The beauty of Chin Hills

04/12/2024

ဘွဲ့မယူနဲ့ အခွန်မှန်မှန်ဆောင်

အကြော်သည်နဲ့ အခွန်
တနေ့ကို ၂၄ သိန်းဖိုး အကြော်ရောင်းရတဲ့ ဝိုင်းခြုံမ ဆောင်ရမယ့် အခွန်ပမာဏ (အွန်လိုင်းပေါ်မှာ အာချောင်မိလို့ အခွန်ဆောင်ရတော့မယ့်အဖြစ်)
အကြော် တခု ၄၀၀၊ တနေ့ အခုရေ ၆၀၀၀ ရောင်းရတယ်ဆိုတော့ တနေ့ ၂၄၀၀၀၀၀ ရောင်းကြေးအတွက် အမြတ်ခွန်က စားသုံးခွန် အခွန်တံဆိပ်ခေါင်းကပ် စည်းကြပ်လိုက်ရင် ၅ ရာခိုင်နှုန်း၊ နေ့စဉ်ကပ်ရမယ့် အခွန်တံဆိပ်ခေါင်းဖိုးက တနေ့ကို ၁ သိန်း ၂ သောင်းဖိုး၊ တလ ၃၆ သိန်းဖိုး တနှစ်ဆို ၄၃၂ သိန်း တံဆိပ်ခေါင်းကပ်ရမယ်။
နှစ်စဉ်အမြတ်တော်ခွန် ကုန်သွယ်ခွန်က ၂၅ ရာခိုင်နှုန်း သီးသန့်မလို့ ၆၄၈ သိန်း စုစုပေါင်း အခွန်တင် ၁၀၈၀ သိန်းကျသွားပါပြီ။
ခရက်ဒစ်

04/12/2024

သမ္မတရဲ့ စစ်အုပ်ချုပ်မှု ကြေငြာချက်မအောင်မြင်ရခြင်း။
၁။ မည်သူမှ မထောက်ခံခြင်း။
သူ့မိခင်ပါတီ ပြည်သူ့အင်အား ပါတီကတောင်မထောက်ခံပါ။ အတိုက်ခံ ဒီမိုကရက်တစ်ဘက်ကဆို ပြောဖို့ပင်မရှိ။ ပြည်သူကလည်း အီထယ်ဝန်းမှာ လူပိပြီးအများပြား သေခဲ့ရတုန်းကတည်းက စပြီးသူ့ကို မကျေနပ်ကြပါ။ နောက် သူ့အမျိုးသမီးရဲ့ ဘွဲ့အတုတွေ၊ တန်ဖိုးကြီး လက်ဆောင် လက်ခံတာတွေကြောင့် အတော်အပြောခံနေရပြီး လူကြိုက်အတော်နည်းနေတာပါ။.
၂။ ဥပဒေအတိုင်း အမိန့်ကိုပယ်ဖျက်ရန် အလျှင်အမြန်ဆောင်ရွက်ခဲ့နိုင်ခြင်း။
လွှတ်တော်အမတ် ၃၀၀ အနက် ၁၉၀ ဟာ သတင်းကြေငြာပြီး ၂နာရီခွဲအတွင်း ချက်ချင်းလွှတ်တော်ထဲထိရောက်လာခဲ့ပါတယ်။ တချို့ဆိုတံတိုင်းကို ကျော်ဝင်ခဲ့ရတာပါ။
ပြီးတော့ ဘယ်ဥပ​ဒေကိုသုံးပြီး ပယ်ဖျက်ရမလဲဆိုတာ ချက်ချင်းသိပြီး ချက်ချင်းအကောင်ထည်ဖော်ခဲ့တာပါ။
၃။ ပြည်သူ၏ တခဲနက် ​တွန်းလှန်မှု။
ည ၁၁နာရီ ရေခဲမှတ်မှာ ပြည်သူ တသိန်းလောက် လွှတ်တော်ရှေ့ ထွက်လာကြပါတယ်။
ဒီအင်အားဟာ စစ်တပ်နဲ့ရဲကို ကောင်းကောင်းဖိအားပေးနိုင်ခဲ့ပါတယ်။ ဒါကြောင့် ရဲစစ်တပ်ဟာ လွှတ်တော်အမတ်တွေကို မဖမ်းစီးရဲခဲ့ပါဘူး။
၄။ ဂွမ်းဂျူ ဒီမိုကရေစီ အရေးခင်းကဲ့သို့ အားကောင်းသော ဒီမိုကရေစီအရေးလှုပ်ရှားမှုများရှိခဲ့ခြင်း။
ထိုအရေးခင်းတွင် ပြစ်မှုကျူးလွန်ခဲ့သူများကို ထိရောက်သောအပြစ်ဒဏ် လူမှုရေးပြစ်ဒဏ်များချမှတ်
ခဲ့ပြီး ရုပ်ရှင်များရိုက်ကူးပြသခဲ့တာကြောင့် ပြည်သူ၏ စိတ်အခြေခံတွင် ဒီမိုကရေစီကို ကာကွယ်ရန် ပြင်ဆင်ပေးသလို ဖြစ်ခဲ့ပြီး စစ်သားများကို ပြည်သူ၏ အမုန်းကိုခံရပုံကိုနမူနာ ပြသခဲ့နိုင်ခြင်းတို့ ကြောင့် စစ်သားများကလည်း ​ပြည်သူများကို လက်လွတ်စပယ် မပစ်ခတ် မရိုက်နှိက်ရဲခဲ့ပါ။

04/12/2024

သူတို့ဆီမှာ
သမ္မတYoon Suk Yeolက စစ်အုပ်ချုပ်ရေးအမိန့်ထုတ်တယ်

ငါတို့ဆီမှာ
ဒုသမ္မတဦးမြင့်ဆွေက စစ်အုပ်ချုပ်ရေးအမိန့်ထုတ်တယ်။

သူတို့ဆီမှာ
မတရားတဲ့အမိန့်ကို ဆန့်ကျင်ဖို့ လွှတ်တော်အမတ်တွေ လွှတ်တော်ခေါ်ပြီးစုဝေးတယ်

ငါတို့ဆီမှာ
လွှတ်တော်ခေါ်ဖို့ရောက်ရှိနေပြီးသားဖြစ်တဲ့ လွှတ်တော်အမတ်တွေကို စစ်တပ်က ဝိုင်းရံပိတ်ဆို့ပြီးဖမ်းဆီးချုပ်နှောင်လိုက်တယ်။

သူတို့ဆီမှာ
စစ်အုပ်ချုပ်ရေးကြေညာသူသမ္မတရဲ့ပါတီဝင်တွေကိုယ်တိုင်က စစ်အုပ်ချုပ်ရေးကြေညာချက်ကိုလက်မခံကြောင်း အတိုက်အခံပါတီအမတ်တွေနဲ့ ပူးပေါင်းကြေညာလိုက်တယ်။ ဒါဟာပါတီကိုယ်ကျိုးကိစ္စမဟုတ် နိုင်ငံတော်ကို ထိခိုက်စေတဲ့ကိစ္စဆိုတာ ပါတီနှစ်ခုလုံးက လူတွေသိကြတယ်။

ငါတို့ဆီမှာ
စစ်တပ်ကအာဏာသိမ်းတော့ ကြံ့ဖွံ့ပါတီဝင်တွေထကကြတယ်။ ပျော်ကြရွှင်ကြတယ်။ NLDကို ကြံ့ခိုင်ရေးကနိုင်လိုက်ပြီလို့ထင်ကြတယ်။နိုင်ငံရဲ့အနာဂတ်ပျက်သုဥ်းတော့မှာကို ကြံ့ခိုင်ရေးပါတီဝင်တွေ၊ စစ်တပ်ထောက်ခံသူတွေ၊တတိယ အဖွဲ့ဆိုသူတွေ ထည့်မစဥ်းစားခဲ့ကြဘူး။

သူတို့ဆီမှာ
လွှတ်တော်က စစ်အုပ်ချုပ်ရေးအမိန့်ကိုလက်မခံပယ်ချကြောင်းကြေညာတော့၊ လွှတ်တော်ကိုဝိုင်းထားတဲ့စစ်တပ်ဟာပြန်ဆုတ်ခွာသွားခဲ့တယ်။

ငါတို့ဆီမှာ
စစ်အာဏာသိမ်းတာကိုလက်မခံပယ်ချခဲ့တဲ့ သမ္မတကြီးဦးဝင်းမြင့်နဲဲ့၊ ဒေါ်အောင်ဆန်းစုကြည်ကို အကျဥ်းထောင်ထဲ စစ်တပ်ကပို့ခဲ့တယ်။ စစ်အာဏာသိမ်းတာလက်မခံကြောင်း လမ်းပေါ်ထွက်ဆန္ဒပြသူတွေကို ကိုယ့်နိုင်ငံသားချင်း ရက်ရက်စက်စက် ပစ်ခတ်သတ်ဖြတ်ရိုက်နှက်ဖမ်းဆီး၊နှိပ်စက် ထောင်ချခဲ့ကြတယ်။

သူတို့ဆီမှာ
စစ်အုပ်ချုပ်ရေးအမိန့်ကိုပြန်ရုပ်သိမ်းပါ့မယ်လို့သမ္မတကကြေညာတယ်။

ငါတို့ဆီမှာ
မလုပ်ရဲတာဘာမှမရှိ၊ပြတ်ပြတ်သားသားခြေမှုန်းမယ်လို့ ကာကွယ်ရေးဦးစီးချုပ်ကကြေညာတယ်။

ဖြစ်ရပ်တွေဟာအတူတူပဲ။ ပညာဉာဏ်ကြီးမားပြီး ကိုယ်ချင်းစာစိတ်ရှိသူ၊လူ့ဂုဏ်သိက္ခာရှိသူတွေဟာ ပြသနာတစ်ခုကို သုံးနာရီအတွင်းအေးအေးဆေးဆေးဖြေရှင်းနိုင်တယ်။ ပညာဉာဏ်မရှိသူ၊ ကိုယ်ကျိုးအတ္တကြီးလွန်းသူ၊ လူ့ဂုဏ်သိက္ခာ မရှိသူ တွေကျတော့ ပြသနာတစ်ခုကို လူမိုက်ဆန်ဆန်ရှင်းနေတာ ၄နှစ်ကြာလည်းမပြေလည်ဘူး။

ဒီလိုမပြေလည်တာဟာ လူအချို့ဟာမတရားနည်းပေါင်းစုံနဲ့ရှာဖွေထားတဲ့ပစ္စည်းဥစ္စာ ငွေကြေးတွေတော့ရှိတယ်၊ဒါပေမယ့်လူစိတ်မရှိတာ၊ အမှားအမှန်ခွဲခြားနိုင်တဲ့ဉာဏ်ပညာ မရှိတာ၊လူ့အသိတရားချို့တဲ့တာကြောင့်ပါ။

ဒါ့ကြောင့် လောကမှာ ငွေရှိရင်အရာရာပြည့်စုံတယ်ဆိုတာ အပေါ်ယံအမြင်ပဲဖြစ်ပြီး လူ့လောကကိုတကယ်အကျိုးပြုနေတဲ့အရာဟာ ဉာဏ်ပညာနဲ့ ကိုယ်ကျင့်တရား (သီလနဲ့ပညာ) Morality &Wisdom သာဖြစ်ပါကြောင်း။

သရဝဏ်(ပြည်)

03/12/2024

ရိုးသားကြိုးစား တောင်ပေါ်သူ ချင်းမလေးများ

Photo crd

01/12/2024

ဟားခါး-ထန်တလန်အကြား စစ်ကောင်စီစခန်း ၃ခုကို CNFနဲ့ပူးပေါင်းတပ်ဖွဲ့ တစ်ပြိုင်တည်းသိမ်းပိုက်

ဒီဇင်ဘာ ၁ရက်

ချင်းပြည်နယ်၊ ဟားခါးမြို့နဲ့ ထန်တလန်မြို့အကြား ထိန်းချုပ်နိုင်ရေးအတွက် အဓိကကျသည့် သီမစ်လွင်ပြင်က စခန်းနှစ်ခုနဲ့ ဟားခါးမြို့အနီးက စခန်းတစ်ခုကို CNFနဲ့ပူးပေါင်းတပ်ဖွဲ့နို၀င်ဘာ ၃၀ရက်နေ့မှာ တိုက်ခိုက်သိမ်းပိုက်ခဲ့ပါတယ်။

ဟားခါးမြို့အနီး ရွာဗာဇုန် (Ruavazung) စစ်ကောင်စီစခန်းကို မနက်ပိုင်း ၉နာခွဲမှာ အပြီးသက်သိမ်းပိုက်နိုင်ခဲ့ပြီး တိုက်ပွဲအတွင်း စစ်ကောင်စီတပ်ရင်းမှူးသေဆုံးခဲ့သလို ၁၉ဦးကို အရှင်ဖမ်းမိနိုင်ခဲ့ပါတယ်။

သီမစ်ချောင်းတံတားအနီးရှီ အွန်ပူပွက်နာခ်တောင် (Umpupuaknak Tlang) နဲ့ နောန်ကျဲခ်ကုန်း (Nawncek Bo) စခန်းကိုလည်း CNFနဲ့ပူးပေါင်းတပ်ဖွဲ့မှ ဆက်လက်သိမ်းပိုက်ခဲ့ပါတယ်။

အွန်ပူပွက်နာခ်တောင် နဲ့ နောန်ကျဲခ့်ကုန်း စခန်းသိမ်းတိုက်ပွဲအတွင်း စစ်ကောင်စီတပ်သားတစ်ချို့သေဆုံးခဲ့ကြပြီး ၈၀ ကျော်ထွက်ပြေးခဲ့ကြပါတယ်။

ဟားခါးမြို့အနီး ရွာဗာဇုန်စစ်တပ်စခန်းသိမ်းတိုက်ပွဲနဲ့ သီမစ်ချောင်းတံတားအနီးရှိ အွန်ပူပွက်နာခ်တောင်နဲ့ နောန်ကျဲခ်ကုန်း စခန်းသိမ်းတိုက်ပွဲတွင် CNFနဲ့ပူးပေါင်းတပ်ဖွဲ့မှ လက်နက် ၆၀ကျောင်နဲ့ ခဲယမ်းအများအပြားကို သိမ်းဆည်းရရှိပါတယ်။

ဟားခါးမြို့နဲ့ ထန်တလန်မြို့အကြားရှိ စစ်ရေးအရအရေးပါတဲ့ ပွိုင့် ၃ စခန်းကိုလည်း နို၀င်ဘာ ၂၅ရက်နေ့မှာ CNFနဲ့ပူးပေါင်းတပ်ဖွဲ့မှ သိမ်းပိုက်နိုင်ခဲ့ပြီဖြစ်ပါတယ်။

Crd & copy

30/11/2024

မင်မင်တို့ကတော့ ငါးခြောက်ဝယ်တာလောက်ကတော့ စာဖွဲ့မနေတော့ဘူး

Crd to original uploader

30/11/2024

ချင်းလူငယ်တစ်ယောက် ရေးဆွဲထားသည့်
ပြောင်မြောက်လှတဲ့ ပန်းချီကားလက်ရာများ

ကြိုက်နှစ်သက်သည့် ပန်းချီဆရာရဲ့ ပန်းခ​ျီကားများကိုလည်း ဝယ်ယူအားပေးလို့ရပါတယ်နော်

Photo crd

29/11/2024

[English Below]
နိုင်ငံပြင်ပရောက် NUG အစိုးရအဖွဲ့ဝင်များ ပြည်တွင်းသို့ ပြန်လာကြရန် ယာယီသမ္မတတိုက်တွန်း

26 Nov 2024
နိုင်ငံပြင်ပသို့ ရောက်နေသော NUGအစိုးရအဖွဲ့ဝင်များ ပြည်တွင်းသို့ ပြန်လာကြရန် ယာယီသမ္မတ ဒူဝါလရှီးလက တိုက်တွန်းလိုက်သည်။

ယနေ့ (နိုဝင်ဘာ၂၆ရက်) ကျင်းပသည့် အမျိုးသားညီညွတ်ရေးအစိုးရအဖွဲ့အစည်းအဝေးတွင် NUG ယာယီသမ္မတက ယင်းသို့ တိုက်တွန်းလိုက်ပြီး NUG အစိုးရသည် အဝေးရောက်အစိုးရဖြစ်၍ မရကြောင်းလည်း ဆိုသည်။

“လက်တွေ့ကျကျ မြေပြင်မှာ အင်အားတည်ဆောက်ရမှာ ဖြစ်ပါတယ်။ ကျတော့်အနေနဲ့ လေးလေး နက် နက် တိုက်တွန်းချင်တာကတော့ ကျတော်တို့ အစိုးရအဖွဲဝင်တွေအားလုံး အင်အားတွေကို ပြည်တွင်းမှာ လာစုကြဖို့ လက်တွေ့ကျကျ လုံ့လထုတ်စေချင်ပါတယ်။ နိုင်ငံတကာအသိုင်းအ ဝန်းအတွက် အချိန်ယူသင့်သလောက် ယူပြီးပြီလို့လည်း ပြောနိုင်သလို၊ အချိန်ပေးသင့်တာထက် ပိုပြီး ပေးခဲ့ပြီးပြီလို့လည်း ပြောနိုင်ပါတယ်” ဟု ယာယီသမ္မတက ပြောသည်။

ပျံ့နေသည့် အလင်းများကို မှန်ဘီလူးနှင့် စုဆုံပြီး မီးတောက်တစ်ခု အစထပ်ပျိုးကြရန် ယာယီသမ္မတ ကတိုက်တွန်းလိုက်သည်။

ပြည်ထောင်စုဝန်ကြီးချုပ် မန်းဝင်းခိုင်သန်းက “၂၀၂၅ ဟာ ကျတော်တို့ တော်လှန်ရေးအတွက် တကယ့်ကို အလှည့်အပြောင်းတွေ ဖြစ်လာမယ့် နှစ်ဖြစ်ပါတယ်”ဟု ယနေ့အစည်းအဝေးတွင် ပြော သည်။

NUGဝန်ကြီးများအားလုံး တော်လှန်ရေးအရွေ့အတွက် ထိရောက်မှုရှိစေသည့် လုပ်ငန်းဆောင်တာများကို ဦးစားပေး လုပ်ဆောင်ကြရန်လည်း ပြည်ထောင်စုဝန်ကြီးချုပ်က ထပ်မံတိုက်တွန်းလိုက်သည်။

[English Version]
NUG Acting President Calls on Exiled Members to Rejoin On-Ground Struggle in Myanmar

26 Nov 2024
The Acting President of the National Unity Government (NUG), Duwa Lashi La, has called on exiled members of the government to return to Myanmar. Speaking at a National Unity Government meeting on Tuesday, he emphasized the need for the NUG to transition from a government in exile to one actively engaging on the ground.

He stated, "Strength must be built on the ground. I strongly urge all members of our government to focus their efforts within the country. The time needed for engaging with the international community has already been utilized perhaps, in some cases, even more time than was necessary."

The Acting President encouraged collective efforts to focus dispersed energies into a unified force, likening the process to gathering light through a lens to ignite a flame.

Prime Minister Mahn Win Khaing Than remarked during the meeting, “The year 2025 will be a pivotal year of transformation for our revolution.”

The Prime Minister also urged all NUG ministers to prioritize initiatives that effectively advance the revolutionary movement.

Crd & copy

29/11/2024

တိမ်ပေါ်မှာ ဆောက်ထားတဲ့ အိမ်ကလေး😍😍😍
ချင်းတောင်ကို လွမ်းတဲ့သူရှိလား

Photo crd

28/11/2024

လေကြောင်းကနေတိုက်ခိုက်ခံရတဲ့ဖလမ်းမြို့နယ် လုမ်သဲရွာကို လူသားချင်းစာနာထောက်ထားမှု အကူအညီပေးအပ်သွားမယ်လို့ ချင်းပြည်(Chinland)အစိုးရထုတ်ပြန်

နိုဝင်ဘာလ ၂၈ ရက်။

စစ်ကောင်စီတပ်လေကြောင်းတိုက်ခိုက်ခံရတဲ့ ဖလမ်းမြို့နယ် လုမ်သဲကျေးရွာကို Chinland Council ကနေ ဖွဲ့စည်းထားတဲ့ချင်းပြည်(Chinland)အစိုးရအနေနဲ့ လူသားချင်းစာနာထောက်ထားမှု အကူအညီပေးအပ်သွားမယ်လို့ ယမန်နေ့ နိုဝင်ဘာလ ၂၇ ရက်နေ့မှာ ထုတ်ပြန်ထားပါတယ်။

တိုက်ပွဲဖြစ်ခြင်းမရှိတဲ့ ချင်းပြည်နယ်၊ ဖလမ်းမြို့နယ်က လုမ်သဲကျေးရွာကို နိုဝင်ဘာလ ၂၆ ရက်နေ့က စစ်ကောင်စီတပ်က လေကြောင်းကနေဗုံးကြဲတိုက်ခိုက်မှုကြောင့် ကျန်းမာရေးဝန်ထမ်း ၂ ဦးအပါအဝင် အပြစ်မဲ့ပြည်သူ (၇) ဦးသေဆုံးပြီး (၄) ဦး ဒဏ်ရာရခဲ့တဲ့အပေါ် လွန်စွာဝမ်းနည်းတဲ့အကြောင်းနဲ့ စစ်ကောင်စီအနေနဲ့ အပြစ်မဲ့ပြည်တွေနဲ့ ဆေးရုံကိုပစ်မှတ်ထားတိုက်ခိုက်ပြီး စစ်ရာဇဝတ်ကျူးလွန်မှုကို အပြင်းအထန်ရှုတ်ချတယ်လို့လည်း ထုတ်ပြန်ထားပါတယ်။

တိုက်ပွဲဖြစ်နေတဲ့ ဖလမ်းမြို့နဲ့ အနီးဝန်းကျင်မှာရှိတဲ့ ဖလမ်းမြို့နယ်ထဲက ဗားကျေးရွာကိုလည်း ပြီးခဲ့တဲ့ နိုဝင်ဘာလ ၂၅ ရက်နေ့က စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့တယ်လို့ သိရပါတယ်။

ဖလမ်းမြို့ပေါ်မှာရှိတဲ့ စစ်ကောင်စီတပ်ဖွဲ့တွေကို ချင်းအမျိုးသားကာကွယ်ရေးတပ်ဖွဲ့ (CNDF) နဲ့ မဟာမိတ်ပူးပေါင်းအဖွဲ့တွေက ပြီးခဲ့တဲ့ နိုဝင်ဘာလ ၉ ရက်နေ့ကစပြီးထိုးစစ်ဆင်တိုက်နေတာဖြစ်ပြီး လက်ရှိအချိန်ထိနှစ်ဖက်တိုက်ပွဲပြင်းထန်နေတယ်လို့လည်း သိရပါတယ်။

Crd & copy

28/11/2024

ICNCC နှင့် CB က ရေးဆွဲထားသော ချင်းအစိုးရတရပ် အကောင်အထည်ဖော်နိုင်ရေး Charter မူကြမ်း

28/11/2024

" သိပ်မကြာတော့မယ်အချိန်မှာ အိမ်ပြန်ရတော့မယ်၊ နောက် ၂ လ၊ ၃ လ လောက်ဆို တော်လှန်ရေးကြီးပြီးတော့မယ်" လို့ တစ်ယောက်ယောက်က ပြောလာခဲ့ရင် မယုံပါနဲ့။

အဲဒါဟာ လက်တွေ့နဲ့ ကင်းကွာနေသလို၊ မဖြစ်နိုင်တဲ့ မျှော်လင့်ချက်အမှား (false hope) တွေသာ ဖြစ်ပါတယ်။

တကယ်တမ်းက တော်လှန်ရေးက ကြာပါလိမ့်ဦးမယ်။ နိုင်ငံရေးဘက်ကပဲကြည့်ကြည့်၊ စစ်ရေးအခြေအနေအရပဲတွက်တွက် ဘယ်လိုနည်းနဲ့မှ မြန်မြန်ဆန်ဆန်ပြီးဆုံးဖို့ မလွယ်ကူသေးပါဘူး။

ထင်မှတ်မထားတဲ့ရှုထောင့်၊ မမြင်ရတဲ့အခြေအနေတွေ ဖြစ်ပေါ်လာမှသာ တော်လှန်ရေးက မြန်မြန်ဆန်ဆန် ပြီးဆုံးဖွယ်ရှိပါတယ်။

ဥပမာ - မင်းအောင်လှိုင်ကို စစ်တပ်က ထိန်းသိမ်းလိုက်ပြီး (တစ်နည်းအားဖြင့် အာဏာပြန်သိမ်းလိုက်ပြီး) သဘောထားပျော့ပြောင်းပြီး၊ လူထုထောက်ခံမှု အနည်းငယ်ရှိတဲ့သူ တစ်ယောက်ယောက်နဲ့ အစားထိုးပြီး တော်လှန်ရေးအင်အားစုတွေနဲ့ စေ့စပ်ညှိနှိုင်းမှုတွေလုပ်တာမျိုး၊ နိုင်ငံတကာက မင်းအောင်လှိုင်ကို ဖမ်းဆီးပြီး စစ်ခေါင်းဆောင်တွေ ကျူးလွန်ခဲ့သမျှကို အပြစ်ပေးအရေးယူတာမျိုး၊ NUG ကို တရားဝင်အစိုးရအဖြစ် နိုင်ငံတကာက အသိအမှတ်ပြုပြီး စစ်ကောင်စီနဲ့ စစ်တပ်ကို တရားမဝင် အဖွဲ့အစည်းအဖြစ် သတ်မှတ်လိုက်တာမျိုးတွေ ဖြစ်ပါတယ်။

ဒီလိုမျိုးအခြေအနေတွေ ဖြစ်ပေါ်လာမှသာ တော်လှန်ရေးက မြန်မြန်ပြီးဆုံးဖွယ်ရှိပြီး၊ အဲဒီလိုမဟုတ်ဘဲ လက်ရှိအခြေအနေအရဆို တော်လှန်ရေးက ကြာသွားဖို့ရှိနေပါတယ်။

အဲဒါကြောင့်မို့ " သိပ်မကြာခင် အိမ်ပြန်ရတော့မယ်၊ လပိုင်းလောက်နဲ့ တော်လှန်ရေးအောင်‌တော့မယ်" စသဖြင့် ပြောဆို၊ ရေးသားနေတာတွေကို မယုံကြဖို့၊ မယုံကြည်တော့ဖို့ သတိပေးရတာပါ။ တကယ်တမ်း လက်တွေ့ကျကျ(logically) စဉ်းစားကြည့်ရင် အဲဒီလိုအခြေအနေတွေဖြစ်လာဖို့က အင်မတန်ခဲယဉ်းပါတယ်။

ဒီလိုမျိုး မျှော်လင့်ချက်အမှား (false hope) တွေ ပေးကြတာလည်း ရည်ရွယ်ချက်အားဖြင့် ၂ မျိုးရှိနိုင်ပါတယ်။ ပထမအမျိုးက ရိုးရိုးသားသား စေတနာနဲ့ ပြောဆိုကြတာပါ။ တော်လှန်ပြည်သူတွေ စိတ်ဓာတ်မကျအောင်၊ စိတ်ခွန်အားရအောင် ပြောဆို‌တာ ဖြစ်နိုင်ပါတယ်။

ဒုတိယတစ်မျိုးကျ အကျိုးစီးပွားကြောင့် ပြောဆိုနေကြတာပါ။ အလှူခံလို့ကောင်းအောင်၊ အလှူငွေများများရအောင် ရည်ရွယ်ပြီး " တော်လှန်ရေးက ပြီးခါနီးနေပြီ၊ မြန်မြန်ပြီးချင်ရင် များများလှူ၊ ဒီမစ်ရှင် (လျာထားချက် အလှူငွေပမာဏပြည့်မီ) အောင်မြင်ရင် တော်လှန်ရေးအောင်တော့မယ် " ဆိုတာမျိုး ရည်ရွယ်ကြပါတယ်။

ဘယ်လိုမျိုး ရည်ရွယ်ချက်၊ ဘယ်လိုမျိုး စိတ်စေတနာ( intention) တွေနဲ့ ပြောဆိုနေသလဲ၊ လုပ်ဆောင်နေသလဲ ဆိုတာကတော့ ကာယကံရှင်တွေသာ အသိဆုံးဖြစ်ပါလိမ့်မယ်။

ဒီစာကို ဘာဖြစ်လို့ရေးရတာလဲ၊ ဘာရည်ရွယ်ချက်နဲ့ ရေးတင်ရသလဲဆိုရင် ပြည်သူလုထု (အထူးသဖြင့် တော်လှန်ရေးမိတ်ဆွေတွေ) ကို မှန်ကန်တဲ့ သတင်းအချက် ပေးချင်လို့ပဲ ဖြစ်ပါတယ်။ လက်တွေ့ဖြစ်နိုင်ဖို့ခဲယဉ်းပြီး၊ စိတ်ကူးယဉ်ဆန်တဲ့ အတွေးတွေကို ပျောက်စေချင်လို့ ဖြစ်ပါတယ်။

အဓိက အရေးအကြီးဆုံးအချက်က -

၁) လက်တွေ့အခြေအနေမှန်ကို သိရှိသွားပြီးတော့ ဘဝအတွက် ရေရှည်ရှင်သန်နိုင်ရေး အစီအစဉ်ဆွဲ လုပ်ကိုင်ဖို့ နဲ့၊

၂) တော်လှန်ရေးမှာ ရေရှည်ပါဝင်နိုင်ရေးအတွက် ဦးနှောက်နဲ့ ချင့်ချိန်ပြီး လုပ်ကိုင်နိုင်‌စေဖို့တို့ပဲ ဖြစ်ပါတယ်။

ဒီ ၂ ချက်ကို နားရှုပ်သွားမှာစိုးလို့ ထပ်ရှင်းပြပါ့မယ်။

တချို့သော မိတ်ဆွေတွေ ကျွန်တော်ကနေတစ်ဆင့် NUG က ရောင်းချတဲ့ ငွေတိုက်စာချုပ်(Bond) တွေ၊ EOD ရှယ်ယာ၊ SDB Round 1 ရှယ်ယာတွေ လာဝယ်ကြတာတွေရှိတယ်။ အဲဒီ့အထဲကမှ တချို့သူတွေက စားဝတ်နေရေး အဆင်မပြေတော့လို့ဆိုပြီး ပြန်ရောင်းချင်တဲ့အတွက် လာအကူညီတောင်းကြတာရှိတယ်။ အတော် ခွကျတဲ့အခြေအနေပါပဲ။

သူတို့လာပြောပြတဲ့ စကားတွေက ဒီစာရေးဖြစ်ရတဲ့အကြောင်းတရားတွေထဲမှာ ပါတယ်။ အဲဒါဘာလဲဆိုတော့ " ကျနော်/ကျမ တို့လည်း တော်လှန်ရေး အဲ့လောက်ကြာမယ် မထင်ထားလို့၊ များများလှူရင် မြန်မြန်ပြီးမယ် ထင်လို့ပါ " တဲ့။

ဒါကြောင့်မို့‌ပြောတာ ဘယ်နေရာမှာပဲဖြစ်ဖြစ်၊ ဘယ်အချိန်မှာပဲဖြစ်ဖြစ် ဉာဏ်ပညာနဲ့ ချစ်ခြင်းမေတ္တာဟာ အင်မတန်အရေးကြီးတယ်ဆိုတာ သိပ်မှန်တယ်။ ဘာဖြစ်လို့လဲဆိုတော့ ဦးနှောက်ပဲကောင်းပြီး စာနာစိတ်နည်းပါးရင် ကိုယ်ကျိုးစီးပွားပဲသိပြီး၊ ကိုယ်နဲ့ ကိုယ့်မိသားစုကြီးပွားဖို့အတွက် ကြံစည်တွေးတော လုပ်ကိုင်ကြလို့ ဖြစ်တယ်။

နှလုံးသားလှပပြီး ဦးနှောက်နည်းပြန်ရင်လည်း တခြားသူတွေအတွက်တော့ အဆင်ပြေပါရဲ့၊ ကိုယ်က ဒုက္ခရောက်ရင်ရောက်၊ မရောက်ရင်လည်း လုပ်ဆောင်ချက်တွေက မထိရောက်တော့ပါဘူး။

တချို့ဆို တော်လှန်ရေးမြန်မြန်အောင်စေချင်တဲ့စိတ်နဲ့ ရှိတာအကုန် ရောင်းချပြီး လှူကြတယ်။ တချို့ဆို ချွေးနည်းစာနဲ့ ရလာတဲ့လခကို မစားရက်မသောက်ရက်နဲ့ ခြစ်ကုတ်လှူကြတာတွေရှိတယ်။ သူတို့မှာတော့ ဒုက္ခတွေရောက်ပြီး၊ လူလည်တွေက ကြီးပွားချမ်းသာကုန်ကြတာကို မြင်တွေ့ရတာတော့ အဆင်မပြေပါဘူး။

ဒါကြောင့်မို့ မိတ်ဆွေတွေကို သတိပေးချင်တာ။ သူများပြောသမျှ၊ ကြားသမျှကို မယုံပါနဲ့။ လိုင်းပေါ်မှာ မြင်သမျှ တွေ့သမျှတွေ အကုန်လုံးဟာ အစစ်အမှန်မဟုတ်ဘူး။ ကိုယ့်ဦးနှောက်နဲ့ သေချာပိုင်းခြားပြီးမှ ယုံပါ၊ လုပ်ကိုင်ဆောင်ရွက်ပါ။

လူသိများတိုင်း လူကောင်းမဟုတ်ဘူး။ စာရေးကောင်းတိုင်း စိတ်ကောင်းရှိတာမဟုတ်ပါဘူး။ တချို့က အွန်လိုင်းပေါ်မှာရေးနေတဲ့စာတွေ (virtual) နဲ့ လက်တွေ့ (reality) မှာ ရှိနေတဲ့ သူတို့ရဲ့အတွင်းစိတ်က တခြားစီပါပဲ။ အင်မတန် ဟန်ဆောင်ကောင်းကြပါတယ်။

အဲဒါတွေကို သိတဲ့သူတွေက ဝေဖန်ထောက်ပြတဲ့အခါ သူတို့ကို မနာလိုလို့ တိုက်ခိုက်တယ်ဆိုပြီး ပြန်လည်စွပ်စွဲကြသလို၊ follower အားကိုးနဲ့ အုပ်စုဖွဲ့ တိုက်ခိုက်ကြပါတယ်။ အခန့်မသင့်ရင် ဒလန်‌ဆိုပြီး တံဆိပ်ဝိုင်းကပ်တတ်ပါတယ်။ ဒါကြောင့်မို့လည်း တချို့သူတွေ ဆိုရှယ်မီဒီယာကို စိတ်ပျက်ကုန်ကြတာဖြစ်ပါတယ်။

ဒီစာကိုဖတ်ပြီးတော့လည်း စိတ်ဓာတ်မကျပါနဲ့။ တမင် စိတ်ဓာတ်ကျအောင်ပြောတာ မဟုတ်ပါဘူး။ ပကတိအခြေအနေမှန်ကို သိစေချင်လို့ အမုန်းခံပြောရတာပါ။

ဒီလိုစာတွေက လူကြိုက်နည်းပါတယ်။ အခန့်မသင့်ရင်လည်း အဆဲခံရနိုင်တယ်။ နာမည်တွေ ထည့်ရေးမထားလည်း လူလည်တွေက သူတို့ကို စောင်းမြောင်းပြောတယ်ထင်ပြီး အမြင်မကြည်ကြ၊ မုန်းကြလိမ့်မယ်။

အဲဒါတွေက တကယ်တမ်းကျ အရေးမကြီးပါဘူး။ အရေးကြီးတာ ပြည်သူတွေအနေနဲ့ သတင်းအချက်အလက်မှန်ကိုသိဖို့၊ နားလည်ဖို့နဲ့ သူတို့အတွက် အကျိုးရှိစေဖို့ပါပဲ။ ရေရှည်အတွက် ပြင်ဆင်သင့်တာတွေ ပြင်ဆင်နိုင်ကြဖို့ပဲ အရေးကြီးပါတယ်။

တော်လှန်ရေးအောင်မှပဲ အလုပ်လုပ်တော့မယ်၊ တော်လှန်ရေးအောင်မှပဲ ပညာသင်တော့မယ်၊ တော်လှန်ရေးမြန်မြန်အောင်ဖို့ ရှိတာအကုန်လှူလိုက်မယ်လို့ မတွေးဘဲ လုပ်စရာရှိတာလုပ်ကြဖို့၊ ပညာသင်စရာရှိတာသင်ကြဖို့ တိုက်တွန်းချင်ပါတယ်။ ဉာဏ်ပညာနဲ့ လှူဒါန်းကြဖို့ သတိပေးချင်ပါတယ်။

မြေပြင်မှာ အလုပ်တကယ်လုပ်နေသူတွေ၊ ကိုယ်တတ်နိုင်တဲ့နေရာကနေ ပါဝင်ပေးနေသူတွေကြောင့် ဒီတော်လှန်ရေးက သေချာပေါက် အောင်မြင်မှာပါ။ ဒီအတိုင်းကြီးတော့ မပြီးသွားပါဘူး။ လုပ်ဆောင်ခဲ့သမျှတွေ သဲထဲရေသွန် မဖြစ်သေးပါဘူး။ အဲဒါကိုတော့ သေချာပေါက် ပြောနိုင်ပါတယ်။

ဒါပေမယ့် စနစ်ကျတဲ့ ဦးဆောင်မှု၊ မူဝါဒတွေ မရှိသေးသရွေ့၊ တော်လှန်ရေးအင်အားစုတွေကြား ခိုင်မာတဲ့သဘောတူညီချက်တွေ ရရှိအောင် မလုပ်နိုင်သေးသရွေ့၊ ယေဘုယျဆန်တဲ့ကြေညာချက်တွေနဲ့သာ အချိန်ဖြုန်းနေသရွေ့၊ ရရှိလာတဲ့ ဘဏ္ဍာငွေကြေးတွေကို မြေပြင်အတွက် ထိထိရောက်ရောက် မသုံးစွဲနိုင်ဘဲ အလေအလွင့်အဆုံးအရှုံးတွေ များနေသရွေ့ ဒီတော်လှန်ရေးက မကြာသင့်ဘဲ ကြာနေဦးမှာဖြစ်တဲ့အကြောင်း သုံးသပ်တင်ပြလိုက်ရပါတယ်။

မိုးခ
(၂၈.၁၁.၂၀၂၄)

Photo crd

27/11/2024

Chin Brotherhood ရေးစွဲထားသော ချင်းအမျိုးသားပြည် ဖွဲ့စည်းပုံ မူကြမ်း

🖋️ ချင်းပြည်သူများအနေဖြင့် CB Charter ကို အတည်မပြုမီ သေချာဖတ်ပြီး ဝေဖန်သုံးသပ်ကြပါ။ ဖွဲ့စည်းပုံ ဥပ‌ဒေ သေချာနားမလည်ပဲ အတည်ပြုဖို့ထောက်ခံမိရင် ၎င်းဖွဲ့စည်းပုံ ဥပဒေ တရားမျှတမှု၊တန်းတူညီမျှမှုမရှိသောကြောင့် တိုင်းပြည်မှာ ပြည်တွင်းစစ်မီးတောက်လောင်တတ်တယ်။ ပြည်ထောင်စု မြန်မာနိုင်ငံတွင် ပြည်တွင်းစစ်မီးအဆုံးမသတ်နိုင်ခြင်းသည် ၁၉၄၇ ဖွဲ့စည်းပုံ ဥပဒေ ဖေါက်ဖျက်ခြင်း၊ ၁၉၇၄ ဖွဲ့စည်းပုံ ဥပဒေသည် ပင်လုံစာချုပ် နဲ့ ဆန့်ကျင်ဘက်ဖြစ်နေခြင်း၊ တရားမျှတမှုမရှိခြင်း တို့ကြောင့် ဖြစ်ပါတယ်။

🖊️ CB's Chin Charter ဖတ်ပြီးသလောက် အဓိက ဆွေးနွေးရမယ့် အချက်တချို့

၁။ ၂၀၂၀ ရွေးကောက်ခံ နှင့် CRPH

၂။ ၉ မြို့နယ်အခြေခံခြင်း။ တစ်မြို့နယ် ကိုယ်စားလှယ် ၉ ဦး ရွေးချယ်ရာတွင် မျိုးနွယ်စု၊ ဒေသ အလိုက် ဘယ်ကဲ့သို့ ရွေးချယ်စေလွတ်ရန် Critiria တိကျစွာ ဖော်ပြထားခြင်း မရှိခြင်း။

၃။ ကလေး၊ တမူး၊ ဂန့်ဂေါ် နှင့် အရှိုချင်း မျိုးနွယ်စုများအတွက် သီးခြား ဖော်ပြထားခြင်း မရှိနိုင်သေးခြင်း။

စသော အကြောင်းအရာတွေကို ဝေဖန် သုံးသပ်ကြမယ်ဟု မြင်ပါတယ်။

☑️ CB Charter တဖက်တွင် ဖွဲ့စည်းပုံ ဥပဒေ (CB Charter)မှာ ပြတ်ပြတ်သားသား ပြဌါန်းပါက ချင်းပြည်တော်လှန်ရေးကို ပို၍ခက်ခဲစေနိုင်သော အကြောင်းအရာများ ပေါ်ပေါက်နိုင်တဲ့အတွက် ပြတ်ပြတ်သားသား မပြဌါန်းနိုင်သေးသော အကြောင်းအရာများလည်း ရှိနိုင်ပါတယ်။

🍀 အထက်ပါအကြောင်းအရာတွေကို CC Constitution ဝေဖန် သုံးသပ်ခဲ့သကဲ့သို့ အချိန်ရရင် video လုပ်ပါမယ်။

🌿 CC Constitution နှင့် CB Charter ချုံငုံနှိုင်းယှဉ်ကြည့်ရင်

၁။ CC Constitution သည် လူတချို့ အာဏာရရေးအတွက် အမြန်ရေးစွဲထားပုံရပြီး

၂။ CB Charter မှာမူ ချင်းပြည်၊ ချင်းလူမျိုးများ၏ ရပိုင်ခွင့်၊ အခွင့်အရေး များစွာ ဖေါ်ပြထားသည်ကို တွေ့ရပါတယ်။

Naisok Thang

27/11/2024

အားနေရင် commentဖတ်ကြ

လဖက် tuk 🤣
cmtမှာ ဆက်ရေးကြ အပျော်ပေါ့

photo crd

27/11/2024

တော်လှန်ရေး ဖူးစာ
😍😍😍😍

Congratulation

Photo crd

27/11/2024

သုံးပန်လှ Uisi သဘာဝရေကန်

မတူပီ​မြို့နယ်မှာ တည်ရှိတဲ့ သဘာဝ ( Uisi ရေကန် ) အလှ!! ဒီရေကန်က Uisi ရွာရဲ့ တောင်ထိပ်ပေါ်မှာ တည်ရှိပြီး နွေမိုး​ဆောင်း ရာသီအလိုက် ရေကန်က အပြောင်းလဲရှိသည်!!

တောနက်ကြီးထဲမှာ တည်ရှိပြီး မိုးတွင်းနှင့်ဆောင်းကူးပြောင်းချိန်ကာလမှာဆို အင်မတန် သာယာလှပတယ်လို့ သိရပါတယ်။

Crrd ©

27/11/2024

ICC ရှေ့နေက မြန်မာစစ်ခေါင်းဆောင် မင်းအောင်လှိုင်ကို ဖမ်းဝရမ်းထုတ်ရန် အဆိုတင်သွင်း

စစ်ကောင်စီခေါင်းဆောင် ဗိုလ်ချုပ်မှူးကြီးမင်းအောင်လှိုင်ကို လူသားမျိုးနွယ်အပေါ် ရာဇ၀တ်မှုများကျူး လွန်ကြောင်း အထောက်အထားများရှိသည့်အတွက် နိုင်ငံတကာရာဇ၀တ်ခုံရုံး(ICC) မှ ဖမ်းဝရမ်းထုတ်ရန် နိုဝင်ဘာ ၂၇ ရက်တွင် ကြေညာလိုက်သည်။
မြန်မာနိုင်ငံ ရခိုင်ပြည်နယ်တွင် ရိုဟင်ဂျာများအပေါ်၌ ကျူးလွန်ခဲ့သည့် ရာဇဝတ်မှုများအတွက် ဖမ်းဝရမ်းထုတ်ခြင်းဟုဖော်ပြသည်။ အဆိုပါ ဝရမ်းထုတ်မှု၏ နောက်ဆက်တွဲအဖြစ် တာဝန်ရှိသူကို ဖမ်းဆီးနိုင်ရေး ဆက်လက်လုပ်ဆောင်သွားမည်ဟုဖော်ပြသည်။ ယခု ဖမ်းဝရမ်းထုတ်မှုသည် ICC မှ ပထမဆုံးအကြိမ် မြန်မာ အစိုးရ အဆင်မြင့်အရာရှိတဦးကို ဝရမ်းထုတ်ခြင်းဖြစ်ကြောင်းလည်း ဖော်ပြသည်။

26/11/2024

Chinland Council (CC) နှင့်အပြိုင် ICNCC နှင့် CB က ချင်းအစိုးရတရပ် အကောင်အထည်ဖော်နိုင်ရေး Charter မူကြမ်းရေးဆွဲထားပြီဟု ဆို

ခိုနူမ်းသုန်သတင်း၊ ၂၆ နိုဝင်ဘာလ ၂၀၂၄

(006SV)

ကြားကာလချင်းအမျိုးသားအတိုင်ပင်ခံကောင်စီ (ICNCC) နှင့် ချင်းညီနောင် (CB) တို့သည် ချင်းပြည်အစိုးရတရပ် အကောင် အထည်ဖော်နိုင်ရေးအတွက် ဖွဲ့စည်းပုံပဋိညာဉ် (Charter) မူကြမ်းကို ရေးဆွဲထားပြီဖြစ်ကြောင်း ချင်းညီနောင်၏ နိုင်ငံရေး ပိုင်းဆိုင်ရာ တာဝန်ရှိသူက ပြောသည်။

ချင်းညီနောင်စစ်ဆင်ရေးအတွက် အရေး‌ပေါ် ရန်ပုံငွေရှာဖွေခြင်းကို အွန်းလိုင်းက ပြုလုပ်ရာတွင် ချင်းအမျိုးသားအဖွဲ့အချုပ် (CNO/CNDF) ဒုဥက္ကဌ ဆလိုင်းပီတာထန်က နိုဝင်ဘာလ ၂၄ ရက်က အသိပေးလာခြင်းဖြစ်သည်။

“ချင်းပြည်နယ်ရဲ့ လက်ရှိအခြေအနေအရ နိုင်ငံရေးအရဆိုရင်လည်း ICNCC အနေနဲ့ ချင်းပြည်ရဲ့ အစိုးရ ဖြစ်ပေါ်လာရေးအတွက် လုပ်ဆောင်နေတဲ့အခါမှာ ကျနော်တို့ ချာတာက draft (မူကြမ်း) ကတော့ ပြီးသွားပါပြီ။ review (ပြန်သုံးသပ်ခြင်း) ပြန်လုပ်ဖို့နဲ့ အတည်ပြုပြီးတော့မှ ၊ အတည်ပြုမယ့် ချာတာအရ ဖွဲ့စည်းဖို့ ရှိနေပါတယ်။” ဟု ဆလိုင်းပီတာထန်က ပြောသည်။

ချာတာ (Charter) သည် တော်လှန်ရေးကာလ ဦးဆောင်အဖွဲ့အစည်းများ အချင်းချင်းကြား နားလည်မှု ပဋိညာဉ်မူဖြစ်ပြီး ဖွဲ့စည်းပုံဥပဒေ (Constitution) လောက် တင်းကြပ်မှုမျိုး မရှိဘဲ ပြုပြင်ပြောင်းလဲလွယ်မည် ဖြစ်သည်ဟု သိရသည်။

တော်လှန်ရေးကာလတွင် လူထုဆန္ဒခံယူမှုများဖြင့် ဖွဲ့စည်းပုံအခြေခံဥပဒေ မရေးဆွဲနိုင်မှီကာလတွင် ချာတာရေးဆွဲအတည်ပြုပြီး ကြားကာလအစိုးရတစ်ရပ် ဖွဲ့စည်း၍ အုပ်ချုပ်ရေးယန္တရာများကို အကောင်အထည်ဖော် နိုင်ရေး ပြင်ဆင်ခြင်းဖြစ်ကြောင်း ဆလိုင်းပီတာထန်က ရှင်းပြသည်။

ချင်းပြည်တွင် ချင်းတော်လှန်ရေးအင်အားစုများ၏ အကွဲအပြဲကို ပြန်လည်ပေါင်းစည်းနိုင်ရေးအတွက် Crisis Management Initiative (CMI) နှင့် Zo Reunification Organization (ZORO) အပါအဝင် မီဇိုရမ်ပြည်နယ်ထဲက အစိုးရဘက်နှင့် အရပ်ဖက် အဖွဲ့အစည်းများက ကြားဝင်ညှိနှိုင်းပေးမှုများ ဆောင်ရွက်နေပြီး ယင်းဖြစ်ပေါ်တိုးတက်မှုကို စောင့်နေဆဲကာလဖြစ်သည်ဟု လည်း ၎င်းကပြောသည်။

“ကျနော်တို့ အားလုံး ပါဝင်တဲ့ ချင်းပြည် အခင်းအကျင်း မဖြစ်မှာကိုလည်း စိုးရိမ်းနေတဲ့အတွက် ဖြစ်ပါတယ်။ အခုချိန်ဆိုရင် ကျနော်တို့က မိဘကို ခြေဆုံကန်ပြီးတော့မှ ပျောက်သော သားလို့ ဖြစ်နေတဲ့ နောင်တော် CNF နဲ့ CC အဖွဲ့ဝင်တွေ မိခင်ရင်ခွင့်ကို ပြန်လာဖို့ စောင့်နေတဲ့ ကာလလည်းဖြစ်ပါတယ်။ မိခင်ရင်ခွင်ကို ပြန်လာပြီးတော့မှ ချာတာကို သေချာလေး review လုပ်ကြဖို့ အားလုံးပါဝင်တဲ့ ချင်းပြည်အခင်းအကျင်းကို ပြန်လည် လုပ်ဖို့အတွက် စောင့်နေတဲ့ ကျေးဇူးတော်ကာလလည်းဖြစ်ပါတယ်” ဟု ဆလိုင်းပီတာထန်းက ပြောသည်။

ယင်းကာလကျော်လွန်ပါက ချင်းလန်းကောင်စီအဖွဲ့ဝင်များ ပြန်မလာတော့လျှင့် လုပ်စရာရှိသည်များကို ဆက်လုပ်ဖို့ အဆင်သင့် ဖြစ်နေသော အနေအထားဖြစ်သည်ဟုဆိုသည်။

လက်ရှိတွင် ချင်းညီနောင်၏ မူလရည်ရွယ်ချက်ဖြစ်သော ချင်းပြည်နယ်တွင် စစ်ကောင်စီ ကင်းစင်ရေးအတွက် မင်းတပ်မြို့နှင့် ဖလမ်းမြို့မှာ မြို့သိမ်းစစ်ဆင်ရေးများ ဖော်ဆောင်နေပြီး အောင်မြင်မှု အများအပြား ရရှိထားကြောင်း သိရသည်။

Zo Reunification Organization (ZORO) ဦးဆောင်မှုဖြင့် စက်တင်ဘာလက အိုင်ဇော်လ်မြို့တွင် ချင်းပြည်အစိုးရနှင့် ICNCC အဖွဲ့တို့ တွေ့ဆုံဆွေးနွေးခဲ့ရာ ငြိမ်းချမ်းရေးကော်မတီတရပ်ဖွဲ့စည်းနိုင်ရေး၊ နှစ်ဖက်အဖွဲ့များ တွေ့ဆုံဆွေးနွေးမှုများ ဆက်လုပ် ရန်အပါအဝင် အချက် ၅ ချက် သဘောတူညီမှု ရရှိခဲ့သည်။

ဖင်လန်နိုင်ငံအခြေစိုက် Crisis Management Initiative (CMI)အဖွဲ့သည် အိန္ဒိယနိုင်ငံ၊ ဒေလီမြို့တွင် ဩဂုတ်ထဲက CC နှင့် ICNCC တို့ကို ကြားဝင်ညှိနှိုင်းရန် စီစဉ်ခဲ့သော်လည်း ယာယီရွှေ့ဆိုင်းထားရသည်။

Chin Civic Movement – CCM အဖွဲ့ကလည်း လက်ရှိဖြစ်ပွားနေသည့် ချင်းတော်လှန်ရေးအဖွဲ့များကြားက ပဋိပက္ခ ဖြေရှင်းနိုင်ရေး ချက်ချင်းဆောင်ရွက်ကြရန် ချင်းလူထုစစ်တမ်းများကောက်ယူပြီး တိုက်တွန်းထားသည်။

အပြန်အလှန်တန်းတူအသိအမှတ်ပြုမှု၊ ဆွေးနွေးတိုင်ပင်မှု၊ နားလည်မှု တည်ဆောက်ရန် အားနည်းခြင်းများကြောင့် ချင်း အချင်းချင်းကြား ပဋိပက္ခကိုဖြစ်စေသည်ဟု CCM က ထုတ်ပြန်သော ချင်းလူထုစစ်တမ်းတွင်ဖော်ပြထားသည်။

၂၀၂၁ စစ်အာဏာသိမ်းပြီး ၃ လခန့်အကြာတွင် ကြားကာလ ချင်းအမျိုးသားအတိုင်ပင်ခံ ကောင်စီ (ICNCC) ကို ရွေးကောက်ပွဲ အနိုင်ရ ချင်းလွှတ်တော်ကိုယ်စားလှယ်တွေ၊ ချင်းအမျိုးသားတပ်ဦး(CNF)၊ အာဏာဖီဆန်ရေးလှုပ်ရှားမှု (CDM) မှာ ပါဝင်သည့် ဝန်ထမ်းများ၊ အရပ်ဘက်ကိုယ်စားပြုကိုယ်စားလှယ်များဖြင့် ဖွဲ့စည်းခဲ့ကြသည်။

၂၀၂၃ ခုနှစ် ဧပြီလမှာ CNF နှင့် လွှတ်တော်ကိုယ်စားလှယ်ထက်ဝက်ခန့် ICNCC ကနေ နုတ်ထွက်သွားခဲ့ပြီး ယင်းနှစ် စက်တင်ဘာ လမှာ ညီလာခံတစ်ရပ်ခေါ်ယူ၍ ဖွဲ့စည်းပုံအခြေခံဥပဒေရေးဆွဲပြဋ္ဌာန်းပြီး ဒီဇင်ဘာလတွင် ချင်းပြည်ကောင်စီကို ဖွဲ့စည်းခဲ့သည်။

ယခုလက်ရှိတွင် ချင်းပြည်ကောင်စီ၊ ချင်းပြည်အစိုးရသည် ဥပဒေများ ပြဌာန်းကာ ချင်းပြည်တွင် အုပ်ချုပ်ရေး ယန္တရားများ အကောင်အထည်ဖော်ဆောင်နေပြီဖြစ်သည်။