Nezha Akermoud

Nezha Akermoud صفحة ذات محتوى متنوع �

25/06/2020

تتمة ...
9*💎مسابقة الإمام : ياك اودي لاباس الإمام يالاه كال الله اكبر ونتا كملتي التسبيح فين غاادي فين اوا غاادي ، راه اسيدي قالك عن أبي هريرة رضي الله عنه قال : قال رسول الله صلى الله عليه وسلم " أما يخشى أحدكم إذا رفع رأسه قبل الإمام أن يجعل الله رأسه رأس حمار أو يجعل صورته صورة حمار وهي عقوبة يستحقها من فعل ذلك " ايوا بقا لاعب تما الماراطون مع الإمام تاتولي حمار دبصح 🙄
10*💎قراءة القرآن في السجود والركوع : نتا حياتك كاملة كاتصلي بسورة الناس وسورة الفلق وزيد قراها تا فالسجود والركوع لاحول ولا قوة إلا بالله 🤦‍♀️ اسيدي راه كالييك : عن ابن عباس رضي الله عنهما قال : كشف رسول الله صلى الله عليه وسلم ستاره والناس صفوف خلف أبي بكر فقال : " أيها الناس إنه لم يبق من مبشرات النبوة إلا الرؤيا الصالحة يراها المسلم أو ترى له ألا وإني نهيت أن أقرأ القرآن راكعا أو ساجدا فأما الركوع فعظموا فيه الرب عز وأما السجود فاجتهدوا في الدعاء فقمن ان يستجاب لكم "
وأخيرا هدانا الله وإياكم وأرشد خطانا إلى الطريق الصحيح 💜 نتمنى نكون فدتكوم ولو بالقليل 🌸
أحبكم ❤

22/06/2020

♡●سن المراهقة 🌸

●●●كيف تستغل سن مراهقتك بشكل صحيح ؟
كاينين بزاف دالخوايج بامكانك ديرهوم ولي كاتخليك تستغل سن مراهقتك بشكل صحييح وايجابي نحو النجاح لي غادي نلقيو الضوء عليها عبر 10 خطوات او مراحل :
🌷 1 : "اجتهد في دراستك " : حبب لك الدراسة في هذه المرحلة ايلا بغيتي توصل المراتب الراقية بحيث انه بالعلم نصل الى ارقى مراتب النجاح .
🌷 2 : " غدي فضولك " : كايكون الشخص المراهق دائما أكثر فضولا من الأشخاص العاديين ودائما ماكايبحث على شي حاجة يغدي بيها فضولو ، إذن ؛ كن ذكيا في اختيار افضل الأغدية (( كمطالعة الموسوعات والكتب المفيدة والاستكشاف ....)).
🌷 3 : " ساعد الناس واطلب المساعدة " : عمرك تحشم من طلب المساعدة ايلى حتاجيتيها غير ماتعيقش تاني باش ماتكونش مكروه ، وكذلك اي حاجة او اي مساعدة استاطعتي تقدمها لشيحد ماترددش هادشي راه غاينفعك حتى نتا بحيث انه في علم النفس أقل الأشخاص اصابة بالاكتئاب في العالم هم الأشخاص التطوعيون لي كايقدموا المساعدات .
🌷 4 : "ضع اهذافك انطلاقا من اهتماماتك ونقاط قوتك " : قدما تعلقات اهذافك باهتماماتك قدما اصريتي على تحقيقها وعطيتي كل ماعندك باش توصل ليها ، وحاول دائما تبسط اهذافك من صغيرة الى كبيرة من قريبة الى بعيدة وكذلك رتبها حسب الأهمية .
🌷 5 : " السعادة والاحترام " : هاد جوج دالمبادئ تشبت بيهوم بزاف وماتخصرهومش ، احتارم واليديك خوتك جيرانك اساتذتك و اصدقائك قدما كنتي محترم قدما تحتارمتي ، ماتنساش مرة مرة تسعد الناس لي قراب ليك وحتى لي بعاد باشما قديتي لاماقديتي على والو باراكا غا ابتساامة 'شحال كاتفررح ملي كاتشوف فشيمد وكايبتاسم ليك 😊' .
🌷 6 : "احسن اختيار اصدقائك " : فهاد المرحلة بالضبط كايكونو صحابك بمثابة عقلك ايلى كانو نقيين غايكون عقلك حتى هو نقي وقدما كانو موسخين قدما كان عقلك حتى هو خامج ( مكانهضرش على الحوايج ولا المظهر داويا على الأخلاق😒) .
🌷 7 : " كن نشيطا" غالبا ماكايكون الشخص المراهق كايملك واحد الطااقة فششكل غير كل واحد وكيفاش كايخدمها وفين كايفرغها لدى عرف راسك فين كاتفرغ طاقتك وماتضيعش عمرك سدى (( الرياضة ، تعلم اللغات ، الرحلات ، الانخراط في الجمعيات ...)) ....

21/05/2020

**الشخصية القوية 💪🌹
السلام عليكم ورحمة الله تعالى وبركاته البنات لاباس عليكوم كانتمنى تكونو كاملات بألف خير المهم أحبيباتي أغزالاتي ههه ماكايناش شي وحدة فينا مابغاتش تكون عندها شخصية قوية 😎 . ولكن كاينين البعض لي مافاهمينش أصلا شناهية قوة الشخصية أو فاش كتكمن ؟ فمثلا كاينين لي كيضنو بلي الحكرة والسبان والترجليييت ( لعن الله المتشبات بالرجال ) دليل على قوة الشخصية بينما هادشي بالعكس إن كان يدل على شيئ فإنه كايدل على ضعف شخصيتك و انعدام أخلاقك و صورة سيئة على تربيتك وسمحوليا البنات ولكن هادشي لي كاين 😑
مهم ههه 😁 :
🌼أولا : الشخصية القوية راه قليل فين كاتكون فطرية يعني قليل فين كايكون الإنسان من صغرو شخصيتو قوية ، الأغلبية ديال الناس لي كاتشوفي شخصيتهوم قوية راه هوما بناوها لراسهوم وأكيد عاشو بزااف دالحوايج والمشاكل لي خلاتهوم يقويو شخصيتهوم لهذا ديما مشاكلك ماتخليهومش ايحطموك بالعكس بني بيهوم راسك وستافدي منهوم 💪
🌼ثانيا : الشخصية القوية هي منين كاتشبتي بأخلاقك وتربيتك في زمن كثرت فيه قلة الحياء وسوء الخلق ، الشخصية القوية هي ملي ماكايقدرش الواحد يستافزك ، الشخصية القوية هي ملي كاتكوني صبورة وهادئة وحكيمة في اتخاد قراراتك لراسك 🌹 .
🌼ثالثا : عمر الملابس مكانو كايعبرو على قوة الشخصية تقدري تلقاي وحدة كاتلبس من أغلى الماركات وماعندهاش شخصية و وحدة خرا غير على قد الحال وعاارفة راسها اش كادير وشنو باغا .😊
🌼رابعا : الشخصية القوية هي ملي يكون فكرك متحرر يعني مااشي ساهل الواحد يلعب ليك بعقلك ويغير ليك أفكارك ومجرى حياتك كاتكوني ديما نتي القائدة ديال حياتك وماكاتدخليش فحياة الناس الآخرين .
🌼خامسا : ماتخليش أي واحد ينقص منك بعذر أنو غير كاينصحك ولا غا حيت عزيزة عليه ايه بصاح عطاك شي انتقاد بناء شيحاجة لي غاتنفعك مرحبا اما باش يبقا غير يهينك بدون جدوى ف Stop 😐 .
🌼سادسا : بغيتي تنجحي فحياتك وبغيتي كاع الناس يثيقو فيك ويشجعوك ثيقي هو الأول نتي فراسك وفقدراتك إيلا نتيي ماثقتيش فراسك أش كاتسناي من الناس الاخرين .
🌼سابعا : اسمعي اكثر ما تكلمي .
🌼ثامنا : ماتكونيش من الناس لي عايشين غا هكاك حطي هذفك فالحياة وخدمي باش توصلي ليه وماتسووقيش لهضرة الناس حيت هوما غايتكلمو غايتكمو سوا نجحتي سوا فشلتي اللهم ماتديهااش فيهوم 🧡
أحبكن 🌹

20/05/2020

**تلاوة القرآن 🌸
السلام عليكم ورحمة الله تعالى وبركاته بغيت نهضر ليكوم اليوم على واحد الحاجة لي مهمة بزااف لي هي تلاوة القرآن حنا كولنا عارفين شحال عندها من فضل فالدنيا وفالآخرة وعارفيين بلي القرآن كايشفع للإنسان وبزااف ديال الحوايج ...💙 ولكن للأسف الأغلبية منا ماكايعطيوش أهمية لهاد الموضوع من رمضان لرمضان و كايخلقو ليه أعذار ( مابقاتش ليا الوقت ...) كايكون عندنا الوقت لكولشي إلا لأعضم رفيق للإنسان حشومة كاع ولهذا جبت ليكوم بعض الحلول لهاد المشكل ❤
💌 أول حاجة خاصك تعرف اينا وقت بالضبط تقدري تفرغ لقراءة القرآن بلا ميشوش عليك حتى شيحد ( مثلا بعد الفجر و قبل النوم )
💌 ثانيا : عرف شنو الهذف ديالك من هاد القراءة و فين باغي توصل وشحال من مرة بغيتي تختمو فالشهر مثلا باش تقدر تدوز للمرحلة الماجية .
💌 ثالثا : حدد عدد الصفحات لي غاتقراها كل نهار وكذلك السور لي باغي تحفظ ( ضروري جدول تنظيم الوقت غايسااعدكوم بزاااف ) .
💌رابعا : حاول ما أمكن فالأول تواضب على القراءة بشكل مستمر واخا يخرجو ليك شي بلانات من الجنب أجل كولشي فديك الوقيتة وقرا ومنبعد إن شاء الله غاتلاحض بأن كاع داكشي لي كنتي كاتوهم راسك بيه فالاول مامنو والو قدام داك القرآن .
💌خامسا : وايااك تبغي تبدى بالحاجة الصعيبة مثلا نتا يالاه باغي تواضب ودير 20 صفحة فاليوم لا غير شوية بشوية تا يتسرح ليك لسانك وماتبقاش تخطأ بزاف عاد كل مرة ختمتي تزيد شوية .
💌سادسا: خلي القرآن يكون أهم من الماء فحياتك ياك مايمكنش تعيش بلا ماء ؟ سعاك يادلي القرآن لي مهم بزااف وملي غاتدوز واحد المدة أقسم بالله تا تبلى بيه تولي ايلى ماقريتيش القرآن فيومك بحال ايلاماعايش كاع غايولي ايجيك أهم من الأوكسيجين 😁
وفقكم الله إحوانب وهداكم إلى الطريق المستقيم .
أحبكم ❤

19/05/2020

نصائح لتعلم اللغات 🌸:
🌹 أولا وقبل كل شيئ هاد اللغة لي باغي تعلمها وكأي حاجة فالحياة باغي تعرف ليها وتقنها خاصك تكون هو الأول كاتبغيها لاكنتي كاتعلمها غير لغرض ما دايز غايجي واحد الوقت غاتمل وماتكملش .
🌹 ثانيا : الإصرار والمثابرة والصبر ، بزاف منا كانزربو كاتبغي اليوم تعلمها غدا تدوي بيها لا خاصك ضروري تعطيها وقيتها ومع الممارسة المستمرة غادي تقنها إن شاء الله .
🌹 ثالثا : عمرك ماتبغي تسبق الحامض على الحنة كيفما كانقولو حنا الأمازيغ 😁 بمعنى مشي مع اللغة ètape par ètape خطوة بخطوة مثلا غير العربية نهار تعلمناها راه تعلمناها شوية بشوية بدينا بالحروف شوية الأرقام ، أيام الأسبوع ، الشهور ، القواعد .....وهكذا مع أي لغة ماتبغيش تجي ديريكت وتبدا تتكلم بيها بطلاقة و ماتدوز للخطوة حتى تكون تقنتي لي قبل منها باش ماتلقاش مشكل من بعد .
🌹 رابعا : ايلا بغيتي تجيك القضية سهلة حاول تخلي اللغة ضايرة بيك مثلا : منشورات بديك اللغة ، قصص قصيرة ، أغاني ، أفلام ، أصدقاء ....
🌹 خامسا : عنداك تنسى الكتابة راه الحاجة لي كتبتيها وقريتيها كاترسخ ماشي بحال الحاجة لي غير قريتيها مع الوقت غاتمشي .
🌹 سادسا : ديما التحفيزات مهمين فأي حاجة بغينا نديروها حيت حنا بطبيعتنا كانملو بعض الأحيان وكانتهاونو وكاتخصنا ضروري شيحاجة لي تحفزنا ( مثلا : تقري هاديك اللغة ، تخدم بيها ، تسافر للدولة لي كاتكلم بديك اللغة ، وعلاش لا تكون داعية للإسلام عن طريق أصدقائك الجدد من بعد ما تعطيهوم صورة زوينة عليه ....) .
وأخيرا وفقكم الله وحاولو ديرو شيحاجة فهاد الحجر الصحي ماتبقاوش غا كالسين راه غاتفوت هاد المدة وتندمو ملي تلقاو راسكوم مادرتو والو .😊
أحبكم 🌺

11/03/2020

أحيانا تأتي عليك بعض اللحظات الفارغة التي تشعر فيها وكأنك جردت من الإحساس بمن حولك تنفصل تماما عن الزمان والمكان ، تركز في نقطة واحدة تللك النقطة التي تجعلك تغوص في نفسك باحثا عن مميزاتك و إنجازاتك ونجاحك تبحث عن أي شيئ يثبت وجودك ؛ فتجد أشيائا تافهة أنت لم تصل بعد إلى أي وظيفة خاصة بك ، وظيفة تتقنها وتحبها وتستمتع بها نتيجة عن تعب وجهد للوصول لها . تبحث وتحلل وتلاحظ ، تأخد كل شيئ بعين الإعتبار . تبقى جامدا طوال تلك اللحظات حتى تتوضح لك الرئية فيلفت انتباهك شعاع مضيئ يكاد لا يرى ذاك الشعاع هو نفسه ذلك الهذف المتواضع الذي كان حافزا لك في الحياة والذي كنت تطمح إليه وتتمنى تحقيقه وكنت قد بدأت في السعي لنيله لكن ومع مرور الوقت والأيام وتجدد علاقاتك مع البشر من حولك منهم الإيجابي والسلبي منهم المتفائل والمتشائم منهم ذو الهذف ودون الهذف واندماجك في المجتمع الحالي ( الذي تملئه التفاهة ) وكذلك انشغالك في حياتك بالأشياء الثانوية أنساك هذفك الأولي فتجد نفسك قد ضيعت وقتا كثيرا لو استغليته لوصلت مرحلة على الأقل لا بأس بها في تحقيق هذفك همس ذاخلك يناديك للقيام من جديد والتمسك بذاك الشعاع عله ينسيك ما ضيعته ويحفزك على ما هو آت وتسرح ثانية متخيلا نفسك قد حققته و قد نلت ما تريده وتذهب في ذاك الخيال الواسع الذي يعتريك وتستمتع به ناسيا الحقيقة والواقع .
فجأة يأتي شيئ ليوقضك من سهوتك وسرحانك إما شخص أو رنة أو مجرد صوت عابر لتستفيق بعد تلك الدوامة الكبيرة التي خضتها قبل قليل.
بعد استفاقك واستييعابك لما غصت فيه حينها لديك خياران حسب شخصيتك وتفكيرك وإرادتك :
* إما أن تكون ذو الشخصية القوية التي تجددت فيها الإرادة والطموح وتبدأ بالتفكير في كيفية ضبط وقتك ووضع خطة محكمة لهذفك ( حينها تكون تلك السهوة قد أفادتك وأفاقتك من السهوة الحقيقية التي كنت مأسورا لها في حياتك وواقعك )
* وإما أن تكون ذو الشخصية الضعيفة السهل النصب عليها وإقناعها بالخيالات السلبية فتتعذر بضيق الوقت وفوات الأوان عن هذفك وبعدم استطاعتك للتحمل تخلق أعذارا كثيرة للابتعاد والإنسحاب عن هذفك الحقيقي ، فتغير مجرى الأمور ثانية لتحلم بالهذف السابع والعشرين الذي لا يخصك حتى ولا تمدك به أية صلة فقط سمعت أحدهم يتحدث عنه واستطاع إقناعك به .
" إحرص دائما على تطوير ذاتك وشخصيتك وفكرك لتتحلى بقوة الشخصية التي تؤهلك إلى كل ما كنت تراه مستحيلا "

Address

Taroudant

Website

Alerts

Be the first to know and let us send you an email when Nezha Akermoud posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Other Video Creators in Taroudant

Show All

You may also like