الخطاط ياسين بنصبيح

Home
Morocco
Tétouan
الخطاط ياسين بنصبيح

الخطاط ياسين بنصبيح السلام عليكم يا أفضل متابعين عساكم بخير اجميعن ومرحبا بكم في صفحة الخطاط المغربي ياسين بنصبيح..��
(2)

16/02/2025

هل تعلم أخي الحبيب بأن أول من كتب سورة البقرة على جلد البقر في تاريخ الخطاطين. كان هو هذا العبد الضعيف عند الله...☺️ كل هذا بفضل الله وقوته...

12/02/2025

عمل عالمي إن شاء الله... دعواتكم معي🙏🤲

10/02/2025

تحت عنوان (زكاة العلم تعليمه) الناس الي كانو كايطلبوني نعمل لهم دروس عن بعد في الخط المغربي... عندكم فرصة إن شاء الله في شهر رمضان كل يوم بعد صلاة العصر... فقط يتوجب عليكم التوفر على أدوات الخط بالنسبة لمن يريدون مجموعة ادوات الخط.. ساترك لكم الرابط في اول تعليق... ولا تنسوني من خالص دعائكم🙏

07/02/2025

امر غريب والله وقع في مدينة شفشاون... زرت هذه المدينة الرائعة قبل يومين هذه المدينة الجميلة عدد الكلاب الضالة الموجودين فيها يتجولون شوارعها وأزقتها ووسط حدائقها اكثر من عدد سكانها...
وكالة المياه والغابات لم يلاحظو تكاثر الكلاب في مدينة سياحية جميلة باهلها الغيورين عليها... والجميل أن هذه الكلاب كلها معقمة يعني مدوزين الطبيب ومطلوقين تم يعني ماحبسوش ذاك الكلاب وماخداوهمش لشي مركز خاص بهم عرفتي علاش حيت من وحد الناحية ذاك الكلاب ماساوينش الثمن جمعهم كاملين مايعطيوكش ثمن ديال ببغاء واحد من ذاك الببغاوات الي مشاو للاخ حميد الي مسكين مربيهم بحال وليداتو ومعتني بهم وكايعطيو طابع مميز للمدينة..
جاو خداوهم له بداعي انهم بغير واجبات....
هذ الناس الي كايحاربو كل ما هو جميل ماكاينينش غير ف مدينة شفشاون بل في كل مدن المغرب... ناس مراض وحقودين يحاربون كل ما هو جميل... ويدعمون كل ما هو تافه ومخرب💔
الله يعدل شي تاويل ديال الخير لمول ذاك الببغوات مسكين🙏🤲🤲
كل #التضامن✌️

06/02/2025

فوسط مدينتي اتمنى من الله عز وجل حتى حد مايمرض فيها والله..
كانحس بلي المستشفى العمومي أصبح وكأنه مراب للسيارات فقط... يلاه كاتدخل له باش تدوز كايصيفطوك لوحد المستشفى جهة المحطة الطرقية... هذ المستشفى الي جا حدا المحطة جمع جميع الأطباء... فاش كاتدخل لعندهم كاتحس براسك داخل لشي سوق.. صويرور كايتباع فيه. وحتى إذا بغيتي تبات مع المريض كايفرضو عليك تخلص الكاما بثمن أوطيل 5 نجوم...... المستحيل أننا نتقدمو والإنسانية عندنا تباع بمبالغ باهضة... يحسن عوان الي ماعندوش باش يتعالج😥 المسؤلين المستحيل يعطيوك حقوقك ويحسو بك ويعتبروك إنسان بل هم كايزيدو يعفصو عليك ويغليو عليك المعيشة باش حتى من الأكل تبقى بالجوع😥 وحتى ذاك 500درهم ديال الدعم حيدوهالك حيت طلاع لك المؤشر بسبب انك كاتعبأ التلفون😔
الله ياخذ الحق☝️
نصيحتي لك بلا ماتبرطاجي هذ الشي عندك إذا ماكنتيش غاتحس بالدرويش بحالك الي ماقادرش يوصل صوته✌️

04/02/2025

بزاااااف الي كانشوفهم هازين تلفوناتهم وكايصورو المأكولات والمشاكل الأسرية وكاين الي كايسمي راسو فنان وهو عاطيها غير للدوران على المطاعم وأماكن اللبس باش ياكل ويلبس فابور.. وكاين الي عامل مراتو ووليداتو محتوى كايسترزق بهم... هذ الشي الي ذكرت كامل اقسم بالله ماكانعمر به راسي ولا كايهمني.... حاجة وحدة الي كاتخليني نتكلم... وهي أن هذ الشي كايأثر على الجيل الي طالع دب فاش كايشوف بنادم عايش غير بالتلفون... طالع عندنا مع الأسف جيل مفشول
على سبيل المثال قبل وحد 5 سنوات كنت كانعرف ديوثي واحد فوحد الجبل كايصور مراتو... سير دب طلاع للجبال غاتجبر الأغلبية تانسبيراو منه وناضو كايصورو لنا النساء ديالهم وعائلتهم... هذ الشي كايعني أن هذ الشي غادي يزيد يتكاثر عطيتكم المثل بجبالة حيت كانعرف بلي الجبلي يقدار يموت ومايعرضش عليك مراتو بحال شي سلعة رخيصة...
نفس الشي بالنسبة للمدن.. انت ماشي ماعليك مابيك ف الطريق حتى كايوقف عليك شي بارد لكتاف.. اخي واش ممكن نسولوك عندنا وحد المسابقة إذا جاوبتي غاتربح 2. بساسط.... وحنا كانتفرجو ونعلقو واو برافو أحسن محتوى...
والشباب أخرين حتى هم كايتأنسبيراو وكايخرجو حتى هم للشارع.. قالك هذ الدار قديمة كان ساكن فيها وحد اليهودي...
وحنا مساكن متبعين ومشوقين في حياة اليهودي....
بالله عليكم واش إذا بقينا هكذا متبعين غير الخاوي وكانفكرو نجيبو الفلوس باردين. غادي نزيدو شي خطوة للقدام... الصنايعية سمحو في الصنعة ولي كانت عندهم رغبة في الدراسة باش حتى هم يكونو علماء في الدين وعلماء في جميع الإختصاصات وحتى هم يصنعو الطياير ومحركاتهم ولكنهم سمحو في الدراسة والعلم وبغاو الفلوس باردين... المخترع التطواني عبد الله شقرون رحمه الله لو كان حتى هو أثرو عليه باردين لكتاف كاخدو حتى هو والله لا اختارع شي زفتة...
حاليا النجوم هم الي كايخسرو الهدرة وهم الي كاينشرو الشوهات والتبهديلات وهدوك الي مطلعينها بمحتوى ديني وهم أول وحدين كاتلقاهم بالسراول مزيرين ومقطعين وكايدعمو جميع انواع الزنادقة من تحت الطابلة...
بحال هذ النجوم مع الأسف المستحيل يجي شي جيل موراهم فيه منفعة إلا من رحم الله... الاغلبية غادي يقاطعو الدراسة والاغلبية ماغادي يتعلمو لا صنعة ولا والو.... شحال من مؤثر كايبان لنا نجم... إذا جلسنا معه وعطيناه يكتب لنا جملة وحد بالعربية والله لا اكتبها... لأن اغلبيتهم مبنيين على الخاوي. كايعرفو غير يلصقو مقاطع الفديوهات مع بعضها ويطلقوهم علينا هنا... باش كايجيو المغاربة الحنان يطلقوا عليهم إسم (صناع المحتوى)🙄
الله يعمل شي تاويل ديال الخير وصافي المعيشة غلات وحنا مرخصين راسنا بالخاوي💔

04/02/2025

بغينا نعملو غير سلفي يبقى لنا ذكرى... ساعة وقف علينا وحد السيد بغى يصورنا هو طلب مننا اننا نعطيوه التلفون يصورنا... مشيو لأول تعليق تشوفو شكون مول هذ الصواب🥰🥰

02/02/2025

❤️❤️🙏

01/02/2025

من ديما كايعجبني نخدم في الخفاء... سنوات طوال ونا كانستقبل شخصيات وازنة في مدينة تطوان.. وعرفتهم على بزااااف ديال الصناع في مدينة تطوان منهم الصناع الي كايخدمو في مجال الفخار وصناع الجلد والخشب... ديما مكبر بهذ الصناع ومعلي بهم مع الناس الي كانستقبلهم في مدينتي ومنهم من اعترف لي بأنه كان سييترك الحرفة بسبب الركود الإقتصادي... والحمد لله هم اليوم خدامين مع الناس وماشيين مزيانين... بفضل الله عز وجل قدرت نتعامل مع ناس من كل ربوع المملكة ومن خارج المغرب.. وكانعمل الي ف جهدي باش نعرف بثقافة بلادنا الحبيبة... والحمد لله الذي جعل القبول في أعمالي المتواضعة لدرجة أنني اخجل في حالة رفضت بيع لوحتي لمن يطلبها مني... وكما تعلمون في كل لقاءاتي التلفزيونية او عبر أثير الراديو او عبر مواقع التواصل الإجتماعي دائما أذكر إسم مدينتي واعطي كل ما في جعبتي في سبيل إصال ثقافة بلادي...
وفي النهاية اتجازى بالإهمال من طرف مسؤلي مجمع الصناعة التقليدية بمدينة تطوان رغم أنني مسجل معهم. وهم يعلمون أنني عندي افكار الي نقدار نحرك بهم عجلة الإقتصاد للصناعة التقليدية وتحويل المدينة من مدينة الصناعة إلى مدينة الصناعة والإبداع والتصدير
ومنافسة المدن الكبرى
ماعرفتش بالضبط شكون فيهم عاملني ف بالو ومابغيتش نتسرط له... قريبا إن شاء الله سأطل عليكم بعمل عالمي إن شاء الله... وغادي نبقى ديما معلي بمدينتي وبلدي الحبيب رغم كل ما أتعرض له... ولي لقاء في القريب العاجل مع حبيب المغاربة. اللهم احفظه في أهله🤲

27/01/2025

عالم السوشل ميديا نهار كايبغي بنادم يطلع مورك شي حفنة ديال المتابعين كايبدا ماجي مورك حتى للدار يستناك حدا الباب.. وكايبدا يمدح فيك وفينما مشيتي هو تابعك...
ونهار كاتطيح كاتلقى ذاك الشخص الي كنت كاتشرك معه طعامك وأسرارك هو أول واحد خوى بك وطعنك ف ظهرك وتشفى فيك...
كايبقاو واقفين معك غير الوالدين وشي 2 ديال الناس كايعرفوك غير عن بعد ماعمرهم شي نهار التقو بك ومع ذاك كايموتو معك...
بحال هذ المواقف خصهم يخليوك تبدل افكارك وتراجع راسك وماتخلي حتى شي استغلالي يركب عليك👊

27/01/2025

بصفتي خطاط مغربي إبن مدينة تطوان🙏🙏🙏
جيت نعمل راسي على المخدة ونا نتفكر هذ الشاب والله... ما عمري شفتو عامل إشهار لشركة القمر وماعمري شفتو عامل محتوى ديني كايمثل على عباد الله باش في النهاية يقلبها مواسق وسراول مقطعين وماعمري شفتو عامل محتوى بالبنات... هذ الشاب عرفناه نقي مقابل الرياضة والخدمة وماعمري شفتو ناشر صور ولا فديوهات كايشيش أو كايخسر الكلام وفاش كانشوفو كايعمل إشهارات كانفرح له من قلبي... الله يسهل عليه وعلى جميع الشباب الي بحالو... إنتشر اليوم خبر اعتقاله وبقى في والله... سمعت قالك دابز هو وشي حد والطرف الثاني وصل للمستشفى وعمل شهادة طبية الله يشافيه. بعدها مباشرة تم اعتقال الشاب عماد...
عماد يقدار يكون تسرع ويقدار يكون غلط. والطرف الثاني يقدار يكون متضرر بزاااف... كانت لحظة غضب وكان فيها الطرف الرابح هو الشيطان...
السجن والله ماكانتمناوه لشي حد. وبالأخص فاش كاتتصادف مع شي شاب نقي يعني ماعندوش سوابق في الإعتتداء... (الصلح خير) اللهم أصلح ذات البين... من حقك ماتسمحش.. ولكن لا تنسى بأن المسامح كريم..والكرم من شيام الرجال الكرم من شيم الأخلاق...
رسالتي موجهة لعائلة المتضرر والمتضرر شخصيا... أخي الحبيب كن رؤفا بعائلة الشاب لأنهم هم المسجونون ... نعم هذا حقك ومن حقك أن تسامح أو لا تسامح.. والله عز وجل يقول
(وإن تعفوا أقرب للتقوى)... وما احوجنا بأن نكون من المقربين لتقوى الله عز وجل وننال رضاه🙏
أنا واحد من ابناء هذه المدينة أترجاك أن تسامح... وكل ساكنة مدينتنا الحبيبة ترجوك بأن تسامح...
سامح لأنك محتاج لهذه المسامحة... سامح أخي لأننا غدا قد نخطئ ولن نجد من يسامحنا🥹😭
سامح سامح سامح ما ذمت في الدنيا... وجزاك الله خير الجزاء🤲🤲 لا تنسى أننا مقبلين على شهر شعبان ورمضان شهر الغفران🙏

16/01/2025

بعيدا عن الأمور المتعلقة بالقوانين لأنه مهما كان فهذا الرجل تجاوز كل مراحل القسوة... وإنما بغيت نتكلم عن الفطرة السليمة التي خلقها الله فينا... تخيل معي بأن طفلة ملاك. ترى امها في حْطر عظيم والصْرب ينزل على رأسها بالعصى ومع ذالك لم تهرب او تبتعد.. بل ذهبت لتدافع عن أمها في مشهد يدمي القلب... وحتى الأم المسكينة.. كان بإمكانها وبالجهد الذي أعطاها الله ان تنهي حياة العجوز... ولكنها فضلت أن تحمي ابنتها وأن لا ترتكب جرما يرميها في السجون لتكبر إبنتها بدون حضن الأم💔 انا أقسم لكم بالله الذي لا رب سواه منذ أن شاهدت الفديو ونفسيتي تحت الصفر😥
ماكرهتش كيفما تبرطاجا الفديو ديالهم وهم في قمة المعاناة والسبب على ما سمعت كان من أجل دفع مستحقات الكراء للعجوز.. يتبرطاجا هذ المنشور.. وكاملين بنا نقصدو هذه الأم وطفلتها نقدرو نشريو لهم دار.. الجماعة كاتعني واحد وواحد ماكايغنيش الجماعة يد الله مع الجماعة.. كلشي عند الله قريب... نفتح لها حساب في البنك إذا ماكانش عندها الحساب... يدوزو لها الفلوس بإسمها مع الإعلان عن الرقم الذي توصلت به وتشري دار تفرح ذاك الطفلة ونجبرو بخاطرهم ونغنيوهم عن دل الشمايت وقهرة الحكارة😭😭....
كاملين بنا نعملو يد فيد نجيبو رقم الهاتف ديالها ونتاصلو بها مباشرة من غدا تصبح ف دارها... وذاك الطفلة من هذ اللحظة هي طفلتنا أجمعين☝️🙏🙏 الله تعالى يفرحهم يارب...
القلب والنفسية عالم بهم غير الله والله💔 التكركيبة ديال ذاك الملاك ف الدروج والله مابغات تزول لي من قبلت عيني 😭

14/01/2025

يوصيكم الله في أولادكم
🥰 بالخط المغربي😍

12/01/2025

العمر كايطير البارح وهو الإثنين ودب صابح الإثنين... وأي ثانية تنقص من عمرنا المستحيل ترجع... كل يوم كايموت لنا من حياتنا وحنا كاع مامسوقين... الاجداد ديالنا والوالدين ديالنا ماكانوش عندهم إمكانيات متوفرة الي غادي تسهل عليهم مشقة الحياة... ومع ذالك كانوا ملتزمين بصلاتهم وكانو كاينعسو في وقت مبكر وكايفيقو قبل صلاة الفجر باش يتوضاو ويصليو صلاة الفجر دون تعب. يعني كايكون عندهم وقت النوم مضبوط.. مور صلاة الفجر يبدأ العمل والإجتهاد من أجل كسب قوت يومهم... كانو كايخبعو شي بركة للزمان وكايصرفو الي كتب الله... وفاش كايبداو يبنيو السكينة ديالهم باش يعيشو فيها كايبنيوها ياجورة بياجورة باش يسترو ووليداتهم.. وبداو الحياة غير بالشماع والفنار ولي ميسر فيهم عنده البوطة كايضوي بها والما ماكاينش كايسقيو غير من العين وسبيلة...
رغم قلة الإمكانيات كانت التربية الحسنة. ممنوع الصغير يرفع صوتو على الكبير.. وممنوع الاستاذ او الفقيه شي تلميذ يزعم عليهم او يضسر عليهم.. او تشوف الاب او الأم هاجمين على المؤسسة حيت الاستاذ او الفقيه ضرب ولدهم من اجل مصلحته...
وكان كل واحد معمر وقته باشياء واقعية... والرجل الي هو رجل كايفضل الموت على انه يقدم لك الزوجة ديالو تسلم عليها...
وكان القدوة ديالنا هو واحد حامل لكتاب الله او شي عالم اختارع شي حاجة... اليوم رجع القدوة هو واحد كايصور لنا مراتو وواحد كايخسر الكلام... ولد الناس من عائلة فقيرة الأغلبية كايضغطو عليه نهار كايقصد شي دار ناوي الحلال وكايكثرو عليه الأسئلة... وفاش كايكون شي واحد منحرف من اسرة غنية مفشش وخ يكون كايعمل العجب كايقولو دب يهديه الله... وفي الختام كانقول لجميع الشباب خدمو على راسكم الخوت توكلوا على الله صليو صلاتكم وركزو على الرضى ديال الوالدين الربح منهم والخسارة منهم ولي عنده شي ختو يتهلا فيها ويتقرب منها يشوف شنو عندها شنو ناقصها راه غير بالكلمة الطيبة والحنان تقدار تفاجي عليها وتحيد عليها خوف وهموم الدنيا... والرجل كيف ما كان الحال كايبقى رجل رغم مصاعب الحياة... وحاولو ما امكن تعملو بالأسباب وتغيرو من الواقع والأساليب والاشخاص السلبيين الي كايتشفاو فيكم وكايتمناو ديما يشوفوكم لتحت لتحت... وحتى اصحاب الضحكة الصفراء والتصنع والتظاهر بالمحبة وفي قلبهم حقد وغل ما هم ببالغيه... بدلو كلشي وقصدو طريق الله وشوفو كيفاش ربي غادي يفتحها في وجوهكم☺️💐

10/01/2025

شحال من قلب يستاهل هذ العمل❤️☺️ فاش تعمل قلب مشي لأول تعليق تشوف التفاصيل🕊️🥰

05/01/2025

أتقدم بجزيل الشكر والتقدير لمديرية الثقافة بتطوان، ممثلة في شخص المدير الإقليمي السيد العربي المصباحي والأستاذة الفاضلة فاطمة العسري، على دعوتهم الكريمة لتأطير ورشة للخط العربي لفائدة تلاميذ ثانوية الإمام الغزالي بتطوان، وذلك بمناسبة عيد الكتاب في آخر شهر من سنة 2024.
لقد كانت تجربة مميزة ومثمرة، أفتخر بالمشاركة فيها، مع أطيب التحيات لهذا الحدث الثقافي الراقي. كما أثمن الاحترافية العالية والتعامل المتميز من طرف المديرية الإقليمية لقطاع الثقافة بتطوان. شكرًا على دعمكم وتشجيعكم الدائم للفن والثقافة."

02/01/2025

رحلة عمل قصيرة للعاصمة العلمية مدينة فاس🥰

01/01/2025

بقلمي البسيط على الجلد.. قسم المحامي☺️ كيف جات

Address

شارع بتطوان
Tétouan
محمدالخامس

Telephone

+212694437353

Website

http://yassine.bensbihe.1N/

Alerts

Be the first to know and let us send you an email when الخطاط ياسين بنصبيح posts news and promotions. Your email address will not be used for any other purpose, and you can unsubscribe at any time.

Videos

❤️❤️🙏

ردا على الاخ أسامة في موضوع المدونة الجديدة

إلى أي واحد كايحاربني فهذ المدينة👍 ديما معلي راية البلاد ومشرف مدينتي ب 0 دعم من أي مسؤول يتغنى بالسياحة والصناعة التقليدية والفن والثرات المغربي الأصيل ... الوقت الي عندنا مسؤولين كايتجاوبو مع أصحاب التأثير الأعمى لعدد ارقام متابعيهم عبر مواقع التواصل... أنا خدام في الخفاء بمجهود فردي احافظ على ثراث بلدي الحبيب وأقوم ببناء حضارة في عالم الخط المغربي وأسراره... لأشرف بلدي الحبيب عامة ومدينتي الحبيبة على وجه الخصوص🕊️