ၉၁ ခုနှစ်အရောက်မှာပဲ နိုင်ငံ ၁၅ နိုင်ငံ ကွဲထွက်ခြင်းအကျိုးဆက်ကို ခံစားလိုက်ရတယ်။

ကမ္ဘာ့ကုန်းမြေအကြီးဆုံး ဖြစ်တဲ့ ရုရှားရဲ့ အနောက်ဘက် ပင်လယ်ထွက်ပေါက်ဆိုလို့ ပီတာစဘက်မြို့ရဲ့ အနောက်ဘက်က ဘော်တစ်ပင်လယ်ရယ်၊ အနောက်တောင်ဘက်မှာ ယူကရိန်းနဲ့ထိစပ်နေတဲ့ ပင်လယ်နက်ရယ်ပဲ ရှိတယ်။ ဒါကို သိတဲ့ နေတိုးအဖွဲ့တွေဟာ ရုရှားရဲ့ ပင်လယ်ထွက်ပေါက်ကို ပိတ်နိုင်ဖို့ ၊ တနည်းအားဖြင့် ဂျော်ဂျီယာပိုင်ဖြစ်တဲ့ ကော့ကေစပ်တောင်တန်းတွေကနေ ရုရှားကို ထိန်းချုပ်နိုင်ဖို့ ကြိုးစားလာခဲ့ကြတယ်။ ဒီအရေးကို ကြိုမြင်တဲ့ ရုရှားဟာ ၂၀၀၈ ခုနှစ်မှာ ဂျော်ဂျီယာနဲ့ ၅ ရက်ကြာ စစ်ပွဲဖြစ်ပွားခဲ့တယ်။ အကျိုးဆက်ကတော့ ကော့ကေစပ်တောင်တန်းတွေပါတဲ့ ဂျော်ဂျီယာပိုင် ဒေသနှစ်ခုဟာ ရုရှားလက်အောက်ကို ရောက်သွားခဲ့တယ်။

ပထမအကြံအစည်မအောင်မြင်တဲ့ နေတိုးအဖွဲ့က ဒုတိယအကြိမ်အဖြစ်နဲ့ ယူကရိန်းကို သူတို့အဖွဲ့အစည်းထဲ ဝင်နိုင်ဖို့ နည်းမျိုးစုံသုံးပြီး သိမ်းသွင်းခဲ့လာခဲ့ကြတယ်။ ဒါဟာ တနည်းအားဖြင့် အိမ်နီးချင်းနဲ့ မိတ်ဆွေကို ရွေးချယ်ခိုင်းခဲ့တဲ့ နောက်ဆုံးနည်းလမ်းပဲ။ ဘာဖြစ်လို့လဲဆိုတော့ ပထဝီအနေအထားအရ ယူကရိန်းဟာ ဥရောပနဲ့ ရုရှားကြားမှာ ကြားခံ Buffer အနေနဲ့ ကျန်ရှိနေတဲ့ တစ်ခုတည်းသော နိုင်ငံဖြစ်နေလို့ပဲ။ နေတိုးအဖွဲ့က ဘာကြောင့် ယူကရိန်းကို သူတို့အဖွဲ့အစည်းထဲ ဝင်စေချင်သလဲလို့မေးရင် ယူကရိန်းအနေနဲ့ EU ထဲ ဝင်လိုက်တာနဲ့ မဟာမိတ်ဖြစ်တဲ့ ယူကရိန်းနိုင်ငံထဲကနေ ရုရှားနယ်စပ်ခြံစည်းရိုးတစ်လျှောက်မှာ ဒုံးပျံတွေ ချထားလိုက်ရုံနဲ့ မော်စကိုဟာ ခြေချုပ်ပြီးသားဖြစ်သွားမှာဖြစ်တယ်။ နောက်တလမ်းက စဉ်းစားရင်လည်း ပင်လယ်နက်ကနေ ခရိုင်းမီးယားကျွန်းဆွယ်ကိုဖြတ်ပြီး နေတိုးအဖွဲ့တွေရဲ့ လက်နက်ခဲယမ်း သယ်ယူပို့ဆောင်မှုဟာ ပူတင်စိုးရိမ်နေတဲ့ သူ့နိုင်ငံရဲ့ အချုပ်အခြာအာဏာကို တိုက်ရိုက်ထိပါးစေနေမှာလည်းဖြစ်တယ်။

ဒီအချက်တွေကို ကြိုမြင်တဲ့ ပူတင်က ၂၀၁၄ ခုနှစ်မှာ ခရိုင်းမီးယားကျွန်းဆွယ်ကို တက်သိမ်းလိုက်တယ်။ စစ်ပွဲဟာ ၁ လ လောက်ကြာခဲ့ပြီး ယူကရိန်းမှာလည်း Colour Revolution ဆိုတဲ့ ကြီးကျယ်တဲ့ ဆန္ဒပြမှု အဓိကရုဏ်းတွေဖြစ်ခဲ့တယ်။ ဆိုလိုချင်တာက ဒီအကြောင်းတရားတွေရဲ့ အခြေခံလိုလားချက်က ရုရှားရဲ့ ပင်လယ်ထွက်ပေါက်ကို ပိတ်နိုင်ဖို့ အနောက်ဥရောပ နိုင်ငံတွေရဲ့ ကြိုးပမ်းမှုမှာ ယူကရိန်းနိုင်ငံပိုင်ဖြစ်တဲ့ ခရိုင်းမီးယားဒေသက ကြားထဲက မြေဇာပင်ဖြစ်ရတယ်ဆိုတဲ့ အချက်ကို သင်ခန်းစာဖော်ထုတ်တတ်ကြဖို့လိုတယ်။

နောက်ဆုံး တချက်ကတော့ တနေ့ကမှ ကျင်းပလို့ ပြီးသွားတဲ့ တရုတ်ရဲ့ ဆောင်းရာသီ အိုလစ်ပစ်ပြိုင်ပွဲကို ပူတင်တက်ရောက်ခဲ့တာပါပဲ။ ကြည့်ရတာ ဒီလို စစ်ပွဲတွေဖြစ်လာခဲ့ရင်အနောက်နိုင်ငံတွေရဲ့ ဆန်ရှင်က အကျိုးသက်ရောက်မှု ရှိမှာကို သိတဲ့ ပူတင်ဟာ တရုတ်ဆီမှာ စီးပွားရေးအရ တချို့ကိစ္စတွေ သဘောတူညီမှု အကြိုလာယူခဲ့တာလားဆိုတဲ့ မေးခွန်းတွေကို ဖြေပြီးသားဖြစ်နေသလိုပါပဲ။

စာပြန်ချုပ်ရရင် ဒီကနေ့ဖြစ်နေတဲ့ စစ်ပွဲတွေဟာ နယ်မြေကျူးကျော်ချင်ရုံ သပ်သပ်၊ စစ်အာဏာရှင်ဖြစ်ချင်ယုံ သပ်သပ် တိုက်ကြတဲ့ စစ်ပွဲတွေမဟုတ်တော့ပါဘူး။ ကိုယ့်နိုင်ငံရဲ့ ပထဝီနိုင်ငံရေးကို နည်းမျိုးစုံသုံးပြီး ချုပ်ကိုင်လာကျမှာကို မလိုလားတဲ့ နိုင်ငံခေါင်းဆောင်တွေကတော့ ပုံစံမျိုးစံနဲ့ နိုင်ငံကို ကာကွယ်နေဦးမှာပါပဲ။ ဒါ့ကြောင့်လည်း ၂၀၀၈ဖွဲ့စည်းပုံရဲ့ အခန်း(၃) ပုဒ်မ ၅၉ (ဃ)မှာ နိုင်ငံတော်သမ္မတဟာ စစ်ရေးအမြင်ရှိရမယ်ဆိုတဲ့ အချက်ကို ထည့်သွင်းထားတာဖြစ်တယ်။

#ဖိုးစီ

25/02/2022

ယူကရိန်းအား ရှရှားက တိုက်ခိုက်မှုနှင့်ပတ်သက်၍
ဘယ်လိုမြင်လဲဆိုပြီးVOA သတင်းဌာန၏ မေးမြန်
ချက်အပေါ် နိုင်ငံတော်စီမံအုပ်ချုပ်ရေးကောင်စီ
သတင်းထုတ်ပြန်ရေးအဖွဲ့ခေါင်းဆောင်ပြောခွင့်ရ
ဗိုလ်ချုပ်ဇော်မင်းထွန်း၏ပြန်လည်ဖြေကြားချက်....

03/01/2022

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ၁-၁-၂၀၂၂ ရက်နေ့တွင် ပြောကြားသည့် ၂၀၂၂ ခုနှစ် နှစ်သစ်ကူး နှုတ်ခွန်းဆက်စကားမှ ကောက်နုတ်ချက်

22/12/2021

CDM ခေါင်းစဉ်အောက်က ဘဝ အာမခံချက် ပျောက်ဆုံးသွားသူများ
"CDMလုပ်လို့ NUGကထောက်ပံ့ကြေးတွေရလိမ့်မယ်လို့ မျှော်လင့်မိခဲ့တာာပေါ့..တကယ့်တကယ် CDMလုပ်တဲ့အခါကြတော့..အစ်မတစ်ယောက်တင်မဟုတ်ဘဲ
အစ်မအပေါ်မှာမီခိုနေရတဲ့ မိသားစုကပါ
ဒုက္ခရောက်ကြတယ်....."
"CDMလုပ်တဲ့ ဝန်ထမ်းတိုင်းခံယူချက်ရှိလို့
မဟုတ်ဘူး....ဘေးပရောဂပါလို့ လုပ်ခဲ့ကြတာပါ...."

15/12/2021

လေးကေ့ကော်မြို့သစ်မှာ ခိုအောင်းနေတဲ့ အကြမ်းဖက်အဖွဲ့ကြီးကို အမျှော်အမြင်ကြီးတဲ့ KNU ခေါင်းဆောင်ပိုင်းက တပ်မတော်နဲ့ညှိနှိုင်းပေါင်းစပ်ပြီးကြိုတင်ဖြိုခွဲခြင်း
===================================

မြဝတီ၊ ဒီဇင်ဘာ ၁၅

NUG CRPH အကြမ်းဖက်အဖွဲ့က လေးကေကော် ငြိမ်းချမ်းရေးကျေးရွာလေး မှာ စစ်ရှောင်ဒုက္ခသည်တွေကို အကာအကွယ်ယူကာ ကွပ်ကဲမှုစင်တာဖွင့်ပြီး နယ်စပ်ဖြတ်ကျော်ဝင်ရောက်လာမည့် CIA, OIC တို့မှ ထောက်ပံ့တဲ့ တရားမဝင်လက်နက်ခဲယမ်းများ၊ စစ်ဝတ်ရိက္ခာများ ငွေကြေးအထောက်အပံ့များလက်ခံရယူပြီးကရင်ပြည်နယ်မှာ အင်အားတောင့်တင်းတဲ့ PDF အကြမ်းဖက်အင်အားစုကြီးတစ်ခုပေါ်ပေါက်လာမဲ့အရေးကို အမျှာ်အမြင်ကြီးတဲ့ KNU ခေါင်းဆောင်ပိုင်းက တပ်မတော်နဲ့ ညှိနှိုင်းပေါင်းစပ်ပြီး ဖြိုခွဲလိုက်ခြင်းပဲဖြစ်ပါသည်။ မနေ့က KNU ခေါင်းဆောင်ပိုင်းကအကြီးအကဲများ
မဲဆောက်မှနေ မြဝတီကို သွားခဲ့ပြီး တပ်မတော်မှ တာဝန်ရှိသူများနဲ့ စေ့စပ်ညှိနှိုင်းခဲ့ တယ်လို့လည်းသိရပါသည်။

အကြမ်းဖက်အဖွဲ့များဖြစ်သော CRPH, NUG အမည်ခံအဖွဲ့များနှင့် ၎င်းတို့ ၏ လက်ဝေခံ PDF အဖွဲ့များအနေဖြင့် ၎င်းတို့၏ ကိုယ်ကျိုးစီးပွားကို အခြေခံသည့် နိုင်ငံရေးရည်မှန်းချက်ကို ရရှိစေနိုင်ဖို့အတွက် နိုင်ငံတော်တည်ငြိမ်းအေးချမ်းမှုနှင့် တရားဥပဒေစိုးမိုးမှုကို ပျက်ပြားစေရန် အကြမ်းဖက်လုပ်ရပ်များကို ဆက်လက်လုပ်ဆောင်လာတဲ့ အတွက် အမြှော်အမြင်ကြီးတဲ့ KNU ခေါင်းဆောင်တွေက ဒါကိုတားမြစ်နိုင်မှရမယ်ဆိုတာသိလာခဲ့သည်။

အကြမ်းဖက်သမားတွေကို ဆက်လက်လက်ခံကာကွယ်ပေးထား ပါက ကရင်ပြည်နယ်ကြီးအတွက် အနာဂါတ်မကောင်းနိုင်၊ ယခင်က ငြိမ်းချမ်းနေတဲ့ ကရင်ပြည်နယ်ဟာ ဒီ CRPH NUG PDF တွေပေါ်လာတော့မှ သေနတ်သံတွေပြန်ကြား လာရသည်။ KNU မှ ခေါင်းဆောင်ငယ်အချို့ရဲ့ ကိုယ်ကျိုးစီးပွားရှာ၊လောဘကြီးမှုတွေကြောင့် ဒေသခံကရင်တိုင်းရင်းသားတွေ အိုးအိမ်စွန့်ခွာထွက်ပြေးကြရသည်။

၎င်းအပြင် ဒီအကြမ်းဖက်သမားတွေဟာ
အစိုးရကိုယှဉ်ပြိုင်တိုက်ရာမှာ သူတို့လုပ်ဆောင်တဲ့နည်းလမ်းဖြစ်တဲ့ အကြမ်းဖက်ခြင်းလုပ်ရပ်များသည် စစ်ရေးဆိုင်ရာပစ်မှတ်များကို ရင်ဆိုင်တိုက်ခိုက်ရမယ့်အစား အပြစ်မဲ့ပြည်သူလူထုအား ဒလန်အဖြစ်စွပ်စွဲ သတ်ဖြတ်ခြင်း၊ တာဝန်သိ နိုင်ငံ့ဝန်ထမ်းများအား အကြမ်းဖက်ပစ်ခတ်သတ်ဖြတ်ခြင်း၊ ပညာရေး နှင့် ကျန်းမာရေးအဆောက်အဦများအား မီးရှို့ဖျက်ဆီးခြင်း၊ မိုင်းခွဲတိုက်ခိုက်ခြင်း
စသည့် လူသားချင်းစာနာထောက်ထားမှုမရှိသည့် လုပ်ရပ်များကို ကျူးလွန် လာကြသည်။

ဒါဟာ မည်သူမှ လက်ခံနိုင်လို့မရတဲ့ အကြောင်းအရာ ဖြစ်တဲ့အတွက် KNU၏မူဝါဒအတိုင်း နိုင်ငံရေးအားနိုင်ငံရေးနည်းလမ်းအတိုင်းသာဆက်လက်ဆောင်ရွက်မည်ဖြစ်ကြောင်းသိရသည်။

သံလွင်သစ္စာ

15/12/2021

"ပုဂ္ဂိုလ်ရေးမကျေနပ်မှုတွေကိုအခြေခံပြီး ဒလန်လို့ တံဆိပ်ကပ်တယ်လို့မြင်"
"အခြေအနေမကောင်းရင် မိသားစုကလည်း ဒလန်ဖြစ်ရင်ဖြစ်မှာဘဲ ...အကြွေးမပေးရင်လည်းဒလန်ဖြစ်ရင်ဖြစ်မှာဘဲ...အရက်မတိုက်ရင်လဲ ဒလန်ဖြစ်ရင်ဖြစ်မှာဘဲ.."
ဒလန်တံဆိပ်ကပ် အကြမ်းဖက်သတ်ဖြတ်မှုများအကြောင်း ပြည်သူ များ၏ ရင်တွင်းခံစားချက်များ...
''ပြည်သူကြားက ပြည်သူ့စကားအစီအစဥ်''

14/12/2021

အကြမ်းဖက်အဖွဲ့များဖြစ်သော CRPH, NUG နှင့် PDF အမည်ခံအဖွဲ့များ၏ အကြမ်းဖက်လုပ်ရပ်များအပေါ် ပြင်းထန်စွာပြစ်တင်ရှုံ့ချကြောင်း သတင်းထုတ်ပြန်ခြင်း....

14/12/2021

စစ်ကိုင်းတိုင်းဒေသကြီး၊ တန့်ဆည်မြို့နယ်၌ PDF အကြမ်းဖက်လက်နက်ကိုင်အဖွဲ့က နေအိမ် ၄ လုံးအား မီးရှို့ပြီး အမျိုးသား ၅ ဦးအား ရက်ရက်စက်စက်သတ်ဖြတ်ခဲ့သည့်အတွက် လုံခြုံရေးတပ်ဖွဲ့ဝင်များက အခြေအနေအား သွားရောက်ထိန်းသိမ်းဆောင်ရွက်ခဲ့ရ...
၎င်းလုံခြုံရေးတပ်ဖွဲ့ဝင်များ ပြန်လည်ထွက်ခွာလာစဥ် pdf အကြမ်းဖက်များကမိုင်းဆွဲတိုက်ခိုက်ခဲ့သဖြင့်လုံခြုံရေးတပ်ဖွဲ့ဝင် ၂ ဦး ကျဆုံးပြီး လုံခြုံရေးတပ်ဖွဲ့ဝင်အချို့ ဒဏ်ရာရရှိခဲ့....
နေပြည်တော်၊ ဒီဇင်ဘာ ၁၄

13/12/2021

Silent strike ငပျင်းကြီးများနေ့(10 12 21)
လိုင်းပေါ်တွင်အာချောင်ခဲ့သူများ....
လာအုန်းမှာနော်ကျန်တဲ့သူတွေ ခဏစောင့်နေကြ
😎😎😎

12/12/2021

မန္တလေး ချမ်းမြသာစည်မြို့နယ် ၆၂လမ်း ၁၀၄ ၁၀၅လမ်းကြားတွင် သူနာပြုဆရာမဒေါ်ချမ်းမြငြိမ်းနှင့် ၎င်း၏ခင်ပွန်းဖြစ်သူတို့ PDF အကြမ်းဖက်များ၏ရက်ရက်စက်စက်သတ်ဖြတ်ခံခဲ့ရမှုအပေါ် သတင်းမှန်ထုတ်ပြန်ချက်...
ပြည်သူကိုအမြဲတမ်းအဆိပ်ခပ်နေတဲ့ ဒေါ်လာစားပြည်ဖျက်မီဒီယာ ခေတ်သစ်မီဒီယာရဲ့ သတင်းမှားတွေကိုပြည်သူအများ နားမယောင်မိစေဘို့ ...

09/12/2021

မန္တလေးတိုင်းဒေသကြီးအတွင်း အကြမ်းဖက်လုပ်ငန်းများ ဆောင်ရွက်လျက်ရှိသည့် တရားခံများအား လက်နက်/ခဲယမ်းများနှင့်အတူ ဖမ်းဆီးရမိ
နေပြည်တော်၊ ဒီဇင်ဘာလ ၉

09/12/2021

ချင်းပြည်နယ်၊ ဖလမ်းမြို့၊ မြို့နယ်သံဃာ့နာယကဥက္ကဋ္ဌဖြစ်သည့် ဆရာတော်ဘဒ္ဒန္တဉာဏိက ပျောက်ဆုံး....

ချင်းပြည်နယ်၊ ဖလမ်းမြို့၊ လုံပီးသာသနရက္ခိတာ ပရိယတ္တိသာသနာပြုစာသင်တိုက် ကျောင်းထိုင်ဆရာတော်၊ မြို့နယ်သံဃာ့နာယကဥက္ကဋ္ဌဖြစ်သည့် ဆရာတော် ဘဒ္ဒန္တဉာဏိကသည် ၂၀၂၁ ခုနှစ် ဇူလိုင်လအတွင်းက လေငန်းရောဂါဝေဒနာခံစားနေရသဖြင့် စစ်ကိုင်းတိုင်းဒေသကြီး၊ ကလေးမြို့ရှိ ခုံသားကျေးရွာဘုန်းကြီးကျောင်းသို့ ကြွရောက်သီတင်းသုံးကာ ဆေးကုသမှုခံယူလျက် ရှိပါသည်။
ထိုသို့ဆေးကုသမှုခံယူလျက်ရှိရာမှ ဆရာတော်၏ ကျန်းမာရေးအခြေအနေ သက်သာ ကောင်းမွန်လာသဖြင့် ဖလမ်းမြို့ရှိ လုံပီးသာသနရက္ခိတာ ပရိယတ္တိသာသနာပြုစာသင်တိုက်သို့ ပြန်လည်ကြွရောက်သီတင်းသုံးနိုင်ရေးအတွက် ဆရာတော်သည် ဒီဇင်ဘာလ ၆ ရက်နေ့ နံနက် ၁၁ နာရီအချိန်တွင် ကလေးမြို့၊ ခုံသာကျေးရွာဘုန်းကြီးကျောင်းမှ ဖလမ်းမြို့နယ် လူငယ်သင်တန်း ကျောင်းမှ ဒုဦးစီးမှူး ဦးချစ်စန်း မောင်းနှင်သည့် မော်တော်ယာဉ်ဖြင့် ပြန်လည်ကြွချီလာခဲ့ရာ ဒီဇင်ဘာလ ၇ ရက်နေ့ နံနက် ၁၀ နာရီအချိန်ထိ လုံပီးသာသနရက္ခိတာ ပရိယတ္တိသာသနာပြု စာသင်တိုက်သို့ ရောက်ရှိလာခြင်းမရှိသည့်အပြင် အဆက်အသွယ်ပြတ်တောက် လျက်ရှိကြောင်း သိရှိရသဖြင့် လုံခြုံရေးတပ်ဖွဲ့ဝင်များက ကျေးရွာတာဝန်ရှိသူများနှင့် ချိတ်ဆက် စုံစမ်းရှာဖွေလျက် ရှိကြောင်းနှင့် မိဘပြည်သူများနှင့်အနေဖြင့်လည်း ဆရာတော်၏ သတင်းအား ရရှိပါက နီးစပ်ရာ လုံခြုံရေးတပ်ဖွဲ့ဝင်များထံ ဆက်သွယ်သတင်းပေးပို့နိုင်ကြပါရန် မေတ္တာရပ်ခံအပ်ပါသည်။

04/12/2021

ဝမ်းတွင်းမြို့နယ် သဲတောလေးကျေးရွာ
မင်္ဂလာမှန်ကျောင်းဆရာတော်ကို အကြမ်းဖက်သမားများလုပ်ကြံသတ်ဖြတ်မှုနဲ့ပါတ်သက်ပြီး ပြည်သူ့ကြားကပြည်သူ့အသံ

04/12/2021

နိုဝင်ဘာလ ၅ ရက်ကဖြစ်ပွားခဲ့တဲ့ အရှေ့ဒဂုံ အမှတ်(၂)အခြေခံပညာအထက်တန်းကျောင်းမှ ဆရာမ ဒေါ်လှလှဝင်းကို Taxi ယာဉ်ပေါ်မှာ သေနတ်နဲ့ပစ်သတ်ခံရမှုနဲ့ပါတ်သက်ပြီး ပြည်သူ့ကြားကပြည်သူ့အသံ

04/12/2021

နိုဝင်ဘာလ ၄ ရက်ကဖြစ်ပွားခဲ့သော မန္တလေး ချမ်းမြသာစည် တမ္မဝတီရပ်ကွက် ၈၂လမ်းနဲ့စစ်ကိုင်းလမ်းခွဲရှိစာသင်ကျောင်းအတွင်းသို့ အကြမ်းဖက်သမား ၂ ဦးမှလက်ပစ်ဗုံးနဲ့ပစ်ပေါက်ထွက်ပြေးခဲ့မှုအပေါ် ပြည်သူကြားကပြည်သူ့စကား

26/11/2021

နိုင်ငံတော်အုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့၏ (၁၀/၂၀၂၁)သတင်းစာရှင်း လင်းပွဲ ကောက်နုတ်ချက်အကျဉ်း
============================

ပညာရေး
=========
■ အခြေခံပညာအလယ်တန်း ကျောင်းသူ/သားများအနေဖြင့် ကျောင်းတွင်းစစ် စာမေးပွဲများကို မတ်လအတွင်းစစ်ဆေးသွားမည်ဖြစ်ပြီး တက္ကသိုလ်ဝင်စာမေးပွဲကိုမူ ဧပြီလ အတွင်း သင်္ကြန်မတိုင်မီစစ်ဆေးမည်။
ကျန်းမာရေး
============
■ ကိုဗစ်တတိယလှိုင်း ၄၁ ရာခိုင်နှုန်းမှ ၂.၃၅ ရာခိုင်နှုန်းသာကျန်ရှိတော့။ ကာကွယ်ဆေး ၃၁ သန်းကျော်ဝယ်ယူထားပြီး ၁၀ ကျော်ကို အခြားနိုင်ငံများက လှူဒါန်းပေး။ ဒီဇင်ဘာလ တွင် ရုရှားနိုင်ငံမှ ကာကွယ်ဆေး (၂)သန်းရောက်ရှိမည်။ ယခုနှစ်အကုန်တွင် ၁၈ နှစ်အထက် လူဦးရေ၏ ၅၀ ရာခိုင်နှုန်းအား ကာကွယ်ဆေး အပြည့်အဝထိုးနှံပေးမည်။
အကြမ်းဖက်အဖွဲ့အစည်း
==================
■ NUG နှင့်ပတ်သက်ပြီး ဇော်ဝေစိုး၊ ဆာဆာနှင့် မျိုးရောင်နောင်သိမ်းတို့၏ အကြမ်းဖက်မှု များတွင် တိုက်ရိုက်ပူးပေါင်းပါဝင်နေမှုများကို ရှင်းလင်းပြသ။
■ ဇေယျာသော်နှင့်ပတ်သက်ပြီး ဖမ်းဆီးရမိအချက်အလက်များအရ ပြောသင့်ပြောထိုက် သည့် အချက်များကိုသာ ထုတ်ဖော်ပြသခြင်းဖြစ်။ ရန်ကုန်မြို့ရှိ အကြမ်းဖက်မှုများတွင် ဇယသ အနေဖြင့် အကြမ်းဖက်မှု (၂၆)ကြိမ်အထက် ပါဝင်ပတ်သက်မှုရှိ။
ရွေးကောက်ပွဲအခြေအနေ
===============
■ ပါတီများ၏ ငွေကြေးစီးဆင်းမှုများ စစ်ဆေးခြင်းအခြေအနေနှင့်ပတ်သက်၍ ၃၄ ပါတီ စစ်ဆေးပြီး၊ စစ်ဆေးဆဲ ၄ ပါတီရှိ။ မဲမသမာမှုများ၊ မဲမတရားပြုကျင့်မှုများနှင့်ပတ်သက်၍ ပါဝင်သူများအား အရေးယူဆောင်ရွက်လျက်ရှိ။
■ UEC ၏ ထိပ်သီးအစည်းအဝေးများတွင် NLD ပါတီတက်ရောက်ရန် ဖိတ်ကြားခံ ခဲ့ခြင်းမျိုးပြုလုပ်ခဲ့၊ စစ်ဆေးဆောင်ရွက်မှုများ မပြီးပြတ်သေးသဖြင့် NLD ပါတီအား လက်ရှိအချိန်တွင်ဖျက်သိမ်းခြင်း မရှိသေး။
ရုရှား-မြန်မာ ဆက်ဆံရေး
==================
■ ရုရှား-မြန်မာ ရင်းနှီးမြုပ်နှံမှုနှင့်ပတ်သက်၍ B2P အစည်းအဝေး(၂)ကြိမ်အထိကျင်းပ ပြီးစီးခဲ့ပြီး (၃)ကြိမ်မြောက်ကို မြန်မာနိုင်ငံတွင် ကျင်းပနိုင်ရေး ဆောင်ရွက်မည်။

အထွေထွေ
=================
■ မဟာဗျူဟာရည်မှန်းချက်များကိုသာ အသိပေးနိုင်ပြီး နည်းဗျူဟာ ရည်မှန်းချက်များကို မူ သက်ဆိုင်ရာ ဝန်ကြီးဌာနများကသာ ဖြေကြားပေးနိုင်မည်ဖြစ်။
■ သံဃာတော်များအသတ်ခံရမှုပတ်သက်၍ ကာကွယ်စောင့်ရှောက်သွားမည်ဖြစ်ပြီး သာဝန်ဌာနကလည်း ကန့်ကွက်စာများထုတ်ပြန်ထားပြီးဖြစ်။ ပြည်သူများအနေဖြင့် လုံခြုံရေးတပ်ဖွဲ့များအပေါ် “အသိပေး၊ သတိပေး၊ အကူအညီပေး” ခြင်းဖြင့် ဝိုင်းဝန်းပေးရန် ဆို။
■ လူငယ်များ အကျင့်စာရိတ္တ ဖွံ့ဖြိုးတိုးတက်လာစေရန်အတွက် သက်ဆိုင်ရာဝန်ကြီးဌာန များအပြင် အဖွဲ့အစည်း အသီးသီးအမျိုးမျိုးအနေဖြင့်လည်း စုစည်းမှုအားဖြင့် လိုက်လျောညီထွေဖြစ်စေမည့် အရွေ့တစ်ခုဖြစ်စေရေး ဝိုင်းဝန်းကူညီ ဆောင်ရွက်ပေး စေလို။
■ CDM ဝန်ထမ်းများ အနိုင်ကျင့်မှုများရှိပါက တိတိကျကျ တိုင်ကြားနိုင်။
■ အကြမ်းဖက်အဖြစ် ကြေငြာခြင်းခံထားရသူများနှင့် ဆွေးနွေးရန်အစီအစဉ်မရှိ။
■ သတင်းထောက်ခေါင်းစဉ်ဖြင့် ဖမ်းဆီးထားခြင်းမဟုတ်ဘဲ ပူဆန္ဒပြစဉ် ဦးဆောင်သူများ၊ ပါဝင်ပတ်သက်သူများ ၊ လှုံ့ဆော်သူများနှင့် ပြစ်မှု ကျူးလွန်သူများကိုသာ ဖမ်းဆီးထား ခြင်းဖြစ်။

#ဖိုးစီ

22/11/2021

ထီးချိုင့်မြို့၊ကြက်သွန်ခင်းလမ်းဆုံ၌
PDFသင်တန်းဆင်းပြီး ပြန်လာတဲ့ ယာဉ်မောင်း၊ကျား၂ ၊မ၅ ဦးနှင့်၎င်းတို့တည်းခိုခဲ့သည့်အိမ်ရှင်
ဇော်ကြိုင်နှင့်ချိုမာမြင့်တို့ စုစုပေါင်း(၉)ဦးအား
ငွေကျပ်သိန်း ၂၀ ၊စကားပြောစက်၁လုံး၊လက်လုပ်
သေနတ်၊ဆက်စပ်ပစ္စည်းများနှင့်အတူ
ဖမ်းဆီးရမိခဲ့ကြောင်းသိရ......

21/11/2021

အကြမ်းဖက်သမားများ၏ မိုင်းထောင်ဖောက်ခွဲ၊ မီးရှို့ဖျက်ဆီးမှုများကြောင့် စာသင် ကျောင်းပေါင်း ၄၄၄ ကျောင်း ပျက်စီးဆုံးရှုံးခဲ့ရ

နေပြည်တော်၊ နိုဝင်ဘာ - ၂၀

နိုင်ငံတစ်နိုင်ငံ ဖွံ့ဖြိုးတိုးတက်ရေးအတွက် လူ့စွမ်းအားအရင်းအမြစ်ဖွံ့ဖြိုးတိုး တက်ရေးသည် အဓိကအခန်းကဏ္ဍမှ ပါဝင်ပြီး လူ့စွမ်းအားအရင်းအမြစ်ဖွံ့ဖြိုးတိုး တက်ရန်အတွက် ပညာရည်မြင့်မားရေးမှာ အရေးအကြီးဆုံးဖြစ်သောကြောင့် နိုင်ငံ တော်အစိုးရအနေဖြင့် ပညာရေးကဏ္ဍမြင့်မားတိုးတက်ရေးအတွက် အခြေခံလိုအပ် ချက်များဖြစ်သည့် စာသင်ကျောင်းများ တည်ဆောက်ပြုပြင်ပေးခြင်း၊ သင်ထောက်ကူ ပစ္စည်းများ ဖြည့်တင်းပေးခြင်း၊ အရည်အချင်းပြည့်ဝသည့် ဆရာ၊ ဆရာမများ မွေး ထုတ်ပေးခြင်း စသည်တို့ကို ဆောင်ရွက်ပေးလျက်ရှိသည်။ ထို့ပြင် အနာဂတ်မျိုးဆက် သစ်လူငယ်များ ကျောင်းနေပျော်ရေးနှင့် ပညာသင်ကြားရေးတွင် စိတ်ဝင်စားမှုရှိစေ ရေးတို့အတွက် နိုင်ငံတော်အစိုးရ၊ ဆရာ၊ ဆရာမများနှင့် မိဘအုပ်ထိန်းသူများက ညီညွတ်မျှတစွာ ထိန်းမတ်ဆောင်ရွက်ပေးလျက်ရှိသည်။
ထိုသို့ နိုင်ငံတော်၏ လူ့စွမ်းအားအရင်းအမြစ်အတွက် အရေးအကြီးဆုံးဖြစ် သော ပညာရည်မြင့်မားရေးကို ဝိုင်းဝန်းပူးပေါင်းဆောင်ရွက်နေမှုအပေါ် အကြမ်းဖက် အဖွဲ့အစည်းများဖြစ်သည့် CRPH ၊ NUG နှင့် PDF အကြမ်းဖက်သမား များသည် အနန္တဂိုဏ်းဝင် ဆရာ၊ ဆရာမများအား ရက်စက်ယုတ်မာစွာ အကြမ်းဖက်သတ်ဖြတ် ခြင်းများဆောင်ရွက်လျက်ရှိသည့်အပြင် ပညာရေးကဏ္ဍအတွက် အဓိကကျသော အခြေခံအဆောက်အဦများဖြစ်သည့် စာသင်ကျောင်းများနှင့် ပညာရေးအဆောက် အဉီများကို မိုင်းထောင်ဖောက်ခွဲခြင်း၊ မီးရှို့ဖျက်ဆီးခြင်းများကို အသိတရားမဲ့စွာ လုပ် ဆောင်လျက်ရှိခြင်းကြောင့် ၂၀၂၁ ခုနှစ်၊ ဖေဖော်ဝါရီလ ၁ ရက်မှ နိုဝင်ဘာလ ၁၅ ရက် အထိ စာသင်ကျောင်းပေါင်း ၄၄၄ ကျောင်း ပျက်စီးဆုံးရှုံးခဲ့မှုများကို ဖော်ပြပါအတိုင်း တွေ့ရှိရသည်-
အကြမ်းဖက်အဖွဲ့များ၏ ယခုကဲ့သို့ ပညာရေးကဏ္ဍမြင့်မားရေးအတွက် အခြေခံ ထောက်တိုင်များဖြစ်သော စာသင်ကျောင်းများအား မိုင်းထောင်ဖောက်ခွဲ၊ မီးရှို့ဖျက် ဆီးမှုများအပေါ် ပြည်သူလူထုတစ်ရပ်လုံးအနေဖြင့် ဝိုင်ဝန်းကာကွယ် တားဆီးရန်လို အပ်ပြီး အကြမ်းဖက်သမားများ၏ လှုပ်ရှားမှုသတင်းများရရှိပါက နီးစပ်ရာလုံခြုံရေး တပ်ဖွဲ့ဝင်များထံသို့ လျှို့ဝှက်စွာ ဆက်သွယ်သတင်းပေးပို့၍ အကြမ်းဖက်သမားများ ရပ်တည်မှုမရှိနိုင် သည်အထိ ဝိုင်းဝန်းပူးပေါင်းဆောင်ရွက်သွားကြပါရန် မေတ္တာရပ်ခံ သတင်းထုတ်ပြန် အပ်ပါသည်။

CINCDS

20/11/2021

လပြည့်နေ့မှာ အလှူကြီးပေးခဲ့တဲ့
ဖော်ကောင် ဇေယျာသော်ရဲ့ကောင်းမှု
သာဓု သာဓု သာဓု

20/11/2021

အကြမ်းဖက်အဖွဲ့အစည်းဖြစ်သော NUG နှင့် NLD ပါတီဝင် ဖြိုးဇေယျာသော်တို့၏ စေခိုင်းချက်အရ သန်လျင်တံတား၊ မြောက်ဥက္ကလာပတံတား၊ ထန်းတပင်မြို့နယ်နှင့် ကြည့်မြင်တိုင်မြို့နယ်၊ ဗားကရာမီးပွိုင့်ရှိ လုံခြုံရေးအဖွဲ့ဝင်များအား ပစ်ခတ်ခဲ့သူများနှင့် ရန်ကုန်မြို့အတွင်း အကြမ်းဖက်လုပ်ငန်း ဆောင်ရွက်သူများအား လက်နက်/ခဲယမ်းများနှင့်အတူ ဖမ်းဆီးရမိ

=========================
နေပြည်တော်၊ နိုဝင်ဘာ ၁၇

အကြမ်းဖက်အဖွဲ့အစည်းဖြစ်သော CRPH၊ NUG နှင့် PDF အဖွဲ့များ၏ အကြမ်းဖက်လုပ်ရပ်များအား ဖော်ထုတ်ဖမ်းဆီးနိုင်ရေးဆောင်ရွက်လျက်ရှိရာ နိုဝင်ဘာလ ၁၂ ရက်တွင် လုံခြုံရေးပူးပေါင်းအဖွဲ့သည် သတင်းအရ ဒဂုံမြို့သစ်(တောင်ပိုင်း) မြို့နယ်၊ အင်းဝအိမ်ရာတွင် အောင်ဇင်ဖြိုး(ခ)မင်းကြီး (၁၉)နှစ်အား ဖမ်းဆီးရမိ ခဲ့သည်၊၊
တရားခံ အောင်ဇင်ဖြိုး(ခ)မင်းကြီး၏ ထွက်ဆိုချက်အရ နိုဝင်ဘာလ ၁၄ ရက်တွင် ဒဂုံမြို့သစ်(မြောက်ပိုင်း)မြို့နယ်၊ (၄၆)ရပ်ကွက်၊ ပြည်ထောင်စုလမ်းရှိ Hotel 46 အား ဝင်ရောက်ရှာဖွေခဲ့ရာ အကြမ်းဖက်မှုနှင့် ဖောက်ခွဲဖျက်ဆီးရေးလုပ်ငန်းများ လုပ်ဆောင်နေသည့် အဓိက တရားခံဖြစ်သော မြတ်သူ(ခ)နတ်ဆိုး (၃၂)နှစ်နှင့်အတူ ဇင်ကိုလင်း (၂၅)နှစ်၊ မြသန္တာခိုင် (၂၅)နှစ်၊ လဲ့ရည်ဖြိုး(၂၉)နှစ်၊ အောင်စည်သူခန့် (၂၁)နှစ်တို့ ၅ ဦး အား ဖမ်းဆီးရမိခဲ့သည်။
တရားခံ မြတ်သူ(ခ)နတ်ဆိုး၏ ထွက်ဆိုချက်အရ နိုဝင်ဘာလ ၁၅ ရက်တွင် သင်္ဃန်းကျွန်းမြို့နယ်၊ ဇဝနရပ်ကွက်၊ စံပယ်ဖြူကွန်ဒိုအား ဝင်ရောက်ရှာဖွေခဲ့ရာ တေဇာနေလင်း (၂၀)နှစ်၊ မင်းသွေးမြင့် (၂၄)နှစ်၊ စည်သူဟိန်း (၂၈)နှစ်၊ အောင်မင်းခန့် (၁၉)နှစ်၊ မင်းမောင် (၃၁)နှစ်၊ ဝေယံဦး (၂၆)နှစ်တို့ ၆ ဦးအား ထပ်မံဖမ်းဆီးရမိခဲ့သည်။
တရားခံ အောင်စည်သူခန့်၏ ထွက်ဆိုချက်အရ နိုဝင်ဘာလ ၁၅ ရက်တွင် ဒဂုံမြို့သစ် (တောင်ပိုင်း)မြို့နယ်၊ (၂၁)ရပ်ကွက်၊ ရန်အောင်လမ်းနေ စိုးသူ(၃၆)နှစ် အား လည်းကောင်း၊ တရားခံ စိုးသူ ၏ ထွက်ဆိုချက်အရ ဒဂုံမြို့သစ် (တောင်ပိုင်း) မြို့နယ်၊ စက်မှုဇုန်(၁)ရှိ Htun Brother သံထည်ဆောက်လုပ်ရေးဝင်းအတွင်းမှ M 4 သေနတ် ၃ လက်၊ M 4 ကျည်အိမ် ၄ ခု၊ M 16 ကျည်အိမ် ၂ ခု၊ MK 12 သေနတ် ၁ လက်၊ MK 12 ကျည်အိမ် ၂ ခု၊ ၅.၅၆ ကျည် ၁၄၄ တောင့်၊ ၁၂ ဗို့ကျည် ၄၀ တောင့်တို့ သိမ်းဆည်းရမိခဲ့ပြီး သင်္ဃန်းကျွန်းမြို့နယ်၊ Rock Star စားသောက်ဆိုင်၌ ဇင်သူလင်း (၂၅)နှစ်၊ ဆွေလင်းအောင် (၂၉)နှစ်နှင့် အောင်ဖြိုးပိုင် (၂၂)နှစ်တို့အား ထပ်မံဖမ်းဆီး ရမိခဲ့သည်။
တရားခံ ဆွေလင်းအောင် ၏ ထွက်ဆိုချက်အရ နိုဝင်ဘာလ ၁၅ ရက်တွင် သင်္ဃန်းကျွန်းမြို့နယ်၊ ဇဝနရပ်ကွက်၊ သရက်တောလမ်း၊ စည်ပင်ရုံးအနီးတွင် ဇင်မင်းထွန်း(ခ)ဒိုလေး(၂၆)နှစ်၊ စံသိန်း (၃၁)နှစ်တို့အား MK-12 ၁ လက်၊ MK-12 ကျည်အိမ် ၂ ခု၊ AK-47 ၂ လက်၊ AK-47 ကျည်အိမ် ၄ ခု၊ M-16 ၁ လက်၊ M-16 ကျည်အိမ်၂ ခု၊ ၁၂ ဗို့ကျည် ၁၅ တောင့်၊ ၅.၅၆ ကျည် ၃၀ တောင့်၊ ၇.၆၂ ကျည် ၁၁၀ တောင့်တို့ဖြင့် လည်းကောင်း၊ လှိုင်မြို့နယ်၊ ကန်လမ်း၊ လှိုင်မြင့်မိုရ်အိမ်ရာ၊ တိုက်(၁၀)၊ (၃)လွှာမှ ရန်မျိုးအောင်၊ ရန်နိုင်ထွန်း၊ အောင်နိုင်ဦး(ခ) အိုစမာတို့ ၃ ဦးအား လည်းကောင်း ထပ်မံဖမ်းဆီးရမိခဲ့သည်။
တရားခံ အောင်ဖြိုးပိုင်၏ ထွက်ဆိုချက်အရ နိုဝင်ဘာလ ၁၅ ရက်တွင် ဒဂုံ မြို့နယ်၊ ယောမင်းကြီးရပ်ကွက်၊ အမှတ်(၆၁/အေ)၊ (၆)လွှာရှိနေအိမ်မှ ရဲရင့်အောင် (၂၄)နှစ် နှင့်ကျော်ဇောလင်း(၂၀)နှစ်တို့အားလည်းကောင်း၊ ဇင်မင်းထွန်း (ခ) ဒိုလေး၏ ထွက်ဆိုချက်အရ ဒဂုံမြို့သစ် (မြောက်ပိုင်း)မြို့နယ်၊ ၃၃ ရပ်ကွက်၊ ဥဿဖရားလမ်း၊ အမှတ်(မရှိ)နေအိမ်မှ ကျော်သူအောင်(၂၈)နှစ်၊ အိကေခိုင်(၂၈)နှစ် တို့အား Sigsauer ပစ္စတို ၁ လက်၊ ကျည်အိမ် ၁ ခု၊ ၉မမ ကျည် ၂၄ တောင့်၊ လက်လုပ် ဗုံး ၄ လုံး၊ စိတ်ကြွ ရူးသွပ်ဆေးပြားများနှင့်အတူ ထပ်မံဖမ်းဆီးရမိခဲ့သည်။
တရားခံ ဆွေလင်းအောင်၏ ထွက်ဆိုချက်အရ နိုဝင်ဘာလ ၁၆ ရက်တွင် မရမ်းကုန်းမြို့နယ်၊ သမိုင်း(၁)ရပ်ကွက်၊ (၄)လမ်း၊ အမှတ်(၃၂၄)မှ အောင်မြင့်သိန်း (၃၂)နှစ်၊ ခိုင်ဇင်သော်(၃၁)နှစ်တို့အား လည်းကောင်း၊ သင်္ဃန်းကျွန်းမြို့နယ်၊ (၂၉)ရပ်ကွက်၊ သစ်ရာပင်လမ်းတွင် Area-5 အဖွဲ့ခွဲ ခေါင်းဆောင် အောင်ကိုဦး(ခ) ခေါင်းကြီး (၂၈)နှစ်နှင့် မျိုးမင်းခိုင် (၂၇)နှစ်တို့ အားလည်းကောင်း၊ တောင်ဥက္ကလာပ မြို့နယ်၊ (၉)ရပ်ကွက်၊ ကျော်သူလမ်း၊ တိုက်အမှတ်(၈၀၃)၊ (၃)လွှာရှိ ထိန်လင်း (၃၂)နှစ်၊ ဝင်းအေး (၂၇)နှစ်၊ ဟိန်းထက်အောင်(၂၀)နှစ်၊ စောဘယ်လ်ဇင်ထူး (၂၁)နှစ်၊ အောင်အောင် (၂၄)နှစ်၊ အောင်ပိုင်ဖြိုး(၂၆)နှစ်တို့အား Sigsauer ပစ္စတို ၁ လက် ၊ ကျည်အိမ် ၁ ခု၊ ကျည် ၂၃ တောင့်တို့နှင့် လည်းကောင်း၊ ဝေယံဦး၏ ထွက်ဆိုချက်အရ သင်္ဃန်းကျွန်းမြို့နယ်၊ ဇဝနရပ်ကွက်၊ စံပယ်ဖြူကွန်ဒိုတွင် မိုးစည်သူ(ခ)မောင်မိုး (၂၄)နှစ်အား လည်းကောင်း အသီးသီး ထပ်မံဖမ်းဆီးရမိခဲ့သည်။
တရားခံ အောင်ကိုဦး(ခ)ခေါင်းကြီး၏ ထွက်ဆိုချက်အရ နိုဝင်ဘာလ ၁၆ ရက်တွင် သင်္ဃန်းကျွန်းမြို့နယ်၊ (၃)ရန်ပြေရပ်ကွက်၊ ဗိုလ်မင်းရောင်လမ်း၊ အမှတ်(၂၀) နေအိမ်အား ဝင်ရောက်ရှာဖွေရာ M-16 ၂ လက်၊ M-16 ကျည်အိမ် ၄ ခု၊ ၅.၅၆ ကျည် ၉၉ တောင့်၊ AK-47 ၂ လက်၊ AK-47 ကျည်အိမ် ၄ ခု၊ ၇.၆၂ ကျည် ၁၁၅ တောင့်၊ လက်လုပ်ဗုံး ၂ လုံးတို့အား လည်းကောင်း၊ သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ သမိန်ဗရမ်းလမ်း၊ အမှတ်(၂၉၁၊ က/ခ)၊ (၄)လွှာ၊ နှင်းဆီအခန်းအား ဝင်ရောက် ရှာဖွေရာ သီဟကျော်(၂၃)နှစ်၊ အောင်ကိုလင်း (၂၄)နှစ်၊ အောင်ကျော်ကျော်(၂၁)နှစ်တို့ ၃ ဦးအား M-16 ၂ လက်၊ M-16 ကျည်အိမ် ၄ ခု၊ MK-12 ၂ လက်၊ MK-12 ကျည်အိမ် ၄ ခု၊ Sigsauer ပစ္စတို ၁ လက် ၊ ကျည်အိမ် ၁ ခု၊ ၅.၅၆ ကျည် ၁၃၀ တောင့်၊ ၁၂ ဗို့ကျည် ၂၈ တောင့်၊ ၉မမ ကျည် ၇ တောင့်တို့နှင့်အတူ ဖမ်းဆီးရမိခဲ့ပြီး တရားခံ ငစစ်မှာ အမှတ် (၂၉၁၊ က/ခ)၊ (၅)လွှာမှ ခုန်ချထွက်ပြေးစဉ် သေဆုံးခဲ့သဖြင့် အသေဖမ်းဆီးရမိခဲ့သည်။
တရားခံ ဆွေလင်းအောင်၏ ထွက်ဆိုချက်အရ နိုဝင်ဘာလ ၁၆ ရက်တွင် ဗဟန်းမြို့နယ်၊ ဗိုလ်ချိုရပ်ကွက်၊ အင်ကြင်းမြိုင်အိမ်ရာအနီးတွင် အံ့ကမ္ဘာ (၂၁)နှစ်၊ အားမာန်စိုး(၃၂)နှစ်၊ ခင်စပယ်အောင်(၁၉)နှစ်၊ သီတာအေးစုအောင် (၂၃)နှစ်တို့အား ထပ်မံ ဖမ်းဆီးရမိခဲ့သည်။

တရားခံ အောင်ကိုဦး(ခ)ခေါင်းကြီး၏ ထွက်ဆိုချက်အရ နိုဝင်ဘာလ ၁၇ ရက်တွင် မရမ်းကုန်းမြို့နယ်၊ အလယ်ဗဟိုလမ်း၊ Apolo Hotel အနီးတွင် ရဲလင်းဦး(ခ) နဘီး(၂၆)နှစ်နှင့် ကေသွယ်ဖြိုး(၂၃)နှစ်တို့အား MK-12 ၂ လက်၊ကာဘိုင် ၁ လက်၊ လက်လုပ်ပစ္စတို ၃ လက်၊ ၅.၅၆ ကျည် ၂၅ တောင့်၊ ၁၂ ဗို့ကျည် ၅၀ တောင့်၊ ၉မမ ကျည် ၄၅ တောင့် ၊ လက်လုပ်မိုင်း ၄ လုံး၊ ရီမုမိုင်း ၄ လုံးတို့နှင့်အတူ ထပ်မံဖမ်းဆီး ရမိခဲ့သည်။
တရားခံ ဆွေလင်းအောင်၏ ထွက်ဆိုချက်အရ နိုဝင်ဘာလ ၁၇ ရက်တွင် သင်္ဃန်းကျွန်းမြို့နယ်၊ ဆရာစံလမ်း ၊ City Mart အနီးတွင် အောင်ဘုန်းကျော်(ခ) O2 (၂၃)နှစ်အား M-79 ဗုံးပစ်လောင်ချာ ၁ လက်၊ M-79 ဗုံးသီး ၅ လုံးနှင့်အတူ ဖမ်းဆီးရမိ ခဲ့ပြီး ဗဟန်းမြို့နယ်၊ ယူနိုက်တက်ကွန်ဒိုမှ M-16 ၆ လက်၊ M-16 ကျည်အိမ်၂၅ ခု၊ MK-12 ၁ လက်၊ MK-12 ကျည်အိမ် အတို/အရှည် ၆ ခု၊ AK-47 ၁ လက်၊ AK-47 ကျည်အိမ် ၂ ခု၊ မှန်ပြောင်း ၁ ခု၊ ၄၀ မမဗုံးသီး ၁၂ လုံး၊ ၁၂ ဗို့ကျည် ၅၀ တောင့်၊ ရှေ့ထွက်မိုင်း ၄ လုံး၊ ပစ္စတိုကျည်အိမ်၂ ခု၊ ၉ မမ ကျည် ၃၅ တောင့်၊ ၇.၆၂ ကျည် ၅၀ တောင့်၊ ၅.၅၆ ကျည် ၁၀၈၅ တောင့်၊ မီးခိုးဗုံး ၅ လုံး၊ ရှို့ပစ် ၂ လုံး၊ ယမ်းမှုန့်(မီးခိုရောင်) ၇ ထုပ် တို့အား သိမ်းဆည်းရမိခဲ့သည်။
ဖမ်းဆီးရမိတရားခံများ၏ ထွက်ဆိုချက်အရ KNLA တပ်မဟာ(၆)တွင် ထွက်ပြေးတိမ်းရှောင်နေသော ဖမ်းဆီးရန်ကျန် သန်လျင်မြို့နယ် NLD ပါတီဝင် တရားခံ ဝင်းကို(ခ)စံရှားမှ Special Operation Force-SOF အကြမ်းဖက်အဖွဲ့အား Area-1 မှ Area-7 အထိ ဖွဲ့စည်း ထားပြီး ၄အဖွဲ့ဝင်များအား NUG မှ တရားခံပြေး လွင်ကိုလတ်၏ စေခိုင်းချက်အရ KNLA မှ ရင်းမှူးအဆင့်ရှိ ရန်နိုင်သည် KNLA တပ်မဟာ (၆)နယ်မြေအတွင်း လက်နက်ငယ်သင်ခန်းစာများ၊ ဒရုန်းများတွင် ဗုံးတပ်ဆင်၍ ဖောက်ခွဲ ဖျက်ဆီးခြင်းနှင့် အကြမ်းဖက် ဖောက်ခွဲရေး သင်ခန်းစာများ သင်ကြားပေးခဲ့ကြောင်း၊ သင်တန်းတက်ရောက်စဉ် လွင်ကိုလတ်နှင့် ရန်နိုင်တို့မှ လာရောက်ကြည့်ရှု့၍ သင်တန်း ဆင်းပါက ရန်ကုန်မြို့အတွင်း နယ်မြေအလိုက် အကြမ်းဖက်လုပ်ငန်းများ ဆောင်ရွက် ပါက ဖြိုးဇေယျာသော်(ခ)မောင်ကျော်နှင့် ချိတ်ဆက်ဆောင်ရွက်ရန်နှင့် လိုအပ်သော ငွေကြေး၊ လက်နက်နှင့် ဖောက်ခွဲရေးပစ္စည်းများအား ထောက်ပံ့ပေးမည်ဟု ပြောကြား ခဲ့ကြောင်း ဖော်ထုတ် သိရှိရသည်။
ဖမ်းဆီးရမိတရားခံများမှ ရန်ကုန်မြို့အတွင်း အကြမ်းဖက်လုပ်ငန်း ဆောင်ရွက်ခဲ့မှုအနေဖြင့်-
- Area-3 အဖွဲ့မှ တရားခံ ထက်မိုးလွင်သည် စက်တင်ဘာလ ၅ ရက်တွင် ဖမ်းဆီးရန်ကျန် တရားခံ လင်းရောင် နှင့်အတူ သာကေတမြို့နယ်၊ (၅) ရပ်ကွက်ရှိ အမှတ်(၁) ရဲစခန်းအား လက်လုပ် ဗုံးဖြင့် ပစ်ခတ်ခဲ့ကြောင်း။
- Area -1 အဖွဲ့မှ တရားခံ ဇင်မင်းထွန်းသည် စက်တင်ဘာလ ၄ ရက်တွင် မြောက်ဉက္ကလာမြို့နယ်၊ ဗိုလ်မှူး ဗထူးတံတားထိပ်ရှိ လုံခြုံရေးအဖွဲ့ဝင် များအား တိုက်ခိုက်ရန်အတွက် ဝင်းကျော်(ခ)စံရှားထံ တင်ပြခဲ့ရာ ၄မှ အသုံးပြုမည့် လက်နက်များအား ဆွေလင်းအောင်ထံမှ ရယူရန်ချိတ်ဆက် ပေးခဲ့ကြောင်း၊ စက်တင်ဘာလ ၁၀ ရက်တွင် ဇင်မင်းထွန်းသည် ဖမ်းဆီးရန် ကျန်တရားခံ ဟိန်းမင်းစိုးနှင့် ရှိုင်းထက်အောင်တို့အား ပစ်ခတ်သူများအဖြစ် လည်းကောင်း၊ စည်သူအား ယာဉ်မောင်းအဖြစ် လည်းကောင်း၊ ဖမ်းဆီး ရန်ကျန် တရားခံ အောင်ထွန်း၊ စစ်နိုင်၊ နိုဗယ်ဦး၊ ဒေါင်းမာန်ချီ၊ အောင်လေး၊ အိကေခိုင်၊ မြတ်သူတို့အား စောင့်ကြည်သတင်းပို့ ပြုလုပ်သူများအဖြစ် လည်းကောင်း၊ ဇင်မင်းထွန်းသည် လက်နက် သိမ်းဆည်းရေးအဖြစ် လည်းကောင်း အဖွဲ့ဝင် ၁၁ ဦးဖြင့် မြောက်ဥက္ကာလာပမြို့နယ်၊ တံတားပေါ်ရှိ လုံခြုံရေးတပ်ဖွဲ့ဝင် များအား လက်နက်ငယ်ဖြင့် ပစ်ခတ်ခဲ့ကြောင်း။
- Area-3 အဖွဲ့မှ အောင်ပိုင်ဖြိုးသည် အောက်တိုဘာလ ၂၁ ရက်တွင် ဖမ်းဆီး ရန်ကျန် တရားခံ လင်းရောင်၊ သော်က၊ စောဘယ်လ်ဇင်ထူး တို့နှင့်အတူ ဗားကရာလုံခြုံရေးအဖွဲ့ဝင်များအား ပစ်ခတ်တိုက်ခိုက်ရန် ဆွေးနွေးခဲ့ကြောင်း၊ အောက်တိုဘာလ ၂၁ ရက်နှင့် ၂၂ ရက်တို့တွင် လုံခြုံရေးအဖွဲ့ဝင်များအား တိုက်ခိုက်နိုင်ရေး ထက်မိုးလွင်၊ ဟိန်းထက်အောင်၊ စည်သူဟိန်းတို့ဖြင့် စောင့်ကြည်သတင်းပို့စေခဲ့ကြောင်း၊ အောက်တိုဘာလ ၂၃ ရက်တွင် စောဘယ်လ်ဇင်ထူးမှ ယာဉ်မောင်းအဖြစ် လည်းကောင်း၊ သော်ကနှင့် လင်းရောင်တို့မှ ပစ်ခတ်သူများအဖြစ် လည်းကောင်း၊ အောင်ပိုင်ဖြိုးမှ မှတ်တမ်းတင်အဖြစ် လည်းကောင်း လိုက်ပါ၍ ဗားကရာလုံခြုံရေး အဖွဲ့ဝင် များအား လက်နက်ငယ်ဖြင့် ပစ်ခတ်ခဲ့ပြီး ပန်းလှိုင်လမ်း၌ အသင့်စောင့်ဆိုင်း နေသော ဆွေလင်းအောင် မောင်းနှင်သည့် Honda Insight ယာဉ်ဖြင့် ပြောင်းလဲ ထွက်ခွာခဲ့ကာ ပစ်ခတ်မှု ဖြစ်စဉ်တွင် အသုံးပြုခဲ့သော Honda Airwave ယာဉ်အား ပန်းလှိုင်လမ်း၌ ထားခဲ့ကြောင်း။
- Area-2 အဖွဲ့မှ တရားခံ ဇင်သူလင်းသည် အောက်တိုဘာလ ၂၄ ရက်တွင် ဖမ်းဆီးရန်ကျန် တရားခံ လင်းရောင် နှင့်အတူ တောင်ဥက္ကလာပမြို့နယ်၊ (၁၂)ရပ်ကွက် ဓမ္မာရုံအနီးရှိ ကင်းတဲအား လက်လုပ်ဗုံး ၁ လုံးဖြင့် ပစ်ခတ် ခဲ့ကြောင်း။
- Area-2 အဖွဲ့မှ တရားခံ ဇင်ကိုလင်းသည် နိုဝင်ဘာလ ၆ ရက်တွင် မြတ်သူ (ခ)နတ်ဆိုး၏ စေခိုင်းမှုဖြင့် အောင်စည်သူခန့်(ခ) သီဟနှင့်အတူ ဒဂုံမြို့သစ် (တောင်ပိုင်း)မြို့နယ်၊ ၂၅ ရပ်ကွက်၊ အုပ်ချုပ်ရေးမှူးရုံးအနီးတွင် လက်လုပ် ရီမုမိုင်း ၁ လုံး ဖြင့် ဖောက်ခွဲခဲ့ကြောင်း။
- Area-5 အဖွဲ့မှ တရားခံ အောင်ကိုဦးအား နိုဝင်ဘာလ ၁၁ ရက်တွင် အကြမ်းဖက်အဖွဲ့ဖြစ်သည့် SOF အဖွဲ့ ခေါင်းဆောင် ဝင်းကို(ခ)စံရှားမှ သာကေတမြို့နယ်ဘက်ခြမ်းရှိ သန်လျင် တံတားလုံခြုံရေးအဖွဲ့ဝင်များအား ပစ်ခတ်တိုက်ခိုက်ရန် ညွှန်ကြားခဲ့ရာ နိုဝင်ဘာလ ၁၅ ရက်တွင် ဖက်တီး မောင်းနှင်သော Probox အမျိုးအစားယာဉ်ပေါ်တွင် ပီတာ၊ အောင်ကိုဦး၊ ဂျုတ်၊ ဘရာဗိုတို့သည် ပစ်ခတ်ရေးအဖြစ် လည်းကောင်း၊ ငစစ်၊ မာရီယို၊ စံပယ်၊ အားမာန်စိုးတို့သည် စောင့်ကြည်သတင်းပို့အဖြစ် လည်းကောင်း ဆောင်ရွက်၍ လုံခြုံရေးတပ်ဖွဲ့ဝင်များအား ပစ်ခတ်တိုက်ခိုက်ခဲ့ပြီး သင်္ဃန်းကျွန်း မြို့နယ်၊ ရန်ကုန်သစ်ရပ်ကွက်ရှိ Safe House နေအိမ်တွင် လက်နက်/ ခဲယမ်းများအား သိုဝှက်ကာ လူစုခွဲခဲ့ကြောင်း။

- Area -7 အဖွဲ့သည် နိုဝင်ဘာလ ၁၅ ရက်တွင် ဝင်းကို(ခ)စံရှား၏ စေခိုင်းမှုဖြင့် ထန်းတပင်မြို့နယ်၊ စစ်ဆေးရေးဂိတ်ရှိ လုံခြုံရေးတပ်ဖွဲ့ဝင် များအား CRV အမျိုးအစား လိုင်စင်မဲ့ယာဉ်ပေါ်မှ ပစ်ခတ်တိုက်ခိုက်ခဲ့ ကြောင်း၊ အဆိုပါ ယာဉ်အား ဖမ်းဆီးရန်ကျန် တရားခံ ခွန်သမှ မောင်းနှင်၍ ကျားပေါက်နှင့် ကြက်ပေါက်တို့မှ ပစ်ခတ်တိုက်ခိုက်ခဲ့ပြီး ရန်နိုင်ထွန်းနှင့် အောင်နိုင်ဦးတို့မှ စောင့်ကြည်သတင်းပို့အဖြစ် ဆောင်ရွက်ခဲ့ကြောင်း၊ ပစ်ခတ်တိုက်ခိုက်သည့် ဗီဒီယိုဖိုင်အား CRV ယာဉ်၏ ဒက်ရ်ှဘုတ်ပေါ်တွင် လက်ကိုင်ဖုန်းအား ကလစ်ညှပ်၍ ရိုက်ကူးခဲ့ကြောင်း၊ CRV ယာဉ်အား ရေမြောင်းအတွင်းသို့ ထိုးချခဲ့ပြီး လက်နက်/ ခဲယမ်းများအား ကြက်ပေါက် ထံတွင် သိမ်းဆည်း ခဲ့ကြောင်း။
ဖြစ်စဉ်တွင် တရားခံ ကျား ၄၀ ဦး၊ မ ၇ ဦး၊ ပေါင်း ၄၇ ဦးအား လက်နက်ငယ် မျိုးစုံ ၃၄ လက်၊ ကျည်အိမ်မျိုးစုံ ၇၀ ခု၊ ကျည်မျိုးစုံ ၂၁၀၅ တောင့်၊ ၄၀ မမဗုံးသီး ၁၇ လုံး၊ လက်လုပ်ဗုံး ၁၀ လုံး၊ ရီမုမိုင်း ၄ လုံး၊ ရှေ့ထွက်မိုင်း ၄ ခု၊ မီးခိုးဗုံး ၅ လုံး၊ ရှို့ပစ် ၂ လုံး၊ ယမ်းမှုန့် (မီးခိုရောင်) ၇ ထုပ်၊ မှန်ပြောင်း ၁ ခုနှင့် စိတ်ကြွရူးသွပ်ဆေးပြား များအား ဖမ်းဆီးရမိခဲ့ပြီး တရားခံများအား ဆေးစစ်ချက်အရ မူးယစ်ဆေးဝါးများ သုံးစွဲ၍ အကြမ်းဖက်လုပ်ငန်းများ ကျူးလွန်ခဲ့ခြင်း ဖြစ်ကြောင်း ဖော်ထုတ်သိရှိရသည်။
အကြမ်းဖက်အဖွဲ့အစည်းဖြစ်သည့် NUG မှ လွင်ကိုလတ်သည် အကြမ်းဖက် လုပ်ငန်းများ လုပ်ဆောင်ရန်အတွက် KNLA တပ်မဟာ(၆)တွင် တိမ်းရှောင်လျက် ရှိသော ဝင်းကို(ခ)စံရှားနှင့် ချိတ်ဆက်ကာ ၄အဖွဲ့များအား ငွေကြေးထောက်ပံ့ခြင်း၊ လက်နက်/ ခဲယမ်းနှင့် ဖောက်ခွဲရေးပစ္စည်းများ ထောက်ပံ့ခြင်းများ ဆောင်ရွက်လျက် ရှိကြောင်း ဖော်ထုတ်သိရှိရပါသည်။
လွင်ကိုလတ်သည် ရန်ကုန်မြို့အတွင်း အကြမ်းဖက်လုပ်ငန်းများအား ပြုလုပ်ရာတွင် Area အလိုက် တာဝန်ပေးထားသူများအနေဖြင့် ဖြိုးဇေယျာသော်(ခ) မောင်ကျော်နှင့် ချိတ်ဆက်၍ အများပြည်သူများ ထိခိုက်နစ်နာစေရန်နှင့် အထိတ်တလန့် ဖြစ်စေရေးအတွက် အများပြည်သူနှင့် သက်ဆိုင်သောနေရာများအတွင် အကြမ်းဖက် လုပ်ငန်းများ လုပ်ဆောင်ရန် Zoom Meeting မှတစ်ဆင့် ညွှန်ကြားမှုများ ပြုလုပ် ခဲ့ကြောင်း ဖော်ထုတ်သိရှိရပါသည်။
SOF အကြမ်းဖက်အဖွဲ့အနေဖြင့် ဖမ်းဆီးရန်ကျန် တရားခံ ဝင်းကို(ခ)စံရှား၏ စေခိုင်းမှုဖြင့် နိုဝင်ဘာလအတွင်း မြောက်ဥက္ကလာပမြို့နယ်၊ ဂန္ဓမာဟိုးဆေးကုန်တိုက်ရှိ လုံခြုံရေးတပ်ဖွဲ့ဝင်များနှင့် ရန်ကင်းမြို့နယ်၊ ကျောက်ကုန်းမီးပွိုင့်ရှိ ယာဉ်ထိန်းရုံး တို့အား ယာဉ် ၂ စီးဖြင့် ပစ်ခတ်နိုင်ရေး စီစဉ်လျက်ရှိကြောင်းနှင့် အဖွဲ့အလိုက် သက်ဆိုင်ရာ မြို့နယ်များတွင် အကြမ်းဖက် ဖောက်ခွဲဖျက်ဆီးရေးနှင့် လုံခြုံရေးတပ်ဖွဲ့ဝင်များအား ပစ်ခတ်တိုက်ခိုက်ခြင်းများအား နိုဝင်ဘာလ ၁၅ ရက်နေ့မှစ၍ အရှိန်အဟုန်မြှင့် ဆောင်ရွက်ရန် စီစဉ်နေစဉ် တာဝန်သိပြည်သူများ၏ သတင်းပေးပို့ ပူးပေါင်း ဆောင်ရွက် မှုကြောင့် လုံခြုံရေးတပ်ဖွဲ့ဝင်များမှ အချိန်မီ ဖော်ထုတ်ဖမ်းဆီးနိုင်ခဲ့ခြင်း ဖြစ်သည်။
အကြမ်းဖက်မှုတိုက်ဖျက်ရေးဗဟိုအဖွဲ့မှ နေအိမ်/တိုက်ခန်း ငှားရမ်းနေထိုင် သူများ အနေဖြင့် အကြမ်းဖက်မှု ကျူးလွန်ကြောင်း ဖော်ထုတ်တွေ့ရှိပါက ငှားရမ်းသည့် ပိုင်ရှင်များအား တည်ဆဲဉပဒေအရ အရေးယူမည့်အပြင် နေအိမ် တိုက်ခန်းများအား အကြမ်းဖက်မှုတိုက်ဖျက်ရေး ဉပဒေအရ သက်သေခံအဖြစ် ထိန်းသိမ်း၍ တရားရုံးတွင် စစ်ဆေးပေါ်ပေါက်ပါက နိုင်ငံတော်ဘဏ္ဍာအဖြစ် သိမ်းယူခြင်းများ ဆက်လက် ဆောင်ရွက်သွားမည်ဖြစ်ကြောင်း ထုတ်ပြန်ခဲ့ပြီး ဖြစ်သဖြင့် အကြမ်းဖက်မှုဖြစ်စဉ်တွင် ပါဝင်ခဲ့သော နေအိမ်/တိုက်ခန်းများနှင့် အကြမ်းဖက် PDF အဖွဲ့ဝင်များ နေထိုင်နိုင်ရေး အတွက် ငှားရမ်းပေးသော အိမ်ပိုင်ရှင်များအား တည်ဆဲဉပဒေအရ ဆက်လက် အရေးယူ ဆောင်ရွက်သွားမည်ဖြစ်သည်။
အဆိုပါ ဖမ်းဆီးရမိတရားခံများအား ဥပဒေအရထိရောက်စွာ အရေးယူနိုင်ရေး ဆက်လက်ဆောင်ရွက်သွားမည်ဖြစ်ပြီး အကြမ်းဖက်မှု ဆောင်ရွက်နေသူများအား ပြည်သူတစ်ရပ်လုံးက ဝိုင်းဝန်းကာကွယ်တိုက်ဖျက်ကြရန်နှင့် ဆက်စပ်တရားခံများအား အမြန်ဆုံး ဖမ်းဆီးရမိရေးအတွက် ၄တို့ပုန်းခိုရာနေရာများ၊ လှုပ်ရှားသွားလာ နေထိုင်မှု သတင်းများရရှိပါက သက်ဆိုင်ရာသို့ လျှို့ဝှက်စွာသတင်းပေး တိုင်ကြားနိုင်ပါကြောင်း၊ သတင်းပေးသူနှင့် ဖမ်းဆီးပေးသူများအား ထိုက်တန်စွာ လျှို့ဝှက်၍ ဆုငွေများ ချီးမြှင့် ပေးမည်ဖြစ်ကြောင်းနှင့် မြို့ရွာများအမြန်ဆုံး အေးချမ်းတည်ငြိမ်ရေးအတွက် ပြည်သူ တစ်ရပ်လုံး ပူးပေါင်းပါဝင်ကြိုးပမ်းဆောင်ရွက်နိုင်ပါရန် မေတ္တာရပ်ခံအပ်ပါကြောင်း အသိပေး သတင်းထုတ်ပြန်အပ်ပါသည်။

သတင်းစဥ်

19/11/2021

Mytel ရုံးချုပ်မှ GM ဦးသိန်းအောင်အား လုပ်ကြံသတ်ဖြတ်ရာတွင် ပါဝင်သည့် တရားခံများအား
ဖမ်းဆီးရမိ။

#ဖိုးစီ

17/11/2021

အကြမ်းဖက်သမားများ၏ ရက်စက်စွာသတ်ဖြတ်မှုကြောင့် သံဃာ ၁၂ ပါး ပျံလွန်တော်မူခဲ့။
**********************************************************************************************************
မြန်မာနိုင်ငံအနေဖြင့် ၂၀၀၈ ဖွဲ့စည်းပုံအခြေခံဥပဒေ၊ အခန်း ၈၊ ပုဒ်မ ၃၆၁ တွင် နိုင်ငံတော်သည် ဗုဒ္ဓဘာသာ သာသနာတော်ကို နိုင်ငံတော်၏ နိုင်ငံသား အများဆုံး ကိုးကွယ်ရာဖြစ်သော ဂုဏ်ထူးဝိသေသနှင့် ပြည့်စုံသည့် ဘာသာ သာသနာဖြစ်သည်ဟု သတ်မှတ်ပြဋ္ဌာန်းထားပြီး မြန်မာတို့၏ ရိုးရာယဉ်ကျေးမှု ထုံးတမ်းအစဉ်အလာများအရ ရဟန်းသံဃာတော်များကို ကိုးကွယ်ဆည်းကပ်ရာအဖြစ် သတ်မှတ်ရိုကျိုးကြသူများ ဖြစ်ပါသည်။ ရဟန်းသံဃာတော်များ၏ အဆုံးအမဩဝါဒနှင့် ကြီးပြင်းသည့် လူနေမှုစရိုက်ကို အခြေပြုကာ ယဉ်ကျေးပျူငှာမှုရှိသည့် နိုင်ငံအဖြစ်ရပ်တည်လျက်ရှိပြီး ရဟန်းသံဃာတော်များ၏ သာသနာတော်အရေး ကြိုးပမ်းထမ်းဆောင်ခဲ့မှုများကြောင့် ဗုဒ္ဓဘာသာကိုးကွယ်မှုများပြားသည့် နိုင်ငံများအနက် ထေရဝါဒဗုဒ္ဓဘာသာ အထွန်းကားဆုံးနိုင်ငံအဖြစ် ကမ္ဘာ့နိုင်ငံများကပင် အသိအမှတ်ပြုထားသည့် နိုင်ငံဖြစ်ပါသည်။
ထိုကဲ့သို့ ကောင်းသတင်းများဖြင့် ကျော်ကြားခဲ့သည့်နိုင်ငံသည် ယခုအခါ အကြမ်းဖက်အဖွဲ့များဖြစ်သော CRPH,NUGနှင့် PDF အကြမ်းဖက်အဖွဲ့များ၏ အကြမ်းဖက်လုပ်ရပ်များကြောင့် နိုင်ငံ၏ပုံရိပ်ကိုထိခိုက်စေခဲ့ပါသည်။ အဆိုပါအကြမ်းဖက်အဖွဲ့များအနေဖြင့် ရိုးဖြောင့်ခြင်းမရှိသော နိုင်ငံရေးရည်ရွယ်ချက် ပြည့်ဝစေရန်အတွက် ၎င်းတို့၏အကြမ်းဖက်လုပ်ရပ်များကို ထောက်ခံအားပေးခြင်းမရှိသော အဖွဲ့အစည်း၊လူပုဂ္ဂိုလ် များကိုသာမကဘဲ ရဟန်းသံဃာများကိုပင် ရက်စက်စွာအကြမ်းဖက် သတ်ဖြတ်ခြင်းများကို လုပ်ဆောင်လာခဲ့သည်။ အကြမ်းဖက်အဖွဲ့များ၏ လုပ်ကြံသတ်ဖြတ်မှုများကြောင့် ၂၀၂၁ ခုနှစ်၊ မေလ ၃ ရက်မှ နိုဝင်ဘာလ ၁၁ ရက်အထိ ရဟန်းသံဃာတော် စုစုပေါင်း ၁၂ ပါး ပျံလွန်တော်မူခဲ့သည်။
အကြမ်းဖက်သမားများသည် မြန်မာနိုင်ငံသားအများစု ကိုးကွယ်ရာ ဘာသာဖြစ်သော ဗုဒ္ဓဘာသာ၏ ရဟန်းသံဃာများကို ယခုကဲ့သို့အကြမ်းဖက်သတ်ဖြတ်နေမှုအား ပြည်သူလူထု တစ်ရပ်လုံးအနေဖြင့် ဝိုင်းဝန်းပူးပေါင်းကာကွယ်သွားကြရန်နှင့် အကြမ်းဖက်သမားများ၏ လှုပ်ရှားမှုသတင်းများကိုရရှိပါက နီးစပ်ရာ လုံခြုံရေးတပ်ဖွဲ့ဝင်များနှင့် လျှို့ဝှက်စွာ ဆက်သွယ်သတင်းပေးပို့၍ အကြမ်းဖက်သမားများ ရပ်တည်မှုမရှိနိုင်သည်အထိ ပူးပေါင်းဆောင်ရွက်သွားကြပါရန် မေတ္တာရပ်ခံသတင်းထုတ်ပြန်အပ်ပါသည်....