25/06/2023
هدشي خاص بتلاميذ ديال الأولى باك
الفرق بين مسلكي العلوم الرياضية (أ) و (ب)
** أولاََ من حيث الدراسة :
من حيث الدراسة فراه بجوج عندهوم نفس المواد و نفس دروس و نفس المعاملات و كيدوزوا نفس الإمتحان الوطني
ولفرق لي كاين
أن SMA عندهوم مادة علوم الحياة و الأرض و معامل ديالها فالوطني 3
و SMB عندهوم مادة علوم المهندس بالفرنسية و المعامل ديالها فالوطني 3
إذن SMB مكيقراوش مادة علوم الحياة والأرض و كيقراو بلاصتها مادة علوم المهندس
** بالنسبة الأفاق
/*/ تقرباََ أغلب المدارس كيعتمدوا نفس معدل الإنتقاء بحال ENSA و ENSAM و ENCG و CPGE و BTS و EST
/*/ تميز لي كاين عند SMB هوا يقدوا يدفعوا الهندسة الميكانيكية و الكهربائية لي هوما كيتعتبروا ديال شعبة العلوم و التكنولوجيا مثال شعبة تقنيات الكهرباء بشهادة التقني العالي في BTS لي يمكن يدفعوا ليها SMB و ميمكنش يدفعوا ليها SMA
/*/ تميز لي كاين عند SMA كتكون عثبة الإنتقاء ديال ENAM و APESA و EST(Branche boi ) قل بشويا تقرباََ (ما بين 0.2 و 0.7) على SMB
ولكن في حالة كنتي SMB و بغيتي تدفع لطب ولا لشي مدرسة فيها فالكونكور مادة علوم الحياة و الأرض فراه خاصك تقراها بوحدك قبل المبارات
إذن إلا كنتي باغي الطب فراه من الأحسن SMA هذشي إلا كنتي بغيتي تكمل SM فالباك
أما إلا بغيتي الهندسة الكهربائية و الميكانيكية و المعمارية فراه من الأحسن SMB
أما هد العام كيبان ليا غدي تكون هجرة كبيرة من SM ل PC و SVT (المهم هذ الموضوع غذي نتكلم عليه)
و كملاحظة رآه SMB مكتكونش فكاع ثانويات حيت رآه كيمشي ليها غير لقليل أما الأغلب كيمشوا SMA
هذشي لي كاين و لي عندوا شي سؤال أخر يخليه فتعاليق
و لي SMA و لا SMB فالباك يخلي نصائح لتلاميذ لي بغاو يديروا شعبة ديالوا و شكراََ
صفطوا لصحابكوم كاملين يستافدوا