03/12/2020
واك واك الحق 😢😢😢
في سابقة في العالم وفي الكرة الأرضية وغير هنا وبالضبط فجماعة فأنيف دوار عمار .
هاد السيد لي فالصورة سميتو جبور محمد من جماعة انيف خدم عمرو كامل #فرنسا ، رجع للمغرب بغا يدير مشروع سياحي ويخدم فيه ولاد البلاد ويعطي اضافة زوينة لأنيف بالضبط دوار عمار . لاكن الناس لي تما صحاب الفنادق والسماسرة دارو ليه اكبر عرقلة لدرجة حرب العصابات ومرارا وتكرارا تعرض للضرب من طرف مجهولين وكانو كيجيوه رسائل للرقم ديالو من ارقام مجهولة كيطلبو منو الإفراغ والعودة لفرنسا . والمشكل الٱخر انه غادي يدخل في صراعات فالمحاكم بسبب انه دارو ليه انه الطريق لي كتدي للمنتجع ديالو خصها تحيد رغما انه كاين وثائق كتبث الحق لي عندو فالطريق مع العلم انه سبق ليه وحصل على حكم كيثبت الحق الكامل لي عندو فالطريق . والسيد راه خسر اموال ضخمة فالمشروع والمحاكم ومزال دبا مسكين فالصداع اش هاد العبث ؟؟ اش هاد السيبة ؟
واش هكا كنشجعو المستثمرين ؟؟ واش هكا كنديرو لشي واحد لي جايب مشروع باش يخدم ولاد البلاد ؟؟ و السؤال ايضا لأصحاب المنتجعات السياحية لي فنفس البلدة راه الرزاق الله وحطو راسكم بلاصتو وشوفو واش تبغيو شي واحد يمنعكوم من انشاء مشروع ؟
انحط ليكم فيديو فأول تعليق فيه المعانات والمشاكل لي لقا .
(نتمنى من كل المنابر الإعلامية والصفحات والنشطاء يتدخلو فهاد القضية وينشرو باش الرأي العام والسلطة تعرف ما يقع داخل هذه الجهة ) .
#بارطاجي #الراشيدية #النيف #عمار #مستثمرين #مستثمر #فضيحة #مشروع #ارفود #الريصاني