https://www.facebook.com/103213709473555/

Rjmediaaa

Home
Libya
Tripoli
Rjmediaaa

د.أماني

Dentist , vlogger , Vfx artist , 3D modeler & film maker
(1)

01/01/2025

شن صاير في عين زاره ؟؟ هلبا الأصوات ان شاءالله عرس وخلاص
الله يحفظ الجميع

01/01/2025

من ضر شخص واحد بقلب بارد أصبح خطير علي مئة شخص تاني أو ممكن حتي أكثر 🤷‍♀️
ومن جاك تكلم عليا اليوم أمس كان عندي يتكلم عليك 😶
ومن جاني قالي فلان قال عليك مش عارفه من أحرف فلان أو هوا
لان في من قال وفي من سمح وسمع وجاي يعاود بكل فخر 🫣

غير كان كل حد يباعد خشمه من حياة غيره وإلتهي في نفسه راهو حتي الزكمه معاش جاته ، نقصو القيل والقال واستغلو الوقت الضايع هذا باش تتقربو من ربي بدل متعصوه باللي قلناه فوق لانه كله يندرج تحت مسمي الفتنه والنميمة
وباش تستغلوه حتي ترتقو بنفسكم وتتعلمو حرفين تفيدو بيه نفسكم وغيركم بدل مضروهم 🙆‍♀️

من يبي طويسة شاهي منعنه ميما الله يرحمها تقول جيبو الشاهي واتجي معاه الدوه😅 لكن دوه فايده اهم شي مش تقطيع وتريش

وخليكم ديما منورين 💜

31/12/2024

الليله يبدأ أول أيام شهر رجب ان شاءالله 💜
أول رجب 2025 /1/1
أول شعبان 2025 / 31/1
أول رمضان 1/3/2025
و رجب من الاشهر الحرم اللي ذكرهم الله سبحانه
اللهم بلغنا رمضان 🤲

31/12/2024

🌿 أحلي فطور لما نقعد في الحوش دحي بالسبانخ 🥚
صراحة من أحلي الإضافات للدحي مليانة فوائد وصحية جدًا 💪!
ومعاش طويسة شاهي أخضر فايحه

السؤال ليكم توا شن فطرتو وروني في تعليقات 📷

وتحبوا السبانخ ولا ما يمشيش معاكم؟

أو شنو تحبوا تضيفوا على البيض باش يكون أحلى؟

31/12/2024

صلاة الفجر يا أهل الفجر
فِرُّوا إلى اللهِ من خَيباتِ أنفُسِكُم
ما أقربَ اللهَ لا بابٌ ولا حُجُبُ 💜
و صلّو علي حبيبنا المصطفي عليه أفضل الصلاة والسلام

30/12/2024

هوت تشوكلت بأكثر طريقه صحيه للأطفال والكبار 💜🍫

فوايده أولها تحسين المزاج لأنه فيه "السيروتونين" 🙆‍♀️😍
وهو غني بمضادات الأكسدة اللي تساعد في مكافحة الجذور الحرة وحماية الجسم من الأمراض💯
الشوكولاتة الداكنة تساهم في خفض ضغط الدم وتحسين صحة الأوعية الدموية لانها تحتوي على الفلافونويدات🫀

وخليكم ديما منورين 💜

30/12/2024

قهوة العشية اليوم برعاية السنكرز الصحيه 🙆‍♀️💯
وأهم شي انها مش من بضاعه المقا.طعه وساهله وسريعه 🍉

تمشي للصغار لأنها كلها فايدة وفيتامينات ومعادن ومن غير مواد حافظه ولا زيت نخيل وغيره من سموم وتوا وقتها للامتحانات

وتمشي لجماعة الدايت طبعا ضروري التوازن وتكون ضمن سعراتهم اليوميه اني قسمتها طريفات بحيث كل طرف فيه 120 سعره لنفسي هكي يساعدني وكل حد حسب مايساعد نظامه
مرضي السكري و مقاومة الانسولين ممكن ياخدو منها لكن الكميه هيا اللي تحكم فلازم تكون كمية صغيره ويراقبو نفسهم

مع العلم إنه مثبت علميا إنه (مزج المكونات الغنية بالألياف والدهون الصحية (مثل اللوز وزبدة الفول السوداني) مع التمر يساعد في تقليل ارتفاع السكر المفاجئ

وسبحان الله رسولنا الكريم كان يحب التمر لدرجه انه قال لأمنا عائشة
صلى الله عليه وسلم : 《يَا عَائِشَةُ! بَيْتٌ لَا تَمْرَ فِيهِ جِيَاعٌ أَهْلُهُ》

يعني الفوائد اللي فيه تحتاج مية بوست 🙆‍♀️
أما زبدة الكاكاوية فيها صناعة ليبيه خالية من السكر والملح والزيوت

والشوكولاته فهي دارك نوع ممتاز خالي من السكر والحليب💜
واللوز وفوايدة في الشتاء بذات 🥶

وخليكم ديما منورين 💜

29/12/2024

💜

29/12/2024

الذي يعطش لن يسأل عن طهارة الماء

لما يكون عندك أبن أو إبنة كونو ليهم الحضن الحنين الدافي
مثلا زي قولت يا بنتي محلي جمالك الله يبارك علي أخلاقك و قولت يا وليدي يا حنين يا عبقري
سمعوهم كلام يشرح النفس ويعفها عن شياطين الانس

البشر كتلة مشاعر وديما محتاجين دعم نفسي بذات في مراحل معينه فالعطشان يدور باش يسد عطشه وخلاص مش مهم الميه تكون نظيفه أو وسخه أكرمكم الله
احني في وقت الله يعلم بيه قبل نخافو من مرافقة أصحاب السو
لكن توا ناس السو يجو لعندهم في الموبايلات والسوشال ميديا
ولحد الان مفيش رااااادع ليهم وللي ينشرو فيه

قال نبينا ﷺ قَالَ: الرَّجُلُ عَلَى دِينِ خَلِيلِهِ، فَلْيَنْظُرْ أَحَدُكمْ مَنْ يُخَالِل

كونو ليهم السند قولا وفعلا بس متنسوش وقت ااصح صح وقت الغلط غلط النهي عليه واجب بإنكم تصلحو الغلط معاهم مش تغطو علي الغلط وادسو مخافةً من الناس والشكليات الخ
قالت ميما الله يرحمها المدسوسه سايورها تعفن
لذلك إصلاح الغلط أهم من تغطيته وترقيعه

وخليكم ديما منورين 💜

29/12/2024

أكثر مشاكل الشتاء هيا المناعة تنزل وجفاف البشره والنكد 😡😱

وسبحان الله البطاطا الحلوه موسمها في الشتاء باش تحلنا هالمشاكل

● تقوي المناعة لأنه فيها نسبة عالية من فيتامين C وبيتا كاروتين (الذي يتحول إلى فيتامين A في الجسم)
وهادو ضروريات لدعم جهاز المناعة ومكافحة الأمراض 🩺

●ترطيب البشرة لان فيها فيتامين E والبيتا كاروتين💅🙌

●لأنها فيها المغنيسيوم فهي تساعد في تخفيف التوتر
وتحسين المزاج🥺🫂💜

أفضل شي تاكلوها مطبوخه أو مشويه سواء بروحها هكي أو في السلطات أو في الشوربات ونحاولو قدى الإمكان نقصو من الإضافات الغير صحيه من تشوكلت وسكر وكاسترد جي ف خاطركم جربو مره وخلاص لكن متعتمدوهاش بالطرق هذه 🙆‍♀️💜

28/12/2024

فقرة معلومه علي السريع مع فريق #دكتوربلس 🩺

27/12/2024

نشر الفساد علي منصات السوشال ميديا في بلادي أصبح جهراً وحتي يصفقوله ويديروله زفه وكان قلت كلمة حق يطلعوك جاهله ومش مواكبة التطور ..
اللهم زيد جهلي وجهل كل من يحاول يوقف هالمهازل ولو بكلمه
ولا نوصلو يوم نواكبو تطورهم

شن رايكم في طرحه قصدي (اوت فت) برج طرابلس😎
جمعتكم مباركه

26/12/2024

تعشيتو ولا مزال 🫣

26/12/2024

مارشميلو صحي ولذيذ 😁💜
المارشميلو معشوق الاطفال لازم الوصفه هذه تكون عند كل أم

26/12/2024

وإنتم كيف تحبو البطاطا الحلوه 🥔 توا وقتها وبقوه 🙆‍♀️💜
إكتبولي في التعليقات طريقتكم 💜

26/12/2024

#صلاةالفجر
يقول نبينا ﷺ" ركعتا الفجر خير من الدنيا و ما فيها".
يقول نبينا "من صلى الفجر فهو في ذمة الله عز و جل"

يقول نبينا ﷺ"لو يعلم الناس ما فى صلاة العشاء و صلاة الفجر لأتوها لو حبوا".

يقول نبينا ﷺ"من صلى البردين (العصر و الفجر) دخل الجنة".

يقول نبينا ﷺ "من صلى العشاء فى جماعة فكأنما قام نصف الليل، ومن صلى الفجر فى جماعة فكأنما أقام الليل كله".

قرآن الفجر تشهده ملائكة الليل والنهار .. قال الله تعالى:
"وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا"

الصلاة خير من النوم 💜 صلُّو علي الحبيب

26/12/2024

اللي ناض علي صوت البرق🌩 ادعو بدعاء رسولنا عليه أفضل الصلاة والسلام

"سبحان الذي يسبح الرعد بحمده والملائكة من خيفته"
ومتنسوش نفسكم وإدعو الله سبحانه وتعالي
حسبي الله ونعم الوكيل

25/12/2024

معاش فيها الا هكي مع السفنقري

Address

Tripoli

Website

facebook.com

Alerts

Be the first to know and let us send you an email when Rjmediaaa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rjmediaaa:

Videos

نزل عندكم ثلج أو لا ☃️❄️ إحني ثلجنا صناعة منزليه المهم ميقعدش في خاطر الصغار هبلوني وهما يسألو أمتي ينزل الثلج زي الرسوم 😅💜

😅😅

هوت تشوكلت بأكثر طريقه صحيه للأطفال والكبار 💜🍫 فوايده أولها تحسين المزاج لأنه فيه "السيروتونين" 🙆‍♀️😍 وهو غني بمضادات الأكسدة اللي تساعد في مكافحة الجذور الحرة وحماية الجسم من الأمراض💯 الشوكولاتة الداكنة تساهم في خفض ضغط الدم وتحسين صحة الأوعية الدموية لانها تحتوي على الفلافونويدات🫀 وخليكم ديما منورين 💜 #دكتوره_أماني