دخلت lgoolge بغيت نكتب شنو بغيت ملي قريت كول واحد وشنوا كيتمنى نسيت
وانت مادا تتمنى 😞
09/07/2023
انا رجعت تاني ةوسمحوليا على هاد الغبرة
🙂🙂
كنكره الماسك الإجتماعي لي كتفرض علينا الحياة نلبسوه، كنكره النفاق الإجتماعي لي مجبرين نتحملوه باش نعيشو ديك الحياة لي كيسميوها "طبيعية" وخا ماعرفتش شنو الطبيعي فيها بل كتجيني فالحقيقية مثيرة للإشمئزاز.
كنكره أننا كنديرو هدشي غير باش : نحافضو على مظهر إجتماعي مقبول، لمجرد يكونو عندنا صحاب وعائلة، وناس محتاجينهم بزز منا. لمجرد نقضيو أغراضنا مع الناس بشكل سلس، مانتصادموش معاهم فكل مرة ومنتسماوش مرضى عقليين وغرباء الأطوار.
كنكره حتى نقول السلام لأغلب الناس لي ما كيهمنيش فالحقيقة حالهم سواء كانو بخير أو شنقو راسهم بشي حبل. كنكره أني مجبر نتبع code معين فالتواصل والحديث، ونبدي اهتمام بال bu****it ديال الناس لي ما كتحرك فيا والو.
كنكره ديك المبادرة لي مفروض عليا نديرها كل مرة لمجرد أني نبين أني مكنتعاملش مع بعض الناس لي معندي معاهم أي قوسم مشتركة غير على قبل مصلاحتي، اللي هي السبب الحقيقي فأغلب الأوقات.
والأسوا أني كنكره أني فاش كنبدل مجهود لي أصلا مباغيش نبدلو باش نكون socially friendly — لي هو شي حاجة معارضة لطبيعتي — باش فالأخير نتلقى رد باهث كيخليني نكفر وندير بالناقص.
أنا مكنكرهش الناس، أو التعامل معهم، أنا كنكره الطريقة اللي كتفرض عليا الحياة باش نتعامل بيها معاهم. كيفاش كتلوي ليا المصالح ديالي دراعي وكتفرض عليا ندير شي حويج ما كنحملهمش ونتصرف بطرق مكتشبهنيش. نخبي شخصيتي الحقيقية ون projeter وجه آخر على برى.
كون أكيد أنو إلى معندكش موارد مادية كافية باش تنقز هادشي كامل وتعفي راسك من هاد ال bu****it غتعاني إجتماعيا. الفلوس وبزاف ديال الفلوس هي الشيء الوحيد لي غدير ليك autoroute لدكشي لي بغيتي بلا ماتملق هذا وتنافق هداك. هي الشيء الوحيد لي غيحرر شخصيتك الحقيقية من الضغط ديال المجتمع والحاجة. ويخليك إنسان صريح معندوش 10 وجوه. غير ذلك عمرك تقدر تحرر من الضغط الإجتماعي وال conformité، راك غاكتكذب على راسك.
ماغتكون حر إلا نهار تنفاصل مصلحتك على شخصيتك. أمام مادام هاد الجوج مرتبطين فأنت غتبقى ديما سجين و alienated.
نتا مغترب ماشي حيت الناس مكيبغيوكش ومكيفهموكش، بل لأنك مغترب وبعيد على ذاتك وشخصيتك الحقيقية وحياتك كلها نفاق وتمثيل، نهار تقدر تعبر على نفسك بحرية، بدون شروط، بدون تحفض وبدون خوف أن تخسر شي حاجة، داك النهار غتعانق السعادة والرضى عن الذات.
01/12/2022
07/08/2022
سيأتيك يوم تخسر فيه نفسك تماماً. قد يحدث ذلك حين تفقد شخصاً عزيزاً عليك أو عندما ينكسر قلبك أو حين تحاول إرضاء الجميع أو عندما تتعرض للخيانة من شخص لم تكن تعتقد أنه سيخونك أبدأ. و عندما يحدث ذلك سيكون من المدمر للغاية أن تبدأ في فقدان نفسك ... رويدا رويداً. ويوماً بعد يوم، شيئاً فشيئاً، سوف تفقد أجزاء منك وفي النهاية ستفقد نفسك تماماً. حينها سوف تتساءل، إن كان باستطاعتك أن تجد نفسك مجدداً. ثق تماماً أنك ستفعل. ويوما ما ستجد نفسك مجدداً، ولكن حين يحدث ذلك، لن تكون شخصك القديم، ستكون ذلك الشخص الأقوى والأكثر حكمة من السابق، ستكون شخصك الجديد والشخص الذي لن يضيع مرة أخرى ... أبداً!
06/08/2022
بالعربية لبغى نبداو قصص واقعية فيها تجارب واستفادة يسروليا وانا معاكوم كاينة
(العربية . الدارجة . الفرنسية .)
Vase up
Be the first to know and let us send you an email when ÀBDè/hàChimi posts news and promotions. Your email address will not be used for any other purpose, and you can unsubscribe at any time.
