Aunglan Media Group

Aunglan Media Group သတင်းမှန်များသာ

ကိုယ့်အိမ်က မီတာ အရမ်းလည်မြန်နေလို့ စိတ်ပူနေလား စမ်းသပ်နည်းတွေရှိတယ်မီတာခနဲ့ ချိန်ပြီး သုံးချင်လား ဒါလေးသိမှဖြစ်မယ်..ဥပမ...
16/06/2024

ကိုယ့်အိမ်က မီတာ အရမ်းလည်မြန်နေလို့ စိတ်ပူနေလား
စမ်းသပ်နည်းတွေရှိတယ်
မီတာခနဲ့ ချိန်ပြီး သုံးချင်လား
ဒါလေးသိမှဖြစ်မယ်..

ဥပမာ တစ်ယူနစ်ကို ၅၀ကျပ်ဆိုရင်
အဲ့ ၅၀ဖိုးပဲ သုံးချင်တယ်
အိမ်က မီးချောင်း ဘယ်နှစ်နာရီ ဖွင့်ခံမလဲ ဆိုတာမျိုးပေါ့..

မီတာမှာ တစ်ယူနစ်တက်အောင်
ဒီပစ္စည်းလေးကို ဘယ်လောက်ကြာကြာ သုံးရင်
တက်လဲ သုံးရမလဲ.

ပေးလိုက်ရတဲ့မီတာခ ဟုတ်မှဟုတ်ရဲ့လား. TV လေး တစ်နေ့မှ တစ်နာရီလောက် ကြည့်တာ ငွေအားဖြင့် ဘယ်လောက်ကုန်သွားလဲ..

စက်ပြင်ဆရာတွေ တစ်နေကုန် ခဲဂေါက်ထိုးထားတယ် unit ဘယ်လောက်တက်သွားမလဲ.

တစ်ချို့ ဆိုင်ခန်းငှါးတဲ့ အဒေါ်ကြီးတွေက စက်ပြင်ဆိုင်ဆို မီတာခ အရမ်းကျတယ် ထင်နေတာ ဘယ်လိုပြန်ပြောပြရပါမလဲ..

စတာတွေကို လူအများရှင်းအောင် နည်းပညာပိုင်းကို သိပ်အလေးမပေးဘဲ ပြောကြည့်ချင်ပါတယ်.

မီးပူကို တစ်နာရီ ဆက်တိုက် တိုက်ရင် မီတာမှာ တစ်ယူနစ် 1 unit တက်မယ် (အော်တိုပိတ်ပိတ်သွားချိန်မပါ).

ဘာဖြစ်လို့လဲဆိုတော့
မီးပူဟာ Watt 1000 ရှိလို့..

Watt 1000 ရှိတဲ့ပစ္စည်းကို
တစ်နာရီကြာအောင်သုံးရင်..
တစ်ယူနစ် တက်တယ်

အဲ့ဒါက ဖော်မြူလာပဲ
1000 watt တစ်နာရီ = 1 unit

တစ်နာရီကို unit ဘယ်လောက်တက်တယ် သိရင်..

နှစ်နာရီသုံးတယ်ဆို ၂ နဲ့မြောက်ပေါ့

သုံးနာရီသုံးတယ်ဆို ၃ နဲ့မြောက်ပေါ.

အလွယ်လေး မခက်သေးဘူးနော်..

ဒါဆို ကိုယ်မီးပူတိုက်နေတာ ဘယ်နှစ်နာရီဆို ဘယ်နှစ်ယူနစ်တက်မလဲ သိပြီပေါ့..

ဟုတ်ပြီ ကျွန်တော် ကျွန်မ ခုသုံးနေတဲ့ ပစ္စည်းက watt 1000 မှ မဟုတ်တာဗျာ.

အိမ်မှာ လေးပေ မီးချောင်း တစ်ချောင်း ထွန်းထားတယ် အဲ့လေးပေ မီးချောင်းက Watt 40 ပဲ ရှိတာ..

ဘယ်နှစ်နာရီ ထွန်းထားရင် တစ်ယူနစ်တက်မလဲ ပိုက်ဆံဘယ်လောက် ကုန်မလဲ

ဟုတ်ပြီ ကျွန်တော်တို့ သိချင်တာ ၃ မျိုး ရှိတယ်၊ မီတာမှာ unit ဘယ်လောက် တက်သွားလဲ အချိန်တစ်ခုအားဖြင့် ထွန်းထားတယ် ငွေဘယ်လောက် ကုန်သွားပြီလဲ..

တစ်ယူနစ် မီတာမှာ တက်အောင် ဘယ်လောက်ကြာကြာ သုံးရမလဲ စတဲ့ အချိန်ရယ် ငွေရယ် ယူနစ်တက်သွားတာရယ်.

အဲ့မှာ ငွေကုန်ကြေးကျ တွက်တာက မီတာယူနစ်တက်သလောက် ငွေကုန်တာမို့ မီတာယူနစ် ဘယ်လောက် တက်သလဲ ဆိုတာကိုပဲ အရင်တွက်ရမယ်.

ပြီးမှ တစ်ယူနစ်မီတာခနဲ့ မြောက်ပေါ့ ဟုတ်ပြီ ပြောနေတာတွေ ရှုပ်တယ်
အလွယ်ပဲပြောမယ်ဗျာ

ကိုယ်သုံးမယ့်ပစ္စည်းရဲ့ Watt ကို
1000 နဲ့စားရင် တက်သွားမယ့် ယူနစ်ရမယ်..

(တစ်နာရီသုံးရင် အဲ့လောက်တက်မယ်လို့ ဆိုလိုတာ) အဲ့ Watt ကို 1000 နဲ့ စားတာကို ပြောင်းပြန် ပြန်တွက်လိုက်.

1000 ကို Watt နဲ့ပြန်စားလိုက် လို့ ပြောတာ အာ့ဆို unit မရတော့ဘူး မီတာမှာ တစ်ယူနစ်တက်အောင် ဘယ်လောက်ကြာကြာ သုံးလို့ရမလဲ ဆိုတဲ့ အချိန်ကို ရတယ်ဗျာ.

အဲ့တော့ ဒီလို မှတ် 1000 (နဲ့) စားရင် ယူနစ် ရတယ် ..1000 (ကို) စားရင် အချိန် ရတယ်

ဥပမာ အပေါ်က ၄ ပေမီးချောင်း Watt 40 အဲ့ Watt 40 ကို 1000 (နဲ့) စား 401000 = 0.04 unit ရတယ်

အဲဒါဟာ ၄ ပေမီးချောင်းကို တစ်နာရီထွန်းရင် မီတာမှာ တက်မယ့်ယူနစ် 0.04 ရတယ် unit ရပြီဆို ပိုက်ဆံသိချင်ရင်
တစ်ယူနစ်ကို ၅၀ ဆို 0.04 ၅၀ ပေါ.
တစ်ယူနစ်ကို ၇၀ဆို 0.04 ၇၀ ပေါ.
မြောက်ကြည့်ကြပေါ့..

နောက်တစ်နည်းက အပေါ်ကတွက်နည်းကို ပြောင်းပြန်လှန် 1000 (ကို) Watt 40 နဲ့စား 1000 40 = 25 နာရီ ရတယ် အဲ.ဒါက ၄ ပေ မီးချောင်းကို ၂၅ နာရီကြာအောင်ထွန်းမှ မီတာမှာ တစ်ယူနစ်ပဲ တက်မယ်လို့ ဆိုလိုတာပဲ

ဥပမာ ဘုရားစင်မှာထွန်းလေ့ရှိတဲ့
5 Watt မီးသီး အစိမ်းလေးကို ထွန်းမယ်ဆိုရင် 1000 5 = နာရီ ၂၀၀ လောက်ကြာအောင် ထွန်းထား မှ မီတာမှာ တစ်ယူနစ်ပဲ တက်မှာပါ..

အဲတော့ 1000 နဲ့စားတော့ ယူနစ်ပြ ပြောင်းပြန်လှန်တော့ အချိန်ရ
ဒါလေးနဲ့တင် အများပြည်သူ သိရတွက်ရ အဆင်ပြေလှ အင်း နည်းနည်း အဆင့်မြှင့်ကြည့်မယ်ဗျာ နာရီဝက်ပဲ မီးချောင်းထွန်းရင်ကောဗျာ..

၁၅ မီးနစ်ပဲ သုံးမယ်ဆိုရင်ကောဗျာ
အာ့ဆို နည်းနည်းလေးတော့ ရှုပ်ပြီဗျ
Watt ကို 1000 နဲ့စားလို့ ရတာကို နာရီဝက်ပဲ သုံးရင် 1/2 နဲ့ ထပ်မြောက်ဗျ ဘာလို့ဆို နာရီဝက်က
တစ်နာရီရဲ့ နှစ်ပုံပုံရင် တစ်ပုံဖြစ်နေလို့

၁၅မီးနစ်ပဲ သုံးတယ်ဆိုပြီး
၁၅နဲ့သွားမြှောက်လို့ မရဘူးဗျ
၁၅မီးနစ်သည် တစ်နာရီရဲ့ လေးပုံတစ်ပုံဖြစ်လို့ 1/4 နဲ့ ထပ်မြောက်ဗျ..

အသုံးပြုချိန်က နာရီနဲ့ပဲ တွက်ရလို့ဗျ
မီးနစ်နဲ့တွက်ရင် killowatt hour ဆိုတဲ့ unit မရတော့လို့ပါ.

killowatt ဆိုတာကလည်း အခြားမဟုတ်ဘူးဗျ ကိုယ်သုံးတဲ့ပစ္စည်းရဲ့ watt ကို 1000 နဲ့ စားလိုက်တဲ့ဖြစ်စဉ်ကို ပြောတာဗျ

မူရင်းတန်ဖိုးက watt အာ့ဒါကို 1000 နဲ့စားလိုက်တော့ killowatt ဖြစ်လာတာပေါ. သဘောက resistor တန်ဖိုး ထောင်ကျော်တဲ့အခါ 1200 အုမ်းလို့ ဘယ်မှာခေါ်လို့လဲ..

1.2 K လို့ပဲ ခေါ်ကြတာ အဲ့ဒါလည်း 1000 နဲ့ စားလိုက်တာပဲလေ ကီလိုဖွဲ့လိုက်တယ်ဆိုပါစို့ဗျာ အဲ့ သဘောပဲ Watt ကို 1000 နဲ့စားလိုက်တာလည်း ကီလိုဖွဲ့လိုက်သလိုပဲမို့ killowatt ရယ်လို့ဖြစ်လာတာ.

အဲ့ကီလိုဝပ်ကို နာရီနဲ့ထပ်မြောက်လို့ ကီလိုဝပ်နာရီ KWh = unit တန်ဖိုးဖြစ်လာတာ အဲ့တော့ သုံးစွဲပစ္စည်းရဲ့ Watt ကို 1000 နဲ့စား သုံးစွဲချိန် နာရီနဲ့ မြောက် တစ်လကုန် မီတာဘယ်လောက်တက်လဲ သိချင်ရင် ရက်ပေါင်း ၃၀ နဲ့ ထပ်မြောက် မီတာမှာ တိုက်ကြည့်ပေါ့

မီတာအရမ်းလည်မြန်နေလို့ မသင်္ကာရင်မီးပူတစ်နာရီတိုက်လို့ တစ်ယူနစ်ပဲ တက်တယ်ဆို ပုံမှန်ပဲ ပေါ.အထဲကဖွဲ့စည်းပုံကြောင့် လည်နှုန်း နှေးတာမြန်တာ ကိုယ့်အလုပ် ဟုတ်ဘူးလေ

တစ်ယူနစ်ကို ၅၀ကျပ်ဆိုရင် ၅၀ကို မီးနစ် ၆၀နဲ့စား တစ်မီးနစ်ကို ပြား ၈၃ပြားလောက် ကျတယ်ပေါ. အဲ့တော့ ဘယ်လောက်ဖိုး သုံးမလဲ ကြာကြာသုံးရင် များများကုန်မယ် များများသုံးရင် မြန်မြန်ကုန်မယ် 1000(နဲ့) စားရင် unit ရမယ် 1000(ကို) စားရင် အချိန်ရမယ် ဒါလေး ပါပဲ.

မူးရင် 🙏🙏

06/03/2024

😍 ရွှေမြို့အောင်လံ မြို့အောင်လံ 😍

အကွက်ရိုက်ရောင်းတဲ့ မြေကွက်လေးတွေတန်တယ် ဆိုပြီး ဝယ်ထားလိုက်တာ...ဘာဖြစ်နိုင်လဲ ?မဖြစ်မချင်းတော့ ဘာမှ မဖြစ်ဘူး...ဖြစ်လာရင်...
22/06/2023

အကွက်ရိုက်ရောင်းတဲ့ မြေကွက်လေးတွေ
တန်တယ် ဆိုပြီး ဝယ်ထားလိုက်တာ...ဘာဖြစ်နိုင်လဲ ?

မဖြစ်မချင်းတော့ ဘာမှ မဖြစ်ဘူး...
ဖြစ်လာရင်လည်း ဘာမှ ပြန်မရဘူး...

တရားမဝင် မြေကွက်ရိုက်ရောင်းတဲ့ လုပ်ငန်းဟာ
ဥပဒေနဲ့ မလွတ်ဘူးဆိုပေမယ့် အမြတ် အရမ်းကျန်ပါတယ်။

ကိုယ်ရောင်းလိုက်တဲ့ မြေကွက်ဟာ ဈေးသက်သာလွန်းရင်လည်း ဝယ်သူ မယုံကြည်မှာစိုးတာကြောင့်
ဝယ်သူယုံကြည်လောက်တဲ့ ဈေးအထိ
ဈေးတင်ပြီး ရောင်းကြပါတယ်။

အဲ့ဒါကလည်း တရားမဝင် အကွက်ရိုက်ရောင်းတဲ့ ဈေးကွက်အတွက်
အမြတ်အစွန်းများစွာကို ရစေပါတယ်။

တစ်ကယ်တော့ တစ်ဧက သိန်း ခုနှစ်ဆယ် ရှစ်ဆယ် တစ်ရာ လောက်နဲ့ ပေးဝယ်ရတဲ့မြေဟာ

အိမ်ဝိုင်းကွက်ရိုက်ပြီး ပြန်ရောင်းရင်
မြေအနေအထားနဲ့ လမ်းအနေအထားပေါ် မူတည်ပြီး
၁၄ ဝိုင်းကနေ ၁၆ ဝိုင်းအထိ ရတာဆိုတော့

တွက်လိုက်ရင် အိမ်ဝိုင်းတစ်ဝိုင်းစာအတွက်
မြေတန်ဖိုးဟာ ခြောက်သိန်းခွဲ ခုနှစ်သိန်းလောက်ပဲ ရှိတာပါ။
အဲ့ဒါကို တစ်ဝိုင်း ဆယ်သိန်းလောက်နဲ့ ပြန်ရောင်းတယ်ဆိုရင် ဝယ်သူတွေအတွက်
"ဈေးချိုလွန်းတယ် ဟုတ်မှ ဟုတ်ပမလား" ဆိုပြီးတော့ သံသယဝင်စရာ ဖြစ်လာပါမယ်။
မယုံကြည်တော့ပါဘူး။

အဲ့ဒီတော့ ဝယ်တဲ့သူတွေ ယုံကြည်အောင် သိန်း နှစ်ဆယ် အစိတ် သုံးဆယ် လေးဆယ် သိန်းရာကျော်ထိ စသဖြင့် ဈေးတင်ရောင်းကြတာပါ။

အဲ့ဒီလိုရောင်းတဲ့အတွက်
အမြတ်လည်း အရမ်းရပါတယ်။
အဲ့လိုအမြတ်များတော့ တစ်ချို့ စီးပွားရေးသမားတွေက ကိုယ်တိုင် မလုပ်တော့ပါဘူး။
ဥပဒေနဲ့မလွတ်လို့ ပြဿနာအရှုပ်အရှင်းဖြစ်ရင်
ရှောင်ထွက်လို့ ရအောင်လို့ပါ။
အဲ့ဒီတော့ ပွဲစားတွေကို ပါးပါးနပ်နပ်
အသုံးချလာကြပါတယ်။

ဘယ်လိုအသုံးချသလဲဆိုရင်
အဲ့ဒါမျိုးလုပ်ဖို့ လူလေးငါးယောက်လောက်
စုပြီး အဖွဲ့ဖွဲ့လိုက်ပါတယ်။ ခေါင်းဆောင်မပါပါဘူး။ မြေကို စုဝယ်လိုက်ပါတယ်။

အမည်ပေါက် မပြောင်းပါဘူး။
ပြဿနာဖြစ်ရင် ရှောင်ထွက်လို့ ရအောင်လို့ပါ။
အခြားနည်း အသုံးပြုခွင့် လျှောက်ပြပါတယ်။

ခွင့်ပြုမိန့် ကျစရာမလိုပါဘူး။
သက်ဆိုင်ရာလူတွေသိရင် ရပါပြီ။
ဒါမှ မကျေနပ်တဲ့သူတွေက တိုင်ရင် အခြားနည်း အသုံးပြုခွင့်လျှောက်ထားတာလို့
ဆင်ခြေပေးလို့ ရအောင်လို့ပါ။

ရောင်းတော့လည်း ပြောအားရှိပါတယ်။
ခွင့်ပြုမိန့်သာ မပါတာ။
အခြားနည်း အသုံးပြုခွင့်
လျှောက်ထားပါတယ် ဆိုပြီးတော့လေ။
မြေယာပုံစံ-၁၀၅ က မြေပိုင်ဆိုင်ခွင့်မှ မဟုတ်တာ။

အဲ့ဒီလို လုပ်ပြီးပြီဆိုရင်
မြေထိုးတဲ့ စက်သမားကိုခေါ်
တစ်ဧက တစ်သိန်းနှုန်း ပေးမယ်။

ပွဲစားလုပ်တဲ့သူတွေကိုလည်း ခင်ဗျားရောင်းပေးမလား တစ်ဝိုင်းရောင်းထွက်ရင် တစ်သိန်းပေးမယ်။
လူရှာပေးတဲ့သူတွေကိုလည်း ခင်ဗျားလူရှာပေးမလား တစ်ဝိုင်းရောင်းထွက်ရင် တစ်သိန်းပေးမယ် ... စသဖြင့် လူရှာပြီး ရောင်းပါတယ်။

အဲ့ဒါကြောင့် အဲ့လိုအကွက်ရိုက်ရောင်းတဲ့ နေရာသွားလိုက်တာနဲ့ ဘယ်ကနေထွက်လာမှန်း မသိတဲ့သူတွေ... online ကနေ လူရှာပေးတဲ့သူတွေ ပွစိတက်လာတာပါ။
အဲ့လိုလူတွေကလည်း သူတို့နဲ့ရင်းနှီးတဲ့သူတွေ
ခင်မင်တဲ့သူတွေကို စပ်ပေးပြီး

"မြေကွက်တွေ ဘယ်နားမှာ ရှိတယ်
ငါက ဘယ်အကွက်ယူထားတာ နင်လည်း ယူအုံးမလား တန်တယ်နော်။ နောက်ဆို အဲ့ဈေးနဲ့ ရမှာ မဟုတ်ဘူး" စတဲ့စကားတွေနဲ့ သူ့လူတွေကို ဝယ်ချင်လာအောင် စည်းရုံးပါတော့တယ်။

တစ်ဝိုင်းရောင်းထွက်ရင် တစ်သိန်းရတာဆိုတော့ မနည်းဘူးလေ။ အဲ့ဒီလို စည်းရုံးလို့ ရပြီဆိုတာနဲ့
ပိုင်ရှင်အမည်ခံပြီး ရောင်းပေးမယ့်သူဆီကို
ပိုင်ရှင်ဆိုပြီး ခေါ်သွားတော့တာပါပဲ။

ဟိုကလည်း ပိုက်ဆံရတော့ ပိုင်ရှင်ယောင်ဆောင်ပြီး စာချုပ်ချုပ်ပေးလိုက်ရော။
တစ်ချို့ပွဲစားတွေဆို စာချုပ်မှာ
ပိုင်ရှင်ကိုယ်စားဆိုပြီး လက်မှတ်ထိုး ရောင်းပေးလိုက် တာတွေလည်း ရှိပါသေးတယ်။

လတ်တလော ပိုက်ဆံရလို့ လုပ်ပေးလိုက်တာပါ။
တစ်ချို့က မှတ်ပုံတင်၊ အိမ်ထောင်စုဇယားမိတ္တူတွေနဲ့ လုပ်ပေးတာတွေလည်း ရှိပါသေးတယ်။
နာရီပိုင်းအတွင်း ပိုက်ဆံ သိန်းနဲ့ချီရတာကိုး...

တစ်ချို့ကြတော့လည်း ပွဲစားတွေကို ခင်ဗျားက
ဒီအကွက်တွေ ရောင်းပေး။
ခင်ဗျားက သင့်သလိုဈေးခေါ် သိန်း အစိတ်ဝန်းကျင်နဲ့ ဈေးညှိရောင်း

ဈေးအရမ်းမတင်နဲ့ ရေရှည်လုပ်လို့ရအောင်လို့။
ကျုပ်တို့အဖွဲ့ကို တစ်ဝိုင်းရောင်းထွက်ရင် ၂၃ သိန်းသွင်း ဆိုပြီး အဲ့ဒိလို လုပ်ရောင်းတာတွေလည်း ရှိပါတယ်။ ပြဿနာအရှုပ်အရှင်း ဖြစ်လာရင် အကွက်ရိုက်သူက လွတ်အောင်လုပ်တဲ့ သဘောမျိုးပါ။
ပြီးမှ ပိုက်ဆံခွဲယူကြတာပါ။
ဝယ်သူတွေက အဲ့ဒါတွေကို မသိကြပါဘူး။
သိန်းနှစ်ဆယ် အစိတ်လောက်နဲ့
သိန်းရာကျော်လေးနဲ့ မြေကွက်အပိုင်ရမှာဆိုတာရယ်...

မြေယာဥပဒေတွေကို မသိနားမလည်တဲ့
အတွက်ကြောင့်ရယ် ရှိစုမဲ့စုနဲ့ ဝယ်ကြပါတယ်။

ဝယ်သူအများစုက သူတို့ဝယ်တဲ့ မြေနဲ့ ပတ်သက်ပြီး မူရင်းအမည်ပေါက်က ဘယ်သူလဲ။
ရောင်းတဲ့သူက ဘယ်သူလဲ။

ဒီပစ္စည်းက ရောင်းသူလက်ထဲ
ဘယ်လိုနည်းနဲ့ ရောက်ရှိ ပိုင်ဆိုင်လာတာလဲ။
သူ့ပိုင်ဆိုင်မှုက တရားဝင်ပိုင်ဆိုင်မှုလား။
မြေရောင်းတဲ့ တောင်သူနဲ့ အရောင်းအဝယ်သဘောအရ အရပ်စာချုပ်ချုပ်ထားလို့ ပိုင်ဆိုင်မှု ရနေတာလားဆိုတာ နားလည်တာ မဟုတ်ပါဘူး။

အဲ့ဒါကြောင့် ဂျင်းထည့်ရောင်းကြတာပါ။
*** တတ်သိနားလည်တဲ့သူနဲ့ သွားဝယ်ရင်
အရောင်းအဝယ် ပျက်တာ များပါတယ်။ ***
မဟုတ်တာ လုပ်ရောင်းတာဆိုတော့
နားလည်တဲ့သူကြ လိမ်ရောင်းလို့ မရလို့ပါ။
နားမလည်တဲ့သူတွေကတော့
မျက်ကန်းတစ္ဆေ မကြောက်မို့ ဝယ်ပါတယ်။

တစ်ချို့အကွက်ရိုက်ရောင်းတဲ့သူတွေဆို တောင်သူတွေဆီက ဝယ်တုန်းက
စာချုပ်ထဲမှာက ဈေးတစ်မျိုး။

အကွက်ရိုက်ပြီး ပြန်ရောင်းတဲ့စာချုပ်ထဲ
မိတ္တူဆွဲထည့်ပေးဖို့ လုပ်ထားတဲ့
စာချုပ်အတုက ဈေးတစ်မျိုး။

အဲ့ဒီလို ဂျင်းထည့်တာတွေလည်း ရှိပါသေးတယ်။
ဒီမြေယာဟာ ဘယ်လောက်ပဲ တန်တယ်ဆိုတာ
ဝယ်သူအများစုက မသိကြပါဘူး။
အဲ့ဒီတော့ လိမ်ရောင်းလို့ ရပါတယ်။

ပြီးတော့ တရားမဝင် အကွက်ရိုက်ပြီး
ပြန်ရောင်းတဲ့သူတွေက စာချုပ်ထဲမှာ
ဘယ်လိုပဲ တာဝန်ယူပေးတယ်ပြောပြော

တစ်ကယ် ပြဿနာ ဖြစ်လာရင်
စာချုပ်မှာ အမည်ခံပြီး ရောင်းတဲ့သူရယ်
သက်သေအနေနဲ့ လက်မှတ်ထိုးတဲ့သူရယ်
ဝယ်သူရယ် အမည်ပေါက်ပိုင်ရှင်ရယ်ပဲ ရှင်းရတာပါ။

မရွှေ့ပြောင်းနိုင်တဲ့ ပစ္စည်းဆိုတာ
အရောင်းအဝယ်လုပ်ရင်
ကျသင့်တဲ့ ဝင်ငွေခွန်၊ တံဆိပ်ခေါင်းခွန်တွေ
ထမ်းဆောင်ပြီး

သက်ဆိုင်ရာ မြေစာရင်းဦးစီးဌာနမှာ
မှတ်ပုံတင်အရောင်းအဝယ်စာချုပ် ချုပ်ရပါတယ်။
အရပ်စာချုပ်နဲ့ ပြီးစလွယ် အရောင်းအဝယ်တာတွေဟာ တရားရုံးမှာ သက်သေခံ မဝင်တော့

မြေကို အဖွဲ့ဖွဲ့ပြီး ဝယ်တာက
သူတို့အတွက် ဂျင်းထည့်ဖို့ ဂွင်ဖြစ်နေပါတယ်။
ပြဿနာဖြစ်လာရင် သူတို့ကို ဆွဲထည့်လို့
မရတော့ဘူးလေ။

သူတို့ကို ဆွဲထည့်ရင်တောင် ငြင်းမယ် ရှောင်မယ်
ဝေ့လည်ကြောင်ပတ်လုပ်မယ်။
ဥပဒေကို လက်တလုံးခြားပြီး လွတ်အောင်လုပ်မယ်။ ဘယ်လောက်ကောင်းလဲ။

စာချုပ်ထဲမှာ အမည်ပါတဲ့သူတွေ
လက်မှတ်ထိုးတဲ့သူတွေ လက်ဗွေနှိပ်တဲ့သူတွေ ရှင်းကြပေါ့။ အဲ့ဒီလို လုပ်ကြတာပါ။

အမြတ်ကြတော့လည်း တွက်ကြည်ဦး။
တစ်ဝိုင်းကို သိန်းအစိတ်နဲ့ ရောင်းရင်တောင်မှ
ရောင်းပေးတဲ့သူ တစ်သိန်း
လူရှာပေးတဲ့သူ တစ်သိန်း

လက်မှတ်ထိုး သက်သေလုပ်ပေးတဲ့သူ တစ်သောင်းစီ သက်ဆိုင်ရာ ဘာညာသာရကာက ၅ သောင်း
မြေကွက်အတွက် အရင်းက ခုနှစ်သိန်း
စုစုပေါင်း ၁၀ သိန်း နှုတ်လိုက်ရင်
မြေကွက်တစ်ကွက်ကို ၁၅ သိန်း အသားတင် အမြတ်ကျန်ပါတယ်။

ပေ ၂၀ လမ်းနဲ့ ၁၆ ဝိုင်း ရိုက်ထားတဲ့ တစ်ဧကဆို တွက်ကြည့်လိုက်ပါ။
သိန်း ၂၅၀ အသာလေး မြတ်သွားတာပါ။

ငါးယောက်လောက်စုပြီး တစ်ယောက် နှစ်ဧက လောက်ပဲ လုပ်ဦး။
အနည်းဆုံး တစ်ယောက် သိန်း ၅၀၀ လောက်
မြတ်သွားပါတယ်။
ဒါတောင် တစ်ဝိုင်း သိန်း အစိတ်နဲ့ပဲ ဥပမာထားပြီး
တွက်ပြသေးတာပါ။

တစ်ဝိုင်း သိန်း သုံးဆယ် လေးဆယ်ဆို
ဘယ်လောက်မြတ်မလဲ
စဉ်းစားကြည့်လို့ ရပါတယ်။
အဲ့ဒါကြောင့် အခုချိန်မှာ တရားမဝင်
အိမ်ဝိုင်းကွက်တွေကို ပိုင်ရှင်အမည်ခံရောင်းသူတွေ ပွဲစားတွေနဲ့ ဂျင်းထည့် ရောင်းကြတာပါ။

တစ်ချို့ဆို နိုင်ငံတော်ကပဲ တရားဝင်ခွင့်ပြုထားလို့
မီးရတော့မှာလိုလို ဓာတ်တိုင်တွေဟန်ပြစိုက်
ကြိုးတွေသွယ်ပြီး ဂျင်းထည့်တာတွေလည်း ရှိပါတယ်။ မီတာသွားလျှောက်မှ ဓာတ်တိုင်တွေက
ဂျင်းထည့်ထားမှန်းသိရတာတွေလည်း ရှိပါတယ်။

တရားမဝင် အကွက်ရိုက်ရောင်းသူတွေက
သူတို့ အဲ့ဒီလို ဂျင်းထည့်ထားတာတွေ ပေါ်မှာစိုးလို့
သူတို့ဆီကရောင်းတဲ့ မြေကွက်တွေကို ဝယ်ရင်
မြေစာရင်းရုံးမှာ မှတ်ပုံတင်စာချုပ်ချုပ်ရင်
မချုပ်စေချင်ပါဘူး။

ချုပ်ရင်လည်း သိန်းနှစ်ဆယ် အစိတ်နဲ့
ဘယ်လိုမှ မလောက်ပါဘူး။
မြေစာရင်းရုံးမှာ စာချုပ်ချုပ် မှတ်ပုံတင်ရင်
ကိုယ့်ဟာကိုယ် ကုန်ကျစားရိတ်ခံရမယ်
အခွန်တွေ ဆောင်ရမယ်။

ရပ်ကွက်ရုံးမှာ စာချုပ်ချုပ်လဲ တရားဝင်တာပဲ...
စသဖြင့် မဟုတ်မမှန်တဲ့စကားတွေနဲ့
ဝယ်သူကပဲ အပိုအလုပ်တွေလုပ်သလို
ဂျင်းထည့်တာပါ။ တစ်ချို့ဝယ်သူတွေကြတော့လည်း ဘာမှ နားမလည်ကြပါဘူး။

သူတို့လုပ်ပေးတာတွေကို
အမှန်ထင်နေကြတဲ့ သူတွေလည်း ရှိပါတယ်။
အမှန်တစ်ကယ် ဥပဒေအရ တစ်သိန်းနှင့်အထက်
တန်ဖိုးရှိတဲ့ မရွှေ့ပြောင်းနိုင်တဲ့ ပစ္စည်းမှန်သမျှ
ဝယ်ရင် သက်ဆိုင်ရာမြေစာရင်းရုံးမှာ
စာချုပ်ချုပ်ပြီး မှတ်ပုံတင်မှ တရားဝင်တာပါ။

အဲ့ဒါမှ နောင်တစ်ချိန် ပြဿနာဖြစ်လာရင်လည်း စာချုပ်ကို မှတ်ပုံတင်ထားတာဆိုတော့
ရှင်းလို့လွယ်တာပါ။

တရားမဝင်အိမ်ဝိုင်းကွက် ရိုက်ရောင်းတဲ့လူတွေက
သူတို့ရောင်းတဲ့ မြေကွက်တွေကို
တရားဝင်မှတ်ပုံတင်စာချုပ်ချုပ်ဝယ်ရင်
သူတို့ လိမ်ထားတာတွေ ဂျင်းထည့်ထားတာတွေ
ပေါ်မှာကြောက်လို့ အဲ့လို အလုပ်မခံကြပါဘူး။

မသိနားမလည်တဲ့သူတွေကို မိတ္တူကူးထားတဲ့
စာရွက်တွေသာပါတဲ့ အရပ်စာချုပ်တွေနဲ့ ဂျင်းထည့် လိမ်ရောင်းကြတာပါ။

ပွဲစားတွေ ပိုင်ရှင်အမည်ခံရောင်းပေးတဲ့သူတွေက
ဘာမှမဟုတ်တဲ့ ငွေလေးနဲ့ ပြဿနာဖြစ်လာရင်
ခေါင်းခံဖြေရှင်းရမှာကိုလည်း
သူတို့ကိုယ်တိုင် မသိကြပါဘူး။

တရားမဝင်အိမ်ခြံမြေကဏ္ဍမှာ
နားမလည်တဲ့သူတွေကို အဲ့ဒီလိုအသုံးချ ဖားရိုက်နေကြလို့
မသိသေးတဲ့သူတွေ မခံရအောင်လို့
တင်ပေးလိုက်တာပါ။

မဟုတ်ဘူးဆိုပြီးတော့ ဖင်ပိတ်ပြီး လာမငြင်းကြပါနဲ့...

ကိုယ်တိုင်ခံရမှ
အစိုးရ မတရားဘူး တို့...
တရားမျှတမှု မရှိဘူး တို့...
ကိုယ့်ပိုက်ဆံနဲ့ကိုယ် ဝယ်ထားတာတို့...
မျိုးစုံအော်ကြ ဆန္ဒပြကြ...
အဲ့ဒါတွေမြင်ရင်
သနားရုံအပြင် ဘာမှ မလုပ်ပေးနိုင်ဘူး...
စာများများဖတ်ကြ...

လေးစားစွာကူးယူဖော်ပြသည်

မည်သူတစ်ဦးတစ်ယောက်ကိုမှထိခိုက်စေလိုစိတ် မရှိပါ

မကွေးတိုင်းဒေသကြီး၊ အောင်လံခရိုင်၊ အောင်လံမြို့၊ မြို့ပေါ်ရပ်ကွက်များတွင် ခရိုင်စီမံအုပ်ချုပ်ရေးအဖွဲ့ ဥက္ကဌ၊ အောင်လံမြို...
17/06/2023

မကွေးတိုင်းဒေသကြီး၊ အောင်လံခရိုင်၊ အောင်လံမြို့၊ မြို့ပေါ်ရပ်ကွက်များတွင် ခရိုင်စီမံအုပ်ချုပ်ရေးအဖွဲ့ ဥက္ကဌ၊ အောင်လံမြို့နယ်
အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ ခရိုင်/ မြို့နယ်အမျိုးသမီးရေးရာအဖွဲ့ နှင့် မြို့နယ်မိခင်နှင့်ကလေးစောင့်ရှောက်ရေးအဖွဲ့ တို့မှ ဥက္ကဌ နှင့် အဖွဲ့ဝင်များ၊ မြို့နယ်ကျန်းမာရေးဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်လူမှုဝန်ထမ်းဦးစီးဌာနတို့မှ တာဝန်ရှိသူများ၊ ကြက်ခြေနီအဖွဲ့များ ပါဝင်သော ပူးပေါင်းအဖွဲ့သည် သွေးလွန်တုပ်ကွေးရောဂါကာကွယ်ရေးအတွက် ဖုံး၊ သွန်၊ လဲ၊ စစ် လုပ်ငန်းများနှင့် အဘိတ်ဆေးခပ်ခြင်းလုပ်ငန်းများအား ဆောင်ရွက်ခဲ့ကြောင်း သိရသည်။

မကွေးတိုင်းဒေသကြီး အစိုးရအဖွဲ့

တရုတ်အသင်းအား ၅ ဂိုးပြတ် ရှုံးနိမ့်ပြီး မြန်မာအသင်း အရေးနိမ့် ခြေစစ်ပွဲ မအောင်မြင်၂၀၂၄ အာရှအမျိုးသမီး ယူ-၂၀ ပြိုင်ပွဲ ဒု...
10/06/2023

တရုတ်အသင်းအား ၅ ဂိုးပြတ် ရှုံးနိမ့်ပြီး မြန်မာအသင်း အရေးနိမ့် ခြေစစ်ပွဲ မအောင်မြင်

၂၀၂၄ အာရှအမျိုးသမီး ယူ-၂၀ ပြိုင်ပွဲ ဒုတိယအဆင့် ခြေစစ်ပွဲ အုပ်စု (B) ၏နောက်ဆုံးပွဲစဉ်အဖြစ် ရန်ကုန်မြို့၊ သုဝဏ္ဏကွင်းတွင် ယနေ့ ဇွန် ၁၀ရက်၊ မြန်မာစံတော်ချိန် ည ၆ နာရီ ၃၀ မိနစ််က မြန်မာ ယူ-၂၀ အမျိုးသမီးအသင်းနှင့် တရုတ် ယူ-၂၀ အမျိုးသမီးအသင်းတို့ ယှဉ်ပြိုင်ကစားခဲ့ကြရာ တရုတ် ယူ-၂၀ အမျိုးသမီးအသင်းက (၅-၀)ဂိုးဖြင့် အနိုင်ရခဲ့သည်။

မြန်မာ ယူ-၂၀ အမျိုးသမီးအသင်းတွင် ပွဲထွက်ကစားသမားများအဖြစ် ဂိုး-မေဦးခင်၊ နောက်တန်း- ဖြူဖြူဝင်း၊ ခင်ဌေးကြိုင်၊ ဖြူဖွေး၊ဝေဖူးအိမ်၊ အလယ်တန်း -မေသက်မွန်မြင့်၊ နှင်းပွင့်အေး၊ စန္ဒာလင်း၊ ယွန်းဝတီလှိုင်၊ ရှေ့တန်း- ယဉ်လွန်းအိမ်နှင့် ဇင်မိုးပြည့်တို့ ပါဝင်ကစားခဲ့ကြသည်။

ရာနူန်းပြည့် နိုင်ပွဲရထားသော တရုတ်အသင်းသည် အကောင်းဆုံးပုံစံကို ဆက်ထိန်းနိုင်ခဲ့ပြီး ပွဲချိန် ၈မိနစ်တွင် ထောင့်ကန်ဘောမှ တစ်ဆင့် Lu Jiayu က ခေါင်းတိုက်ပြီး ဦးဆောင်ဂိုးရယူခဲ့သည်။

ပွဲချိန် ၃၆ မိနစ်တွင်လည်း ထောင့်ကန်ဘောမှ တစ်ဆင့်ရရှိသည့် ဘောလုံးကို Jiang Chenjingက အနီးကပ် ပိတ်သွင်းခဲ့သဖြင့် ဒုတိယအနိုင်ဂိုး ရရှိခဲ့သည်။

ယင်းနောက် တရုတ်အသင်းက ဆက်လက်ဖိအားပေးခဲ့ပြီး ပွဲချိန် ၄၁ မိနစ်တွင် Huo Yuexin က ဖရီးကစ်မှ တိုက်ရိုက်ကန်သွင်းပြီး တတိယအနိုင်ဂိုးသွင်းယူခဲ့သည်။

ဒုတိယပိုင်းတွင် မြန်မာအသင်းအနေဖြင့် ဂိုးရရှိရေးကြိုးစားခဲ့သော်လည်း တရုတ်အသင်း၏ သွင်းဂိုးများကို ဆက်လက်ခွင့်ပြုခဲ့ရပြီး စတုတ္ထဂိုးနှင့် ပဥ္စမဂိုးကို ပွဲချိန် ၆၉ နှင့် ၇၄ မိနစ်တွင် Zhao xinyue က သွင်းယူခဲ့သည်။

“ဒဏ်ရာတွေရှိနေတဲ့ကြားက အကောင်းဆုံး ကြိုးစားခဲ့ကြတဲ့ ကစားသမားတွေကို ကျေးဇူးတင်ပါတယ်။ သူတို့ဟာ ဒဏ်ရာတွေကောင်းလာရင် ပိုကောင်းတဲ့ ကစားသမားတွေ ဖြစ်လာမှာပါ။ ပွဲရလဒ်က ကျွန်မနဲ့ပဲ သက်ဆိုင်ပါတယ်။ ရူံးပွဲအတွက် ကျွန်မတစ်ယောက်တည်း တာဝန်ယူသွားမှာပါ” ဟု ပွဲအပြီး သတင်းစာ ရှင်းလင်းပွဲတွင် မြန်မာ ယူ – ၂၀ အမျိုးသမီးအသင်း နည်းပြချုပ် ဒေါ်စန်းစန်းသိန်းက ပြောသည်။

တရုတ် ယူ – ၂၀ အမျိုးသမီးအသင်း နည်းပြချုပ် Wang Junက ” မျှော်လင့်ထားတဲ့အတိုင်း ရာနူန်းပြည့် နိုင်ပွဲရလို့ ကျေနပ်မိပါတယ်။ ဒီအသင်းက ကစားသမားအချို့ဟာ တစ်ချိန်မှာ လက်ရွေးစင်အသင်းကြီးအတွက် အားထားရတဲ့သူတွေဖြစ်လာမှာပါ။ မြန်မာအသင်းနဲ့ ပွဲစဉ်ကို သေချာပြင်ဆင်ကစားခဲ့ပါတယ်။ ဒီပြိုင်ပွဲ လာရောက်ကစားရာမှာ ဧည့်ဝတ်ကျေပွန်တဲ့ မြန်မာပြည်သူတွေနဲ့ MFF ကိုကျေးဇူး တင်ပါတယ်” ဟု ပြောသည်။

အစောပိုင်းယှဉ်ပြိုင်ကစားခဲ့သော တရုတ်(တိုင်ပေ)နှင့် နီပေါအသင်းတို့ပွဲစဉ်တွင် တရုတ်(တိုင်ပေ) အသင်းက (၅-၀) ဂိုးဖြင့်အနိုင်ရခဲ့သည်။

ထို့ကြောင့် အုပ်စု (B) တွင် တရုတ်အသင်းက ရမှတ် ၉ မှတ်ဖြင့် အုပ်စု ပထမ၊ တရုတ်(တိုင်ပေ) နှင့် မြန်မာတို့ရမှတ် ၄ မှတ်တူညီသော်လည်း ဂိုးကွာခြားချက်အသာဖြင့် တရုတ်(တိုင်ပေ)က အုပ်စုဒုတိယဖြင့် ခြေစစ်ပွဲအောင်သွားခဲ့သည်။

ဒုတိယအဆင့် ခြေစစ်ပွဲအောင်မြင်ခဲ့သော အုပ်စု (A)မှ သြစတြေးလျ၊ ဗီယက်နမ်၊ အုပ်စု(B)မှ တရုတ်၊တရုတ်(တိုင်ပေ) တို့မှာ ဥဇဘက်ကစ္စတန်၊ ဂျပန်၊ မြောက်ကိုရီးယား၊ တောင်ကိုရီးယား အသင်းတို့နှင့်အတူ နောက်ဆုံးအဆင့်ပြိုင်ပွဲကို ဝင်ရောက်ခွင့်ရရှိမည်ဖြစ်သည်။

၂၀၂၄ အာရှအမျိူးသမီး ယူ-၂၀ ပြိုင်ပွဲကို ဥဇဘတ်ကစ္စတန် နိုင်ငံက အိမ်ရှင်အဖြစ် လက်ခံကျင်းပမည်ဖြစ်ပြီး ပထမ၊ ဒုတိယနှင့် တတိယရသော အသင်း သုံးသင်းမှာ ၂၀၂၄ ဖီဖာ အမျိုးသမီး ယူ-၂၀ ကမ္ဘာ့ဖလား ယှဉ်ပြိုင်ခွင့် ရမည်ဖြစ်သည်။

Popular News Journal

09/06/2023

ဇွန်လ ၇ ရက်နေ့မှ စတင်ကာ Blacklist စာရင်းသွင်းခံလိုက်ရတာဖြစ်ပြီး Paing Family International ၊ Millionaire Phyo Trading နဲ့ ဧရာသုခစံကုမ္ပဏီတို့ဖြစ်ကြောင်း DICA ရဲ့ အသိပေးကြေညာခြင်းမှာ ဖော်ပြထားပါတယ်။

အွန်လိုင်းမှတ်ပုံတင်စနစ် (MYCO) မှာ မှတ်ပုံတင်ထားတဲ့ ကုမ္ပဏီတွေအနေနဲ့ လုပ်ငန်းခွင်နဲ့သက်ဆိုင်တဲ့ အစိုးရဌာန၊ အဖွဲ့အစည်းတွေက ချမှတ်ထားတဲ့ အခြားတည်ဆဲဥပဒေနဲ့ နည်းဥပဒေတွေ လိုက်နာမှုမရှိပါက DICA ရဲ့ ဝက်ဘ်ဆိုက်မှာ ကြေညာသွားမယ်လို့ အသိပေးထားပြီး ဖြစ်ပါတယ်။

(သတင်းအပြည့်အစုံကို ရုပ်သံတွင် ကြည့်ရှုပါ)

BETV Business

အောင်လံမြို့မှ ညာဘက်လက်မောင်း ပြတ်တောက်သွားသည့် အသက် (၃) နှစ်အရွယ် ကလေးငယ်၏ ခွဲစိတ်ကုသမှု အောင်မြင်အောင်လံမြို့မှ ညာဘက်လ...
27/05/2023

အောင်လံမြို့မှ ညာဘက်လက်မောင်း ပြတ်တောက်သွားသည့် အသက် (၃) နှစ်အရွယ် ကလေးငယ်၏ ခွဲစိတ်ကုသမှု အောင်မြင်

အောင်လံမြို့မှ ညာဘက်လက်မောင်း ပြတ်တောက်သွားသည့် အသက် (၃) နှစ်အရွယ် ကလေးငယ်၏ လက်အား ပြန်ဆက်ပေးသည့် ခွဲစိတ်ကုသမှုကို ရန်ကုန်ပြည်သူ့ဆေးရုံကြီး၌ အောင်မြင်စွာဆောင်ရွက်နိုင်ခဲ့ကြောင်း ကျန်းမာရေး၀န်ကြီးဌာနထံမှ သိရသည်။

မကွေးတိုင်းဒေသကြီး၊ အောင်လံမြို့တွင် နေထိုင်သည့် အသက် (၃)နှစ်အရွယ် ကလေးငယ်သည် ၂၀၂၃ ခုနှစ်၊ မတ်လ (၂၀) ရက် နံနက် (၉) နာရီအချိန်ခန့်တွင် မိဘများနှင့် ဆိုင်ကယ်စီးလာရာ မျက်နှာချင်းဆိုင်မှ ထွေလာဂျီနှင့်တိုက်မိသောကြောင့် ညာဘက်လက်မောင်း ပြတ်တောက်သွားသည့် ဒဏ်ရာ (Amputated Right Arm) ရရှိခဲ့ခြင်းဖြစ်ကြောင်း သိရသည်။

ထို့ကြောင့် အောင်လံပြည်သူ့ဆေးရုံ မှ တစ်ဆင့် ရန်ကုန်ပြည်သူ့ဆေးရုံကြီးသို့ ယင်းနေ့ ညနေ (၄) နာရီအချိန်တွင် ရောက်ရှိလာခဲ့ပြီး ကလေးငယ်၏ ပြတ်တောက်သွားသောလက်အား ပြန်လည်ဆက်ပေးသည့် ခွဲစိတ်ကုသမှုကို ညနေ (၅) နာရီအချိန်မှ စတင်ခဲ့ရာ ည (၁၀)နာရီ (၂၀ ) မိနစ်အချိန်တွင် အောင်မြင်စွာ ဆောင်ရွက်ပြီးစီးခဲ့သည်။

အဆိုပါ လူနာအား ရန်ကုန်ပြည်သူ့ဆေးရုံကြီးသို့ ရောက်ရှိလာသည်နှင့် တစ်ပြိုင်နက် အရေးပေါ် ကုသမှုဌာနမှ ဆရာဝန်များ၊ သူနာပြုများနှင့် ကျန်းမာရေးဝန်ထမ်းများမှ အရေးပေါ်ပြုစုကုသမှုများ ပြုလုပ်ပြီးနောက် လိုအပ်သည့် စမ်းသပ်စစ်ဆေးမှုများပြုလုပ်ခြင်းကို အချိန်နှင့်တစ်ပြေးညီ ပြုလုပ်ခဲ့ကြောင်း သိရသည်။

ထို့နောက် ရန်ကုန် ပြည်သူ့ဆေးရုံကြီးမှ အထူးကုဆရာဝန်ကြီး (လက်ပိုင်းဆိုင်ရာခွဲစိတ်) ဒေါက်တာတင်ထွန်းအောင် နှင့် အထူးကုဆရာဝန် (လက်ပိုင်းဆိုင်ရာခွဲစိတ်) ဒေါက်တာဖြိုးမောင်မောင်တို့ ဦးဆောင်သည့် လက်ပိုင်းဆိုင်ရာ ခွဲစိတ်ကုသမှုအဖွဲ့၊ ပါမောက္ခ/ဌာနမှူး (မေ့ဆေး) ပါမောက္ခ ဒေါက်တာမူမူနိုင်၊ ပါမောက္ခ ဒေါက်တာမြစိုးတို့ ဦးဆောင်သည့် မေ့ဆေးအထူးကု ဆရာဝန်ကြီးများအဖွဲ့နှင့် သူနာပြုကြီး ဒေါ်အေးအေးခိုင်တို့ ပါဝင်သော သူနာပြုများအဖွဲ့တို့ ပူးပေါင်း၍ ပြတ်တောက်သွားသော လက်အား ပြန်လည်ဆက်ခြင်း (Replantation) ခွဲစိတ်ကုသမှုကို အောင်မြင်စွာဆောင်ရွက်နိုင်ခဲ့ခြင်းဖြစ်ကြောင်း သိရသည်။

ဖော်ပြပါလူနာသည် ရန်ကုန်ပြည်သူ့ဆေးရုံကြီး၏ မှတ်တမ်းများအရ အသက်အငယ်ဆုံး လက်မောင်းပြန်ဆက်သည့် လူနာဖြစ်ပြီး၊ လက်မှာ ခွဲစိတ်ပြီးချိန်မှစတင်၍ သွေးကြောများ ဖြည်းဖြည်းချင်း ပြန်လည်လှည့်ပတ်စီးဆင်းလာပြီဖြစ်သဖြင့် ပြန်လည်သန်စွမ်းရေးအဆောင်သို့ ပြသကာ လေ့ကျင့်ခန်းများ ဆောင်ရွက်စေခဲ့ပြီး ဧပြီလ (၂၄) ရက်တွင် ဆေးရုံမှ ဆင်းခွင့်ပြုခဲ့ခြင်းဖြစ်ကြောင်း သိရသည်။

မေလ (၁၀) ရက်တွင် ရန်ကုန်ပြည်သူ့ဆေးရုံကြီး၌ ဆေးရုံ ပြန်လည်တက်ရောက်စေ၍ မေလ (၁၆) ရက်တွင် နောက်ဆက်တွဲကုသမှုဖြစ်သည့် ပြတ်တောက်သွားသော အာရုံကြောများ ဆက်ခြင်း (Sural Nerve Graft) ခွဲစိတ်ကုသမှုကို ဆောင်ရွက်နိုင်ခဲ့ကာ လေ့ကျင့်ခန်းဆက်လက် ပြုလုပ်လျက်ရှိပြီး ကလေးငယ်၏ လက်အခြေအနေကောင်းမွန်လျက်ရှိကြောင်း သိရသည်။

အထက်ဖော်ပြပါ လက်ပြတ်တောက်သွားသည့်လူနာကဲ့သို့ ပြတ်တောက်သွားသော လက်ကို ခွဲစိတ်ကုသမှုဆောင်ရွက်ရန်အတွက် ပြည်သူ့ဆေးရုံကြီးများသို့ လွှဲပြောင်းပေးပို့မည်ဆိုပါက ပြတ်တောက်သွားသောလက်အား ရေသန့်သန့် သို့မဟုတ် အကြောဆေးရည် (Normal Saline or Ringer Lactate) ဖြင့် ဆေးပြီးနောက် အကြောဆေးရည်ဖြင့် စိုစွတ်အောင်စိမ်ထားသော ခွဲစိတ်ခန်းသုံး အဝတ်စ (Gauze) ဖြင့် ပတ်၍ သန့်ရှင်းသော ပလပ်စတစ်အိတ် သို့မဟုတ် ဘူးထဲသို့ထည့်၍ လည်းကောင်း အကြောဆေးရည်ထည့်ထားသော သန့်ရှင်းသော ပလပ်စတစ်အိတ် သို့မဟုတ် ဘူးထဲသို့ ထည့်၍လည်းကောင်း လုံခြုံစွာပိတ်ပြီးနောက် ရေခဲထည့်ထားသော ရေခဲပုံးအတွင်း ထည့်၍ အမြန်ဆုံး လွှဲပြောင်းပေးပို့နိုင်ကြောင်း ကျန်းမာရေး၀န်ကြီးဌာနက အသိပေးထားသည်။

Popular News Journal

14/05/2023 6:30am အချိန်မှ ၂၄နာရီအတွင်းရခိုင်ပြည်နယ်မြောက်ပိုင်းချင်းပြည်နယ် မိုးကြီးနိုင်ပြီး စစ်ကိုင်းတိုင်းအထက်ပိုင်း...
13/05/2023

14/05/2023 6:30am အချိန်မှ
၂၄နာရီအတွင်း
ရခိုင်ပြည်နယ်မြောက်ပိုင်း
ချင်းပြည်နယ် မိုးကြီးနိုင်ပြီး
စစ်ကိုင်းတိုင်းအထက်ပိုင်းနှင့်
ကချင်ပြည်နယ်ဒေသတွေမှာ
မိုးများစွာ ရွာသွန်းနိုင်ပါတယ်
မိုခါမုန်တိုင်းကြီးသည်
ယနေ့နေ့လည်ပိုင်းတွင်
ဘင်္ဂလားဒေချ့်မြန်မာနယ်စပ်မှ
ဝင်ရောက်နိုင်ပါတယ်
issued time
14/05/2023 5:30am(MMT)
Su Su San မင်း ဂွတ် သီး
𝘼𝙩𝙢𝙤𝙨𝙥𝙝𝙚𝙧𝙞𝙘 𝙎𝙘𝙞𝙚𝙣𝙘𝙚𝙨 𝙖𝙣𝙙 𝙈𝙚𝙩𝙚𝙤𝙧𝙤𝙡𝙤𝙜𝙞𝙨𝙩

အလွန့်အလွန်အားကောင်းသော ဆိုင်ကလုန်းမုန်တိုင်း သတိပေးချက်အမှတ်စဉ် (၂၂/၂၀၂၃)----------------------------------------------...
13/05/2023

အလွန့်အလွန်အားကောင်းသော ဆိုင်ကလုန်းမုန်တိုင်း သတိပေးချက်အမှတ်စဉ် (၂၂/၂၀၂၃)
----------------------------------------------------------------------------
(၂၀၂၃ ခုနှစ်၊ မေလ (၁၃)ရက်နေ့၊မြန်မာစံတော်ချိန် (၂၂:၃၀)နာရီအချိန် ထုတ်ပြန်ချက်)
===================================================
(က) အလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) အခြေအနေ
(၁) ယနေ့မြန်မာစံတော်ချိန် (၂၁:၃၀)နာရီအချိန် တိုင်းထွာချက်များအရ ဘင်္ဂလားပင်လယ်အော်အရှေ့အလယ်ပိုင်းတွင် ဖြစ်ပေါ်နေသော အလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) “မိုခါ”(MOCHA)သည် အရှေ့မြောက်ဘက်သို့ ရွေ့လျားခဲ့ပြီး၊ မြန်မာနိုင်ငံ၊ ကိုကိုးကျွန်းမြို့ (Coco Island)၏ အနောက်မြောက်ဘက် ရေမိုင် (၂၂၅)မိုင်ခန့်၊ ဟိုင်းကြီးကျွန်းမြို့ (Hainggyigyun)၏ အနောက်-အနောက်မြောက်ဘက်ရေမိုင် (၂၀၅)မိုင်ခန့်၊ စစ်တွေမြို့ (Sittwe)၏ တောင်-အနောက်တောင်ဘက် ရေမိုင် (၂၁၀)မိုင်ခန့်၊ အိန္ဒိယနိုင်ငံ၊ ပို့ပလဲယား (Port Blair)၏ မြောက်-အနောက်မြောက်ဘက်ရေမိုင် (၃၅၀)မိုင်ခန့်နှင့် ဘင်္ဂလားဒေ့ရှ်နိုင်ငံ၊ ကော့ဘဇားမြို့ (Cox’s Bazar)၏ တောင်-အနောက်တောင်ဘက် ရေမိုင် (၂၇၀)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။
(၂) မုန်တိုင်း၏ လက်ရှိအခြေအနေကို အနီရောင်အဆင့်ဟု သတ်မှတ်ပါသည်။

(ခ) အလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe CyclonicStorm) “မိုခါ” (MOCHA)၏ တည်နေရာ၊ ဗဟိုချက်လေဖိအားနှင့် လေတိုက်နှုန်း
----------------------------------------------------------------------------
အဆိုပါအလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) “မိုခါ” (MOCHA)သည် မြန်မာစံတော်ချိန် (၂၁:၃၀)နာရီအချိန်တွင် မြောက်လတ္တီကျု (၁၇.၁)ဒီဂရီနှင့် အရှေ့လောင်ဂျီကျု (၉၁.၀)ဒီဂရီတွင် ရှိပြီး၊ ဗဟို ချက်လေဖိအား (၉၄၄)ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီလျှင် မိုင်(၁၂၀)မှ မိုင်(၁၃၀)နှုန်းခန့် ဖြစ်ပါသည်။

(ဂ) နောက်(၄၈)နာရီအတွင်း ခန့်မှန်းချက်
--------------------------------------------------------
အဆိုပါ အလွန့်အလွန်အားကောင်းသော ဆိုင်ကလုန်းမုန်တိုင်း “မိုခါ”သည် မြောက်-အရှေ့မြောက်ဘက်သို့ရွေ့လျားနိုင်ပြီး၊ (၁၄.၅.၂၀၂၃)ရက်နေ့ နံနက်ပိုင်းမှစ၍ ရခိုင် ကမ်းရိုးတန်းကို စတင်ဖြတ်ကျော်နိုင်ကာ၊ (၁၄.၅.၂၀၂၃)ရက်နေ့ နေ့လယ်ပိုင်းတွင် မုန်တိုင်း၏ ဗဟိုချက်သည် ဘင်္ဂလားဒေ့ရှ်နိုင်ငံ၊ ကော့ဘဇားမြို့နှင့် မြန်မာနိုင်ငံ၊ကျောက်ဖြူမြို့တို့ကြား စစ်တွေမြို့အနီးမှ အလွန့်အလွန်အားကောင်းသော ဆိုင်ကလုန်းမုန်တိုင်း “မိုခါ” အနေဖြင့် ဖြတ်ကျော်ဝင်ရောက်နိုင်ပါသည်။ ထို့နောက် မြောက်-အရှေ့မြောက်ဘက်သို့ ဆက်လက်ရွေ့လျားနိုင်ပြီး၊ ချင်းပြည်နယ်၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးဆီသို့ အားအလွန်ကောင်းသော ဆိုင်ကလုန်းမုန်တိုင်း “မိုခါ” အနေဖြင့် ဆက်လက်ရွေ့လျားနိုင်သည်ဟု ခန့်မှန်းရပါ သည်။

(ဃ) သတိပေးနှိုးဆော်ချက်
--------------------------------------
(၁) အလွန့်အလွန်အားကောင်းသော ဆိုင်ကလုန်းမုန်တိုင်း (Extremely SevereCyclonic Storm) “မိုခါ”(MOCHA)၏ အရှိန်ကြောင့် ယနေ့ညမှ (၁၅.၅.၂၀၂၃) ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊မန္တလေးတိုင်းဒေသကြီး၊‌ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် ဒေသအလိုက်နှင့် နေပြည်တော်၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။
(၂) သို့ဖြစ်ပါ၍ ယနေ့ညမှ (၁၄.၅.၂၀၂၃)ရက်နေ့အတွင်း ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် မကြာခဏ မိုးသက်လေပြင်းများကျရောက်ပြီး လှိုင်းအလွန်ကြီးမည်။ မိုးသက်လေပြင်းကျစဉ်ရေပြင်/ မြေပြင်လေသည် တစ်နာရီလျှင် မိုင်(၁၁၀)မှ မိုင်(၁၂၀)ခန့်အထိ တိုက်ခတ်နိုင်ပါသည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် (၁၆)ပေမှ ပေ(၂၀)ခန့် ရှိနိုင်ပါသည်။ မြစ်ဝကျွန်းပေါ် ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် မကြာခဏ မိုးသက်လေပြင်းများကျရောက်ပြီး လှိုင်းကြီးရာမှ လှိုင်းအလွန်ကြီးမည်။ မိုးသက်လေပြင်းကျစဉ် ရေပြင်/မြေပြင်လေသည်တစ်နာရီလျှင် မိုင်(၅၀)မှမိုင်(၇၀)ခန့်အထိ တိုက်ခတ်နိုင်ပါသည်။ လှိုင်းအမြင့်မှာမြစ်ဝကျွန်းပေါ်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၁၀)ပေမှ (၁၄)ပေ ခန့် ရှိနိုင်ပါသည်။
(၃) ယနေ့ညမှ (၁၅.၅.၂၀၂၃)ရက်နေ့အတွင်း ရခိုင်ပြည်နယ်တွင် အမြင့်ဆုံးလေတိုက်နှုန်းမှာ တစ်နာရီလျှင် မိုင် (၁၁၀)မှ မိုင် (၁၂၀)ခန့်အထိ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီးနှင့် ချင်းပြည်နယ်တို့တွင် အမြင့်ဆုံးလေတိုက်နှုန်းမှာ တစ်နာရီလျှင် မိုင် (၇၀)မှ မိုင်(၉၀)ခန့်အထိနှင့် နေပြည်တော်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ကချင်ပြည်နယ်၊ ရှမ်းပြည်နယ်နှင့် ကယားပြည်နယ်တို့တွင် အမြင့်ဆုံးလေတိုက်နှုန်းမှာ တစ်နာရီလျှင် မိုင် (၄၀)မှ မိုင်(၆၀)ခန့်အထိ တိုက်ခတ်နိုင်သည်ဟု ခန့်မှန်းရပါသည်။
(၄) မုန်တိုင်းဖြတ်ကျော်စဉ် မုန်တိုင်းဒီရေမှာ ရခိုင်ပြည်နယ်၊ စစ်တွေခရိုင်၊ ကျောက်ဖြူခရိုင်နှင့် မောင်တောခရိုင်တို့ရှိ မြစ်ဝ၊ မြစ်လက်တက်များအတွင်း (၁၆)ပေမှ ပေ(၂၀)ခန့်အထိ မြင့်တက်လာနိုင်သည်ဟု ခန့်မှန်းရပါသည်။
(၅) အဆိုပါ အလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) “မိုခါ” (MOCHA)၏ အရှိန်ကြောင့် မုန်တိုင်းဒီရေ မြင့်တက်ခြင်း၊ လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက်ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပါသဖြင့် မြန်မာ့ကမ်းရိုးတန်းတစ်လျှောက်တွင် နေထိုင်ကြသူများအနေဖြင့် မုန်တိုင်းဒီရေအန္တရာယ်ကို ကြိုတင်သတိပြုရှောင်ရှားကြပါရန်၊ မြစ်ငယ်၊ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများနှင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်ကို ကြိုတင်သတိပြုနေထိုင်ကြပါရန်၊ပြည်တွင်းလေကြောင်းပျံသန်းရေးနှင့် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများအနေဖြင့်လည်း မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်သို့ လုံးဝ (လုံးဝ)မထွက်ရန်နှင့် ပြည်သူလူထုအနေဖြင့် မိုးလေဝသနှင့် ဇလ ဗေဒညွှန်ကြားမှုဦးစီးဌာန၏ အချိန်နှင့် တပြေးညီ ထုတ်ပြန်ချက်များကို စောင့်ကြည့်၍ လိုအပ်သည့် ကြိုတင်ပြင်ဆင်မှုများကို ဆောင်ရွက်သွားနိုင်ပါရန် သတိပေးနှိုးဆော်အပ်ပါသည်။

မိုးလေဝသနှင့်ဇလဗေဒညွှန်ကြားမှုဦးစီးဌာန

မိုချာ မုန်တိုင်းရွေ့လျားနေတာကို ကောင်းကင်ပေါ်မှ စီး၍ Live ကြည့်ချင်သူများအတွက် https://zoom.earth/storms/mocha-2023/ မှ...
13/05/2023

မိုချာ မုန်တိုင်းရွေ့လျားနေတာကို
ကောင်းကင်ပေါ်မှ စီး၍
Live ကြည့်ချင်သူများအတွက်

https://zoom.earth/storms/mocha-2023/

မှာ ကြည့်လို့ရပါတယ်။
အခု မုန်တိုင်းရဲ့ လေတိုက်နှုန်းက ၁၅၀ m/ hr ( တနာရီ မိုင် ၁၅၀ နှုန်း) ဖြစ်ပြီး
မနက်ဖန် ၁၄-၅-၂၃ အချိန်မှာလည်း တနာရီ မိုင် ၁၅၀ နှုန်းနဲ့ ဆက်လက် တိုက်ခတ်ပါလိမ့်မယ်။
၁၄ ရက်နေ့ မွန်းလွဲပိုင်း ကမ်းခြေကို ကျော်ဖြတ်ပြီး ညနေ ၆:၃၀ အချိန်မှာတော့ လေတိုက်နှုန်းက တနာရီ မိုင် ၁၁၀ အထိ ပြန်လည် ကျဆင်းသွားမယ်လို့ ဆိုပါတယ်။

မိုခါမုန်တိုင်းကြီးသည် တစ်နာရီ ၁၅၀မိုင်နှုန်း CAT 4 အဆင့်ဖြင့် တိုက်ခတ်နေပါတယ်လုံးဝမပေါ့ဆကြပါနဲ့Su Su San မင်း ဂွတ် သီး
13/05/2023

မိုခါမုန်တိုင်းကြီးသည်
တစ်နာရီ ၁၅၀မိုင်နှုန်း
CAT 4 အဆင့်ဖြင့် တိုက်ခတ်နေပါတယ်
လုံးဝမပေါ့ဆကြပါနဲ့

Su Su San မင်း ဂွတ် သီး

မြန်မာလက်ရွေးစင် အမျိုးသမီး ဘောလုံးအသင်း ဆီးဂိမ်းစ်မှာ ထိုင်းကို နိုင်ပြီး ဗိုလ်လုပွဲတက်၃၂ ကြိမ်မြောက် အရှေ့တောင်အာရှအား...
12/05/2023

မြန်မာလက်ရွေးစင် အမျိုးသမီး ဘောလုံးအသင်း ဆီးဂိမ်းစ်မှာ ထိုင်းကို နိုင်ပြီး ဗိုလ်လုပွဲတက်

၃၂ ကြိမ်မြောက် အရှေ့တောင်အာရှအားကစားပြိုင်ပွဲ ဆီမီးဖိုင်နယ်ပွဲစဥ်မှာ မြန်မာအမျိုးသမီးလက်ရွေးစင်အသင်းက ထိုင်းအသင်းကို ၄ ဂိုး- ၂ ဂိုးနဲ့ အနိုင်ရပြီး ဗိုလ်လုပွဲ တက်ရောက်သွားခဲ့ပါတယ်။

မြန်မာအသင်းဟာ ပထမပိုင်းမှာ ထိုင်းကို ၂ ဂိုး- ၁ ဂိုးနဲ့ အရေးနိမ့်နေခဲ့ပြီး နာကျင်အချိန်ပိုမှာ သွင်းတဲ့တစ်ဂိုးအပါအဝင် နောက်ထပ် ၃ ဂိုးသွင်းပြီး အနိုင်ရသွားခဲ့တာပါ။

ဗိုလ်လုပွဲကို မေလ ၁၅ ရက်မှာ ဗီယက်နမ်အသင်းနဲ့ ကစားရမှာ ဖြစ်ပါတယ်။

ဓာတ်ပုံ- MFF
BBC

09/02/2023

အကြမ်းဖက်မှုနှင့်ဆိုင်သော Post ၊ Share ၊ Like ၊ Comment တင်ခြင်းများသည် ဥပဒေအရ အရေးယူခံရနိုင်ကြောင်း CCCT (အကြမ်းဖက်မှု တိုက်ဖျက်ရေး ဗဟိုကော်မတီ) မှ အသိပေးအပ်ပါသည်။

09/02/2023

အကြမ်းဖက်အဖွဲ့အစည်းများအား ထောက်ပံ့ခြင်းသည် ဥပ‌ဒေအရ အရေးယူခံရနိုင်သည်။
(CCCT - အကြမ်းဖက်မှုတိုက်ဖျက်ရေးဗဟိုအဖွဲ့)

ဒေါ်အောင်ဆန်းကြည် စွပ်စွဲခံရတဲ့ အမှုအားလုံး အပြီးသတ်လျှောက်လဲတော့မည်~~~~~ ဒေါ်အောင်ဆန်းစုကြည် စွပ်စွဲခံရတဲ့အမှုတွေထဲက နေ...
20/12/2022

ဒေါ်အောင်ဆန်းကြည် စွပ်စွဲခံရတဲ့ အမှုအားလုံး အပြီးသတ်လျှောက်လဲတော့မည်
~~~~~
ဒေါ်အောင်ဆန်းစုကြည် စွပ်စွဲခံရတဲ့အမှုတွေထဲက နောက်ဆုံးကျန်နေတဲ့ အဂတိအမှု ငါးမှုကို ဒီဇင်ဘာလ ၂၆ ရက် တနင်္လာနေ့မှာ အပြီးသတ် လျှောက်လဲချက်ပေးမယ်လို့ တရားရုံးနဲ့ နီးစပ်သူတွေက ပြောပါတယ်။

စွပ်စွဲခံရသူတွေဘက်က တင်သွင်းတဲ့ သက်သေငါးဦးအနက် နောက်ဆုံးတစ်ဦးကို ဒီဇင်ဘာလ ၂၀ ရက် ဒီနေ့ရုံးချိန်းမှာ စစ်ဆေးပြီးစီးခဲ့တာပါ။

ဒါကြောင့် နောက်ရုံးချိန်းမှာ နှစ်ဖက်လုံးက အပြီးသတ် လျှောက်လဲချက်ပေးဖို့ တရားရုံးက ဆုံးဖြတ်ခဲ့ပါတယ်။

အပြီးသတ်လျှောက်လဲချက်နဲ့ အမိန့်ချမယ့် ရုံးချိန်းနှစ်ခုသာ ကျန်တော့တဲ့အတွက် အမှုအားလုံး ပြီးပြတ်တော့မယ်လို့ တရားရုံးနဲ့ နီးစပ်သူတွေ ပြောပါတယ်။

လက်ရှိ ရင်ဆိုင်နေရတဲ့ အမှုတွေဟာ အဂတိလိုက်စားမှု တိုက်ဖျက်ရေးဥပေဒပုဒ်မ - ၅၅ နဲ့ စွဲဆိုထားတဲ့ အမှုငါးမှု ဖြစ်ပါတယ်။ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ ရန်ပုံငွေနဲ့ ကယ်ဆယ်ရေးလုပ်ငန်းတွေလုပ်ဖို့ ရဟတ်ယာဉ် ဝယ်ယူ၊ ငှားရမ်းတဲ့ကိစ္စရပ်တွေနဲ့ ပတ်သက်လို့ စစ်ကောင်စီက စွဲဆိုထားတာပါ။

ဒေါ်အောင်ဆန်းစုကြည်က ရဟတ်ယာဉ် ဝယ်ယူ၊ ငှားရမ်းမှုတွေနဲ့ ပတ်သက်လို့ လုပ်ထုံးလုပ်နည်းတွေအတိုင်း လုပ်ခဲ့တာဖြစ်လို့ သူ့မှာ အပြစ်မရှိကြောင်း နိုဝင်ဘာ ၂၂ နဲ့ နိုဝင်ဘာ ၂၈ ရက် တရားရုံးချိန်းတွေမှာ ကိုယ်တိုင်ထွက်ဆိုခဲ့ပါတယ်။

အသက် ၇၈ နှစ်ရွယ် ဒေါ်အောင်ဆန်းစုကြည်ဟာ အမှု ၁၉ မှုနဲ့ တရားစွဲခံခဲ့ရပြီး အဲဒီအထဲက အမှု ၁၄ မှုအတွက် ထောင်ဒဏ် ၂၆ နှစ် ချမှတ်ခံထားရပါတယ်။ ကျန်နေတဲ့ အမှုငါးခုကို နေပြည်တော် အချုပ်ထောင်တွင်းတရားရုံးမှာ စစ်ဆေးနေပါတယ်။

ဒေါ်အောင်ဆန်းစုကြည်ကို ပြစ်ဒဏ်အသစ်တွေ ထပ်မံချမှတ်နေတာကို ပြင်းပြင်းထန်ထန် ရှုတ်ချကြောင်းနဲ့ သူအပါအဝင် မတရား ဖမ်းဆီးထိန်းသိမ်းခံရသူ အားလုံးကို ပြန်လွှတ်ပေးဖို့ ကုလသမဂ္ဂနဲ့ နိုင်ငံတကာအသိုင်းအဝိုင်းက တောင်းဆိုနေပါတယ်။
_________

ဒေါ်အောင်ဆန်းစုကြည်ကို ၂၀၁၉ ခုနှစ်၊ နိုဝင်ဘာလ ၂ ရက်နေ့က ထိုင်းနိုင်ငံမှာ တွေ့ရစဉ်။ (Photo: REUTERS)

RFA

ကျိုက်ထီးရိုးစေတီတော်ကို လာရောက်ဖူးမြော်မည့် ဘုရားဖူးပြည်သူများကို အခမဲ့ ပို့ဆောင်/တည်းခို ခွင့်ပြုမည်----------------မွ...
28/10/2022

ကျိုက်ထီးရိုးစေတီတော်ကို လာရောက်ဖူးမြော်မည့် ဘုရားဖူးပြည်သူများကို အခမဲ့ ပို့ဆောင်/တည်းခို ခွင့်ပြုမည်
----------------
မွန်ပြည်နယ်၊ ကျိုက်ထိုမြို့နယ်ရှိ ဆံတော်ရှင် ကျိုက်ထီးရိုးစေတီတော်ကို လာမယ့် နိုဝင်ဘာ ၃ ရက် နဲ့ ၄ ရက်တွေမှာ လာရောက်ဖူးမြော်မယ့် ဘုရားဖူးပြည်သူတွေကို ဘုရားပေါ်ကို အခမဲ့ ပို့ဆောင်တာ၊ အခမဲ့ တည်းခိုခွင့်ပေးတာနဲ့ စတုဒိသာ ဧည့်ခံကျွေးမွေးတာတွေ ပြုလုပ်သွားမယ်လို့ ကျိုက်ထီးရိုးစေတီတော် ဘဏ္ဍာတော်ထိန်း ဂေါပကအဖွဲ့ဆီက သိရပါတယ်။

အဲဒီလို ပြုလုပ်တာကို ကျိုက်ထီးရိုးစေတီတော် ဘဏ္ဍာတော်ထိန်းဂေါပကအဖွဲ့၊ တောင်တက်မော်တော်ယာဉ် အသင်း၊ ဟိုတယ်နဲ့ တည်းခိုခန်းလုပ်ငန်းရှင်တွေနဲ့ ဈေးသူဈေးသားတွေ စုပေါင်းဆောင်ရွက်တာဖြစ်ပြီး ဘုရားဖူး ပြည်သူတွေကို ဖိတ်ခေါ်တာဖြစ်တယ်လို့ သိရပါတယ်။

နှစ်ရက်တာပြုလုပ်မယ့် အစီအစဉ်တွေကတော့ ဘုရားဖူးပြည်သူတွေကို တောင်တက်ကား အခမဲ့ အတက်အဆင်း ပို့ဆောင်တာ၊ ကင်မွန်းစခန်းတောင်ခြေမှာ စတုဒိသာ ဧည့်ခံကျွေးမွေးတာ၊ ရိုးရိုးလေးဟိုတယ်နဲ့ တည်းခိုဆောင်တွေမှာ အခမဲ့ တည်းခိုခွင့်ပေးတာ၊ တောင်တော်ရင်ပြင်မှာရှိတဲ့ တည်းခိုဆောင်တွေမှာ အခမဲ့ တည်းခိုခွင့် ပြုတာတွေကို ဆောင်ရွက်ပေးသွားမှာဖြစ်တယ်လို့လည်း သိရပါတယ်။

ဒါ့အပြင် ကျိုက်ထီးရိုးစေတီတော်မြတ်ကြီး ဗုဒ္ဓပူဇနိယပွဲတော်ကို သီတင်းကျွတ်လပြည့်နေ့ကနေ ကဆုန်လပြည့်နေ့အထိ ကျင်းပနေရာ ဘုရားဖူးပြည်သူတွေ လုံခြုံအေးချမ်းစွာနဲ့ လာရောက်ဖူးမြော်နိုင်ရေးအတွက် စေတီတော် ဂေါပကအဖွဲ့နဲ့ တာဝန်ရှိသူတွေ ပူးပေါင်းကြပ်မတ် ဆောင်ရွက်နေတယ်လို့လည်း သိရပါတယ်။

Address

Aunglan

Website

Alerts

Be the first to know and let us send you an email when Aunglan Media Group posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aunglan Media Group:

Videos

😍 ရွှေမြို့အောင်လံ မြို့အောင်လံ 😍

ဇွန်လ ၇ ရက်နေ့မှ စတင်ကာ Blacklist စာရင်းသွင်းခံလိုက်ရတာဖြစ်ပြီး Paing Family International ၊ Millionaire Phyo Trading နဲ့ ဧရာသုခစံကုမ္ပဏီတို့ဖြစ်ကြောင်း DICA ရဲ့ အသိပေးကြေညာခြင်းမှာ ဖော်ပြထားပါတယ်။ အွန်လိုင်းမှတ်ပုံတင်စနစ် (MYCO) မှာ မှတ်ပုံတင်ထားတဲ့ ကုမ္ပဏီတွေအနေနဲ့ လုပ်ငန်းခွင်နဲ့သက်ဆိုင်တဲ့ အစိုးရဌာန၊ အဖွဲ့အစည်းတွေက ချမှတ်ထားတဲ့ အခြားတည်ဆဲဥပဒေနဲ့ နည်းဥပဒေတွေ လိုက်နာမှုမရှိပါက DICA ရဲ့ ဝက်ဘ်ဆိုက်မှာ ကြေညာသွားမယ်လို့ အသိပေးထားပြီး ဖြစ်ပါတယ်။ (သတင်းအပြည့်အစုံကို ရုပ်သံတွင် ကြည့်ရှုပါ) BETV Business

(၁၆-၉-၂၀၂၂)ရက် ညနေ(၁၆:၀၀) အချိန်မှ (၁၈:၀၀) အချိန်ထိ အောင်လံမြို့ပေါ်ရပ်ကွက်များအတွင်း ကိုဗစ်(၁၉)ရောဂါ ကြိုတင်ကာကွယ်ရေးအတွက် အောင်လံမြို့နယ် ကိုဗစ်ကာကွယ်ရေးနှင့် အရေးပေါ်တုန့်ပြန်ရေးကော်မတီမှ လှည့်လည်သတိပေး နှိူးဆော်ဆောင်ရွက်ခဲ့ကြောင်း သတင်းရရှိပါသည်။

#နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ရုရှားဖက်ဒရေးရှင်းနိုင်ငံ၊ Rossiya Segodnya သတင်းအေဂျင်စီ၊ RIA သတင်းဌာနမှ အထူးသတင်းထောက် Ms. Kukushkina Tatiana အား တွေ့ဆုံ၍ သိလိုသည့် မေးမြန်းမှုများအား လက်ခံဖြေကြားမှု...

အရေးယူပိတ်ဆို့မှု
အရေးယူပိတ်ဆို့မှု

စစ်ကောင်စီအပေါ် ပိတ်ဆို့အရေးယူမှုတွေ ထိရောက်မှုရှိရဲ့လား။ ~~~~~~ ရဲခေါင်မြင့်မောင် (ဝါရှင်တန် ဒီစီ) ■ မြန်မာနိုင်ငံမှာ အာဏာသိမ်းထားတဲ့ စစ်ကောင်စီကို နိုင်ငံတကာကနေ ဖိအားပေး အရေးယူဖို့ ကြိုးပမ်းတဲ့နေရာမှာ စီးပွားရေးအရ ဒဏ်ခတ် ပိတ်ဆို့ အရေးယူမှုတွေ ချမှတ်တာကို အရေးကြီးတဲ့ လက်နက်တစ်ခုအဖြစ် အသုံးပြုနေတာ တွေ့နိုင်ပါတယ်။ အတိတ်ကို ပြန်ကြည့်မယ်ဆိုရင် အမေရိကန်နိုင်ငံဟာ ၁၉၉၀ ခုနှစ် အစောပိုင်းလောက်ကတည်းက စစ်အစိုးရ အုပ်ချုပ်နေတဲ့ မြန်မာနိုင်ငံကို စီးပွားရေး ပိတ်ဆို့အရေးယူမှုတွေ စတင်ခဲ့ပေမယ့်၊ အုပ်ချုပ်သူ စစ်အစိုးရကို မထိခိုက်တဲ့အတွက် ထိရောက်မှု မရှိခဲ့ဘူးလို့ ဝေဖန်မှုတွေ ရှိခဲ့ပါတယ်။ အခု အာဏာသိမ်း စစ်ကောင်စီကို ချမှတ်ထားတဲ့ ပိတ်ဆို့အရေးယူမှုတွေကရော အမှန်တကယ် ထိရောက်မှု ရှိပါ့မလား ဆိုတာကို RFA ဝိုင်းတော်သား ကိုရဲခေ

ပြည်ထောင်စုအင်အား
ပြည်ထောင်စုအင်အား

ျပည္ေထာင္စုအင္အား ျမဝတ္ရည္

ဦးဇဝန(ခ)ဇာနည်ကိုကို အားဖမ်းဆီးရမိ
ဦးဇဝန(ခ)ဇာနည်ကိုကို အားဖမ်းဆီးရမိ

သာသနာ့အရေခြုံကာ သံဃာ့ဝိနည်းနှင့်အညီ ကျင့်ကြံနေထိုင်ခြင်းမရှိဘဲ သာသနာရေးညှိုးနွမ်းစေရန် လုပ်ဆောင်ခဲ့သော မန္တလေးတိုင်းဒေသကြီး၊ စဉ့်ကိုင်မြို့၊ ပြည်တော်သာကျောင်းတိုက်မှ ဦးဇဝန(ခ)ဇာနည်ကိုကို အားဖမ်းဆီးရမိ (ဇန်နဝါရီ ၈)

ကမ္ဘောဒီးယားနိုင်ငံ ဝန်ကြီးချုပ် ဦးဆောင်သော ကိုယ်စားလှယ်အဖွဲ့ ပြန်လည်ထွက်ခွာ
ကမ္ဘောဒီးယားနိုင်ငံ ဝန်ကြီးချုပ် ဦးဆောင်သော ကိုယ်စားလှယ်အဖွဲ့ ပြန်လည်ထွက်ခွာ

ကမ္ဘောဒီးယားနိုင်ငံ ဝန်ကြီးချုပ် Samdech Akka Moha Sena Padei Techo HUN SEN ဦးဆောင်သော ကိုယ်စားလှယ်အဖွဲ့ ပြန်လည်ထွက်ခွာ (ဇန်နဝါရီ ၈)

အကြမ်းဖက်လုပ်ရပ် ကျူးလွန်သူများအား ပြစ်ဒဏ်အသီးသီးချမှတ်
အကြမ်းဖက်လုပ်ရပ် ကျူးလွန်သူများအား ပြစ်ဒဏ်အသီးသီးချမှတ်

ပြည်ထောင်စုသမ္မတမြန်မာနိုင်ငံတော်၊ အကြမ်းဖက်မှု တိုက်ဖျက်ရေးဗဟိုအဖွဲ့မှ ကြေညာထားသည့် အကြမ်းဖက် အဖွဲ့အစည်းများနှင့် ဆက်သွယ်ဆောင်ရွက် ထောက်ပံ့နေသူများ၊ တိုင်းရင်းသားလက်နက်ကိုင်အဖွဲ့ နယ်မြေများအတွင်း၌ သင်တန်းတက်ရောက်ခဲ့သူများနှင့် အကြမ်းဖက်လုပ်ရပ်များကို ကျူးလွန်သူများအား ပြစ်ဒဏ်အသီးသီးချမှတ်

မြန်မာ့လက်ရွေးစင်အမျိုးသမီး တိုက်စစ်မှူး ဝင်းသိင်္ဂီထွန်း
မြန်မာ့လက်ရွေးစင်အမျိုးသမီး တိုက်စစ်မှူး ဝင်းသိင်္ဂီထွန်း

မြန်မာ့လက်ရွေးစင်အမျိုးသမီး တိုက်စစ်မှူး ဝင်းသိင်္ဂီထွန်းသည် အိန္ဒိယနိုင်ငံ ထိပ်တန်းအမျိုးသမီး ဘောလုံးအသင်းတွင် မြန်မာနိုင်ငံ၏ ပထမဦးဆုံးအမျိုးသမီး Professional ဘောလုံးသမားအနေဖြင့် သွားရောက် ခြေစွမ်းပြ ကစားနေပြီဖြစ်

Shortcuts

Share

Category