23/07/2021
مريم : جابت فالباك 18 (تخصص علمي)
مهدي : جاب 11 (تخصص أدبي)
مريم : دخلات لكلية الطب.
مهدي : دخل لكلية الحقوق.
كل واحد تقاتل حتى تخرج : مريم طبيبة جراحة، و مهدي محامي.
فيوم من الأيام كانت مريضة كتعالج عند مريم، و حالتها ولات خطيرة، و دخلوها لغرفة العمليات و هي تموت، و اتاهمو الدكتورة مريم بالإهمال الطبي.
مهدي تولى الدفاع على مريم، و قدر يربح القضية، و تبت العكس، انها دارت كل جهدها باش تنقذ المريضة، و لكن الموت انتاصر، و ما دارت حتى خطأ طبي.
مهدي بمعدل 11 نقذ مريم اللي المعدل ديالها 18
المغزى أصديقي ما كاينش شي حاجة سميتها تخصص فالقمة و تخصص فالقاع، تكون لي بغيتي تكون ضروري غاد تحتاج واحد قل منك فالمعدل.
قيمة الإنسان ما كتقاسش بالشهادة و لا المكانة ديالو العلمية.
و ما عمر المعدلات غاد تحدد حياتك كيف كيتصور الجميع، المجهود و الإبداع لي درتي هو لي غاد يحدد حياتك و نجاحك.
#منقول