05/10/2020
Tiako foana ny mamerimberina mitantara mihira mitory mijoro vavolombelona fa za dia mpanota rain-dahiny,mpifoka sigara,mpisotro toaka,mpiteny ratsy,mpaniratsira,andevon'ny fijangajangana,mpanala baraka ny anaran'i Jesosy satria mba tanora mivavaka ihany anefa ny fiainako jiolahim-boto.. Hatsikana sy spectacl sy laza ary vola no zavatra nahaliana ahy fa izany fivavahana izany haingony ivelany fotsiny tamiko..
Olo-meloka ary nidina tany amin'ny helo ny làlako..Raha maty aho otrizay efa very.
Nahagaga ahy anefa Jesosy,vao volana vitsy lasa izay..tsy haiko hoe fa nahoana dia tamin'ny fomba ahoana fa nantsoiny tamin'izany fiainako izany aho..Andao ianao mibebaka hoy Izy,dia nasainy nanantona Azy teo am-pandoalihana aho..Tsy mahay mibebaka izany aho fa nisy herin'ny Fanahy masina nanorotoro ny foko hiaiky fa mpanota..Dia nanomboka nifona sy nitomany hoazy teo aho..
Dia novainy ny foko,dia tsy haiko hoe nataony ahoana fa lasa tsy tiako intsony ny toaka sigara sy ny fahotana hafa rehetra izay nahafinaritra ahy taloha.
Tena mahagaga ahy fa niova ny fiainako,lasa tia mivavaka aho,lasa tiako izany fahamasinana izany..lasa tiako Jesosy,lasa te hitory teny aho!
Fa tena misy ny ran'i Jesosy io,fony ah nibebaka dia reko mihitsy hoe izany ilay Rà fa miasa..enoko mihitsy hoe izany fa dioviny sy esoriny daholo lé fahotako rehetra!Tsapako mihitsy hoe izany fa dioviny ny masoko,sasàny ny saiko,misy zavatra hongotany sy tapatapahany tena tsapako mihitsy!Mahery ny ran'i Jesosy!
Mahagaga ny fitiavan'Andriamanitra.
Nandritra ny herinandro no fotoana nibebahako..Ankehitriny aho reko ao anatiko ao hoe voavela ny heloko,olon'afaka aho,voavonjy aho!Tena tsapako ny famonjena!Hoany an-danitra aho..
Tsy misy safidiko na kely aza ny nahavoavonjy ahy fa safidin'i Jesosy Kristy madiodio!
Ry namako,Jesosy Kristy maty teo amin'ny hazo fijaliana,nitsangana tamin'ny maty,velona mandrakizay..
Jesosy Kristy namonjy ahy,Jesosy Kristy Mamonjy anao ihany koa.