FAN'S CLUB STUDIO SIFAKA
🗓️ Ny taona 2022 no nanomboka nametrahana ny fan’s club Studio SIFAKA manerana an’i Madagasikara. Miisa 375 amin’izao fotoana izao ireo tanora mpikambana ao anatiny izay misandrahaka amina faritra 23.
✅ Afaka manangona ireo dom-berina avy amin’ny tanora Malagasy izahay noho ny fisian’ny FAN’S CLUB STUDIO SIFAKA mba hanatsarana ny votoatin’ny fandaharana FEON’NY TANORA MAROLOKO sy ireo adihevitra hifampizarana.
🤝 Miara-mampiroborobo ny fampidirana ny tanora amin'ny fiainam-pirenena izahay ary mikarakara hetsika mahasoa eny anivon’ny fiarahamonina.
’Ndao hiaraka aminay hampiroborobo ny feon’ny tanora !
#StudioSifaka #FanClub #Tanoramaroloko
Biogaz
Entona fandrehitra vokarina amin’ny fako madinika ao an-tokatrano, na biogaz.
Nikaroka sy nanao andrana tao an-tranony ny tanora iray avy any Mananasy, ambanivohitr’i Soavindriana Itasy. Jereo anie ny vokany e
#Biogaz #initiatives #SDGs
Vehivavy malagasy voalohany nanana ny mari-pahaizana doctorat amin’ny matematika, mpampianatra mpikaroka ary mpanoratra boky ny Profesora Fanja Rakotondrajao. Mampiavaka azy ny asa fikarohana nataony mampifandray ny sikidy sy ny matematika.
#femmesactives
Andro iray miaraka amin'ny Studio Sifaka
Toy ny ahoana ny fisehon'ny andro iray ato amin'ny Studo Sifaka hoy ianareo? 🫡
Entinay mitety izany ianareo anio 😄
Mijere finaritra ary tompoko 👋
Fanadihadiana miaraka amin'ny Studio Sifaka
Hatraiza ny fahafantaranao ny Studio Sifaka? 🤔
Manasa anao hihaino finaritra ny fanadihadiana niarahana tamin'izy ireo 😄
🎼Niforona tamin'ny taona 2010 ny tarika Zandry Gasy Ofisialy. Fito mirahalahy no mandrafitra ny tarika amin'izao.
🎸 Makafy sy mivoy ny gadona bà gasy tendrena amin'ny gitara izy ireo.
#Mozika
🎼 Masnadd, mpanakanto misehatra eo amin'ny tontolon'ny Rap, Freestyle.
🎬 Nivahiny teto amin’ny Studio Sifaka izy. Indro zarainay aminareo ny sombiny tamin'ny fandalovany.👇
#Mozika #rapmusic #freestyle
👉 Nahatanteraka an’ireo anjara asany amin'ny maha mpanome vaovao, mpanabe ary manome fialamboly ve ny radio nandritra izay 90 taona nisiany teto amintsika izay ?
🎬 Araho ny ampahany tamin'ny adihevitra teto amin'ny Studio Sifaka nandritra ny andro manerantany ho an'ny radio ny talata 13 febroary lasa teo.
#débat #JournéeMondialeDeLaRadio
🏞️ Lac Sacré Mangatsa : Toerana masina fanaovana fangatahana azo tsidihina ao Mahajanga.
👉 Any amin'ny 18km avaratry ny tananan'i Mahajanga no misy ny « lac sacré » na ny matsabory masin’i Mangatsa. Ankoatran’ny toeram-pizahantany amin’ny maha manan-tantara azy dia fanaovana fangatahana ny toerana. Misy ny fombafomba efa fanao rehefa hanao izay hataka izay hiarahantsika mahafantatra anatin’ity fanadihadiana ity.
🤗 Efa hatramin'ny fahazazany i Kheman no tao anatin'ny tontolon'ny mozika, mpanakanto mivoy ny gadona Reggae. Izy ihany no mamorona ny tonony amin'ny hirany rehetra, ny feony kosa dia hiarahany miasa amin’ny mpitendry.
👉 Tsy fialamboly ihany io mozika io aminy fa entiny manabe ny fiarahamonina ihany koa.
Kheman Original - Mon reggae
#reggae #Mozika
Imeritsiatosika : kaominina manana ben’ny tanana tanora
👏Imeritsiatosika : Kaominina manana ben’ny tanana tanora 👏
Tamin’ny 2015, teo amin’ny faha 24 taonany i Andriambolanarivo Parisoa no voafidy voalohany ho ben’ny tanànan’Imeritsiatosika, Faritra Itasy. Folo taona latsaka aty aoriana, mamarana ny fotoam-piasany faharoa indray izy izao. Nanao ahoana ny nandrindrany ny fiainany sy ny fianarany miaraka amin’ny fiadidiana ny tanàna nandritra izay ?
🟢 Mampiavaka an’i Toliara ny fananany ity mozea mpanodina fako na “ musée de recyclage ” voalohany eto Madagasikara ity.
♻️ Efa tamin’ny taona 2019 no naorina ity toerana ity, ary fako voafantina no ahodina ao mba hivadika ho fitaovana azo ampiasaina amin’ny fiainana andavanandro indray.
Tule'art- Recycling Museum ✨
#recyclage #protectiondelenvironnement #Toliara
⁉️ Ahoana ny fampianarana ny siansa amin'ny alalan'ny fampiharana amin'ny fiainana andavan'andro ?
📑Ny lesona efa nampianarina ireo mpianatra ireo ihany no nampiharina sy nanaovana fampirantiana tamin'ny andron'ny siansa natao tetsy Andavamamba, mba hitarihana ny sain'ireo tanora hirona kokoa any amin'ny tontolon'ny asa siantifika.
ACCESMAD
#science #éducation #exposition
🌪Miha-mahazo vahana any atsimon’ny Nosy ny tiomena (rivo-pasika) tao anatin'ny efa-taona nisesy izay, vokatry ny fiovaovan’ny toetrandro. Manoloana izany dia misy paikady nentin’ireo mponina any an-toerana.
🤗A l'occasion de la journée mondiale de la liberté de la presse, le 3 mai 2023, l'UNESCO a organisé une formation sur le thème " façonner un avenir des droits : la liberté d'expression, clé de voûte des droits humains ". 86 journalistes, étudiants journalistes et défenseurs des droits humains issus de 6 régions ont bénéficié de cette formation. Un débat radiophonique a été organisé.
Découvrez les détails dans cette vidéo.
🤗Nikarakara fiofanana ho an'ny mpanao gazety miisa 86, mpianatra mpanao gazety ary mpiaro ny zon'olombelona avy amin'ny faritra enina manerana ny Nosy ny UNESCO ny 3 may 2023 lasa teo.
Tao anatin'izany no namelabelarana ny lohahevitra hoe “ Ny fahalalahana maneho hevitra, zo fototra ifaharan’ny zon’olombelona ». Arahinao ny andinindininy ato anatin'ity horonantsary fohy ity.
#formationprofessionnelle #journaliste #UNESCO
SAKAFO : Miala amin’ny bononoka mahazatra fa avadika mofo masira misy tsiro samihafa
🍚Tia « Bononoka » ve ianao ?
Ilay sakafo vita amin’ny mangahazo, mampiavaka an’Arivonimamo ?
Nandeha nanandrana izahay androany hoe ohatry ny ahoana indray rehefa atao mofo masira sy misy tsiro samihafa toy ny « Sardine » sy ny « Fromage » izy ity. Bononoka tafa, hoy ny mpamorona azy.
Fanisam-bato tao Anjanahary II A
🛎Fanisam-bato tao amin'ny birao fandatsaham-bato voalohany tao amin'ny fokontany Anjanahary II A.
Behoririka
Sarin'ny fifandonana teo amin'ny mpanao fihetsiketsehana sy ny mpitandro ny filaminana teny Behoririka.
Herinandro dia higadona ny fifidianana : manao ahona ny faharisihan’ny olona ?
🚦Herinandro dia higadona ny fifidianana : manao ahona ny faharisihan’ny olona ?
🕐Andro sisa no isaina. Herinandro dia ho tonga ny datin’ny fifidianana voatondro amin’ny 16 novambra, araka ny fanemoran’ny fitsarana avo momban’ny lalam-panorenana azy farany. Misy ny vonona hifidy na tsy amin’ireo manao propagandy aza no safidiny fa misy ihany koa ireo mitaky fanemorana fifidianana.
#elections
Fisamborana an'i depiote RALAMBOZAFIMBOLOLONA Fetra
⚠️Nosamborin’ny Zandarimariam-pirenena ny Solombavambahoka RALAMBOZAFIMBOLOLONA RAZAFITSIMIALONA Fetra, tamin’ny 2 ora tolakandro, teny amin’ny hetsiky ny vondron’ny kandida tetsy Mahamasina. Nentin’izy ireo teny amin’ny Tobin’ny Zandary etsy Fiadanana.
⚠️Nilaza ny filohan’ny Antenimieram-pirenena, Chistine Razamahasoa, fa tsy nahazo fampandrenesana ny amin’ny hisamborana ny solombavambahoaka Fetra, voafidy tao amin’ny boriboritany fahadimy. Araka ny lalàna dia tsy azo samborina tahaka ireny ny Solombavambahoaka mandritra ny fe-potoana hanaovana ny fivoriana ara-potoanan’ny Antenimieram-pirenena.