Nanameloka ny fiantsoan'ireo mpanao politika sasany tsy handeha hifidy nandritra ny latsa-bato notanterahina omaly n'y mpanara maso ny fifidianana UJ-CEMAC. Amin'ny alalan'ny fifidianana hoy izy ireo no hanehoana ny safidy izay hitondra ny firenena.
Nananaraka ny fenitra iraisam-pirenena ny fanatanterahana ny fifidianana omaly hoy izy ireo na teo aza ireo olona madinidinika izay tsikaritra nandritra ny latsa-bato.
Hanara maso ny fizotry ny fifidiana no nahatongavan'izy ireo eto Madagasikara fa tsy hanelanelana ny disadisa politika. Noraisan'izy ireo ho kandida avokoa ireo 13 Na tsy nandray anjara tamin'ny fampielezan-kevitra sy ny latsa-bato aza noho izy ireo efa ao anaty Bileta tokana.
Nosokajiana ho fahavononana hiatrika fifidianana teny am-piadohana ny fisian'izy ireo tao anaty Bileta tokana raha ny fanazavana satria tsy maintsy ny fankatoavana avy amin'ireo kandida no nahavoasoratra azy ireo tao anatin'izay Bileta tokana izay.
(Ampahany tamin’ny tatitra nentin’ny mpanara-maso CEMAC)
Vinavinaina hivoaka ny 25 novambra izao ny vokam-pifidianana fihodinana voalohany hoy ny filohan'ny CENI.
Azo hatao ny mifidy na tsy manana kara-pifidiana aza ka ao anaty lisitry ny mpifidy saingy tsy maintsy mitondra kara-panondrom-pirenena.
Hitadiavana vahaolana avokoa ireo olona madinidinika mety hitranga amin'izao fifidianana izao mba tsy hahavery zo ireo tokony hifidy hoy hatrany ny filohan'ny CENI.
Nilamina amin'ny ankapobeny ny fizotry ny fifidianana izao maraina izao hoy ny CEMAC, Cyrille Nguiegang, Chef de la mission des experts indépendants de la zone CEMAC.
Tonga ara-potoana ireo fitaovana ampiasaina amin'ny fifidianana hoy ity mpanara maso iraisam-pirenena ity.
Maro ihany koa ireo olom-pirenena no Tonga nanefa ny adidiny izao maraina izao hoy izy ireo na izany aza tsy mbola afaka nanome ny tombana amin'ny tahan'ny olona tonga nifidy izy ireo.
LTP ALAROBIA
Tonga manao fanaraha-maso sy mijery ny fandrindrana ny latsa-bato ny iraky ny SADC.
FANAZAVANA NENTIN’NY PREFET AN’ANTANANARIVO MANOLOANA NY FANDORANA BIRAO-POKONTANY
Hisy ny naoty havoaka mikasika ny « couvre-feu » izay hihatra manomboka androany amin’ny 9 ora alina hatramin’ny rahampitso amin’ny 4 maraina eto Analamanga araka ny nambaran'ny prefet de police Général RAVELONARIVO Angelo.
VALAN-DRESAKA NOTANTERAHIN’NY PREFET AN’ANTANANARIVO NIARAKA TAMIN’IREO MPITANDRO NY FILAMINANA MAHAKASIKA NY FANDAMINANA AMIN’NY FIFIDIANANA
Hentitra ny mpitandro ny filaminana nampatsiahy ny rehetra amin’ny hanajana ny fahanginana ara-pifidianana (silence électoral) izay manomboka amin’ny 12 ora alina.
Tsy misy olona na iza na izay intsony afaka manao fampielezan-kevitra na amin’ny endriny inona na amin’ny endriny inona mandritra io fotoana io.
Hamafisina ny fiambenana ireo toerana fandatsaham-bato rehetra, harovana ireo olona hanefa ny adidiny ny 16 Novambra izao.
Tsy misy na iza na iza afaka manao fihetsiketsehana intsony ihany koa hanajana izay fahanginana izay araka ny voalazan’ny lalàna.
Manameloka ny lainga maro aparitaky ny mpanao gazety vahiny momba ny zava-misy eto Madagasikara ireto mpanara-maso ny fifidianana avy amin’ny « Communauté Économique et Monétaire de l’Afrique Centrale » na CEMAC ireto. Indrindra ny any amin’ny firenena eoropeana.
Ny demokrasia dia any anatin’ny fifidianana fa tsy eny an-dalambe miteraka fanakorontanana, hoy ny lehiben’ny delegasion’ny mpanara-maso izay efa tonga eto amintsika ary mahita tsara ny zava-mitranga fa tsy araky ny tsaho voizina any ivelany.
Miantso ny vahoaka malagasy ho tonga maro be hifidy izy ireo amin’ny 16 novambra 2023.
HETSIKA FOTSY: voamarina sy hita mibaribary ny fahavonan’ireo mpanao fihetsiketsehana hanakorontana.
Taorian’ny toraka sy ny tifitra « flèche » nataon’ireo andian’olona no nahitana karazana vy natao bala tamin’ireo flèche nitifirana.
Efa mandray ny andraikitra avy hatrany ny mpitandro ny filaminana.
(Horonantsary fohy nindramina maneho ny zava-misy)
Fanambarana avy amin’ny « Communauté Royale de Madagascar »
Naneho ny heviny ny olobe ara-drazana eto amin’ny firenena manoloana ny toe-draharaha misy akiehitriy.
Tsy misy afa-tsy ny firosoana amin’ny fifidianana irery ihany no hanajana ny safidin’ny vahoaka Malagasy. Ny fifidianana ihany no lalana tokana hisian’ny filaminana eto Madagasikara.
Ny kandida Andry Rajoelina ihany hoy izy iroe no maharesy lahatra ny Fivondronamben’ny Ampanjaka sy Tangalamena manerana an’i Madagasikara amin’ny fanajana ny soatoavina mampiavaka antsika Malagasy.
Voasolo tena ao anatin’ny « communauté royale de Madagasikara » ireto avokoa ireo Ampanjaka, olobe, Tangalamena manerana ny lafivalon’ny Nosy.
FANAMBARANA NENTIN’IREO LOHOLONA MARO AN’ISA EO ANIVON’NY ANTENIMIERAN-DOHOLONA.
* Tsy misy antony tokony hanemorana ny fifidianana mihitsy amin'izao fotoana hoy ireo loholona maro an'isa eo anivon'ny Antienimieran-doholona.
* Tompon'andraikitra manoloana ny zava-misy eto amin'ny firenena ireo mpanao politika minia mamboly korontana ankehitriny.
* Manameloka ny finiavana hamboly korontana sy manao herisetra izy ireo ary miantso ny vahoaka malagasy tsy manaiky atao sorona.
* Miantso ireo tompon'andraikitra rehetra hisoroka ny fikasana hanakanana ny fifidianana izy ireo.
Nitondra ny fanambarana ny Filoha Lefitry ny Antenimieran-doholona misahana ny faritra Atsimo, ny Loholon’i Madagasikara Nicolas RABEMANJARA.
OMC : TATITRY NY HETSIKA 13 MAI
* 11 ireo mpanao fihetsiketsehana voasambotra , 4 kosa ny mpitandro ny filaminana naratra.
* Tsy marina ny filazana fa nisy ny olona namoy ny a iny.
* Paik'ady fanaparitahana vahoaka no nampiharina ary tsy nisy fampiasana fitaovam-piadiana mahery vaika ny mpitandro ny filaminana.
* Miantso ny mpanao politika hifantoka amin'ny fifidianana hisorohana ny savorovoro ny prefen'Antananarivo nandritra ny valan-dresaka tamin'ny mpanao gazety nataon'ny Organe Mixte de Conception izao hariva izao.
OMC
Misy andian’olona mitady hanapoaka grenady ao anatin'ny fihetsiketsehana rahampitso hoy ny OMC raha ny angom-baovao voarain'ireo izy ka tsy maintsy ho savaina avokoa na ny fiara na ireo olona rehetra mifamezivezy eny Analakely sy ny manodidina an’Analakely hoy ny kaomandin’ny CIRGN Antananarivo, Colonnel RANDRIAMASY Radosoa.
Handray andraikitra araky ny lalàna hoan'ireo izay mihoapefy sy minia tsy hanaiky ny fandaminana izay hapetraka ny mpitandro ny filaminana.
VALAN-DRESAKA NENTIN’NY PREFET AN’ANTANANARIVO: Général RAVELONARIVO Angelo
Tsy nanao fangatahana ireo collectifs des candidats mikasa ny hiditra etsy amin'ny kianjan'ny 13 mai rahampitso ka noho izany dia tsy manara-dalàna ny hetsika izay ho tanterahin'izy ireo.
Hiafara hatramin'ny fisamborana ny fandikan-dalàna raha ny nambarany.
Amin'ny 5 sasany maraina ny 4 novambra 2023 dia tsy aza hifamezivezen’ny daholobe ny etsy Analakely sy ny manodidina.
Hisy naoty avoaka ihany koa amin'ny tsy fahazoana mitangorongorona eny Antanimena, Behoririka, Ankazomanga,Petite vitesse, Ambohijatovo. Azo atao kosa ny mifamezivezy amin'ireo toerana ireo ankoatra ny fitangorongoronana.
Fanazavana nentin’ny Mpitahiry ny fitombokaseam-panjakana, ny Ministry ny fitsarana: Landy Mbolatiana ANDRIAMANANTENASOA
* Tsy ara-dalàna ary tsy nahazoana alalàna ny hetsika fidinana an-dalambe etsy amin'ny 13 mai rahampitso.
* Ny didy hitsivolana 60-082 tamin'ny 13 aogositra 1960 no mifehy ny famoriam-bahoaka eto Madagasikara.
* Tsy maintsy mametraka fangatahana 48 ora mialoha ny hetsika kosa ny kandidà hanao fampielezan-kevitra.
-Mazava izany izao fa nandainga ilay filohan’ny Sénat teo aloha, nolazainy fa norahonana ho faty hono izy fa tsy sitrapony ny tsy nandray ny fahefana naha-filoha mpisolo tena.
-Niray tsikombakomba tamin’ilay mpanao gazety Gaelle Borgia izy nandainga tao amin’ny France 24 teo imason’izao tontolo izao
-Mazava zany zao fa NITADY FANAKORONTANANA MIHITSY DIA NAMORON-DAINGA ARY TENA FANAHINIANA NATAO TALOHAN’NY FAMPIELEZAN-KEVITRA SATRIA NY TANJONA DIA MBA TSY HISIAN’NY FIFIDIANANA
-MAZAVA FA TSISY CRISE INSTITUTIONNELLE IZANY ETO FA OLONA MPANDAINGA NO MISY MBA HANAOVANA DESTABILISATION SY HAMORONANA KRIZY
-MAZAVA AMIN’NY REHETRA AMIN’IZAY MANINONA NO TSY AZO NOMENA AN’ILAY FILOHAN’NY SENAT TEO ALOHA NY FAHEFANA FA OLONA MPANDAINGA TSY AZO ITOKISANA
-TAPITRA DAHOLO NY LAINGAN’NY MPANOHITRA, TSY AZO INOANA INTSONY KOA IO GAELLE BORGIA IO SATRIA OLONA MPANDAINGA ZANY NO NAVELANY NITENY NAMOTIKA NY FIRENENA TEO AMIN’NY SEHATRA IRAISAM-PIRENENA
(Focus on Mada)
Fanazavana nentin’Atoa Préfet de police eto Antananarivo renivohitra mikasika ny hetsika ataon’ireo « collectif des candidats » rahampitso sabotsy 21 oktobra 2023.
Eny amin’ny Coliseum Antsonjombe ihany no tafiditra ao anatin’ny fahazoan-dalana nomena fa tsy filaharana an-dalambe. Ny filaharana an-dalambe dia natao ho an’ny kandida manao fampielezan-kevitra ihany araka ny lalàna.
Fanazavana nentin’ny Préfet an’Antananarivo, ny Général RAVELONARIVO Angelo mahakasika ny zava-nitranga teny Andavamamba sy Itaosy androany.
Nisy ihany koa ny fanazavany momba ny fepetra vaovao izay tsy maintsy raisina amin’ny toe-draharaha misy ankehitriny.
FANAMBARAN’NY SOLOMBAVAM-BAHOAKA MARO AN’ISA
Manameloka ny finiavana te hitondra fanakorontanana hikatsahana tetezamita ho tombontsoa an'olombitsy ireo solombavam-bahoaka maro an'isa eo anivon'ny antenimieram-pirenena.
Tsy maneho ny hevitry ny solombavam-bahoaka maro an'isa eo anivon'ny antenimieram-pirenena ny lahateny izay nataon'ny filohan'ny antenimieram-pirenena nandritra ny fanokafana ny fivoriana ara potoanan'ny parlemantera ny 17 oktobra 2023 lasa teo ka nitsipaka izany ireo solombavam-bahoaka avy amin''ny IRD sy tsy miankina miaradia amin’izy ireo.
Fanakorontan-tsaina ny nataon'ny filohan'ny antenimieram-pirenena nitondra ny heviny manokana manoloana ny rahaharaham-pirenena ka manameloka izany ireo maro an'isa eo anivon'ity andrim-panjakana.
Nampatsiahy izy ireo fa ny vahoaka Malagasy irery ihany no masy mandidy amin'izay hitantanana ny firenena ka tsy misy hafa tsy amin''ny alalan'ny fifidianana ihany no hanehoana izay fahefanan'ny vahoaka izay raha araky ny voasoritry ny andinin'ny faha 5 ao amin'ny lalàm-panorenana
Nanapitra ny fivoriana ny Filohan’ny Antenimieran-doholona rehefa tsy nanaiky ny fanarahana ny firafitry ny lahadinika.
Nivoaka ny efitrano ary nampaneno ny lakolosy ny tenany.
Nanohy ny fivoriana kosa anefa ireo loholona ao anatin’ny birao maharitra araka ny voasoritry ny fitsipika anatin’ny antenimieran-doholona.
Voafaritra anatin’ny lahadinika moa ny fampisalorana ny samboady ho an’ny Loholona Général RAVALOMANANA Richard, izay nolavin’ny Filohan’ny Sénat ny fanaovana izany.
Miditra amin’ny fivoriana mikato-trano araka izany ireo Loholona miisa 17 ao anaty efitrano.
SÉNAT
Nangataka ny eo anivon'ny governemanta ifandrimbonana hampiantso fivoriana tsy ara-potoana ireo vondrona parlemantera IRD eo anivon'ny antenimieran-doholona.
Tsy misy mitombona ireo zavatra nambaran'ity filohan'ny antenimieran-doholona ity tamin'ny fahita lavitra vahiny hoy ireo loholona ka tsy fahamatorana ny fanaovana kilalaon-jaza ny rahaharaham-pirenena amin’ny fivadibadihan-kevitra.
Tsy nampahafatarina ny tompon'andraikitry ny fiarovana eo anivon'ny antenimieran-doholona ny fisiana fandrahonana ho faty nahafahana nandray fepetra mifanaraka min'izany raha ny fanazavana.
Nohamafisin'ireo loholona IRD fa efa tamin'ny volana aogositra no nalefa tany ampitan-dranomasina ny zanaky ny filohan'ny antenimieran-doholona handeha hamita fianarana.
FANAMBARANA NIOMBONAN’IREO LOHOLONA MARO AN’ISA EO ANIVON’NY ANTENIMIERAN-DOHOLONA
Niray feo ireo loholona miisa 14 eo anivon’ny Antenieran-doholona nanambara androany, nanoloana ny filazana sy fanehoan-kevitry ny filohan’ny Antenimieran-doholona Herimanana RAZAFIMAHEFA fa tsy nisy fifampierana tamin’ireo loholona namany iny fanehoan-keviny samirery irery.
Tokony nisy mihitsy ny fihaonana teo amin’izy ireo sy ny filohan’ity andrim-panjakana ity izay voafaritra tokony ho tamin’ny 5 ora hariva natao tao amin’ny Lapamaintso Anosikely saingy tsy tonga nanatrika izany izy.
Namafisin’ireo loholona maro an’isa fa tokony samy hifantoka am-pitoniana ny fiatrehana ny fifidianana ny rehetra, hoy ny Filohan’ny Vondrona Parlemantera IRD, TSIEBO Mahaleo izay namaky ny fanambarana niombonan’izy ireo.
VALAN-DRESAKA NATAON’NY EMMO NAT
Hanamafy ny fitandroana ny filaminana ny EMMO NAT
Mbola tsy azo hidirana ny eo Analakely sy ny manodidina mandra-pisian’ny fepetra vaovao.
Eny amin’ny coliseum Antsonjombe no toerana nomena ireo kandida sy ny mpanara-dia azy.
PREFEN’ANTANANARIVO - OMC
Nofoanana ny « couvre feu » izay nandraisana fepetra.
Nomena alalana hampiasa ny Coliseum kosa ireo kandida miisa 11 ho amin’ny rahampitso.
Manamafy ny fitandroana ny filaminana kosa ireo mpitandro filaminana.
FANAZAVANA NENTIN’NY KOMANDIN’NY VONDRO-TOBI-PARITRA ANALAMANGA, Lieutenant-Colonnel RAOLIJON Tojo
Tsy marina ny filazana sy fivoizana fa tsy Malagasy ireo zandary niasa nandritra ny hetsik’ireo solombavam-bahoaka ny 2 sy 3 Oktobra teo.
Nandraisana fepetra ny olona nanaparitaka izany vaovao izany tany anaty tambazotran-tserasera, izay mety hampisavorovoro ny saim-bahoaka.
Ny Zandarimariam-pirenena dia misokatra amin’ny fiaraha-miasa amin’ny vahiny amina sehatra maro samihafa.
OMC
- Tsy nahazo alalana ny hetsiky ny kandida
- Nisy ireo mpanao fihetsiketsehana nitondra basy efa voafahana bala sy antsy
- Tsy maintsy handray fepetra hatrany ny OMC manoloana tranga tahaka ity androany ity.
Namafisin’ny Komandin’ny vondron-tobi-paritra Analamanga, Lieutnant Colonnel RAOLIJON Tojo, izay mpitondra tenin’ny mpitandro filaminana fa tsy misy na iray aza mpitandro filaminana vahiny niasa androany araka ny voizina anaty tambazotra Facebook.
FANAMBARAN’IREO MPIVAROTRA ETSY AMIN’NY ESPLANADE ANALAKELY SY NY MANODIDINA.
. Tsy ekena hoy izy ireo ny finiavana hamboly korontana kasain’ireo Kandida sasany amin’ny fifidianana atao ny Alatsinainy izao.
. Tokony hifampitsinjo hoy hatrany ireo mpivarotra fa tsy ho voabaikon’ny tombotsoan’ny tenany manokana ireo mpanao politika.
. Hanohy ny asa fivarotany avokoa izy ireo fa tsy ho voasarika amin’ny fanokorontanana iniana volena.
Tsy marina ny filazana fa lasa nihazo an’i Paris ny Filohan’ny fitsarana Avo momba ny Lalam-panorenana.
