10/10/2024
Zëdhënësi i BDI-së, Arbër Ademi e quan terrorist ish ushtarin e UÇK-së, padit shtetin pse lejoi ikjen e tij në Kosovë‼️
Kordinatori i deputetëve të BDI-së dhe njëherësh zëdhënës i kësaj partie, Arbër Ademi ka paraqitur padi penale kundër zyrtarëve shtetërorë të Maqedonisë së Veriut për planifikim, organizim dhe ndihmë të ikjes nga vendi të ish ushtarit të UÇK-së, Blerim Ramadani, apo siç e përshkruan ai në padi si terrorist që kërkohet me fletëarrest ndërkombëtarë.
Në padinë me shkrim Arbër Ademi fajëson ministrin e MPB-së, Drejtorin e Byrosë për Siguri Publike dhe një shqiptar tjetër emrin e të cilit nuk është bërë i ditur për shkaqe sigurie se gjoja të njëjtit kanë bërë shoqatë kriminale duke lejuar Blerim Ramadanin që të ik nga Maqedonia e Veriut në Kosovë.
Ky është rast i paprecedentë në historinë e Maqedonisë së Veriut e më gjërë ku një politikan shqiptar padit bashkëkombasin e tij që sipas tij ka organizuar arratisjen e ushtarit të UÇK-së nga duart e sllavëve.
Ndryshe, Arbër Ademi ka qenë zv.kryeministët për çështje evropiane, Ministër dhe zv.ministër i Arsimit dhe kordinator i grupit parlamentar të deputetëve të BDI-së.
Kujtojmë se ish-pjesëtari i Ushtrisë Çlirimtare të Kosovës (UÇK), Blerim Ramadani u arrestua më 17 korrik në pikëkalimin kufitar Jazhincë – që lidh Kosovën dhe Maqedoninë e Veriut – në bazë të një fletarrestimi të lëshuar nga Gjykata në Beograd, përmes INTERPOL Serbia, nën akuza për krime lufte.
I njëjti pas vendimit të gjykatës penale më 1 gusht u dërgua nga paraburgimi në arrest shtëpiak dhe, sipas vendimit, ai është dërguar në një adresë në Shkup. Me këtë vendim ishte paraparë që ai të qëndronte në arrest shtëpiak deri më 16 gusht, por që një ditë më parë ai është arratisur në Kosovë.
https://nacionale.com/politike/kush-e-paditi-maqedonine-per-arratisjen-e-blerim-ramadanit-vlen-i-thote-se-nenkryetari-i-bdi-se-ademi-mohon
