Идејата за овој проект произлезе од потребата за активно запишување и истражување на нашето секојдневие од аспект на социјалната, материјалната и духовната култура, а како логично продолжување на истражувањето за градот преку старите скопски фамилии, што заврши со објавување на монографијата „Животот во Скопје 1918-1941 година“, како и истражувањето за изложбата „Културниот идентитет на градот Ско
пје од крајот на Втората светска војна до крајот на 70-тите години“.
Методот на истражување ќе биде хронолошки, компаративен, структурален, фунционален, биографски метод, а во одредени теми ќе бидат употребени и техники на интервју, анкета и сл. Промените во објавувањето на текстовите како и нивната форма ќе бидат утврдувани според потребата за тоа. Напоредно со текстовите ке бидат објавувани и фотографии, кои се од етнолошките збирки на Музејот на град Скопје.
Сите објавени текстови се со цел да ве предизвикаат Вас читателите активно да учествувате во креирањето и проширувањето на секоја тема со свои коментари, белешки, сознанија, сугестии, приказни и фотографии, бидејќи сите ние заедно активно учествуваме во динамичното секојдневие на нашиот град.
На крајот на годината сите пишувани текстови ќе бидат собрани и публикувани. Во нив ќе влезат сите нови информации, собрани во времето на објавувањето.
