11/08/2019
السرطان الأبيض أو الكيس المائي و العيد الكبير
الكيس المائي مرض كايسببو نوع من les parasites المسماة بالدودة الشريطية أو Echinococcus Granulosus. هاد النوع من les parasites تاتصيب بالأساس الكلاب، بحيث أن نصف الكلاب الضالة تاتعتابر حاملة للهاد النوع من المرض.
كايتم النقل ديالو للإنسان إما عن طريق اللمس أو ملي تايقوم الحيوان الحامل للمرض بالتبول أو البراز على حقول الزراعية من خضر و فواكه، و هنا المحصول الزراعي تايتصاب بدورو بالمرض و كاينتاقل للإنسان بعد تناوله.
كيما يقدر ينتاقل للأي حيوان آخر و هنا كانهضروا على الخروف و بالخصوص خروف العيد. فهاد الدودة الشريطية كاتقوم بتكوين فقاعة أو كيس عامرة بالماء (kyste hydatique) في الكبد و الرئتان أساسا و فمراحل متقدمة من المرض تقدر تصيب الدماغ، الغدة الذرقية و أعضاء آخرين..
هنا بعد ذبح أضحية العيد يجب مراقبة الكبد و الرئتان و السقط عموما واش كايتضمن أكياس مماثلة لموجودة بالصورة و لو بحجم صغير. في حالة وجود كيس مائي هنا احتمال أن الاضحية ديال العيد ديالك تكون مصابة بالسرطان الابيض او الكيس المائي كبير و كبير جدا و يقدر ينتقل المرض ادا تم تناول الاعضاء المصابة و اخص بالدكر الكبد والرئة.
في هذه الحالة خص تدفن الاعضاء المصابة و تكب عليهم ماء الجير و ماشي مجرد تلوحهم ، لان يمكن يتغذى عليهم شي كلب في الزنقة و يتنقلوا المرض .
و أعراض الكيس المائي بالنسبة للانسان تاتبان فمراحل متقدمة من المرض و عندها علاقة فاش تاتكبر الاكياس و تاضغط على الاعضاء المجاورة و تقدر تصطاحب الكحة و الكحة بالدم ، صعوبة في التنفس فاش تاتكون المرض اصاب الرئة، و بوصفير ، الحكة و اعراض اخرين الى اصابت الكبد.
عيد مبارك سعيد و المرجو المشاركة لتعم الفائدة .
