02/09/2022
Indraindray toa mandiso fanantenana ny zava-miseho...
Eny tokoa, tsy voatery hanorana foana ny andro, fa indraindray mandalo ny fahamainana...
Misy fotoana indraindray mivavaka ihany isika nefa tsy mety mahita fisandratana...toa mifikitra mafy amin'i Jehovah ihany isika nefa ny mahagaga dia toa ny teo ihany no teo.
Eo indrindra anefa ianao no mila manapa-kevitra, fa mbola vonona ny hahatoky an'i Jehovah foana...
Na inona na inona hiseho, aoka ny fonao tsy mba hiala Aminy.
Fa Andriamanitra mizaha toetra Izy, ary mamaly soa izay rehetra vonona ny hatoky Azy hatramin'ny farany...
Ahoana moa no voalaza ao amin'ny Bokin'ny habakoaka?
fa na dia tsy mamontsina aza ny aviavy,
Ary tsy misy voany ny voaloboka,
Nefa izaho dia mbola hifaly amin'i Jehovah ihany Sy hiravoravo amin'Andriamanitry ny famonjena ahy.»
[Hab 3:17]
Ny fanontaniana tokony hapetrakao amin'ny tenanao anio dia tsy ny hoe, mety mbola hibaliaka ihany ary ve ny masoandrom-piainako?
Fa anio, aorian'ny namakianao ity hafatra ity dia ny fanontaniana tokony hapetrakao amin'ny tenanao dia ny hoe hatraiza ny fahatokiako an'i Jehovah?
Ny zavatra tena tiako ho azonao androany dia miankina amin'ny fahatokianao Azy no ahafahanao mitsambina mihoatry ny fefy izay eo anoloanao...
Tsotra no azoko lazaina anio, raha mbola vonona ny hatoky an'i Jehovah ianao dia tsy maintsy hia-mamiratra foana ny fiainanao na dia mety mandalo aizim-pito aza ianao amizao fotoana izao...