21/06/2022
Misaona ny tontolon’ny haino aman-jery
Nodimandry ny takarivan'ny 21 jona teo amin'ny faha-53 taonany i Sophie RAVELOMANATSOA. Izy izay mpamokatra sy mpanatontosa fandaharana, mpanentana no sady mpilalao tantara tao amin'ny Radio Madagasikara. Ny taona 1994 tamin'ny alalan'ny fifaninanana no nidirany tao amin'ny RNM.
"Tantarao hoe", "Mba andramo ihany", "Ny vehivavy sy ny fampandrosoana"; "Aoka izay ny kolikoly" ireo no anisany fandaharana nahalalan'ny mpihaino azy. Ny fananany feo miavaka sy ny fahaizany manentana ireo fandaharany tao amin’ny Radio Madagasikara no nahafantarana an’i Sophie Ravelomanantsoa.
Nahazo ny mariboninahitra "Chevalier de l'Ordre National" izy nandritra ny fankalazana ny faha 90 taonan'ny RNM.
Ny ekipan’ny Minisiteran’ny Serasera sy ny Kolontsaina tarihin-dRamatoa Minisitra Lalatiana RAKOTONDRAZAFY ANDRIATONGARIVO dia maneho fiaraha-miory amin’ny fianakaviany sy ireo mpiara-miasa aminy tao amin’ny Radio Madagasikara.
