سكراب نيلة،سكراب العكر فاسي، كريمات طبيعية,مخمرية للجسم مخمريةجسم،ماسكات, تحاميل، اللحسة الصحراوية،
18/11/2023
ﻣﻦ ﻧﻬﺎﺭ ﺗﺰﺍﺩﻳﺖ ﺣﻠﻴﺖ ﻋﻴﻨﻴﺎ ﻑ ﺑﺎ ﺑﻮﺣﺪﻭ ﺣﻴﺖ ﻟﻮﺍﻟﻴﺪﺓ ﺩﻳﺎﻟﻲ ﻣﺎﺗﺖ ﻭﻫﻲ ﻛﺘﻮﻟﺪﻧﻲ ﻓﺎﻻﻭﻝ ﻣﻜﻨﺘﺶ ﻛﻨﺴﺘﻮﻋﺐ ﻫﺎﺩ ﺍﻟﻘﺼﺔ ﻭﻟﻜﻦ ﻣﻠﻲ ﻛﺒﺮﺕ ﺑﺪﺍﺕ ﻛﺘﺤﺮﻗﻨﻲ ﻓﻘﻠﺒﻲ ﺍﻧﻨﻲ ﻛﻨﺖ ﺍﻟﺴﺒﺐ ﻓﻮﻓﺎﺓ ﺍﻟﻮﺍﻟﺪﺓ ﺩﻳﺎﻟﻲ ﻣﺎﺗﺖ ﻫﻲ ﻭﻋﺸﺖ ﺍﻧﺎ ﻭﺷﺤﺎﻝ ﻣﻦ ﻋﻴﺸﺔ ﻛﺘﺸﺒﻪ ﻟﻤﻮﺕ ﻭﺷﺤﺎﻝ ﻣﻦ ﻣﻮﺕ ﻛﻴﻜﻮﻥ ﺷﻲ ﻣﺮﺍﺕ ﺣﻴﺎﺓ .. ﺷﺤﺎﻝ ﺻﻌﻴﺐ ﺗﺘﻌﺮﻑ ﻋﻠﯽ ﻣﺎﻣﺎﻙ ﻏﻴﺮ ﻓﺎﻟﺘﺼﺎﻭﺭ ﻭﻣﻴﻜﻮﻥ ﻋﻨﺪﻙ ﺣﺘﯽ ﻓﻜﺮﺓ ﺍﻭ ﺫﻛﺮﯼ ﻣﻌﺎﻫﺎ ﻏﻴﺮ ﻛﻴﻌﺎﻭﺩﻭﻟﻚ ﻋﻠﻴﻬﺎ ﻭﻛﻴﻘﻮﻟﻮﻟﻚ ﺍﻧﻬﺎ ﻛﺎﻧﺖ ﺟﻤﻴﻠﺔ ﺳﺒﺤﺎﻥ ﺍﻟﻠﻲ ﺻﻮﺭﻫﺎ ﻭﺍﻧﻚ ﻛﺘﺸﺒﻬﻴﻠﻬﺎ ﺑﺰﺍﺍﺍﻑ ﻛﻞ ﻭﺣﺪﺓ ﻛﺘﺮﺑﻄﻬﺎ ﻋﻼﻗﺔ ﺯﻭﻳﻨﺔ ﺑﺎﻻﻡ ﺩﻳﺎﻟﻬﺎ ﺍﻭﻝ ﻭﺣﺪﺓ ﻛﺘﻔﻜﺮﻱ ﻓﻴﻬﺎ ﻣﻨﻴﻦ ﻛﺘﻜﻮﻧﻲ ﻓﺮﺣﺎﻧﺔ ﺍﻭ ﻣﻌﺼﺒﺔ ﺍﻭﻝ ﻭﺣﺪﺓ ﻛﺘﺠﺮﻱ ﻋﻨﺪﻫﺎ ﺗﺨﺒﻌﻲ ﻣﻮﺭﺍﻫﺎ ﺍﻭﻝ ﻭﺣﺪﺓ ﻛﺘﻌﻴﻄﻴﻠﻬﺎ ﻣﻠﻲ ﻛﻄﻴﺤﻲ ﺍﻭ ﻛﺘﺠﺮﺣﻲ ﻣﺎﻣﺎ ﻫﺎﺩ ﺍﻻﺳﻢ ﻋﻤﺮﻱ ﻋﻴﻄﺖ ﺑﻴﻪ ﻭﺳﻤﻌﺖ ﻧﻌﻢ ﺍﺑﻨﺘﻲ ﻭﺷﺤﺎﻝ ﻋﻴﻄﺖ ﺑﻴﻪ ﻭﻣﺴﻤﻌﺖ ﻭﺍﻟﻮ ﺷﺤﺎﻝ ﺩﺍﺯ ﻣﻦ ﻋﻴﺪ ﻭﺍﻟﺒﻨﺎﺕ ﻣﺎﺷﻄﻴﻦ ﺷﻌﺮﻫﻮﻡ ﻭﺧﺎﺭﺟﻴﻦ ﺷﺎﺩﻳﻦ ﻓﻴﺪﻳﻦ ﻭﺍﻟﻴﺪﻳﻬﻢ ﻭﺍﻧﺎ ﻛﻨﺸﻮﻑ ﻓﻴﻬﻢ ﻣﻜﻨﺘﺶ ﻛﻨﺤﺴﺪﻫﻢ ﻭﻟﻜﻦ ﻛﻨﺖ ﻛﻨﺘﻤﻨﯽ ﻏﻴﺮ ﺍﻟﻨﺺ ﻓﺪﻳﻚ ﺍﻟﺸﻲ ﺍﻟﻠﻲ ﻋﻨﺪﻫﻢ ..ﻛﺒﺮﺕ ﻳﺘﻴﻤﺔ ﺍﻻﻡ ﺍﻧﺎ ﻭﺑﺎ ﻓﺒﺮﺍﻛﺔ ﻓﻄﻨﺠﺔ ﺑﺮﺍﻛﺔ ﺻﻐﻴﺮﺓ ﻭﺿﻴﻘﺔ ﻭﻟﻜﻦ ﻛﺎﻧﺖ ﻛﺒﻴﻴﻴﻴﺮﺓ ﻓﻌﻴﻨﻲ ﺣﻴﺖ ﺗﺮﺑﻴﺖ ﻓﻴﻬﺎ ﻋﻠﯽ ﺍﻟﻘﻨﺎﻋﺔ ﺑﺎ ﻛﺎﻥ ﺭﺍﺟﻞ ﻋﺼﺎﻣﻲ ﻋﻠﯽ ﻗﺪ ﺍﻟﺤﺎﻝ ﺗﺰﻭﺝ ﻫﻮ ﻭﺍﻟﻮﺍﻟﺪﺓ ﻭﺧﺪﺍﻭ ﻫﺎﺩ ﺍﻟﺒﺮﺍﻛﺔ ﻭﻋﺎﺷﻮ ﻓﻴﻬﺎ ﻋﺎﻣﻴﻦ ﻛﺎﻥ ﻛﻴﻌﺎﻭﺩﻟﻲ ﺩﺍﻳﻤﺎ ﺑﺎﻟﻠﻲ ﺣﻴﺎﺗﻮ ﻛﻠﻬﺎ ﻛﺘﺨﺘﺼﺮﻫﺎ ﻋﺎﻣﻴﻦ ﺩﺍﺯﺕ ﺭﺍﺋﻌﺔ ﺧﻼﻗﻴﺖ ﻓﻴﻬﺎ ﺍﻧﺎ ﻭﻣﺎﺗﺖ ﻣﺎﻣﺎ ﺑﺎ ﻣﺘﺰﻭﺟﺶ ﻭﻛﺎﻥ ﻛﻴﻘﻮﻝ ﻟﻠﻨﺎﺱ ﺍﻥ ﻣﻨﺪﺧﻠﺶ ﻟﻤﺮﺍ ﺍﻟﻠﻲ ﺗﻜﺮﻓﺲ ﻋﻠﯽ ﺑﻨﺘﻲ ﻭﻛﺎﻥ ﻗﺎﻳﻢ ﺑﺪﻭﺭ ﺍﻻﺏ ﻭﺍﻻﻡ ﻭﻟﻜﻦ ﻣﻠﻲ ﺩﺭﺕ 15 ﻟﻌﺎﻡ ﻣﺮﺽ ﺍﻟﻮﺍﻟﺪ ﺩﻳﺎﻟﻲ ﻭﺻﺤﺎﺑﻮ ﻭﺍﻟﺠﻴﺮﺍﻥ ﻧﺼﺤﻮﻩ ﺑﺎﺵ ﻳﺘﺰﻭﺝ ﺷﻲ ﻣﺮﺍ ﺍﻟﻠﻲ ﺗﻜﻮﻥ ﺑﻴﻪ ﻭﺑﺎﻟﺒﻨﺖ ..ﻭﺗﺰﻭﺝ ﺑﺎ ﻣﻦ ﻣﺮﺍ ﻛﺎﻧﺖ ﻓﺎﻻﻭﻝ ﻣﺰﻳﺎﻧﺔ ﻭﺷﻮﻳﺔ ﺑﺸﻮﻳﺔ ﺑﺪﺍﺕ ﻛﺘﺒﺪﻝ ﺑﺪﺍﺕ ﻛﺘﻌﻴﻄﻠﻲ ﻏﻴﺮ ﻟﻤﺴﺨﻮﻃﺔ ﻗﺘﻠﺘﻲ ﻣﺎﻣﺎﻙ ﻭﺑﺎﻏﺎ ﺗﻘﺘﻠﻴﻨﻲ ﻛﺎﻧﺖ ﻟﻤﻌﺎﻣﻠﺔ ﺩﻳﺎﻟﻬﺎ ﻟﻴﺎ ﺧﺎﻳﺒﺔ ﻭﺗﻤﺎ ﻋﺮﻓﺖ ﻣﺰﻳﺎﻥ ﺷﻨﻮ ﻣﻌﻨﯽ ﺯﻭﺟﺔ ﺍﻷﺏ ﻭﺷﻨﻮ ﻣﻌﻨﯽ ﺗﻜﻮﻧﻲ ﻳﺘﻴﻤﺔ ﻭﺗﺠﻲ ﻣﺮﺍ ﻏﺮﻳﺒﺔ ﺗﻌﺎﻣﻠﻚ ﻓﺤﺎﻝ ﺷﻲ ﺧﺪﺍﻣﺔ ﻛﻨﺖ ﻛﻨﻘﺮﺍ ﻓﺎﻟﺴﺎﻧﻜﻴﺎﻡ ﺩﻳﻚ ﻟﻌﺎﻡ ﻭﻛﻨﺖ ﻣﺘﻔﻮﻗﺔ ﻓﺎﻟﻠﻐﺔ ﺍﻟﻌﺮﺑﻴﺔ ﻛﺎﻥ ﺍﻻﺳﺘﺎﺫ ﺍﻟﻠﻲ ﻛﻴﻘﺮﻳﻨﺎ ﺍﻭﻝ ﻋﺎﻡ ﺑﺎﺵ ﺑﺪﺍ ﻳﺨﺪﻡ ﺑﺎﻗﻲ ﺻﻐﻴﺮ ﻭﺿﺮﻳﻒ ﻭﻳﺘﻌﺎﻣﻞ ﻣﻌﺎﻳﺎ ﻣﺰﻳﺎﻥ ﻣﻜﺎﻧﻮﺵ ﻋﻨﺪﻱ ﺻﺤﺎﺑﺎﺕ ﺣﻴﺖ ﺍﻧﺎ ﺑﻨﺖ ﻟﺒﺮﺍﺭﻙ ﻭﺗﺎ ﻭﺣﺪﺓ ﻣﻜﺘﺒﻐﻲ ﺗﺼﺎﺣﺐ ﻣﻌﺎﻳﺎ ﻭﺍﺣﺪ ﺍﻟﻨﻬﺎﺭ ﻛﻨﺖ ﻭﺍﻗﻔﺔ ﻓﺎﻟﺴﺎﺣﺔ ﺩﺍﻟﺜﺎﻧﻮﻱ ﺣﺘﯽ ﺳﻤﻌﺖ ﺷﻲ ﺣﺪ ﻛﻴﻌﻴﻄﻠﻲ ..ﺩﻋﺎﺀ .. ﺩﻋﺎﺀ....يتبع
ماتنساوش ديرو جيم ومتابعة لصفحة باش يوصلكم الجديد ❤️
