19/04/2021
Nisongadina tanatin'ny kabarin'Andriamato Filohan'ny Repoblika, Andry Rajoelina, omaly ny fepetra raisina eny amin'ireo CTC-19 tahaka ny nisokafan'ny CTC-19 Soamandrakizay sy ny CTC-19 Ankorondrano. Araho ny andinindininy
ADY AMIN'NY COVID-19: FAMINTINANA NY KABARIN' ANDRIAMATOA FILOHAN'NY REPOBLIKA, ANDRY RAJOELINA.
-Napetraka ny lamina vaovao, natsangana ny CTC-19 Soamandrakizay sy ny CTC-19 Ankorondrano hamonjena ny ain'ny mpiray tanindrazana.
-Napetraka ireo « hôtels médicalisés » eto Antananarivo izay ahitana mpiasan'ny fahasalamana sy fitaovana ary fañafody rehetra ilay amin'izany. Ireto avy izy ireo:
-Tsanga tsanga Hôtel Tsaralalana ampitan'ny "sapeur pompier"
-Live Hôtel Andavamamba
-Hotel le pavé Antaninarenina
-Anjary Hôtel Tsaralalana
-Hisokatra amin'ity herinandro ity ny Hôtel Le Panorama Andrainarivo sy ny Motel de Tana Anosy (Ex. Solimotel).
-Hamafisina fa maimaimpoana ireto fanafody manaraka ireto izay hitsaboana ny covid-19 eny amin'ny Tobim-pahasalamana miankina amin'ny fanjakana (CSB, CTC-19, Hôpitaly) sy ireo Hôtely/Hôpitaly: Azithromycine, Magne B6, Vitamina C, Paracetamol, Zinc, Hydroxychloroquine, CVO Tambavy, CVO +, Dexamethasone, Lovenox.
-Toy izany koa ny "oxygène" izay iantohan'ny Fitondram-panjakana avokoa.
-Esorina amin'ny asany izay tompon'andraikitra manodikodina sy manao ny tsy rariny mangalatra fanafody.
-Hamafisina fa maimaimpoana ny fitiliana "PCR" sy ny fizarana "Attestation" nanaovana fitiliana.
-Misaotra sy mankasitraka ny Fianakaviam-ben'ny Mpiasan'ny Fahasalamana izay manao ny asa an-kitsi-po sy am-pitiavana tokoa.
-Ho fitsinjovana ny vahoaka dia hisy ny famerana ny vidim-panafody izay iarahan'ny Ministeran'ny Fahasalamana, ny Ministeran'ny Varotra sy ny fanjifana, ny Holafitry ny Farmasiana.
-Voarara ny fivarotana fanafody eny an-dalam-be sy eny amin'ny tambazotran-tserasera, tsy ekena ny fanararaotana, iharan'ny lalàna izay minia mandika izany.
-Apetraka ny Pejy Facebook sy Instagram Doleance CovMada handraisana ny fitarainana sy ny fanamarihana manodidina ny ady amin'ny covid-19 ka ny fiadiadiana ny Repoblika no hisahana izany.
-Miisa 2400 ireo "concentrateur d'oxygène" novidiana tamin'ny taon-dasa ary efa naparitaka manerana ny Nosy, ampiana 2000 isa vaovao izany sy "Bouteille d'oxygène" 2000 isa ihany koa ary fiaramanidina manokana no haka ireo fitaovana ireo amin'ity voalohan'ny herinandro ity.
-Nampitomboana ny isan'ny mpiasan'ny fahasalamàna mandray an-tanana ny fitsaboana ny covid-19.
-Apetraka eny anivon'ny CTC-19 sy ny Hôpitaly mandray an-tanana ny covid-19 ny fanohanana ara-tsaina hanampiana ireo marary sy ireo mpitsabo ihany koa. Hisy "psychologue" hisahana izany.
-Mikasika ny ED1: Tsy manakana ny fampiasana ny ED1 ny Fitondram-panjakana, fa mamporisika sy manampy ny fikarohana mba ho ara-dalàna, amin'ny fanaovana ny andrana ara-tsiantifika ahafahana manaporofo raha mahasitrana tokoa na tsia ary hafainganina ny fanatanterahana izany.
-Mikasika ny vaksiny, mitohy ny dinika ary hamoaka ny fehi-keviny ny kômity siantifika amin'ny herinandro ho avy izao mikasika ireo vaksiny izay tokony ho ampiasaina eto Madagasikara.
-Takiana ny fametrahana "PLAN ZERO COUPURE" avy amin'ny JIRAMA apetraka eny amin'ny Hôpitaly sy ny CTC-19 ary ireo Toeram-pitsaboana mandray ireo marary.
-Tapaka fa mitohy ny hamehana ara-pahasalamana mandritra ny 15 andro manaraka
-Mikatona hatrany ny sekoly sy ny anjerimanontolo na miankina na tsy miankina.
-Mikatona ny faritra Analamanga, Boeny, Atsinanana, Sava, Nosy-be.
-Mikatona ny faritra Sofia manomboka ny Alarobia
⛔ Ho an’ny Faritra Analamanga manokana:
« confinement total » isaky ny asabotsy sy alahady.
⚠️ Ho an’ireo faritra rehetra:
-Mitohy ny couvre-feu « 09 ora alina-04 maraina »
-Mikatona ny « bar ,espace, karaoke »
-Misokatra ny trano fisakafoanana fa ny antsasany mpanjifa ihany no azo raisina
-Mikatona ny toeram-pivavahana rehetra
-Misokatra ny Tsenam-pokotany ary olona iray ihany no tokony miantsena isan-tokantrano
-Entanina hatrany ny tsirairay hanatona haingana Toeram-pitsaboana raha vao misy soritraretina.
-Azo atao ny mitatitra entana sy vokatra
-Tsy mahazo mivezivezy ny Razana. Tsy mihoatra ny olona 10 ny mpandevina raha matin’ny Covid-19
-Hisy fasan’ny firaisam-po ho an’ireo lavon’ny Covid-19
-Voarara ny mamory olona mihoatra ny 50
-Tsy miasa ny olona marefo ary ireo orinasa mampiasa olona mihoatra ny 500 mahery dia atao mifandimby ny mpiasa ary ny antsasany ihany no miasa.