West Mogok Channel (2024)

01/01/2024

“နှစ်သစ်ကိုလည်း ကြို၊ ဖက်ဆစ်ကိုလည်း ဖြို”

ဗကသများအဖွဲ့ချုပ်

#ဗကသ #လှုပ်ရှားမှု

20/09/2021

"ခွပ်ဒေါင်းတွန်သံ မိုးသို့ညံ
အဆုံးသတ်တိုက်ပွဲ ဒို့ဆင်နွဲ"

#ဖက်ဆစ်စစ်တပ်အမြစ်ဖြတ်
#အဆုံးသတ်တိုက်ပွဲတို့ဆင်နွှဲ

19/09/2021

မဝင်းမော်ဦးသို့

ဒီနေ့ဟာ ခင်ဗျားကျဆုံးခဲ့တဲ့ ၃၃နှစ်မြောက်နေ့ ဖြစ်တယ် ။
တော်လှန်ရေးသပိတ်တိုက်ပွဲဆီမသွားမှီ အာဏာသိမ်းစစ်တပ်ကပစ်သတ်မယ် ကြော်ငြာထားလို့ မိဘများ
တားကြတုန်းကပြောခဲ့တဲ့ "သမီးကကျောင်းမှာ အမာခံမဟုတ်၊ အသေခံတွေ"ဆိုတဲ့ စကားက ဘယ်လောက်တောင်များ ရဲဝံ့လိုက်သလဲ။နောက်ဆုံးထွက်သက်မတိုင်ခင် ဖခင်ကို မှာခဲ့တဲ့ " ဒီမိုကရေစီရမှ သမီးကိုအမျှဝေပါ" ဆိုတဲ့စကားက ၁၆နှစ်အရွယ်ခင်ဗျားရဲ့ ပြင်းထန်တဲ့ စိတ်ဓာတ်နဲ့ယုံကြည်ချက် ရဲ့သက်သေပဲ။

၂၀၁၅မှာ မိသားစုက အမျှဝေခဲ့ပြီဆိုပေမယ့် သူတို့ကိုယ်တိုင်က လက်ရှိနိုင်ငံရေး အခြေအနေအပေါ် အားရမှုမရှိသေးဘူးလို့ ဆိုခဲ့တယ်။၂၀၂၁ တော်လှန်ရေးအောင်ပွဲ ပြီးရင် ကျုပ်တို့အားလုံး ခင်ဗျားအတွက် ဒုတိယ အကြိမ် ထပ်အမျှဝေချင်တယ်။

ခင်ဗျားလိုရဲဝံ့တဲ့သူတွေ ယုံကြည်ချက်ပြင်းထန်တဲ့သူတွေဟာ ခေတ်အဆက်ဆက် မှာ ဒီမိုကရေစီအရေးအတွက်၊နိုင်ငံအတွက်စစ်အာဏာရှင်ကိုတော်လှန်ရင်း အသက်စွန့်ခဲ့ကြတယ်။

ခင်ဗျားတို့ ရှေ့က အသက်နဲ့ရင်းပေးဆပ်ပြီး သင်ကြား ပေးခဲ့တာတောင် ကျနော်တို့ဟာ သင်ခန်းစာ မယူခဲ့ဘူး။
စစ်အာဏာရှင်ကို အမြစ်မဖြတ်ဘဲ ဒီမိုကရေစီခေတ် ရောက်ချင်ခဲ့ကြသတဲ့လား?ဘယ်လောက်တောင်ရှက်ဖို့ကောင်းလိုက်သလဲ?ရွှေရည်စိမ်ဒီမိုကရေစီထဲ ယစ်မူးအိပ်ပျော်နေတဲ့ကျနော်တို့ဟာ စစ်အာဏာရှင်တွေ အာဏာပြန်သိမ်းလိုက်မှလန့် ဖြန့်နိုးလာကြတယ် ။
ခပ်လွယ်လွယ်မက်ခဲ့မိတဲ့ ရွှေရည်စိမ် အိပ်မက်ဟာ
ခပ်လွယ်လွယ်ပျက်သွားခဲ့တာပေါ့။

ဒါပေမယ့် တချို့ကတော့ အခုချိန်ထိ အိပ်ချင်ယောင်ဆောင်နေကြဆဲပါပဲ။ကိုယ်ကျိုးစီးပွား မထိခိုက်သရွေ့ တော်လှန်ရေးနဲ့ မဆိုင်သလို နေရင်း စစ်ဖိနပ်အောက်မှာပဲကျွန်အဖြစ် ဆက်အသက်ရှင်နေချင်တဲ့သူတွေပေါ့။
တချို့ကြတော့ အလုပ်မပါတဲ့ အပြောသက်သက်နဲ့ တော်လှန်ရေးမှာ နိုးထချင်ယောင်ဆောင် အာချောင်
နေကြတယ်။ ကိုယ်ကိုယ်တိုင်စိုက်ပျိုးပြီးရလာတဲ့ အသီးဟာ ပိုချိုစမြဲ ဆိုတာကို သူတို့ကိုသိစေချင်ရဲ့ ။
တော်လှန်ရေးခေတ် အဆက်ဆက်မှာ အပြောထက် အလုပ်သာအရေးကြီးကြောင်း နားလည်ပြီး လုပ်အားကြကြ ပါဝင်လာစေချင်မိတယ်။

မျက်မှောက် ၂၀၂၁ တော်လှန်ရေးမှာလည်းကျနော်တို့ဟာ ဆက်လက် အသက်ပေးတိုက်ပွဲဝင်နေကြဆဲပါပဲ မဝင်းမော်ဦးရေ။ မရှက်တက်တဲ့သူတစ်စုကတော့ စစ်ကျွန်အဖြစ် ပြားပြားဝပ်လို့ပေါ့။ဒါပေမယ့်ကျွန်တော်တို့ကတော့ ခေတ်အဆက်ဆက် စစ်အာဏာရှင် တော်လှန်ရေးမှာ ကျဆုံးသွားတဲ့ အာဇာနည်တိုင်းရဲ့ ပေးဆပ်မှုတွေ၊ယုံကြည်ချက်တွေနဲ့ ထိုက်တန်အောင် အစွမ်းကုန်ကြိုးစားသွားမှာ။
ခေတ်အဆက်ဆက်ရဲ့ သွေးကြွေးဟာ ၂၁ တော်လှန်ရေးမှာ မုချအပြီးဆပ်နိုင်ရမယ်။ "အာဏာရှင်စနစ်ဟူသမျှကို အမြစ်ဖြတ်ပြီးမှသာဒီမိုကရေစီစနစ်ဆီရောက်နိုင်မယ်"ဆိုတဲ့ အချက်ကို မမေ့ပျောက်ပဲ တိုက်ပွဲမှ အောင်ပွဲဆီသို့ ဆက်လက် ချီတက်သွားမည်ဟု ကတိပေးရင်း အဆုံးသတ်လိုက်ပါတယ် အာဇာနည် မဝင်းမော်ဦးရေ။

#လေးစားလျှက်

#သွေးကြွေးမှာဆွေးနွေးစရာမရှိ
#သေမှာမကြောက်သပိတ်မှောက်
ငါတို့သည် မဝင်းမော်ဦးမျိုးဆက်များသာ

19/09/2021

"ဖက်ဆစ်ထုတ်ကုန် အားမပေး ငါတို့ အနာဂတ်အရေး"

အာဏာသိမ်းခါစက ဖက်ဆစ်ထုတ်ကုန်တွေကို သပိတ်မှောက်ခဲ့ကြပါတယ်။သို့ရာတွင် ယခုအခါ အချို့ပြည်သူများက မေ့မေ့လျော့လျော့ဖြင့်ပြန်လည် သုံးစွဲနေကြတာကို တွေ့ရပါတယ်။အကြမ်းဖက် စစ်ကောင်စီရဲ့ စစ်ယန္တရားကြီးကို အပြီးတိုင် ရပ်ဆိုင်းပစ်ဖို့အတွက် ပြည်သူလူထုတစ်ရပ်လုံးက အတူတကွ ကြိုးပမ်းကြဖို့ လိုအပ်ပါတယ်။ တောခိုနေတဲ့ ရဲဘော်ရဲဘက်တွေက သူတို့တတ်စွမ်းသမျှ လုပ်ပေးနေတုန်းမှာ တောမခိုနိုင်တဲ့ မြို့ပေါ်နေ ပြည်သူတို့အနေနဲ့လဲ ကိုယ်တတ်နိုင်တာကို ကြိုးစားလုပ်ပေးဖို့ လိုအပ်ပါတယ်။ တောခိုနေသူတို့အတွက် လိုအပ်တာ လှူဒါန်းပေးတဲ့ နည်းတူစွာပဲ တစ်ဖက်က စစ်ကောင်စီဆီကို ငွေဝင်မယ့် လမ်းကြောင်းတွေကိုလဲ ဖျက်ဆီးပစ်ရပါမယ်။ အဲ့အတွက် စစ်တပ်ပိုင်ထုတ်ကုန်တွေကို သပိတ်မှောက်ဖို့ လိုအပ်ပါတယ်။

သပိတ်မမှောက်ရင်ရော ဘာဖြစ်လို့လဲ?
သပိတ်မမှောက်ဘူးဆိုရင် စစ်တပ်ဘက်ကို ငွေဝင်စီးကြောင်း ရှိနေတဲ့အတွက် ပြည်သူတွေကို သတ်ဖြတ်မယ့် ကျည်ဆန်ဖိုး၊ လက်နက်ကြီးတွေ စသဖြင့် ဝယ်လို့ရအောင် ကူညီပေးသလို ဖြစ်သွားပါလိမ့်မယ်။ ပြည်သူတွေအနေနဲ့ ကိုယ့်ကို ပြန်ပစ်ဖို့ ကျည်ဖိုး ရှာပေးတာမျိုး မဖြစ်သင့်ပါဘူး။ ဒါကြောင့် ကိုယ့်ဆီကငွေ တစ်ပြားတစ်ချပ်မှ စစ်တပ်ဘက်ကို ရောက်မသွားဖို့အတွက် သေချာသပိတ်မှောက်ကြရပါမယ်။

ဘာတွေကို သပိတ်မှောက်ကြမလဲ?
အခုအချိန်မှာ မြန်မာဘီယာတို့ Rubyတို့ စတဲ့ စစ်တပ်ပိုင် ပစ္စည်းတွေကို ပြန်ပြီးသုံးနေတာတွေ ရှိလာပါတယ်။ ဒါကြောင့် စီးကရက်၊ ဘီယာစတဲ့ လူသုံးများတဲ့ ထုတ်ကုန်နဲ့ပတ်သတ်ပြီး သပိတ်မှောက်ရမယ့် ထုတ်ကုန်များကို ဖော်ပြပေးလိုပါတယ်။ ဘီယာမှာဆိုရင် Myanmar Beer, Myanmar Premium Beer, Adaman Gold, Dagon Beer, Mandalay Beer နဲ့ Black Shield တို့ဖြစ်ပြီး စီးကရက်ထုတ်ကုန်တွေက Red Ruby နဲ့ Premium Gold တို့ ဖြစ်ပါတယ်။

သပိတ်မှောက်တာကို ပိုထိရောက်အောင် ဘယ်လိုလုပ်မလဲ?
ဈေးကွက်ကွန်ရက်ဟာ အဓိကက ထုတ်လုပ်သူ၊ ဖြန့်ဖြူးသူ၊ ဝယ်ယူသူဆိုပြီး ကွင်းဆက်ကြီးရှိပါတယ်။ ဝယ်သူရှိလို့ ရောင်းသူရှိတယ်၊ ရောင်းသူရှိလို့ ထုတ်သူရှိတယ်၊ ထုတ်သူရှိလို့ ဝယ်သူရှိတယ်။ အဲ့အတွက် ကွင်းဆက်ဖြတ်ဖို့အတွက် အဓိကအခြေခံအနေနဲ့ ဝယ်သူတွေကစပြီး ဖြတ်ပစ်ကြပါမယ်။ တပ်ပိုင်းထုတ်ကုန်မှန်သမျှ မဝယ်ယူ၊ အားမပေးဘဲ နေပါမယ်။ ထိုနည်းလည်းကောင်း ရောင်းသူတို့ကလဲ တပ်ပိုင်းပစ္စည်းဆို ဆိုင်ပေါ်မတင်၊ မရောင်းချဘဲ နေရပါမယ်။

အခု Mytel Tower တွေ ကျိုးတဲ့အခါ စစ်တပ်ဘက်က အထိနာနေပါတယ်။ ဘီယာနဲ့ စီးကရက်က တိုင်ချိုးသလို သွားချိုးလို့မရတဲ့အတွက် ကိုယ်တတ်နိုင်တဲ့ဘက်ကနေဘဲ မဝယ်ယူ၊ မသုံးစွဲ၊ မရောင်းချ၊ အားမပေး ဆိုပြီးတော့ပဲ တတ်နိုင်သမျှ သပိတ်မှောက်ဖို့လိုအပ်ပါတယ်။

"ကိုယ်တစ်ယောက်မလုပ်လည်း ဘာမှမဖြစ်ပါဘူး"ဆိုပြီးနေမယ်ဆိုရင် ကိုယ်လိုလူတွေတစ်စတစ်စများလာမယ်ဆိုရင် ဖြစ်လာမယ့်ငွေတွေက စစ်တပ်ကို အကျိုးအမြတ် အကြီးကြီးပေးသလို ဖြစ်သွားစေတဲ့အတွက် ပြည်သူတစ်ရပ်လုံးအနာဂတ်အတွက် ဖက်ဆစ်ထုတ်ကုန်မှန်သမျှသပိတ်မှောက်ကြဖို့ နှိုးဆော်တိုက်တွန်းအပ်ပါတယ်။

#ဖက်ဆစ်စစ်တပ်အမြစ်ဖြတ်

06/07/2021

၇.၇.၁၉၆၂ မမေ့ကြနဲ့

26/06/2021

ဆလိုင်းတင်မောင်ဦး သို့မဟုတ် တစ်နိုင်ငံလုံး ဂုဏ်ပြုရမည့် ကျောင်းသားအာဇာနည်
▬▬▬▬▬▬▬▬▬▬

“မင်းတို့ ငါ့ခန္ဓာကိုယ်ကိုသာ သတ်လို့ရမယ်။ ငါရဲ့ ယုံကြည်ချက်နဲ့ ရပ်တည်ချက်တွေကိုတော့ ဘယ်တော့မှ သတ်လို့ရမှာ မဟုတ်ဘူး။ မင်းတို့ စစ်ဖိနပ်အောက်မှာ ငါ ဘယ်တော့မှ ဒူးထောက်မှာ မဟုတ်ဘူးကွ”

အထက်ပါ စကားက မြန်မာ့သမိုင်းမှာ ကျောင်းသားခေါင်းဆောင်များအနက် တစ်ဦးတည်းသော ကြိုးပေးကွပ်မျက်ခံခဲ့ရတဲ့ ချင်းအမျိုးသား ဆလိုင်းတင်မောင်ဦး ကြိုးစင်ပေါ်မှာ ပြောခဲ့တဲ့ သမိုင်းဝင်စကား ဖြစ်ပါတယ်။

ရန်ကုန်တက္ကသိုလ်ကျောင်းသား ဆလိုင်းတင်မောင်ဦးဟာ ၁၉၆၉၊ ၁၉၇၄၊ ၁၉၇၅၊ ၁၉၇၆ ခုနှစ်တွေဆီက မဆလ တစ်ပါတီစနစ်၊ စစ်အာဏာရှင်စနစ်ကို ဆန့်ကျင်တော်လှန်ရာမှာ ဦးဆောင်ခဲ့တဲ့ ကျောင်းသားခေါင်းဆောင်တစ်ဦးဖြစ်ပြီး ထောင်နှစ်ကြိမ် ကျခဲ့ပါတယ်။ ဆလိုင်းတင်မောင်ဦးကို ၁၉၇၆ ဇွန်လ (၂၆) ရက်နေ့မှာ မဆလ စစ်အာဏာရှင်တို့က ကြိုးပေးကွပ်မျက်ခဲ့ကြပါတယ်။

စစ်အာဏာရှင်အဆက်ဆက်ဟာ သူတို့ကို ဆန့်ကျင်တော်လှန်တဲ့ ရဟန်းရှင်လူ ကျောင်းသားပြည်သူပေါင်းများစွာကို မတရား ဖမ်းဆီးနှိပ်စက်သတ်ဖြတ်ခဲ့ကြတာ အားလုံးအသိပါပဲ။ အဲ့လို ဖမ်းဆီးခံခဲ့ရတဲ့ ကျောင်းသားပေါင်းများစွာအနက် ဆလိုင်းတင်မောင်ဦးဟာ တဦးတည်းသော ကြိုးပေးကွပ်မျက်ခံရတဲ့ ကျောင်းသားခေါင်းဆောင် ဖြစ်ပါတယ်။

ဆလိုင်းတင်မောင်ဦးဟာ နောက်ဆုံးအချိန် ကြိုးစင်ပေါ်မှာတောင် “မင်းတို့ ငါ့ခန္ဓာကိုယ်ကိုသာ သတ်လို့ရမယ်။ ငါရဲ့ ယုံကြည်ချက်နဲ့ ရပ်တည်ချက်တွေကိုတော့ ဘယ်တော့မှ သတ်လို့ရမှာ မဟုတ်ဘူး။ မင်းတို့ စစ်ဖိနပ်အောက်မှာငါ ဘယ်တော့မှ ဒူးထောက်မှာ မဟုတ်ဘူးကွ” လို့ သမိုင်းဝင် ကြွေးကြော်စကား ပြောခဲ့ပါတယ်။

ယနေ့ ၂၀၂၁ ခု၊ ဇွန်လ ၂၆ ရက်နေ့ဆို ချင်းအမျိုးသား ကျောင်းသားခေါင်းဆောင် ဆလိုင်းတင်မောင်ဦး ကျဆုံးခဲ့တာ (၄၅) နှစ်တိုင်ခဲ့ပြီ။

ကျောင်းသားခေါင်းဆောင် အာဇာနည် ဆလိုင်းတင်မောင်ဦးကို ကျနော်တို့ ပြည်သူလူထုတစ်ရပ်လုံးက လေးစား၊ ဂုဏ်ပြု၊ အောက်မေ့လျက် . . .

#ကြောက်ခေတ်ကို_မှောက်ပစ်ကြ

#ကမ္ဘာမကြေဘူး

#မလျော့ဘူး

#သွေးမအေးဘူး

#နောက်မဆုတ်ဘူး

#တိုက်ပွဲရှိရင်_အောင်ပွဲရှိတယ်

#စစ်အာဏာရှင်စနစ်_မုချကျရှုံးရမည်

#အရေးတော်ပုံ_အောင်ရမည်

14/06/2021

ခင်ဗျားတို့ ကျုပ်ကို ပစ်သတ်မယ်ဆိုတာ ကျုပ် သိပြီးသားပါ။ တကယ်တော့ ကျုပ်ကို အရှင်မဖမ်းသင့်ဘူးဗျ။ ဒါပေမဲ့ ဒီအရှုံးက တော်လှန်ရေး ဆုံးခန်းတိုင်တာ မဟုတ်ဘူး။ တခြားနေရာမှာ တော်လှန်ရေးက အောင်ပွဲခံမှာပါ

တော်လှန်ရေးသမားတစ်ယောက်ရဲ့တာဝန်က တော်လှန်ရေးတွေ ပိုပြီးထပ်လုပ်ဖို့ပဲ။ လက်နက်ကိုင်တိုက်ပွဲတိုင်းရဲ့ နောက်ဆုံးပန်းတိုင်က ပြည်သူကို ဂုတ်သွေးစုပ် အနိုင်ကျင့်နေတဲ့ မသမာတဲ့အစိုးရတိုင်းကို ဖြုတ်ချဖို့ပဲ

ရဲဘော်ချေဂွေဗားရား

14/06/2021

တော်လှန်ရေးဆိုတာ အလိုလိုကြွေကျလာမယ့်ပန်းသီးတစ်လုံးမဟုတ်ဘူး..
ကိုယ်တိုင်ချွေမှရမယ့် ပန်းသီးတစ်လုံး...

ချေဂွေဗားရား

Happy Birthday Che

13/06/2021

ကိုဌေးမြိုင်(ဒဂုန်တာရာ)..ရေ

ရန်သူကသေစေချင်တဲ့အခါ
မသေအောင်နေပေးရတာလဲ
တိုက်ပွဲတစ်ခုဗျ။

- ဗန်းမော်တင်အောင်

18/05/2021

ဇာဘုရင် ရဲ့ စနစ်ဆိုးကြောင့်
ပြည့်တန်ဆာ ဖြစ်ရတဲ့
ရှရှားမလေးဟာ
အိပ်ယာထဲမှာ ငိုနေတယ်။

နေဝင်း ရဲ့ စနစ်ကြောင့်
သူပုန်ဖြစ်ရတဲ့ ကျောင်းသားတွေ
လမ်းမပေါ်မှာ တိုက်ပွဲ ဝင်နေတယ်။

ဒီနေ့ပွဲ ဟာ
ရှုံးရှုံးနိုင်နိုင် ယှဉ်ပြိုင်ခြင်းသာ အဓိက ဆိုတဲ့ ပွဲ မဟုတ်ဘူး
သူသေ ကိုယ်သေ အပြိုင်နွှဲ
ဝိညာဥ်ချင်းဆိုင် ရိုက်ခွဲတဲ့ပွဲ ဖြစ်တယ်...။

"ဟေ့ ကြိုးစင် "
ငါရင်ကော့ပြီး လာခဲ့မယ်

#ရွှေဘုန်းလူ

10/05/2021

Rest In Power!

မနေ့ကဖမ်းပြီး ဒီနေ့အလောင်းပြန်ပို့ခံရတဲ့ တော်လှန်ရေးကဗျာဆရာ ခက်သီ ရေးဖွဲ့ထားတဲ့ ဂူတာပြင်ကဗျာကို တလေးတစားပြန်လည် မျှဝေလိုက်ရပါတယ်။ (ဒါနဲ့ ကျွန်မ ဂူတာပြင်ရော၊ အင်းဒင်ရော ရောက်ဖူးတယ်။ စိတ်ချောက်ခြားစရာ အဖြစ်အပျက်တွေ။ 😰)

ဂူတာပြင်
----------

ငါတို့လည်း
ပျူ ၊သက်၊ကမ်းယံက နှောလာတဲ့ သွေးနှောတွေပဲ
သာကီသွေးဆိုတဲ့ ဒီအန်အေက
မင်းတို့ရဲ့ အရူးထမှုကို လျှာထုတ်ပြလိမ့်မယ်။

လူသားမျိုးနွယ်စု တခုဟာ
လူ့တန်ဖိုးသိမ်ဖျင်းသွားလောက်တဲ့အထိအောင်
ယဉ်ကျေးတဲ့ ကမ္ဘာမှာ
ရှိသင့်တော့လို့လား ။

တိရိစ္ဆာန်လို ခြံခတ်ပိတ်ဆို့ထားခံရတဲ့
လူသားမျိုးနွယ်စု တခုဟာ
လူသားတွေရဲ့ အခြေခံရပိုင်ခွင့်တွေ
တားမြစ်ထိန်းချုပ်ခံထားရတဲ့
လူသားမျိုးနွယ်စုဟာ
လူနဲ့လူချင်းကို ဘုရားသခင်ရဲ့ အခွင့်ထူးခံလူသားတွေအဖြစ်
အားကျငေးမောရင်းသာ မျှော်ကြည့်နေရတဲ့
လူသားမျိုးနွယ်စုဟာ
ရှိနေသေးတယ်ဆိုရုံနဲ့
လူသားဆန်တဲ့ အခြားကမ္ဘာသားတွေမှာ တာဝန်ရှိသွားပြီ ။

ဂူတာပြင်မှာ
အင်းဒင်မှာ
အခြား ကမ္ဘာ့ တနေရာရာမှာ
မျိုးနွယ်စုတခုခုကို
ရည်ရွယ်ပြီးသတ်ဖြတ်နေတဲ့ ဂျီနိုဆိုက်တွေ ရှိနေရဲ့။

အတုံးအရုံး သေဆုံးသွားရတဲ့
ကလေးသူငယ် နဲ့ သက်ကြီးရွယ်အိုတွေ
ဘယ်လိုပြစ်မှု မျိုးနဲ့ သေဆုံးသွားရတယ်
သိလိမ့်မယ်မဟုတ်ဘူး
ဘုရားသခင်နဲ့တွေ့ရင် မေးကြလိမ့်မယ်
ကျွန်ုပ်တို့
အခုဆိုရင် ငရဲက လွတ်မြောက်ကြပြီမဟုတ်လား တဲ့ ။ ။

ခက်သီ
5-9-2019

(Credit- Tharaphe Hlaing)

07/05/2021

Long Live ABFSU....
(1936,May8-2021,May8)
ဗကသများအဖွဲ့ချုပ် ဖွဲ့စည်းတည်ထောင်ခြင်း
(85)နှစ် ပြည့်ခဲ့လေပြီ...။

#စစ်အာဏာရှင်စနစ်မုချကျဆုံးရမည်။

29/04/2021

ဖောက်ပြန်သူအပေါင်း
တီးတဲ့စောင်းမှာ
ခွပ်ဒေါင်းဘယ်အခါမှမက

28/04/2021

⬛ အခြေခံပညာ ပညာရေးဝန်ထမ်းများအထွေထွေသပိတ်ကော်မတီ၊ ရန်ကုန်တက္ကသိုလ်ကျောင်းသားများသမဂ္ဂ၊ မန္တလေးတက္ကသိုလ်ကျောင်းသားများသမဂ္ဂနှင့် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်တို့မှ ကြားကာလ အမျိုးသားညီညွတ်ရေးအစိုးရ (INUG) သို့ အိတ်ဖွင့်ပေးစာပေးပို့
(ဧပြီ၂၈ရက်၊ ၂၀၂၁ခု)

ဗကသများအဖွဲ့ချုပ်၊ ရတကသ၊ မတကသနှင့် BEGSC တို့ပူးတွဲပြီး ကြားကာလအမျိုးသားညီညွတ်ရေးအစိုးရ(INUG) ကို လိပ်မူလျက် ဧပြီ ၂၈ရက်နေ့ ရက်စွဲဖြင့် အိတ်ဖွင့်ပေးစာတစောင် ပေးပို့ခဲ့ပါသည်။ တော်လှန်စစ်ဆင်နွှဲရေးအတွက် လိုအပ်သည့်ပြင်ဆင်မှုများပြုလုပ်ရန်၊ CDM ဝန်ထမ်းများကို ထောက်ပံ့ရန်၊ ကြားကာလဖွဲ့စည်းပုံတစ်ရပ် ရေးဆွဲပြဌာန်းရန်တို့ကို အဓိကတိုက်တွန်းထားပြီး တိုက်တွန်းချက်(၅)ရပ် ပါဝင်ပါသည်။ မည်သည့်အကြောင်းပြချက်နှင့်မျှ ရန်သူစစ်အုပ်စုနှင့် စေ့စပ်ညှိနှိုင်းခြင်းမပြုရန်လည်း ထည့်သွင်းတိုက်တွန်းထားသည်ကို တွေ့ရသည်။

#သတင်းနှင့်ပြန်ကြားရေး
#ဗဟိုအမှုဆောင်အဖွဲ့

#ဗကသများအဖွဲ့ချုပ် #ရတကသ #မတကသ

26/04/2021

❙ တက္ကသိုလ်ကျောင်းသားသမဂ္ဂများမှ ပူးတွဲကြေညာချက်

၂၀၂၁၊ ဧပြီ ၂၆

ယူကေနှင့်အိုင်ယာလန်မှ မြန်မာကျောင်းသားများသမဂ္ဂမှ အကြောင်းကြားစာတစ်စောင်ရရှိခဲ့ပါသည်။ မြန်မာနိုင်ငံမှ ဝမ်းနည်းစရာသတင်းများ၊ လူ့အခွင့်အရေးချိုးဖောက်ခံရမှုများကို ကြားသိရကြောင်းနှင့် ထိုအဖြစ်အပျက်များသည် ယူကေအစိုးရ၏ အကြမ်းဖက်အက်ဥပဒေ (၂၀၀၀ခုနှစ်) နှင့် ငြိစွန်းနေကြောင်းတွေ့ရှိရသဖြင့် ယူကေအစိုးရအနေနှင့်လည်း စစ်ကောင်စီကို အကြမ်းဖက်အဖွဲ့အဖြစ် ကြေညာအရေးယူပေးရန် အိတ်ပိတ်ပေးစာ ပေးပို့တောင်းဆိုခဲ့ကြောင်း သိရှိရသည်။ ထိုစာကို ယူကေအစိုးရဖက်မှ တစ်ပတ်အတွင်း ပြန်လည်အကြောင်းပြန်ခဲ့ခြင်းမရှိသောကြောင့် ကျောင်းသားထုမှ အစာငတ်ခံဆန္ဒပြမည်ဖြစ်ကြောင်းပါ တစ်ပါတည်းအကြောင်းကြားလာသည်။ ကျွန်ုပ်တို့ ကျောင်းသားသမဂ္ဂများမှ ယူကေရောက် မြန်မာကျောင်းသားများနှင့် တစ်သားတည်းရပ်တည်ပါကြောင်း မိမိတို့၏ သဘောထားကို ထုတ်ပြန်ကြေညာလိုက်သည်။

Crd

25/04/2021

❙ THERE IS NO SUPREME SAVIOUR! ကယ်တင်ရှင် မရှိ

အောင်ဖုန်းမော် | ရတကသ
[Feb 24, 2020]

ရန်ကုန်တက္ကသိုလ်ကျောင်းသားများသမဂ္ဂက "There is no supreme saviour!" ဆိုတဲ့စာကို သမဂ္ဂရုံးရှေ့မှာ ယနေ့ပြောင်းလဲချိတ်ဆွဲလိုက်ပါတယ်။ ဒီစာသားဟာ အင်တာနေရှင်နယ် သီချင်းပါ စာသား ဖြစ်တယ်။ ဒီစာကို သမဂ္ဂက "နိုင်ငံရေး အဆိုပြုချက်" တခုအနေနဲ့ ချိတ်တာဖြစ်တယ်။ ဒါပေမယ့် နိုင်ငံရေးအဆိုတိုင်း အဆိုတိုင်းဟာ "တရားမျှတမှု" အကြောင်းကို တနည်းတဖုံပြောနေကြတာချည်းပဲဖြစ်တယ် လို့ကျနော်ယူဆတယ်။ "There is no supreme saviour!" ဆိုတဲ့ အဆိုဟာလည်း နိုင်ငံရေးအဆိုတခုအနေနဲ့ တရားမျှတမှု အကြောင်းကိုပြောနေတာပဲဖြစ်တယ်။ ဒီတော့ "There is no supreme saviour! ဆိုတဲ့ အဆိုက 'တရားမျှတမှု' အကြောင်းကို ဘာပြောသလဲ။"

"There is no supreme saviour!" "ကယ်တင်ရှင် ဆိုတာမရှိဘူး၊ နိုင်ငံရေးမှာ ကယ်တင်ရှင်ဆိုတာမရှိဘူး" ဆိုတဲ့အဆိုက တရားမျှတမှုအကြောင်းဘာပြောသလဲ။ ကျနော်တို့ဟာ ဘယ်တော့မှ တရားမျှတမှု အတွက် ကျနော်တို့ လုပ်ရမယ့် 'အလုပ်' ကို ဥပဒေ၊ စစ်တပ်၊ ရဲ၊အစိုးရ၊ ပါတီ စတာတွေဆီမှာ ပုံအပ်ထားလို့မရဘူးဆိုတာပဲဖြစ်တယ်။ နောက်ဆုံးမှာတော့ "တရားမျှတမှုကို နိုင်ငံရေးအတွင်းမှာ ဆောင်ကျဉ်းပေးမယ်၊ စီရင်ချက်ချပေးမယ်" ဆိုတဲ့ ယန္တရားတွေ၊ "ပြည်သူ့ အစိုးရ" တွေ၊ ငရဲတွေ၊ ဘုရားသခင်တွေ ဆိုတာမရှိဘူးလို့ ဆိုလိုတာဖြစ်တယ်။ တရားမျှတမှုကို အမြဲပေးနိုင်တယ်၊ စီရင်ပေးနိုင်တယ်ဆိုတဲ့ "ကယ်တင်ရှင်" ဆိုတာမျိုးမရှိဘူးလို့ဆိုလိုတာပဲဖြစ်တယ်။ ဒီတော့ အဲ့ဒီလိုအဓိပ္ပာယ်နဲ့ "ကယ်တင်ရှင်" ဆိုတာမရှိတာဖြစ်တယ်။ ဒီလို ကယ်တင်ရှင်မရှိတဲ့အလျောက် နောက်ဆုံးမှာတော့ " 'တရားမျှတမှု' ဟာ လူတွေကိုယ်တိုင်ပဲ ကိုယ့်လက်နဲ့ကိုယ် ဖော်ဆောင်ရမယ့်အရာပဲဖြစ်တယ်" လို့ ဆိုလိုတာဖြစ်တယ်၊ နောက်ဆုံးမှာတော့ "တရားမျှတမှုကိုဖြစ်စေဖို့အတွက် လူတွေကိုယ်တိုင်ပဲ စုပေါင်းလုပ်ဆောင် ကြရမှာဖြစ်တယ်" လို့ ဆိုလိုတာဖြစ်တယ်။

လူတွေဟာ တရားမျှတမှုအတွက် အလုပ်ကို ကယ်တင်ရှင် အဖွဲ့အစည်းတခုခု (သို့မဟုတ်) လူပုဂ္ဂိုလ်တယောက်ယောက် ဆီမှာအပ်ထားသရွေ့ လူတွေအတွက်ကျန်တဲ့ အလုပ်ဟာ "တရားမျှတမှုကို စောင့်ဆိုင်းနေရခြင်း" ထက်မပိုဘူး။ 'တရားမျှတမှု' အတွက် အကြီးဆုံးအန္တရာယ်ကဘာဖြစ်မလဲ။ ကျနော့်အမြင်မှာ အဲ့ဒီလိုမျိုး "တရားမျှတမှုကို တခုခု၊ တယောက်ယောက်ဆီကနေရဖို့ စောင့်နေရတယ်" "စောင့်ပါဦး" ဆိုတာကိုယ်တိုင်က တရားမျှတမှုအတွက်အကြီးဆုံးအန္တရာယ်ပဲဖြစ်တယ်။ မတရားမှုတွေကိုယ်တိုင်ဟာ ဘယ်လောက်ဆိုးရွားနေပစေ ကျနော်တို့ရဲ့ "စောင့်ပါဦး" ဆိုတာလောက် 'တရားမျှတမှု' အတွက်အန္တရာယ်ရှိတာ ဘာမှမရှိဘူး။ ဒါကြောင့် လက်ရှိခေတ်မှာ ကျနော်တို့ဟာ ဒီအဆိုကို ထပ်ခါထပ်ခါထုတ်ဖော်သတိပေးနေရမယ် "There is no supreme saviour!" "ကယ်တင်ရှင်မရှိ"။

(၂၀၂၀ ဖေဖော်ဝါရီတွင် ဖော်ပြခဲ့သော ဆောင်းပါးကို ပြန်လည်ဖော်ပြသည်)

Crd

25/04/2021

ဧပြီ ၂၅၊ ၂၀၂၁

◾ မိုးကုတ်မြို့ ရပ်ကွက်များရဲ့သွေးမအေး သပိတ်များ

ဓာတ်ပုံ - CJ

#မိုးကုတ်နွေဦးတော်လှန်ရေး

25/04/2021

❗စစ်အာဏာသိမ်းပြီး (၈၄)ရက်မြောက် ဧပြီ (၂၅)ရက် ည ၁၀နာရီ ထိ အာဏာသိမ်း စစ်ကောင်စီ လက်ချက်ကြောင့် ကျဆုံးခဲ့သည့် သူရဲကောင်း (၇၅၁)ဦးရှိပြီး၊ ဖမ်းဆီးချုပ်နှောက်ခံရဆဲ (၃၄၃၁)ဦးရှိကြောင်း AAPP သတင်းထုတ်ပြန်ချက် အရသိရသည်။

Crd_photo

11/04/2021

▪️ပြည်ထောင်စုလွှတ်တော်ကိုယ်စားပြုကော်မတီသို့ ဗမာနိုင်ငံလုံးဆိုင်ရာ ကျောင်းသားသမဂ္ဂအများအဖွဲ့ချုပ်နှင့် အခြေခံပညာ ပညာရေး၀န်ထမ်းများ အထွေထွေသပိတ်ကော်မတီမှ ပေးပို့သော အိတ်ဖွင့်ပေးစာ

( ၁၀ရက်၊ ဧပြီလ၊ ၂၀၂၁ခု )

04/04/2021

▪️တက္ကသိုလ်ကျောင်းသားသမဂ္ဂများမှ ပြည်ထောင်စုလွှတ်တော်ကိုယ်စားပြုကော်မတီ (CRPH) ထံသို့ တောင်းဆိုသော အနာဂတ်ပညာရေးကတိပြုလွှာ

26/03/2021

အရေးတော်ပုံ အောင်ရမည်

မတ်လတော်လှန်ရေး

26/03/2021

အားလုံးစုဝေး
ဖက်ဆစ်တော်လှန်ရေး

မတ်လ၂၇ ရက်

12/03/2021

#ဖုန်းမော်နေ့ သမိုင်းဆောင်းပါး
ဗကသများအဖွဲ့ချုပ် မှတ်တမ်းရေးရာကော်မတီနှင့် သတင်းနှင့်ပြန်ကြားရေးကော်မတီတို့မှ ဖြန့်ဝေပါတယ်။

Download links

Mega link - https://mega.nz/file/baQiGZpB -hmTb3VOTDKXsc3VV4gArNAlVkXVXekLZp3U
Drive - https://drive.google.com/file/d/10j8C8I2mhqRbaCda8asrM7XqL7jYauTe/view?usp=drivesdk

#ဗကသများအဖွဲ့ချုပ်
#သတင်းနှင့်ပြန်ကြားရေး
#မှတ်တမ်းရေးရာကော်မတီ

12/03/2021

မနက်ဖြန် မတ်လ ၁၃ရက်နေ့ ကိုဖုန်းမော်နေ့ပါ
၁၉၈၈ မတ်လ ၁၃ရက် နေ့ဟာ ရှစ်လေးလုံးအရေးတော်ပုံကြီးကို အစပြုဖိုအတွက် ကိုဖုန်းမော် ကျဆုံးခဲ့ရခြင်းဟာ မီးစတစ်ခုဖြစ်ခဲ့သလို အာဏာရှင်တွေကို ခြောက်ခြားစေခဲ့တဲ့ နွေညတစ်ညလည်း ဖြစ်ခဲ့ပါတယ်
နှစ်ပေါင်းများစွာ အမြစ်တွယ်ခဲ့တဲ့ အာဏာရှင်စနစ်ကို မျိုးဆက်အသီးသီးက ရဟန်းရှင်လူကျောင်းသား ပြည်သူတွေ တော်လှန်ခဲ့ကြတာ အခုဆိုရင် ကျနော်တို့မျိုးဆက်အထိပါဘဲ
ဒီမိုကရေစီအရေးမှာ ကျဆုံးသွားတဲ့ အာဇာနည်တွေအတွက် ဒီတိုက်ပွဲကို ကျနော်တို့ အနိုင်တိုက်ဖို့ လိုအပ်ပါတယ်
အရေးတော်ပုံ အောင်ရမည် ✊

ကနဖျင်းမထိုးရ
လူမစုရ
ရေအိုးမခွဲရ
စားမြိန်စာထုပ် မထည့်ရ
နံနက်စောစောချခဲ့ရတဲ့အသုဘ
ဖုန်းမော်ရေ အမျှ အမျှ
ကောင်းရာသုဂတိလားပါစေ

Monday	09:00 - 16:00
Tuesday	09:00 - 15:15
Wednesday	09:00 - 17:00
Thursday	09:00 - 17:00
Friday	09:00 - 16:15
Saturday	09:00 - 12:00

West Mogok Channel

01/01/2024

20/09/2021

19/09/2021

19/09/2021

06/07/2021

26/06/2021

14/06/2021

14/06/2021

13/06/2021

18/05/2021

10/05/2021

07/05/2021

29/04/2021

28/04/2021

26/04/2021

25/04/2021

25/04/2021

25/04/2021

11/04/2021

04/04/2021

26/03/2021

26/03/2021

12/03/2021

12/03/2021

Address

Opening Hours

Website

Alerts

Videos

ကျောင်းသားထုတေးသံ

Shortcuts

Share