31/01/2025
هاد النوع ديال لماطر كيكسبوه اصحاب اللعاقة كتلقا في الكونتور من 220حتال 300 وفي الغالب مولاه كيمشي ب40حتال80الى داز من حداك تقدر ماتسمعش صوتو،في الجانب الآخر كاين واحد النوع ديال لمزاليط كيشري c90 غير بالجقير ماكتفوتش 60كلم كيبقى يبوعر فيها حيد هادي ركب هادي باش يولي يشد120 وفين كيمشي بهاد 120 وسط الدروبا وقدام المدارس كتلقاه فارع الشاكمة وباش يفرع لبنادم راسو ويتير الانتباه ومكيفكرش في المرضى والاطفال الصغار لي ناعسين والناس لي خدامين الليل ومكيفكر انه كل مرة كيدوز كيجمع دعوي البلاء ونعلة الوليدين وهادشي حتما غيخرج فيه ويجيب الربحة مع شي رموك ولا بوطو الله يجعل السلامة،نصيحة اي واحد عندو موطور فارع ليه الشاكمة كنقول ليه اتقي الله في نفسك وفي الناس وأي واحد عندو ولدو فارع الشاكمة يفرض عليه يغيرها دعاوي لبلا راها صعيبة وكتخرج الله يستر.( هده الصورة الا للإشارة ـواثارة الانتباه الموضوع الدي له أهمية كبيرة ..لتحسين سلوك الناس و المراهقين الدين يقلقون راحة الناس في الطرق والشوارع)
