23/02/2022
ပြည်သူ့အင်အား အလိုရှိသည်။
ဒီလိုစာမျိုး ရေးမတင်ဖြစ်တာတော့အတော်ကြာပါပြီ ဒီနေ့တော့ ငွေပို့ရမယ့်အဖွဲ့တွေကို verify လုပ်ဖို့ စာရင်းလုပ်နေရင်း စိတ်ထဲပေါ်လာလို့ နဲနဲလောက် ရေးချင်ပါတယ်ခင်ဗျာ။ စာနဲနဲရှည်မယ်ပေါ့ခင်ဗျာ။
click2donate ဟာ ဒီလတစ်လထဲမှာတင် အဖွဲ့ပေါင်း ၈၀ လောက်နီးပါးဆီကို အထောက်အပံ့တွေပို့နိုင်ဖို့ ရှိနေပါတယ်။ အဖွဲ့ပေါင်း ၈၀ ဆိုတာ မြန်မာပြည်မှာ PDF တပ်ဖွဲ့ ၈၀၀ ရှိရင် တနိုင်ငံလုံးရဲ့ 10% ပါ။ ဒါပေမယ့် လုံလောက်လားလို့မေးရင် PDF လေးတွေအားလုံးရဲ့အဖြေက တညီတညာထဲ "NO" လို့ထွက်လာမှာပါပဲ။ ဘာလို့လဲဆိုတော့ click2donate ကပေးနိုင်တာက တစ်ဖွဲ့မှ သိန်းတစ်ရာသိန်းတစ်ရာ့ငါးဆယ်ပါ သူတို့ တပ်ဖွဲ့တွေ တဖွဲ့စီတိုင်းတစ်ဖွဲ့စီတိုင်းက လိုနေတဲ့ပိုက်ဆံက သိန်းပေါင်း သောင်းနဲ့ချီပီးလိုနေတာပါ။
ဒါတောင်မှပဲ ကျွန်တော်တို့ကို ဆက်သွယ်လို့မရတဲ့အဖွဲ့တွေ ကျွန်တော်တို့နဲ့မချိတ်ဆက်မိတဲ့အဖွဲ့တွေ အများကြီး ဆိုမှ အများကြီးရှိနေသေးပါတယ်။
ဒါပေမယ့် ဒီနောက်ပိုင်းမှာ အများစုဟာတော့ သူတို့ လိုအပ်ချက်တွေအကြောင်းစဉ်းစားရင် click2donate ကို ထည့်ပြီးစဉ်းစားလာကြပါပြီ...
ကျွန်တော်ကိုယ်တိုင်လဲ တစ်ယောက်ထဲနဲ့ page ကစာတွေကိုတောင် ဝင်လာသမျှ မစစ်နိုင်ပါဘူး ကျွန်တော်နဲ့ ချိတ်ဆက်မိဖို့ဆိုတာကလဲ သူတို့အဖွဲ့တွေအတွက် တော်တော်ကိုခက်ခဲကြမှာပါ။
ပြောချင်တာကတော့ click2donate ဟာ တဖြည်းဖြည်းနဲ့ ထမ်းထားရတဲ့ ဝန်တွေ အရမ်းများလာပါတယ်ခင်ဗျာ။
ဒါပေမယ့် နေ့စဉ် အသုံးပြုတဲ့လူဦးရေဟာ ငါးသောင်းတောင်မကျော်သေးဘူးဖြစ်နေပါတယ်။
ကျွန်တော့်မှာလဲ ကိုယ်စွမ်းဉာဏ်စွမ်းရှိသလောက် အဆက်အသွယ်တွေရှိသလောက် နည်းလမ်းပေါင်းစုံနဲ့ကြိုးစားနေပေမယ့် ကျွန်တော် ရှာပေးနိုင်တဲ့ ငွေပမာဏဟာ တလကို သိန်းပေါင်း ၆ထောင်လောက်ပဲရှိပါတယ်။
ဒီလဆိုရင် ကျွန်တော်ရတဲ့ပိုက်ဆံနဲ့ အဖွဲ့ပေါင်း ၈၀ ကိုစာရင်းသွင်းအပြီးမှာ အခုထိကိုလာရောက်ချိတ်ဆက်နေသေးတဲ့အဖွဲ့တွေ အလှည့်မကျသေးတဲ့အဖွဲ့တွေကို နောက်လစာရင်းတွေမှာ ထည့်နေရပါတယ်။
သူတို့ (PDF) တွေရဲ့ မျှော်လင့်ချက်မှာတော့ click2donate နဲ့ချိတ်ဆက်မိပြီဆိုရင် အနဲငယ်ပဲဖြစ်ဖြစ် အထောက်အပံ့တွေရလာမယ်လို့ မျှော်လင့်ထားကြမှာပါပဲ။
တချို့အဖွဲ့တွေဆိုရင် ချက်ချင်းရမှဖြစ်မယ်လို့ဆိုတဲ့ အရေးပေါ်လာပြောကြတဲ့အဖွဲ့တွေလဲအများကြိးရှိပါတယ် ဒါပေမယ့် ကျွန်တော်တို့က အလှည့်ကျအတိုင်း စာရင်းလာပေးကြတဲ့အတိုင်း ကူနေတဲ့အခါမှာ ဒီနေ့လာပြော မနက်ဖြန် ပိုက်ဆံရ ဆိုတာမျိုး မဖြစ်လာနိုင်တဲ့အခါ သူတို့မှာလဲ သူတို့အခက်အခဲနဲ့သူတို့ ကျွန်တော့်မှာလဲ ကျွန်တော့်အခက်အခဲနဲ့ကျွန်တော် တော်တော်လေးကိုရှင်းပြရ ပြောပြရပါတယ်။
ဒီအချိန်မှာ
ကျွန်တော်တို့ app တွေကိုသုံးနေတဲ့ user ပမာဏဟာ
စစ်အာဏာရှင်ကိုအလိုမရှိပါဘူး ဆိုတဲ့လူတွေထဲကမှ
နည်းပညာနဲ့မဝေးတဲ့ လူငယ် (လူငယ်သီးသန့်) ရဲ့ ၅၀ရာခိုင်နှုန်းလောက်သာ နေ့စဉ်မပျက် ကလစ်လုပ်ပေးနေကြမယ် ဆိုခဲ့ရင် ကျွန်တော်တို့ တစ်လဝင်ငွေဟာ သိန်းတစ်သောင်းလဲဖြစ်နိုင်တယ် သိန်းခြောက်သောင်းလဲဖြစ်နိုင်ပါတယ်။
လမ်းမပေါ်ပြည့်လျှံနေအောင် ထွက်ခဲ့ကြတဲ့ လူအုပ်ကြီးကို ကျွန်တော် မျှော်လင့်မိပါတယ်။
လမ်းမပေါ်မှာ တမျှော်တခေါ်ကြီး ချီတက်ခဲ့ကြတဲ့ ခေတ်ပညာတတ် လူငယ် တွေကို ကျွန်တော်မျှော်လင့်မိပါတယ်..
လူတစ်သိန်းဆိုတာ တနိုင်ငံလုံးက တောထဲမရောက်ပဲ မြို့ပေါ်မှာတင်ကျန်ခဲ့တဲ့ထဲက လူငယ်တွေရဲ့ 10% လောက်ပဲရှိတာပါ။ လက်ရှိမှာ ကလစ်လုပ်ကြသူတွေထဲမှာ Gen x တွေ Gen y တွေတင်မကဘူး အသက် လေးဆယ်ငါးဆယ်ကျော်တွေကပါ အားတက်သရောပါဝင်နေကြပါတယ်။
လုံခြုံစွာ ထောက်ကူနိုင်တဲ့ တစ်ခုထဲသော နည်းလမ်းဖြစ်ပါတယ်။
အားလုံးရဲ့အင်အားကိုကျွန်တော်တို့လိုနေပါတယ်။ အရေးကြီးလာလေလေ ပိုလိုအပ်လာလေလေပါပဲ..
နှစ်ပေါင်းများစွာ တိုင်းပြည်ရဲ့ သယံဇာတတွေ အခွန်ငွေတွေနဲ့ တည်ဆောက်လာတဲ့ စစ်လက်နက်အင်အားပြည့်စုံတဲ့ ကောင်တွေနဲ့ ယှဉ်တိုက်နေရတဲ့ ကျွန်တော်တို့ သူရဲကောင်းတွေက ဒီထက်မကတဲ့ အထောက်အပံ့တွေလိုပါတယ်...
လက်နက်ကိုင်တိုက်ပွဲတွေစပြီဆိုတော့ ကျွန်တော်က အများကြီးမျှော်လင့်ဖူးတာ နောက်ကပြည်သူတွေက ရိက္ခာတွေချက်ပြီးပို့ကြမယ် လက်နက်အထောက်အပံ့တွေကူညီကြမယ် ပေါ့..
ဇာတ်ကားတွေထဲမှာဆို မိန်းမတွေက မြားချွန်ပေး ရိက္ခာတွေချက်ပေး
ယောင်္ကျား တွေက ရှေ့ထွက်တိုက် နေကြတဲ့ ဇာတ်ဝင်ခန်းတွေအများကြီးမြင်ဖူးတာကိုး....
ဒါပေမယ့်လက်တွေ့မှာ အဲ့လိုတကယ်ဖြစ်နေတဲ့နယ်ဟာ အားလုံးသိကြတဲ့အတိုင်း တစ်နယ်ပဲရှိပါတယ်။ အဲ့ဒီနယ်ကိုလဲ အဲ့လိုတွေကူညီပေးကြလို့ ရွာတွေမီးရှို့ အိမ်တွေမီးရှို့ မဆိုင်တဲ့သူတွေကိုပါ သတ်ဖြတ်နှိပ်စက်တာတွေခံနေရပါပြီ ပြည်သူတွေဟာ အဲ့ကြားထဲကကိုပဲ ကြံ့ကြံ့ခံ တွန်းလှန်နေကြတာပါ....
ကျန်တဲ့နေရာကပြည်သူတွေက အဲ့လိုတွေအလုပ်မခံရပဲ အိမ်ထဲကအိမ်ပြင်မထွက် ကူလို့ရတဲ့နည်းလမ်းဟာ ကလစ်တာပါ.... အသက်နဲ့ရင်းပြီး တိုက်နေကြ ကူနေကြတဲ့သူတွေကို လေးစားအားနာပြီး ကိုယ့်တာဝန်ကို ယူသောအားဖြင့် ကျွန်တော်တို့ လုံခြုံရာဒေသကလူတွေကလဲ နိုင်ရာတာဝန်ကို ထမ်းဆောင်ပေးကြပါဦးလို့ တောင်းဆိုချင်ပါတယ်ခင်ဗျာ.. ကျွန်တော်တို့ APP user ပေါင်း နှစ်သိန်းလောက်ရနိုင်မယ့်နေ့ကိုမျှော်လင့်နေပါတယ်။
အရေးတော်ပုံ.... အားလုံးနဲ့ဆိုင်ပါသည်ခင်ဗျား။
