يومين المطر 🌧️والغدران مشيناه في البر والسفرتح ورفعنالهم فطيمة 15 الكيلو ، مشاهدة ممتعة للجميع 🔥
الحمدلله ، هذا فضل الله علينا 🤲
جمعتكم طيبة ❤️ ، فطور الجمعة الشتوي .
الحمدلله الذي اطعمني هذا ورزقنيه من غير حول مني ولا قوة 🤲
فطور 3 اشخاص بـ 150 دينار ديب ان ديب 📍حـي الاندلس - طريق الشط الجديده ..
يستقبل في عائلات وشباب .
الحمدلله الذي اطعمني تذا ورزقينه من غير حول مني ولا قوة 🤲
حاجة خدوجة 🇲🇦 فطيرة مغربية بالعسل (📍العنوان ) - النوفليين ، خاش للشارع حلويات الملكة وبعد محل الحلويات تلقا اول شارع يمين خش منه تمشي شوي يجيك مركز اسمه
العرادي ، الحاجة مأجره فيه محل 2 متر في 2 متر ..
( توضيح اكثر) ! جزيرة فشلوم وماشي للجزيرة الدهماني اول4 شوارع بعد جزيرة فلشوم خش منهم يمين هذا شارع حلويات الملكة
الفطيرة بالعسل 4 دينار
الفطيرة سادة 2.5 دينار
وشاي اخضر نسيت سعره
الحمدلله الذي رزقني هذا من غير حول مني ولا قوة 🤲
رحلة 6 أيام في الجنوب الليبي 🇱🇾 ( كاف ⛰️الجنون - وادي تنزروفت - وادي تنسو ) صحراء 🐪 غات ، حدودنا مع الجزائر 🇩🇿
اللهم احفظ بلادي ليبيا 🤲 واصلح حالها واحفظها بحفظك التام
مقهي الزهور 1962 📍طرابلس - شارع إمحمد المقريف وانت نازل من ميدان الجزائر إلي سمافرو قصر الملك .من بعد صلاة الفجر يفتح جمعة او باقي الايام .زبادي طبيعي لوز وعسل 8 دينار بريوشة لوز وعسل 3 دينار بريوشة ريكوتا 4 دينار الحمدلله الذي اطعمني هذا ورزقنيه من غير حول مني ولا قوة 🤲
مشاوي الباجي خيمة وطاولة شن تحب انت 📍الزاوية - قبل سمافرو الزاوية تقريباً بـ 2 كيلو يجيك يسار ، لف على السيمافرو متع مدخل الزاوية وعاد الله راجع لطرابلس امشي مسافة 2 كيلو وركز يمين تلقا جنبه مجموعة خيم المطعم .
اجمالي الفاتوره للعشاء كامل 219 دينار شخصين ، ونقولك حتي 3 او 4 تسد الكمية .
الحمدلله الذي اطعمني هذا ورزقنيه من غير حول مني ولا قوة 🤲
الشريف 📍غوط الشعال ، من السريع دائري غوط الشعال ومتجه للسمافرو الصالات ، انت اول فتحة تلقاها لف وارجع منها و عاد الله راجع للسريع ثاني تمشي شوي يجيك يمين قبل الصيدلية اسمه الشريف مطعم صغير .
الوجبة المجمد 15 دينار و الوطني 18 دينار
الحمدلله الذي اطعمني هذا ورزقنيه من غير حول مني ولا قوة 🤲
مطعم قولدن تشيكن 📍شارع البطاطا - حي دمشق مابين كوبري المدار و سمافرو حي دمشق يجيك في صفة المطاعم يسار ( وفي نص الصفه ) .
وجبة 25 دينار سعر ممتاز وكزيوني
الحمدلله الذي اطعمني هذا ورزقنيه من غير حول مني ولا قوة 🤲
مطعم السفير الهندي 📍فرع شارع البلدية ، خلف فندق الكبير مباشرةً
المكان وسع اكثر والاجوء لي فيه ممتازه جداً ، خدمات ممتازه ، والمذاق علي حسب الصنف هذا رايي ❤️..
الحمدلله الذي اطعمني هذا ورزقنيه من غير حول مني ولا قوة 🤲
مطعم مادو 📍النوفليين - الطريق الرابط بين جزيرة فشلوم وسمافرو الهاني ( خلي جزيرة فشلوم خلفك وعاد الله متجه 4 شوارع المستوصف ، يجيك قبلهم ع يسار والاقرب لجزيرة فشلوم .
خدمات ممتازه اكل جيد جداً اسعار نهارك لي تدور فيه 😂 .
الحمدلله الذي اطعمني هذا ورزقينه من غير حول مني ولا قوة 🤲
حساب متخصص لمطاعم طرابلس � ، تغطيه لجميع المطاعم والكافيهات و و تقديم ريفيو متكامل
