BARAWA FM ALAOTRA

BARAWA FM ALAOTRA Contact information, map and directions, contact form, opening hours, services, ratings, photos, videos and announcements from BARAWA FM ALAOTRA, Radio Station, Ambatondrazaka.

Fampitam-baovao avy amin'ny talem-paritry fanabeazam-pirenena Alaotra Mangoro .Ny fanambarana toetr'andro farany ny hari...
03/02/2025

Fampitam-baovao avy amin'ny talem-paritry fanabeazam-pirenena Alaotra Mangoro .

Ny fanambarana toetr'andro farany ny hariva teo dia milaza fa mahazo filazana loza miloko mavo isika Alaotra Mangoro amin'ity rivodoza FAIDA ity, rehefa natao ny fifampidinihina tamin'ireo manampahefana dia tapaka fa hatsahatra ny fampianarana rahampitso talata faha 4 febroary mba ho fisorohana ny loza.

Izany dia manerana ny Faritra Alaotra Mangoro ary miverina avy hatrany raha vao lasa ny rivodoza.

Manentana ny rehetra ho mailo hatrany ary hanamafy ny sekoly ary ametraka ireo fitaovana aminy toerana voaharo.
Manentana hatrany koa aminy fampitam-baovao ara-potoana mba hazoana mandray fepetra malaky.

Mankahery ny rehetra.

📷sary fanehoana

KAOMININA TANAMBE DISTRIKAN'AMPARAFARAVOLA FARITRA ALAOTRA MANGORO.Fanokafana amin'ny fomba ofisialy ny fizarana masombo...
03/02/2025

KAOMININA TANAMBE DISTRIKAN'AMPARAFARAVOLA FARITRA ALAOTRA MANGORO.

Fanokafana amin'ny fomba ofisialy ny fizarana masomboly vary safiotra sy hanam-pamokarana .

Tonga nitondra fanampiana ho an'ny tantsaha ny filoham-pirenena Andry RAJOELINA .

Tantsaha 1400 isa no nisitraka masomboly vary safiotra avy amin'ny fitondram-panjakana mba ho entin'izy ireo miatrika ity taom-pambolena ity.Olo-manan-kaja maro no tonga nanontrona izao fahatongavan'ny filohan'ny repoblika tao Tanambe izao ny alatsinainy 3 febroary 2025.

Nisaotra manokana ny filoha Andry RAJOELINA ny Goverinoran'ny Faritra Alaotra Mangoro Dr Guy RAMAROSANDRATANA tamin'ny fandraisam-pitenenana izay nataony no sady nisolotena ny vahoaka, tamin'ny fanampiana ireo tantsaha.

Hetsika handrasan'ny maro amin'ity volana febroary ity.Samoela au Grand Complet miaraka amin'ny matôsy goavam-be .Zoma ...
01/02/2025

Hetsika handrasan'ny maro amin'ity volana febroary ity.Samoela au Grand Complet miaraka amin'ny matôsy goavam-be .Zoma 28 febroary 2025 ao amin'ny Espace Zary Ambatondrazaka no fotoana.

Notontosaina tao amin'ny Espace Vahiné Madiotsifafana Ambatondrazaka ny famindram-pitantanana teo amin'ny ben'ny tanàna...
01/02/2025

Notontosaina tao amin'ny Espace Vahiné Madiotsifafana Ambatondrazaka ny famindram-pitantanana teo amin'ny ben'ny tanànan'Ambatondrazaka teo aloha RATIANARIVO Roger Cyprien, sy ny ben'ny tanànan'Ambatondrazaka vaovao RATAFITA Soloarivony Fanantenana.Olo-manakaja maro sivily sy Miaramila no tonga nanontrona izany ny zoma 31 janoary 2025.

Tontosa ny famindram-pitantanana teo amin'ny ben'ny tanànaANDRIANOTOPOINA Onja Béatrice izay hitantana indray ny kaomi...
29/01/2025

Tontosa ny famindram-pitantanana teo amin'ny ben'ny tanàna
ANDRIANOTOPOINA Onja Béatrice izay hitantana indray ny kaominina Suburbaine Ambatondrazaka sy ny ben'ny tanàna teo aloha Atoa RABEVASON Hajatiana Germain tao amin'ny biraon'ny kaominina Suburbaine teto Ambatondrazaka , ny alarobia 29 janoary 2025 .
Anisan'ny nitarika isam-bato ambony amin'ireo mpilatsaka hofidiana moa ity ben'ny tanàna vaovao avy amin'ny antoko Freedom ity.Tonga nanatrika tao ihany koa ireo mpanolontsaina, izay fantatra fa miisa 5 ny an'ny antoko Freedom raha 2 kosa ny an'ny Irmar.

📻Rahampitso ao anatin'ny fandaharana ZAVA-MISY ny andinindininy.

Mpanakanto zanakin'ny faritra Alaotra :Tao anatin'ny 2 herinandro monja dia tsy afaka ambavan'ny mpankafy teto amin'ny B...
29/01/2025

Mpanakanto zanakin'ny faritra Alaotra :

Tao anatin'ny 2 herinandro monja dia tsy afaka ambavan'ny mpankafy teto amin'ny Barawa fm ny hiran'i Jean Alain mitondra ny lohateny: Hiova.

Araka ny fangatahan'ireo mpihaino marobe eto amin'ny Barawa fm 101Mhz dia ho vahiny eto amin'ny onjam-peo i Jean Alain ny alakamisy 30 janoary 2025 amin'ny 11ora atoandro.

Ambatondrazaka renivohitra :Fanafihana mitam-piadiana, mandray andraikitra ny Polisim-pirenena.Olona 4 voasambotra.Nir...
27/01/2025

Ambatondrazaka renivohitra :

Fanafihana mitam-piadiana, mandray andraikitra ny Polisim-pirenena.Olona 4 voasambotra.

Nirefodrefotra ny poa-basy tao amin'ny fokontany Ampasambazimba ny alahady 26 janoary 2025 tokony ho tamin'ny 1 ora sy sasany tolakandro,tamin'ny tokantrano iray izay fantatra fa mampiantrano andian'olona mpanao fanafihana mitam-piadiana.

Raikitra ny fifampitifirana teo amin'ny Polisy sy ny Jiolahy ary olona 4 no voasambotra miaraka amin'ny fitaovana sy entana nangalarin'izy ireo.Lehilahy iray no tafaporitsaka nandositra tamin'io fotoana io noho ny hamarohan'ny olona nijery ka nanano sarotra ny fisamborana ,izay efa fantatra moa ny mombamomba an'ity lehilahy ity.Manentana hatrany ny Polisim-pirenena Alaotra Mangoro mba tsy hitangorona rehefa manatanteraka ny asany izy ireo ka hanamora izany.

Rahampitso talata ao anatin'ny fandaharana ZAVA-MISY ny antsipirihany.

Lozam-pifamoivoizana teo amin'ny lalam-pirenena faha 44,eo ho eo amin'ny 12 km tsy hidirana ny tanànan'Ambatondrazaka a...
26/01/2025

Lozam-pifamoivoizana teo amin'ny lalam-pirenena faha 44,eo ho eo amin'ny 12 km tsy hidirana ny tanànan'Ambatondrazaka antsoin'ny maro hoe "lalan-dratsy".

Olona 2 no maty tsy tra-drano.

Avy nijery tanim-bary tany ampitandrefana ireto mpivady izay nandeha "Moto" ireto ka saika hamonjy fodiana aty Ambatondrazaka no tratran'ny lozam-pifamoivoizana ny tolakandro teo, 12 km tsy hidirana an'Ambatondrazaka,lalana antsoina hoe "lalan-dratsy".Maty tsy tra-drano izy mivady nohon'ny fifandonana mafy tamin'ny fiara 4*4 iray avy aty Ambatondrazaka saika hihazo an'i Toamasina.

Efa voatazona hanaovana fanadihadihana ny mpamily an'ity fiara 4*4 ity amin'izao fotoana izao noho ny hezaka natao'ny Polisy.Fantatra moa fa mponina ao amin'ny fokontany Madiotsifafana Ambatondrazaka izy mivady maty vokatry ny lozam-pifamoivoizana ireto.

Rahampitso alatsinainy ao anatin'ny fandaharana ZAVA-MISY ny andinindininy.

atolotry ny sosialin'ny mpiasan'ny faritra Alaotra Mangoro.
23/01/2025

atolotry ny sosialin'ny mpiasan'ny faritra Alaotra Mangoro.

Fifampiarabahana nahatratra ny taona vaovao 2025,taranak'i Juliong sy Ratiaray tao amin'ny Espace Vahiné Ambatondrazaka ...
20/01/2025

Fifampiarabahana nahatratra ny taona vaovao 2025,taranak'i Juliong sy Ratiaray tao amin'ny Espace Vahiné Ambatondrazaka ny alahady 19 janoary 2025.

Ambatondrazaka:Nidina an-dalambe mitaky ny famoahana ny namany ireo mpandrafitra sy mpikirakira hazo. Vahoaka mitondra ...
17/01/2025

Ambatondrazaka:

Nidina an-dalambe mitaky ny famoahana ny namany ireo mpandrafitra sy mpikirakira hazo.

Vahoaka mitondra sora-baventy sy sioka kiririoka no nanaitra ny rehetra io maraina io namakivaky ny tsena sy ny tanànan' Ambatondrazaka, izay mitaky ny hamoahana ny naman'izy ireo voasambotra .

Fantatra fa Voamboana sy hazoala maro no saron'ireo tompon'andraikitra ary nisy olona maromaro voasambotra tamin'izany,ka izao niafara tamin'ny fidinana andalambe izao.

Nidina ifotony ireo mpitandro filaminana miodidina izany ary misy ny fifampiresahana ao amin'ny biraon'ny Prefektiora Ambatondrazaka amin'izao fotoana izao,miaraka amin'ireo tompon'andraikitra isan-tsokajiny ,miato ny fidinana andalambe hatreto.

Rahampitso ao anatin'ny fandaharana ZAVA-MISY ny andinindininy.

LEZAMA:An' isany ho kintana vaovao ny mozika aty amin'ny faritra Alaotra Mangoro tsy ho ela i Lezama , hamoaka ny sanga...
15/01/2025

LEZAMA:

An' isany ho kintana vaovao ny mozika aty amin'ny faritra Alaotra Mangoro tsy ho ela i Lezama , hamoaka ny sangan' asany voalohany tsy ho ela izy , ary heverina fa hanana ny lazany tokoa atsy ho atsy satria sady tsara feo no mahay mamorona , indrindra ny gadona sy ny fandrindrana izay matianina tanteraka .

📻Ho henontsika eto amin'ny onjam- peo tsy ho ela izany kanto vaovao izany.

Ambohiboatavo kaominina Ampitatsimo distrikan'Ambatondrazaka :Fanafihana mitapiadiana, olona 3 no maty. Tokony tamin'ny ...
10/01/2025

Ambohiboatavo kaominina Ampitatsimo distrikan'Ambatondrazaka :

Fanafihana mitapiadiana, olona 3 no maty.

Tokony tamin'ny 9 ora sy sasany maraina ny faha 10 Janoary 2025, mpanampy iray izay saika hanome sakafo vorona no nahita ilay renim-pianakaviana mitsotra amin'ny tany mihosondrà voatsindry vatobe ny lohany , ary io no niantso ny fokonolona , nojerena ka zaza iray 10 taona ihany koa noa maty nozerana vatobe tsy lavitra io razana voalohany io .
Renim-pianakaviana iray hafa koa no hita nalemy nihosondra tsy lavitra teo,ka io no nifandrombahana novonjena nalefa tamin'ny hopitaly, ary indrisy fa tsy tana intsony ny ainy satria nisy ratra lalina tamin'ny lohany .

Razana 3 izany no mitsotra amin'ny tokatrano iray ao Ambohibotavo amina'izao fotoana ,mandray andraikitra ny mpitandro ny filaminana ahitana zandary ,polisy ,miaramila . Olona iray aloha no efa voasambotra vokatry ny ezaky ny mpitandro ny filaminana.

Rahampitso ao anatin'ny fandaharana ZAVA-MISY ny antsipirihany.

Ambatondrazaka renivohitra :Nirotsaka ny orana,mibaribary sahady ny fahatsetsenan'ny lakan-drano vokatry ny fanariana fa...
07/01/2025

Ambatondrazaka renivohitra :

Nirotsaka ny orana,mibaribary sahady ny fahatsetsenan'ny lakan-drano vokatry ny fanariana fako anaty tatatra.Tokony hisy ny fiaraha-mientan'ny rehetra amin'ny fanadiovana ny tanàna.

🌧️Tongasoa eto Ambatondrazaka ny rotsak'orana. Velombolo ny rehetra.Misaotra ilay Nahary.
07/01/2025

🌧️Tongasoa eto Ambatondrazaka ny rotsak'orana. Velombolo ny rehetra.Misaotra ilay Nahary.

Tany kininina ao Soavalivato kaominina Andilamena:Misy olona miditra an-keriny milaza tompon'ny tany mitondra mpitandro ...
06/01/2025

Tany kininina ao Soavalivato kaominina Andilamena:

Misy olona miditra an-keriny milaza tompon'ny tany mitondra mpitandro filaminana, misy vehivavy ihany koa maka sary tsy nahazohana halalana ary mamoaka vaovao tsy marina.

Tany kininina 30Ha misoratra amin'ny anaran'i RAMAROSANDRATANA Guy,T.N°170-DR tamin'ny 2018 miaraka amin'ny taratasy fazahoan-dalana hitrandraka kininina amin'io tany io N°31-24/MEDD/SG/DREDD ALM/EXFO/CEF.AND.

Raha tsiahivina dia tanin'ny Ray amandrenin'izy ireo io tany io hatr'izay , izay natolotra ny zanany voalaza anarana etsy ambony ,ary izy no nikarakara ny taratasy ara- panjakana rehetra izay efa vita aradalana , mamboly kininina ao ry zareo no manana taninjanankazo manokana ka rehefa avy mikapa dia mamboly indray.

Gaga izy ireo nahita ireto olona niditra an-keriny tao nitondra mpitandro filaminana milaza ho tompony saika hisambotra ireo mpiasa , nisy vehivavy ihany koa naka sary ka namoaka vaovao tsy marina izay handraisana andraikitra.

Nanambara i Maître RAKOTOMANANA Hery mpisolovava fa hitan'ny masony ny taratasy mikirakira fa an'i RAMAROSANDRATANA Guy ilay tany no ara-panjakana.Tsy vitan'ny fisandohana ny tany ihany fa mbola namitaka mpitsara ireto voalaza fa niditra an-keriny,nanala baraka ary mbola namoaka vaovao tsy marina hoy ny fanazavana.Eo ampandinihina io tranga io moa ity mpisolovava ity amin'izao fotoana izao ka hatolotr'izy ireo ny fitsarana tsy ho ela.

Mpanolontsaina ara-politika mpiara-miasa akaiky amin'ny Dr RAMAROSANDRATANA Guy dia nanentana ny mba hanajanonana amin'izay ny fifanenjehana sy ny fifanaratsihana izay tsy hita ny mahatsara azy,indindra moa ireo mpanao politika sasantsasany aty Alaotra.

Rahampitso ao anatin'ny fandaharana ZAVA-MISY ny antsipirihany.

Ambatondrazaka renivohitra :Raim-pianakaviana nibora-tsinay voatsatok'antsy.Avy nitsangatsangana ity raim-pianakaviana n...
02/01/2025

Ambatondrazaka renivohitra :

Raim-pianakaviana nibora-tsinay voatsatok'antsy.

Avy nitsangatsangana ity raim-pianakaviana niaraka tamin'ny vadiny sy ny zanany vavy 13 taona ny harivan'ny alarobia 1 janoary 2025,teo amin'ny lalana mihazo ny Pasazy Madiotsifafana Ambatondrazaka(lalana avy aty amin'ny fivarota-trondro).Tampotampoka teo anefa nisy tovolahy 2 nisintosintona an'io zanany vavy io, mazava ho azy tsy maintsy niaro ny zanany ilay dadany,tsy nampoizina fa nitondra antsy ireo tovolahy ka dia notsatohan'izy ireo ny kibon'ilay Raim-pianakaviana ka niboraka hatramin'ny tsinay, raikitra ny antso vonjy, nandositra ny nahavanin-doza,araky ny fanazavana azo tamin'ny fianakavian'ny lasibatra.

Efa nahazo fitsaboina ao amin'ny hopitalin'Ambatondazaka ilay rangahy ny harivan'io ihany,efa eny anivon'ny mpitandro filaminana koa ny raharaha,mbola karohina izy roalahy.

Rahampitso ao anatin'ny fandaharana ZAVA-MISY ny antsipirihany.

Fandaharana "Tube Sihanaka" eto amin'ny Barawa fm ,natokana ho an'ny mpanakanto mpihira zanakin'ny faritra Alaotra.Hanom...
02/01/2025

Fandaharana "Tube Sihanaka" eto amin'ny Barawa fm ,natokana ho an'ny mpanakanto mpihira zanakin'ny faritra Alaotra.

Hanomboka tsy ho ela indray ity fandaharana ity hanomezana sehetra ho an'ny mpanakanto zanakin'ny faritra Alaotra.Aza misalasala manatitra ny sangan'asanao aty amin'ny studio ny Barawa fm Tanambao Ambatondrazaka , manomboka ny alatsinainy 6 janoary 2025 . Fanazavana fanampiny :034 97 957 24.

Address

Ambatondrazaka

Telephone

+261349795724

Website

Alerts

Be the first to know and let us send you an email when BARAWA FM ALAOTRA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BARAWA FM ALAOTRA:

Videos

Mpanakanto zanak'Ambatondrazaka: Yalyjo- Mibebaha

🚨Ô le gaogna a🚨 Mitandrema fa lahitokana ny aina. 🎦Horonantsary nidramina.

Mpanakanto zanakin'ny faritra Alaotra : Miala any ny hira vaovao miaraka amin'ny clip! #Tiavina_Raoelison: Ny ety an-tany,ankafizo ary.

Manoloana ny tranga nisy tamin'ny TV Plus Ambatondrazaka alina dia nanao fanambarana ny holafitry ny mpanao gazety eto Madagasikara.

Toy izao ny rodorodon'ireo vahoaka avy ao Mangalaza ny andron'ny omaly hihazo ny fonjan'Ambatondrazaka.Efa nilamina moa ny raharaha satria nisy ny fifampiresahana teo amin'ny lehiben'ny fampanohavana Ambatondrazaka sy ny solontenan'ny vahoaka.

Tsenabem-paritry ny asa-tanana sy ny hai-tao Alaotra Mangoro,ny 31 may hatramin'ny 04 jona 2023 eo amin'ny ROND POINT JOVENA AMBATONDRAZAKA.

AMBATONDRAZAKA RENIVOHITRA MITOMBO ISA IREO SRI-LANKAIS,MANDRAY ANDRAIKITRA NY ZANDARIMARIA. Fisavana atontan- taratasy fahazaoana mipetraka eto Ambatondrazaka sy ny taratasy fanangonana vato no nataon'ny zandary tamin'ireo Sri-lankais ny zoma 28 oktobra 2022,fantatra mantsy fa efa misy "Shop" maromaro izay fividianana vato no mihidy eto Ambatondrazaka. Nampiakapeo ity lehilahy iray miaraka amin 'ireo sri-lankais fa misy olona ambony miaro azy ireo,eny fa na ireo mpanao gazety maka sary aza dia nalainy sary fa alefa any amin' olona ambony miaro azy ireo ,Tsy nisy taratasy fanangonana vato teny amin izy ireo ary dia nilefa niala an' Ambatondrazaka ny ankamaroan ireto sri-lankais ireto,fa ireo manambady gasy sy manana karapanondro gasy kosa no nijanona miaro ireo namany .Ireo manana karapanondro gasy aza dia mahagaga fa tsy mahay teny Malagasy. Arahinao amin'ny fandaharana zavamisy rahampitso amin'ny 07:30 maraina ny andinindininy.

26 juin 2022 Espace Laza Ambatondrazaka.REBIKA-LOLA-NJAKATIANA.

26 juin 2022 Batanimena Ambatondrazaka :LICO KININIKE-BARINJAKA

26 jona 2022 Ambavahadin-jozoro Ambatondrazaka: JEAN AIME-ANDRESS- MALM.

01Mai Betanimena Ambatondrazaka :Mario, Raiven, Jerry Marcos.

Mivoaka ny hira vaovaon 'i Isaac de Paul mitondra ny lohateny hoe :"Mandrosoa "hira ara -pilazantsara miavaka no tsara. Manasa antsika aty amin 'ny faritra Alaotra ankafia izany.

Shortcuts

Share

Category