25/03/2024
AYITI pou AYISYEN. Pa gen lòt peyi kap vi n chanje AYITI pou nou, se nou menm pitit tè a ki pou mete nou ansanm pou chanje sitiyasyon lakay.
Malerezman nou plis kwè nan viv chen manje chen an tout kote nou pase, sa yo rele inyon an pa genyen l lakay nou. Nou vann konsyans nou avèk yon ekip nèg ki wè enterè pèsonèl olye de peyi pou 1000 goud.
Nou plis kwè nan depi se pa ekip pa m li pa bon. Chak jou k ap pase se plis n ap rayi frè n ak sè n pou sa yo posede. Nou plis rejwi nan malè frè n ak sè n yo olye de siksè yo. Nou toujou prè pou akize TONTON SAM, olye nou trase yon ekzanp sou swadizan lidè nou yo, pou sa kap vini pran men yo. Nou mechan avèk tèt nou.
Anfen, depiw pa gen valè nan zye paranw, moun lakay ou, pa mete nan tèt nou ke moun deyò pral fèl.
Li lè pou nou viv byen lakay nou, ann mete rayisman, jalouzi, mechanste de kote, men ini nou pou yon nouvèl AYITI knsa lòt peyi a sispann imilye nou.