Andramo Ka Izahao AKI.Radio

  • Home
  • Andramo Ka Izahao AKI.Radio

Andramo Ka Izahao AKI.Radio Station radio Évangélique
(1)

30/11/2024

Andramo Ka izahao
Commencement an-kira sy Famintinana toriteny 30.11.24
Rado Akiradio
Mampionona Akiradio

29/11/2024

Noho ny antony manokana dia tsy hisy ny Vavaka Fiambenana anio Zoma 29/11/24.
Mahereza daholo.

Fintina an-tsoratra toriteny vavaka fiambenana 28.11.24Pejy Andramo Ka izahao akiradio. Lioka 19: 1-10Ny amin'i Zakaiosy...
28/11/2024

Fintina an-tsoratra toriteny vavaka fiambenana 28.11.24
Pejy Andramo Ka izahao akiradio.

Lioka 19: 1-10
Ny amin'i Zakaiosy.
Zakaiosy = marina, tsy manan- tsiny.
Olona nahita fianarana i Zakaiosy, nanana toerana ambony tao amin'ny famoriana hetra. Ny olany dia sady mpamory hetra izy, no mpanararaotra, nahazo ny toetran'ny olona manodidina azy. Tsy mbola fantany fa tsy mety izany, dia nataony. Ny anarany dia efa mamaritra sahady ny ho aviny. Nanankarena izy. Nampitomboiny ny hetra tokony alohan'ny olona, ka nalainy ho azy izay tombony. Izao anefa: tsy nahafa- po azy ny fiainany satria tsy tian'ny olona izy, nangidy hoditra ka na dia nanankarena aza, tsy niadana. Matetika isika rehefa tsy manambola dia mieritreritra fa rehefa manambola be dia miadana, ka na hanao zavatta tsy marina aza dia atao. Tsia! Mbola misy ny ambonin'ny vola dia Jesosy. Niyady an' i Jesosy i Zakaiosy. Azo antoka fa efa ela izy no naniry hahita Azy, fa tsy fantatra fotsiny hoe nanomboka oviana. Jesosy nitety tanàna maro, i Zakaiosy koa nanao izany noho ny asany. Jesosy efa nanao fahagagana marobe, efa nalaza Izy. Azo antoka fa efa nahalala momba Azy i Zakaiosy. Itan' Andriamanitra ny hetahetan' i Zakaiosy, ka lasa Jesosy namaky an' i Jeriko, niditra tao anatiny mihitsy. Io Jeriko io dia fitadiavan' Andriamanitra olona iray foana matetika. Teo koa i Rahaba janga no navahana sy nofidiana. Fa teto koa dia i Zakaiosy no nandehanany teo. Olona vonona handray Azy, nangetaheta sy naniry Azy mafy.

Jeriko= Jehovah mpamindra fo

Nifanety ny olona, saingy tsy ny olona mifanety no te handray an' i Jesosy. Betsaka ny mihaino toriteny, saingy tsy ny rehetra no mandray Azy.
I Zakaiosy dia fohy, takon'ny olona, niezaka nanao izay ahitana an' i Jesosy fa tsy nahita mihitsy. Nisy ny sakana. Dia toa antsika rehefa manao dingana, mangetaheta manomboka mitady an'i Jesosy, feno sakantsakana isan- karazany. Mety manana ny zavatra rehetra ara- nofo ianao, fa misy banga nefa ny fiainanao. Andao hianatra an'i Zakaiosy isika. Lasa izy nihazakazaka, nananika aviavy. Mpanankarena, nefa nihanika aviavy. Tsy nisy tamin'ny andro taloha izany. Ny mpanampy sy olona ambany no mihanika aviavy. Fa nietry izy. Io fietrena io no ilaina aminao androany. Rehefa nanoloana ny olona rehetra i Zakaiosy dia nahatsapa hoe nanankarena, fa rehefa teo amin' i Jesosy, nahatsapa izy fa nahantra.
Betsaka ny te hitady an'i Jesosy, fa vao tenenin'ny vady na zanaka na havana kely fotsiny dia mihemotra, tsy sahy mandroso. Ny an'i Zakaiosy, nahintsany ny aminy manontolo, lasa izy nihanika aviavy. Ny aviavy dia tandindon'ny fahendrena sy fahalalana ary ny fitarihan'ny Fanahy. Nanankarena izy fa tsy nanana fahendrena, fahalalana, ary tsy notarihin'ny Fanahy. Nila niakatra teo amin'ireo zavatra ireo izy. Nantsoin'i Jesosy izy. Izy irery no nantsoiny hoe midina faingana, izany hoe aza mijanona ela eo fa tsy maintsy mitoetra any an- tranonao Aho anio. Tsy azo ialana ny fidiran'i Jesosy ao an- tranonao raha manetry tena ianao. Raha olona maro no nihanika teo dia voaantso daholo, saingy Zakaiosy irery no nihanika teo. Sady nahita an'i Jesosy izy, izay faniriany, no itan'i Jesosy koa izy. Na dia izay tsy nangatahany aza dia nomena azy. Nimonomonona ny olona ka nanome tsiny an'i Jesosy hoe niantrano any an- tranon'ny mpanota, fa tsy fantatry ny olona ny dikan'ny aranan'i Zakaiosy. Fohy izy, fa niezaka nanakatra. Tsy nahoany akory izay feon'ny olona. Lasa izy nanarona ny fahotany tamin'ny fanati- panonerana, ka nolazainy fa ny antsasaky ny fananany dia homeny ny malahelo, ary honerany avo efatra heny izay nalainy tamin'ny fanambakàna. Voasoratra ho olom- bonjena i Zakaiosy, nolazain' i Jesosy hoe mba zanak'i Abrahama koa izy. Voavela heloka. Niova ny fiainany, azony izay niriany, eny mihoatra lavitra aza satria ny famonjena mihitsy no nomena azy. Anjaranao koa izao. Manaraha ny diany dia hahazo famonjena feno koa ianao.

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Fintina an-tsoratra toriteny vavaka fiambenana 26.11.24Pejy Andramo Ka izahao akiradio. Isaia 66:2Ny mitsinjo dia miahy ...
27/11/2024

Fintina an-tsoratra toriteny vavaka fiambenana 26.11.24
Pejy Andramo Ka izahao akiradio.

Isaia 66:2
Ny mitsinjo dia miahy sy mijery ny ho avy, manara- maso.
( Salamo 32:8) omena saina koa. Ny olona malahelo sy torotoro fanahy ary mangovitra noho ny amin'ny tenin' Andriamanitra no hataony izany. Sambatra ny malahelo am- panahy hoy Jesosy. Toy ny ondry fa tsy osy izay mipelipelika sy tsy mitombina, fa ny ondry kosa, na avy aza ny orana, misy kotroka sy tselatra, izy miondrika fotsiny miandry eo. Hoy Jesosy hoe mampaninona moa na mandefitra na dia amin'ny tsy rariny aza isika. Toa ataon'ny olona hoe voa sy voambaka indraindray, fa tsy maninona izany.

Genesisy 13:10
Toa voambaka i Abrama satria nalain' i Lota daholo ny tany lemaka sy mahavokatra rehetra izay tazan'ny masony. I Abrahama nijanona tao Kanana, I Lota lasa nifindrafindra toerana, toa tena nahazo tombony...fa Abrahama kosa nefa, notsinjovin' Andriamanitra satria nalahelo sy nanetry tena.

Salamo 138:6
Na dia avo aza Jehovah dia mijery ny ambany toetra ( ny manetry tena).

Nasain' Andriamanitra nanopy ny masony amin' izay i Abrahama ka noteneniny hoe azy avokoa izay faran'ny tazany rehetra manodidina azy, nisy rano tao, tany mahavokatra sns...

Isaia 61:1
Ny voahosotr'i Jehovah no hamoaka toriteny ho an'ny mpandefitra. Ny torotoro fo hositranina, ny babo hafahana. Hitsinjo anao anie Jehovah.

Ny ahafahan' Andriamanitra mitsinjo antsika izany dia isika mijanona ho torotoro fanahy sy manetry tena.

2 Mpanjaka 22:19-20
Satria ianao nino sy nanetry tena ary nankatò dia Jehovah kosa mihaino anao. Izay no vidin'ny fitsinjovana anao.

Isaia 57:15
Honina eo amin'ny fanahin'ny torotoro fanahy sy manetry tena Jehovah.

Hitsinjo anao anie Jehovah, manàna finoana fa tsy misy tsy hainy atao. Manetre tena, ataovy ny sitrapony.

TIA ANAO JESOSY. AMEN
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

27/11/2024

"Izao no olona hotsinjoviko , dia ny malahelo sy torotoro fanahy sady mangovitra noho ny teniko.Hoy Jehovah."
Andramo Ka izahao.
Vavaka Fiambenana 27/11/24.
- Vavaka Fanombohana : Elisa Madagascar.
- Toriteny : Rinah Madagascar.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Fintina an-tsoratra toriteny vavaka fiambenana 25.11.24Pejy Andramo Ka izahao akiradio. Jeremia 1: 1-10I Jeremia dia mpa...
26/11/2024

Fintina an-tsoratra toriteny vavaka fiambenana 25.11.24
Pejy Andramo Ka izahao akiradio.

Jeremia 1: 1-10
I Jeremia dia mpaminany naminany nandritry ny fitondrana mpanjaka efatra nifandimby, 70 taona taorian'ny nahafatesan' i Isaia mpaminany.

Hoy Andriamanitra tamin' i Jeremia hoe mbola tsy tany an-kibo akory izy dia efa fantany. Mahagaga izany. Nefa dia toy izany avokoa isika. Fantany sahady ny toerana hisy, ny zavatra hatao. I Jeremia dia voalahatra ho mpaminany. Mbola tanora kely izy dia efa nanomboka nanao izany asa izany.

Jeremia = ilay nasandratr' Andriamanitra.

Mitovitovy ny mission nampanaovin' Andriamanitra an' i Ezekiela sy Jeremia.

Ezekiela 2:1-6
Nirahan' Andriamanitra tany amin'ny vahoaka maditra i Ezekiela. Ny zava- dehibe dia voalaza fotsiny izay hafatra avy amin' Andriamanitra na hihaino ny olona na tsia.

Ny an'i Jeremia, sady naditra ny vahoaka, no naditra koa ny mpanjaka. Mission miavaka izany. Tsy mitovy ny mitoriteny sy ny mitory amin'ny olona maditra.

Hoy Jeremia hoe mbola zaza izy ka tsy mahay mandaha-teny. Hoy Jehovah hoe aza matahotra fa momba anao Aho. Ilaina tokoa ny mandaha- teny raha hitoriteny. Hoy Andriamanitra taminy hoe aza manao hoe mbola zaza aho. Ho zaza foana isika raha manoloana ny fahalehibiazan' Andriamanitra, na hitoriteny mandritry ny zaro taona aza. Raha hikabary, dia tokony tsy hanao tokoa aloha fa mila mianatra ela. Saingy kosa, hitoriteny, izao foana no lazaina hoe: izao no lazain'i Jehovah....satria izay hafatra avy Aminy sy izay anirahany no atao sy haleha.

Ny zanak' israely tamin'izany, tezitra rehefa anarina sy itoriana ny marina, nasiaka ny olona. Ny nahafaty an' i Jeremia dia tezitra taminy ny olona nitoriany teny ka nitora- bato azy dia maty izy.

Miteny amintsika Andriamanitra androany, aza manao anao ho zaza. Tokony hitoriteny isika. Tsy herintsika, fa miankina amin'ny fombàn' Andriamanitra.

Faly be isika, raha misy olona maditra ka miova fo..fa na tsy hiova koa aza izy? Mifalia fa nahavita ny nasain' Andriamanitra natao ianao. Ny sofina rehetra nandre ny feonao dia kintana eny amin'ny satroboninahitrao.
Mila mitory fahamarinana isika. Na mahafaly na tsy mahafaly ny olona, Jehovah no mandefa antsika fa aza matahotra. Efa nohamafisina ny andrinao, toy ny an' i Ezekiela.

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

26/11/2024

"Aza manao hoe mbola zaza aho fa izay rehetra andidiako anao no hambaranao."
Andramo Ka izahao.
Vavaka Fiambenana 26/11/24.
- Vavaka Fanombohana : Rinah Madagascar.
- Toriteny : Clarisse Madagascar.
- Vavaka : Berthe Koweït .
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Fintina an-tsoratra toriteny vavaka fiambenana 25.11.24Pejy Andramo Ka izahao akiradio. Deoteronomia 31: 1-8Namafisin'i ...
26/11/2024

Fintina an-tsoratra toriteny vavaka fiambenana 25.11.24
Pejy Andramo Ka izahao akiradio.

Deoteronomia 31: 1-8
Namafisin'i Mosesy ny sain'i Josoa. Mahereza sy matanjaha hoy izy. Tahaka ny nombàna an'i Mosesy no hombàna an'i Josoa. Naveriny teo amin'ny vavoaka koa izany mba samy hahery ka tsy ho enta- mavesatra ho an'i Josoa ny vahoaka. Raha te hiara- mandeha amin' Andriamanitra ny zanak' israely dia mila miara- mandeha amin' i Josoa.

Eksodosy 3: 12
Mba natahotra koa i Mosesy hihaona tamin'ny Farao ka nampaherezin' Andriamanitra hoe homba azy tokoa Izy. Ngeza izany teny izany. Ny hoe homba dia raha mihetsika ny tananao dia Izy no manetsika azy, ka raha misy zavatra tokony tsy ho vitany, lasa vita mihoatra lavitra. Mbola vao handeha hiainga i Mosesy, tsy mbola nahita izay zavatra misy any Egypta, fa nomen' Andriamanitra toky sahady izy fa hiverina eo miaraka amin' ny vahoaka. Nahery Mosesy. Tsy natahotra intsony niatrika an'i Farao.Nampitainy tamin'i Josoa izany. Mba nahery koa Josoa.

Josoa koa, hiteny an'io teny amin'ny olona.
Josoa 10:22
Mpanjaka 5 no nitambatra hiady tamin' i Josoa, firenena matanjaka ireo, fa nitsoaka nandositra azy.
Nirahan'i Josoa ny olona hamoakaa ireo mpanjaka ireo ka nasainy nitsahan'ny olona ny vozon' ireo mpanjaka ireo. Tsy i Josoa intsony no nanao izany teto, efa zatra nanao izany foana izy tany aloha tany, nandresy foana, fa nampianatra ny vahoaka mba handresy koa izy.

Mba hampahery anao koa izahay androany hoe mahereza sy matanjaha, momba anao Jehovah.

1 Tantara 28:20
Nanafatra an'i Solomona koa Davida hoe mahereza sy matanjaha.

Josoa 10:21
Tanteraka tamin'ny zanak' israely ny teny rehetra nampaherezana azy. Na teny hafahafa aza tsy azon'ny olona natao tamin' izy ireo. Mainka moa fa mikitika.
Ho aminao anie izany.

1 Korintiana 12:13
Fanahy iray ihany no nosotroin'i Mosesy sy Josoa, ny zanak' israely sy Davida.....ary isika koa... ahoana no tsy hombàn' Andriamanitra ianao?.

Tsy afaka misaraka amin' Andriamanitra izany isika.

Deoteronomia 31:23
Na dia efa tonga any amin'ny tany Kanàna aza Josoa, mbola homba azy foana Andriamanitra.

Ianao koa, aza manahy fa tena momba anao Izy.

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

25/11/2024

"Mahereza sy matanjaha fa Jehovah no momba anao."
Andramo Ka izahao.
Vavaka Fiambenana 25/11/24.
- Vavaka Fanombohana : Berthe Koweït.
- Toriteny : Marka Madagascar.
- Vavaka : Erika France.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

25/11/2024

Andramo Ka izahao
Vavaka maraina 25.11.24
Rado Akiradio
Mampionona Akiradio

21/11/2024

Vavaka maraina Andramo Ka Izahao
21.11.24
Rado Akiradio
Mampionona Akiradio

Fintina an-tsoratra toriteny vavaka fiambenana 20.11.24Pejy Andramo Ka izahao akiradio. Hosea 2:4-25Ny hamaizana ny Isra...
20/11/2024

Fintina an-tsoratra toriteny vavaka fiambenana 20.11.24
Pejy Andramo Ka izahao akiradio.

Hosea 2:4-25
Ny hamaizana ny Israely sy ny mbola hampodian' i Jehovah azy indray.
Toy ny fifandraisan'ny mpivady ny tantara eto. Raha vakiana ny teny hatreo amin'ny andininy 15 dia mahita tokoa isika fa masiaka Andriamanitra, sarotiny.

Ny niandohan'ny tantara aloha dia:
Hosea 1
Nasain' Andriamanitra naka vady vehivavy janga i Hosea izay mpaminany tamin' izany fotoana izany. Tokony olona hanaraka ny sitrapon' Andriamanitra izy, manambady vehivavy virjiny, fa nahavariana teto, olona tena ratsy no nasainy novadiany,dia i Gomera izany. Misy zavatra tian' Andriamanitra nahatongavana ao.

Gomera = fanatanterahana
Hosea = fanafahana, famonjena

Niteraka izy ireo.
Ny zanany telo:
Jezirela = voa nafafy
Lo-Rohama = tsy namindrana fo.
Lo-Ami = tsy oloko

Mbola nitohy nijangajanga foana nefa io vehivavy io, lasa izy nanaraka ny lehilahiny izay nanome azy izay nilainy, fitafiana...tezitra Jehovah.
Notampenan'i Jehovah tsilo ny lalany dia tsy nahita ireo lehilahy ireo intsony. Nesorin' Andriamanitra taminy ny fahafinaretany. Nanapa-kevitra niverina tamin'ny vadiny ( Hosea) ihany izy. Mbola nanaiky Hosea, nandefitra taminy foana. Toy izany no ataontsika amin' Andriamanitra.

Tandindon' i Israely ireo zaza ireo. Hoy Jehovah hoe mandehana mifandahatra amin'ny reninareo ( Gomera). Tsy vadiko ianareo hoy Izy.

Ny nanaovana ireo anaran' ireo zaza ireo dia mba hahatsapany any aoriana hoe zanaky ny fijangajangana izy, nefa mba anisan'ny nahazo fahasoavana. Ny fahatsapantsika fa olona ratsy isika, nefa nantsoina hoe zanak' Andriamanitra, dia mba hitandremantsika izany toerana omena antsika izany. Fahasoavana lehibe izany. Tsy ny olona rehetra no omena fahasoavana manokana toy izany fa ianao. Tsy ny hahafoy anao no tiany, fa te hampody anao izy. Efa nofaizina ve ianao? Misy olona tsy mety fay na dia faizina aza. Fa misy koa ny tsy mety fay. Fa raha efa fay ianao, aza miala eo intsony.

Manomboka eo amin'ny Hosea 4: 16 dia milaza ny famindram-pon' Andriamanitra sy ny fampodiany ny Israely.

Nentin' Andriamanitra tany an'efitra ny Israely. Fomban' Andriamanitra mihitsy io. Elia, Elisa, Jesosy...tany an'efitra, nahomby be izy avy tany. Hisokatra ho anao anie ny varavaram- panantenana raha hiverina ianao. Haveriny aminao daholo izay very rehetra teo aminao. Havaoziny ny tso- drano. Ary Izy Ilay niteny hoe tsy vadin'i Israely satria nijangajanga izy, teto dia hoy indray Jehovah hoe hofofoiko ho vadiko mandrakizay ianao...ka dia hahalala an'i Jehovah.
Aza miala amin' Andriamanitra izany fa sahirana ianao. Mora ny miala Aminy, fa ny miverina kosa, tsy mora. Mahereza.

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Fintina an-tsoratra toriteny vavaka fiambenana 19.11.24Pejy Andramo Ka izahao Akiradio. Genesisy 1Ny namoronan' Andriama...
19/11/2024

Fintina an-tsoratra toriteny vavaka fiambenana 19.11.24
Pejy Andramo Ka izahao Akiradio.

Genesisy 1
Ny namoronan' Andriamanitra izaao tontolo izao.

TSARA ANDRIAMANITRA SADY MPANAO NY TSARA.
Nataon' Andriamanitra tsara sady amin'ny fotoanany daholo ny famoronana nataony. Nahary ny tany izy. Nasiany ny mazava aloha zatria izay no zava-dehibe indrindra, nanome endrika ny tany. Nisaraka ny maizina sy ny mazava, nisy hariva, nisy maraina, andro voalohany izany. Nasiany ny habakabaka, andro faharoa. Niangona ny rano dia lasa ranomasina, nisy maina. Isaky ny mahavita asa iray Andriamanitra dia mahita foana hoe tsara izany. Naniry ahitra sy anana sy voankazo ary hazo isan- karazany. Andro fahatelo izany. Nisy fahazavana teny amin'ny habakabaka nanazava ny tany. Andro faha-efatra. Na dia efa nosarahana aza ny andro sy ny alina dia mbola nasiany mazava ihany amin'ny alina mba tsy dia ho maizina loatra ka hitsapatsapa. Nisy ny biby rehetra, na anaty rano na ety an- tanety. Andro fahadimy. Nanomboka nisy aina izao tontolo izao, nisy hetsika.
Izany rehetra izany, noforoniny ho an'ny olona hampilamina ny fiainany. Vonona ny tany, namorona olona amin'izay Jehovah, nataony tahaka ny endriny, lahy sy vavy no namoronany azy. Ary itany fa TSARA INDRINDRA izany. Nitso- drano azy ireo Andriamanitra mba hanjaka amin'ny zava- boary rehetra.

Genesisy 2:4-25
Fitanisana ny antsipirihany tamin'ny famoronana. Miverina mitantara izy eto.

Taloha, ny mahatonga ny tany ho lonaka, tsy orana fa avy any ambany no nisy zavona niakatra nanamando ny tany. Vovo- tany no namoronany ny olona, nasiany fofon' aina dia tonga nanana aina ny olona. Sady endriny no nomeny ny fofon' ainy. Zava-dehibe izany. Misaora an' Andriamanitra ianao velona io, fa an' Andriamanitra io fofon' aina anananao io.

Vita i Adama, mbola teo ela izy aloha. Nanome anarana ny biby rehetra izy.
Mbola nahita indray Andriamanitra hoe tsy tsara raha irery ny lehilahy, dia namoronany vady sahaza ho azy izy satria tsy nisy biby afaka novadiany tao. Natory i Adama, nalain' Andriamanitra ny taolan- tehezany iray, ary iny no namoronany an' i Eva.

Tena tsy nisy zavatra ratsy na banga tao, nilamina sy lavorary avokoa ny fiainan'izy mivady. Sitrak' Andriamanitra izany. Mbola tsy miova Izy, faly Izy mahita anao miadana sy lavorary ny fiainanao.

Nitsahatra Izy tamin'ny andro faha- fito. Vita ny asa rehetra, afa- po Izy. Efa vita ny toerana itsaharany, dia ny fon' ny olombelona izay noforoniny.

Tena mandamina ny fiainantsika Andriamanitra. Vao manatona Azy aloha ianao, dia omeny valim-bavaka, alaminy ny olana sy korontana eo amin'ny fiainanao, mitony, mitsahatra. Avy eo Izy miditra mitsahatra ao anatinao mihitsy.

Tianao ve ny hitoeran' Andriamanitra koa ny fonao? Maneke mitsahatra amin'ny andro notendreny hitsaharana, dia ny andro faha- fito, fa ho itanao izany Izy hanisy endrika mahafinaritra sy mahate hizaha ny fiainanao. Hatramin'ny ianao mety mitotototo foana, mitady vola sy tsy misy fiadanana, andao hivavaka isika. Manatòna Azy fa te hamerina ny fahaiza- manaony aminao indray Izy. Matokia Azy fa tsara Izy. Ianao no zava- boahary nataony tsara indrindra sy tiany indrindra.

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

19/11/2024

"Isika olombelona no asatanan Andriamanitra itany fa tsara indrindra. "
Andramo Ka izahao
Vavaka Fiambenana 19.11.24
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Fintina an-tsoratra toriteny vavaka fiambenana 18.11.24Pejy Andramo Ka izahao Akiradio. Rota 4Naomy, Rota, Boaza, Betle...
18/11/2024

Fintina an-tsoratra toriteny vavaka fiambenana 18.11.24
Pejy Andramo Ka izahao Akiradio.

Rota 4
Naomy, Rota, Boaza, Betlehema.
Nisy mosary tao Betlehema. Niainga i Naomy sy ny vady aman- janany nankany amin'ny tanin'ny Moabita. Nanambady tao ireo zanany roa lahy, dia i Rota sy Horpa. Maty tany ny vadin'i Naomy sy ireo zanany roa. Izy telo mianaka sisa tavela, dia i Naomy sy ireo vinantovaniny roa.

Naomy = mahafinaritra
Rota = namana akaiky, sakaiza mpanampy.
Niteny i Naomy hoe hody any Betlehema izy fa nasainy nijanona izy roa vavy satria tsy misy antenain'izy ireo intsony aminy. Tsy mahafinaritra araka ny anarany intsony hoy izy fa efa lasa Mara ( mangidy).Nijanona i Horpa, fa i Rota kosa tsy nety fa nanaraka an'i Naomy. Ny tena namana dia tsy miala aminao, miaraka aminao foana na dia tsy misy antenainao aza aminy. Lasa izy ireo nandeha nankany Betlehema izay toerana efa niainan'i Naomy, fantany tsara. Fa i Rota kosa, vehivavy hafa firenena, fa nandeha tany izy, ary niova andriamanitra mihitsy satria lasa nanompo ny Andriamanitr'i Naomy dia Jehovah.

Betlehema = tranon'ny m**o
Feno vary naniry tao. Mitsindroka izay latsaka fotsiny dia voky.
Nirahan'i Naomy nitsindroka i Rota. Nisy lehilahy atao hoe Boaza = ao aminy ny hery, mpanjatobe izy io ary havan'i Naomy. Teo amin'ny tanimbarin'io lehilahy io i Rota no notsimpona vary. Tsy nampaninona azy izany. Nataony tamin'ny fo ,ary natoky tamin'izany izy. Mazotoa mitsimpona tenin' Andriamanitra. Angony foana fa hahavelona anao ny fitsomponana. Endrik'i Jesosy i Naomy, naka an'i Rota ( isika) tany amin'ny tanin'ny Moabita( izao tontolo izao sy ny faharatsiana). Natao tsinontsinona Jesosy tonga teto, fa zava-dehibe taminy ny naka ny sakaizany. Soa ihany i Rota fa nanaiky nandeha, tsy nety nisaraka tamin' i Naomy. Tsy nampanantenana n'inon'inona, fa nandeha tamin'ny fitiavana. Izahay koa tsy mampanantena anao afa-tsy fiainana mandrakizay izay omanin' i Jesosy ho antsika. Rehefa mazoto mitsimpona ianao, lasa manao toriteny, mahangona. Itan'i Boaza i Rota, nanintona azy satria itany teo foana. Hoy izy tamin'i Rota hoe aza mandeha any amin'ny toerana hafa intsony fa eto foana. Tsara raha toerana fampianarana iray no arahanao, fahamarinana tokana mba ho tsara o***a ianao. Nomen'i Boaza baiko ny mpanompony mba hanisy vary latsaka betsaka ho tsimponin'i Rota. Misy fahasoavana mirotsaka mihabetsaka eo amin'ny fiainantsika reheta matoky isika. Andriamanitra maniraka ny anjeliny hanome izany ho antsika. Tsy nijanona teo anefa fa tia an'i Rota Boaza, ka nampakatra azy ho vady. Hoy Jehovah hoe Izaho ihany no vadinareo. Naka an'i Rota i Naomy mba ho lasa vadin'i Boaza.
Naka antsika Jesosy mba hampakarina koa isika.
Moaba= taranak'i Lota
Boaza = taranak'i Abrahama

TIA ANAO JESOSY. AMEN.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

18/11/2024

"Naomy (mahafinaritra) = Jesosy, naka an i Rota (sakaiza) = isika tao Moaba (tany ratsy) = izao tontolo izao , ka hitondra antsika hiverina ao Betlehema (tranon ny m**o) = Fanjakan Andriamanitra, ka hanambady an i Boaza (itoeran ny hery) = Jehovah. "
Andramo Ka izahao.
Vavaka Fiambenana 18/11/24.
- Vavaka Fanombohana : Suzelle Suisse.
- Toriteny : Mahenisoa Italie.
- Vavaka : Lovely France.
AKIRADIO
akiradio.radio12345.com
Andramo Ka Izahao AKI.Radio
AkiRadio Andramokaizahao
Rado Akiradio
Andramo ka izahao.page.
Mampionona Akiradio
Fandaharana Akiradio

Address


Telephone

+261345801586

Website

Alerts

Be the first to know and let us send you an email when Andramo Ka Izahao AKI.Radio posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Telephone
  • Alerts
  • Claim ownership or report listing

  • Want your business to be the top-listed Media Company?

Share